9:28 PM
@ឯកសារធ្វើដំណើរមាន៖
អ្នកធ្វើដំណើរទាំងអស់ត្រូវត្រៀមនិងរៀបចំឯកសារសំខាន់ៗមួយចំនួនជា ចាំបាច់ មុនពេលធ្វើដំណើរមានដូចជាៈ
សំបុត្រធ្វើដំណើរ (សំបុត្រយន្តហោះ)៖ ជាចាំបាច់យើងត្រូវមានសំបុត្រយន្តហោះ បើមិនដូច្នោះទេយើងមិនអាចធ្វើដំណើរបានទេ។ សំបុត្រយន្តហោះ
អ្នកអាចស្វែងរកនៅក្រុមហ៊ុនអកាសចរដែលអ្នកត្រូវជិះធ្វើដំណើរ
ឬតាមទីភ្នាក់ងារទេសចរផ្សេងៗតាមតម្រូវការ។
អ្នកធ្វើដំណើរតម្រូវឲ្យរក្សាទុកនូវសំបុត្រធ្វើដំណើរនៅជាប់ខ្លួនតាំងពីចាប់ផ្តើមដល់ទីបញ្ចប់នៃការធ្វើ ដំណើរ ព្រោះវាត្រូវប្រើសម្រាប់ឆែកសំបុត្រចូលព្រលាន និងគោលបំណងអន្តោប្រវេសន៍។
អ្នកធ្វើដំណើរតម្រូវឲ្យមានលិខិតឆ្លងដែនដែលមានសុពលភាពសម្រាប់ការធ្វើដំណើរជាអន្តរជាតិ ក្នុងកំឡុងពេលធ្វើដំណើរ ព្រោះអ្នកត្រូវបង្ហាញលិខិតឆ្លងដែននៅបញ្ជរឆែកសំបុត្រ និងអន្តោប្រវេសន៍។
មានប្រទេសមួយចំនួនត្រូវការសុពលភាពនៃលិខិតឆ្លងដែនរបស់អ្នកមានរយៈពេលវែងជាងរយៈពេលដំណើរ ទស្សនកិច្ចរបស់អ្នកទៅទៀត។ ដូច្នេះ ត្រូវតែឆែកនូវកាលបរិច្ឆេទនៃសុពលភាពលិខិតឆ្លងដែនរបស់អ្នក ជាប្រចាំដែលជាតម្រូវការលិខិតឆ្លងដែន នៃប្រទេសដែលអ្នកត្រូវធ្វើដំណើរទៅ។
ពេលអ្នកចាកចេញ ឬមកដល់ព្រះរាជាណាចក្រកម្ពុជា អ្នកចាំបាច់ត្រូវបង្ហាញនូវលិខិតឆ្លងដែនរបស់អ្នក ប័ណ្ណអនុញ្ញាតហោះហើរ និងបំពេញបែបបទបញ្ជាក់ពីការចាកចេញ/ការមកដលនៅឯបញ្ជរត្រួតពិនិត្យ លិខិតឆ្លងដែន។
ទម្រង់លិខិតសម្គាល់ខ្លួន៖
ពេលធ្វើដំណើរតាមជើងហោះហើរ ក្នុងស្រុកនៅក្នុងព្រះរាជាណាចក្រកម្ពុជា អ្នកធ្វើដំណើរតម្រូវឲ្យបង្ហាញ នូវលិខិតបញ្ជាក់អត្តសញ្ញាណដែលអាចទទួលស្គាល់ណាមួយដូចមានរាយខាងក្រោម៖
• -អត្តសញ្ញាណប័ណ្ណ
• -ប័ណ្ណបើកបរ
• -ប័ណ្ណសមាជិកសភា
• -ប័ណ្ណយោធា
• -ឯកសារស្របច្បាប់ពីអាជ្ញាធរដែនដីដើម្បីបញ្ជាក់ការបាត់អត្តសញ្ញាណប័ណ្ណ ឬអត្តសញ្ញាណប័ណ្ណ មិនទាន់ចេញជូនសាម៉ីជន
• -ប័ណ្ណបុគ្គលិកអាកាសចរណ៍
• -សំបុត្រកំណើត ឬឯកសារដែលមានតំលៃស្មើ។
ទិដ្ឋាការ៖
ទិដ្ឋាការ ជាការអនុញ្ញាតសម្រាប់បុគ្គលមិនមែនសញ្ជាតិ ធ្វើដំណើរទៅប្រទេសជាក់លាក់ណាមួយ។ ដើម្បី ស្វែងយល់ថាតើអ្នកតម្រូវឲ្យមានទិដ្ឋាការទៅកាន់ប្រទេសណាមួយនោះដែរឬទេ សូមឆែកមើលព័ត៌មាន អំពីប្រទេសដែលអ្នកចង់ទៅជាក់លាក់នោះ។
អ្នកធ្វើដំណើរ ត្រូវមានទិដ្ឋាការ (Visa) នៃប្រទេសដែលជាគោលដៅធ្វើដំណើររបស់ខ្លួន។ បើសិនជាយើងធ្វើដំណើរទៅក្រៅប្រទេសដែលមិនចាំបាច់សុំទិដ្ឋាការ យើងត្រូវស្វែងយល់ថាប្រទេសទាំងនោះអាចអនុញ្ញាតឲ្យយើង ស្នាក់នៅជាលក្ខណៈទេសចរ ឬជំនួញបានរយៈពេលប៉ុន្មានថ្ងៃ។ យើងអាចស្វែងយល់ពីរយៈពេលដែលស្នាក់នៅបាន តាមរយៈស្ថានទូតរបស់ប្រទេសនោះ។
-ទិដ្ឋាការៈ អ្នកធ្វើដំណើរ ត្រូវមានទិដ្ឋាការ (Visa) នៃប្រទេសដែលជាគោលដៅធ្វើដំណើររបស់ខ្លួន។ បើសិនជាយើងធ្វើដំណើរទៅក្រៅប្រទេសដែលមិនចាំបាច់សុំទិដ្ឋាការ យើងត្រូវស្វែងយល់ថាប្រទេសទាំងនោះអាចអនុញ្ញាតឲ្យយើង ស្នាក់នៅជាលក្ខណៈទេសចរ ឬជំនួញបានរយៈពេលប៉ុន្មានថ្ងៃ។ យើងអាចស្វែងយល់ពីរយៈពេលដែលស្នាក់នៅបាន តាមរយៈស្ថានទូតរបស់ប្រទេសនោះ។
តែបើយើងទទួលបានប្រភេទទិដ្ឋាការស្នាក់នៅរយៈពេលវែងដូចជាៈ ទិដ្ឋាការសិក្សា,ការងារ, ឬរស់នៅជាអចិន្ត្រៃយ៍ អ្នកធ្វើដំណើរទាំងអស់អាចទិញសំបុត្រតែមួយជើងទៅបាន (One Way Ticket) តែអ្នកធ្វើដំណើរត្រូវភ្ជាប់មកនូវឯកសារយោងមួយចំនួនដែល បញ្ជាក់ពីការស្នាក់នៅរបស់ខ្លួនពេល check in នៅព្រលានយន្តហោះនៃកន្លែងចេញដំណើរ និងពេលទៅដល់។
ក្រៅពីបីចំណុច៣សំខាន់ៗ ដែលជាឯកសារចាំបាច់សម្រាប់ធ្វើដំណើរតាមយន្តហោះ នៅមានឯកសារបន្ទាប់បន្សំផ្សេងៗទៀតដែលអ្នកធ្វើដំណើរ ត្រូវភ្ជាប់ជាមួយខ្លួនក្នុងករណីដែលមានការសួរនាំដូចជាៈ ការកក់សណ្ឋាគារ, តារាងកាលវិភាគ ឬកន្លែងទេសចរដែលយើងនឹងត្រូវដើរកំសាន្ត ឬអ្នកធានាពីការធ្វើដំណើររបស់យើង។
នៅព្រលានយន្តហោះ
ជាការផ្តល់យោបល់ សម្រាប់អ្នកធ្វើដំណើរការមកដល់ព្រលានយន្តហោះទាន់ពេលវេលាជារឿង សំខាន់ ដូច្នេះដើម្បីជៀសវាងបញ្ហាយឺតយ៉ាវ ឬការខកជើងយន្តហោះដោយប្រការណាមួយ អ្នកធ្វើដំណើរទាំងឡាយគួរលៃពេលវេលា នៃការមកដល់ព្រលានយន្តហោះឲ្យបានយ៉ាងតិច ៣ម៉ោងមុនម៉ោងចេញដំណើរ សម្រាប់ការហោះហើរជាលក្ខណៈអន្តរជាតិ និងយ៉ាងតិច ២ ម៉ោងមុននៃម៉ោងចេញដំណើរសម្រាប់ការហោះហើរក្នុងស្រុក។
Check-in៖ check in ដើម្បីថ្លឹងអីវ៉ាន់សម្រាប់ផ្ញើ និងយក Boarding Pass ដើម្បីឡើងយន្តហោះ និងលេខកៅអីសម្រាប់អង្គុយ។ ពេល check in បុគ្គលិក check in ឬបុគ្គលិកអាកាសចរនឹងប្រាប់ពីវត្ថុដែលអាចផ្ញើ ឬយកតាមខ្លួនបាន និងវត្ថុដែលត្រូវហាមឃាត់ក្នុងការយកឡើងយន្តហោះ។
ប្រសិនបើឆ្លងកាត់ការត្រួតពិនិត្យរកឃើញវត្ថុដែលអាចមាន គ្រោះថ្នាក់ ឬហាមឃាត់, ភ្នាក់ងារសន្តិសុខព្រលាននឹងទាក់ទងទៅម្ចាស់ឥវ៉ាន់។ លើសពីនេះទៅទៀតពេលធ្វើដំណើរ អ្នកដំណើរទាំងអស់ត្រូវបំពេញព័ត៌មានផ្ទាល់ខ្លួនសម្រាប់ការចេញ ដំណើរដូចជា៖ សលាកបត្រចេញដំណើរ សម្រាប់មន្ត្រីអន្តោប្រវេសន៍នៅច្រកចេញដំណើរ និងសលាកបត្រពេលទៅដល់សម្រាប់មន្ត្រីអន្តោប្រវេសន៍ សលាកបត្រគយ, និងសលាកបត្រសុខភាព (អាស្រ័យទៅតាមព្រលានយន្តហោះនិមួយៗ)។
ជាទូទៅរបស់របរដែលធ្វើពីដែក មានភាពមុតស្រួច ដូចជាកាំបិត, កន្ត្រៃកាត់ក្រចក, កន្ត្រៃ របស់ដែលអាចមានជាតិឆេះ ដែកកេស, ឈើគូស និងរបស់ផ្សេងៗដែលអាចបង្ហាញថាមានគ្រោះថ្នាក់ដល់អ្នកធ្វើដំណើរ ផ្សេងៗទៀត ត្រូវបានហាមឃាត់ក្នុងការយកឡើងយន្តហោះ។ លើសពីនេះទៅទៀតដោយយោងតាមអង្គការអាកាសចរអន្តរជាតិ (ICAO), វត្ថុដែលមានជាតិទឹក, ស្រ្ពៃយ៍ ឬជែល(Gel/ Aerosol) ដែលមានចំណុះលើសពី 100ml ក្នុងមួយបំពង់ឬមួយដប ក៏ត្រូវបានហាមឃាត់ក្នុងការយកតាមខ្លួនផងដែរ។
ចំណែកឯអីវ៉ាន់ដាក់ថ្លឹងវិញ វត្ថុដែលមានជាតិឆេះ ឬផ្ទុះក៏ត្រូវបានហាមឃាត់ផងដែរ។ លើកលែងតែក្នុងករណីពិសេសដែលមានការយល់ព្រមពីបុគ្គលិកក្រុមហ៊ុន អាកាសចរដែលយើងធ្វើដំណើរ។
ទាក់ទងអីវ៉ាន់ដាក់ថ្លឹង របស់អ្នកធ្វើដំណើរនីមួយៗត្រូវបានបញ្ជាក់នៅលើសំបុត្រយន្តហោះ។ បើសិនជាមានករណីលើសពីទម្ងន់ដែលបានកំណត់ អ្នកធ្វើដំណើរម្នាក់ៗ អាចនឹងប្រឈមមុខ នឹងការបង់ប្រាក់សម្រាប់អីវ៉ាន់ដែលបានលើស។ ចំណែកឯតម្លៃ នៃឥវ៉ាន់ដែលលើស វាអាស្រ័យទៅតាមគោលដៅដែលត្រូវទៅ និងតាមតម្លៃរបស់ក្រុមហ៊ុននិមួយៗដែលបានកំណត់។
សម្រាប់ទម្ងន់នៃអីវ៉ាន់ដាក់ថ្លឹង និងឥវ៉ាន់យួរជាប់ខ្លួនគឺវាអាស្រ័យទៅលើគោលការណ៍ របស់ក្រុមហ៊ុនអាកាសចរផ្សេងៗគ្នា ដោយផ្អែកទៅលើប្រភេទសំបុត្រ និងគោលដៅដែលត្រូវធ្វើដំណើរទៅ។
@បំពេញព័ត៌មានផ្ទាល់ខ្លួនសម្រាប់ការធ្វើដំណើរ
អ្នកដំណើរទាំងអស់ត្រូវបំពេញព័ត៌មានផ្ទាល់ខ្លួនសម្រាប់ការធ្វើដំណើរដូចជា៖ សលាកបត្រចេញដំណើរ សម្រាប់មន្ត្រីអន្តោប្រវេសន៍នៅច្រកចេញដំណើរ សលាកបត្រពេលទៅដល់សម្រាប់មន្ត្រីអន្តោប្រវេសន៍ សលាកបត្រគយ, និងសលាកបត្រសុខភាព (អាស្រ័យទៅតាមព្រលានយន្តហោះនិមួយៗ)។
សម្រាប់ជើងហោះហើរអន្តរជាតិ អ្នកត្រូវបានតម្រូវឲ្យបំពេញនិងបង្ហាញឯកសារមកដល់ ឬចាកចេញនៅបញ្ជរអន្តោប្រវេសន៍។
សម្រាប់ការចេញដំណើរពីព្រលានអន្តរជាតិនៃប្រទេសកម្ពុជា ទម្រង់បែបបទបញ្ជាក់អំពីការមកដល់ ឬក៏ ការចាកចេញមាននៅឯព្រលានយន្តហោះមុនពេលចូលទៅដល់បញ្ជរ អន្តោប្រវេសន៍។ សម្រាប់ការមកដល់ ប្រទេសកម្ពុជា អ្នកនឹងត្រូវបានគេចែកជូននូវទម្រង់បែបបទនេះមុនពេលធ្វើការហោះហើរនៅឯបញ្ជរឆែក សំបុត្រ ឬនៅក្នុងអំឡុងពេលកំពុងហោះហើរដោយបាហុនិកា។
@ត្រួតពិនិត្យសុវត្ថិភាព
អ្នកដំណើរនឹងឆ្លងកាត់បញ្ឈរត្រួតពិនិត្យ
និងត្រូវស្នើយកសម្ភារៈជាប់ខ្លួនទាំងអស់មានដូចជាស្បែកជើង
កាបូបលុយ ទូរសព្ទ នាឡិកា ខ្សែក្រវ៉ាត់ និងវត្ថុប្រើប្រាស់ដទៃទៀតដើម្បីត្រួតពិនិត្យក្រែងលោមានដាក់របស់ហាមឃាត់ដែលអាចបង្កគ្រោះថ្នាក់ក្នុងពេលជិះធ្វើដំណើរ។@ស្វែងរកច្រកចេញដំណើរ
បន្ទាប់មានការត្រួតពិនិត្យរួចរាល់ អ្នកអាចធ្វើដំណើរឆ្ពោះទៅកាន់ច្រកចេញដំណើរ (Gate) ដែលសរសេរនៅលើសំបុត្រយន្តហោះ និងរង់ចាំពេលគេប្រកាសសម្រារចេញដំណើរទៅគោលដៅដែលអ្នកបានកំណត់ ៕
@នៅលើយន្តហោះ
កន្លែងអង្គុយ៖ លេខកៅអីរបស់អ្នកត្រូវបានសរសេនៅលើប័ណ្ណឡើងជិះយន្តហោះរបស់អ្នក។ សូមអង្គុយតាមកន្លែងដែល បានកំណត់។
ឥវ៉ាន់៖ ឥវ៉ាន់យួរដៃរបស់អ្នកត្រូវតែរក្សាទុកនៅខាងក្រោមកៅអីនៅចំពីមុខអ្នក រឺដាក់ទុកនៅក្នុងខ្លុបនៅពីលើ ក្បាលរបស់អ្នក។ ចូរប្រយ័ត្នប្រយែងនៅពេលអ្នកបើកខ្លុបនៅពេលហោះហើរ រឺបន្ទាប់ពេលដែលយន្តហោះ ចុះចត ពីព្រោះសម្ភារៈមួយចំនួនអាចប្តូរទីកន្លែង/ធ្លាក់ចុះក្នុងអំឡុងពេលដែល យន្តហោះហោះឡើង រឺចុះចត។ ឥវ៉ាន់យួរដៃមិនត្រូវដាក់រាំងច្រកផ្លូវដើរ រឺច្រកចេញសម្រាប់សង្គ្រោះអាសន្នឡើយ។
@មកដល់គោលដៅ
ពេលអ្នកធ្វើដំណើរមកដល់គោលដៅ អ្នកនឹងទទួលការពិនិត្យអន្តោប្រវេសន៍។ បន្ទាប់មកអ្នកអាចទទួលឥវ៉ាន់ដែលដាក់តាមយន្តហោះ (ករណីដែលអ្នកយកវ៉ាលីសមកជាមួយ)
0 comments:
Post a Comment