គន្លឹះបិទមិនឱ្យគេលុប ឬដំឡើង App ផ្តេសផ្តាស់លើ iPhone

November 24, 2017

ចែកចាយបន្ត 

Facebook

 

Twitter

 

 

តើលោកអ្នកឧស្សាហ៍បាត់កម្មវិធីលើទូរសព្ទ iPhone ឬ iPad ដោយមិនដឹងមូលហេតុ ឬជាឱពុកម្តាយដែលមានកូនតូចៗរពឹសដៃតែងសុំ iPhone លោកអ្នកលេងមែនទេ? បើដូច្នេះមែននោះ នេះគឺជាគន្លឹះដ៏មានប្រយោជន៍សម្រាប់លោកអ្នកហើយ។
មែនទែនទៅ ប្រព័ន្ធ iOS របស់ iPhone ជំនាន់ក្រោយៗ គឺមានភ្ជាប់មកជាមួយមុខងារ Restriction ដែលអាចជួយលោកអ្នកដោះស្រាយបញ្ហាខាងលើនេះបាន។

Restriction អនុញ្ញាតឱ្យលោកអ្នកបិទកុំឱ្យកម្មវិធីណាមួយនៅលើទូរសព្ទដៃលោកអ្នកត្រូវបានលុប ឬដំឡើងដោយគ្មានការយល់ព្រមបាន ដោយគ្រាន់តែចូលទៅកំណត់តាមវិធីដូចខាងក្រោម៖

1- ជាដំបូង សូមចូលទៅកាន់កម្មវិធី Settings -> General -> Restrictions នៅលើ iPhone/iPad លោកអ្នក
2- ប្រសិនបើលោកអ្នកមិនធ្លាប់ប្រើមុខងារ Restriction ពីមុន សូមចុចលើ Enable Restrictions នៅផ្ទាំងកម្មវិធីខាងលើ រួចដាក់លេខកូដសម្ងាត់ ៤ ខ្ទង់ ចំនួនពីរលើក។ បញ្ជាក់: លេខកូដនេះ គឺខុសពីលេខកូដដែលប្រើសម្រាប់ចាក់សោទូរសព្ទ។

3- បន្ទាប់មក ចុចលើកុងតាក់បិទលើមុខងារ Installing Apps និង Deleting Apps ដែលឋិតនៅខាងស្តាំវា។

4- បន្ទាប់ពីធ្វើដូចនេះហើយ ប៊ូតុងសញ្ញា x នឹងបាត់ចេញពីរូបតាងកម្មវិធីលើ Home Screen ដែលកម្រើកឡើងក្រោយពីមាននរណាម្នាក់ចុចជាប់លើផ្ទៃអេក្រង់ ហើយប៊ូតុង Delete App ក៏បាត់ស្រមោលពីកម្មវិធីនីមួយៗនៅខាងក្នុងកម្មវិធី Settings -> General -> Storage & Cloud Usage ផងដែរ។ ចំណែករូបតាងកម្មវិធី App Store ក៏បាត់ខ្លួនពី Home Screen និងមិនអាចស្វែងរកឃើញតាមមុខងារ Search ក្នុង Spotlight ទៀតដែរ៕

Read More

ធុញនឹង iPhone ខ្លួនចេះតែលោតឱ្យ Update ប្រើវិធីនេះទៅ!

ប្រិយមិត្តដែលប្រើប្រាស់ទូរសព្ទ iPhone ក៏ដូចជា iPad ប្រហែលជាមានការធុញទ្រាន់ចំពោះការលោតចេញសារដំណឹងម្តងហើយម្តងទៀត ឱ្យធ្វើការ Update កម្មវិធីផ្សេងៗហើយ! បើដូច្នេះមែន លោកអ្នកគួរតែបិទវាចោលទៅ ព្រោះវាមិនត្រឹម​តែ​រំខានប៉ុណ្ណោះទេ ប៉ុន្តែ ក៏ធ្វើឱ្យខាតទំហំទិន្នន័យអិុនធើណែត ស៊ីថាមពលថ្ម និងទូរសព្ទដើរយឺត (សម្រាប់ iPhone ស៊េរីចាស់ៗ) ថែមទៀតផង។

ដើម្បីបិទកុំឱ្យវាលោតចេញ​ Update ស្វ័យប្រវត្តិបែបនេះ លោកអ្នកគ្រាន់តែចូលទៅកាន់កម្មវិធី Settings -> iTunes & App Store រួចនៅខាងក្រោម AUTOMATIC DOWNLOADS សូមចុចកុងតាក់បិទលើ Apps និង Updates ជាការស្រេច៕

Read More

យល់ដឹងពី Option របស់រថយន្ត Prius ដែលអ្នកលក់មួយចំនួន មិនដែលប្រាប់ការពិតដល់អ្នកទិញ

រថយន្ត Toyota Prius គឺជារថយន្តដ៏ពេញនិយមមួយនាពេលបច្ចុប្បន្ន ព្រោះរថយន្តប្រភេទនេះ ស៊ីសាំងតិច និងមានបច្ចេវិទ្យាទំនើបៗជាច្រើនថែមទៀតផង។ ទន្ទឹមនឹងភាពពេញនិយមនេះ ធ្វើអោយអ្នករកស៊ីលក់រថយន្តនាំគ្នា នាំចូលរថយន្តប្រភេទនេះមកកាន់ទីផ្សារកម្ពុជាកាន់តែច្រើនឡើងៗ ប៉ុន្តែចំពោះអ្នកទិញភាគច្រើនមិនទាន់យល់ច្បាស់ពី Option របស់រថយន្ត Prius អស់នៅឡើយទេ។

រថយន្ត Prius ចាប់ពីឆ្នាំ 2004 ដល់ 2009 មាន Option ចំនួន ៤ ប្រភេទផ្សេងៗគ្នាដូចជា៖

Base Option ៖ Option ប្រភេទនេះគឺជា Option ធម្មតាបំផុតរឺហៅថា ស្តង់ដា ដោយមានត្រឹមតែ Power ប៊ូតុងមួយប៉ុណ្ណោះសំរាប់បញ្ឆេះ រឺ ពន្លត់ម៉ាស៊ីនរថយន្ត ដោយប្រើប្រាស់ តេឡេ ដើម្បីដាក់ចូលក្នុងចន្លោះក្រោមចង្កូត។

Base Option Smart Key៖ វាជាប្រភេទ Option ទី២ ដែលមានបំពាក់ Smart Key Access ដោយលោកអ្នកគ្រាន់តែមានតេឡេ នៅក្នុងដៃ យើងអាចធ្វើការដោះ Lock ទ្វារពេលដែលទាញដៃទ្វារ ដោយមិនចាំបាច់ចុចប៊ូតុង នៅលើ តេឡេ នោះទេ។

Half Option (ពាក់កណ្តាល)៖ វាជា Option ដែលមានលក្ខណៈទំនើបជាង Base Option ដោយវាមានបំពាក់ Smart Key Access ដូចគ្នា ប៉ុន្តែវាក៏មានបំពាក់ចង្កៀង Laser មាន Fog Light (ពិលកាង) មាន Bluetooth (ដើម្បីភ្ជាប់ជាមួយទូរស័ព្ទ ហើយអាចខលចេញចូល ដោយមិនចាំបាច់លើកទូរស័ព្ទមកនិយាយផ្ទាល់) ប្រើប្រាស់ប្រព័ន្ធបំពងសំលេង JBL និងកញ្ចក់មើលក្រោយមានកាត់ចំណាំងផ្លាត។

Full Option ៖ វាជាប្រភេទ Option ដែលទំនើបបំផុត គឺវាបំពាក់បច្ចេកវិទ្យា Smart Key Access, Bluetooth, Fog Light, Laser Light, JBL, កញ្ចក់មើលក្រោយមានកាត់ចំណាំងផ្លាត និង Navigation ដោយនៅលើប៊ូតុង ជាប់អេក្រង់មានចំនួន 7។

16

Read More