តើ​ ​GPS​ ​ដំណើរ​ការ​យ៉ាង​ដូចម្ដេច​?

កាល​ពី​បុរាណកាល​ ​ឬ​សម័យ​មិន​ទាន់​មាន​ភាព​ជឿនលឿន​ផ្នែក​បច្ចេកវិទ្យា​ ​មនុស្ស​ប្រើ​វិធី​ស្វែង​រក​ទិសដៅ​នានា​ ​គឺ​អាស្រ័យ​មើល​មេឃ​នៅ​ពេល​ថ្ងៃ​ ​ហើយ​នឹង​ពន្លឺ​ផ្កាយ​នៅ​ពេល​រាត្រី។ ប៉ុន្តែ​ព្រោះ​តែ​បច្ចេកវិទ្យា​បច្ចុប្បន្ន​ ​អ្នក​គ្រប់គ្នា​អាច​ស្វែងរក​ទិសដៅ​ផ្សេង​ៗ​តាម​ប្រព័ន្ធ​ ​GPS​ ​(Global Positioning System)​ ​ដែល​មាន​បំពាក់​លើ​ឧបករណ៍​នានា​ ​ជា​ពិសេស​ស្មាតហ្វូន​ដែល​ស្រួល​យក​តាម​ខ្លួន។

អ្វី​ទៅ​ជា GPS?

GPS​ ​ជា​ប្រព័ន្ធ​មួយ​ដែល​ដំណើរការ​ដោយ​ផ្អែក​លើ​កត្តា​ ​៣​ ​យ៉ាង​គឺ​ ​ផ្កាយរណប, ស្ថានីយ​ប្រមូល​ទិន្នន័យ​ ​(Ground stations) និង​ឧបករណ៍​ទទួល​ទិន្នន័យ​ ​(receivers)។ GPS​ ​ត្រូវ​ការ​ផ្កាយរណប​ច្រើន​រួម​គ្នា​ ​ដើរតួ​ជា​ស្ថានីយ​ប្រមូល​ ​និង​ចែកចាយ​ទិន្នន័យ​ទីតាំង​ ​ក៏​ដូចជា​ពេលវេលា​នានា​ដែល​អ្នក​ប្រើប្រាស់​ចង់​បាន។

Receiver​ ​ដែល​ប្រើ​សម្រាប់​ទទួល​ទិន្នន័យ​ ​ក៏​ត្រូវ​មាន​បំពាក់​ក្នុង​ទូរសព្ទ​ ​សម្រាប់​ចាប់​រលក​សញ្ញា​ពី​ផ្កាយរណប​បាន​ល្អ​ ​ហើយ​ជា​ពិសេស​អាច​ប្រើ​ផែនទី​បាន​ច្បាស់លាស់​ដែល​មាន​លើ​ស្មាតហ្វូន​ ​ហើយ​ក៏​អាច​មើល​ដឹង​ថា​តើ​ផ្កាយរណប​ដែល​បញ្ជូន​រលក​សញ្ញា​សម្រាប់​ប្រព័ន្ធ​ ​GPS​ ​នេះ​ ​គឺ​ស្ថិត​នៅ​ទីតាំង​ណា៕