ជ្រើសពណ៌ និងស្លាកលេខរថយន្ត តាមថ្ងៃកំណើត

ព្រហស្បតិ៍, 24 តុលា 2013 14:04 

តើអ្នកគួរជ្រើសរថយន្ត ពណ៌អ្វី  ហើយស្លាកលេខរថយន្ត មិនគួរមានលេខប៉ុន្មានខ្លះ ដើម្បីឲ្យត្រូវនឹងហុងស៊ុយថ្ងៃកំណើតរបស់អ្នក? ដូច្នេះ ចូរតាមដានដូចខាងក្រោមៈ

អ្នកកើតថ្ងៃអាទិត្យ ៖

ពណ៌ឈាមជ្រូក, ពណ៌ក្រហម ៖ ជួយឱ្យមាន អ្នកគោរពកោតក្រែង។

ពណ៌ខ្មៅ ៖ ជួយរឿងលុយកាក់។

ពណ៌ស ៖ ជួយឱ្យមានសុវត្ថិភាព ចៀសផុតពី គ្រោះថ្នាក់ផ្សេងៗ។

ពណ៌សំបកមង្ឃុត ៖ ជួយចម្រើនលុយកាក់ និងទំនុកចិត្ត។

ពណ៌បៃតង ៖ មានអ្នកជួយទំនុកបម្រុង។

ពណ៌ត្នោត, ប្រផេះ, មាស ៖ មានមេត្តា មានមន្តស្នេហ៍។

ពណ៌ដែលមិនគួរប្រើ ៖ ពណ៌ផ្ទៃមេឃ និង ពណ៌ខៀវ ។

ស្លាកលេខរថយន្ត មិនគួរមានលេខ ៖ ៣ និង ៦។

អ្នកកើតថ្ងៃចន្ទ ៖

 

ពណ៌ទឹកក្រូច, លឿងចាស់ ៖ ចម្រើនខាង លុយកាក់ និងភាពរឹងប៉ឹងមាំមួន។

ពណ៌ខ្មៅ ៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។

ពណ៌ខៀវ, មាស ៖ មានមេត្តា មានមន្តស្នេហ៍ ទទួលការទំនុកបម្រុងពីមនុស្សចាស់ ធ្វើឱ្យមានជោគលាភ។

ពណ៌សំបកមង្ឃុត ៖ ជួយចម្រើនថាមពល ឱ្យរលូនក្នុងជីវិត។

ពណ៌ជម្ពូ ឬផ្កាឈូក ៖ ជួយឱ្យមានអ្នកទំនុកបម្រុង។

ពណ៌ផ្ទៃមេឃ ៖ ជួយឱ្យសម្រេចជោគជ័យ ក្នុងជីវិត និងការងារ។

ពណ៌បៃតង ៖ ជួយឱ្យមានអំណាច កិត្តិយស មានឈ្មោះបោះសំឡេង។

ពណ៌ដែលមិនគួរប្រើ ៖ ពណ៌ក្រហម។

ស្លាកលេខរថយន្ត មិនគួរមានលេខ ៖ ១ និង ៥។

អ្នកកើតថ្ងៃអង្គារ ៖

 

ពណ៌ស្វាយចាស់ ៖ ជួយឱ្យមានជោគជ័យ និងបារមី។

ពណ៌ខ្មៅ ៖ ជួយឱ្យមានអំណាច កិត្តិយស កេរ្តិ៍ឈ្មោះ។

ពណ៌ត្នោត, ប្រផេះ ៖ ជួយឱ្យគេជឿជាក់។

ពណ៌មាស ៖ ជួយឱ្យមានសុវត្ថិភាព ចៀសផុត ពីគ្រោះថ្នាក់ផ្សេងៗ។

ពណ៌ស្ករ ៖ ជួយឱ្យមានស្ថេរភាពក្នុងជីវិត។

ពណ៌បៃតង ៖ ជួយឱ្យចាកឆ្ងាយពីឧបសគ្គ សត្រូវ ឬបញ្ហាផ្សេងៗ។

ពណ៌ក្រហម, ផ្កាឈូក ៖ ជួយឱ្យសម្រេចកិច្ចការងារ ព្រោះមានអ្នកចាំជួយឧបត្ថម្ភគាំទ្រ។

ពណ៌ដែលមិនគួរប្រើ ៖ ពណ៌ស ឬលឿងទុំ។

ស្លាកលេខរថយន្ត មិនគួរមានលេខ ៖ ១ និង ២។

អ្នកកើតថ្ងៃពុធ (ពីម៉ោង៦ និង ០១ព្រឹក ដល់៦ ល្ងាច) ៖

ពណ៌ខៀវ, ផ្ទៃមេឃ ៖ ជួយឱ្យក្លាយជា អ្នកគួរឱ្យលើកតម្កើង ឬគោរពរាប់អាន។

ពណ៌ស្ករ, មាស ៖ ជួយបង្កើនអំណាច កិត្តិយស កេរ្តិ៍ឈ្មោះ។

ពណ៌ស, លឿងខ្ចី ៖ ជួយឱ្យជោគជ័យក្នុងជីវិត និងការងារ ព្រោះមានអ្នកជួយឧបត្ថម្ភគាំទ្រ។

ពណ៌ប្រផេះ , ត្នោត ៖ ជួយបង្កើនភាពរលូន ក្នុងជីវិត។

ពណ៌ស្វាយចាស់ ៖ ជួយបង្កើនឱ្យមាន ជោគលាភ វាសនាខ្ពង់ខ្ពស់។

ពណ៌បៃតង ៖ ជួយឱ្យមានមន្តស្នេហ៍ មេត្តាធម៌ និងការគួរឱ្យគោរព។

ពណ៌មិនគួរប្រើ ៖ ពណ៌ក្រហម និងផ្កាឈូក។

ស្លាកលេខរថយន្ត មិនគួរមានលេខ ៖ ៣ និង ៨។

អ្នកកើតថ្ងៃពុធ (ពីម៉ោង៦ និង ០១ល្ងាច ដល់ ៦ ព្រឹក) ៖

 

ពណ៌ផ្កាឈូក ៖ ជួយឱ្យមានទំនុកចិត្ត។

ពណ៌ខ្មៅ ៖ ជួយឱ្យការងារដំណើរការបានល្អ។

ពណ៌ប្រផេះ, ត្នោត ៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។

ពណ៌ស្វាយចាស់ ៖ ជួយឱ្យសម្រេចជោគជ័យ ក្នុងជីវិត និងការងារ ព្រោះមានអ្នកចាំជួយគាំទ្រ។

ពណ៌ខៀវ, ផ្ទៃមេឃ ៖ ជួយឱ្យចាកឆ្ងាយ ពីគ្រោះថ្នាក់។

ពណ៌ក្រហម, ស្ករ ៖ ជួយឱ្យមានជោគលាភ។

ពណ៌ដែលមិនគួរប្រើ ៖ ពណ៌ទឹកក្រូច និង ពណ៌មាស។

ស្លាកលេខរថយន្ត មិនគួរមានលេខ ៖ ៤ និង ៥។

អ្នកកើតថ្ងៃព្រហស្បតិ៍ ៖

 

ពណ៌ស ៖ ជួយឱ្យអ្នកដទៃមានទំនុកចិត្ត។

ពណ៌ក្រហម ៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។

ពណ៌ត្នោត, ប្រផេះ ៖ ជួយឱ្យចាកឆ្ងាយពីឧបសគ្គ សត្រូវ និងបញ្ហាផ្សេងៗ។

ពណ៌ផ្ទៃមេឃ ៖ ជួយបង្កើនជោគលាភ វាសនា និងបារមី។

ពណ៌បៃតង ៖ ជួយឱ្យសម្រេចបំណង ព្រោះមានអ្នកជួយឧបត្ថម្ភគាំទ្រ។

ពណ៌ទឹកក្រូច, មាស ៖ ជួយឱ្យមានសិរីមង្គល ក្នុងជីវិត។

ពណ៌ដែលមិនគួរប្រើ ៖ ពណ៌ខ្មៅ ពណ៌ស្វាយ និងពណ៌ខៀវ។

ស្លាកលេខរថយន្ត មិនគួរមានលេខ ៖ ៧ និង ៩។

អ្នកកើតថ្ងៃសុក្រ ៖

 

ពណ៌បៃតង ៖ ជួយឱ្យអ្នកដទៃមានទំនុកចិត្ត និងការជឿជាក់។

ពណ៌ក្រហម, មាស ៖ ជួយឱ្យការងាររលូន ទៅមុខល្អ។

ពណ៌ក្រហម, ផ្កាឈូក ៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។

ពណ៌លឿង ៖ ជួយឱ្យសម្រេចកិច្ចការធំ។

ពណ៌ខ្មៅ ៖ ជួយឱ្យរួចផុតពីឧបសគ្គ សត្រូវ និងបញ្ហាផ្សេងៗ។

ពណ៌ស្ករ ៖ ជួយឱ្យមានជោគលាភ។

ពណ៌ផ្ទៃមេឃ, ខៀវ ៖ ជួយឱ្យមាន លាភ បារមី វាសនាល្អ។

ពណ៌ដែលមិនគួរប្រើ ៖ ពណ៌ត្នោត ពណ៌ប្រផេះ និងពណ៌ស្វាយ។

ស្លាកលេខរថយន្ត មិនគួរមានលេខ ៖ ៨ និង ៧។

អ្នកកើតថ្ងៃសៅរ៍ ៖

 

ពណ៌ក្រហម ៖ ជួយឱ្យអ្នកដទៃជឿទុកចិត្ត។

ពណ៌ផ្កាឈូក ៖ ជួយឱ្យសម្រេចបំណង ព្រោះមានអ្នកចាំជួយឧបត្ថម្ភគាំទ្រ។

ពណ៌ខៀវ, ផ្ទៃមេឃ ៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។

ពណ៌មាស, លឿង ៖ ជួយឱ្យចាកឆ្ងាយពី ឧបសគ្គ សត្រូវ និងបញ្ហាផ្សេងៗ។

ពណ៌ខ្មៅ, ស្វាយចាស់ ៖ ជួយឱ្យមានជោគលាភ មន្តស្នេហ៍ គួរឱ្យគោរព។

ពណ៌មិនគួរប្រើ ៖ ពណ៌បៃតង។

ស្លាកលេខរថយន្ត មិនគួរមានលេខ ៖ ៤ និង ៦”៕

Read More

សំបកកង់ប្រើខ្យល់ធម្មតា និង ប្រើហ្គាស នីត្រូហ្សែន

ពុធ, 13 វិច្ឆិកា 2013 09:14

តើខ្យល់ធម្មតា (compressed air) និង ហ្គាសនីត្រូហ្សែន ខុសគ្នាយ៉ាងដូចម្តេច ហើយមានសារៈសំខាន់យ៉ាងម៉េចខ្លះ សំរាប់កង់រថយន្តលោកអ្នក?

 

ខ្យល់រួមមានធាតុផ្សំជាច្រើនដួចជា ហ្គាសនីត្រូហ្សែន 78%, អុហ្ស៊ីហ្សែន 21%, Argon 1% និង នៅសល់ប៉ុន្មានភាគរយទៀតមានដូចជា សំណើម, CO2 និង ម៉ូលគុលផ្សេងៗទៀត ដោយសារតែធាតុទាំងអស់នេះហើយ ធ្វើឲ្យខ្យល់ក្នុងសំបកកង់ឆាប់ រីកមាឌ, មានទម្ងន់ធ្ងន់, អាចធ្វើឲ្យអាយុកាលសំបកកង់ ប្រើបានរយៈពេលខ្លី និង ធ្វើឲ្យរថយន្តស៊ីប្រេង ព្រោះតែសំណើមនៅក្នុងនោះ។

ខុសគ្នានិងហ្គាសនីត្រូហ្សែន បើយើងប្រើហ្គាសនីត្រូហ្សែន ដែលសុទ្ធ ១០០% នោះអត្ថប្រយោជន៍ដែលទទួលបានមានដូចជាៈ

សំពាធកង់មានលំនឹងៈ តាមធម្មតាខ្យល់ក្នុងកង់ តែងស្រក ឬ រីកមាឌទៅតាមសីតុណ្ហភាពនៃអាកាសធាតុ ជាទូរទៅវាស្រកចំនួន 3.5 psi បើប្រៀបជាមួយហ្គាសនីត្រូហ្សែនវិញ ស្រកត្រឹមតែ 2.2 psi ប៉ុណ្ណោះ។

ជួយសន្សំសម្ចៃប្រេងៈ តាមការសិក្សាស្រាវជ្រាវមួយ បានរកឃើញថា សំពាធខ្យល់កង់ធ្លាក់ 1 psi អាចធ្វើឲ្យរថយន្តស៊ីប្រេង 0,3% ដូច្នេះការប្រើហ្គាសនីត្រូហ្សែន គឺកាត់បន្ថយការធ្លាក់ចុះនៃសំពាធកង់ ប្រសិនបើលោកអ្នកប្រើខ្យល់ធម្មតា ត្រូវឧហ្សាពិនិត្យខ្យល់កង់ឲ្យបានទៀងទាត់។

សីតុណ្ហភាពត្រជាក់ នៅពេលកំពុងបើកបរៈ នៅពេលគេបូមខ្យល់ចូលទៅក្នុងម៉ាស៊ីន វានិងបូមទាំងសំណើមនៅក្នុងបរិយាកាសទៅជាមួយដែរ ហើយសំណើមនេះ បង្កើតបានជាវត្ថុរាវ ផ្ទុកនៅក្នុងធុងខ្យល់ ខណៈដែលលោកអ្នកសប់កង់រថយន្ត ដោយប្រើខ្យល់នេះ នោះខ្យល់ និង សំណើម និងចូលទៅក្នុងកង់រថយន្ត ហើយខ្យល់ និង សំណើមនេះនិងបង្កើតបានជាហ្គាស ដែលធ្វើឲ្យវាអាចរីកមាឌបានដោយសារតែកំដៅសំបកកង់ កំពុងតែរត់នៅលើផ្លូវថ្នល់ ហ្គាសនីត្រូហ្សែនពុំមានបញ្ហាដូច្នេះទេ ដោយសារតែវាស្ងួត ហើយគ្មានសំណើម ធ្វើឲ្យកង់មានទំងន់ស្រាលជាងសំបកប្រើខ្យល់ និង ស៊ីប្រេងតិច។

សរុបសេចក្តីមក ហ្គាសនីត្រូហ្សែនពិតជា មានអត្ថប្រយោជន៍ច្រើនក៏ពិតមែន ប៉ុន្តែវាមានតម្លៃថ្លៃនិងមិនសំបូរ ឬ ពុំមានកន្លែងបូមខ្យល់ណាមួយប្រើ ហ្គាសប្រភេទនេះ​នៅឡើយ​ទេ ការបូមខ្យល់កង់រថយន្តម្តងត្រូវចំណាយ ៥-៧ ដុល្លាសំរាប់កង់មួយ ហើយការចម្រាញខ្យល់​យក​តែ នីត្រូហ្សែនសុទ្ធត្រូវចំណាយពេលច្រើន និង ត្រូវការម៉ាស៊ីនទំនើប សង្ឈឹមថាថ្ងៃអនាគតហ្គាស​ប្រភេទនេះនិងមានតម្លៃថោក ដូចខ្យល់ធម្មតាដែរ។

Read More

បញ្ឆេះរថយន្តយូរ មានផលប៉ះពាល់ដែរឬទេ?

 អង្គារ, 19 វិច្ឆិកា 2013 16:26 

 

ការបញ្ឆេះរថយន្ត ដោយមិនមានចលនាទៅមុខ តែងកើតឡើងញឹកញាប់ នៅពេល​ដែល​យើង​រង់ចាំនរណាម្នាក់នៅក្នុងរថយន្ត តើការទុកឲ្យម៉ាស៊ីនរថយន្តដំណើរការរយៈពេលយូរ ដូច្នេះ និងមានផលប៉ះពាល់អ្វីខ្លះដល់រថយន្តលោកអ្នក?

 រង់ចាំនរណាម្នាក់នៅក្នុងរថយន្ត ដោយបញ្ឆេះរថយន្ត និង បើកម៉ាស៊ីនត្រជាក់រយៈពេលខ្លីត្រឹម ១០-២០ នាទី គឺពុំមានបញ្ហានោះទេ ប៉ុន្តែប្រសិនបើលោកអ្នកទុកឲ្យម៉ាស៊ីនរត់ ដោយពុំមានចលនាទៅមុខលើសពីនេះ វាមានផលប៉ះពាល់មួយចំនួនដូចជាៈ

ធ្វើរថយន្តប្រើប្រេងច្រើនៈ តាមធម្មតាប្រេងត្រូវការខ្យល់ ដើម្បីឲ្យចំហេះរបស់វាឆេះបានសប់ល្អ ហើយខ្យល់អាចបឺតចូលទៅក្នុងម៉ាស៊ីនបាន លុះត្រាតែយើងជាន់ហ្គែរ នៅពេលជាន់ហ្គែរ កអ៊ែរនិងបើកហើយស្រូបយកខ្យល់ទៅក្នុងម៉ាស៊ីន ប៉ុន្តែប្រសិនបើយើងបញ្ឆេះរថយន្តនៅស្ងៀម មានន័យថាយើងពុំជាន់ហ្គែរនោះទេ ហើយមានតែខ្យល់ប្រហែល ៣% ប៉ុណ្ណោះអាចចូលទៅក្នុងម៉ាស៊ីន ដូច្នេះវាមិនអាចឆេះបានគ្រប់គ្រាន់នោះទេ ធ្វើឲ្យម៉ាស៊ីនត្រូវការបឺតសាំងបន្ថែមទៀត ដើម្បីឲ្យម៉ាស៊ីនដំណើរការ យើងអាចសង្កេតបានដូចជា ការស្ទះចរាចរណ៍នៅក្នុងក្រុង និង ធ្វើឲ្យរថយន្តស៊ីសាំង។ ការសិក្សាមួយបានបង្ហាញថា ការបញ្ឆេះរថយន្តចោល គឺវាស៊ីសាំងជាង ការពន្លត់ម៉ាស៊ីន រួចបញ្ឆេះឡើងវិញ ប្រសិនបើលោកអ្នកបញ្ឆេះរថយន្តចោល ១នាទី គឺវាស្មើរនិងការបើកបរក្នុងចម្ងាយ 1,6 km។

ធ្វើឲ្យឆាប់ខូចសំបុកស៊ីមាំងៈ រថយន្តដែលឆេះនៅស្ងៀម មិនបានធ្វើឲ្យសាំងឆេះបានសប់នោះទេ ដោយសារតែវាពុំមានខ្យល់គ្រប់គ្រាន់ ដូច្នេះការឆេះមិនសប់បនេះហើយ ធ្វើឲ្យមានកំណកឧស្ម័ន និង ប្រេងសាំង សេសសល់ច្រើន ហើយអាចបន្សល់ទុកនៅក្នុងសំបុកស៊ីមាំង អាចជាការបង្ករការឆេះរថយន្ត ខណៈកំពុងបើកបរ ជួនពេលខ្លះនៅពេលបើកបរផ្លូវឆ្ងាយ ស្រាប់តែមានផ្សែងខ្មៅយ៉ាងច្រើន។

សរុបមកការបញ្ឆេះរថយន្តចោល នាំឲ្យបំណុលដល់បរិស្ថាន ខ្ចះខ្ជាយប្រាក់កាស និង ខូចខាតដល់រថយន្ត នៅទីក្រុងឡុង ប្រទេសអង់គ្លេសមានច្បាប់ប្រឆាំង និងការបញ្ឆេះរថយន្តទុកចោលនៅស្ងឿម ប្រសិនបើលោកអ្នកបញ្ឆេះរថយន្តចោលរយៈពេលលើសពី ១នាទី នោះប៉ូលីសនិងផាកពិន័យជាមិនខាន។

Read More