តើគួរលាងម៉ាស៊ីន រថយន្តដែរឬទេ?

ច័ន្ទ, 01 កក្កដា 2013 08:19

ម៉ាស៊ីនជាផ្នែកមួយមានតម្លៃថ្លៃ និង ជាផ្នែកដ៏សំខាន់សំរាប់ដំណើរការរថយន្ត ជាទូរទៅ​យើង​សំអាត​រថយន្តតែខាងក្រៅ និង ខាងក្នុងរថន្ត ហើយមិនសូវខ្វល់ពីផ្នែកគ្រឿងម៉ាស៊ីន នៅខាង​មុខ​នោះ​ទេ។ ម៉ាស៊ីនស្អាតជួយឲ្យរថយន្តរបស់ លោកអ្នកមានតម្លៃនៅពេលលក់ និង ងាយស្រួល​រក​មើល​កន្លែង ដែលមានការលេចប្រេង ម្យ៉ាងវិញផ្នែកខ្លះនៃម៉ាស៊ីន ត្រូវបានគេប្រើជ័រដូចជាខ្សែភ្លើង និង ទុយោជាដើម ដូច្នេះជ័រទាំងនេះទាមទារឲ្យស្អាតជានិច្ច ដើម្បីជៀសវាងការពុកផុយ ឬ ដាច់ ដែលអាចបណ្តាលឲ្យរថយន្តឆ្លងភ្លើង ឬ រត់មិនស្រួល។

ពេលវេលាដែលល្អក្នុងការសំអាតម៉ាស៊ីនគឺនៅពេលព្រឹក ដោយសារតែម៉ាស៊ីនពុំមានកំដៅ ការ​បាញ់​ទឹកទៅលើម៉ាស៊ីនទាំងនៅក្តៅ អាចបណ្តាលឲ្យខូចប្រព័ន្ធភ្លើងរថយន្ត និង ផ្នែកមួយ​ចំនួន​នៃ​ម៉ាស៊ីន មុននិងចាប់ផ្តើមលាងម៉ាស៊ីន

លោកអ្នកគួរតែគ្របកន្លែងសំខាន់មួយចំនួនដូចជាៈ

ឌីណាម៉ូ
ប្រអប់ហ្វុយហ្ស៊ីប
ដុំដេរ (បញ្ឆេះ)
បំពង់អ៊ែរ និង ប្រអប់តម្រងខ្យល់ (ឬ យកតម្រងខ្យល់ចេញ)
គ្របចង្កឹះប្រេង និង ប្រេងហ្វ្រាំង
គ្របគំរបប្រេងផ្សេងៗដូចជា ប្រេងបូម, ប្រេងចង្កឺះលេខ ជាដើម
និង ដោះអាគុយចេញ (ដំបូងដោះខ្សែខ្មៅ (-) ចេញមុនសិន បន្ទាប់មកទើបដោះខ្សែក្រហម (+) ជាក្រោយ)

នៅពេលគ្របកន្លែងសំខាន់រួចហើយ ត្រូវប្រើទុយោបាញ់ទឹកណា ដែលមានសំពាធទាប (ពុំខ្លាំងដូចនៅកន្លែងលាងរថយន្ត) បាញ់លើម៉ាស៊ីន និង កន្លែងដែលមានដី បន្ទាប់មកលាយសាប៊ូ និង ទឹក រួចដុះកន្លែងកខ្វក់ ទាំងនោះជាមួយច្រះ ឲ្យបានស្អាត កន្លែងខ្លះជាប់ប្រឡាក់ ប្រេងពិបាកនិងដុះ លោកអ្នកអាចប្រើទឹកក្តៅ ជាមួយសាប៊ូដុះកលាង ត្រង់ចំនុចនោះ ឬ ក៏ប្រើផលិតផលសំរាប់ Spray បាញ់សំអាតកំណងប្រេង (degrease cleaner) ក៏បាន។
បន្ទាប់ពីដុះសំអាតរួច ត្រូវជូតម៉ាស៊ីន និង ទុកឲ្យវាស្ងួត បន្ទាប់មកត្រូវប្រើផលិតផល rubber/vinyl protectant ដើម្បីប៉ូលាជ័រ