Laptop, Notebook, Netbook និង Tablet PC ខុស​គ្នា​ត្រង់​ណា?

ទាំង Laptop, Notebook, Netbook និង Tablet PC សុទ្ធ​ជា​ប្រភេទ​កុំព្យូទ័រ (mobile computer) ​ដែល​អាច​ទុក​ដាក់​តាម​ខ្លួន​បាន (ចល័ត​បាន) ដូច​គ្នា។ ពពួក device ទាំង ​នេះ​មាន​ថ្ម​ភ្ជាប់​នៅ​លើ​នោះ​ស្រាប់​សម្រាប់​ធ្វើការ​នៅ​ពេល​ដែល​មិន​មាន​ អគ្គិសនី​សម្រាប់​ប្រើប្រាស់។ 

Laptop៖

គឺ​ជា​កុំព្យូទ័រ​មាន Keyboard ពេញ​លក្ខណៈ ហើយ​មាន monitor អាច​បត់​បាន និង​ភ្ជាប់​មក​ជា​មួយ built-in optical ឬ floppy-disk storage drive។ Laptop ត្រូវ​បាន​ឌីហ្សាញ​សម្រាប់​ប្រើ​ចល័ត និង​ដាក់​ពី​លើ​ភ្លៅ​ប្រើ​បាន​យ៉ាង​ងាយស្រួល ជំនួស​ឱ្យ​កុំព្យូទ័រ​លើ​តុ (Desktop)។ លក្ខណៈ​សម្បត្តិ​ស្តង់ដារ​របស់ Laptop គឺ៖

- អេក្រង់​ចន្លោះ​ពី ១៤អ៊ីញ ទៅ ១៧អ៊ីញ
- Nvidia GeForce or ATI Radeon graphics subsystem
- Internal DVD-ROM ឬ DVD-RW drive
- keyborad ពេញ​លក្ខណៈ​រាប់​ទាំង Numeric keypad
- ប្រើ​បាន​ជា​មួយ modem, network, bluetooth និង​មាន Wi-Fi
- មាន speaker ភ្ជាប់​ជា​មួយ​ស្រាប់
- ថ្ម​កាន់​បាន ៣ម៉ោង
- ទម្ងន់​ពី ១,៤គីឡូ ទៅ ៥,៤គីឡូ

Laptop ជា​ញឹកញាប់​ត្រូវ​គេ​ហៅ​ថា Notebook បើ​ទោះ​បី Laptop មាន​ទំហំ​ធំ​ជាង ធ្ងន់​ជាង និង​ក្រាស់​ជាង Notebook ក៏​ដោយ។ ដូច​ពុំ​មាន​អ្វី​ខុស​ប្លែក​គ្នា​រវាង Laptop និង Notebook នោះ​ទេ ព្រោះ​ឈ្មោះ​ត្រូវ​បាន​កំណត់​ហៅ​ដោយ​ក្រុមហ៊ុន​ផលិត​ឯណោះ​ទៅ​វិញ​ទេ។

Notebook៖

គឺ​ជា​កុំព្យូទ័រ​មាន Keyboard (អាច​ពេញ ឬ​មិន​ពេញ​លក្ខណៈ) និង​មាន monitor អាច​បត់​បាន ហើយ​មាន​កម្រាស់​ស្ដើង​ជាង ទំហំ​តូច​ជាង និង​ស្រាល​ជាង Laptop ពោល​មាន​ទម្ងន់​ក្រោម ២,៧គីឡូ។ ដោយ​សារ​ទំហំ​តូច Notebook មិន​មាន built-in optical ឬ floppy-disk drive ទេ ប៉ុន្តែ​មាន port សម្រាប់​ភ្ជាប់​ប្រើ​ជា​មួយ external drive។ លក្ខណៈ​សម្បត្តិ​ស្តង់ដារ​របស់ Notebook រួម​មាន៖

- ទម្ងន់​ក្រោម ២,៧គីឡូ
- ថ្ម​កាន់​បាន​ពី ៤ម៉ោង ទៅ ៥ម៉ោង
- គ្មាន internal floppy drive
- គ្មាន internal DVD ឬ CD system
- អេក្រង់ ១២អ៊ីញ ទៅ ១៤អ៊ីញ
- ស្ដើង​ជាង Laptop
- Keyboard ទំហំ​តូច​ ដោយ​នៅ​រក្សា function key ដដែល តែ​មិន​មាន Numeric Keypad
- ប្រើ​ថាមពល​កាន់​តែ​តិច​ជាង Laptop

ចំណាំ៖ Notebook ខ្លះ​ដើរ​តួនាទី​ជា Tablet ផង​ដែរ ដោយ​មាន​អេក្រង់ touchscreen ហើយ​អាច​ ប្រើ keypad ដែល​ភ្ជាប់​មក​ជា​មួយ​ស្រាប់​ក៏​បាន (Hybrid Notebook)។


Netbook ឬ Mini PC៖


គឺ​ជា​កុំព្យូទ័រ​ដែល​មាន keyboard មិន​ពេញ​លក្ខណៈ​ពោល​គឺ​គ្មាន Numeric Keypad។ Netbook មាន monitor អាច​បត់​បាន​ដូច Laptop និង Notebook ដែរ​តែ​មាន​ទម្ងន់​ស្រាល​ជាង និង​ទំហំ​តូច​ជាង​ខ្លះ​តូច​ជាង Notebook ដល់​ទៅ​ពាក់​កណ្ដាល​ឯណោះ។

ជា​ធម្មតា Netbook មាន​ទម្ងន់​ពី ១គីឡូ ទៅ​២គីឡូ អេក្រង់​មាន​ទំហំ​ចន្លោះ​ពី ៧អ៊ីញ ទៅ ១២អ៊ីញ។ វា​មិន​មាន built-in CD drive និង built-in storage drive នោះ​ទេ តែ​មាន port សម្រាប់​ភ្ជាប់​ប្រើ​ជា​មួយ external drive។

Tablet PC៖

ត្រូវ​បាន​ចែក​ជា ២ប្រភេទ​ដែល​ទី១ មាន​ទម្រង់​បត់​បាន (foldable laptop) ដូច​ជា Laptop និងមួយ​ទៀត​​ប្រភេទ​រាប​ស្មើ​តែ​មួយ​បន្ទះ (slate) ដូច​ជា Apple iPad, Samsung Ativ Tab និង Microsoft Surface ជា​ដើម។ ប្រភេទ foldable laptop ភ្ជាប់​មក​ជា​ស្រេច​នូវ Keyboard (physical keyboard) ហើយ​គាំទ្រ Desktop OS ដូច​ជា Windows OS ជា​ដើម (ឧទាហរណ៍៖ ស៊េរី HP tx tablet)។

រីឯ​ប្រភេទ slate (ពេល​ខ្លះ​សំដៅ​លើ​ពពួក Pads) ដែល​ជា​ទូទៅ​ពុំ​មាន physical keyboard ទេ ព្រោះ​មាន​តែ​អេក្រង់​ប្រើ touchscreen ប្រើ virtual keyboard ជំនួស​វិញ។ Pad ទាំង​នេះ ជា​ធម្មតា​ដំណើរការ​ដោយ Mobile Operation System ដូច​ជា iOS និង Android ជា​ដើម ហើយ​បំពាក់ GPS និង G-Sensor ជា​ដើម។

លក្ខណៈ​ពិសេស Tablet PC លើស Laptop, Notebook, Netbook គឺ​វា​អាច​ធ្វើ​ការ Standby បាន​លឿន​ជាង ស្ទើរតែ​ដូច​ទូរសព្ទ​ដែរ។ បញ្ជាក់៖ ខាង​លើ​នេះ​គ្រាន់​តែ​ជា​ព័ត៌មាន​ទូទៅ​ពី Laptop, Notebook, Netbook និង Tablet PC ប៉ុណ្ណោះ។ តាម​ការ​ជាក់ស្ដែង ឧបករណ៍​ខ្លះ​ផលិត​ឡើង​ខុស​ពី​ការ​រៀបរាប់​ខាង​លើ។