កម្មវិធី​ថ្មីចំណត​ក្បែរ​ខ្ញុំ​​ ត្រូវ​ចិត្ត​​​អ្នក​ចូលចិត្ត​​ជិះ​រថយន្ត​ក្រុង​

Stop Near Me ជា​កម្មវិធី​ថ្មី​​សម្រាប់​​អ្នក​ដែល​ចូលចិត្ត​ធ្វើ​ដំណើរ​តាម​រថយន្ត​ក្រុង​សាធារណះ​​​។ កម្មវិធី​នេះ​បង្កើត​ដោយ​កញ្ញា ប្លុង ម៉ាលី​ពណ៌ ជា​សាស្ត្រាចារ្យ​បង្រៀន​នៅ​​សាកលវិទ្យាល័យ​ភូមិន្ទ​ភ្នំពេញ  ដែល​គោល​បំណង​ចម្បង​របស់​កម្មវិធី​នេះ​គឺ​ជួយ​ដោះ​ស្រាយ​បញ្ហា​ពិបាក​រក​ចំណត​ឡាន​ក្រុង និង​ការ​សម្រួល​អ្នក​ដែល​ចូលចិត្ត​ធ្វើ​ដំណើរ​តាម​រថយន្ត​ក្រុង​អាច​ស្វែង​រក​ចំណត​បាន​កាន់​តែ​ងាយស្រួល។

លក្ខណះ​ពិសេស​របស់​កម្មវិធី​ចំណត​រថយន្ត​ក្រុង​ដែល​ជិត​​បំផុត (Stop Near Me) គឺ៖

– ជួយ​ផ្ដល់​ជា​សម្លេង​ញ័រ​ក្រើន​រំលឹក​នៅ​ពេល​ធ្វើ​ដំណើរ​ជិត​ដល់​ចំណត​ដែល​ត្រូវ​ចុះ
– មាន​ផែនទី​ងាយស្រួល​មើល​ទីតាំង​របស់​ចំណត​ឡាន​ក្រុង​​គ្រប់​ខ្សែ​ទាំងអស់​ដែល​មាន​ក្នុង​ទីក្រុង
– រាល់​ពេល​បើក​កម្មវិធី វា​​នឹង​លោត​ប្រាប់​ពី​ចំណត​ដែល​ជិត​បំផុត។
–  បង្ហាញ​ចំណត​ឡាន​ក្រុង​ទាំងអស់​ដែល​នៅ​ក្បែរ​ទីតាំង​របស់​ប្រិយមិត្ត
–  បង្ហាញ​ទិសដៅ​សម្រាប់​ដើរ​ទៅ​រក​គោលដៅ​ចំណត​ឡាន​ក្រុង​ណាមួយ
–  មាន​ពីរ​ភាសា​គឺ ភាសាខ្មែរ​និង​ភាសា​អង់គ្លេស



ទាញ​យក​សម្រាប់ Android ចុច​ទី​នេះ

ទាញ​យក​សម្រាប់ iOS ចុច​ទី​នេះ