2:27 AM
Khmer SBBIC Spelling Checker ជា ADD-ON
វចនានុក្រមមួយដែលមាននាទីត្រួតពិនិត្យអក្សរខ្មែរនៅ Browser Firefox
ដែលបង្កើតឡើងដោយសមាគមសៀវភៅឈានមុខនៅកម្ពុជា។
លោក នៅ សំណាង ដែលជាប្រធានក្រុមអ្នករចនាពុម្ពអក្សរខ្មែរបានប្រាប់ថា ការបង្កើតកម្មវិធីត្រួតពិនិត្យអក្ខរាវិរុទ្ធអក្សរខ្មែរនេះ ដោយសារលោកមើលឃើញការខ្វះខាត កម្មវិធីដែលអាចត្រួតពិនិត្យការប្រើប្រាស់អក្សរខ្មែរនៅលើអ៊ីនធឺណិតនៅមិនទាន់មាននៅឡើយ។ កម្មវិធីនេះដែលក្រុមលោកបានសហការគ្នាបង្កើតនេះ អាចត្រួតពិនិត្យរាល់ការសរសេរពាក្យពេចន៍មិនថាតាម Facebook ឬ Google ឲ្យមានភាពត្រឹមត្រូវសមស្របទៅតាមក្បួនវេយ្យាករណ៍។
ADD-ON ដែលបង្កើតដោយក្រុមជំនាញកូនខ្មែរមិនតម្រូវឲ្យប្រិយមិត្ត Restart Browser ឡើងវិញទេ ពោលគឺបន្ទាប់ពីតម្លើងរួចអាចប្រើបានតែម្ដងដែលខុស ADD-ON ដទៃ។
លោក នៅ សំណាងបញ្ជាក់ថា កម្មវិធី Khmer SBBIC Spelling Checker នឹងអាចប្រើជាជំនួយដល់ពលរដ្ឋក្នុងការសរសេរអក្សរខ្មែរនៅលើបណ្តាញអ៊ីនធឺណិតឲ្យបានត្រឹមត្រូវ ដើម្បីចូលរួមលើកតម្កើងអក្សរសាស្ត្រជាតិ។
បញ្ជាក់៖ ADD-ON នេះប្រើបានតែជាមួយ Firefox ដែលនៅលើកុំព្យូទ័រតែប៉ុណ្ណោះ។
0 comments:
Post a Comment