9:50 PM
លោកអ្នកប្រាកដជាដឹងរួចមកហើយថា
ការភ្ជាប់ពីកុំព្យូទ័រទៅបញ្ចាំងលើអេក្រង់ Projector (បញ្ចាំងបទបង្ហាញ Slide) មិនមែនជាការងារពិបាកទេ ដោយលោកអ្នកគ្រាន់តែភ្ជាប់ខ្សែ
VGA តាមរយៈ Port របស់ Projector
។ អ្វីដែលលោកអ្នកគួរតែស្វែងយល់នោះគឺ ការបញ្ចាំងពីកុំព្យូទ័រទៅទូរទស្សន៍
។ ប្រសិនបើលោកអ្នកមានកុំព្យូទ័រអេក្រង់តូចៗត្រឹម ១១ អ៊ីញនោះ វាប្រហែលជាពិបាកមើលវីដេអូ
ឬរូបភាពបន្តិចហើយ ដើម្បីចង់មើលក្នុងទំហំធំ
លោកអ្នកគួរដាក់បញ្ចាំងមកលើទូរទស្សន៍ ។
ប្រភេទនៃការតភ្ជាប់
បច្ចុប្បន្ននេះទូរទស្សន៍ភាគច្រើនអាចប្រើប្រាស់ជាមួយការតភ្ជាប់ផ្សេងៗគ្នា
ដែលក្នុងនោះរួមមានការប្រើជាមួយកុំព្យូទ័រផងដែរ ។ សូមពិនិត្យមើលទូរទស្សន៍របស់លោកអ្នកនូវរន្ធ
(Port) មួយចំនួនដែលអាចប្រើប្រាស់បាន ។
ការភ្ជាប់ជាមួយ HDMI
រាល់ទូរទស្សន៍ស៊េរីថ្មី
សុទ្ធតែមានរន្ធ HDMI ដែលលោកអ្នកអាចប្រើប្រាស់ក្នុងការភ្ជាប់ពីឧបករណ៍នានា
(ទូរសព្ទជាដើម) មកទូរទស្សន៍បាន ។ HDMI អាចឲ្យលោកអ្នកទទួលទាំងសម្លេង និងរូបភាពយ៉ាងប្រសើរពីប្រភពដែលបានភ្ជាប់ជាមួយទូរទស្សន៍
។
ប្រើប្រាស់ HDMI ទៅ HDMI
ជាទូទៅគេនិយមប្រើប្រាស់រន្ធ
HDMI របស់ Laptop ដែលមានស្រាប់
មកភ្ជាប់ជាមួយរន្ធ HDMI របស់ទូរទស្សន៍ តាមរយៈខ្សែ HDMI
។ លោកអ្នកអាចស្វែរកទិញខ្សែនេះនៅតាមហាងកុំព្យូទ័រ ឬហាងលក់គ្រឿងអគ្គិសនី
ដែលតម្លៃរបស់វាមិនជាថ្លៃទេ ហើយវាអាស្រ័យលើប្រវែងខ្សែ និងម៉ាកល្បីៗ ដែលមានសមត្ថភាពក្នុងការបញ្ជូនសម្លេង
និងរូបភាពបានប្រសើរជាងខ្សែដែលមានតម្លៃថោក (ពេក) ។
ប្រើប្រាស់ DVI ទៅ HDMI
លោកអ្នកប្រហែលជាមិនដែលឃើញ
Laptop ឬទូរទស្សន៍ណាដែលមានភ្ជាប់រន្ធ DVI
នោះទេ ។ យ៉ាងណាមិញ រន្ធនេះមាននៅលើកុំព្យូទ័រប្រភេទ Desktop
ដែលរន្ធ DVI ប្រើសញ្ញាល់ឌីជីថល
ក្នុងការបញ្ជូនវីដេអូមកកាន់ HDMI ហើយគុណភាពវីដេអូក៏ល្អអាចទទួលយកបានផងដែរ
។ សូមចំណាំថា៖ការប្រើប្រាស់រន្ធ DVI នេះគ្មានសម្លេងមកជាមួយឡើយ ។
ប្រើប្រាស់ HDMI ទៅ Thunderbolt ឬ Mini DisplayPort
Thunderbolt និង Mini
DisplayPort ប្រើការតភ្ជាប់ទាំងសម្លេង និងវីដេអូដែលមានគុណភាពខ្ពស់
ទៅកាន់ទូរទស្សន៍របស់អ្នកតាមរយៈរន្ធ HDMI ហើយវាអាចបម្លែងទៅជា
DVI ផងដែរ ។ លោកអ្នកក៏អាចទិញប្រដាប់បម្លែងទៅជា VGA
បានដូចគ្នា តែប្រសិនបើអ្នកបានបម្លែងទៅ DVI ឬ VGA អ្នកនឹងមិនលឺសំឡេងទេ ។
ការភ្ជាប់ជាមួយ VGA
ប្រើ VGA ទៅ VGA
ការតភ្ជាប់តាមរន្ធ VGA ដែលមានជាទូទៅនៅលើកុំព្យូទ័រ និងទូរទស្សន៍ ប៉ុន្តែវាបានក្លាយជាហួសសម័យ
ដូច្នេះអ្នកនឹងមិនឃើញវា នៅលើកុំព្យូទ័រយួរដៃម៉ូដែលថ្មីនោះទេ ។ VGA ដែលអាចបញ្ជូនរូបភាពដែលមានគុណភាពល្អបង្គួរ
(ប៉ុន្តែមិនប្រសើរដូចរន្ធ HDMI, DVI ទេ) ។
ការភ្ជាប់ជាមួយសម្លេង (Audio)
ប្រសិនបើលោកអ្នកប្រើការភ្ជាប់ជា VGA ឬ DVI ដើម្បីភ្ជាប់ទៅកុំព្យូទ័រ ឬទូរទស្សន៍ លោកអ្នកក៏នៅតែអាចទទួលបានសម្លេងមកជាមួយ
ដោយប្រើវិធីផ្សេងៗដូចជា៖ ប្រើប្រាស់ Speaker (ឧបករណ៍បំពងសម្លេង)
ភ្ជាប់ជាមួយកុំព្យូទ័រ និងវិធីមួយទៀតគឺប្រើខ្សែសម្លេង (Audio) មួយផ្សេងទៀត ។
ការភ្ជាប់ដោយគ្មានខ្សែ (Wireless Connections)
បើលោកអ្នកធុញទ្រាន់ជាមួយនឹងការប្រើប្រាស់ខ្សែរញ៉ែរញ៉ៃ
អ្នកក៏អាចសាកល្បងប្រើប្រាស់ឧបករណ៍ឥតខ្សែ (Wireless) ដែលមានឧបករណ៍ទំនើបៗជាច្រើន
ក្នុងការបញ្ចូនវីដេអូពីកុំព្យូទ័រ ទៅទូរទស្សន៍ តាមរយៈបណ្តាញ Wifi ។
ឧបករណ៍ទាំងនោះមានទំហំតូចៗ
ដែលអាចភ្ជាប់ជាមួយទូរទស្សន៍តាមរយៈរន្ធ HDMI (ប្រើខ្សែ)
ហើយលោកអ្នកអាចភ្ជាប់ជាមួយនឹងកុំព្យូទ័រដោយឥតខ្សែ ។ វាអាចនឹងមានបញ្ហាខ្លះៗ
ប្រសិនបើលោកអ្នកចង់មើលវីដេអូដែលមានទំហំធំៗ វាតម្រូវឲ្យលោកអ្នកមានអ៊ីនធឺណេតល្បឿនលឿន
និងឧបករណ៍ល្អ ក្នុងការបញ្ចូនទិន្នន័យឲ្យប្រសើរ ។
ក្រោយពីភ្ជាប់រួចរាល់ហើយ
បន្ទាប់ពីលោកអ្នកបានភ្ជាប់ពីកុំព្យូទ័រទៅទូរទស្សន៍រួចជាស្រេចហើយ
លោកអ្នកនឹងឃើញសារមួយនៅលើអេក្រង់ទូរទស្សន៍ បញ្ជាក់ពីការតភ្ជាប់ ។
ជាចុងក្រោយលោកអ្នកត្រូវកំណត់ការបញ្ជូនទិន្នន័យ
(រូបភាព វីដេអូ) ពីកុំព្យូទ័រទៅទូរទស្សន៍ ដែលលោកអ្នកអាចជ្រើសរើសជម្រើសតាមតម្រូវការ
តាមជំនាន់ Windows នីមួយៗដូចខាងក្រោម៖
សម្រាប់ Windows 8:
សម្រាប់ Windows 7:
0 comments:
Post a Comment