Khmer Techno Innovation: Huawei

Showing posts with label Huawei. Show all posts

Friday, October 13, 2017

ស្មាតហ្វូនស៊េរីថ្មី កាមេរ៉ា៤ Huawei nova 2i

Huawei nova 2i គឺជាកំពូលស្មាតហ្វូនស៊េរីថ្មី កាមេរ៉ាភ្លោះមុខក្រោយដំបូងបង្អស់ របស់ក្រុមហ៊ុន Huawei។ Huawei nova 2i ត្រូវបានរចនាឡើងជាមួយនឹង អេក្រង់ធំ ពេញភ្នែក ពេញគែម ៥.៩ អ៊ីញ (HUAWEI FullView Display) ជាមួយនឹងសមត្ថភាព កំពូលនៃកាមេរ៉ាភ្លោះមុខ ១៣MP/២MP ភ្ជាប់ជាមួយនឹង Smart Selfie Toning Flash ឯកទេសអ្នក Selfie មួយគ្មានពីរ អាចផ្តិតយករូបភាពច្បាស់ស្រស់ស្អាត Pro Mode បែបសិល្បៈ portrait, Wide Aperture, Effect, Bokeh ស៊ីវិល័យ និងរស់រវើក។

ចំណែកឯ កាមេរ៉ាភ្លោះ ខាងក្រោយវិញ ១៦MP/២MP មានសមត្ថភាពខ្លាំង អាចផ្តិតយករូបភាព បែបសិល្បៈ ស៊ីវិល័យ កម្រិតខ្ពស់ ព្រាលផ្ទៃខាងក្រោយបានស្រស់ស្អាតល្អ (bokeh) និងជួយបន្ថែមពន្លឺ សម្រាប់ទីតាំង ដែលមាន ពន្លឺខ្សោយ ដូចកាមេរ៉ាអាជីព។ HUAWEI nova 2i ត្រូវបានបំពាក់ដោយបន្ទះឈីប Octa-core Kirin ៦៥៩, មាន រ៉េម (RAM) ៤GB និង រ៉ូម (ROM) ៦៤GB ប្រើប្រាស់ប្រព័ន្ធប្រតិបត្តិការ Android-7 ជាមួយនឹងថាមពលថ្មធំមហិមា ៣,៣៤០mAh ស៊ីមពីរ ល្បឿនអ៊ីនធើណិតលឿនកប់ Best 4G LTE Smart Ever ផ្តល់ជូននូវបទពិសោធន៍ថ្មីអស្ចារ្យ កាន់តែលឿន និង អស់កង្វល់រឿងអស់ថ្ម ល្អប្រើ មិនមែនល្អមើល ប្រើអស់ចិត្ត តែមិនអស់ថ្ម ។

Huawei nova 2i

ក្រោយពីធ្លាយពាក្យចចាមអារ៉ាម និងរូបភាពជាច្រើន របស់ស្មាតហ្វូន Huawei Mate 10 ឥលូវនេះលេចចេញនូវព័ត៌មានថ្មីថា Huawei ស្មាតហ្វូនស៊េរីថ្មីមួយទៀតនឹងមានបំពាក់នូវ កាមេរ៉ាបួនគ្រាប់ (មុខ២ និងក្រោយ២) លើស្មាតហ្វូនស៊េរីថ្មី គឺ Huawei nova 2i ដែលឆ្លុះបញ្ចាំងពីភាពខ្លាំងនៃបច្ចេកវិជ្ជាការថតរូបបែប Selfie-centric ស៊េរីថ្មីទំនើប។

ស្មាតហ្វូនស៊េរីថ្មីខាងលើ នឹងបំពាក់នូវកាមេរ៉ាចំនួន៤ គឺកាមេរ៉ាភ្លោះនៅខាងមុខ 13MP + 2MP និងកាមេរ៉ា ភ្លោះនៅខាងក្រោយ16MP + 2MP រួមជាមួយនឹងភ្លើង LED Flash ផងដែរ។

ស្មាតហ្វូននេះមានទំហំអេក្រង់ 5.9 អ៊ីង ជាមួយនឹងកម្រិតអេក្រង់ FullHD+ (2160x1080p) ដែលមាន 18:9 aspect ratio មានរ៉េមទំហំ 4GB និងម៉េមូរី ក្នុង ម៉ាស៊ីនទំហំ 64GB (អ្នកអាចបន្ថែម microSD ទំហំដល់ទៅ 256GB)។ វាបំពាក់នូវឈីប HiSilicon Kirin octa-core SoC ដែលមានល្បឿន 2.36GHz ថាមពលថ្ម 3,240mAh ប្រព័ន្ធប្រតិបត្តិការ Android 7.0 Nougat ដំណើរការជាមួយនឹង EMUI5.1 ផងដែរ។

ស្មាតហ្វូនស៊េរី Huawei Nova ដំបូងគេត្រូវបានដាក់បង្ហាញនៅឆ្នាំ 2016 ដោយឈ្មោះមានប្រភពមកពីពាក្យ "ការបង្កើតថ្មី (Innovation)" ដែលជាទិដ្ឋភាពស្នូលនៃទស្សនវិជ្ជារបស់ក្រុមហ៊ុន Huawei ៕

ពីអាមេរិកដល់អង់គ្លេស Huawei P8 ទទួលការកោតសរសើរឆ្លងទ្វីប

គ្រាន់តែសម្ពោធនៅទីក្រុងឡុងដ៏ ឌូបៃ បាងកក និងកម្ពុជា រួចភ្លាម P8 ត្រូវបានគេហទំព័រព័ត៌មានបច្ចេកវិទ្យាជាច្រើនកោតសរសើរតៗគ្នាមិនដាច់ពីមាត់។

តួយ៉ាងគេហទំព័រទូទាំងពិភពលោកបានធ្វើតេស្តផង ថ្លឹងទម្ងន់ផង ដើម្បីចង់ដឹងពីរូបរាង និងអានុភាពពិតប្រាកដរបស់កំពូលស្មាតហ្វូនមួយនេះ។ ចាប់ពី BBC ដែលជាគេហទំព័រដ៏ល្បីរន្ទឺនៅទីក្រុងឡុងដ៏ និងគេហទំព័រ Phone Arena ដែលជាគេហទំព័រស្ដីពី ស្មាតហ្វូនលំដាប់កំពូល មានអ្នកទស្សនាប្រមាណជាង ២០ លាននាក់ជារៀងរាល់ខែ និង Tech Radar ដែលជាគេហទំព័រព័ត៌មានបច្ចេកវិទ្យាឈានមុខគេនៅចក្រភពអង់គ្លេស ព្រមទាំង Tom’s Hardware ដែលជាប្រភពនៃព័ត៌មានដ៏សម្បូរបែបទាក់ទង នឹង Hardware សុទ្ធតែបានតែបានសរសេរ Review អំពី Huawei P8 យ៉ាងគ្រប់ជ្រុងជ្រោយ។ សរុបសេចក្ដីមក បើយោងគេហទំព័រល្បីៗទាំងអស់ Huawei P8 ត្រូវបានសន្មតជាកំពូលស្មាតហ្វូននៃសករាជថ្មីនេះយ៉ាងមធ្យ័តបំផុតតាមរយៈកត្តាមួយចំនួនដូចខាងក្រោម៖

ការរចនា៖
គេហទំព័រ coolsmartphone.com និង phonarena.com សុទ្ធតែយល់ឃើញថា រូបរាងរបស់ P8 មានលក្ខណៈសាមញ្ញ ភ្លឺរលោង មើលទៅកាលីប ជាមួយផ្ទៃសងខាងរាបស្មើស៊ីគ្នានឹងកម្រាស់ដ៏សែនស្ដើង ដែលធ្វើឱ្យ P8 កាន់តែលេចធ្លោ។ គំនិតច្នៃប្រឌិតនៅពីក្រោយរូបរាងដ៏ប្រណីតរបស់ P8 មានប្រភពចេញពីក្របសៀវភៅសម័យបុរាណ ហើយរូបរាងដ៏ប្រណីតនេះ ត្រូវបានបំពាក់ដោយបច្ចេកវិទ្យាទំនើបឈានមុខសម័យថ្មី ដែលធ្វើឲ្យ P8 ក្លាយទៅជាកំពូលស្មាតហ្វូនរបស់ក្រុមហ៊ុន Huawei។ យោងតាមគេហទំព័រ coolsmartphone.com បានឱ្យដឹងថា៖ “ដូចដែលខ្ញុំបានរៀបរាប់រួចមកហើយ P8 គឺជាស្មាតហ្វូនដែលមានរាងឡូយអស្ចារ្យ…វាត្រូវបានរចនាឡើងពីអាលុយមីញ៉ូមស្រោបជុំវិញ អេក្រង់ និងផ្នែកផ្សេងៗទៀត ដែលនេះពិតជាធ្វើឲ្យ P8 មើលទៅមាំ និងមិនងាយសឹករិចរិល”។ ចំណែក phonearena.com បានផ្សព្វផ្សាយថា៖ “អ្វីដែលគួរឱ្យភ្ញាក់ផ្អើលនៅពេលឃើញ P8 ដំបូងគឺ ការរចនាដ៏ប្រណីតមិនគួរឲ្យជឿ។ សោភ័ណភាពដ៏ប្រណីតរបស់ P8 ពិតជាគួរឱ្យស្ងប់ស្ងែង មិនត្រឹមតែប៉ុណ្ណោះ Huawei មានសមត្ថភាពធ្វើរឿងជាច្រើនទៀតដែលគូប្រជែងមិនអាចធ្វើបាន ជាពិសេសគឺកាមេរ៉ា និង Flash ដែលមានផ្ទៃរាបស្មើទៅនឹងសំបកខាងក្រោយមិនដូចទៅនឹងស្មាតហ្វូនម៉ូដែលទំនើបម៉ាកផ្សេងៗទៀត Len កាមេរ៉ារបស់ P8 រាបស្មើ និងថតរូបបានយ៉ាងច្បាស់។ នេះមានន័យថាវាគ្មានគន្លាក់ ឬពកបន្តិចណាសោះឡើយ”។

ដំណើរការ៖
P8 មិនត្រឹមតែស្អាតប៉ុណ្ណោះទេ វាថែមទាំងមានអានុភាពទៀតផង។ បំពាក់ដោយ Chipset ប្រភេទ HiSilicon, Kirin 930, P8 មានថាមពលប្រកបដោយប្រសិទ្ធភាពក្នុងការប្រើប្រាស់។ Processor 64-bit របស់ P8 ធ្វើឲ្យថាមពល និងល្បឿនរបស់ស្មាតហ្វូនមួយនេះឈានមុខមួយកម្រិតទៀត។ មិនត្រឹមតែប៉ុណ្ណោះ គេហទំព័រ phonearena.com និង techradar.com បានបង្ហាញពីចំណុចគួរឱ្យចាប់អារម្មណ៍ជាច្រើនទាក់ទិននឹងដំណើរការរបស់ P8។ យោងតាមគេហទំព័រ phonearena.com បានឱ្យដឹងថា៖ “Huawei បានបន្តអភិវឌ្ឍអេក្រង់របស់ខ្លួន ដោយបានជ្រើសយក អេក្រង់របស់ជប៉ុនដែលបំពាក់ដោយបច្ចេកវិទ្យា IPS-NEO សម្រាប់ P8 របស់ខ្លួន។

បច្ចេកវិទ្យាដ៏កម្រនេះ បានជួយធ្វើឱ្យ Contrast មានលក្ខណៈប្រសើរឡើង ដែលផ្ដល់មកនូវភាពស្រស់ស្អាត ខ្មៅក្រឹបដូចទៅនឹងអេក្រង់ OLED ដូច្នេះដែរ។” ចំណែកគេហទំព័រផ្សេងទៀត សរសើរពីទំហំ និងថ្មរបស់ P8 ថា៖ “អត្ថប្រយោជន៍នៃទំហំធំរបស់ P8 គឺវត្តមានរបស់ថ្មដែលមានថាមពលរហូតដល់ 4360mAh នៅក្នុងនោះ ហើយស្មាតហ្វូនដែលមានរាងធ្វើពីអាលុយមីញ៉ូមកម្រាស់ត្រឹមតែ ៦,៨ម.ម មួយនេះ អាចឲ្យលោកអ្នកប្រើប្រាស់ធម្មតារយៈពេល ២,២៣ ថ្ងៃ ដោយគ្រាន់តែសាកថ្មម្ដងប៉ុណ្ណោះ។ អ្នកប្រើប្រាស់អាចចំណេញបានពេលប្រើប្រាស់បាន ១,៤ ថ្ងៃសម្រាប់ការសាកថ្មម្ដង។”

កាមេរ៉ា៖

ថាមពលថ្មកាន់បានយូររបស់ P8 ផ្ដល់គុណប្រយោជន៍ខ្ពស់ដល់អ្នកប្រើប្រាស់ទាំងឡាយ ស្របពេលដែល កាមេរ៉ារបស់ P8 ជាកាមេរ៉ាស្មាតហ្វូនល្អបំផុត ក្នុងចំណោមស្មាតហ្វូន ដែលមានលក់នៅលើទីផ្សារបច្ចុប្បន្ន។ កាមេរ៉ារបស់ P8 អាចផ្ដិតយករូបភាពបានច្បាស់កម្រិត DSLR និងមានមុខងារថតវីដេអូកម្រិតប្រូហ្វេសិនណល។ កាមេរ៉ារបស់ P8 គឺមានភាពលេចធ្លោតែម្ដង។ យោងតាម គេហទំព័រ androidauthority.com បានឲ្យដឹងថា៖ “ កាមេរ៉ាខាងមុខរបស់ iPhone មានទំហំ អាចថតវីដេអូបាន 720p HD ប៉ុន្តែបើប្រៀបធៀបជាមួយកាមេរ៉ាមុខ wide-angle ទំហំ 8 មេហ្គាភិចសែល របស់ P8 ដែលថតរូប selfies បានយ៉ាងស្រស់ស្អាត នោះគឺខុសគ្នាស្រឡះតែម្ដង” រីឯគេហទំព័រ Stuff.com វិញបានបន្ថែមថា៖ “សូមកុំថតរូបនៅពេលដែលមានព្រះអាទិត្យនៅពីក្រោយគោលដៅរបស់អ្នក បើមិន អញ្ចឹងទេ អ្នកនឹងទទួលបានរូបភាពខ្មៅជក់មិនខានទេ ប៉ុន្តែ … នេះជាអ្វីដែលយើងចង់បាន។ P8 នឹងធ្វើឱ្យរឿងទាំងអស់នេះងាយស្រួលជាមួយ កាមេរ៉ាទំហំ ១៣ មេហ្គាភិចសែល និងបច្ចេកវិទ្យារក្សាលំនឹង ព្រមទាំងមុខងារ high-contrast performance ដែលអាចឱ្យលោកអ្នកថតរូបដោយមិនចាំបាច់ប្រើជើងជំនួយកាមេរ៉ា ក្រោមពន្លឺថ្ងៃ ងាយស្រួលជាងស្មាតហ្វូនណាៗទាំងអស់ ហើយរូបភាពទាំងអស់មានទំហំធំល្មម សម្រាប់លោកអ្នកធ្វើការតម្រឹម ឬ re-frame បានយ៉ាងងាយស្រួលបន្ទាប់ពីថតរួច។”

ការភ្ជាប់ទំនាក់ទំនង និងការរស់នៅប្រចាំថ្ងៃ៖

ក្រៅពីមុខងារពិសេសទាក់ទងនឹងការរចនា និងកាមេរ៉ារបស់ P8 គេហទំព័រមួយចំនួនទៀតបានរៀបរាប់ថា P8 គឺជាស្មាតហ្វូនដែលមានវិចារណញ្ញាណ ដោយសារតែ P8 មិនត្រឹមតែបំពេញតម្រូវការរបស់អ្នកប្រើប្រាស់ប៉ុណ្ណោះទេ វាថែមទាំងគិតគូរពីបរិស្ថានផងដែរ។ យោងទៅតាមគេហទំព័រ BBC.com បានឱ្យដឹងថា៖ “… P8 មានមុខងារដ៏ពិសេសមួយទៀត គឺបច្ចេកវិទ្យាប្រកបដោយភាពច្នៃប្រឌិតក្នុងការធ្វើ Screenshot ដោយប្រើខ្នងម្រាមដៃគោះពីរដងទៅលើអេក្រង់។ នេះពិតជារបៀបធ្វើ Screenshot ដ៏លឿននិងអស្ចារ្យ។” គេហទំព័រ Tom’sHardware.com បានផ្សព្វផ្សាយថា៖ Sensor របស់ P8 មានភាពវៃឆ្លាតបំផុត ជាពិសេសនៅពេលដែលលោកអ្នកប៉ះអេក្រង់ និងដកដៃចេញ។ Touch របស់ P8 លឿនជាងស្មាតហ្វូនដែលជាគូប្រជែងដល់ទៅ ២០%”។

ចំណែក trustedreviews.com បានឲ្យដឹងថា P8 និង P8 Lite គឺជាស្មាតហ្វូនដែលមានសក្ដានុពលបំផុតដែលអាចឈានជើងចូលក្នុងទីផ្សារចក្រភពអង់គ្លេស និងអឺរ៉ុប។ តម្លៃរបស់ P8 នៅអឺរ៉ុបពិតជាមានការចាប់អារម្មណ៍ខ្លាំងបំផុត បើប្រៀបធៀបជាមួយសមត្ថភាពដ៏អស្ចារ្យរបស់កំពូលស្មាតហ្វូនមួយនេះ”។

Huawei P8 មានលក់ក្នុងទីផ្សារកម្ពុជាហើយក្នុងតម្លៃប្រហែល ៤៧៩ដុល្លារ សម្រាប់ពណ៌ Titanium Grey និង ៥៩៩ដុល្លារសម្រាប់ ពណ៌ Mystic Champagne (មាស) ចំណែក Huawei P8 Max មានតម្លៃប្រហែល ៦២៩ដុល្លារប៉ុន្តែ Huawei P8 Max និង Huawei P8 ពណ៌មាសនឹងចេញលក់នៅចុងខែមិថុនា ឬដើមខែកក្កដាខាងមុខ។

Mate 9 មានចំណុចខ្លាំងពិសេសទាំងនេះ

1. អេក្រង់ធំជាងគូប្រជែង តែមានទំហំសមល្មម

Huawei Mate 9 បំពាក់មកជាមួយអេក្រង់ទំហំ5.9 inchដែលធំជាងគូប្រជែងនានាដូចជាOne Plus 3T, Samsung Galaxy S7 Edge រួមទាំងiPhone 7Plusផងដែរ។ទំហំអេក្រង់ធំ មិនមែនមានន័យថាវាធំពិបាកកាន់នោះទេ ដោយសារតែHuawei បានរចនារូបរាងរបស់Mate 9 បានល្អឥតខ្ចោះ ទើបធ្វើអោយទំហំរបស់Mate 9 ប្រហាក់ប្រហែលនឹងiPhone 7Plusដែលមានអេក្រង់ត្រឹម5.5 inch ប៉ុណ្ណោះ។

2. កាមេរ៉ាខ្លាំង

Mate 9 (left) vs. iPhone 7 (right). @ AndroidPIT

ទិញស្មាតហ្វូនត្រូវនឹកដល់សមត្ថភាពកាមេរ៉ា។ហើយគ្រាន់តែនឹកដល់Huawei ស៊េរីP9 និងP9 Plus អ្នកទាំងអស់គ្នាក៏បានដឹងពីសមត្ថភាពដ៏ខ្លាំងរបស់វារួចមកហើយ។សម្រាប់Mate 9វិញរឹតតែពិសេសដោយសារវាបំពាក់មកជាមួយកាមេរ៉ាLeica ជំនាន់ទី២ ដូច្នេះការថត ចាប់យករូបភាពនិងវីដេអូនោះ អ្នកទាំងអស់គ្នាពិបាននឹងរកចំណុចទាស់ចិត្តណាស់។

រូបខាងឆ្វេងថតដោយMate 9 និងខាងស្តាំដោយiPhone 7Plus

3. សមត្ថភាពម៉ាស៊ីនខ្លាំង

វាជាស្មាតហ្វូនដំបូងបង្អស់របស់Huawei ដែលបំពាក់មកជាមួយបន្ទះឈីបល្បឿនលឿន Kirin 960 ព្រមទាំងមានRAM 4GB។ដូច្នេះការដំណើរហ្គេមឬកម្មវិធីធំៗនៅលើស្មាតហ្វូនមួយនេះដូចជាគ្មានការបារម្ភនោះទេ។អ្វីដែលពិសេសដែលខ្ញុំក៏ចាប់អារម្មណ៍ជាងគេនោះគឺMachine Learning។Huawei ពិតជាគិតគូបានល្អត្រង់ចំណុចនេះ អ្នកទាំងអស់គ្នាប្រាកដជាមានបទពិសោធន៍ឬយ៉ាងហោចណាស់ក៏ធ្លាប់លឺថាស្មាតហ្វូនAndroid ប្រើយូរទៅនឹងស្ទក់ ដំណើរការលែងរហ័ស។ប៉ុន្តែសម្រាប់Mate 9 វានឹងមានធ្លាក់ចុះនូវល្បឿនដំណើរការឡើយ ដូច្នេះវានឹងនៅតែដំណើរការលឿនដូចបើកពីប្រអប់ដដែលទោះជាប្រើយូរក៏ដោយ។

4. ដំណើរការដោយប្រព័ន្ធប្រតិបត្តិការAndroid ចុងក្រោយចេញពីប្រអប់ស្រាប់

អ្នកនឹងទទួលបានបទពិសោធន៍ថ្មីជាមួយAndroid Nougat ដែលស្មាតហ្វូនផ្សេងៗទៀត នៅ កំពុងរង់ចាំUpdate នៅឡើយ ប៉ុន្តែMate 9 វាដំណើរការមកស្រាប់តែម្ដង។

5. ថាមពលថ្មខ្លាំង

បើនិយាយទៅស្ទើរតែគ្រប់ស្មាតហ្វូនរបស់Huawei សុទ្ធតែផ្ដោតសំខាន់ត្រង់ចំណុចថាមពលថ្មនេះ ដោយសារតែម្នាក់ៗតែងតែប្រើប្រាស់ស្មាតហ្វូនធ្វើការងារជាច្រើនក្នុងមួយថ្ងៃៗ។ដូច្នេះ អ្នកប្រាកដជាប្រាថ្នាស្មាតហ្វូនដែលនៅជាមួយអ្នកពេញមួយថ្ងៃដោយមិនបាច់មានPower Bank។Mate 9បំពាក់មកជាមួយថាមពលថ្មធំរហូតដល់4000 mAh ព្រមទាំងបំពាក់បច្ចេកវិទ្យាសាកថ្មរហ័សផងដែរ។

ទាំងនេះជាលក្ខណះសម្បត្តិសំខាន់ៗតែប៉ុណ្ណោះ ជឿថាអ្នកនឹងទទួលបានមុខងារពិសេសៗផ្សេងទៀតនៅពេលដែលវាក្លាយជាកម្មសិទ្ធិរបស់អ្នក។ប៉ុន្តែនៅពេលនេះ សាខាHuawei នៅប្រទេសយើងមិនទាន់បង្ហើបដំណឹងនៅឡើយ ថាវានឹងមានវត្តមាននៅលើទីផ្សារពេលណា ហើយនៅក្នុងតម្លៃប៉ុន្មាន។ដូច្នេះមានតែរង់ចាំទាំងអស់គ្នា៕

ប្រភព: AndroidPit

Huawei P8

Huawei នឹងធ្វើការ ដាក់ បង្ហាញ P8 ជាផ្លូវការដើម្បីធ្វើជាសមាជិក នៃកំពូលទូរស័ព្ទ ប្រចាំឆ្នាំ 2015 នេះ។

ថ្វីត្បិតតែ ក្រុមហ៊ុននៅ មិនទាន់ បានបង្ហាញរូបរាង របស់ទូរស័ព្ទ ស៊េរីថ្មីរបស់ ខ្លួននេះក្តី ក៏ប៉ុន្តែប្រភព សំងាត់មួយ ចំនួនបានធ្វើ ការចែកចាយ រូបរាងរបស់ P8 ជា បណ្តើរៗហើយ។ តួខ្លួនរបស់ វាមានភាព ប្រណិត បង្កើតពីលោហៈធាតុ ច្រើន អេក្រង់ធំលាតត្រដាងពេញ ផ្ទៃទូរស័ព្ទទាំងមូល សឹងតែមិនឃើញ មានគែមនោះទេ នៅផ្នែក ខាងឆ្វេង និងខាងស្តាំ។ ស៊ុមទូរស័ព្ទ ដែលព័ទ្ធជុំវិញ គឺបង្កើតឡើង ពីលោហៈធាតុ ដែលរំលេច ចេញនូវភាព ប្រណិត មិនអោយចាញ់ iPhone 6, Galaxy S6, HTC One M9 និង Xperia Z3 នោះទេ។ ស្ថិតនៅផ្នែក ខាងក្រោម អ្នកនឹងឃើញមានរន្ធ USB នៅចំ កណ្តាល អមដោយរន្ធ បំពងសម្លេង សងខាង ដែលប្រហែល ជាអាចបំពងសម្លេងបាន កាន់តែពិរោះ រណ្ដំ។

P8 មានរូបរាង កាន់តែស្តើង ជាងមុនថែមទៀត ត្រឹម 6 មីលីម៉ែត្រ ប៉ុណ្ណោះ ស្តើងជាង P7 0.5 មីលីមែមែត្រ និង iPhone 6 ចំនួន 0.9 មីលីម៉ែត្រ។ អេក្រង់របស់វាមាន ទំហំធំជាង មុនដល់ 5.2 អ៊ីញ មានកម្រិត ភាពច្បាស់ Full HD 1080 x 1920 ភិចសែល មានដង់ស៊ីតេ អេក្រង់ 424ppi ប្រើប្រាស់ បន្ទះឈីប Kirin 930 ជំនាន់ថ្មី ប្រភេទ 64-bit ស៊ីភីយូ Octa-core មានរ៉េម 3GB និងមាន អង្គផ្ទុកទិន្នន័យ ក្នុងម៉ាស៊ីន ទំហំ 32GB។ ទូរស័ព្ទនេះ នឹងមាន កាមេរ៉ាខាងក្រោយ 13 មេហ្គាភិចសែល ប្រភេទ OIS ដែលវានឹងធ្វើ អោយអ្នកថត រូបភាពពេញ ចិត្តស្តូកតែម្តង។ កាមេរ៉ាខាងមុខ វិញនៅរក្សាទំហំ 8 មេហ្គាភិចសែល ដដែល ដែលជួយ អោយការ ថតរូបភាព Selfie មាន អំណោយផលខ្ពស់។

P8 ក៏អាចនឹង បំពាក់នូវ ទ្រនាប់ស្កេនម្រាមដៃ នៅផ្នែកខាងក្រោយ ដូចទៅនឹង Mate 7 ផងដែរ ដែលវានឹង ជួយអោយការ ប្រើប្រាស់ ទូរស័ព្ទកាន់តែ មានសុវត្ថិភាពខ្ពស់។ កំពូលស្មាតហ្វូននេះក៏ដំណើរការ ដោយប្រព័ន្ថ ប្រតិបត្តិការណ៍ Android Lollipop 5.0.2 ផងដែរ ស្រោបដោយផ្ទៃអ៊ីនធឺហ្វេស Emotion UI ថ្មី កាន់តែស្រស់ស្អាត និងរស់រវើក។

Huawei P8 រចនាឡើងផ្តោតលើការរចនារូបរាង ជាពិសេសលើមុខងារកាមេរ៉ា។ P8 មានសមត្ថភាពខ្ពស់អាចបម្លែងពន្លឺបានយ៉ាងល្អ ទោះបីថតនៅក្នុងទីងងឹត ខ្សោយពន្លឺ ឬកុងពន្លឺ។ ទូរសព្ទនេះអាចថតជាប់ចលនាពន្លឺជាមួយមុខងារបួនយ៉ាង Light Trails, Silky Water, Star Track និង Light Graffiti។ ជាពិសេសមុខងារ Director Mode ដែលអាចឲ្យអ្នកប្រើប្រាស់បញ្ជានិងតភ្ជាប់ស្មាតហ្វូន ដំណើរដោយប្រព័ន្ធប្រតិបត្តិការ Android ចំនួន ៣ ផ្សេងទៀត ក្នុងអំឡុងពេលថតវីដេអូ ដើម្បីចាប់យករូបភាពពីជ្រុងឬទិសខុសៗគ្នាចំនួន ៤ ទិស ក្នុងពេលដំណាលគ្នា និងអាចបញ្ចូលគ្នាដើម្បីកាត់តជាវីដេអូសម្រេចមួយដែរ។

P8 ក៏រចនាឡើងយល់ពីញាណរបស់អ្នកប្រើប្រាស់។ វាអាចរកឃើញវិញភ្លាមៗដោយគ្រាន់តែស្រែកសួរ “ទូរសព្ទនៅឯណា” ទូរសព្ទនឹងឆ្លើយត្រឡប់មកវិញជាមួយបទភ្លេងនិងសារជាសំឡេង។

@លក្ខណៈពិសេស

អេក្រង់: 5.2 កម្រិត full HD អេក្រង់ LCD (424PPI)
ដំណើរការ: octa-core Kirin 930
RAM : 3GB
ឧបករណ៍ផ្ទុក: 16GB + កាត microSD
ប្រព័ន្ធប្រតិបត្តិការ: Android 5.0 "Lollipop"
កាមេរ៉ា: 13 MP OIS, 8 MP
ការតភ្ជាប់: បណ្តាញ LTE ស៊ីមពីរ, ប្រព័ន្ធ Wi-Fi, ប្រព័ន្ធ NFC, Bluetooth 4.0 និង GPS
វិមាត្រ: 144.9 x 72.1 x 6.4mm
ទំងន់: 145ក្រាម

ប្រៀបធៀប P10 vs P10 Plus

សម្រាប់ដើមឆ្នាំ 2017 នេះក៏មិនខុសកាលពីឆ្នាំ 2016 ដែរសម្រាប់ Huawei ដែលត្រៀមនឹង ប្រកាសចេញនូវ កំពូលស្មាតហ្វូន ត្រកូល P ជំនាន់ថ្មីជំនួស P9 និង P9 Plus ចេញកាលពី ឆ្នាំកន្លងទៅ ដោយលើកនេះគឺ P10 និង P10 Plus វិញម្ដង ជាមួយនឹងកម្លាំង ម៉ាស៊ីនខ្លាំង និងមានសមត្ថភាព កាន់តែប្រសើរ ដែលអាចនឹង បង្ហាញខ្លួន ជាផ្លូវការ នៅខែមិនា ឬខែមេសា ខាងមុខនេះ (ថ្ងៃប្រកាសចេញ នៅមិនទាន់ ច្បាស់ការ)។

បើទោះបីជាថ្ងៃប្រកាសចេញរបស់កំពូលស្មាតហ្វូន P10 និង P10 Plus នៅមិនទាន់ បានប្រកាសឲ្យ ដឹងពីសំណាក់ ក្រុមហ៊ុន Huawei ក៏ពិតមែន តែថ្ងៃនេះយើង ទទួលបានដំណឹង ជុំវិញតម្លៃ របស់វាទាំង 2 នេះហើយ ដែលជាតម្លៃមួយ ថ្លៃគ្រាន់បើដែរ សម្រាប់ទីផ្សារ ស្រុកខ្មែរយើង ដូចរូបភាព ខាងក្រោមនេះ៖

ដូចអ្នកទាំងអស់គ្នាបានឃើញអញ្ចឹង P10 មានទំហំតូចជាង P10 Plus ដែលវានឹងមាន ទំហំអេក្រង់ និងថ្មតូចជាង តែកម្លាំងម៉ាស៊ីន និងសមត្ថភាព ថតរូប ក៏ដូចជាវីដេអូ គឺដូចទៅនឹង P10 Plus អញ្ចឹងដែរ ដែលជាហេតុ ធ្វើឲ្យវាមាន តម្លៃធូរថ្លៃ ជាងបន្តិច ហើយមាន 3 ជម្រើសម្រាប់ ជ្រើសរើស ដូចជា P10 មាន RAM ទំហំ 4GB និងអង្គផ្ទុក ទិន្នន័យ 32GB តម្លៃ 508$, ចំនែក RAM 4GB និងអង្គផ្ទុកទិន្នន័យ 64GB តម្លៃ 595$ និងជម្រើស ចុងក្រោយ គេមាន RAM ទំហំដល់ទៅ 6GB និងអង្គផ្ទុកទិន្នន័យ 128GB តម្លៃដល់ទៅ 683$ ឯណោះ។

ចំនែក P10 Plus មាន 2 ជម្រើសប៉ុណ្ណោះ ដោយមួយមាន RAM 4GB អង្គផ្ទុកទិន្នន័យ 64GB តម្លៃ 726$ និងមួយទៀត RAM 6GB អង្គផ្ទុកទិន្នន័យ 128GB តម្លៃដល់ទៅ 828$ អាមេរិក ដែលរាល់តម្លៃ ដូចបានរៀបរាប់ ខាងលើគឺជា តម្លៃត្រៀមចេញ លក់នៅក្នុង ទីផ្សារប្រទេសចិន ដូច្នេះបើអាច មកដល់ ខ្មែរយើង គឺថ្លៃ ជាងនេះ។

យ៉ាងណាមិញសម្រាប់កម្លាំង និងសមត្ថភាពផ្សេងៗ របស់ P10 និង P10 Plus ពុំបានបញ្ជាក់ ប្រាប់ជាមួយនឹង តម្លៃបែកធ្លាយ នេះនោះទេ ដូច្នេះយើងនឹង រង់ចាំមើល ថ្ងៃប្រកាសចេញ លក់ជាផ្លូវការ ទាំងអស់គ្នា នាខែក្រោយ ឬខែមេសា ឆាប់ៗខាង មុខនេះ។

អេក្រង់
P10: 5.1 អ៊ីញ Full HD (1920 x 1080; 432ppi)
P10 Plus: 5.5-អ៊ីញ WQHD (2560 x 1440; 534ppi)
អេក្រង់របស់ទូរស័ព្ទទាំងពីរមានផ្ទៃរាបស្មើរ មិនកោងទេ

កាមេរ៉ា
P10: Leica Dual Camera 2.0 (28mm equiv. f/2.2 Summarit lenses)
P10 Plus: Leica Dual Camera 2.0 Pro (28mm equiv. f/1.8 Summilux lenses)

P10 & P10 Plus: 20MP B&W sensor និង 12MP colour sensor
P10 & P10 Plus: មានគ្រឿងទប់លំញ័រ Built-in optical image stabilisation

P10 & P10 Plus: កាមេរ៉ាមុខជាលើកដំបូងមានមុខងារថតរូប “Portrait mode”

Hardware
Kirin 960 chipset, octa-core (4x 2.4GHz, 4x 1.8GHz)
Mali G71 MP8 GPU, Vulkan API

P10: 4GB RAM, 64GB storage (plus microSD/dual SIM)
P10 Plus: 6GB RAM, 128GB storage (plus microSD/dual SIM)

កម្លាំងថ្ម P10: 3200mAh រីឯ P10 Plus: 3750mAh
មានមុខងារសាកថ្មលឿន

Software
EMUI 5.1 (Android Nougat 7.1)

ចំណុចពិសេសមានតែនៅលើ Huawei P10 Plus
4×4 MIMO connectivity

IR Blaster

ទូរសព្ទ P10

Huaweiត្រូវបានពិភពលោកទទួលស្គាល់ថាជាម៉ាកស្មាតហ្វូនដែលមានគុណភាពខ្ពស់ បច្ចេកវិទ្យាប្រកួតប្រជែង ជាមួយនឹងតម្លៃសមរ្យ ម។ទាំងនេះជាអត្តសញ្ញាណរបស់Huaweiដែលមនុស្សគ្រប់គ្នាស្គាល់ក្រុមហ៊ុនស្មាតហ្វូនកំពូលរបស់ចិនមួយនេះ។ជាមួយនឹងកេរ្ត៍ឈ្មោះP9 P9 Plus Huaweiបានឆក់យកដំណែងលេខមួយដែលជាក្រុមហ៊ុនស្មាតហ្វូនលក់ដាច់និងកើបប្រាក់ចំណូលយ៉ាងច្រើនកាលពីឆ្នាំ២០១៦។

ដូច្នេះហើយទើប Huaweiបន្តចេញជំនាន់ថ្មី P10មកបន្តទៀតដោយមានសមត្ថភាពខ្លាំងក្លាជាងមុន ប៉ុន្តែវាក៏មានចំណុចដែលធ្វើអោយអ្នករង់ចាំP10 P10 Plusដែលមានទាំងខ្ញុំម្នាក់ដែរនោះ ខកចិត្តមិនស្ទើរ។ទាំងនេះជាចំណុចដែលអ្នកគួរតែដឹង មុនពេលសម្រេចចិត្តថាទិញវាយកមកប្រើ៖

1. ការរចនារូបរាង

Huaweiនៅតែធ្វើបានល្អត្រង់ចំណុចរូបរាងនេះ វាមើលទៅស្រស់ស្អាត រឹងមាំថ្លៃថ្នូរ និងមិនមានអ្វីខុសគ្នាដាច់ឆ្ងាយពីP9ប៉ុន្មានទេ។ប៉ុន្តែP10មានរូបរាងមូលត្រង់ជ្រុងគែមដែលហ៊ាននិយាយបើកចំហថា វាស្រដៀងiPhone 7មែនទែន។ ចំណុចដែលអន់ចិត្តមិនស្ទើរគឺការវិវត្តន៍របស់Huawei P10នេះដែលយល់ថាវាមិនដើរទៅមុខទេ តែដូចជាបោះមួយជំហ៊ានថយក្រោយវិញ។នោះគឺទ្រនាប់ស្កេនម្រាមដៃនៅលើP10តែម្ដង កាន់ពីជំនាន់មុនHuaweiបានយកវាទៅដាក់នៅខាងក្រោយ ដែលពេលនោះវាស្ទើរតែធ្វើអោយគ្រប់គ្នាយល់ថាHuaweiពិតជាឆ្លាតដែលចេះរកឃើញកន្លែងដែលងាយស្រួលដាក់ម្រាមដៃដោះសោរ និងប្លែកពីគេ។ប៉ុន្តែសម្រាប់P10ស្រាប់តែវារត់មកនៅមុខទៅវិញ ខណៈសូម្បីតែSamsungក៏ចម្លងចំណុចនេះទៅបំពាក់លើGalaxy S8ដែរនោះ។ចំណុចនេះចង់តែស្រែក Oh No Huawei។ជាថ្មីម្ដងទៀតសង្ឈឹមថា P11នៅឆ្នាំក្រោយនឹងមិនមានប៊ូតុងនៅខាងមុខបែបនេះទៀតទេ ហើយក៏មិនចង់អោយយកវាទៅដាក់ខាងក្រោយនាំអោយគេសើចចំអកដែរ គឺដាក់បង្កប់ក្នុងអេក្រង់តែម្ដងទៅ។

2. បច្ចេកវិទ្យា

ចង់និយាយថាHuaweiពិតជាAppleទី២មែនខាងមិនសូវអភិវឌ្ឈន៍បច្ចេកវិទ្យាមកបំពាក់លើស្មាតហ្វូននេះ។ស្របពេលដែលកំពូលស្មាតហ្វូនរបស់ក្រុមហ៊ុនដទៃដូចជាLG G6, Samsung Galaxy S8 សុទ្ធតែបំពាក់អេក្រង់AMOLEDដែលអាចបង្ហាញរូបភាពបានច្បាស់ម៉ត់ល្អ និងសូម្បីiPhoneត្រៀមចេញក៏លឺថានឹងបំពាក់ដែរទៅហើយHuaweiនៅតែព្រងើយកន្តើយដោយផលិតP10 មកបែរជាបំពាក់អេក្រង់IPSធម្មតា។ចំណែកបច្ចេកវិទ្យាដទៃទៀតដូចជាWireless Charge, Face Scannerក៏គួរតែមានដែរ។ត្រង់នេះសង្ឈឹមថា Huaweiនឹងពិចារណាឡើងវិញម្ដងទៀត សម្រាប់P11ព្រោះថាបើចង់ខ្លាំង បើចង់ជោគជ័យHuaweiគួរតែធ្វើអោយមានបច្ចេកវិទ្យាលេចធ្លោជាងនេះ បើអាចនាំមុខគេខាងបច្ចេកវិទ្យាក៏ល្អ ហើយសម្រាប់ពេលនេះគឺចង់និយាយថាវានៅស្ទើរច្រើន។

3. Software

Huaweiនៅតែធ្វើបានល្អនិងបំពាក់Androidជំនាន់ចុងក្រោយនៅលើP10 ប៉ុន្តែក៏ចង់និយាយពីផ្ទៃស្រោបខ្លួន EMUIរបស់វា។ការពិតទៅEMUIជំនាន់ថ្មីនេះ វាល្អប្រសើរជាងមុន ប៉ុន្តែពាក្យថាប្រសើរវាមិនទាន់តាមដែលចង់បាននៅឡើយ។ខ្ញុំមិនដឹងថាហ្វេនHuaweiដទៃទៀតគិតយ៉ាងម៉េច ប៉ុន្តែសម្រាប់ខ្ញុំជាហ្វេនម្នាក់ដែរសុំនិយាយតាមត្រង់ថាអត់សូវពេញចិត្តប៉ុន្មានលើការរចនាiconរបស់Huawei វាមើលទៅបែបថាសាមញ្ញតែមិនទាក់ភ្នែក។ខ្ញុំចូលចិត្តភាពសាមញ្ញ ប៉ុន្តែចង់អោយមើលមកស្រស់ស្អាត។ដូច្នេះសង្ឈឹមថាEMUIជំនាន់ថ្មីនឹងស្រស់ស្អាតជាងមុន ងាយស្រួលប្រើនិងមានតែមុខងារមានប្រយោជន៍អោយច្រើនជាងមុន។

3. តម្លៃ

អ្នកសម្រេចចិត្តទិញHuaweiពិតជាមិនដែលស្តាយក្រោយរឿងចំណាយលុយទិញវានោះទេ ព្រោះថាវាជាក្រុមហ៊ុនមិនដែលធ្លាក់ថ្លៃ។ជាឧទារហណ៍ P9នៅតែមានតម្លៃដូចដើមមិនខ្ចីធ្លាក់ បើទោះជាP10ចេញមកក៏ដោយ ដោយHuaweiសុខចិត្តតម្លើងតម្លៃP10 អោយដល់ជាង៦០០ដុល្លារ។ មិនថ្លៃពេកទេសម្រាប់អ្នកស្រលាញ់វា ហើយក៏មិនថ្លៃដែរបើប្រៀបធៀបនឹង iPhone 7ឬ Samsung Galaxy S8នោះ ប៉ុន្តែHuaweiហាក់ដូចជាចង់កាត់ចំនួនការលក់ដោយខ្លួនឯងតែម្ដង។ត្រឹមបច្ចេកវិទ្យាលើសP9តិចតួច វាមិនសមពិតមែន។បើសិនជាHuaweiទម្លាក់តម្លៃP9បន្តិច ចំណែកP10 ត្រឹមជាង៥០០ និង P10 Plusត្រឹម៦០០ជាងប្រហែលជាហ្វេនមិនស្ទាក់ស្ទើរចិត្តដូចពេលនេះទេ។

4. ចំណុចលេចធ្លោ

វាយហើយអង្អែលខ្នង អាចនឹងស្រងាកចិត្តនឹងចំណុច៣ខាងលើប៉ុន្តែអ្នកអាចនឹងពេញចិត្តចំណុចនេះ។ដំបូងគឺកាមេរ៉ាបច្ចេកវិទ្យា Leica ដោយវាបន្ដពីP9មក។ P10នៅតែមានកាមេរ៉ាល្អលំដាប់កំពូលមួយ ជាមួយនឹងLensពីរគ្រាប់ ដែលវាជាចំណុចលេចធ្លាជាងគេសម្រាប់អ្នកដែលចាប់អារម្មណ៍P10 ដោយសារតែវាអាចផ្តិតយករូបភាពបានល្អមិនចាញ់កាមេរ៉ាអាជីព ម្យ៉ាងវាក៏មានមុខងារPro Modeសម្រាប់អ្នកចូលចិត្តកាន់កាមេរ៉ាបែបអាជីពគឺស្រលាញ់ចំណុចនេះខ្លាំងជាងគេ។ បន្ទាប់ពីនេះគឹថាមពលថ្មរបស់P10 ដែលមានថាមពល3200 mAhអាចនិយាយបានថាអ្នកដែលប្រើច្រើនទិញវាទៅមិនខុសទេ។ចំណុចចុងក្រោយគឹបន្ទះឈីបល្បឿនលឿន។ បើទោះវាជាឈីបដែលប្រើសម្រាប់តែHuaweiផ្ទាល់តែវាធ្វើការបានល្អមិនចាញ់Snapdragon 835ឡើយ ដូច្នេះអ្នកនឹងទទួលបានស្មាតហ្វូនដែលដើរមិនចេះទាក់ បើសិនជាសម្រេចចិត្តទិញP10។

សរុបមកនេះជាការសង្ខេបឡើងវិញពីគុណវិបត្តិនិងគុណសម្បត្តិរបស់P10សម្រាប់អ្នកចង់ប្រាថ្នាកាន់ស្មាតហ្វូននេះ។វាតែងតែមានចំណុចលេចធ្លោនិងចំណុចខ្វះខាតជារឿងធម្មតាសម្រាប់ស្មាតហ្វូនដូច្នេះសម្រាប់អ្នកអានដែលយល់ថាគ្មានបញ្ហាសម្រាប់ចំណុចអវិជ្ជមានទេ សូមសប្បាយចិត្តនឹងចាប់កាន់P10និង P10 Plusហើយធ្វើដំណើរថតរូបជាមួយវាទៅចុះ អ្នកនឹងរីករាយពេញចិត្តពីគុណសម្បត្តិដ៏ច្រើនផ្សេងទៀតរបស់វា។

ប្រភព៖ knowyourmobile

ធៀប P10 ចេញយប់មិញមានអីខុសពី P9 អត់?

ក្នុងកម្មវិធីសមាជទូរសព្ទពិភពលោកកាលពីយប់មិញ Huawei បានបញ្ចេញស្មាតហ្វូនលំដាប់កំពូលរបស់ខ្លួនម៉ូដែល P10 និង P10 Plus ដែលមានចំណុចថ្មីៗមួយចំនួនខុសប្លែកពី P9 និង P9 Plus។ ខាងក្រោមនេះនឹងប្រៀបធៀបត្រួសរវាង P9/P9 Plus និង P10/P10 Plus៖

#ការរចនា ៖

P10/P10 Plus មានការរចនារូបរាងខុសប្លែកពី P9/P9 Plus ដោយមានចំណុចជ្រុងទាំងបួនមានរាងកោងស្រដៀងទៅនឹង iPhone 6 ដែរ ខុសពី P9/P9 Plus មានរាងជ្រុង។ លើសពីនេះនៅផ្នែកខាងក្រោយរបស់ P10 ក៏មានខ្សែអង់តែនស្រដៀងនឹង iPhone 7 ទៀតផង។

ចំណុចខុសប្លែកមួយទៀតគឺទ្រនាប់ស្កេនក្រយៅដៃបានប្ដូរពីផ្នែកខាងក្រោយមកនៅផ្នែកខាងមុខវិញលើ P10/P10 Plus។ Huawei ក៏បានបន្ថែមពណ៌លេចៗចំនួនពីរលើ P10 រួមមានពណ៌ខៀវ និងពណ៌បៃតង រួមជាមួយពណ៌ខ្មៅ, មាស, ផ្កាឈូក និង ពណ៌ប្រាក់។

#អេក្រង់ ៖

P10 មានទំហំអេក្រង់ ៥,២ អ៊ីញ ធំជាង P9 តែ ០,១ អ៊ីញប៉ុណ្ណោះ ហើយ P10 Plus និង P9 Plus គឺមានអេក្រង់ ៥,៥ អ៊ីញដូចគ្នា។ P9/P9 Plus និង P10 សុទ្ធតែមានអេក្រង់កម្រិត Full HD (1080x1920) ដូចគ្នា លើកលែងតែ P10 Plus មានកម្រិត Quad HD (2560x1440) អាចបង្ហាញរូបភាពបានដិត និង ច្បាស់ជាង។

#កាមេរ៉ា ៖

ប្រព័ន្ធកាមេរ៉ាភ្លោះលើ P10 ទាំងពីរប្រភេទបានអាប់ដេតថ្មីដោយកាមេរ៉ាធម្មតាមានកម្រិត ១២ MP និង កាមេរ៉ាសម្រាប់ថតរូប ស-ខ្មៅ មានកម្រិត ២០ MP ឯណោះ។ ប្រព័ន្ធកាមេរ៉ាភ្លោះនេះផលិតឡើងដោយ Leica ដែលមាន Aperture f/2.0 អាចចាប់យករូបភាពបានល្អក្នុងទីងងឹត។ ចំណែកឯកាមេរ៉ាមុខនៅតែមានកម្រិត ៨ MP ដដែល។

#ម៉ាស៊ីន ៖

បន្ទះឈីបថ្មីដែលបំពាក់លើ P10/P10 Plus គឺជាម៉ូដែល Kirin 960 ផលិតឡើងដោយ Huawei ផ្ទាល់ដែលមានទំហំ RAM 4 GB សម្រាប់ P10 និង P10 Plus មានជម្រើស RAM 4 GB និង 6 GB។ អង្គផ្ទុកទិន្នន័យមានទំហំចាប់ពី 64 GB និងមានរន្ធសម្រាប់បន្ថែមទំហំបាន។

#ប្រព័ន្ធប្រតិបត្តិការ ៖

ទាំង P10/P10 Plus មានដំណើរការដោយប្រព័ន្ធប្រតិបត្តិការ Android 7.0 Nougat មកស្រាប់ដោយប្រើប្រាស់ UI Huawei Emotion ជំនាន់ 5.1 របស់ Huawei។

#ថ្ម ៖

ថាមពលថ្មមានទំហំកាន់តែធំជាងមុនដោយ P10 មានទំហំ ៣២០០ mAh អ្នកប្រើធម្មតាអាចប្រើបាន ១,៨ ថ្ងៃសម្រាប់ការសាកបំពេញម្ដង ឯអ្នកប្រើប្រាស់លើសពីធម្មតាអាចប្រើបាន ១,៣ ថ្ងៃ។ នេះបើតាមការលើកឡើងរបស់ Huawei។ ចំណែកឯ P10 Plus មានទំហំ ៣៧៥០ mAh ហើយទាំងពីរម៉ូដែលសុទ្ធតែមានបច្ចេកវិទ្យាបញ្ចូលថ្មបានលឿន Huawei Super Charge។

#តម្លៃ ៖

ស្មាតហ្វូនម៉ូដែលទាំងពីរនឹងមានចេញលក់លើទីផ្សារប្រទេសជាច្រើនជុំវិញពិភពលោកចាប់ពីខែមីនាខាងមុខនេះតទៅដោយតម្លៃមានដូចខាងក្រោម៖

P10 អង្គផ្ទុក 64 GB និង RAM 4 GB តម្លៃប្រមាណ** ៦៨៧ ដុល្លារ**
-P10 Plus អង្គផ្ទុក 64 GB និង RAM 4 GB តម្លៃប្រមាណ** ៧៤០ ដុល្លារ**
-P10 Plus អង្គផ្ទុក 128 GB និង RAM 6 GB តម្លៃប្រមាណ** ៨៤៥ ដុល្លារ**

ប្រភព៖ PhoneArena ប្រែសម្រួល៖ សុខហេង

Khmer Techno Innovation

Friday, October 13, 2017

ស្មាតហ្វូនស៊េរីថ្មី កាមេរ៉ា៤ Huawei nova 2i

Sunday, September 17, 2017

Huawei nova 2i

Friday, August 25, 2017

ពីអាមេរិកដល់អង់គ្លេស Huawei P8 ទទួលការកោតសរសើរឆ្លងទ្វីប

Mate 9 មានចំណុចខ្លាំងពិសេសទាំងនេះ

Huawei P8

Thursday, August 24, 2017

ប្រៀបធៀប P10 vs P10 Plus

Tuesday, August 15, 2017

ទូរសព្ទ P10

Tuesday, March 28, 2017

ធៀប P10 ចេញយប់មិញមានអីខុសពី P9 អត់?

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels