July 2014 ~ Khmer Techno Innovation

Wednesday, July 30, 2014

របៀបមើលដឹងថា កាស iPhone 5S ពិតឬក្លែងក្លាយ!

មិត្ត អ្នកអានដែលកំពុងពិចារណាទិញ iPhone មួយទឹក តែងតែគិតលើឧបករណ៍បន្ថែម (accessory) ដូចជាឆ្នាំងសាក សម្បក និងកាសជាដើម ព្រោះខ្លាចប៉ះចំរបស់ក្លែងក្លាយ។ ខាងក្រោមនេះ គឺជាការកំណត់ចំណាំមួយចំនួនដើម្បីមើលដឹងថា ជាកាស iPhone 5S ពិតឬក្លែងក្លាយ។

១) ប្រអប់កាសពិត (ហ្សីន) iPhone 5 មានឡូហ្គូ (Logo) រូប Apple តែកាសក្លែងក្លាយពុំមាន

២) ពណ៌ប្រអប់កាសរវាងកាសហ្សីន និងកាសក្លែងក្លាយខុសគ្នា។ ពណ៌ប្រអប់កាសហ្សីន (Original) មានពណ៌សស្រដៀងសម្បកពងមាន់ស្រាល ហើយកាសក្លែងក្លាយមានពណ៌សបែបស៊ីជម្ពូ។

៣) ត្រង់កន្លែងបញ្ជាបទចម្រៀងលើខ្សែកាសហ្សីន និងក្លែងក្លាយគឺមានភាពខុសគ្នា។ នៅលើកាសហ្សីនមានគន្លាក់រាងកែងចោត ចំណែកកាសក្លែងក្លាយមានគន្លាក់រាងទាល។

៤) ផ្នែកខាងក្រោយនៃកន្លែងបញ្ជា របស់កាសហ្សីនមានរូបមីក្រូហ្វូនបញ្ឈរឡើង ចំណែកកាសក្លែងក្លាយមានរូបមីក្រូហ្វូនផ្កាប់ចុះ។

៥) ដោយសារកាសហ្សីនផលិតពីប្លាស្ទិកល្អ ដូច្នេះឃ្នាបខ្សែទោះបីប្រើរយៈពេលយូរក៏មិនមានដាច់រហែកដែរ ផ្ទុយទៅវិញកាសក្លែងក្លាយនឹងដាច់រហែក។

ហេតុផល ៥ យ៉ាងដែលអ្នកមិនគួរមើលរំលង Windows Phone

ប្រិយមិត្តបានដឹងស្រាប់ហើយថាប្រព័ន្ធប្រតិបត្តិការលើពពួក Smartphone មានលក្ខណៈសម្បត្តិខុសៗគ្នា មិនដឹងថាសម្រេចជ្រើសរើសយកមួយណាឱ្យសមបំណង ដើម្បីជៀសវាងការខកចិត្ត។ ថ្ងៃនេះយើងមើលមូលហេតុ ៥យ៉ាងដែលអ្នកគួរតែសម្រេចចិត្តរើសយកទូរសព្ទដំណើរការជាមួយ Windows Phone យកមកប្រើប្រាស់ ខណ:អ្នកប្រើប្រាស់រាប់លាននាក់ ផ្សេងទៀតកំពុងឈ្លក់វង្វេងនឹងAndroid និងiOS៖

ទី១៖ កម្មវិធី Cortana ប្រភេទកម្មវិធីដ៏ល្អបំផុតដែលប្រើជាជំនួយការយ៉ាងឆ្លាតវៃរបស់ Bing វាអាចស្គាល់ចំណងចំណូលចិត្ត ផ្តល់ព័ត៌មានល្អៗពីអ្វីដែលអ្នកចង់ធ្វើ ជាពិសេសវាអាចរក្សាទំនាក់ទំនងអ្នកទៅកាន់មនុស្សដែលខ្វល់ខ្វាយពី អ្នកបំផុត។

ទី២៖ Windows Phone មានកម្មវិធី Live Tiles សម្រាប់រក្សាទំនាក់ទំនងអ្នកជាមួយក្រុមគ្រួសារ មិត្តភ័ក្ដិនៅលើ Start Screen អ្នកអាចឃើញ Status Update ថ្មីៗ ដាក់កម្មវិធីនានា ឆែក វិបសាយ អាល់ប៊ុមតន្ត្រីក៏ដូចជាអ្វីៗផ្សេងៗទៀតតាមការចង់បានរបស់យើង។

ទី៣៖ កាមេរ៉ា របស់ពពួកWindows Phone មានលក្ខណៈល្អដាច់គេក្នុងចំណោមSmartphones ដែលប្រតិបត្តិការជាមួយ Android ឬ iOS ដោយសារវាមានទំហំកាមេរ៉ាដល់ទៅ 41 MP សម្រាប់ប្រើក្នុងការថតរូបឬវីដេអូបានច្បាស់ល្អ និងជាពិសេសអាចធ្វើការចែករំលែកទៅឱ្យមិត្តភ័ក្ដិបានលឿន។

ទី៤៖ បំពាក់ Connected Devices ពេលយើងកាន់ Windows Phone ជីវិតយើងលែងមានភាពឯកោដោយវាមានតន្ត្រី,រូបភាព,វីដេអូ,ហ្គេម, ចម្រៀងនិងព្រឹត្តិការណ៍ផ្សេងៗ ដែលយើងអាចទាញយកនិងចែករំលែកទៅកាន់កុំព្យូទ័រ, ថេប្លេត, និង Smartphone ដ៏ទៃទៀតបានយ៉ាងរហ័ស។

ទី៥៖ Windows Phone ជាប្រភេទប្រព័ន្ធប្រតិបត្តិការមានប្រសិទ្ធភាពខ្ពស់ដោយមានក្ដារចុច ស្រស់ស្អាត, កន្លែងផ្ទុកទិន្នន័យដ៏ឆ្លាតវៃ និងថាមពលថ្មប្រើបានយូរជាងមុន។

លើកនេះជឿជាក់ថាអ្នកដែលកំពុងកាន់ Windows Phone មិនមានអ្វីត្រូវខកចិត្តទៀតទេ។

ប្រែសម្រួល៖សែម សុធារិទ្ធ

ម្ចាស់សំបុកអាយធីចង់បង្កើតក្រុមហ៊ុនផ្ដល់ឱកាសការងារយុវជន

Wed, 12 March 2014

Seng Thy

លោក ឡាវ សុភ័ក្ដ្រ ម្ចាស់គេហទំព័រសំបុកអាយធី [Sombok IT] កំពុងពន្យល់ណែនាំដល់យុវជនដែលចង់ចេះចង់ដឹងអំពីព័ត៌មានវិទ្យា សហការី

ថ្មីៗ នេះគេហទំព័រសំបុកអាយធី [SombokIT] ទទួលបាននូវការគាំទ្រជាច្រើនពីសំណាក់អ្នកដែលចូលចិត្តលើផ្នែក ព័ត៌មានវិទ្យា អ្នកតាមដានព័ត៌មានផ្នែកបច្ចេកវិទ្យា និងអ្នកដែលចង់ស្វែងយល់ពីគន្លឹះដោះស្រាយផ្សេងៗទាក់ទងនឹង ការប្រើប្រាស់កម្មវិធីទូរស័ព្ទទំនើបៗ (Smart Phone) និងកុំព្យូទ័រជាដើម។

មនុស្សមិនតិចជាង៥ពាន់នាក់ទេក្នុងមួយ ថ្ងៃបានចូលទៅកាន់គេហទំព័រអាយធីមួយនេះ។ ជាក់ស្តែង សំបុកអាយធីទទួលបានការចុចចូលចិត្ដ (Like) ប្រមាណជា១០ម៉ឺននាក់ និងការចុចចែករំលែក (Share) តាមរយៈទំព័រហ្វេសប៊ុក www.facebook.com/sombokIT ១៣ម៉ឺននាក់បន្ថែមទៀត ដែលនេះបានធ្វើឲ្យគេហទំព័រព័ត៌មានវិទ្យាមួយនេះ ក្លាយជាកន្លែងផ្ដល់ចំណេះដឹងមួយសម្រាប់យុវវ័យក្នុងវិស័យ ព័ត៌មានវិទ្យា។ លោក ឡាវ សុភ័ក្ដ្រ ជាម្ចាស់គេហទំព័រសំបុកអាយធី [SombokIT] និងជានិស្សិតបញ្ចប់ការសិក្សាពីសាកលវិទ្យាល័យន័រតុន បានប្រាប់ឲ្យដឹងថា ដោយមានការពេញនិយមចំពោះប្រភពនៃព័ត៌មានវិទ្យា សំបុកអាយធី សព្វថ្ងៃអាចរកចំណូលបានជាង២០០ដុល្លារក្នុងមួយខែតាមរយៈការលក់ បដាផ្សព្វផ្សាយផលិតផលលើគេហទំព័ររបស់ខ្លួន។

លោក សុភ័ក្ដ្រ បានពន្យល់ថា ការងារផ្នែកព័ត៌មានវិទ្យានេះអាចជោគជ័យលុះត្រាតែយើងខិតខំ បង្កើតស្នាដៃថ្មីៗប្លែកៗ និងមានអត្ថប្រយោជន៍ដល់សង្គម។
លោក ពោលថា៖ «ខ្ញុំមិនទាន់ហ៊ាននិយាយថា ខ្ញុំទទួលបានជោគជ័យនោះទេ ពីព្រោះខ្ញុំមិនទាន់ឈានដល់គោលដៅនៅឡើយក្នុងការបង្កើតក្រុមហ៊ុន មួយផ្ទាល់ខ្លួនដែលផ្ដល់សេវាកម្មជាក់លាក់ និងមានផលិតផលខុសពីក្រុមហ៊ុនដទៃ»។

លោកបានពន្យល់ពីគោលបំណង ក្នុងការបង្កើតជាក្រុមហ៊ុននោះថា៖ «បើយើងបើកក្រុមហ៊ុន វាអាចជួយបង្កើតការងារថ្មីៗសម្រាប់និស្សិតព័ត៌មានវិទ្យាដែល បញ្ចប់ការសិក្សា ហើយពួកគេក៏អាចមានឱកាសក្លាយជាសហគ្រិនម្នាក់ទៀតដែរ»។

លោក បានបញ្ជាក់ថា ការងារផ្នែកនេះ[IT]ទូលំទូលាយណាស់។ អ្នកអាយធីអាចបង្កើតការងារដោយខ្លួនឯងតាមរយៈជំនាញ និងទេពកោសល្យ ហើយវាគ្មានបញ្ហាអ្វីនោះទេ លើកលែងតែយើងចង់ឲ្យមានបញ្ហា។ ផ្ទុយទៅវិញ អ្នកសរសេរ និងបង្កើតវេបសាយតែងតែផ្លាស់ប្ដូរចំណេះដឹងពីគ្នាទៅវិញទៅមក ហើយពួកគេអាចសហការគ្នាប្រកបរបរ។

លោកបានឲ្យដឹងទៀតថា បើចង់បង្កើតវេបសាយមួយប្រកបដោយជោគជ័យ សូមកុំគិតពីផលចំណេញជាត្រីមុខ ប៉ុន្ដែត្រូវគិតថា យើងធ្វើវាដើម្បីមនុស្សទាំងអស់ និងដើម្បីសង្គមរបស់យើង ទើបវេបសាយរបស់យើងមានដំណើរការល្អទៅមុខ។

លោកបន្ដថា៖ « វាដូចជាការដាំដើមឈើហូបផ្លែអ៊ីចឹង យើងដាំថ្ងៃនេះ មិនអាចទទួលផលនៅថ្ងៃស្អែកឡើយ»។
ម្ចាស់គេហទំព័រសំបុកអាយធីរូបនេះ បានអះអាងថា៖ «តាំងពីការបង្កើតវេបសាយនេះក្នុងឆ្នាំ២០១១ រហូតមកដល់ពេលនេះ វាជាការចាប់ផ្ដើមដ៏ល្អ ពីព្រោះសំបុកអាយធី ជាអនាគតរបស់ខ្ញុំ ហើយខ្ញុំតែងតែព្យាយាមឲ្យវារស់តទៅទៀត»។

លោក បានបន្ថែមថា៖ «បើធ្វើការងារឲ្យគេ យើងអាចជួយតែអាត្មាឯងប៉ុណ្ណោះ ប៉ុន្ដែបើយើងមានក្រុមហ៊ុនខ្លួនឯង យើងអាចជួយបង្កើតការងារបានច្រើន និងជួយអភិវឌ្ឍប្រទេសជាតិ ព្រមទាំងបង្កើនប្រាក់ចំណូលថែមទៀតផង»។

ជាក់ស្ដែង លោក សុភ័ក្ដ្រ បានបង្កើតឱកាសការងារដល់អ្នកចូលចិត្ដសរសេរអត្ថបទបច្ចេកវិទ្យាដោយ លោកបានផ្ដល់ថវិកាផ្ទាល់ខ្លួនខ្លះៗដើម្បីលើកទឹកចិត្ដក្នុងការ ចំណាយពេលវេលាមកសរសេរអត្ថបទឲ្យសំបុកអាយធី។

ជាចុងក្រោយ លោកបានផ្ដល់ការលើកទឹកចិត្ដយុវជនឲ្យខិតខំសិក្សា និងប្រឹងប្រែងបំបែកគំនិតបង្កើតអាជីវកម្មពីជំនាញព័ត៌មានវិទ្យា នេះដោយរំពឹងថា មានជំនួញខ្លួនឯងអាចជួយបង្កើតឱកាសការងារច្រើន៕

កូនខ្មែរបង្កើតកម្មវិធីទូរស័ព្ទឆ្លើយតបទៅនឹងវិបត្តិស្ទះចរាចរណ៍នៅកម្ពុជា

Thu, 3 July 2014

Bennett Murray

ភ្នំពេញ: កំណើនសេដ្ឋកិច្ចបាននាំមកនូវចំនួនយានយន្តដ៏ច្រើនដែលបង្កជាការ កកស្ទះចរាចរណ៍ណែនណាន់ តាន់តាប់ដ៏គួរឲ្យឈឺក្បាលដល់បណ្ដាអ្នកដំណើរទាំងឡាយ។ ឆ្លើយតបទៅនឹងបញ្ហានេះ កូនខ្មែរជំនាញបច្ចេកវិទ្យាមួយរូបបានបង្កើតកម្មវិធីទូរស័ព្ទ ស្មាតហ្វូនដើម្បីសម្រួលដល់អ្នកបើកបរទាំងឡាយ។
ក្រោយពីសម្ពោធនូវកម្មវិធីទូរស័ព្ទដែលផ្ដល់ឱកាសឲ្យបណ្ដាអ្នក ប្រើប្រាស់រាយការណ៍ពីស្ថានភាពចរាចរណ៍នៅតាមវិថីនានាកាលពីថ្មីៗនេះ លោក វ៉ា កូរ៉ា ស្ថាបនិក Chatomuk Traffic បានថ្លែងថា៖ «ការស្ទះផ្លូវមិនមែនត្រឹមតែជាបញ្ហាចរាចរណ៍នោះទេ វាគឺជាបញ្ហាសង្គមមួយផងដែរ»។
លោកបានពន្យល់ថា៖ «នៅពេលដែលយើងជួបបញ្ហាស្ទះផ្លូវ យើងខាតពេលវេលា ហើយមានអារម្មណ៍ថាស្រេ្តសទៀតផង ដូច្នេះវាជាការមិនល្អសម្រាប់សុខភាពនោះទេ។ វាក៏ធ្វើឲ្យខាតបង់ដល់សេដ្ឋកិច្ចផងដែរ ព្រោះយើងមិនអាចទុកពេលនោះធ្វើសកម្មភាពអ្វីមានប្រយោជន៍បាន»។

Chatomuk Traffic ដំណើរបានទាំង iOS និង Android។ ស្រេង ម៉េងស្រ៊ុន

ស្ថិតក្នុងវ័យ ២៨ ឆ្នាំ លោក វ៉ា កូរ៉ា បានបញ្ជាក់ការសិក្សាថ្នាក់អនុបណ្ឌិតផ្នែកបច្ចេកវិទ្យាទំនាក់ទំនង មកពីក្រុង តូក្យូ និងមានបទពិសោធបម្រើការនៅក្រុមហ៊ុនដ៏ល្បីល្បាញរបស់ជប៉ុន Rakuten។ ប្រាក់កម្រៃខ្ពស់ពីអាជីពនៅប្រទេសដ៏ជឿនលឿននេះមិនបានបង្អាក់ ក្ដីសុបិនរបស់លោកក្នុងការបង្កើតអាជីវកម្មផ្ទាល់ខ្លួនមួយនៅទឹកដី កំណើតឡើយ។
ស្ថាបនិកវ័យក្មេងរូបនេះនិយាយថា៖ «ខ្ញុំបានការងារដ៏ល្អ នៅក្រុមហ៊ុនល្បីមួយរបស់ប្រទេសជប៉ុន ប៉ុន្តែខ្ញុំគិតថា វាមិនគ្រប់គ្រាន់ទេ។ ខ្ញុំចង់បង្កើតអ្វីមួយដែលជារបស់ខ្លួនឯងផ្ទាល់»។
កាលពីឆ្នាំមុនលោកបានវិលមកមាតុប្រទេសដើម្បីធ្វើកិច្ចការ អភិវឌ្ឍវេបសាយប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក ឬអ៊ីខមមើស។ ប៉ុន្តែលោកក៏សម្រេចចិត្តចាប់ផ្ដើមផ្ដោតទៅលើបញ្ហាចរាចរណ៍នៅ កម្ពុជា ដោយប្រើបទពិសោធពីរចនាសម្ព័ន្ធកម្មវិធីធ្វើដំណើរនៅទីក្រុងតូក្យូ។
លោកបានរំឭកថា៖ «ពេលខ្ញុំនៅប្រទេសជប៉ុន មុនពេលដែលខ្ញុំចេញទៅណាមកណា ខ្ញុំតែងឆែកមើលកាលវិភាគជើងរថភ្លើង និងផ្លូវនានា ដើម្បីឲ្យយើងអាចចំណាយពេលខ្លី និងអស់លុយតិច»។
យ៉ាងណាមិញ សម្រាប់ទីក្រុងដែលមិនមានផ្លូវរថភ្លើង និងចំនួនខ្សែរថយន្តក្រុងមានកំណត់នោះ លោក វ៉ា កូរ៉ា បានសម្រេចចិត្តបង្កើតកម្មវិធី Chatomuk Traffic ដែលអាចឲ្យអ្នកប្រើប្រាស់ទាំងឡាយរាយការណ៍ផ្ទាល់ពីស្ថានភាពនៅតាម ផ្លូវនានា។ ក្រោយពីចំណាយពេល៦ខែ ក្រុមការងារទាំង ៥ នាក់របស់លោកបានសម្ពោធកម្មវិធីនេះកាលពីខែមុន ដោយដំណើរការបានទាំងប្រព័ន្ធប្រតិបត្តិការ iOS និង Android។
យោងតាមលោក វ៉ា កូរ៉ា នៅ៣សប្ដាហ៍ដំបូង កម្មវិធីនេះមានចំនួនអ្នកទាញយកទៅប្រើប្រាស់ ៣០០០ នាក់ឯណោះ ហើយលោកកំពុងតែអភិវឌ្ឍវាឲ្យកាន់តែប្រសើរឡើង។
លោកបានឲ្យដឹងថា៖ «នៅពេលឆាប់ៗខាងមុខនេះ យើងចង់ឲ្យអ្នកប្រើប្រាស់អាចបញ្ចូលរូបភាពក្នុងប្រព័ន្ធរបស់យើង ហើយពួកគេក៏អាចជ្រើសរើសនូវឈ្មោះផ្លូវដែលពួកគេចូលចិត្តធ្វើដំណើរ ពីផ្ទះទៅកន្លែងធ្វើការផងដែរ។ ធ្វើដូច្នេះ នៅពេលដែលមានបញ្ហាស្ទះចរាចរណ៍ត្រង់ចំណុចណាមួយនៃផ្លូវដែល ពាក់ព័ន្ធនោះ យើងនឹងធ្វើការជូនដំណឹងដល់អ្នកដំណើរវិញភ្លាមផងដែរ»។
នៅពេលដែលកម្មវិធី Chatomuk Traffic មានប្រជាប្រិយភាពខ្លាំងហើយ លោកនឹងពិចារណាភ្ជាប់ការផ្សាយពាណិជ្ជកម្មដើម្បីឲ្យបណ្ដាហាង ឬអាជីវកម្មផ្សេងទៀតផ្ដោតទៅលើអ្នកដំណើរស្ថិតនៅតំបន់ជាក់លាក់។
ទោះជាសព្វថ្ងៃលោកធ្វើកិច្ចការលើកម្មវិធីចរាចរណ៍នេះក៏ពិតមែន ប៉ុន្តែលោកនៅតែមិនបោះបង់គម្រោងបង្កើតវេបសាយអ៊ីខមមើសនៅប្រទេស កម្ពុជានោះទេ។ យោងតាមសម្ដីលោក អ្នកបង្កើតកម្មវិធីទូរស័ព្ទភាគច្រើនមិនមែនដើម្បីតែប្រាក់ទេ។
លោក វ៉ា កូរ៉ា បាននិយាយថា៖ «ពួកគេសុទ្ធតែមានក្ដីសុបិនចង់ក្លាយជាអ្នកបច្ចេកវិទ្យាល្បីដូចនៅ តំបន់ស៊ីលីកូន វ៉ាលី ដែលជាពិភពផ្ដល់កំណើតដល់បច្ចេកវិទ្យាទំនើបបំផុតក្នុងលោកនោះ»។
ដោយឡែក សម្រាប់រូបលោកជាស្ថាបនិកកម្មវិធី Chatomuk Traffic ផ្ទាល់ លោកបញ្ជាក់ថា៖ «ខ្ញុំចង់ធ្វើអ្វីដែលមានប្រយោជន៍ដល់មនុស្សទាំងឡាយ»៕

មើលវីដេអូYouTube ក្នុងល្បឿនអ៊ីនធឺណិតយឺតបានដូចចាក់លើកុំព្យូទ័រធម្មតា

មាន បញ្ហារអាក់រអួលក្នុងការមើលវីដេអូក្នុង YouTube ដែរឬទេ ? ដើម្បីមើលវីដេអូក្នុង YouTube បានល្អ ប្រិយមិត្តចាំបាច់ត្រូវមានល្បឿនអ៊ីនធឺណិតលឿន ប៉ុន្តែនៅទំព័រនេះ Sabay នឹងបង្ហាញពីរបៀបមួយ អាចឲ្យប្រិយមិត្តមើលវីដេអូក្នុង YouTube បានទោះមានល្បឿនអ៊ីនធឺណិតមិនសូវលឿនក៏ដោយ។

ចូល ទៅកាន់គេហទំព័រ YouTube ដើម្បីរកវីដេអូមួយណាដែលអ្នកចង់មើល បន្ទាប់មកចុច Mous ខាងស្ដាំលើ Link របស់វីដេអូនោះ ហើយយកពាក្យ Copy Link Location ដើម្បីចម្លងយកអាសយដ្ឋានរបស់វីដេអូដែលអ្នកចង់មើល។

ដើម្បីជំនួយការមើលវីដេអូ YouTube ឲ្យកាន់តែប្រសើរ ប្រិយមិត្តត្រូវដំឡើងកម្មវិធី VLC Media Player ។ ចុចទីនេះ ដើម្បីទាញយកកម្មវិធីនេះ។

បន្ទាប់ ពីបានដំឡើងរួចហើយ បើកកម្មវិធីនោះ បន្ទាប់មកចុច Ctrl+V អ្នកនឹងបានឃើញដូចរួបខាងក្រោមនេះ។ ចុចលើប៊ូតុង Play ដើម្បីសាកល្បងមើលវីដេអូដែលអ្នកចង់មើល ៕

ប្រភព៖ allittips

ចេះប្រើShortcut លើFacebookហើយឬនៅ?

វិធី សាស្ត្រក្នុងការប្រើប្រាស់មុខងារនានា ដែលមានលើSocial Network Facebook Sabay សូមលើកយកBroswer ចំនួនពីរមកបង្ហាញគឺ Chrome និងFirefox ដើម្បីជម្រុញឲ្យមិត្តយុវវ័យទាំងអស់ប្រើប្រាស់Function លើFacebook ដែលលេងរាល់ថ្ងៃបានកាន់តែលឿន និងរហ័សជាងមុន ក្នុងគោលបំណងពង្រឹងសមត្ថភាពកុំព្យូទ័រ និងចំណេញពេលវេលា។ តើការប្រើប្រាស់Shortcut Key ខុសគ្នាយ៉ាងម៉េច សូមស្វែងយល់ទាំងអស់គ្នាដូចខាងក្រោម។

សម្រាប់ប្រិយមិត្តប្រើប្រាស់ Chrome Browser ៖

Shortcut	មុខងារ
Alt+1	New Feed
Alt+2	To see Profile
Alt+3	Pop-Up of Friend Requests
Alt+4	Pop-Up of Messages
Alt+5	Pop-Up of Notifications
Alt+6	Account Setting
Alt+7	Privacey Setting
Alt+8	To see own Facebook Profile
Alt+9	Read latest terms of service agreement
Alt+?	Search
Alt+M	Create new Message

ខាងក្រោមជា Shortcut FB សម្រាប់ប្រិយមិត្តប្រើប្រាស់ Firefox Browser ៖

Shortcut	មុខងារ
Shift+Alt+1	New Feed
Shift+Alt+2	To see Profile
Shift+Alt+3	Pop-Up of Friend Requests
Shift+Alt+4	Pop-Up of Messages
Shift+Alt+5	Pop-Up of Notifications
Shift+Alt+6	Account Setting
Shift+Alt+7	Privacy Setting
Shift+Alt+8	To see own Facebook Profile
Shift+Alt+9	Read latest terms of service agreement
Shift+ Alt+?	Search

ប្រភព៖ allittips

របៀបបិទ Screen Desktop កុំព្យូទ័រតាម USB Flash

តើ ប្រិយមិត្តធ្លាប់ដឹងពីមុនមកទេថា ប្រើ flash អាចចាក់សោបិទ desktop កុំព្យូទ័របាន។ ទំព័រនេះ sabay សូមលើកយកគន្លឹះថ្មីប្លែក ដែលអាចកំណត់ screen កុំព្យូទ័ររលត់ប្រែទៅជាខ្មៅងងឹត ដោយគ្រាន់តែប្រើ USB Flash drive ប៉ុណ្ណោះ។ គឺយើងត្រូវមាន USB flash និងត្រូវប្រើកម្មវិធីមួយដែលមានឈ្មោះថា “Predator” ដើម្បីចម្លង key របស់ flash ចូលទៅក្នុងតារាងកម្មវិធីជាមុនសិន។ ក្រោយពីដក USB flash drive នោះ screen កុំព្យូទ័រនឹងរលត់ប្រែទៅជាខ្មៅ បើចង់បង្ហាញមកវិញលុះណាតែយើងដោត USB flash ដែលធ្លាប់បានចម្លង key ពីមុន ទើបអាចបើក desktop វិញបាន។

*ចំណាំៈ ប្រសិនមិនមែន usb flash ដែលបានចម្លង key ទេ នោះក៏ពុំអាចបើកបង្ហាញ desktop របស់ម៉ាស៊ីនវិញដែរ។

ចង់ដឹងមុខងារ Predator ពិសេសយ៉ាងណានោះ សូមតាមដាននិងអនុវត្តតាមជំហានដូចខាងក្រោម៖

១. ដំបូងត្រូវដំឡើងកម្មវិធី Predator ទៅលើម៉ាស៊ីនកុំព្យូទ័រជាមុនសិន ហើយប្រសិនបើប្រិយមិត្តពុំទាន់មាន អាចចុចត្រង់ InstallPredator.zip នេះដើម្បីទាញយកដែលវាមានទំហំ 1.7MB បានឥតគិតថ្លៃ។

២. បន្ទាប់ពីទាញយករួច សូម browse ទៅកាន់កញ្ចប់ឯកសារ InstallPredator.zip រួចពន្លាដោយចុចខាងស្ដាំ mouse រួចរើសយកពាក្យ Extract to InstallPredator\ (ចំណាំ៖ ត្រូវមានកម្មវិធី WinRarឬ WinZip)។ រួចចូលទៅទីតាំង (folder) និងធ្វើការដំឡើងចូលទៅម៉ាស៊ីន ដោយចុចពីរដងលើ InstallPredator.exe រួចចុច Next → ធីកយកពាក្យ I Agree ហើយចុច Next → Next → Next និងចុងក្រោយចុចប៊ូតុង close ជាការស្រេច។

៣. បន្ទាប់ពីដំឡើងរួច ផ្ទាំងសារមួយនឹងបង្ហាញឡើង បញ្ជាក់ឲ្យអ្នកប្រើដឹងថា មុនពេលប្រើកម្មវិធីនេះ ត្រូវកំណត់លេខកូដសំងាត់ (password) និងបង្កើត key ដោយណែនាំឲ្យអ្នកប្រើដោត flash ចូលទៅម៉ាស៊ីន, រួចហើយចុចលើប៊ូតុង OK ដើម្បីបន្ត។

៤. ក្រោយពីបានធ្វើតាមជំហានខាងលើរួច កម្មវិធី Predator នឹងបើកឡើងដោយស្វ័យប្រវត្តិ តែប្រសិនបើមិនបានបើកទេ សូមទៅរកមើលឈ្មោះកម្មវិធី Predator ដែលមាននៅលើ Desktop។

៥. សូមពិនិត្យមើលថា តើ usb flash របស់យើងបានបង្ហាញនៅក្នុងប្រអប់ “Create key on Drive” ហើយឬនៅ។ បើពុំទាន់ឃើញបង្ហាញទេ សូមដោត usb flash ឲ្យស្គាល់ជាមុនសិន, បន្ទាប់មកចុចលើប៊ូតុង Create Key ដើម្បីបង្កើត key ឲ្យ usb flash ដាក់បញ្ចូលទៅក្នុងតារាង និងកំណត់លេខកូដសំងាត់ត្រង់ប្រអប់ New Password រួចចុច OK, និងចុច OK ម្ដងទៀតនៅពេលបង្ហាញសារ Predator setup complete ដែលបញ្ជាក់ប្រាប់ថា ការកំណត់ត្រឹមត្រូវរួចរាល់អស់ហើយ។ (ចំណាំៈ កម្មវិធី predator នេះពុំប៉ះពាល់ដល់ឯកសារដែលមាននៅលើ USB Flash ឡើយ)

ជំហាន ចុចក្រោយ សូមដំណើរការកម្មវិធី Predator នេះឡើងវិញម្ដងទៀត។ ឥឡូវយើងអាចសាកល្បងពិសោធដោយ ដក usb flash នេះចេញពីម៉ាស៊ីនទៅមើល៍ តើមានអ្វីកើតឡើងដែរឬអត់?

បន្តតាមស្វែងយល់ គន្លឹះខ្លីៗ សូមចុចត្រង់នេះ

ដោយ៖ ឈុន ហួរ

វិធីចែករំលែកអ៊ីនធឺណិតកុំព្យូទ័រឲ្យ Smartphone ប្រើតាម WiFi

ប្រិយមិត្ត ប្រហែលជាធ្លាប់បានដឹងពីការប្រើប្រាស់ hotspot ដែលអាច share អ៊ីនធឺណិតពី smartphone ឲ្យទៅកុំព្យូទ័រប្រើប្រាស់ហើយ។ ក៏ប៉ុន្តែប្រសិនបើចង់ share ពីកុំព្យូទ័រឲ្យ smartphone អាចប្រើបានវិញនោះ តើត្រូវធ្វើរបៀបណា។ ទំព័រនេះ Sabay សូមបង្ហាញពីរបៀបភ្ជាប់ប្រើអ៊ីនធឺណិត ពីកុំព្យូទ័រទៅ smartphone ដោយប្រើប្រាស់កម្មវិធី Connectify Pro ដែលមានទំហំ 7.3MB។ ចង់ដឹងថាត្រូវធ្វើរបៀបណា សូមអនុវត្តទាំងអស់គ្នាតាមជំហានខាងក្រោម៖

១) ត្រូវប្រើកម្មវិធី Connefctify Pro តែប្រសិនពុំទាន់មានអាចចុចត្រង់នេះ ដើម្បីទាញយក។ (បញ្ជាក់៖ បើសិនប្រិយមិត្តពេញចិត្ត ហើយចង់គាំទ្រកម្មវិធីនេះដើម្បីឲ្យមានជំនាន់ក្រោយៗទៀត ប្រិយមិត្តអាចទិញយកទៅប្រើប្រាស់)

២) បន្ទាប់មករកមើល ConnectifyHotspotInstaller.exe រួច double click ដើម្បីដំឡើង ដោយរង់ចាំមួយរយៈពេល បន្ទាប់ពីដំឡើងរួចវានឹង តម្រូវឲ្យយើង Restart កំព្យូទ័រ។

៣) បន្ទាប់ពី restart រួចហើយ រកមើល icon នៅផ្នែកខាងក្រោមចំហៀងខាងស្ដាំ (icon tray) ដោយចុចលើវាម្ដង បន្ទាប់មកបើកឯកសារ keygent.exe ដើម្បីចំលងអ៊ីម៉េល និងលេខស៊េរី ទៅដាក់ក្នុងកម្មវិធីដើម្បី activate។ ផ្ទាំងកម្មវិធី Hotspoted នឹងផុសឡើង នៅត្រង់នេះយើងត្រូវបំពេញព័ត៌មានទៅក្នុងប្រអប់ Hotspot Name ដើម្បីកំណត់ឈ្មោះ និងប្រអប់ Password ដើម្បីកំណត់លេខកូដសំងាត់នៅពេល smartphone ភ្ជាប់ទៅកាន់កុំព្យូទ័រ។

៤) ចុងក្រោយចុចលើប៊ូតុង Start Hotspot ដើម្បីដំណើរការ។ (ចំណាំ៖ រាល់កុំព្យូទ័រត្រូវតែមាន Wireless ទើបអាចប្រើបាន ហើយត្រូវ enable ជាមុនសិនមុននឹងប្រើ)

សាកលុ្បងធ្វើម្ដងមើល៍ តើបានផលអត់?
យល់ដឹងពី គន្លឹះខ្លីៗ សូមចុចត្រង់នេះ…
ដោយ៖ ឈុន ហួរ

របៀប ចងក្រងឯកសាររូបភាពច្រើន បញ្ចូលជា file pdf តែមួយ

តើប្រិយមិត្តធ្លាប់មានបំណងចង់បញ្ចូលឯកសាររូបភាពច្រើនសន្លឹក ទៅជា file pdf តែមួយដែរឬទេ? តាមធម្មតា ប្រសិនអ្នកចង់បម្លែងឯកសាររូបភាពមួយឲ្យទៅជា file pdf មួយទៀត មានលក្ខណៈងាយស្រួលគ្រាន់តែ insert រូបភាពនោះចូលទៅក្នុង MS-Word 2010 ក្រោយពេលអ្នក Save As វានឹងបង្ហាញផ្ទាំងឲ្យរើសនូវប្រភេទឯកសារដែលមានប្រភេទ file pdf ស្រាប់។ ប្រិយមិត្តក៏អាចប្រើវិធីផ្សេងងាយជាងនេះ គឺបើឯកសាររូបភាពដែលចង់បម្លែងជាមួយនឹងកម្មវិធី Adobe Photoshop CS រួច Save As ដោយរើសយកប្រភេទ file “pdf” បានដូចគ្នា។ ចុះបើឯកសាររូបភាពច្រើនវិញ តើប្រិយមិត្តមានវិធីណាខ្លះ អាចបម្លែងឲ្យនៅបន្តជាប់គ្នាជា file pdf តែមួយបាន?

ទំព័រនេះ Sabay សូមលើកយកពីរបៀបបម្លែងឯកសាររូបភាពច្រើនចូលគ្នា ឲ្យទៅជាប្រភេទ file pdf ដោយប្រើប្រាស់កម្មវិធី JPG2PDF Convertor ។ ក្រៅពីឯកសារប្រភេទ JPG កម្មវិធីនេះក៏អាចបម្លែងឯកសាររូបភាពផ្សេងទៀតដែរដូចជាៈ GIF, BMP, TIF, PNG, TGA, PBM និង ឯកសារ PSD (photoshop document format) ឲ្យទៅជា file PDF។ សូមដំឡើងកម្មវិធីនេះ ចូលទៅម៉ាស៊ីនជាមុនសិន ប្រសិនពុំទាន់មានទេ សូមចុចត្រង់នេះដើម្បីទាញយក JPG2PDF Convertor
1. បន្ទាប់ពីទាញយករួច សូមដំឡើងវា ដោយចុចពីរដង រួចហើយចុច Next → Next → Next → Next → Install → finish
2. បន្ទាប់ ពីដំឡើងរួច ផ្ទាំងកម្មវិធី JPG To PDF នឹងបើកឡើង តែបើពុំឃើញទេ អ្នកអាចចូលទៅបើកវានៅលើ Desktop កុំព្យូទ័រ បាន។ បន្ទាប់មក active កម្មវិធីដោយ ចូលទៅម៉ឺនុយ About → Register ឬ ចុចត្រង់ប៊ូតុង Buy Now បានដូចគ្នា រួចចម្លងលេខSerial នេះ 4867JWVI3C3F5D9 ចូលទៅប្រអប់ Register ដូចរូប។

3. ឥឡូវ អ្នកអាចធ្វើការបម្លែងឯកសាររូបភាពជាច្រើនប្រភេទដូចបានរៀបរាប់ខាង លើ ទៅជា file PDF តែមួយបានហើយ ដោយចុចលើប៊ូតុង Add ម្ដងមួយ ឬអាចចុចលើប៊ូតុង Add Folder ដើម្បី Add ម្ដងមួយថតឯកសារក៏បាន។
4. បន្ទាប់ពី Add រូបភាពចូលទៅក្នុងតារាងរួច សូមធ្វើការកំណត់នៅត្រង់:
a.Document Title៖ ដាក់ឈ្មោះឲ្យឯកសារ
b.Output Path៖ កំណត់ទីតាំងរបស់ឯកសារនៅពេលបម្លែងរួច
រួចចុចលើប៊ូតុង Convert To PDF ជាការស្រេច។

សាក ល្បងអនុវត្តម្ដងមើល៍ តើបានផលអត់? ក្រៅកម្មវិធី JPG2PDF convertor នេះ តើនៅមានកម្មវិធីណាទៀតដែលមានមុខងារដូចគ្នា ប្រសិនប្រិយមិត្តបានស្គាល់សូមចូលរួមចែករំលែកដោយបញ្ចេញមតិនៅ ប្រអប់ comment ខាងក្រោមបានណា៎…
ចុចត្រង់ គន្លឹះខ្លីៗ ដើម្បីបន្ថអានអត្ថបទដទៃទៀត…
ដោយ៖ ឈុន ហួរ

Duplicate File Cleaner កម្មវិធីលុបឈ្មោះឯកសារស្ទួន

ការ រក្សាទុកឯកសារ ពេលខ្លះមានការចម្លងឈ្មោះនិងប្រភេទឯកសារដដែលៗ ហើយគិតថាវាគ្មានអ្វីគួរឲ្យចាប់អារម្មណ៍ឡើយ ប៉ុន្តែតើអ្នកធ្លាប់គិតទេថា បើសិនជាទុកឯកសារដដែលជាន់គ្នាច្រើនវានឹងប៉ះពាល់អ្វីខ្លះដល់ អ្នកប្រើប្រាស់។ ប្រាកដណាស់វានឹងប៉ះពាល់ ដល់ល្បឿនដំណើរការដោយធ្វើឲ្យមានល្បឿនយឺត ព្រោះនៅពេលបើកចូលទីតាំងទៅយកឯកសារមកប្រើនោះ កុំព្យូទ័រត្រូវចំណាយពេលច្រើនក្នុងការស្វែងរកឯកសារនោះ ហើយចំណុចសំខាន់ជាងនេះ គឺធ្វើឲ្យខាតទំហំ Space ឥតប្រយោជន៍។

ទំព័រ នេះ Sabay សូមបង្ហាញកម្មវិធីមួយប្រភេទដែលមានជំនាញក្នុងការរុករកឯកសារទាំង ឡាយដែលមានឈ្មោះស្ទួនគ្នានោះគឺ Duplicate File Cleaner ដែលមាន៖

- ជំនាន់: V2.6
- ទំហំ: 1,7MB
- ប្រព័ន្ធប្រតិបត្តិការ: Windows 95/98/ME/NT/2000/2003/XP/Vista/7
- មុខងារ: សម្រាប់ស្វែងរកនិងលុបឯកសារដែលមានឈ្មោះដូចគ្នា
សូមតាមដានជំហានខាងក្រោម និងអនុវត្តទាំងអស់គ្នា៖
- ជាដំបូងសូមទាញយកដោយចុចលើតំណភ្ជាប់នេះ duplicate_file_cleaner
- បន្ទាប់ពីទាញយករួច សូមធ្វើការដំឡើងដោយទៅរកឯកសារដែលបានទាញយក រួចចុចពីរដងលើឯកសារនោះ ហើយចុចលើប៊ូតុង Next → ធីកលើឃ្លា I accept the agreement រួចចុច Next → Next → Next → Install → Finish
- បន្ទាប់ពីដំឡើងរួច ផ្ទាំង registration នឹងបង្ហាញឡើងមក ត្រង់នេះសូមចុចលើប៊ូតុង “Enter Code” ដើម្បីរើសយក serial ណាមួយដូចខាងក្រោមទៅបំពេញនៅត្រង់ប្រអប់ Serial Number៖
DC-8491-55B8-TQRDHDQUF5
DC-8878-5538-VNFJRDNSU5
DC-7AC3-55B8-YZWGLDSPG5
DC-A173-5548-LNOBFDUFK5
DC-1DC1-55E8-UVLXLDKQI5
DC-3DD9-55D8-EJYSEDHJR5
DC-8ABF-55F8-ANOQPDPYY5

- ដើម្បីស្វែងរកឯកសារស្ទួនឈ្មោះគ្នា យើងត្រូវកំណត់ទីតាំង Drive ដែលចង់ Scan ជាមុនសិន ឧទាហរណ៍ scan ទៅលើ “drive E” រួចចុចលើប៊ូតុង “Scan Now” ដូចខាងក្រោម

- ក្រោយពី scan ចប់នឹងបង្ហាញផ្ទាំងដូចខាងក្រោម, ប្រសិនឯកសារដែលមានឈ្មោះដូចគ្នាវានឹងបង្ហាញនៅក្នុងតារាង។ យើងអាចធីកទៅលើឈ្មោះឯកសារដែលមានរួចហើយ បន្ទាប់មកចុចលើប៊ូតុង Delete បន្ទាប់មកនឹងបង្ហាញផ្ទាំង Delete Confirmation ដើម្បីលុបជាការស្រេច។

ចង់ដឹងថា កម្មវិធីនេះជំនាញក្នុងការស្វែងរកយ៉ាងណានោះ ប្រិយមិត្តអាចសាកល្បងអនុវត្តតាមជំហានដូចខាងលើបាន។

បន្តតាមដានគន្លឹះខ្លីៗ សូមចុចទីនេះ…

ដោយ៖ ឈុន ហួរ

របៀបបិទមិនឲ្យCopy ឯកសារតាម USB

កុំព្យូទ័រ មួយចំនួនមានផ្ទុកនូវឯកសារសំខាន់ៗ ដូច្នេះប្រាកដណាស់ពេលខ្លះអ្នកប្រើប្រាស់មិនអង្គុយជាប់នឹងម៉ាស៊ីន គ្រប់ពេលទេ ហើយម្យ៉ាងក៏រឹតតែមិនចង់ឲ្យមនុស្សទីពីរ លួចចម្លងឯកសារសំខាន់ៗទាំងនោះដែរ។ ដូច្នេះដើម្បីឆ្លើយតបទៅនឹងក្ដីបារម្ភនេះ Sabay សូមលើកយកពីររបៀបការពារដោយមិនឲ្យអ្នកដទៃអាចCopy ចេញ/ចូល External Device (Flash, External HardDisk) ទិន្នន័យពីម៉ាស៊ីនកុំព្យូទ័ររបស់អ្នកបានឡើយតាមរយៈកម្មវិធី USB Block។

ចង់ដឹងធ្វើរបៀបណានោះ សូមតាមដាន និងអនុវត្តន៍តាមជំហានខាងក្រោម៖
១. ដំបូងត្រូវទាញយក និងដំឡើងកម្មវិធី USB Block ជាមុនសិន ដោយចុចលើតំណភ្ជាប់នេះ
ទាញយកដោយឥតគិតថ្លៃ ចុចទីនេះ
២. បន្ទាប់ ពីបានទាញយករួច, សូមដំឡើងដោយចុចស្ដាំ mouse រួចរើសយកពាក្យ “Open” ឬ double click។ បន្ទាប់មកចុចលើប៊ូតុង Next → Next → Next → Install → Finish
៣. ក្រោយពីបានដំឡើងហើយ វានឹងបង្ហាញផ្ទាំង Get Full Version Now។ ត្រង់នេះសូមចុចលើប៊ូតុង Register។ បន្ទាប់ពីនោះនឹងបង្ហាញផ្ទាំង Enter Registration Detail មួយទៀតដើម្បីបំពេញ ដែលមានប្រអប់ Serial Number និង Registration Key។ សូមបំពេញតាម serial ដូចខាងក្រោម៖

-Serial No.: WWW.MPT34M.TK
-Activation Key: 7CA8A6E0B4F470B86AA8C806EEA6D20E

រួចហើយចុចប៊ូតុង OK (ចំណាំៈ សូមបិទ internet បណ្ដោះអាសន្នសិន ដើម្បី Active កម្មវិធីឲ្យពេញលេញ (full version) )

៤. បន្ទាប់ពីធ្វើតាមដំណាក់កាលខាងលើរួច, សូមបើកកម្មវិធី USB Block នេះឡើងដែលមាននៅលើ Desktop, បន្ទាប់មកវានឹងបង្ហាញផ្ទាំង Set New Password ដើម្បីកំណត់លេខកូដសំងាត់ការពារកុំឲ្យអ្នកដទៃលួចចម្លងទិន្នន័យ ចេញចូលទៅ External Device (Flash, External HardDisk) បាន, រួចហើយចុចលើប៊ូតុង OK។

៥. ផ្ទាំង កម្មវិធី USB Block នេះនឹងបើកឡើងមក ហើយបានធីកទៅលើជម្រើស Block USB Device រួចស្រាប់។ នេះគឺមានន័យថា កម្មវិធីបានកំណត់ជាស្រេច (default) មិនអនុញ្ញាតឲ្យចម្លងឯកសារចេញចូលទៅក្នុង Flash បានឡើយ។

ជា ចុងក្រោយបិទកម្មវិធីនេះ រួចសាកល្បងប្រើជាមួយ Flash Drive ណាមួយ និងបើកចូលទៅទីតាំង Flash Drive នោះ វាប្រាកដជា alert សារមួយនេះភ្លាម។

ត្រង់នេះមាន ២ជម្រើសគឺ:

ក/ បើចុចលើប៊ូតុង Close មានន័យថាយើងបិទមិនឲ្យកុំព្យូទ័រស្គាល់ Flash នេះឡើយ
ខ/ តែបើវាយបញ្ចូល password រួចចុចប៊ូតុង Authorize មានន័យថាយើងអនុញ្ញាតឲ្យកុំព្យូទ័រស្គាល់USB នេះព្រមទាំងអាចចម្លងឯកសារចេញចូលបាន។
(ចំណាំៈ ប្រសិនបើចង់ឲ្យកុំព្យូទ័រស្គាល់ប្រភេទ Flash ដែលយើងចង់ឲ្យស្គាល់ងាយស្រួលប្រើលើកក្រោយមិនចាំបាច់បញ្ចូល password ម្ដងទៀតគ្រាន់តែធីកត្រង់ឃ្លា Remember (Add to Authorize List)) ជាការស្រេច។
(ចង់លុបវិញត្រូវចូលទៅកម្មវិធី USB Block រួចហើយចូលទៅ Tab “Authorize Device” បន្ទាប់មកចុចលើប៊ូតុង Remove from List ជាការស្រេច។

សាកល្បងធ្វើទាំងអស់គ្នាមើល៍ តើបានផលអត់?
ដោយ៖ ឈុន ហួរ

ចង់តេស្តសមត្ថភាព Anti-Virus របស់អ្នកធ្វើម៉េច?

អ្នក ប្រើប្រាស់កុំព្យូទ័រសព្វថ្ងៃមានការព្រួយបារម្ភយ៉ាងខ្លាំងទៅលើ ការបាត់បង់ឯកសារដោយសារការរំខានពីមេរោគ ដូច្នេះហើយទើបគេសម្រេចចិត្តប្រើប្រាស់កម្មវិធីកម្ចាត់មេរោគ សម្រាប់ទប់ស្កាត់ការរំខានពីមេរោគទាំងនោះ។ កម្មវិធីខ្លះដំឡើងប្រើមានប្រសិទ្ធភាពអាច Scan រកមេរោគ ហើយខ្លះទៀត បានដំឡើងដែរប៉ុន្តែមិនដំណើរការជួយទប់ស្កាត់ការឆ្លងមេរោគឡើយ។ តើដើម្បីដឹងថា anti virus ទាំងនោះដំណើរការដែរឬអត់ ត្រូវធ្វើម៉េចទៅ? ងាយទេសូមតាមដានតាមជំហានខាងក្រោម៖

១. ចូលលើ Start → វាយពាក្យ Notepad រួចចុច Enter

២. កម្មវិធី Notepad នឹងបើកឡើង, បន្ទាប់មកសរសេរតាមឃ្លាខាងក្រោម៖
X5O!P%@AP[4\PZX54(P^)7CC)7}$EICAR-STANDARD-ANTIVIRUS-TEST-FILE!$H+H*

៣.រួច ហើយ save ទុកដោយកំណត់ប្រភេទឯកសារ (extension) ជា “*.exe” (ឧទាហរណ៍ៈ TestAntiV.exe) ជាការស្រេច។ (ចំណាំ – anti virus មានប្រសិទ្ធភាពវានឹងចាប់យក file ដែលបង្កើតនេះភ្លាម ផ្ទុយទៅវិញប្រសិនពុំមានអ្វីកើតឡើង នោះមានន័យថា anti virus របស់អ្នកគ្មានប្រសិទ្ធភាពឡើយ)

សាកល្បងពិសោធម្ដងមើល៍ តើ anti virus របស់អ្នកមានប្រសិទ្ធភាពឬអត់?
ដោយ៖ ឈុន ហួរ

អត់Credit Card ក៏បង្កើតApple ID បានដែរ!

ធ្លាប់ ជួបបញ្ហាក្នុងការបង្កើត Apple ID ទេ? ចុះបើអត់ Credit Card ផងបង្កើតម៉េចទៅ? មានប្រិយមិត្ត Apple ជាច្រើនតែងតែលើកចំនួនទាំងនេះចោទសួរគ្នាទៅវិញទៅមកដើម្បីរក ដំណោះស្រាយ។ ក្នុងចំណោមនោះមានប្រិយមិត្តខ្លះអាចដោះស្រាយបានតែខ្លះមិនបាន ដូចនេះដើម្បីឆ្លើយសំនួរខាងលើ Sabay សូមបង្ហាញពីជំហាននៃការបង្កើត Apple ID ដោយមិនចាំប៉ាច់មាន Credit Card តាមរយៈកម្មវិធី iTune ដូចខាងក្រោម៖

ជំហានទី ១៖ ត្រូវប្រាកដថាកុំព្យូទ័ររបស់ប្រិយមិត្តមានអ៊ីនធឺណិត និងកម្មវិធី iTunes បើសិនជាអត់ប្រិយមិត្តអាចចូលទៅកាន់គេហទំព័រ http://www.apple.com/itunes/download/ ដើម្បីទាញយក។

ជំហានទី ២៖ បើកកម្មវិធី iTunes រួចចុចលើពាក្យ “iTunes Store” ។

ជំហានទី ៣៖ ទាញចុះក្រោមរហូតឃើញរូបទង់ជាតិអាមេរិកបន្ទាប់មកចុចលើរូប logo ទង់ជាតិនោះដើម្បីប្ដូរពីសហរដ្ឋអាមេរិកមកប្រទេសកម្ពុជាយើងវិញ។

ជំហានទី ៤៖ នៅពេលដែលផ្ទាំង iTunes Store បង្ហាញចេញមកសូមចុចលើពាក្យ App Store រួចទាញចុះក្រោមរហូតដល់ឃើញពាក្យថា “Free Apps” នៅខាងស្ដាំដៃ។ បន្ទាប់មកចុចលើកម្មវិធីណាមួយដែលមានពាក្យថា “FREE” ។

ជំហានទី ៥៖ ភ្លាមនោះផ្ទាំង window តូចមួយនឹងបង្ហាញចេញមកដែលតម្រូវឲ្យប្រិយមិត្ត log inតែប្រិយមិត្តមិនទាន់មាន Apple ID នៅឡើយដូច្នេះតម្រូវឲ្យចុចនៅលើពាក្យ “Create Apple ID” ជំនួសវិញ។

ជំហានទី ៦៖ ចុចលើពាក្យ “Continue” ។

ជំហានទី ៧៖ ចុចលើប្រអប់ “I have read and agree to these terms and conditions”។ បន្ទាប់មកចុចលើបូតុង “Agree” ។

ជំហានទី ៨៖ បំពេញ Email, Password (តម្រូវឲ្យមានលាយ អក្សរធំ, អក្សរតូចនិងលេខសរុបចំនួន ៨ខ្ទង់ឡើងទៅ), Question, Answer, Optional Rescue Emailនិងថ្ងៃខែឆ្នាំកំណើត រួចចុចលើបូតុង “Continue” ។

ជំហានទី ៩៖ ភ្លាមនោះផ្ទាំង “Payment Method” នឹងបង្ហាញចេញមកដែលតម្រូវឲ្យប្រិយមិត្តប្ដូរពីពាក្យ Visa ទៅជ្រើសរើសយកពាក្យ “None” បន្ទាប់មកបំពេញចន្លោះដែលនៅសេសសល់រួចចុចលើពាក្យ Create Apple ID។

ជំហានចុងក្រោយ៖ ចូលទៅកាន់គណនីអ៊ីមែលរបស់អ្នក រួចចុចលើពាក្យ Verify Now។

សាកមើលបាន អត់?
ដោយ៖ សេង សុភ័ក្ត

បិទមិនឲ្យ friend ណាម្នាក់លើ Facebook ឃើញ

ប្រិយមិត្ត អ្នកមាន Account នៅលើបណ្ដាញទំនាកទំនងសង្គម Facebook ប្រហែលជាមាន Friend ច្រើនណាស់ហើយ ហើយ Friend នៅលើ Facebook ទាំងនោះខ្លះធ្លាប់ស្គាល់ ហើយខ្លះទៀតមិនធ្លាប់ស្គាល់សោះ។ អីចឹងប្រហែលមានពេលខ្លះប្រិយមិត្តមិនចង់ឲ្យពួកគេទាំងនោះ ដឹងថាយើងកំពុងបើក (online) ឡើយ។ អញ្ចឹងថ្ងៃនេះ Sabay សូមបង្ហាញអំពីរបៀបបិទ (offline) ដែលមានដូចជំហានខាងក្រោម៖

ជំហានទី១៖ ចូលទៅប្រអប់ chat friend រួចចុចលើត្រង់ សញ្ញាផ្កាយ ដូចរូប

ជំហានទី២៖ រើសយក Go Offline to… friend ណាម្នាក់ដែលចង់បិទ។

ជំហានទី៣៖ ចង់បើកវិញ យើងគ្រាន់តែ ធ្វើតាមជំហានខាងលើ តែរើសយក Go Online to… ជាការស្រេច។

ដោយ៖ ឈុន ហួរ

Khmer Techno Innovation

Wednesday, July 30, 2014

របៀបមើលដឹងថា កាស iPhone 5S ពិតឬក្លែងក្លាយ!

ហេតុផល ៥ យ៉ាងដែលអ្នកមិនគួរមើលរំលង Windows Phone

ម្ចាស់សំបុកអាយធីចង់បង្កើតក្រុមហ៊ុនផ្ដល់ឱកាសការងារយុវជន

Monday, July 28, 2014

កូនខ្មែរបង្កើតកម្មវិធីទូរស័ព្ទឆ្លើយតបទៅនឹងវិបត្តិស្ទះចរាចរណ៍នៅកម្ពុជា

Friday, July 18, 2014

មើលវីដេអូYouTube ក្នុងល្បឿនអ៊ីនធឺណិតយឺតបានដូចចាក់លើកុំព្យូទ័រធម្មតា

ចេះប្រើShortcut លើFacebookហើយឬនៅ?

របៀបបិទ Screen Desktop កុំព្យូទ័រតាម USB Flash

វិធីចែករំលែកអ៊ីនធឺណិតកុំព្យូទ័រឲ្យ Smartphone ប្រើតាម WiFi

របៀប ចងក្រងឯកសាររូបភាពច្រើន បញ្ចូលជា file pdf តែមួយ

Duplicate File Cleaner កម្មវិធីលុបឈ្មោះឯកសារស្ទួន

របៀបបិទមិនឲ្យCopy ឯកសារតាម USB

ចង់តេស្តសមត្ថភាព Anti-Virus របស់អ្នកធ្វើម៉េច?

អត់Credit Card ក៏បង្កើតApple ID បានដែរ!

បិទមិនឲ្យ friend ណាម្នាក់លើ Facebook ឃើញ

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels