Khmer Techno Innovation: Software

Showing posts with label Software. Show all posts

Wednesday, August 23, 2017

វិធី Search Google ដោយនិយាយជាភាសាខ្មែរ

ថ្មីៗនេះ Google បានប្រកាសពីការអាប់ដេតដ៏អស្ចារ្យមួយដោយបានបញ្ចូលការស្គាល់សំឡេងជាភាសាខ្មែរទៅលើកម្មវិធីមួយចំនួនរបស់ Google។ អ្នកប្រើប្រាស់អាចបញ្ជាលើការ Search ឬ សរសេរអក្សរដោយការប្រើសំឡេងជាភាសាខ្មែរបាន។

បច្ចុប្បន្នការអាប់ដេតថ្មីនេះមានសម្រាប់តែលើកម្មវិធី Google តែប៉ុណ្ណោះដែលកម្មវិធីនេះមានដំឡើងមកស្រាប់សម្រាប់ស្មាតហ្វូន Android ភាគច្រើន។ ចង់ដឹងពីការប្រើប្រាស់មុខងារនេះអាច
ទស្សនាវីដេអូខាងក្រោម ៖

អត្ថបទ៖ សុខហេង

ប្រើ Voice Search របស់ Google ជាភាសាខ្មែរ

កាលពីពេលថ្មីៗនេះ Google បានបញ្ចេញកំណែអាប់ដេតថ្មី សម្រាប់ការស្វែងរក ព័ត៌មាននៅលើ Google ឱ្យកាន់តែមាន ភាពងាយស្រួល ជាងមុន ដោយបានបន្ថែម ភាសាចំនួន 30 ថែមទៀត ដែលអាចប្រើប្រាស់ សម្លេង សម្រាប់ស្វែងរក ពត៌មាននៅលើ Google បាន ក្នុងនោះក៏រាប់ បញ្ចូលទាំង ភាសាខ្មែរយើង ផងដែរ។ អបអរសាទរ! ព្រោះពេលនេះ ភាសាខ្មែរ របស់យើងត្រូវបាន ទទួលស្គាល់ និងអាចប្រើប្រាស់កាន់តែ ទូលំទូលាយហើយ។ អញ្ចឹងថ្ងៃនេះ ខេមបូរីផត សូមធ្វើការបង្ហាញ ប្រិយមិត្តអ្នកអាន ទាំងអស់គ្នា ពីរបៀប កំណត់ Google Voice Search ឱ្យដំណើរការ ជាមួយភាសាខ្មែរ។

ជំហ៊ានទី ១

ចូលទៅអាប់ដេតកម្មវិធី Google ឱ្យបានជំនាន់ ចុងក្រោយសិន បន្ទាប់មក សូមចុចបើកកម្មវិធីនោះ

ជំហ៊ានទី ២

ចុចចូល Menu ដែលមានសញ្ញាបន្ទាត់ ៣ ខ្សែរ -> រួចចុចចូល Settings

ជំហ៊ានទី ៣

សូមជ្រើសរើសពាក្យថា Voice ជាកន្លែងដែលយើងជ្រើសរើសភាសា ដោយប្រើសម្លេង ដើម្បីស្វែងរក -> រួចធ្វើការ ជ្រើសរើសដោយ Tick យកភាសាខ្មែរ ហើយចុច Save។

ជំហ៊ានទី ៤

ជាចុងបញ្ចប់ យើងនឹងអាចស្វែងរកពត៌មាននៅលើ Google តាមរយៈការ ប្រើសម្លេង ឬ Voice Search ជាភាសាខ្មែរ បានហើយ។

សរុបសេចក្តីមក ខ្ញុំពិតជាសប្បាយចិត្តខ្លាំងណាស់ ព្រោះទីបំផុត Google អាចដំណើរការជាមួយ ភាសាខ្មែរបាន ដែលបង្ករភាព ងាយស្រួលសម្រាប់ ប្រជាជនកម្ពុជា ដើម្បីស្វែងរក ពត៌មានបានកាន់តែ រហ័ស ដោយគ្រាន់តែ ប្រើប្រាស់ សម្លេងប៉ុណ្ណោះ តែគួរឱ្យ សោកស្តាយដែរ ព្រោះពេលនេះ វាដំណើរការ បានតែប្រព័ន្ធ ប្រតិបត្តិការ Android ប៉ុណ្ណោះ សម្រាប់ iOS មិនទាន់ប្រើប្រាស់ បាននៅ ឡើយទេ។

ម្យ៉ាងវិញទៀតពេលនេះ Google Translate ក៏អាចបញ្ចេញសម្លេង ជាភាសាខ្មែរបាន ផងដែរ ដូចនេះធ្វើឱ្យ ជនបរទេសដែលមាន បំណងចង់រៀន ភាសាខ្មែរ កាន់តែមានភាព ងាយស្រួល ផងដែរ ហើយក៏ជួយលើក ស្ទួយភាសាខ្មែរយើង ថែមមួយ កម្រិតទៀត។

ចេះមួយស្នៀតនេះស៊ីផុយ ចង់ប្ដូរពណ៌ Folder បានតាមចិត្ត

Folder ពណ៌ដដែលៗពិតជាធុញទ្រាន់ណាស់មែនទេ!!! ចង់ផ្លាស់ប្ដូរពណ៌ដែរអ្នកស្រលាញ់ដែរទេ ? សម្រាប់អ្នកមិនទាន់ចេះប្ដូរពណ៌សូមមើលវីដេអូខាងក្រោម

នេះជា link សម្រាប់Download

មានតែ Macbook មួយ ក៏ថតសំឡេងមិនចាញ់ស្ទូឌីយោ បើចេះមុខងារនេះ

ការថតសំឡេងអាចប្រើសម្រាប់ការអានព័ត៌មាន ឬសាកល្បងអនុវត្តនូវភាសាអន្តរជាតិ ដើម្បីពិនិត្យមើលនូវការលើកដាក់សំឡេងរបស់អ្នក។ ចំពោះនៅលើ Mac ប្រិយមិត្តអាចថតសំឡេងបានយ៉ាងច្បាស់មិនចាញ់ថតក្នុងស្ទូឌីយោ ជាមួយកម្មវិធីដែលមានស្រាប់លើ Mac ឈ្មោះថា QuickTime Player។

បើកដំណើរការកម្មវិធី QuickTime Player

-ចុចលើ File menu រួចជ្រើសរើសយក New Audio Recording
-អ្នកនឹងឃើញផ្ទាំងសាមញ្ញមួយសម្រាប់ថតសំឡេង ជាមួយនឹង Controls មួយចំនួន
-អ្នកអាចចុចលើសញ្ញាធំជាងចុះក្រោម ក្បែរនឹងប៊ូតុងពណ៌ក្រហម ដើម្បីជ្រើសរើស Sound Input និងគុណភាពសំឡេង
-អ្នកអាចគ្រប់គ្រងលើសំឡេង Microphone តាម Slider នៅក្រោមនឹងប៊ូតុងពណ៌ក្រហម

សម្រាប់គុណភាពសំឡេង High វានឹងរក្សាទុកជាប្រភេទ File M4A ដែលប្រើ AAC code ខណៈ Maximum វានឹងរក្សាទុកជាប្រភេទ File AIFC ដែលប្រើ PCM S24 codec ដោយមានទំហំធំ ប៉ុន្តែអាចគាំងពេលខ្លះ ដូច្នេះអ្នកគួរប្រើប្រាស់ត្រឹម High។

កម្មវិធី Audacity

អ្នកក៏អាចប្រើប្រាស់កម្មវិធីបន្ថែមឈ្មោះ Audacity ដែលមានសមត្ថភាពក្នុងការ ថត កាត់ត និងបម្លែងបានដែរ ហើយអាចប្រើប្រាស់ឥតគិតថ្លៃ៕ ចុចទាញយកកម្មវិធី Audacity

កំពូលកម្មវិធីទាំង ១៦ របស់ Adobe ដែលគ្រប់គ្នាប្រើរាល់ថ្ងៃ

១.Adobe InDesign:

កម្មវិធីនេះ ប្រើសម្រាប់បង្កើតនិងបើកមើលជាមុននូវប្រភេទឯកសារសម្រាប់បោះពុម្ពជាទស្សនាវដ្ដី។ ជម្រើសល្អបំផុតសម្រាប់អ្នកចូលចិត្តបង្កើតឯកសារណាដែលមានអក្សរច្រើន ដូចជាកាសែត, ផ្ទាំងរូបភាព ជាលក្ខណៈទំព័រលើសពី ២។ យ៉ាងណាមិញក៏មានការទទួលស្គាល់ InDesign មិនទុកសម្រាប់ប្រើរចនាក្រាហ្វិកកម្រិតខ្ពស់នោះឡើយ។

២.Adobe Illustrator:

Illustrator គឺជា Photoshop សម្រាប់ប្រើបង្កើតរូបបែបគំនូរ ងាយស្រួលក្នុងការរចនារូបភាពក្រាហ្វិក(Bitmap Graphics)។ ឯកសារផ្ដោតសំខាន់ ២ ក្នុងកម្មវិធីនេះរួមមាន Raster និង Vector។

៣.Adobe Bridge:

ប្រើសម្រាប់កែទម្រង់ឯកសារជាពិសេសរូបប្រភេទ RAW ក្នុងកម្រិត IPTC និង XMP ដែលមុខងារមួយចំនួនមានដូចទៅនឹង Photoshop ។ Bridge ហាក់បីជាមិនពេញនិយមខ្លាំងនោះទេ សម្រាប់អ្នកប្រើទូទៅ ព្រោះសិស្សច្បងកម្មវិធីដទៃក្នុងត្រកូលតែមួយ ក៏អាចបំពេញតម្រូវការអ្នកប្រើបានស្រាប់ទៅហើយ។

៤.Adobe Dreamweaver:

មានទំនាក់ទំនងជាមួយការត្រួតពិនិត្យកូដនៅលើភាសាមួយចំនួនដូចជា CSS, EDML, XHTML, XML, XSLT, HTML, Java, PHP និង VBScript ជាដើម។ វាពិនិត្យមើលកូដៗសំខាន់ណា ដែលមានលក្ខណៈដូចគ្នាក្នុងពេលតែមួយ ហើយធ្វើការ Highlight ពីលើកូដនោះ ដើម្បីបង្ហាញឱ្យយើងបានដឹង។

៥.Adobe Fireworks:

Fireworks មានភាពប្រហាក់ប្រហែលបន្តិចបន្តួចទៅនឹង Illustrator ដែរ ប៉ុន្តែទម្រង់រូបភាពដែលបង្កើតចេញមកមានលក្ខណៈស្របសម្រាប់គេហទំព័រ (Web) និងការបង្កើតកម្មវិធីទូរសព្ទ។ វិចិត្រករ Jose Rivera បានប្រើប្រាស់ Fireworks ដើម្បីធ្វើការងាររបស់គាត់ជាច្រើន។ តួយ៉ាងដូចជាផ្ទៃរូបភាពតារាងល្បី, គេហទំព័រមួយចំនួនធំ សុទ្ធសឹងតែបង្កើតចេញពីកម្មវិធី Fireworks ក្នុងទម្រង់ឯកសារ bitmap។

៦.Adobe Prelude:

ជាកម្មវិធីសម្រាប់កាត់តវីដេអូ ហើយបើនិយាយពីអត្ថប្រយោជន៍ក៏មិនខុសពីកម្មវិធីកាត់តវីដេអូរបស់ក្រុមហ៊ុនដទៃៗទៀតដែរ។

៧.Adobe After Affects:

After Affects ជាកម្មវិធីល្បីឈ្មោះមួយក្នុងវិស័យផលិតវីដេអូទាំងពីអំឡុងឆ្នាំ ១៩៩០។ ប្រើវាសម្រាប់បង្កើត Visual Effects ទៅក្នុងវីដេអូនិងប្រភេទរូបភាពមានចលនា (Animation)។ វាទាមទារដំណើរការលើម៉ាស៊ីនដែលមានកម្លាំងខ្លាំង យ៉ាងតិចណាស់ក៏ RAM ទំហំ 8GB ទើបដំណើរការកម្មវិធីនេះបានរលូន ព្រោះវាមានមុខងារពិសេសៗច្រើនក្នុងការផលិតវីដេអូ។
លើប្រព័ន្ធ YouTube ច្រើនមានគេបង្រៀនអំពីការបញ្ចូល Lightning Strike, Glowing Eye និង Lightsaber ទៅក្នុងវីដេអូរបស់អ្នកប្រើ ដែលវាជាចំណុចចាប់ផ្ដើមដំបូងៗ។

៨.Adobe Premier Pro:

ប្រើសម្រាប់ធ្វើការកាត់និងកែច្នៃវីដេអូ ភាគច្រើនក្នុងគោលដៅបង្កើតខ្សែភាពយន្ត។ កម្មវិធីនេះតម្រូវឱ្យមានកម្លាំងម៉ាស៊ីនដំណើរការធំដូចគ្នា ប៉ុន្តែបច្ចុប្បន្នហាក់បីជាមិនពេញនិយមសម្រាប់អ្នកប្រើទូទៅឡើយ ខណៈមានគូប្រជែង ២ ចូលមកគឺ
Avid និង Apple។

៩.Adobe Photoshop:

ទោះ Sabay មិនរៀបរាប់ក៏ប្រិយមិត្តអាចដឹងត្រួសៗដែរ ពីមុខងារ Photoshop។ យើងប្រើសម្រាប់កាត់តរូបភាពនិងបង្កើតការរចនាបែប 3D ដែលនេះជាមុខងារចម្បងដ៏ចាំបាច់មួយ ដែលគេត្រូវការប្រើ Photoshop។

១០.Adobe Flash:

ហ្គេមដែលអ្នកនិយមលេងលើបណ្ដាញសង្គម ហើយវីដេអូតុក្កតាដែលក្មេងៗនិយមមើល អ្នកផលិតច្រើនប្រើកម្មវិធី Flash ក្នុងការបង្កើត។ ប៉ុន្តែក្រោយការប្រកាសចេញ HTML5 កម្មវិធី Flash ក៏បាត់បង់ការគាំទ្រមួយផ្នែកធំ យ៉ាងណាមិញបច្ចុប្បន្នគេក៏នៅប្រើវាដើម្បីបង្កើតក្បាលចាក់វីដេអូដំណើរការលើគេហទំព័រ YouTube។

១១.Adobe Audition:

ប្រើសម្រាប់កាត់តសម្លេង និងការបញ្ចូលសម្លេងច្រើនក្នុងឯកសារតែមួយ (Mix Sound)។ កាលពីសម័យមុនគេនិយមប្រើវានៅតាមបណ្ដាស្ថានីយវិទ្យុ សម្រាប់កាត់និងបញ្ចូល Sound Effects។

១២.Adobe SpeedGrade:

ប្រើសម្រាប់ធ្វើការច្នៃបន្ថែមពណ៌ទៅលើរូបភាព។ បើនិយាយរួម បច្ចុប្បន្នកម្មវិធីទូរសព្ទជាច្រើនក៏មានដែរ ដែលយើងនិយមហៅថា ដាក់ Effect ទៅលើរូបភាព ប៉ុន្តែគ្រាន់កម្មវិធី SpeedGrade វាមានមុខងារប្រើប្រាស់ធំទូលាយជាង។

១៣.Adobe Encore:

ប្រើសម្រាប់ការរៀបចំ DVD និងឌីស Blu-ray ដែលភាគច្រើនអ្នកប្រើវាគឺជាអ្នកផលិតអាជីព ក្នុងផ្នែកមួយបន្តពី Adobe Premiere។ យើងអាចបង្កើត Menus នៅក្នុង DVD ហើយធ្វើការកែច្នៃតាមរយៈ Photoshop ក៏បានដោយប្រើប្រាស់ Layer។

១៤.Adobe Flash Builders:

ប្រើទាក់ទងទៅនឹងការបង្កើតកម្មវិធីសម្រាប់ទូរសព្ទនិងវេបសាយលើកុំព្យូទ័រ។ មិនខុសច្រើនពី Flash ដែលអាចបង្កើតកម្មវិធីគាំទ្រប្រព័ន្ធដំណើរការច្រើន។ កូដដែលអាចស្គាល់ជាមួយផ្ទៃក្រាហ្វិកនៃកម្មវិធី Flash Builders រួមមាន MXML និង ActionScript។

១៥.Adobe Acrobat X Pro:

ប្រើទាក់ទងក្នុងឯកសារ PDF ដ៏រឹងមាំមួយ។ យើងអាចធ្វើការបន្ថែមសម្លេងនិងវីដេអូ ក៏ដូចជាកែច្នៃផ្ទៃ Background របស់ឯកសារ PDF បានយ៉ាងងាយស្រួល។

១៦.Adobe Media Encoder:

ប្រើសម្រាប់ធ្វើការ Resize និង Crop វីដេអូជាដើម រួចរាល់វីដេអូទាំងអស់អាចបម្លែងចេញជាឯកសារ FLV, F4vV និង H.264 ដែលគាំទ្រលើឧបករណ៍ច្រើន។

របៀបបម្លែងវីដេអូទៅជារូបភាពចលនា GIF

GIF ជាប្រភេទរូបភាពមានចលនា ដែលល្អសម្រាប់បង្ហាញជំនួសឲ្យវីដេអូខ្លីៗ ជាពិសេសវីដេអូបែបកំប្លែង ដោយសារវាប្រើប្រាស់ទំហំតូច ហើយអាចដំណើរការបានល្អលើគេហទំព័រ ឬស្មាតហ្វូននានា។ ចំពោះតិចនិកផលិតរូបភាពប្រភេទនេះ គឺអាចធ្វើតាមវិធីខាងក្រោមនេះ ៖

វិធីទី ១

ចូលទៅកាន់វេបសាយ giphy.com នោះវានឹងជួយបម្លែងវីដេអូ ទៅជារូបភាពមានចលនាយ៉ាងងាយស្រួល ដែលគ្រាន់ទាញយកពី YouTube, Vimeo ឬកុំព្យូទ័ររបស់អ្នក ហើយរូប GIF ដែលផលិតបាននោះ គឺទាញចេញពីរយៈពេល ១០ នាទីយ៉ាងយូរពីវីដេអូ។

វិធីទី ២

ប្រើកម្មវិធី ShotCut សម្រាប់កាត់តវីដេអូខ្លីៗដោយឥតគិតថ្លៃហើយងាយស្រួលប្រើប្រាស់។

-ចុចលើ Open file > ជ្រើសរើសវីដេអូ ចូលក្នុង Editor
-ប្រសិនបើអ្នកត្រូវការតម្រឹម ចុចលើ Filters > icon សញ្ញាបូក ដើម្បីបន្ថែម filter ថ្មី។
-ចុចលើ icon សញ្ញា monitor តូចដើម្បីឃើញ video filters រួចចុចលើ Crop។
-អ្នកអាចប្រើ Slider ដើម្បីតម្រឹមតាមការចង់បានចំពោះវីដេអូនោះ។
-ជ្រើសរើសចន្លោះនាទីដែលអ្នកចង់លុប រួចចុច Delete។ ធម្មតាវីដេអូសម្រាប់ GIF មិនគួរច្រើនជាង ១០វិនាទីនោះទេ។
-ចុចលើ Export > ជ្រើសរើស GIF សម្រាប់ទំហំ GIF គួរតែ 800 x 600 resolution > ចុចលើ Codec និងផ្លាស់ប្ដូរ codex ទៅជា GIF > ចុចលើ Audio និងជ្រើសរើស Disable audio។
-ចុងក្រោយចុចលើ Export file > ផ្ដល់ឈ្មោះជាមួយនឹង extension .gif រួចចុច Save៕ ចុចទាញយកកម្មវិធី ShotCut

ចង់ប្រើ IDM បានរហូតមិនបារម្ភរឿងលោត Serial Number អនុវត្តតាមវិធីនេះ

សម្រាប់អ្នកដែលកំពុងប្រើកម្មវិធីសម្រាប់ដោនឡូតចម្រៀង ឬវីដេអូ Internet Download Manager ប្រាកដជាមានកង្វល់មួយដែលមិនទាន់ដោះស្រាយបាន ដោយសារប្រើសុខៗក៏លោតឲ្យវាយលេខ Serial numbers ទាំងមិនដឹងខ្លួនសោះ។

Internet Download Manager

#តោះ! ចង់ដឹងថា វិធីធ្វើឲ្យកុំលោតលេខ Serial numbers អនុវត្តតាមខាងក្រោមនេះ

/សម្រាប់អ្នកដែលតំឡើងកម្មវិធី IDM រួចរាល់

ចំពោះអ្នកដែលមានកម្មវិធី IDM នៅលើកុំព្យូទ័រហើយ គ្រាន់តែចុចដោនឡូត Link IDM ចុចនៅទីនេះ

-រួចបើក Folder ហើយចុចយក Patch ណាមួយក៏បាន
-រួចរើសយកប្រភេទ 32-bits ឬ 64-bits តាម Windows របស់អ្នកទាំងអស់គ្នា
-រួចចុច Next->Next. ពេលរួចរាល់ចូលទៅបើក IDM ចុចលើពាក្យ About អ្នកនឹងឃើញ Registation មានន័យថា អាចប្រើបានរហូតហើយ។

បញ្ជាក់៖ នៅពេលតំឡើង ចាំបាច់ត្រូវបិទកម្មវិធីកម្ចាត់មេរោគសិន។

/សម្រាប់អ្នកទើបចាប់ផ្ដើមប្រើកម្មវិធី IDM

ចំពោះអ្នកទើបចាប់ផ្ដើម IDM ហើយចង់បានកម្មវិធីនេះដាក់លើកុំព្យូទ័រ ចុចនៅទីនេះ រួចអនុវត្តតាមវីដេអូខាងក្រោមនេះ

ចំណាំ៖ នៅពេលប្រើ បើលោតសារឲ្យវាយបញ្ចូលលេខ Serial ជាថ្មី គ្រាន់តែចុច Cancel ជាការស្រេច។ បើប្រិយមិត្តមានចម្ងល់ ឬមិនទាន់ត្រង់ចំណុចណាមួយ អាចបញ្ចេញមតិខាងក្រោមនេះបាន៕

ប្រភពវេបសាយមួយអាចទាញកម្មវិធីយ៉ាងសំបូរបែប

ទាក់ទងនឹងការ Download កម្មវិធីសម្រាប់ប្រើប្រាស់លើកុំព្យូទ័រ ជាធម្មតាអ្នកប្រើប្រាស់ច្រើនធ្វើការ Search ស្វែងរកម្ដងមួយៗ តាមរយៈ Google។ ធ្វើបែបនោះ ចំណាយពេលច្រើនមែនទែន ព្រោះប្រភពគេហទំព័រខ្លះក៏មិនអាចយកជាការបានទៀត។

មិនជាបញ្ហា Sabay បង្ហាញពីប្រភពវេបសាយមួយដែលមានការពេញនិយមបំផុត ដែលអាចទាញយកកម្មវិធីផ្សេងៗដោយឥតគិតថ្លៃមិនថាអ្នកប្រើប្រាស់ Windows និង Mac។

បែបមានអ្នកចាប់អារម្មណ៍ខ្លាំងហើយ?

-ចូលទៅកាន់គេហទំព័រ FileHippo.com (http://filehippo.com/)

-ត្រង់ផ្នែកខាងលើ ចំហៀងខាងស្ដាំ សូមរើសយកប្រព័ន្ធប្រតិបត្តិរវាង Windows ឬ Mac

-ត្រង់ Categories អ្នកអាចធ្វើការជ្រើសរើសប្រភេទកម្មវិធី ដែលចង់ Download (ឧទាហរណ៍: Browsers)

-ត្រង់ Popular សូមណែនាំដល់អ្នកដែលទើប Setup Windows ហើយថ្មីៗ អ្នកអាចមើលជម្រើសមួយនេះ ព្រោះរាល់កម្មវិធីពេញនិយមនិងល្អៗជាច្រើន មានទាំងអស់

-ក្រោយ Select កម្មវិធីណាមួយហើយ > ចុច Download ជាការស្រេច។

កម្មវិធីប្រើកាត់ត ដើម្បីផលិតរឿងហូលីវូដល្បីៗ

មានមនុស្សជាច្រើនប្រហែលជាចង់ហើយថាក្នុងសង្វាក់ផលិតកម្មផលិតខ្សែភាពយន្តហូលីវូដ តើក្រុមការងារមួយៗបានប្រើប្រាស់កម្មវិធីអ្វីខ្លះ ទើបអាចបង្កើតចេញជា Effect ស្អាតៗលក្ខណៈ 3D ឬ ធ្វើជារូបតុក្កតាជាដើម។

អ្នកជំនាញខាងផ្នែកភាពយន្តមួយរូបដែលមានគណនី Quora ឈ្មោះ KC McLaughlin បានឆ្លើយតបនឹងសំនួរខាង ដូចតទៅនេះ៖

#សម្រាប់ការកាត់ត

Avid Media Composer

@ Avid Media Composer ៖ នេះជាកម្មវិធីដ៏ពេញនិយមមួយនាពេលបច្ចុប្បន្នដែលគេបានប្រើសម្រាប់កាត់តប្លង់នីមួយៗនៅក្នុងដំណើរការផលិតភាពយន្តហូលីវូដ។
@ EditShare Lightworks ៖ Lightworks ក៏ធ្លាប់ជាគូប្រជែងដ៏ខ្លាំងក្លាមួយដែលដើរទន្ទឹមនឹង Avid ប៉ុន្តែប្រជាប្រិយភាពរបស់វាបានធ្លាក់ចុះមិនដូចពីមុនឡើយ។
@ Adobe Premiere ៖ Premiere ពេញនិយមច្រើនសម្រាប់ផលិតកម្មមិនមែនបែបហូលីវូដ ប៉ុន្តែក៏មានភាពយន្តល្បីៗដូចជា Deadpool ចេញផ្សាយឆ្នាំ ២០១៦ បានប្រើកម្មវិធីនេះដើម្បីកាត់តប្លង់។
@ Apple Final Cut ៖ ធ្លាប់ជាកម្មវិធីល្បីមួយដែរ ប៉ុន្តែប្រជាប្រិយភាពបានធ្លាក់ចុះវិញ។ បច្ចុប្បន្ននេះទទួលបានការពេញនិយមពីសំណាក់ក្រុមអ្នកផលិតកុនឯករាជ្យ។

#ការលេង Effect បែប 3D

The Foundry Nuke

@ The Foundry Nuke ៖ Nuke ជាកម្មវិធីស្តង់ដារក្នុងសហគ្រាសភាពយន្តសម្រាប់ការបង្កើត Effect បែប 3D ដូចពិតៗ។ កម្មវិធីនេះត្រូវគេប្រើសម្រាប់ស្ទើរគ្រប់ភាពយន្តហូលីវូដ និង កម្មវិធីទូរទស្សន៍ជាច្រើន។
@ Adobe After Effects ៖ After Effects ពេញនិយមសម្រាប់ក្រុមផលិតកុនឯករាជ្យច្រើនជាង និង សម្រាប់ប្រព័ន្ធផ្សព្វផ្សាយ ប៉ុន្តែត្រូវបានគេប្រើតិចតួចបំផុតក្នុងវិស័យភាពយន្តហូលីវូដ។
@ Blackmagic Fusion ៖ Fusion ក៏ជាជម្រើសកម្មវិធីដ៏ពេញនិយមមួយសម្រាប់ភាពយន្តហូលីវូដ ហើយការទិញយកកម្មវិធី Fusion របស់ក្រុមហ៊ុន Blackmagic កាន់តែធ្វើឲ្យកម្មវិធីនេះទទួលបានការគាំទ្រច្រើន។
#កែពណ៌

Blackmagic Davinci Resolve

@ Blackmagic Davinci Resolve ៖ គ្រប់គ្នាសុទ្ធតែប្រើកម្មវិធី Resolve ហើយប្រហែលជាមានផលិតកម្មភាពយន្តធំៗមួយចំនួនតូចប៉ុណ្ណោះដែលប្រើកម្មវិធីផ្សេងដូច SpeedGrade ក្រៅពីនោះគឺប្រើ Resolve។
#3D

Autodesk Maya

@ Autodesk Maya ៖ Maya ជាកម្មវិធី 3D ពេញនិយមជាងគេ។ វិចិត្រករ 3D ភាគច្រើនត្រូវបានបង្វឹកដោយប្រើកម្មវិធី Maya នេះឯង។
@ Autodesk 3Ds Max ៖ សម្រាប់ក្រុមផលិតកុនឯករាជ្យ និង ការផលិតហ្គេម គេនិយមប្រើ 3Ds Max ជាង ប៉ុន្តែក៏មានភាពយន្តហូលីវូដជាច្រើនប្រើកម្មវិធីនេះដែរ។
@ Side Effects Houdini ៖ Houdini ជាកម្មវិធីដ៏ល្អប្រើសម្រាប់ច្នៃម៉ូដែលនៃការបំផ្ទុះ និង ការកម្ទេចជាដើម។

#ការ Render

Pixar Renderman

@ Pixar Renderman ៖ Renderman ផលិតឡើងជាពិសេសសម្រាប់ការធ្វើតុក្កតា 3D ដោយក្រុមហ៊ុន Pixar ប៉ុន្តែក៏ពេញនិយមសម្រាប់ការ Render ដែរ។
@ V-Ray ៖ ពេញនិយមសម្រាប់ការ Render លើ GPU ល្បឿនលឿន៕

កំពូលកម្មវិធីទាំង ១៥ សម្រាប់កាត់តវីដេអូ

ការកាត់តវីដេអូនៅក្នុងកុំព្យូទ័រមានកម្មវិធីប្រើប្រាស់ជាច្រើន ចុះខ្លួនអ្នកផ្ទាល់ តើធ្លាប់ស្គាល់បានប៉ុន្មានហើយ? ថ្ងៃនេះ Sabay បង្ហាញនូវ ១៥ កម្មវិធី ដែលក្នុងនោះមានទាំងដាក់លក់ និងមួយចំនួនទៀតអាចទាញយកបាន Free ។

១.AVS Video Editor:

សូមណែនាំថានេះ គឺជាជម្រើសទី ១ ងាយបំផុតសម្រាប់អ្នកប្រើប្រាស់ដំបូងៗក្នុងការកាត់តវីដេអូលើកុំព្យូទ័រប្រើប្រាស់ Windows ។ វាត្រូវបានបង្កើតឡើងដោយក្រុមការងារ Online Media Tecnologies ដែលមានការគាំទ្រទាំងប្រភេទវីដេអូ Blu-ray ហើយអាចអនុញ្ញាតឱ្យអ្នកធ្វើការចែករំលែកវីដេអូទៅកាន់បណ្ដាញសង្គមដោយស្វ័យប្រវត្តិ។

-គាំទ្រប្រព័ន្ធ: Windows
-គាំទ្រឯកសារទាញចូល: AVI, MP4, MKV, FLV, AMV, 3GP, MPG, DAT, VCD ជាដើម
-គាំទ្រឯកសារទាញចេញ: AVI, MP4, WMV, SWF, FLV, MPG ជាដើម
-តម្លៃ: គ្រប់កម្មវិធីទាំងអស់ពី AVS ដាក់លក់ជាកញ្ចប់ក្នុងតម្លៃ ៥៩ ដុល្លារ តែបើប្រើជាលក្ខណៈ Trail មិនកំណត់ចំនួនថ្ងៃទេ
-លក្ខណៈពិសេស: HD Support, Non-destructive Editing, Single Video Track, Dual Audio track

២.Adobe Premier Pro:

កម្មវិធីកាត់តវីដេអូនេះ គាំទ្រទាំងនៅលើប្រព័ន្ធ Windows និង Mac ។ អាចធ្វើការកែច្នៃវីដេអូជាមួយមុខងារបន្ថែម ដែលភ្ជាប់ទំនាក់ទំនងជាមួយ After Effects និង Photoshop ។
-គាំទ្រប្រព័ន្ធ: Windows, Mac និង Cloud
-គាំទ្រឯកសារ: សឹងតែទាំងអស់នៃទម្រង់ឯកសារពេញនិយម
**-តម្លៃ:**ដាក់លក់តែមានប្រភេទផ្សេងគ្នា តម្លៃទៅតាមកញ្ចប់
-លក្ខណៈពិសេស: HD Support, Multi Track editing, storyboard mode, unlimited audio, video tracks, linear timecode display និង NDE ។

៣.Final Cut Pro:

កម្មវិធីនេះ បានជួយផលិតករភាពយន្តក្នុងការកាត់តចេញជារឿង ២ រួមមាន The Social Network និង The Girl with the Dragon Tattoo ។ បង្កើតឡើងដោយក្រុមហ៊ុន Apple Inc ម្ល៉ោះហើយបើអ្នកប្រើប្រាស់កុំព្យូទ័រ Mac ច្បាស់ណាស់ថាកម្មវិធីនេះ ជាជម្រើសដ៏ល្អសម្រាប់អ្នក។
-គាំទ្រប្រព័ន្ធ: Macintosh -គាំទ្រឯកសារទាញចូល: គ្រប់ទម្រង់ឯកសារឱ្យតែគាំទ្រជាមួយ QuickTime -គាំទ្រឯកសារទាញចេញ: គ្រប់ទម្រង់ឯកសារឱ្យតែគាំទ្រជាមួយ QuickTime -តម្លៃ: ២៩៩ ដុល្លារ -លក្ខណៈពិសេស: HD Support, Non-destructive editing, storyboard mode, កែលើសពី ៩៩ វីដេអូនិងសម្លេង

៤.Sony Vegas Movie Studio:

បើអ្នកមានកម្លាំងម៉ាស៊ីនតូចល្មម មិនជាធំពេក កម្មវិធីមួយនេះអាចជាជម្រើសសម្រាប់អ្នកបាន ដោយវាអាចគាំទ្រទាំងអស់នូវមុខងារមួយចំនួនដូចកម្មវិធីដទៃដែរ ហើយអាចគាំទ្រតែប្រព័ន្ធ Windows មួយគត់។

-គាំទ្រប្រព័ន្ធ: Windows
-គាំទ្រឯកសារទាញចូល: MP4, AVI, WAV, WMV, QuickTime, MPEG-4 ជាដើម
-គាំទ្រឯកសារទាញចេញ: AVI, MP4, MPEG-4, WMV, WAV ជាដើម
-តម្លៃ: ៤៩,៩៥ ដុល្លារ (មានជំនាន់ Trail អាចទាញយក)

៥.Lightworks:

យើងធ្លាប់តែឃើញកម្មវិធីខ្លះគាំទ្រតែប្រព័ន្ធមួយៗប៉ុណ្ណោះ ប៉ុន្តែសម្រាប់ Lightworks គឺអាចគាំទ្របានទាំងនៅលើ Windows, OS X និង Linux ។ វាមានមុខងារស្តង់ដារច្រើន អាចនិយាយចូលជាកម្មវិធីរាងពិបាកប្រើបន្តិចដែរ។
-គាំទ្រប្រព័ន្ធ: Windows, Mac OS, Linux
-គាំទ្រឯកសារទាញចូល: គាំទ្រសឹងគ្រប់ឯកសារទាំងអស់ជាលក្ខណៈ HD
-គាំទ្រឯកសារទាញចេញ: គាំទ្រសឹងគ្រប់ឯកសារទាំងអស់ជាលក្ខណៈ HD
-តម្លៃ: យើងអាចទាញយកឥតគិតថ្លៃ ប៉ុន្តែវាក៏មានលក់ក្នុងជំនាន់ Pro Version ផងដែរ
-លក្ខណៈពិសេស: HD Support, Non-destructive editing, storyboard mode, unlimited video tracks និង audio tracks, Linear timecode display ។

៦.SONY Vegas Pro:

នរណាមិនស្គាល់ឈ្មោះកម្មវិធីមួយនេះ យើងអាចហៅវាជារៀមច្បងរបស់ SONY Vegas Movie Studio ។ អ្នកប្រើប្រាស់អាជីពក្នុងការកាត់តវីដេអូ រៀបអាពាហ៍ពិពាហ៍ប្រាកដជាប្រើនូវកម្មវិធីនេះ។គាំទ្រទាំងវីដេអូ 4K ដែលកម្មវិធីមួយចំនួនមិនអាចធ្វើបាន។ -គាំទ្រប្រព័ន្ធ: Windows
-គាំទ្រឯកសារទាញចូល: AVI, MP4, WMV, WMA, OMA, OGG, AAF, AIF ជាដើម
-គាំទ្រឯកសារទាញចេញ: MP4, WAV, WMV, MVC, MP3 ជាដើម
-តម្លៃ: ៥៩៩,៩៥ ដុល្លារ (ប៉ុន្តែវាក៏មានលក់ក្នុងជំនាន់ Trail Verson ផងដែរ)
-លក្ខណៈពិសេស: HD Support, Non-destructive editing, unlimited video & audio tracks, linear timecode display ។
៧.Cinelerra:

កម្មវិធីនេះបង្កើតឡើងសម្រាប់អ្នកប្រើ Linux ហើយសរសេរឡើងក្នុងកម្មវិធី C++ ។ ទោះបីមានផ្ទៃ UI ធម្មតា ប៉ុន្តែយើងមានសិទ្ធប្រើប្រាស់មុខងារច្រើន ដែលមានស្តង់ដារខ្ពស់។
-គាំទ្រប្រព័ន្ធ: Linux
-គាំទ្រឯកសារទាញចូល: គ្រប់វីដេអូទាំងអស់ គាំទ្រទាំង HD
-គាំទ្រឯកសារទាញចេញ: គ្រប់វីដេអូទាំងអស់ គាំទ្រទាំង HD
-តម្លៃ: ឥតគិតថ្លៃ
-លក្ខណៈពិសេស: High Definition Support, Non-destructive editing, Multi Track editing, unlimited video និង audio tracks, linear timecode display។

៨.Pinnacle Studio:

កម្មវិធីសម្រាប់ប្រព័ន្ធ Windows មួយនេះ មានមុខងារសំខាន់ខ្លះៗដូចជា Drag និង Drop កែច្នៃវីដេអូ HD, កែច្នៃ Timeline បានដល់ ៦, បង្កើត Title និង Overlay ដោយខ្លួនឯង និងមានកញ្ចប់ Effect, Transition, Sound ជាច្រើនមកជាមួយ។
-គាំទ្រប្រព័ន្ធ: Windows
-គាំទ្រឯកសារទាញចូល: AVI, MVC, QuickTime, MKV, HDV ជាដើម
-គាំទ្រឯកសារទាញចេញ: DVD, MPEG-4, MP4, QuickTime, MKVនិង device-based platforms -តម្លៃ: ៥៩,៩៥ ដុល្លារ
-លក្ខណៈពិសេស: High Definition Support, Non-destructive editing, Multi Track editing, unlimited video និង audio tracks, linear timecode display ។

៩.Corel VideoStudio:

កម្មវិធីនេះ ស្ថិតក្រោមអ្នកបង្កើតតែមួយនៃកម្មវិធីរចនាក្រាហ្វិក CorelDraw ។ គាំទ្រប្រព័ន្ធ Windows ប៉ុន្តែមិនអនុញ្ញាតឱ្យទាញយកប្រើប្រាស់ Free នោះឡើយ ដែលមុខងារសំខាន់ៗរួមមាន កែល្បឿន Variable របស់វីដេអូ, ងាយស្រួលបង្កើត Overlay និង Title, មុខងារ DSLR Enlarged និង Stop-Motion ជាដើម។
-គាំទ្រប្រព័ន្ធ: Windows
-គាំទ្រឯកសារទាញចូល: សឹងគ្រប់ឯកសារវីដេអូទាំងអស់ រួមបញ្ចូលទាំងរបស់ iPad, កាមេរ៉ា DSLR និងស្មាតហ្វូន
-គាំទ្រឯកសារទាញចេញ: គាំទ្រសឹងគ្រប់ឯកសារវីដេអូទាំងអស់
-តម្លៃ: ៧៩,៩៩ ដុល្លារ
-លក្ខណៈពិសេស: HD Support, Non-destructive editing, storyboard mode, 6 video tracks និង 4 audio tracks, linear timecode display។

១០.iMovie:

ជាកម្មវិធីបន្ទាប់ដែលបង្កើតឡើងដោយ Apple ផ្ទាល់ ហើយរមែងមានស្រាប់នៅលើឧបករណ៍ Mac ជាដើម។ យើងអាចធ្វើការកាត់តវីដេអូយ៉ាងងាយស្រួល ហើយគាំទ្រ ១០០ ភាគរយ ក្នុងការបញ្ជូនវីដេអូទៅកាន់ iPhone,iPad និង iPod ។
-គាំទ្រប្រព័ន្ធ: Mac និង iOS
-គាំទ្រឯកសារទាញចូល: គាំទ្រវីដេអូ QuickTime និងឯកសារកម្រិត HD
-គាំទ្រឯកសារទាញចេញ: គាំទ្រវីដេអូ QuickTime និងឯកសារកម្រិត HD
-តម្លៃ: ឥតគិតថ្លៃ
-លក្ខណៈពិសេស: NDE, HD Support, 2 video tracks និង 4 audio tracks, linear timecode display និង storyboard mode។

១១.Pitivi:

ជាកម្មវិធីគាំទ្រតែនៅលើប្រព័ន្ធ Linux ប៉ុន្តែមានបញ្ចូលនូវរាប់រយនៃ Transition, Filters និង Effects ។ គាំទ្រការប្រើប្រាស់ក្នុងទម្រង់ច្រើនភាសា។
-គាំទ្រប្រព័ន្ធ: Linux
-គាំទ្រឯកសារទាញចូល: គាំទ្រគ្រប់ឯកសារវីដេអូកំពុងពេញនិយម
-គាំទ្រឯកសារទាញចេញ: គាំទ្រគ្រប់ឯកសារវីដេអូកំពុងពេញនិយម
-តម្លៃ: ឥតគិតថ្លៃ
-លក្ខណៈពិសេស: HD Support, NDE, Multi Track editing, unlimited video និង audio tracks, និង linear timecode display។

១២.CyberLink PowerDirector:

PowerDirector បង្កើតឡើងដោយក្រុមហ៊ុន CyberLink ដែលមកជាមួយនូវ UI ធម្មតា។ លក្ខណៈពិសេសមួយ គឺងាយស្រួលដល់អ្នកប្រើ អាចធ្វើការកាត់តវីដេអូនៅគ្រប់ទីកន្លែង មិនត្រឹមតែមានកុំព្យូទ័រឫអត់នោះទេ ព្រោះយើងអាចប្រើបានទាំងនៅលើស្មាតហ្វូន។
-គាំទ្រប្រព័ន្ធ: Windows
-គាំទ្រឯកសារទាញចូល: FLV, AVI, 3GP, AVI, DAT, WMV, MPEG-4, MP4 ជាដើម
-គាំទ្រឯកសារទាញចេញ: MVC, MPEG-4, MKV, WMV, QuickTime ជាដើម
-តម្លៃ: ៧៤,៩៩ ដុល្លារ
-លក្ខណៈពិសេស: High Definition support, NDE, 100 audio and video tracks, linear timecode display និង storyboard mode។

១៣.Kdenlive:

គាំទ្រលើប្រព័ន្ធ Linux, FreeBSD និង Mac OS X ។ មុខងាររបស់កម្មវិធីនេះ មានលក្ខណៈមិនខុសពីកម្មវិធីដទៃៗ ខាងលើទៀតនោះទេ។
-គាំទ្រប្រព័ន្ធ: FreeBSD, Mac និង Linux
-គាំទ្រឯកសារ: MPEG2, MP4 និងឯកសារពេញនិយមផ្សេងទៀត
-តម្លៃ: ឥតគិតថ្លៃ
-លក្ខណៈពិសេស: HD Support, storyboard mode, 2 video tracks និង 4 audio tracks, linear timecode display, NDE។

១៤.ivsEdits:

បើអ្នកកំពុងសម្លឹងមើលកម្មវិធីកាត់តវីដេអូឥតគិតថ្លៃសម្រាប់ Windows នេះអាចជាជម្រើសល្អសម្រាប់អ្នក។ ជាកម្មវិធីកាត់តធម្មតាៗ ពុំមានមុខងារច្រើនដូចកម្មវិធីលក់នោះឡើយ។
-គាំទ្រប្រព័ន្ធ: Windows
-គាំទ្រឯកសារ: គ្រប់ឯកសារវីដេអូពេញនិយមទាំងអស់
-តម្លៃ: ឥតគិតថ្លៃ

១៥.Windows Movie Maker:

កម្មវិធីនេះ គឺសាមញ្ញមែនទែន ត្រឹមម៉ាស៊ីនកម្លាំងតូចៗ ក៏អាចប្រើប្រាស់បានយ៉ាងរលូន ព្រោះវាគ្រាន់តែមានមុខងារមួយចំនួនដូចជាបញ្ចូល Transition, សម្លេង និងទាញចេញប៉ុណ្ណឹងឯង។
-គាំទ្រប្រព័ន្ធ: Windows
-គាំទ្រឯកសារ: គាំទ្ររាល់ឯកសារពេញនិយមទាំងអស់
-តម្លៃ: ឥតគិតថ្លៃ
-លក្ខណៈពិសេស: HD Support, Storyboard Mode, 1 video track និង 2 audio tracks, linear timecode display ។

Khmer Techno Innovation

Wednesday, August 23, 2017

វិធី Search Google ដោយនិយាយជាភាសាខ្មែរ

Sunday, August 20, 2017

ប្រើ Voice Search របស់ Google ជាភាសាខ្មែរ

Saturday, August 19, 2017

ចេះមួយស្នៀតនេះស៊ីផុយ ចង់ប្ដូរពណ៌ Folder បានតាមចិត្ត

Wednesday, August 9, 2017

មានតែ Macbook មួយ ក៏ថតសំឡេងមិនចាញ់ស្ទូឌីយោ បើចេះមុខងារនេះ

Sunday, August 6, 2017

កំពូលកម្មវិធីទាំង ១៦ របស់ Adobe ដែលគ្រប់គ្នាប្រើរាល់ថ្ងៃ

Friday, August 4, 2017

របៀបបម្លែងវីដេអូទៅជារូបភាពចលនា GIF

ចង់ប្រើ IDM បានរហូតមិនបារម្ភរឿងលោត Serial Number អនុវត្តតាមវិធីនេះ

Thursday, July 27, 2017

ប្រភពវេបសាយមួយអាចទាញកម្មវិធីយ៉ាងសំបូរបែប

Wednesday, July 5, 2017

កម្មវិធីប្រើកាត់ត ដើម្បីផលិតរឿងហូលីវូដល្បីៗ

Tuesday, July 4, 2017

កំពូលកម្មវិធីទាំង ១៥ សម្រាប់កាត់តវីដេអូ

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels