របៀបប្រើ Overdrive

អង្គារ, 24 កក្កដា 2012 00:24

Overdrive (OD) ជាប្រព័ន្ធមួយដែលអនុញ្ញាតិអោយរថយន្តបើកបរក្នុងល្បឿនលេខខ្ពស់ ហើយកាត់បន្ថយ រង្វិលជុំនៃម៉ាស៊ីន RMP (Revolutions Per Minute) និង ស៊ីសាំងតិច។ ជាទូរទៅ overdrive ត្រូវបានបើកដំណើរការរួចជាស្រេច (O/D ON) នៅក្នុងរថយន្ត យើងអាចដឹងបានដោយមើល នៅក្នុងតាបឡូកុងទ័រ ប្រសិនបើពុំមានភ្លើង overdrive ភ្លឺទេ មានន័យថា overdrive កំពុងតែដំណើរការ ប៉ុន្តែបើមានភ្លើងភ្លឺ  គឺមានន័យថា overdrive "OFF" ត្រូវបានបិទ (O/D OFF)។

សូមមើលរូបភាពខាងក្រោម

នៅពេលដែលអ្នកបិទ Overdrive (O/D OFF) នោះម៉ាស៊ីនរថយន្តនិងដំណើរការត្រឹមលេខ ៣ ចុះក្រោម។ ការបិទ Overdrive មានប្រយោជន៍ នៅពេលដែលអ្នកចង់ជែងរថយន្តផ្សេងទៀត ព្រោះវាធ្វើអោយរថយន្តស្ទុះ ក្នុងល្បឿន​លឿន​នៅពេលអ្នក បន្ថែមល្បឿន និង ធ្វើអោយល្បឿនរថយន្តថយចុះយ៉ាងឆាប់រហ័ស​នៅពេល​អ្នកដកជើងចេញ ពីឈ្នាន់​ហ្គែរ។ ប្រយោជន៍មួយទៀតគឺប្រើនៅពេលចុះទួលក្នុងល្បឿនលឿនដូចជាផ្លូវទៅកំពុងសោម​ជាដើម ការបិទ overdrive (O/D OFF) នៅពេលចុះទួលនិងធ្វើអោយល្បឿនរថយន្តថយចុះ និង ប្រើប្រាស់កំលាំង​ម៉ាស៊ីន​ជា​ហ្វ្រាំងទប់ (engine brake) ហើយអ្នកក៏អាចប្រើប្រាស់វានៅពេលចុះទួល​បានផងដែរ ។

សំគាល់ៈ O/D OFF អាចដំណើរការបាន លុះត្រាល្បឿនបើកបរចាប់ពី ៤០គ.ម ឡើងលើ ម្យ៉ាងវិញទៀតប្រព័ន្ធមាន តែនៅលើរថយន្តលេខអូតូប៉ុណ្ណោះ។ បើសិនជាភ្លើងសញ្ញានេះលោតឡើងក៏បង្ហាញថាប្រអប់លេខអូតូមានបញ្ហាដែរ នៅពេលដែលអ្នកមិនបាន ចុចវា និង ទោះបីអ្នកបិទ ឬ បើកហើយភ្លើងសញ្ញានេះនៅតែភ្លឺ។

Read More

ពិនិត្យរថយន្តមុនចេញដំណើរ

អង្គារ, 24 កក្កដា 2012 00:24

រថយន្តរបស់អ្នកអាចកើតមានបញ្ហាគ្រប់ពេលវេលា ជាពិសេសការធ្វើដំណើរផ្លូវឆ្ងាយ ដូច្នេះសូមត្រួតពិនិត្យរថយន្តរបស់អ្នកដូចខាងក្រោមៈ

១. ត្រួតពិនត្យ ទឹក បើខ្វះចាក់វាអោយពេញ
២. រកមើលស្នាមលេចផេ្សងៗ (ពិនិត្យខាងក្រោមរថយន្ត)
៣. វាស់សំពាធខ្យល់កង់រថយន្ត រួមទាំងកង់សាគួរ
៤. ឆែកមើលឧបករណ៌គ្រីបរថយន្តសំរាប់ប្តូរកង់
៥. ត្រូវមានកពា្ចប់ជួយសង្គ្រោះបឋមតាមរថយន្ត (First Aid Kit)
៦. ពិនិត្យប្រេងម៉ាស៊ីន, ប្រេងហ្វ្រាំង, ប្រេងប្រអប់លេខ
៧. ពិនត្យផ្លិតទឹក តើវាដំណើរការល្អ និង ជួតកញ្ចក់បានស្អាតដែរឬទេ
៨. ពិនិត្យមើលអាគុយ
៩. ពិនិត្យអំពូលភ្លើងខាងមុខ និង ក្រោយទាំងអស់
១០. យកតាមខ្លួននូវឯកសារធានារ៉ាប់រង បើមាន
១១. ខ្សែរសណ្តោង
១២. ខ្សែរសាកអាគុយ
១៣. ទឹកសុទ្ធគ្រប់គ្រាន់

Read More

ធានារ៉ាប់រង

អង្គារ, 24 កក្កដា 2012 00:24

អ្វីគឺជាធានារ៉ាប់រងរថយន្ត? 

ធានារ៉ាប់រងរថយន្ត គឺជាសេវាកម្ម ជួយការពារ និង ថែរក្សា ទ្រព្យសម្បត្តិ ឬ យានយន្តរបស់អ្នក ដែលអាចបណ្តាលមកពី គ្រោះថ្នាក់ចរាចរណ៌, អគ្គិភ័យ, ឬ ចោរលួច។ បើសិនជាយានយន្តរបស់អ្នកស្ថិតនៅក្នុងករណីនេះ សេវាកម្មនេះ​និង​ផ្តល់​ជាសំណងជូនលោកអ្នកទៅតាមគោលការណ៌ ដែលបានព្រមព្រៀងគ្នានៅពេលដែលអ្នក បានភ្ជាប់សេវាកម្មនេះ។
ប្រភេទធានារ៉ាប់រងមានលក្ខណៈខុសៗគ្នា អាស្រ័យតាមក្រុមហ៊ុននិមួយៗ នៅក្នុងអត្ថបទនេះ យើងនិងលើកឡើងជាទូរទៅ នៃការធានារ៉ាប់រងរយថន្តដោយរួមមានដូចជាៈ

ការធារ៉ាប់រងលើជនទីបី: TPL (Third Party Liability)
ជនទីបីគឺសំដៅលើជនរងគ្រោះ ដែលរថយន្តរបស់អ្នកបានបង្ករអោយមានរបួសស្នាម ឬ បាត់បង់ជីវិត។ ចំពោះ​សេវាកម្ម​នេះ គឺក្រុមហ៊ុនធានារ៉ាប់រង និងចេញថ្លៃសំណងជំនួសអ្នកទៅអោយជនរងគ្រោះទៅតាមករណីធ្ងន់ ឬ ស្រាល តាម​ស្ថានភាព ជាក់ស្តែង ចំណែកការខូចខាតរថយន្ត គឺជាបន្ទុករបស់សាមីខ្លួន (ម្ចាស់រថយន្ត)។ 

សំណងដែលក្រុមហ៊ុចេញ​អោយជនរងគ្រោះគឺមានកំណត់ទៅតាមគោលការណ៌របស់ក្រុមហ៊ុន និមួយៗដែលបានចែង។ 

ការធានារ៉ាប់រងលើអ្នកដំណើរក្នុងរថយន្ត: PL (Passenger Liability)
សំរាប់ PL ក្រុមហ៊ុនធានារ៉ាប់រងនិងផ្តល់សំណងទៅលើអ្នកបើកបរ និង អ្នកដំណើរនៅក្នុងរថយន្ត នៅពេលមាន​គ្រោះថ្នាក់ ពេលកំពុងបើកបរ។
ការធានារ៉ាប់រងលើការខូចខាតរថយន្តរបស់អ្នកៈ OD (Own Damage)
OD គឺធានាត្រឹមតែការខូចខាតរថយន្តរបស់អ្នកប៉ុណ្ណោះ ដែលបណ្តាលមកពីគ្រោះថ្នាក់ចរាចរណ៌ ចំពោះជនរងគ្រោះ​គឺពុំ​ត្រូវបានធានានោះទេ។
ការធានារ៉ាប់រងក្នុងករណីចោរលួច: Theft
ក្រុមហ៊ុននិងសងលើការបាត់បង់រថយន្តដោយសារចោលួច ចំនួននៃសំណងក្នុងករណីនេះ គឺអាស្រ័យលើគោលការណ៌ ដែលបានកណត់ដោយក្រុមហ៊ុន។ ក្រុមហ៊ុននិងធ្វើការស្រាវជ្រាវ អំពីមូលហេតុនៃការបាត់នេះជាមួយម្ចាស់រថយន្ត និង មន្រ្តីប៉ូលីសដែលពាក់ព័ន្ធ ប្រចាំតបន់ដែលរថយន្តបាត់។
ការធានារ៉ាប់រងក្នុងករណីមានបាតុកម្ម ឬ អំពើរហិង្សាផ្សេងៗ: SRCC (Strike, Riot, and Civil Commontion)
រថយន្តរបស់អ្នកនិងត្រូវបានធានា នៅពេលមានការប៉ះទង្គិចបណ្តាលអោខូចខាត មកពីការបាតុកម្ម ឬ កុបកម្មផ្សេងៗ តាមផ្លូវសាធារណៈ។
ការធានារ៉ាប់រងគ្រប់យ៉ាងៈ (Comprehensive)

Comprehensive ជាការធានាទាំងស្រុង ដោយរួមបញ្ចូលចំនុចទាំងអស់ខាងលើមានដូចជា TPL, PL, OD, Theft, និង SRCC។ ការធានាគ្រប់យ៉ាងនេះ អាចមានលក្ខណៈខុសគ្នាទៅតាមក្រុមហ៊ុននិមួយៗ។ សូមមើលលំអិតនៃគោលការណ៌របស់ក្រុមហ៊ុនទាំងនោះតាមរយៈ Links ក្រោមៈ
ខាងក្រោមជាឈ្មោះក្រុមហ៊ុនធានារ៉ាប់រងនៅក្នុងប្រទេសកម្ពុជាៈ
- Forte Insurance
- Infinity Insurance
- Caminco Insurance
- Asia Insurance

Read More

ការទិញរថយន្ត

អង្គារ, 24 កក្កដា 2012 00:24

ការទិញរថយន្តគឺជាការវិនិយោគមួយផ្នែកធំនៃចំណូលរបស់អ្នក ហើយមានកត្តាមួយចំនួនដែលត្រូវពិចារណា មុននិងធ្វើការសំរេចចិត្តទិញរថយន្ត ដូច្នេះអ្នកត្រូវស្វែងយល់អោយបានច្រើន នូវចំនុចដូចខាងក្រោមៈ
 ស្វែងរកគ្រប់ហាងអោយបានច្រើន អ្នកអាចទទួលបានតំលៃល្អ
 រថយន្តនោះមានប៉ុន្មានម្ចាស់មកហើយ?
 រថយន្តនោះមានប្រវត្តិគ្រោះថ្នាក់ដែរឬទេ?
 រថយន្តនោះមានការថែរទាំជាទៀងទាត់ដែរឬទេ?
 មើលរថយន្តនៅទីដែលមានពន្លឺគ្រប់គ្រាន់
 ពិនិត្យមើលឈ្នាន់អំប្រាយ៉ា ឬ ហ្វ្រាំង បើឃើញសិកខ្លាំង នោះអាចបញ្ចាក់ថារថយន្តនោះត្រូវបានប្រើប្រាស់ញឹកញាប់
 ពិនិត្យមើលលេខកុងទ័រ
 បើកម៉ាស៊ីនត្រជាក់ តើវាត្រជាក់ដែរឬទេ?
 បើកគំរបមុខដើម្បីពិនិត្យមើលស្នាមលេចផ្សេងៗ
 ធ្វើការសាកល្បងរថយន្ត ដើម្បីដឹងថាមានអ្វីខ្លះមិនប្រក្រតី
 ពិនិត្យមើលបូមឡានទាំងបួន ដើម្បីអោយច្បាស់ថាវានៅល្អ ដោយប្រើកំលាំងសង្កត់អោយខ្លាំងចុះឡើងៗជាច្រើនដង នៅផ្នែកខាងមុខ ឬ ខាងក្រោយ ប្រសិនបើបូមនៅល្អ នៅពេលសង្កត់វានិងមានលក្ខណៈរឹង (hard) បើបូមនោះត្រូវដល់ពេលប្តូរ វានិងមានលក្ខណៈទន់ (soft)

ចំនុចគួរយកចិត្តទុកដាក់មុនពេលប្រគល់ប្រាក់ៈ
 ធ្វើលិខិតស្នាមកក់ប្រាក់
 ពិនិត្យលិខិតពន្ធរថយន្ត
 ផ្ទៀងផ្ទាត់លេខ VINនៅលើក្រដាស់ពន្ធ និង នៅលើម៉ាស៊ីនរថយន្ត ឬ កន្លែងផ្សេងទៀតដូចជា នៅលើកញ្ចក់រថយន្ត
 មានអ្វីខ្លះដែលអ្នកលក់សន្យាផ្លាស់ប្តូរជូន

នៅលើទីផ្សារកម្ពុជាចំពោះរថយន្ត ដែលប្រើហើយលក់ទៅវិញ ពុំសូវខាតមានតែ រថយន្តម៉ាស៊ីនតូច ពុំសូវស៊ីសាំងប៉ុណ្ណោះ ឧទាហរណ៌ដូចជារថយន្តម៉ាក Corolla, Camry, RAV4 ឬ Highlander ម៉ាស៊ីន 2.4 ជាដើម ភាគច្រើនគេនិយមប្រើ Toyota ដោយសារវាមានគ្រឿងបន្លាស់គ្រប់គ្រាន់, ស៊ីសាំងតិច និង ធន់។
ពណ៌ក៏ជាកត្តាមួយដែលធ្វើឲ្យលោកអ្នកងាយលក់បានតម្លៃថ្លៃដែរ ដូចជាពណ៌ដែលគេនិយមចូលចិត្តជាងគេគឺៈ
១. ពណ៌ទឹកមាន ឬ ស្ករ
២. ពណ៌ទឹកប្រាក់
៣. ពណ៌ខ្មៅ
កត្តាសុវត្ថិភាពជាកត្តាចម្បងក្នុងការសំរេចចិត្តទិញ ហើយអ្នកទិញភាគច្រើនតែងចង់បានរថយន្ត ដែលមានប្រព័ន្ធសុវត្ថិភាពដូចជា ពោងសុវត្ថិភាព និង ហ្វ្រាំង ABS ជាដើម។ បច្ចុប្បន្នអ្នកប្រើមានការយល់ដឹងច្រើនពី ប្រព័ន្ធ ABS ដូច្នេះនៅពេលលោកអ្នកទិញរថយន្ត សូមពិនិត្យមើលប្រព័ន្ធនេះ មានបំពាក់នៅក្នុងរថយន្តដែរ ឬទេ?
លើកលែងរថយន្ត RAV4 ស៊េរីចាស់រហូតដល់ឆ្នាំ ២០០២ ពុំមាន ABS ទេភាគច្រើន ហើយរថយន្តនេះក៏ពុំមានបញ្ហា ក្នុងការលក់នោះដែរ ដោយសារតែវាមានហាងឆេងល្អ ប៉ុន្តែគេសង្កេតឃើញមានមួយៗ មានបំពាក់ ABS សំរាប់ឆ្នាំ ២០០១ ប៉ុន្តែបើពិនិត្យបាតក្រោម និង គ្រឿងផ្សេងៗនោះឃើញថា មានច្រេះស្ទើរគ្រប់កន្លែង នេះដោយសារតែ វាត្រួវបានគេប្រើនៅតំបន់ភ្នំ និង តំបន់ទឹកកក ជាទូរទៅគេប្រើអំបិលរោយលើផ្លូវ ដើម្បីឲ្យឆាប់រលាយទឹកកក នៅពេលរថយន្តបរកាត់លើថ្នល់ទាំងនោះ និងធ្វើឲ្យប្រឡាក់អំបិល បណ្តាលឲ្យពុកបាតរថយន្ត។
រថយន្តស៊េរី, ពណ៌, និង ឆ្នាំដូចគ្នាអាចមានតម្លៃខុសគ្នា ពីហាងមួយទៅហាងមួយ មូលហេតុដែលរថយន្តនេះមានតម្លៃថោក វាអាចជារថយន្តបុក ចំពោះរថយន្តដែលគេនិយមហៅថា រថយន្តមូល (នៅល្អពុំមានការបុកទង្គិច) គឺមានតម្លៃថ្លៃ បើលោកអ្នកពុំចេះពិនិត្យ សូមជួលជាងតោនរថយន្ត ឲ្យគេជួយពិនិត្យ ដូច្នេះលោកអ្នកនិងមិនមាន កំហុសក្នុងការសំរេចចិត្តទិញ។

Read More

ការបើកបរ

អង្គារ, 24 កក្កដា 2012 00:24

សុវត្ថិភាពជាចម្បងជាកត្តាសំខាន់ក្នុងការបើកបរ ខាងក្រោមជាចំនុចខ្លះៗនៃសុវត្ថិភាពក្នុងការបើកបរៈ
* អ្នកបើកបរភាគច្រើនពុំបានយកចិត្តទុកដាក់មើលទៅមុខអោយបានឆ្ងាយនោះទេ គឺពួកគេមើលអ្វីដែលនៅជិតៗមុខ រថយន្តរបស់ខ្លួនប៉ុណ្ណោះ នេះជាបញ្ហាដែលបណ្តាល អោយពួកគេអាចជួបប្រទះគ្រោះថ្នាក់ដោយចាប់ហ្វ្រាំងភ្លាមៗ នៅពេលមានឧប្បត្តិហេតុ កើតឡើងដោយចៃដន្យនៅពេលធ្វើដំណើរ។
* អ្នកបើកបរត្រូវឧស្សាមើលកញ្ចក់ខាងក្រោយ ដើម្បីដឹងថាមានអ្វីខ្លះ នៅពីក្រោយរថយន្តរបស់ខ្លួន និងកញ្ចក់ឆ្វេងស្តាំ នៅពេលបត់ម្តងៗដោយប្រើភ្លើង សញ្ញាមុនពេលបត់។ ការជាន់ហ្វ្រាំងភ្លាមៗដោយពុំបានមើលកញ្ចក់ខាងក្រោយ អាចបណ្តាលអោយអ្នកធ្វើ
ដំណើរផ្សេងទៀតបុកពីក្រោយ។
 * ការប្រើប្រាស់ទូរស័ព្ទក្នុងពេលកំពុងបើកបរអាចបណ្តាលអោយមានគ្រោះថ្នាក់ ប៉ុន្តែប្រសិនបើអ្នកចាំបាច់ត្រូវតែប្រើវា សូមអ្នកធ្វើដូចខាងក្រោមៈ
- កំណត់មុខងាររួចជាស្រេចដូចជា speed dial, redial ឬ favorite contact
- បើក loud speaker ដើម្បីសន្ទនា
- ប្រើឧបករណ័ Bluetooth Car Kit ដែលអាចសន្ទនាក្នុងឡានដោយមិនចាំបាច់កាន់ទូរស័ព្ទ
- ដាក់ទូរស័ព្ទនៅកន្លែងដែលងាយរក និង យក
- កុំកត់ត្រា ឬ រកមើលលេខទូរស័ព្ទនៅពេលកំពុងកបើកបរ
- ប្រើកាស់ស្តាប់ត្រចៀក bluetooth (bluetooth ear phone)។

- បើកភ្លើងនៅពេលមេឃជិតងងឹត ឬ នៅពេលមានភ្លៀង
- កុំបើកបរដោយធ្វើអោយសាចលើអ្នកដទៃនៅពេលភ្លៀង(សុជីវធម៌)
- បើកផ្លូវអោឡានធំៗទៅមុនដូចជាឡានដឹកដីជាដើមព្រោះអ្នកបើកបរឡាននេះ
  ពិបាកមើលអ្នកដំណើរផ្សេងទៀតដែលនៅទាបជាងខ្លួនដូចជាម៉ូតូជាដើម
- ប្រើស៊ីផ្លេនៅពេលដែលចាំបាច់ (ជៀសវាងការរុំខានអ្នកដទៃ និង ជាទម្លាប់មិនល្អ)
- ទប់អារម្មណ៍នៅពេលឃើញអ្នកបើកបរផ្សេងទៀត បើកប្រជ្រៀត ឬ វ៉ា ឬ គ្មានសណ្តាប់ធ្នាប់ បើកផ្លូវអោយគេប្រសិនបើគេប្រញាប់ចង់ទៅមុន កុំប្រជែងគ្នាដែលអាចបណ្តាលអោយមានគ្រោះថ្នាក់ដល់ខ្លួនឯង និង អ្នកដទៃ។

Read More

តើលេខសរសេរ នៅលើសំបកកង់ រថយន្តមានន័យ ថាម៉េច?

អាទិត្យ, 02 ធ្នូ 2012 11:33

បើសិនជាលោកអ្នកពិនិត្យឲ្យច្បាស់នៅលើសំបកកង់រថយន្ត នោះលោកអ្នកនិងឃើញអក្សរ និង លេខ ជាច្រើន តើអក្សរទាំងនោះមានន័យយ៉ាងណា? សូមអានលំអិតខាងក្រោមៈ
យើងខ្ញុំសូមលើកឧទាហរណ៍សំបកកង់រថយន្តមួយដែលមានអក្សរនិងលេខដូចជា P225/55R18 97T

 P: (Passenger) សំរាប់រថយន្តដឹកអ្នកដំណើរ បើសិនជាអក្សរ LT (Light Truck) ឡានដឹកទំនិញធន់ស្រាល បើសិនជាអក្សរ T: (Temporary Spare) កង់សាគួរ ហើយបើជាអក្សរ ST (Special Trailers) រម៉កសណ្តោងពិសេស។
 225: គឺជាទំហំទទឹងកង់ (Section Width) ប្រវែង 225 មីលីម៉ែត

 55: គឺជាកំពស់សំបកកង់ (Section Height) ស្មើរនិង 55% នៃទំហំទទឹងកង់រថយន្ត (Section Width)
 R: Radial ជាការផលិតកង់ដែលមានសណ្ឋានដូចកាំ


 18: ជាទំហំអង្កត់ផ្ចិតរង្វង់កង់រថយន្ត គិតជាខ្នាត inch
 97: ជាលេខសំរាប់សំគាល់ថាតើសំបកកង់ប្រភេទនេះអាចផ្ទុកទម្ងន់បានប៉ុន្មាន សួមមើលរូបខាងក្រោមៈ
ដូច្នេះលេខ 97 មានន័យថាទម្ងន់ផ្ទុកច្រើនបំផុតគឺត្រឹម 730Kg។
 
 T: អក្សរចុងក្រោយតំណាងឲ្យល្បឿន ដែលសំបកកង់នេះអាចរត់បានប៉ុន្មានគីឡូម៉ែត្រក្នុងមួយម៉ោង ក្នុងករណីនេះអក្សរ T= 190Km/h មានន័យថាសំបកកង់នេះអាចរត់បានត្រឹមតែ 190km ក្នុងមួយម៉ោងប៉ុណ្ណោះ បើសិនជាសំបកកង់ លោកអ្នកមានអក្សរផ្សេងពីនេះ សូមស្វែងរកនៅក្នុងតារាងខាងក្រោម៖

M+S: Mud & Snow សំបកកង់នេះសំរាប់បើកបរគ្រប់រដូវកាល
 TREADWEAR 300 TRACTION A TEMPERATURE A
- Treadweare 300: ជាអាយុកាលសំបកកង់ ជាទូរទៅវាមានលេខចចាប់ពី 100 - 700 លេខកាន់តែខ្ពស់ សំបកកង់រឹតតែប្រើបានច្រើនពាន់ម៉ាយដែរ។
- Traction A: មានប្រភេទ AA, A, B និង C។ ជាគុណភាពនៃសំបកកង់ទប់ទល់និងផ្លូវរអិលបានល្អ AA មានន័យល្អបំផុត តាមលំដាប់រៀងអក្សរ។
- Temperature A: មានប្រភេទ AA, A, B និង C។ AA មានន័យថាធុននឹងកំដៅកកិតនិថ្នល់បានខ្ពស់បំផុត។

Read More

លេខ VIN គឺជាអ្វី?

អង្គារ, 04 ធ្នូ 2012 09:55

VIN មកពីពាក្យ Vehicle Identification Number គឺជាអត្តសញ្ញាណសំរាប់សំគាល់រថយន្តនិមួយៗ និងមានភាពខុសៗគ្នា ទៅតាមក្រុមហ៊ុនផលិតរថយន្ត លេខ VIN មាន 17 ខ្ទង់ ហើយអាចឲ្យលោកអ្នកដឹងដូចជាៈ
- ប្រទេសដែលរថយន្តត្រូវបាន
- រោងចក្រដែលបានផលិត ដូចជា តូយ៉ូតា នីសាន់ ជាដើម
- ម៉ាក និង ប្រភេទម៉ាស៊ីន
- លេខកូដសុវត្ថិភាពរបស់រោងចក្រ
- ឆ្នាំផលិតរថយន្ត
- ប្រភេទរថយន្តដូចជា Sedan ឬ SUV ជាដើម។

ខាងក្រោមជាការបង្ហាញលេខ VIN របស់ Toyota Avalon 2003:

VIN	J	T	E	G	D	2	1	B	2	3	0	0	6	6	9	0	5
ខ្ទង់	1	2	3	4	5	6	7	8	9	10	11	12	13	14	15	16	17

ខ្ទង់ទី 1: ប្រទេស1: USA, 2: Canada, 3: Mexico, 4: USA, 5: USA, 6: Australia, 8: Argentina, 9: Brazil, J: Japan, S: England, M: Thailand
ខ្ទង់ទី 2: ឈ្មោះឧស្សាហករ (Manufacturer) - T: Toyota
ខ្ទង់ទី 3: ប្រភេទរថយន្ត
A, B, M, 4: Truck: រថយន្តដឹកទំនិញ ឬ ប្រភេទ Pickup
5: Incomplete Vehicle ដូចជារថយន្តអាចបើកដំបូលបាន (a convertible car)
D, G, K, X, 1, 2, 7, N: រថយន្តដឹកអ្នកដំណើរ (Passenger Car)
E, L, 3: រថយន្តដឹកអ្នកដំណើរប្រភេទ SUV (Multipurpose Passenger Vehicle)
ខ្ទង់ទី 4: ទម្រង់ និង ប៉ុងរថយន្ត
Passenger Vehicle:
B = 4Dr Sedan 2WD
C = 2Dr Coupe 2WD
D = 3Dr Coupe 2WD
F = 2Dr Convertible 2WD
K = 5Dr Sedan, 4Dr HB 2WD
L = 5 Dr Sedan 4WD

Multipurpose Passenger Vehicle:
H = 4Dr Wagon 4WD
D, G, K, Z = 5Dr Wagon 2WD
B, E, H = 5Dr Wagon 4WD
M= 5Dr Van 2WD

Truck:
Standard Wheel Base (Tundra)
B = Large Cab 4WD   K = STD Cab 4WD
J = STD Cab 2WD      R = Large Cab 2WD

Short Wheel Base (Tacoma, Tundra)
N = STD Cab 1/2 Ton 2WD
P = STD Cab 1/2 Ton 4WD

Extra Long Wheel Base (Tundra)
E = Double Cab 2WD
D = Double cab 4WD

Long Wheel Base (Tacoma)
T = Extra Cab/Access 2WD
U = Extra Cab/Access 4WD
J = Double Cab 2WD
L = Double Cab 4WD

Super Long Wheel Base (Tacoma)
K = Double Cab 2WD
M = Double Cab 4WD

ខ្ទង់ទី 5: ទំហំម៉ាស៊ីន
A = 3MZ-FE F = 1MZ-FE U = 1GR-FE
B = 1NZ-FXE
E = 2AZ-FE T =  2UZ-FE, 1NZ-FE K =  2GR-FE W = 3MZ-FE+1JM, 2FM+3CM
P = 3MZ-FE X = 2TR-FE
D = 2AZ-FE
R = 1ZZ-FE Y =  2ZZ-GE

ខ្ទង់ទី 6: ស៊េរី
0= UZJ100L(LC), TRN225L(Tacoma), ZZE132L(Matrix)
1= ANT10L(TC), GRN225L(Tacoma), ZZE133L(Matrix), GRN210L(4Run) 
3=ACA33L(RAV4), ZZE134L(Matrix), GRN215L(4Run), ACA38L(RAV4) 
4= GRN245L(Tacoma), UZN210L(4Run), ACV30L(Cam/Sol), TRN240L(Tacoma), UZN215L(4Run), GSA33L (RAV4), TRN245L(Tacoma)
2= ACU20L(Hlander),GSA38L(RAV4), UCK40L(Tundra), ACU25L(Hlander), GSK30L (Tundra), UCK41L(Tundra), MCL20L(Sienna), GSX30L (Avalon), UCK45L(Sequoia), MCL23L(Sienna), MCV30L(Camry)
5= GRN250L(Tacoma), MCL25L(Sienna), MCV31L(Cam/Sol) 
6= TRN260L(Tacoma), MHU23L(HlndrHB), NCP31L(xB), TRN265L(Tacoma), MHU28L(HlndrHB), UCK30L(Tundra), GRN265L(Tacoma)
MCU23L(Hlander), UCK31L(Tundra), NCP61L(xA), MCU28L(Hlander), UCK35L(Sequoia) 
7= GRN270L(Tacoma), NHW20L(Prius), ZZE130L(Corolla), TRN220L(Tacoma), ZZE131L(Corolla)
ខ្ទង់ទី 7: Restraint System/Grade:
Passenger Vehicle:
0 = Manual Belts w/ 2 Airbags, Side Airbags, and Curtain Shield Airbags (Front & Rear Seats)
2 = Manual Belt w/ 2 Airbags
6 = Manual Belt w/ 2airbags, side airbags, curtain shield airbags and knee air bags (driver seat)
7 = Manual belt w/ 2 airbags and knee airbag (driver seat)
8 = Manual Belt w/ 2 Airbags and Side Airbags Multipurpose Passenger Vehicle/Truck:
1 = STD, High (w/o 3rd seat)
5 = VX, Std(w/ 3rd seat)
2 = DLX, DX, XLE, Sports
7 = Limited (4Runner)
3 = LE, XLE, Std(w/o 3rd seat)
8 = Limited (Tundra, Sequoia)
4 = SR5, High (w/3rd seat) 9 = CE
ខ្ទង់ទី 8: Car Line
A = Highlander, Sequoia
U = Prius
B = Avalon
K = Camry
V = RAV4
C = Sienna
N = Tacoma
1 = Tundra
E = Corolla, Matrix
P = Solara
4 = Scion xA, xB
J = Land Cruiser
R = 4Runner
7 = Scion tC
ខ្ទង់ទី 9: Check Digit សំរាប់ប្រើដោយក្រុមហ៊ុន តូយ៉ូតា និង FBI អាមេរិក
ខ្ទង់ទី 10: ឆ្នាំផលិតរថយន្ត

Code	Year
V	1997
W	1998
X	1999
Y	2000
1	2001
2	2002
3	2003
4	2004
5	2005
6	2006
7	2007
8	2008
9	2009
A	2010
B	2011
C	2012

ខ្ទង់ទី 11: Plant រោងចក្រ
0-9 = TMC S = Indiana
C = Canada U = Kentucky
M = Baja California Z = Fremont (CA)
ខ្ទង់ទី 12-17: Serial Number

Read More

វិធី ៩ យ៉ាងសន្សំសំចៃប្រេងពេល បើកបរ

អង្គារ, 11 ធ្នូ 2012 09:29

វិធី 9 យ៉ាងសន្សំសំចៃប្រេងពេល បើកបរ

១. បន្ថយល្បឿន
វិធីដ៏ល្អបំផុតមួយក្នុងការសន្សំសំចៃប្រេង គឺបន្ថយល្បឿនមកល្បឿនធម្មតាតាមសម្រួល។ បើសិនជា អ្នកបង្កើន ល្បឿន ប្រព័ន្ធសន្សំសំចៃប្រេង (Economy) នឹងថយចុះ។
២.     ពិនិត្យសម្ពាធកង់រថយន្ត
ជាធម្មតាកង់រថយន្តតែងតែបាត់បងខ្យល់ទៅតាមពេលវេលា (ប្រហែលជា ១ psi ក្នុងមួយខែ) និង តាមសីតុណ្ហភាព (១ ផោនក្នុងមួយអ៊ីងការេ (psi) រៀងរាល់ការធ្លាក់ចុះ ១០ ដឺក្រេ)។ នៅផ្ទៃសំប៉ែតនៃកង់ដែលប៉ះកកិតជា មួយថ្នល់ វាត្រូវការដុតនូវចំហេះប្រេងដើម្បីធ្វើអោយ រថយន្តទៅមុខ ដូច្នេះគួរតែទិញកង់រថយន្តដែល មានទំហំល្មម (ផ្នែកដែលប៉ះជាមួយថ្នល់) និងត្រូវត្រួតពិនិត្យកង់រថយន្តរបស់អ្នកមួយខែម្តង។
៣. ត្រួតពិនិត្យ Air Filter
Air Filter ដែលកខ្វក់ធ្វើអោយរាំងស្ទះដល់ការចូលខ្យល់ទៅដល់ម៉ាស៊ីន។ ដែលធ្វើអោយខូចខាតដល់ ដំណើរការ និងការសន្សំសំចៃប្រេង (Economy)។ Air Filter ងាយស្រួលក្នុងការត្រួតពិនិត្យ និងផ្លាស់ប្តូរ ទេ ដោយគ្រាន់តែទាញយកវាចេញមកហាលថ្ងៃ។ បើអ្នកមិនឃើញវាមានភ្លើងទេ អ្នកត្រូវ តែទិញមួយ ថ្មីទៀត។
៤. បង្កើនល្បឿនដោយប្រុងប្រយ័ត្ន
អ្នកគួរតែមើលផ្លូវខាងមុខដែលត្រូវបើកបរទៅដោយប្រុងប្រយ័ត្ន បើសិនជាអ្នកឃើញមានឧបស័គ្គ នៅខាងមុខ អ្នកត្រូវរក្សាល្បឿនក្នុងកម្រិតល្មម ចៀសវាងបន្ថែមល្បឿនលឿន រួចហើយនៅពេល ទៅដល់កន្លែងឧបស័គ្គនោះក៏ចាប់ផ្តើមជាន់ហ្វ្រាំងខ្លាំង ព្រោះធ្វើដូច្នេះវានឹងធ្វើអោយខាតបង់ប្រេង ច្រើន។
៥. ការបើកបរក្នុងពេលស្ទះចរាចរណ៍
នៅក្នុងការកកស្ទះចរាចរណ៌ធំៗ គឺតែងតែបង្កើនល្បឿន និងបន្ថយល្បឿនដោយរហ័ស និងញឹកញាប់។ ល្បឿនថេរ គឺរក្សាការផ្លាស់ប្តូរទីកន្លែង អោយនៅកម្រិតទាបបំផុត ដើម្បីឲ្យការដុតចំហេះ ប្រេងឲ្យនៅកម្រិតទាប វាក៏អាចសន្សំសំចៃប្រេងបានច្រើនដែរ។
៦. ត្រឡប់ទៅរកលក្ខណៈធម្មជាតិ
អ្នកគួរពិចារណាក្នុងការបិទម៉ាស៊ីនត្រជាក់ ហើយបើកបង្អួចជំនួសវិញដើម្បីស្រូបយកខ្យល់ អាកាសបរិសុទ្ធនៅកន្លែងដែលមានបរិស្ថានល្អ ។ វាក្តៅបន្តិច ប៉ុន្តែបើបើកបរក្នុងល្បឿនយឺត អ្នកនឹង ចំណេញប្រេងច្រើន។
៧. ប្រើប្រាស់ទំហំយ៉ាន់ និងសំបកកង់ធម្មតា
អ្នកគួរប្រើប្រាស់ប្រាស់ទំហំនៃសំបកកង់ និងយ៉ាន់ដដែលដូចទំហំដើមរបស់វា។ បើអ្នកផ្លាស់ ប្តូរវាជាមួយនឹងសំបកកង់ និងយ៉ានស្ព័រដែល មានទំហំធំជាងនោះ វានឹងធ្វើឲ្យផ្ទៃកកិតនឹងកង់រថយន្ត និងផ្លូវថ្នល់ធំជាងមុន ដែលបណ្តាលឲ្យរថយន្តរបស់អ្នកត្រូវការចំហេះប្រេងច្រើនដើម្បីធ្វើឲ្យរថយន្ត វារំកិលទៅមុខ។
៨. សម្អាតសម្ភារៈចេញពីរថយន្ត
អ្នកគួរតែពិនិត្យមើលសំភារៈមួយចំនួនដែលគ្មានដែលអាចបោះចោលបាន ឬក៏យកទុក ក្នុងផ្ទះបានត្រូវយកចេញពីរថយន្ត ព្រោះទម្ងន់ធ្ងន់ធ្វើ អោយរថយន្តរបស់អ្នកធ្វើដំណើរទៅមុខដោយ លំបាក វាធ្វើអោយស៊ីសាំងច្រើន។
៩. បញ្ចុះទំហំរថយន្ត
នៅពេលដែលអ្នកពិចារណាទិញរថយន្តថ្មី គឺជាពេលវេលាដែលអ្នកត្រូវវាយតម្លៃ ឡើងវិញថាតើតម្លៃ ណាដែលអ្នកពិតជាត្រូវការ។ រថយន្តដែលតូចដោយមានភ្ជាប់ជាមួយប្រសិទ្ធភាព ស៊ីសាំងតិច គឺជាជម្រើសដល្អសម្រាប់អ្នក។

Read More

តើប្រេងម៉ាស៊ីន មានប៉ុន្មានប្រភេទ?

ច័ន្ទ, 17 ធ្នូ 2012 17:31

ប្រេងម៉ាស៊ីនមានច្រើនប្រភេទនិងត្រូវបានគេប្រើប្រាស់ទៅតាមប្រភេទរថយន្តដូចជា រថយន្តធនធ្ងន់ រថយន្តដឹកទំនិញ និង រថយន្តសំរាប់គ្រួសារ។ រថយន្តនិមួយៗត្រូវបានកំណត់ជាស្រេចពីរោងចក្រ នូវប្រភេទប្រេងដែលត្រូវប្រើ សូមអានលំអិតនៅក្នុងសៀវភៅរថយន្តរបស់លោកអ្នកប្រសិន បើមាន។ ខាងក្រោមជាប្រភេទប្រេងម៉ាស៊ីនៈ

• Synthetic Oil
• Conventional Oil
• High-mileage Oil

Synthetic Oil
ជាប្រេងដែលបានឆ្លងកាត់ការពិសោធន៍និងចម្រាញ់យ៉ាងហ្មត់ចត់ និងមានបន្ថែមសារធាតុប្រេងជំនួយ (Oil Addictive) ដែលបង្កើតឡើងដោយ ការស្រាវជ្រាវរបស់វិស្វករប្រេងម៉ាស៊ីន ហើយជួយបង្កើនសមត្ថភាពកាន់តែខ្ពស់ ជួយទប់ស្កាត់ ការសឹករិចរិលនៃគ្រឿងម៉ាស៊ីន សំអាតគ្រឿងម៉ាស៊ីនបានស្អាតល្អ បើកបរបានច្រីន គីឡូជាងប្រេងធម្មតា និង ធននិងកំដៅខ្ពស់។
Conventional
ជាប្រេងម៉ាស៊ីនធម្មតាដែលគ្រាន់តែចំរាញ់ទៅតាមស្តង់ដា និងពុំមានបន្ថែមសារធាតុជំនួយដូចជាប្រេង Synthetic នោះទេ។
រូបភាពខាងក្រោមបង្ហាញពីភាពខុសគ្នានៃម៉ូឡេគីលប្រេង Synthetic និង Conventional:


Synthetic មានម៉ូឡេគីលច្រើនដែលអាចជួយពន្យាការសឹករិចរិលនៃម៉ាស៊ីនបានល្អ។

High Mileage Oil
ប្រេងម៉ាស៊ីនប្រភេទនេះប្រើសំរាប់រថយន្តដែលបើកបរបានចំងាយជាង 12,0000 គីឡូឡើងទៅ និងផលិតឡើងមានសារធាតុ Synthetic រួចជាស្រេច ម្យ៉ាងទៀតប្រេងប្រភេទនេះអាចជួយកាត់បន្ថយការបាត់បង់ប្រេង ដោយសាប្រេងត្រូវបានដុតកំទេច (Oil burn-off) នៅក្នុងម៉ាស៊ីន ជួយការពាររ៉ង កន្លាស់បានទៀតផង។

Read More

មូលហេតុ៥យ៉ាង បណ្តាលឲ្យរថយន្តញ័រ

សុក្រ, 21 ធ្នូ 2012 16:19

តើរថយន្តរបស់លោកអ្នកញ័រ ឬ ញាក់ (Vibrate) បណ្តាលមកពីមូលហេតុអ្វី?
ប្រសិនបើរថយន្តលោកអ្នកញ័រនៅពេលបើកបរ គឺអាចមានមូលហេតុចម្បង ៥យ៉ាងដែលលោកអ្នកគួរតែពិនិត្យៈ
១. បញ្ហាម៉ាស៊ីនៈ
ជួនកាលម៉ាស៊ីនរថយន្តស្រូបយកខ្យល់ពុំបានគ្រប់គ្រាន់ ដោយសារតម្រងខ្យល់មាន ធុលីច្រើន, ប្រើសំាងដែលមានតម្លៃថោក, បូស៊ីមានកំណកធ្យូង ច្រើនពេក ឬ គំរបជ័របូស៊ីបែកដែល ធ្វើឲ្យឆ្លងភ្លើង សូមពិនិត្យចំនុចទាំងនេះ។
២. បញ្ហាភ្លៅដែលតភ្ជាប់ពីម៉ាស៊ីនទៅកង់រថយន្ត (Axle Problem):
ភ្លៅកោង ឬ វៀច ដោយសារការប៉ះទង្គិចជាមួយថ្ម ឬ អ្វីម្យ៉ាងដែលលោកអ្នកពុំបានដឹង បញ្ហានេះនិងធ្វើឲ្យរថយន្តញាក់នៅពេលបើក ក្នុងល្បឿនលឿន។ បើវាពុំមានបញ្ហាទេ សូមបន្តពិនិត្យកៅស៊ូកាឡេទៀត កាលណាកៅស៊ូនេះរហែក នោះដីនិងចូលទៅដល់គ្រាប់ នៅក្នុងបាដាងកាឡេ ដែលធ្វើឲ្យមានការកកិត និងបំផ្លាញកាឡេរថយន្ត លោកអ្នកនិងឬសូរគ្រឹកៗ នៅពេលបត់ម្តងៗ។
៣. បញ្ហាហ្វ្រាំងៈ
ឈ្នាន់ហ្វ្រាំងញ័រនៅពេលលោកអ្នកអ្នកជាន់ហ្វ្រាំង នេះមកពីផ្ទៃតាំបួហ្វ្រាំង (brake rotor) សឹក មិនស្មើរគ្នា ផ្ទៃកន្លែងខ្លះអាចសឹកជ្រៅ (ផត) ជាងកន្លែងផ្សេងទៀត ការសឹកនេះមកពីអ្នកបើកបរជាន់ហ្វ្រាំងញឹកញាប់ពេក ដែលបណ្តាលឲ្យតាំបួហ្វ្រាំងក្តៅខ្លាំង។


៤. បញ្ហាកង់ៈ
ការមិនបានតម្រង់កង់ឲ្យបានត្រឹមត្រូវ អាចបណ្តាលឲ្យចង្កូតរថយន្តទាញទៅឆ្វេង ឬ ស្តាំ ជួនកាលធ្វើ ឲ្យរចង្កូតថយន្តញ័រក៏មាន បញ្ហាមួយទៀតគឺអាចមកពីរលុងបាដាងកង់ (wheel bearings)។

៥. បញ្ហាសំបកកង់ៈ
សំបកកង់ជាបញ្ហាចម្បងក្នុងការធ្វើឲ្យរថយន្តញ័រ ដូចជាៈ
- សំពាធខ្យល់កង់មិនស្មើរគ្នា ឬ ខុសគ្នាខ្លាំងពេក
- ក្រឡាកង់ (tire tread) សឹកមិនស្មើគ្នា
- កង់ទាំងបួនសឹកមិនស្មើរ តម្រូវឲ្យធ្វើការឆ្លាស់កង់

បើសិនរថយន្តលោកអ្នកញ័រដែលបណ្តាលមកពីបញ្ហាផ្សេង ខុសពីការរៀបរាប់ខាងលើ សូមចែករំលែក បទពិសោធន៍របស់អ្នក ដោយជួយបញ្ចេញមតិខាងក្រោម។

Read More

ជៀសវាងចាក់សាំង នៅពេលឡានស៊ីទែនសាំងកំពុង...

អង្គារ, 01 មករា 2013 21:58

ហេតុអ្វីត្រូវជៀសវាងការចាក់សាំង នៅពេលលោកអ្នក ឃើញឡានស៊ីទែនសាំង កំពុងតែបំពេញសាំង នៅស្ថានីយ៍ប្រេងឥន្ធនៈ?

តាមរយៈអ្នកជំនាញជាច្រើន ដែលមានបទពិសោធន៍នៅក្នុងឧស្សាហកម្មប្រេងឥន្ធនៈ បានផ្តល់ដំបូន្មានថា នៅពេលឡានស៊ីទែនសាំង កំពុងចាក់បំពេញសាំងទៅក្នុង ស៊ីទែនក្រោមដី នោះសាំងនៅក្នុងស៊ីទែននិងក្រឡក ដែលធ្វើឲ្យកករនៅបាតស៊ីទែន អណ្តែតមកលើ ហើយនៅពេលលោកអ្នកចាក់សាំងនោះ និងធ្វើឲ្យស្ទះ ឬ ខូចខាត តម្រង (fuel filter) និង បិចសាំង (fuel injector)។ ដូច្នេះលោកគួរទៅស្ថានីយ៍ផ្សេងទៀត ឬ ចាំថ្ងៃស្អែកសុំមកម្តងទៀត ជៀសវាងការចំណាយប្រាក់ជួសជុលរថយន្ត។

Read More

ជៀសវាងឆេះរថយន្ត នៅពេលបើកបរ

ច័ន្ទ, 07 មករា 2013 22:17

ជាទូរទៅអ្វីដែលបណ្តាលឲ្យរថយន្តឆេះភាគច្រើន កើតឡើងនៅពេលរថយន្ត​បានប៉ះទង្គិចគ្នាយ៉ាង​ធ្ងន់ធ្ងរ ដែលបណ្តាលឲ្យ ខ្ទេចម៉ាស៊ីន និងលេចសាំង ហើយប៉ះជាមួយផ្ការភ្លើងដែលចេញពីបូស៊ី ក្រៅ​ពីករណីទាំងនេះនៅមានកត្តាមួយចំនួន ទៀតដូចជា ប្រព័ន្ធខ្សែរភ្លើងរុំមិនបានជិតល្អ នៅពេល​លោកអ្នក ឲ្យគេតម្លើងឧបករណ៌ខាងក្រៅ ដូចជាតេឡេរថយន្ត ធុងបាស ទូរទស្សន៌ ជាដើម កាលណា​ខ្សែរទាំងនេះរុំមិនបានជិតល្អ អាចបណ្តាលឲ្យឆ្លងភ្លើង និងធ្វើឲ្យមានផ្កាភ្លើងប៉ះ ជាមួយសំភារៈដែលងាយឆេះនៅក្នុងរថយន្តដូចជា ព្រំ ស្បែកពូក ក្រដាស់ ឬ Spray បាញ់សក់ ជាដើម។

កត្តាមួយទៀតអាចមកពីខ្សែរសាកអាគុយរឹកមិនបានតឹងល្អ នៅពេលរថយន្តកំពុងបើកបរ នោះអាគុយត្រូវបានសាក តាមរយៈខ្សែរដែលបានបញ្ចូនភ្លើងមកពីរថយន្ត ប្រសិនបើខ្សែរវិជ្ចមាន (+) រលុងហើយរបូតចេញពីក្បាលអាគុយ ទៅប៉ះកន្លែងផ្សែងទៀតដូចជាដែក(គ្រោងរថយន្ត) ដែលរបកថ្នាំធ្វើឲ្យឆ្លងភ្លើងបាន។

មូលហេតុផ្សេងទៀតអាចកើតឡើងដោយសារសំបុកស៊ីមាំង (Catalyst Converter) ជាកន្លែង​ដែលមានកំដៅរហូតដល់ 287 អង្សារ កំដៅនេះអាចដុត ឬ ធ្វើឲ្យឆេះនូវកំទេចកំទី ផ្សេងៗដែល​ជាប់នៅទីនោះ ដូចជា ក្រដាស់, ស្លឹកឈើគ្រៀម, ក្រណាត់ ឬ តំណក់សាំងដែលលេច ជាដើម។

ខាងក្រោមជាចំនុចដែលលោកគួរយកចិត្តទុកដាក់ ត្រួតពិនិត្យឲ្យបានទៀងទាត់៖

- ពិនិត្យខែ្សរអាគុយ រឹតវាបើរលុង
- ពិនិត្យស្នាមលេចប្រេង ឬ សាំង ខាងក្រោមបាតរថយន្តទាំងមូល
- សំអាតខាងក្នុងរថយន្តឲ្យបានស្អាត កុំឲ្យមានក្រដាស់ ឬ របស់ផ្សេងៗដែលមានជាតិ gas ដូចជា Spray, ដែកកេះ
- បោសសំអាតក្រោមកៅអីឲ្យស្អាត កុំឲ្យមានសំរាម
- ទិញឧបករណ៌ពន្លត់ភ្លើងដាក់ក្នុងរថយន្ត (fire extinguisher) ចងវាឲ្យជាប់កុំឲ្យរអិល
- ហាមដាក់កំប៉ុង gas ចោល ក្នុងរថយន្ត
- ជៀសវាងជក់បារីក្នុងរថយន្ត
- ជៀសវាងចតរថយន្តនៅលើស្មៅស្ងួតគ្រៀម ព្រោះកំដៅសំបុកស៊ីមាំង អាចបង្កជាអគ្គិភ័យបាន

Read More

ស្វែងយល់ពី ថ្ម រថយន្ត Hybrid

សៅរ៍, 12 មករា 2013 21:53

ថ្មរថយន្ត Hybrid ក៏ដូចថ្មដែលយើងប្រើទូរទៅនៅក្នុង ទូរស័ព្ទ ឬ Laptop ដែរជាប្រភេទថ្ម lithium-ion គ្រាន់តែថ្មនៅក្នុងទូរស័ព្ទ មានតែមួយ cell និង ថ្ម Laptop អាចមាន ៦ cell ចំណែកថ្មរថយន្ត Hybrid ត្រូវបានគេផ្គួបចួលគ្នាជាច្រើន cell ដើម្បីបង្កើតបាន កំលាំងថាមពល មួយយ៉ាងខ្លាំង ដែលអាចអូសទាញរថយន្តបាន ប៉ុន្តែថ្មនេះ មានលក្ខណៈពិសេស គឺអាចប្រើប្រាស់ថាមពលរបស់វា ជាមួយសាំងបាន និងមានសុវត្ថិភាពខ្ពស់។



ម៉ាស៊ីនរបស់រថយន្ត Hybrid មាន២ផ្នែក: ផ្នែកទី១ គឺម៉ាស៊ីន សាំង និង ផ្នែកទី២ គឺម៉ូទ័រភ្លើង (electric motor)។ នៅពេលចាប់ផ្តើមបញ្ឆេះ និងចេញដំណើរ រថយន្តនេះប្រើប្រាស់ថាមពលថ្មជាដំបូង ហើយថាមពលនេះ អាចបន្តរត់បានដល់ ល្បឿន ២៤ គ.ម ក្នុងមួយម៉ោងទើបម៉ាស៊ីនសាំង ចាប់ផ្តើមដំណើរការវិញម្តង ព្រោះចាប់ពីល្បឿននេះឡើងទៅ រថយន្តត្រូវការ កំលាំងខ្លាំង។ នៅពេលជិតអស់ថ្ម ម៉ាស៊ីនសាំងនិងចាប់ផ្តើម ដំណើរការដោយស្វ័យប្រវត្តិ ការចាប់ផ្តើម ដំណើរការនេះ គឺដើម្បីបញ្ជូនភ្លើងទៅអូស ឌីណាម៉ូឲ្យដំណើរការ ដើម្បីបង្កើត ជាចរន្តភ្លើង រួចបញ្ចូលទៅក្នុង ថ្មរថយន្ត។

នៅពេលលោកអ្នកជាន់ហ្វ្រាំង កំលាំងកកិតរបស់ស្បែកហ្វ្រាំងជាមួយនិងតាំបួបានបង្កើតជា​ថាមពល​ដែលត្រូវបាន បម្លែងទៅជា ចរន្តភ្លើងដើម្បីសាក ថ្មរថយន្ត ចំពោះរថយន្តធម្មតាវិញ ថាមពល​ទាំងនេះ ត្រូវបានបោះបង់ចោល ដោយឥតប្រយោជន៌។

រថយន្ត Hybrid បច្ចុប្បន្នបំពាក់ដោយថ្មដែលមានអាយុកាល ប្រើបានរហូតដល់ 100,000 ទៅ 150,000 miles ឬ ស្មើរនិង ៨ ទៅ ១០ឆ្នាំ។

https://youtu.be/-atyVcjcM7I

Read More