System file និង File system ខុសគ្នា​ដូចមេឃនឹងដី

មាន ​អ្នក​ប្រើប្រាស់​កុំព្យូទ័រ​មួយ​ចំនួន​​ប្រហែល​ជា​មាន​ការ​មន្ទិល​សង្ស័យ​ ពី​ពាក្យ​បច្ចេកទេស​កុំព្យូទ័រ​ដែល​មាន​លក្ខណៈ​ស្រដៀង​គ្នា​ ឬ​ស្ទើរ​តែ​ច្រឡំ​គ្នា ដូចជា​ពាក្យ System file និង File system ប៉ុន្តែ​តាម​ពិត​ពាក្យ​ទាំង​ពីរ​នេះ​ ​មាន​អត្ថន័យ​ខុស​គ្នា​ដាច់។ អ៊ីចឹង​អាន​ទាំង​អស់​គ្នា​ដើម្បី​ឲ្យ​យល់​កាន់​តែ​ច្បាស់​ពី​អត្ថន័យ​របស់​ ពាក្យ System file និង File system។

១-System file៖ គឺ​ជា​ឯកសារ​ដែល​ចាំ​បាច់​បំផុត​សម្រាប់​ប្រព័ន្ធ​ប្រតិបត្តិការ​មួយ​ អាចដំណើរការ​បាន។ ឧទាហរណ៍ Windows អាច​ដំណើរ​ការ​បាន​លុះ​ណា​តែ​មាន​ System file ដូច​ជា​នៅ​ក្នុង System 32 ជា​ដើម ហើយ​ System file របស់​ Windows មាន​ពាក្យ​ខាង​ចុង .sys។ ក្រៅ​ពី .sys នៅ​មាន​ពាក្យ​ខាង​ចុង​ផ្សេង​ទៀត​ដែល​សំខាន់​សម្រាប់​ Windows ដូច​ជា .dll និង .exe ។

System File

២-File system៖ គឺ​ជា​ការ​រៀបចំ​ឯកសារ​​ច្រើន​តាម​ប្រព័ន្ធ​អក្សរ​ដើម្បី​ងាយ​ស្រួល​ស្វែង​ រក និង​កែ​ប្រែ។ ជា​ពិសេស File system អាច​កំណត់​ពី​សកម្មភាព​កែប្រែ​ធ្វើ​ឲ្យ​ថ្មី​របស់​កម្មវិធី​ណាមួយ ថា​អាច​កែ​ឯកសារ​ប៉ុន្មាន​ក្នុង​ពេល​តែ​មួយ​ ឬ​ត្រូវ​ការ​រយៈ​ពេល​ប៉ុន្មាន​ក្នុង​ការ​កែ​ប្រែ។ បើ​គ្មាន​ File system នេះ​ទេ កម្មវិធី​កុំព្យូទ័រ​នឹង​មិន​អាច​ស្វែង​រក​ឯកសារ​តាម​ឈ្មោះ​នោះ​ទេ។

File System

សង្ឃឹម​ថា ការ​បកស្រាយ​ដោយ​សង្ខេប​នេះ​ ព្រម​ជា​មួយ​នឹង​រូបភាព​អាច​ឆ្លើយ​សំណួរ​របស់​ប្រិយមិត្ត​ដែល​បាន​ចោទ​សួរ​បាន៕
ដោយ៖ ខឹម បូរិន