Telegram​ ​

ក្រៅ​ពី​ការ​ប្រើប្រាស់​ ​Facebook នៅ​មាន​បណ្ដាញ​សង្គម​ជា​ច្រើន​ផ្សេង​ទៀត​ដូច​ជា Telegram, LINE និង Tango ជាដើម​ ​ខណៈ​កម្មវិធី Telegram បាន​ដាក់​ឲ្យ​ប្រើប្រាស់​ជា​សាធារណៈ​តាំង​ពី​ខែ​សីហា​ ឆ្នាំ ២០១៣ មក​ម្ល៉េះ​ ​ក្រោម​ការ​សម្រិត​សម្រាំង​ពី​ក្រុម​វិស្វករ​កម្មវិធី Telegram Messenger LLP។ គិត​ត្រឹម​ស្ថិតិ​ខែ​កុម្ភៈ​ ឆ្នាំ ២០១៦ បណ្ដាញ​សង្គម​យក្ស​មួយ​នេះ មាន​អ្នក​ប្រើប្រាស់​ប្រចាំ​ខែ​ដល់​ទៅ ១០០ លាន​នាក់ ខណៈ​សារ​ផ្ញើ​ចេញ​ប្រចាំ​ថ្ងៃ​មាន​ជាង ១៥ ពាន់​លាន​សារ។ អាច​ប្រើប្រាស់​ទាំង​ប្រព័ន្ធ Android, iOS, Windows Phone និង​ពពួក​ប្រព័ន្ធ​កុំព្យូទ័រ មាន macOS, Linux និង Windows។

វិធី​បង្កើត​គណនី Telegram:

១.​ ​ទាញ​យក​កម្មវិធី Telegram

• OS
• Android

២.​ ​បើក​កម្មវិធី ចុច Start Messaging > វាយ​បញ្ចូល​លេខ​ទូរសព្ទ​ផ្ទាល់​ខ្លួន

៣.​ ​ក្រោយ​ទទួល​សារ​លេខ​កូដ​សម្ងាត់ សូម​ធ្វើ​បំពេញ​នូវ​ប្រអប់​បន្ទាប់

៤.​ ​បញ្ចូល​ឈ្មោះ​នៃ​គណនី​របស់​អ្នក

ការ​ប្រើប្រាស់:

Telegram នឹង​ធ្វើ​ការ​បង្ហាញ​ស្វ័យប្រវត្តិ​នូវ​ឈ្មោះ​គណនី Telegram ដទៃ តាម​រយៈ​ Contact ដែល​អ្នក​បាន Save ក្នុង​ទូរសព្ទ។​

១.ដើម្បី​ធ្វើ​ការ​ផ្ញើ​ជា​រូបភាព/វីដេអូ​ ចេញ​ពី​ទូរសព្ទ និង​ចែកចាយ Location ដោយ​ចុច​លើ​រូប​កន្ទាស់​ក្បែរ​រូប Settings
​​២.ដើម្បី​ Set Profile Photo ដោយ​ចូល​ទៅ​កាន់​ Settings​ → រើស​យក​ពាក្យ Set Profile Photo → ហើយ​រើស​រូប​ចេញ​ពី​ Camera Roll/Gallery របស់​អ្នក

៣.ដើម្បី​ផ្ញើ​វីដេអូ​ ​ឬ​ក៏​សំឡេង​ថត​ផ្ទាល់​អ្នក​ត្រូវ​ចុច​ត្រង់​កន្លែង​រូប Microphone ឲ្យ​ជាប់​ដើម្បី​ថត​សំឡេង​ ​ហើយ​បើ​ចង់​ថត​វីដេអូ គ្រាន់​ចុច​ឆ្លាស់​លើ​រូប​ Microphone ម្ដង​ទៀត​ វា​នឹង​លោត​ទៅ​ជា​ការ​ថត​វីដេអូ​វិញ​

​មុខងារ​ពិសេសៗ​របស់ Telegram:

• -អ្នក​អាច​ធ្វើ​ការ Delete សារ​ដែល​អ្នក​បាន​ផ្ញើ ដោយ​លុប​ចេញ​បាន​ទាំង​ក្នុង​គណនី​របស់​អ្នក និង​បុគ្គល​ម្ខាង​ទៀត ដោយ​ចុច​ឲ្យ​ជាប់​លើ​សារ​នោះ ហើយ​រើស​យក More > Delete ជា​ការ​ស្រេច។

• -អ្នក​អាច​ធ្វើ​ការ Block គណនី​ដទៃ ដោយ​ចូល​ទៅ​កាន់ Settings > Privacy and Security > រើស​យក Blocked User > Add New... > Select ឈ្មោះ​គណនី​ដែល​អ្នក​ចង់ Block
  
• -អ្នក​អាច​ដាក់ Passcode Lock រាល់​ពេល​បើក​កម្មវិធី ដោយ​ចូល​ទៅ Settings > Privcay and Security > រើស​យក Passcode Lock > វាយ​បញ្ចូល​កូដ​សម្ងាត់​ជា​ការ​ស្រេច (អ្នក​ក៏​អាច​ប្រើ​ Touch ID ផង​ដែរ)
  
• -អ្នក​អាច​ធ្វើ​ការ​បញ្ចូល Background នៃ​ប្រអប់​ផ្ទៃ​ឆាត > ចូល​ទៅ​កាន់ Settings > ត្រង់​ Chat Background > ធ្វើ​ការ​រើស​នូវ​ផ្ទៃ​ណា​មួយ​ដែល​អ្នក​ពេញ​ចិត្ត៕
  

Telegram ជា​កម្មវិធី​ផ្ញើសារ​ដែល​ផ្ដោត​សំខាន់​លើ​សុវត្ថិភាព​និង​ល្បឿន​លឿន​ក្នុង​ការ​ផ្ញើរ ​ដែល​ជួយ​ឲ្យ​អ្នក​ប្រើ​អាច​ចែក​រំលែក​រូបភាព​និង​វីដេអូ​បាន​ច្រើន ហើយ​អាច​ផ្ញើរ​បាន​រហូត​ដល់ 1GB។
១) គុណ​សម្បត្តិ Telegram

• -អ្នក​អាច​ផ្ញើរ​វីដេអូ​ដែល​មាន​ទំហំ​រហូត​ដល់ 1024MB ហើយ​ថែម​ទាំង​អាច Share រូបភាព​បាន​ច្រើន​
• -អ្នក​អាច​ផ្ញើរ​រូបភាព សម្លេង និង​វីដេអូ​ក្នុង​កម្រិត​ច្បាស់​ល្អ មិន​ខូចគុណភាព​រូប និង​អាច​ផ្ញើ File ធំៗ​បាន។
• -គ្មាន​ផ្ទាំង​ផ្សាយ​ពាណិជ្ជកម្ម
• -ដោនឡូត​មិន​គិត​ថ្លៃ​ទាំង iOS និង Android
• -អាច​ប្រើ​បាន​ទាំង​ទូរសព្ទ និង​កុំព្យូទ័រ
• -គ្មាន​គិត​ថ្លៃ​ប្រើប្រាស់​សេវា​នោះ​ទេ
• -អាច​ការពារ​សុវត្ថិភាព​សារ​របស់​អ្នក​ពី Hackers បាន
• -អាច​ឆាត​រក​គ្នា បាន​លឿន​ជាង​ទំនាក់​ទំនង​ឆាត​ផ្សេង​ទៀត
• -អាច​ដាក់​សមាជិក​បាន​រហូត​ដល់​ ២០០ នាក់
• -អាច​ផ្ញើរ​ឯកសារ​ទៅ​ដាក់​លើ​សេវាកម្ម Cloud និង​​មិន​ងាយ​បាត់​បង់ឯកសារ
• -មិន​កំណត់​ទំហំ Cloud Storage
• -អាច​យក​ទូរសព្ទ​ច្រើន​ទៅ log in ​ប្រើ​បាន​ច្រើន​ក្នុង​ពេល​តែ​មួយ

២) គុណ​វិបត្តិ Telegram

• -មិន​អាច​ប្រើ​បាន​ពេល Offline
• -គ្មាន​មុខងារ Multiple Selections(មុខងារ​ជ្រើស​រើស​រូប ពេល​ផ្ញើរ​​ច្រើន​ក្នុង​ពេល​តែ​មួយ)
• -មិន​អាច​ផ្ញើរ​រូបភាព ឬ​វីដេអូ​ធំៗ​ក្នុង​ពេល​តែ​មួយ​បាន
• -មាន​ឧបករណ៍​ខ្លះ ឬ​ទូរសព្ទ​ខ្លះ មិន​អាច​ផ្ញើរ​រូប​បាន។

កម្មវិធី Telegram នេះ​ក៏​ជា​កម្មវិធី​​ទំនាក់​ទំនង​​ល្អ​មួយ​ដែល​ក្រុម​ពួក ISIS ដើម្បី​មាន​សុវត្ថិភាព​​រក្សា​ការ​សម្ងាត់​​បំផុត ពេល​សន្ទនា​ផង​ដែរ​។

ពួក​គេ​ក៏​អាច​បង្កើត​ជា​ក្រុម​ Chat មួយ​ ដែល​​​អាច​ឲ្យ​សមាជិក​ចូល​រួម​បាន​ដល់​ទៅ ​២០០​នាក់​ គេ​​អាច​ជ្រើស​ជា​ "special secret chats" ដែល​សារ​រូបភាព​ និង​វីដេអូ​​នឹង​លុប​ចោល​ដោយ​ខ្លួន​ឯង​​ក្នុង​ពេល​កំណត់​ណា​មួយ។ សុវត្ថិភាព​ដ៏​ខ្ពស់​របស់​កម្មវិធី​នេះ​​ជា​ចំណុច​មួយ​​ដែល​ធ្វើ​ឲ្យ​ក្រុម​ ISIS ជ្រើស​រើស​កម្មវិធី​នេះ​សម្រាប់​​ទំនាក់​ទំនង​សមាជិក​ក្រុម​របស់​ខ្លួន​​ដែល​ស្ថិត​នៅ​ជុំ​វិញ​ពិភពលោក៕