12:53 AM
ជឿថាគ្រប់គ្នា
ប្រាកដជាធ្លាប់ប្រើប្រាស់កាសដើម្បីស្ដាប់ចម្រៀង,
លេងហ្គេមនិងប្រើប្រាស់ផ្សេងៗទៀត។ តើធ្លាប់ដឹងទេ
នៅពេលដែលអ្នកចំណាយពេលយូរក្នុងការប្រើកាស
មិនថាតែប្រភេទកាសតូចៗធម្មតា និងកាសក្ដោបត្រចៀក
អាចបង្កនូវផលប៉ះពាល់យ៉ាងធ្ងន់ធ្ងរ។
១.បាត់បង់គុណភាពនៃការស្ដាប់
ផលប៉ះពាល់ធ្ងន់ធ្ងរបំផុត ទាក់ទងនឹងការបាត់បង់នូវគុណភាពស្ដាប់នៃត្រចៀករបស់អ្នក។ យោងតាមលោកវេជ្ជបណ្ឌិត Brian Fligor នាយកផ្នែករោគវិនិច្ឆ័យខាងសម្លេងនៃមន្ទីរពេទ្យកុមារ Boston បានឱ្យដឹងថា បុគ្គលដែលស្តាប់តន្រ្តីនៅកម្រិតសម្លេង ៩០ Decibels (ខ្នាតសម្លេង) អាចប្រឈមនឹងការបាត់បង់គុណភាពស្ដាប់ក្នុងរយៈពេលមួយ។ កម្រិតសម្លេងប៉ុណ្ណេះ បើធៀបទៅស្មើប្រហែលនឹងសម្លេងនៃម៉ាស៊ីនផ្លុំសក់ ជាពិសេសបើក្មេងវ័យជំទង់ចំណាយពេលស្ដាប់យូរទៀតនោះ វានឹងប៉ះពាល់លឿនបំផុត។
២.ការឆ្លងមេរោគត្រចៀក
ជាទូទៅកាសត្រចៀក បង្កើតឡើងជា ២ សងខាងសម្រាប់ស្ដាប់ ប៉ុន្តែបើមនុស្សចែករំលែកការស្ដាប់ជាមួយអ្នកដទៃ វាក៏ជាផលប៉ះពាល់មួយដែរ។ យោងតាមសារព័ត៌មាន Manchester Evening បានបញ្ជាក់ថា ការស្តាប់ចម្រៀងច្រើនជាកត្តាធ្វើឱ្យមានការកើនឡើងនូវបាក់តេរី ហើយបើកាលណាអ្នកចែករំលែកកាសនោះ ទៅដល់បុគ្គលផ្សេងទៀត វាក៏មិនខុសពីការផ្ទេរបាក់តេរីទៅវិញទៅមកដូចគ្នា។
លោកវេជ្ជបណ្ឌិត Chiranjay Mukhopadhyay បានណែនាំឱ្យមនុស្សរាល់គ្នា ជៀសបានសូមកុំស្តាប់កាសមួយរួមគ្នា ឫម្យ៉ាងទៀតត្រូវសម្អាតកាសជាមុន សឹមយកមកស្តាប់នឹងត្រចៀក។
៣.កម្រិតប៉ះពាល់ខ្លាំងនៃការស្តាប់
Decrible ជាឯកតារង្វាស់នៃសម្លេង។ ជារឿយៗបើអ្នកស្តាប់តន្រ្តី ដែលមានសម្លេង ៨៥ deciels (ស្មើសម្លេងស្ទះចរាចរណ៍ក្នុងទីក្រុង) រយៈពេល ៨ ម៉ោងក្នុងមួយថ្ងៃ នោះអ្នកត្រៀមខ្លួនបាត់បង់គុណភាពស្តាប់ឬខូចត្រចៀកឱ្យហើយទៅ ទៀតសោតបើស្ដាប់កម្រិត ១០០-១០៥ decibels (ស្មើសម្លេងស្តាប់ផ្ទាល់នូវការប្រគំតន្រ្តី Rock) ត្រឹមតែ ១៥ នាទី ក្នុងមួយថ្ងៃ អ្នកនឹងមានបញ្ហាហើយ។
0 comments:
Post a Comment