Khmer Techno Innovation: គន្លឹះខ្លីៗលើ iOS

Showing posts with label គន្លឹះខ្លីៗលើ iOS. Show all posts

Thursday, January 11, 2018

កុំច្រឡំគ្នាឲ្យសោះ ការ Reset ខុសៗគ្នា លើ iPhone

អង្គារ, 7 វិច្ឆិកា 2017 11:20

ចំនួនមតិ 0

ចន្លោះមិនឃើញ

ជាទូទៅក្នុងកម្មវិធី Settings នៃប្រព័ន្ធប្រតិបត្តិ iOS មិនថាតែ iPhone ឬ iPad ត្រង់មុខងារ Reset មានបង្ហាញនូវ ៣ ប្រភេទធំៗរួមមាន Reset All Settings, Erase All Contents and Settings និង Reset Network Settings។ ពាក្យទាំង ៣ នេះ បង្កឲ្យមានការភ័ន្តច្រឡំពីអ្នកប្រើប្រាស់ទូទៅមួយចំនួនធំ ហើយបង្កឲ្យជួបបញ្ហាក្រោយពេល Reset រួចរាល់។

១.Reset All Settings: ជាការលុបចោលឬផ្ដើមសារជាថ្មី នូវរាល់ការកំណត់ផ្សេងៗទាំងអស់ នៅក្នុង Settings សោតយ៉ាងដូចជាការភ្ជាប់ទៅតំណ APN (ប្រព័ន្ធអ៊ីនធឺណិត), ការភ្ជាប់ទៅប្រព័ន្ធ WiFi ឬការកំណត់ក្ដារចុចពីខាងក្រៅជាដើម។ ប៉ុន្តែរាល់ទិន្នន័យទាំងអស់មានដូចជារូបភាព, ចម្រៀង, បញ្ជីលេខទូរសព្ទ ឬកម្មវិធីមានបង្ហាញលើ Homescreen មិនត្រូវបានបាត់បង់នោះឡើយ។

អ្នកអាចប្រើមុខងារ Reset នេះ ដោយចូលទៅកាន់ Settings> General > Reset និង Reset All Settings ជាការស្រេច។

២.Erase All Contents and Settings: ចំណុចនេះវានឹងលុបចោលនូវរាល់បណ្ដាឯកសារទាំងអស់ចេញពីឧបករណ៍របស់យើង មិនខុសពីមុខងារ Restore (iPhone/iPad) ឆ្លងកាត់កម្មវិធី iTunes ដូច្នោះដែរ គ្រាន់ថាវានឹងរក្សាឲ្យអ្នកនៅជំនាន់ iOS ដដែល ខុសពី iTunes បើអ្នកប្រើមុខងារ Restore ត្រូវទាមទារទៅកាន់ជំនាន់ចុងក្រោយបង្អស់។ ក្រោយប្រើមុខងារនេះ វានឹងលោតឲ្យអ្នកចូលទៅកាន់ផ្ទាំង Activate iPhone/iPad សារជាថ្មី ដូចទៅម៉ាស៊ីនដែលទើបបកចេញពីប្រអប់ដូច្នោះដែរ។

ដើម្បី Reset បែបនេះ យើងចូលទៅកាន់ Settings > General > Reset និង Erase All Content and Settings។

៣.Reset Network Settings: ចាត់ការតែលើ Settings នៃបណ្ដាញ មានដូចជា Password WiFi, ប្រព័ន្ធតំណភ្ជាប់អ៊ីនធឺណិត និងមុខងារ Network មួយចំនួនទៀត មានក្នុងឧបករណ៍របស់យើង ត្រូវដំណើរការសារជាថ្មីទាំងស្រុង។ គេច្រើនប្រើមុខងារនេះ សម្រាប់ទូរសព្ទដែលជួបបញ្ហាភ្ជាប់ទៅ WiFi មិនជាប់ ឬបើកអ៊ីនធឺណិត 3G/4G មិនចេញជាដើម។

ចូលទៅកាន់ Settings > General > Reset > Reset Network Settings។

បញ្ជាក់ថារាល់ការអនុវត្តនេះ ករណីបើម៉ាស៊ីនអ្នកកំពុងស្ថិតក្នុងប្រព័ន្ធ Jailbreak ឬមាន Cydia ដាច់ខាតមិនត្រូវធ្វើនោះឡើយ ជៀសវាងការគាំងជាប់ត្រឹម Logo Apple ឬ iTunes។

អានអត្ថបទបន្ទាប់

ប្រភព៖ drfone ប្រែសម្រួល៖ កៅ រក្សា

វិធីទម្លាក់ពី iOS 11 មកកាន់ iOS 10.3.3 បើអ្នកកំពុងឈឺក្បាលនឹងបញ្ហា

ទោះបីជា iOS 11 ដាក់ឲ្យប្រើប្រាស់ក្នុងកំណែពេញលេញជាសាធារណៈក្ដី ប៉ុន្តែអ្នកប្រើប្រាស់មួយភាគធំកំពុងជួបបញ្ហា ក៏ដូចជាចន្លោះប្រហោងនូវមុខងារមួយចំនួន ជាពិសេសអ្នកប្រើប្រាស់ iPhone 5s។ Sabay ណែនាំពីវិធីទម្លាក់ (Downgrade) ពី iOS 11 មកកាន់ iOS 10.3.3 ស្របពេលដែល iOS ចាស់មួយនោះ Apple មិនទាន់បិទចោល Sever Downgrade។

+Backup ឯកសារ

ជាការពិតណាស់នៅពេលទម្លាក់ រាល់បណ្ដាឯកសារទាំងអស់នឹងត្រូវបាត់បង់ ម្ល៉ោះហើយអ្នកចាំបាច់ត្រូវ Backup ឯកសារពី iPhone ទាំងមូល ចូលទៅក្នុងកុំព្យូទ័របណ្ដោះអាសន្នសិន។

១.បើកកម្មវិធី iTunes លើកុំព្យូទ័រ > ដោតភ្ជាប់ជាមួយ iPhone

២.ក្រោយពេលស្គាល់ Device > ចុចយកពាក្យ Back Up Now (រួចធ្វើតាមការណែនាំ)

#ពេលទម្លាក់ Version ហើយ ចង់ទាញឯកសារត្រលប់មកវិញ សូមចុច Restore Backup... នៅក្បែរនោះ

+ទម្លាក់ពី iOS 11 មក iOS 10.3.3

១.បិទមុខងារ Find My iPhone ចេញពីឧបករណ៍សិន ចូលទៅ Settings > iCloud > Find My iPhone > ចុច Turn Off (ករណីបើមិនចាំ Password Apple ID កុំធ្វើការ Downgrade ឲ្យសោះ)

២.លើកុំព្យូទ័រ ចូលត្រង់តំណនេះ ដើម្បីទាញយកឯកសារទម្លាក់ IPSW ជំនាន់ iOS 10.3.3 > រើស Model ទៅតាមប្រភេទឧបករណ៍ ហើយចុច Download

៣.ក្រោយបាន File IPSW ហើយ សូមដោតទូរសព្ទទៅកុំព្យូទ័រ > បើក iTunes

៤.ចុចលើសញ្ញាឧបករណ៍នៅជ្រុងខាងលើ ចំហៀងខាងឆ្វេង

៥.ចុចឲ្យជាប់ Alt/Option លើ Mac ឬ Shift លើ Windows ហើយ Click លើពាក្យ Restore iPhone

៦.ទៅ Select យកឯកសារ IPSW ជំនាន់ iOS 10.3.3 ដែលបាន Download

៧.រង់ចាំប្រហែល ១០ ទៅ ១៥ នាទីឧបករណ៍នឹងដំណើរការ Downgrade ចប់។

ការ Downgrade នេះ ត្រូវអនុវត្តតាមជំហាននីមួយៗឲ្យបានជាក់ច្បាស់ ពិសេសបំផុតចំណុច Backup ឯកសារនិង Restore មកវិញ បន្ថែមនឹងកម្មវិធីជំនួយនិងទំហំប្រើប្រាស់អ៊ីនធឺណិតគ្រប់គ្រាន់ ជៀសវាងមានបញ្ហាដោយចៃដន្យណាមួយ អាចធ្វើឲ្យ iPhone/iPad ជាប់គាំងត្រឹមរូប iTunes។

iOS 11 Beta 6 មានអីថ្មីខ្លះ បានទាក់ចិត្តអ្នកគ្រប់គ្នា?

ក្រុមហ៊ុន Apple បានដាក់បង្ហាញកំណែសាកល្បងជំនាន់ទី ៦ នៃ iOS 11 ទៅកាន់ Developer។ កំណែក្រោយនេះ ឃើញមានការផ្លាស់ប្ដូរធំៗរួមមាន ផ្ទាំងកម្មវិធី App Store មានការរចនាថ្មី កាន់តែស្រស់ស្អាត និងផ្ទាំងកម្មវិធី Map ប្ដូរទៅជាគំនូសទីតាំងនៃការិយាល័យកណ្ដាល Apple ថ្មីវិញ។

មុខងារ Auto Brightness ត្រូវបានដកចេញពីក្នុង Display Settings ដោយរុញបញ្ចូលទៅក្នុងមុខងារ Accessibility វិញ ដែលរាងរញ៉េរញ៉ៃបន្តិច ប៉ុន្តែគេជឿជាក់ការបំពាក់អេក្រង់ OLED នឹងមានបច្ចេកវិទ្យាអ្វីម្យ៉ាង អាចសម្របនឹងមុខងារស្ថិរភាពពន្លឺនេះកាន់តែងាយស្រួល។ ក្រៅពីនោះសម្រាប់រូបត្រីរស់រវើក (Live Wallpaper) ត្រូវបានដកចេញ ប៉ុន្តែមានការវិវត្តនូវមុខងារ AirPlay និងភាពរស់រវើកនៃការ Connect ជាមួយ AirPods។

បន្ទាប់ពី Beta 6 ជាធម្មតានឹងឈានដល់ជំនាន់ Gold Master ដែលអាចចាប់ផ្ដើមនៅអំឡុងចុងខែសីហានេះ មុនឈានចូលដល់ជំនាន់ផ្លូវការ ជាមួយការដាក់បង្ហាញ iPhone 8។

ប្រភព៖ GSMarena ប្រែសម្រួល៖ កៅ រក្សា

មានអ្វីថ្មីខ្លះ នៅលើ iOS 11 Beta 4?

កន្លងទៅនេះ ក្រុមហ៊ុន Apple ទើបតែបានដាក់ឲ្យប្រើប្រាស់នូវកំណែសាកល្បង iOS 11 Beta 4។ សង្កេតឃើញមានការអាប់ដែតថ្មីៗជាច្រើន សម្រាប់ជំនាន់នៃប្រព័ន្ធប្រតិបត្តិនេះ រួមមាន:

-icon ថ្មី: Apple បានណែនាំឱ្យស្គាល់នូវការផ្លាស់ប្ដូររូបតំណាង icon ថ្មី នៃកម្មវិធី Contact, Note និង Reminder។ ប្តូរថ្មីទាំងការបង្ហាញលើ Home Screen ក៏ដូចជាខាងក្នុង Settings។

-វិវត្តថ្មីនៃ Notification Center: អ្នកអាចធ្វើការអូសផ្ទាំងព័ត៌មានកម្មវិធីណាមួយមកឆ្វេង នោះវានឹងលោតចេញនូវពាក្យ View និង Clear។ សម្រាប់ការចុច View លើប្រព័ន្ធប្រតិបត្តិថ្មី នឹងមានបន្ថែមការគាំទ្រនូវប្រព័ន្ធ Touch ID ដែលតម្រូវឱ្យអ្នកស្កេនក្រយៅដៃមុនបើកកម្មវិធីនោះបាន។

-ទំហំអង្គចងចាំ: ជាធម្មតារាល់ការចូលពិនិត្យមើលទំហំអង្គចងចាំម៉ាស៊ីនក្នុង Settings > About វានឹងបង្ហាញត្រឹមតែទំហំផ្ទុកមិនពេញលេញ ឧទាហរណ៍ដូចជាមានត្រឹម 11.5GB អីអ៊ីចឹង ប៉ុន្តែ iOS 11 Beta 4 នឹងប្តូរមកបង្ហាញនូវទំហំផ្ទុកពេញលេញ ស្របនឹងម៉ាស៊ីនមកពីនាយ ឧទារហណ៍ 64/128/256GB ជាដើម។

-បន្ថែម AirDrop ក្នុង Settings: ជាធម្មតាការបញ្ជាមុខងារ AirDrop យើងអាចប្រើបានតែនៅលើ Control Center មួយគត់ ប៉ុន្តែ iOS ថ្មី នឹងបន្ថែមមុខងារនេះ ចូលទៅក្នុងកម្មវិធី Settings ឲ្យមានភាពងាយស្រួលមួយបែបទៀត។

-មុខងារ Account & Password: មានការផ្លាស់ប្ដូរនូវ icon ថ្មី រូបទម្រង់ជាកូនសោសម្រាប់មុខងារ Account & Password ដែលមាននៅក្នុងកម្មវិធី Settings។

-WiFi icon: រូបតំណាងសញ្ញា WiFi ដែលមាននៅផ្នែកខាងឆ្វេង ផ្តើមច្បាស់ដិតជាងមុន។

-App Store: មុខងារថ្មី អាចធ្វើការ Refresh នៅផ្ទាំងអាប់ដែតកម្មវិធី ដែលមាននៅក្នុង App Store។

រីករាយទស្សនាវីដេអូខាងក្រោម:

https://youtu.be/gXYY5DNfs_8

ចេះ ៨ ចំណុចនេះ ប្រើ Safari លើ iOS កាន់តែងាយស្រួល

អ្នកនិយមប្រើប្រាស់ Safari សម្រាប់បើកគេហទំព័រប្រហែលជាអាចដឹង និងចេះប្រើប្រាស់មុខងារសំខាន់ៗដែលមានលើកម្មវិធីនេះ ដូចជាផ្លាស់ប្ដូរពណ៌ផ្ទៃខាងក្រោយ ឬរក្សាទុកទំព័រណាមួយជា PDF។ ប៉ុន្តែ Safari នៅមានមុខងារជាច្រើនផ្សេងទៀតដែលមិនសូវមានអ្នកដឹង ហើយខាងក្រោមនេះជាការបង្ហាញពីមុខងារទាំងនោះ។

១. លាក់គេហទំព័រដែលអ្នកមើលញឹកញាប់

Safari លើ iOS នឹងធ្វើការរក្សាទុកនូវគេហទំព័រដែលអ្នកចូលមើលច្រើនដងលើផ្ទាំង Frequently Visited (បង្ហាញនៅទំព័រដើមរបស់ Safari) ដើម្បីផ្ដល់ភាពងាយស្រួលដល់អ្នកក្នុងការចូលមើលលើកក្រោយ ហើយដើម្បីលាក់វាបាន គឺចូលទៅកាន់ Settings -> Safari -> បិទ Frequently Visited Sites។

២. គ្រប់គ្រងលើគេហទំព័រដែលអ្នកចូលចិត្ត

លើ Safari ទំព័រដើមវានឹងបង្ហាញពីរផ្ទាំង ដែលផ្នែកខាងលើគឺ គេហទំព័រដែលអ្នកចូលចិត្ត (Favorite) និងផ្នែកខាងក្រោមគឺ គេហទំព័រដែលអ្នកចូលមើលច្រើនដង។ អ្នកអាចគ្រប់គ្រង លើគេហទំព័រដែលអ្នកចូលចិត្តបានដោយចុចឲ្យជាប់លើ icon នៃគេហទំព័រណាមួយ រួចអ្នកនឹងអាចប្តូរទីតាំង លុប ឬកែប្រែបាន។

៣. ផ្លាស់ប្ដូរទំហំអក្សរ និងពណ៌ផ្ទៃខាងក្រោយ

អ្នកអាចផ្លាស់ប្ដូរទំហំអក្សរ និងពណ៌ផ្ទៃខាងក្រោយរបស់ទំព័រដើម្បិងាយស្រួលក្នុងការអាន ដោយអ្នកត្រូវការបើកនូវ Reader Mode ដែលត្រូវចុចលើ icon ខាងឆ្វេង Address bar (ប្រអប់ខាងលើសម្រាប់ស្វែងរក) ហើយអ្នកនឹងអាចផ្លាស់ប្ដូរអក្សរ និងពណ៌ផ្ទៃបាន។

៤. ស្វែងរកអក្សរលើទំព័រ

អ្នកអាចស្វែងរកអក្សរណាមួយលើទំព័រដែលអ្នកកំពុងមើល ដោយចុចលើប៊ូតុង Action ផ្នែកខាងក្រោម រួចចុចលើ Find on Page បន្ទាប់មកវាយអក្សរសម្រាប់ស្វែងរក។

៥. ដាក់គេហទំព័រលើ Home screen

អ្នកអាចដាក់គេហទំព័រណាមួយលើ Home screen ធ្វើដូចជាកម្មវិធីមួយដែរប៉ុន្តែវាជា shortcut ទេ។ អ្នកអាចចុចលើប៊ូតុង Action រួចចុចលើ Add to Home Screen បន្ទាប់មកអ្នកអាចប្ដូរឈ្មោះចំណងជើងរួចចុច Add។

៦. រក្សាទុកទំព័រជា PDF

អ្នកអាចរក្សាទុកទំព័រជា PDF ដោយចុចលើប៊ូតុង Action រួចអូសនូវជួរកម្មវិធីខាងលើ អ្នកនឹងឃើញ Save PDF to iBooks បន្ទាប់មកអ្នកនឹងអាចមើលទំព័រនោះជាទម្រង់ PDF លើ iBooks បាន។

៧. បិទ tabs លើ iOS device ផ្សេងទៀត

អ្នកអាចបិទ tabs ណាមួយនៅលើ Safari ពីឧបករណ៍ផ្សេងទៀតបាននៅពេលអ្នកភ្ជាប់ iCloud-connected devices។

៨. ប្រើប្រាស់ Spotlight លើ Safari
អ្នកអាចចុចឲ្យជាប់លើពាក្យណាមួយ រួចវានឹងបង្ហាញជម្រើសមួយចំនួន បន្ទាប់មកចុចលើ Look Up នៅពេលចុច Look Up វានឹងបង្ហាញផ្ទាំងថ្មីមួយទៀត ដែលបង្ហាញពីនិយមន័យ ឬអត្ថបទផ្សេងៗ ដោយមិនចាំបាច់បិទ Safari៕

iPhone ជាប់ Lock ក្រៅប្រទេស អាចដោះបានយ៉ាងងាយ

ទូរសព្ទ iPhone ជាប់ Lock ក្រៅប្រទេស ត្រូវដោះស្រាយរបៀបណា? នេះជាចម្ងល់ថ្មីមួយទៀតដែលប្រិយមិត្តបានសាកសួរមកក្រុមការងារ Sabay Tech។ មានវីធីពីរយ៉ាងជាដំណោះស្រាយ នេះតាមបទពិសោធន៍ដែល Sabay ធ្លាប់អនុវត្តកន្លងមក។

១.វិធីដោះ (Unlock iPhone) តាមរយៈវិបសាយបរទេស

Sabay ស្គាល់គេហទំព័រមួយ http://ifoneunlock.com ដែលមានផ្តល់សេវា Unlock ទូរសព្ទជាប់កូដក្រៅប្រទេសមិនថាតែ iPhone និងពពួក Android មួយចំនួន។ ប៉ុន្តែអ្នកត្រូវធ្វើការជាប់កាតធនាគារជាមួយគេហទំព័រនោះ ហើយសូមធ្វើការអានបញ្ជាក់គ្រប់លក្ខខណ្ឌជាមុន បើចង់សាកល្បងដោះដោយខ្លួនឯង។

- ចូលទៅគេហទំព័រ http://ifoneunlock.com/imei/productsandservices.html
- ឆែកមើលមួយតង់សិន ដើម្បីដឹងថា iPhone ជាប់ Lock របស់ក្រុមហ៊ុនណា
- ចុចត្រង់ពាក្យ GSX Check iPhone and iPad (Full Report) ដោយវាមានសេវាយឺតនិងលឿនឆ្លើយតបមកអ្នកវិញ

- ក្រោយដឹងជាប់ Lock ក្រុមហ៊ុនណាហើយ (ឧទាហរណ៍: AT&T របស់អាមេរិក)
- ចុចលើប្រភេទ USA Networks ហើយរើសយករយៈពេលដោះណាមួយ ដែលអ្នកគិតថាស័ក្ដិសមទទួលយកបាន ព្រោះបើកាន់តែលឿន វាកាន់តែថ្លៃ

(*បញ្ជាក់:កន្លែងបញ្ចប់កន្ទុយ Clean មិនអាចដោះបានទេ តម្លៃដោះស្តង់ដារលើសពី ១០ ដុល្លារឡើងទៅ)

- សូមអាននិងបំពេញតាមលក្ខខណ្ឌបែបបទឱ្យបានត្រឹមត្រូវមុនធ្វើការដោះ

២.ការប្រើទ្រនាប់ជើងស៊ីម

តាមតម្លៃដោះរបស់ក្រុមហ៊ុនខ្លះ មានថ្លៃដល់ខ្ទង់ជាង ១០០ ដុល្លារឯណោះ កត្តានេះហើយជំរុញឱ្យអ្នកប្រើដែលខ្វះខាតថវិកាត្រូវបង្ខំចិត្តប្រើប្រាស់ទ្រនាប់ជើងស៊ីម ដោយនៅតាមហាងជួសជុលទូរសព្ទរមែងមានលក់ ដោយតម្លៃខ្ទង់ ១៥ ទៅ ៣០ ដុល្លារ។ យើងអាចប្រើប្រាស់បានដូចទូរសព្ទ Unlock អ៊ីចឹងដែរ ឆែកលុយបាន ប្រើអ៊ីនធឺណិតបាន ប៉ុន្តែរឿងសេវារាងអន់បន្តិចទៀតសោត។ ការដោះដូរស៊ីមអាចជាជួបបញ្ហាបន្តិចបន្តួច។

សរុបមកសម្រាប់ដំណោះស្រាយបង្ហាញនេះ គ្រាន់តែជាបទពិសោធន៍ផ្ទាល់ខ្លួនបន្តិចបន្តួចរបស់ Sabay ប៉ុណ្ណោះ ហើយបើប្រិយមិត្តមានចម្ងល់ឆ្ងល់ត្រង់ណា ឫទាក់ទងបញ្ហាផ្សេងទៀត សូមធ្វើការ Comment នៅខាងក្រោម។

ទម្លាក់ iOS 11 មានបញ្ហាជាប់គាំងត្រឹមរូប iTunes នេះវិធីដោះស្រាយ

Sabay បានទទួលសំណួរពីប្រិយមិត្តជុំវិញ iPhone នៅពេលដែលទម្លាក់ (Downgrade) ពី iOS 11 Beta មកវិញ ជាប់គាំងត្រឹមរូប iTunes តើគួរធ្វើបែបណា? ចម្បងជាដើមចោទនៃបញ្ហានោះ គឺមាន ២ រវាង Software និង Hardware។

+ការដោះស្រាយតាមរយៈ Software

- ត្រូវប្រាកដចិត្តថាកម្មវិធី iTunes របស់អ្នកជាជំនាន់ចុងក្រោយបង្អស់ (ចុចទាញយក iTunes នៅត្រង់នេះ
- ទម្លាក់ដោយប្រើប្រាស់កំណែ Firmware នៃ iOS 10.3.2 ព្រោះ iOS 10.3.1 ក្រុមហ៊ុន Apple បានផ្អាកចោលហើយ (ទាញយក Firmware នៅត្រង់នេះ
- ករណីបើជាប់ត្រឹម iTunes ឫហៅថាមុខងារ Recovery Mode អ្នកអាចសាកល្បងប្ដូរមកកាន់មុខងារ DFU Mode វិញ ដោយចុច Home + Power ដល់ងងឹតអេក្រង់ ហើយចុចម្ដងទៀតប្រមាណ ៥ វិនាទី ដកដៃពីប៊ូតុង Power រក្សាម្រាមដៃលើប៊ូតុង Home ដល់ងងឹតអេក្រង់ឈឹង (សម្រាប់ iPhone 5s ដល់ iPhone 6s) ឫចុច Volume Down + Power ដល់ងងឹតអេក្រង់ ហើយចុចម្ដងទៀតប្រមាណ ៥ វិនាទី ដកដៃពីប៊ូតុង Power រក្សាម្រាមដៃលើប៊ូតុង Volume Down ដល់ងងឹតអេក្រង់ឈឹង (សម្រាប់ iPhone 7/7 Plus) សឹម Downgrade សារជាថ្មី

*បញ្ជាក់: បើករណីធ្វើបែបនេះហើយនៅតែមិនបានលទ្ធផលទៀត សូមសាកល្បងតាមជំហានបន្ទាប់

+ការដោះស្រាយតាមរយៈ Hardware

- តាមបទពិសោធន៍របស់ Sabay ផ្ទាល់ ជួនកាលអាចមកពីខ្សែ USB ដែលយើងប្រើនៅពេល Downgrade នោះដែរ ម្ល៉ោះហើយបើអាចសូមសាកល្បងដូរខ្សែ (គួរប្រើខ្សែ Original) ហើយ Downgrade ម្ដងទៀត
- វិធីចុងក្រោយ សូមពិនិត្យមើល Code Error លើកុំព្យូទ័រ នៅពេលដែលវាដំណើរការបានមួយភ្លែត មុននឹងលោតចូលផ្ទាំងរូប iTunes (ឧទាហរណ៍: Error 1,3,10,12,1002,1004,1011 ជាដើម)

ឆែកត្រង់នេះ បង្ហាញពី Error កូដណាជាបញ្ហា Software ឫ Hardware។

ភាគច្រើន iPhone ដែលជួបបញ្ហាគាំងត្រឹមរូប iTunes អាចដោះស្រាយដោយជោគជ័យតាមរយៈដំណោះស្រាយ Software តែបើអ្នកជួបបញ្ហា Hardware អ្នកមិនអាចធ្វើដោយខ្លួនឯងបាននោះទេ ម្ល៉ោះហើយមានតែទៅរកជាងជួសជុលដើម្បីពិភាក្សាបញ្ហានេះ។

ទម្លាក់ប្រព័ន្ធ iOS 11 មកជំំនាន់ 10 វិញនៅពេលនេះ តាមវិធីនេះ កុំឲ្យយឺតពេល

មកទល់ពេលឃើញថា ប្រព័ន្ធប្រតិបត្តិការ iOS ជំនាន់ 11 មានបញ្ហា និងកំហុសឆ្គងជាច្រើននៅលើវា បណ្ដាលឲ្យអ្នកដែលកំពុងប្រើប្រាស់វា ចង់ប្ដូរទៅប្រព័ន្ធ iOS ជំនាន់ 10 វិញ។ គួរបញ្ជាក់ថា ការទម្លាក់ជំនាន់ iOS 11 មកជំនាន់ 10 វិញ គឺមានពេលវេលាកំណត់ ពីព្រោះ នៅពេលដែលក្រុមហ៊ុន Apple បញ្ចេញកំណែ iOS 11 ផ្លូវការហើយ នោះលោកអ្នកនឹងលែងអាច ទម្លាក់មកជំនាន់ក្រោមវិញបានជាដាច់ខាត។

ដូចនេះ បើប្រិយមិត្តសម្រេចចិត្តផ្លាស់មកប្រើប្រព័ន្ធ iOS 10 នៅពេលនេះវិញ អាចទាន់ពេល ដោយអនុវត្តតាមវិធីខាងក្រោម៖

#តម្រូវការអនុវត្ត៖

- កុំព្យូទ័រដែលមានភ្ជាប់ជាមួយបណ្ដាញអ៊ិនធើណែតតាមប្រព័ន្ធ Wi-Fi
- ដំឡើងកម្មវិធី iTunes នៅលើកុំព្យូទ័រ
- បិទមុខងារ Find My iPhone នៅលើ iPhone/iPad

#របៀបអនុវត្ត៖

១) ចុចលើប៊ូតុង Power ឲ្យជាប់រហូតលោតចេញ Slide to power off បន្ទាប់មក ទាញទៅស្ដាំ ដើម្បីធ្វើការបិទ iPhone/iPad
២) បើកកម្មវិធី iTunes នៅលើកុំព្យូទ័រ បន្ទាប់មក ដោតភ្ជាប់ជាមួយ iPhone
ស្របពេលនោះ ត្រូវចុចឲ្យជាប់ត្រង់ប៊ូតុង Home រហូតលោតសញ្ញា iTunes ចាំដកដៃចេញ
៣) នៅលើកម្មវិធី iTunes សូមចុចលើប៊ូតុង Cancel
៤) ចុចឲ្យជាប់ត្រង់ប៊ូតុង Shift នៅលើក្ដាចុចកុំព្យូទ័រ ស្របពេលចុចលើប៊ូតុង Update នៅលើ iTunes
៥) ស្វែងរក ឯកសារប្រព័ន្ធ iOS 10 សម្រាប់ iPhone/iPad បន្ទាប់មក ចុចលើប៊ូតុង Open ជាការស្រេច៕

សូមទស្សនាជាវីដេអូ៖

ភាពខុសគ្នាផ្ទៃកម្មវិធីមួយចំនួន រវាង iOS 10 និង iOS 11 (ចុចអានអ្នកប្រើ iPhone)

ក្រុមហ៊ុន Apple បានប្រកាសបង្ហាញនូវប្រព័ន្ធប្រតិបត្តិ iOS 11 ជាសាធារណៈ មុនឈានដល់ការប្រើប្រាស់ផ្លូវការនាខែកញ្ញា។ Sabay នឹងបង្ហាញអ្នកទាំងអស់គ្នាដោយប្រៀបធៀបនៃផ្ទៃកម្មវិធីមួយចំនួនរវាងជំនាន់ចាស់ iOS 10 (នៅខាងស្តាំ) និងជំនាន់ថ្មី iOS 11 **(នៅខាងឆ្វេង)**។

១.ផ្ទៃ Homescreen:

សម្រាប់ផ្ទៃ Homescreen នៃ iOS ជំនាន់ថ្មី សង្កេតត្រង់ទីតាំងសេវា មានការផ្លាស់ប្ដូរពីរាងរង្វង់មករាងកាំជណ្ដើរស្រស់ស្អាតប្លែកពីមុន។ ចំណែកឯពុម្ពអក្សរជាប្រភេទជំនាន់ថ្មី ដែលរចនាឡើងសម្រាប់ប្រឆាំងបានទៅនឹងផ្ទៃក្រោយ (Background) ដែលជះពន្លឺខ្លាំង។

២.ផ្ទៃ Control Center:

សូមនិយាយថាពេញចិត្តជាខ្លាំងសម្រាប់ Control Center នៅលើ iOS 11 ព្រោះវាបានរចនាបញ្ចូលនូវមុខងារបើកបិទអ៊ីនធឺណិត ដែលអ្នកប្រើ iOS រង់ចាំជិត ១០ ឆ្នាំមកហើយ។ ក្រៅពីនោះមុខងារដំឡើងនិងបន្ថយសម្លេង ក៏ដូចជាពន្លឺមានការផ្លាស់ប្ដូរថ្មី ហើយបន្ថែមមុខងារពិសេសដូចជាការ Record Screen ជាដើម។

៣.ការរចនា Control Center:

នេះមិនខុសពី iPhone ដែលទើប Jailbrak ហើយនោះទេ ព្រោះ iOS 11 អាចអនុញ្ញាតឱ្យអ្នកធ្វើការកំណត់ ថាតើគួរបញ្ចូលកម្មវិធីណាខ្លះទៅក្នុងផ្ទៃ Control Center?

៤.កម្មវិធី App Store:

App Store នៅលើ iOS 11 មានការផ្លាស់ប្តូរច្រើន ទាំងផ្ទៃបង្ហាញខាងក្នុង និងប្រភេទជម្រើសថ្មីរួមមាន Today, Games និង Apps ដែលនេះផ្តល់ភាពងាយស្រួល សម្រាប់អ្នកប្រើប្រាស់ក្នុងការស្វែងរកនូវអ្វីដែលខ្លួនចង់បានលឿនជាងមុន។

៥.កម្មវិធី Settings:

ចំណុចផ្លាស់ប្តូរ ២ រួមមានពាក្យ Settings មានទំហំធំជាងមុន និងប្រអប់ Search មានការរចនាស៊ីវិល័យស្រស់ស្អាតជាងមុន ចំណុចខាងក្នុងផ្សេងទៀត យើងមិនទាន់ដឹងច្បាស់នៅឡើយ។

៦.Camera Filter:

ត្រង់ទីតាំងផ្លាស់ប្តូរ Filter នៃកាមេរ៉ាថតរូប លើ iOS ចាស់ជាលក្ខណៈផ្ទាំងរូបធំមួយៗ ប៉ុន្តែ iOS 11 ជំនាន់ថ្មី យើងគ្រាន់តែអូសទាញទៅវិញទៅមកជាការស្រេច។

៧.កន្លែងចុច Call:

ត្រង់កន្លែងចុចវាយលេខ Call ចេញរបស់ iOS 11 ពិតជាស្រស់ស្អាតជាងមុនឆ្ងាយ ដោយមានការរចនាថ្មីទាំងស្រុង គ្រាន់ក្រឡេកមើលស្មាតហ្វូនយើងនឹងសម្គាល់បាន ថាវាប្រើប្រាស់ iOS ជំនាន់ណា?

៨.កម្មវិធីគិតលេខ:

Calculator កម្មវិធីគិតលេខនៅលើ iOS 11 បានប្តូរតួលេខនីមួយៗ ពីប្រអប់ជ្រុងមកជារាងរង្វង់មូលដ៏ស្រស់ស្អាតវិញ។

៩.ទីតាំង Storage:

ទីតាំងឆែកមើលអង្គផ្ទុកទិន្នន័យ Storage នៅលើ iOS 11 ក៏មានការផ្លាស់ប្តូរដូចគ្នា ដោយវាបញ្ចូលនូវមុខងារច្រើនជាងមុន ដែលផ្តល់ភាពងាយស្រួលបន្ថែមដល់អ្នកប្រើប្រាស់។

១០.កម្មវិធី Calendar:

ប្រតិទិនឫ Calendar នៅលើ iOS 11 បានប្តូរពណ៌អក្សរនៃខែ ពីពណ៌ក្រហមមកជាពណ៌ខ្មៅ ហើយទំហំលេខច្បាស់ដិតជាងមុន។

បញ្ជាក់រាល់ចំណុចខាងលើ គឺមិនបង្ហាញពីមុខងារថ្មីទាំងស្រុងលើ iOS 11 នោះទេ គ្រាន់ Sabay លើកយកនូវចំណុចពិសេសៗ រីឯមុខងារជាច្រើនទៀត នឹងបង្ហាញនៅពេលក្រោយ។

ភាពខុសគ្នាផ្ទៃកម្មវិធីមួយចំនួន រវាង iOS 10 និង iOS 11

១.ផ្ទៃ Homescreen:

Calculator កម្មវិធីគិតលេខនៅលើ iOS 11 បានប្តូរតួលេខនីមួយៗ ពីប្រអប់ជ្រុងមកជារាងរង្វង់មូលដ៏ស្រស់ស្អាតវិញ។
៩.ទីតាំង Storage:
ទីតាំងឆែកមើលអង្គផ្ទុកទិន្នន័យ Storage នៅលើ iOS 11 ក៏មានការផ្លាស់ប្តូរដូចគ្នា ដោយវាបញ្ចូលនូវមុខងារច្រើនជាងមុន ដែលផ្តល់ភាពងាយស្រួលបន្ថែមដល់អ្នកប្រើប្រាស់។
១០.កម្មវិធី Calendar:

ប្រតិទិនឫ Calendar នៅលើ iOS 11 បានប្តូរពណ៌អក្សរនៃខែ ពីពណ៌ក្រហមមកជាពណ៌ខ្មៅ ហើយទំហំលេខច្បាស់ដិតជាងមុន។
បញ្ជាក់រាល់ចំណុចខាងលើ គឺមិនបង្ហាញពីមុខងារថ្មីទាំងស្រុងលើ iOS 11 នោះទេ គ្រាន់ Sabay លើកយកនូវចំណុចពិសេសៗ រីឯមុខងារជាច្រើនទៀត នឹងបង្ហាញនៅពេលក្រោយ។

ទូរសព្ទ iPhone ជាប់ Jailbreak បើហ៊ានធ្វើបែបនេះ ប្រយ័ត្នគាំងទូរសព្ទឥតអំពើ!

ជាការពិតណាស់បច្ចុប្បន្នមានអ្នកប្រើប្រាស់ iPhone មួយចំនួន ពិតជាមិនអាចរំលងបានឡើយក្នុងការ Jailbreak ទូរសព្ទរបស់ពួកគេ ដើម្បីទទួលបានកម្មវិធី Cydia។ ក្នុងនោះប្រិយមិត្តជាច្រើន អាចមិនដឹងនោះទេ ការដែលមាន Cydia ហើយបានធ្វើរឿងមួយនៅលើ iPhone នោះ នឹងជួបបញ្ហា ហើយជួនកាលអាចតម្រូវឱ្យយកទៅជាងជួសជុលអស់លុយទទេលេងក៏ថាបាន។

នៅពេលដែល iPhone របស់អ្នកមានកម្មវិធី Cydia សូមកុំឱ្យសោះ ចុច Reset All Setting និង Erase All Content Setting ព្រោះករណីបើធ្វើបែបនោះ ម៉ាស៊ីននឹងគាំងជាប់ត្រឹម Logo Apple ហើយបញ្ហាចាំបាច់បំផុត ជាធម្មតាបើអ្នកត្រឹមធ្វើការ Reset All Settings នៅលើម៉ាស៊ីនដែលពុំមាន Cydia នោះវានឹងមិនបាត់ឯកសារទេ។ ផ្ទុយទៅវិញបើមាន Cydia ដូចបានរៀបរាប់ខាងលើ ឯកសារទាំងអស់រួមមានរូបថត បញ្ជីឈ្មោះទូរសព្ទនឹងត្រូវបាត់បង់ទាំងស្រុង។

បញ្ហាមួយទៀត ម៉ាស៊ីននឹងតម្រូវឱ្យ Restore ទៅកាន់ iOS ជំនាន់ក្រោយតែម្ដង ម្ល៉ោះហើយប្រព័ន្ធ Jailbreak នឹងត្រូវបានផ្ដាច់ចោល ព្រោះជាទូទៅ iOS ជំនាន់ក្រោយបង្អស់របស់ Apple ពុំបានអនុញ្ញាតឱ្យមានការ Jailbreak បានឡើយ។

iPhone ជាប់គាំង ភ្លេចលេខកូដមុខអេក្រង់ អាចសាកល្បងវិធីនេះ មិនបាច់អស់លុយ!

ជឿជាក់ថាអ្នកមាន iPhone រមែងដាក់ Passcode នៅលើអេក្រង់ដើម្បីបង្កើនសុវត្ថិភាពប្រើប្រាស់។ ដោយឡែកបើភ្លេចឫជាប់គាំងដោយប្រការណាមួយ ច្បាស់កើតកង្វល់ហើយចុងក្រោយរត់ទៅរកជាងមិនខាន។

តាមពិតមានវិធីដោះស្រាយបញ្ហាទាំងនោះ គឺងាយៗមែនទែន ឱ្យតែអ្នកមានកុំព្យូទ័រមួយនៅផ្ទះជាការស្រេចបាត់ទៅហើយ។

នេះវិធី Restore ទូរសព្ទ iPhone នៅពេលជាប់គាំងឫភ្លេចកូដសម្ងាត់។

ត្រូវ Install កម្មវិធី iTunes នៅលើកុំព្យូទ័រជាមុនសិន ចុចតំណភ្ជាប់នេះ។

បើកកម្មវិធី iTunes

ដោត iPhone ទៅក្នុងកុំព្យូទ័រ រួចដាក់ iPhone ទៅក្នុងមុខងារ DFU Mode (ចុច Home + Power ឱ្យជាប់ប្រហែល ៥ វិនាទីដល់រលត់អេក្រង់ហើយដកម្រាមដៃពីប៊ូតុង Power ដោយរក្សាម្រាមដៃចុចឱ្យជាប់លើប៊ូតុង Home ប្រហែល ៥ វិនាទីទៀតដល់អេក្រង់ងងឹតឈឹងតែម្ដង) សម្រាប់ iPhone 4/5/6។ (ចុច Volume Down + Power ឱ្យជាប់ប្រហែល ៥ វិនាទីដល់រលត់អេក្រង់ហើយដកម្រាមដៃពីប៊ូតុង Power ដោយរក្សាម្រាមដៃចុចឱ្យជាប់លើប៊ូតុង Volume Down ប្រហែល ៥ វិនាទីទៀតដល់អេក្រង់ងងឹតឈឹងតែម្តង) សម្រាប់ iPhone 7/7 Plus។

ភ្លាមនឹងឃើញលោតផ្ទាំងមួយ ហើយសូមចុច OK
ចុចយកពាក្យ Restore iPhone

យកពាក្យ Restore and Update
លោតផ្ទាំងមួយទៀតចុចពាក្យ Next > Agree

ពេលនោះអ្នកនឹងឃើញកំណែ Firmware iOS ជំនាន់ចុងក្រោយបង្អស់កំពុងលោតដំណើរការ
ក្រោយពេលដំណើរការចាប់ iPhone នឹងធ្វើការ Restore ដោយស្វ័យប្រវត្តិតែម្តង។

ករណីបើប្រិយមិត្តជួបបញ្ហា ឫមានចម្ងល់ត្រង់ណាមួយ ដែលមិនច្បាស់ អាចផ្ដល់សំណួរតាមរយៈប្រអប់ Comment ខាងក្រោម Sabay នឹងឆ្លើយតបតាមដែលអាចធ្វើទៅបាន។

Khmer Techno Innovation

Thursday, January 11, 2018

កុំច្រឡំគ្នាឲ្យសោះ ការ Reset ខុសៗគ្នា លើ iPhone

Tuesday, September 26, 2017

វិធីទម្លាក់ពី iOS 11 មកកាន់ iOS 10.3.3 បើអ្នកកំពុងឈឺក្បាលនឹងបញ្ហា

Tuesday, August 15, 2017

iOS 11 Beta 6 មានអីថ្មីខ្លះ បានទាក់ចិត្តអ្នកគ្រប់គ្នា?

Tuesday, July 25, 2017

មានអ្វីថ្មីខ្លះ នៅលើ iOS 11 Beta 4?

Sunday, July 23, 2017

ចេះ ៨ ចំណុចនេះ ប្រើ Safari លើ iOS កាន់តែងាយស្រួល

Thursday, July 13, 2017

iPhone ជាប់ Lock ក្រៅប្រទេស អាចដោះបានយ៉ាងងាយ

Friday, July 7, 2017

ទម្លាក់ iOS 11 មានបញ្ហាជាប់គាំងត្រឹមរូប iTunes នេះវិធីដោះស្រាយ

Tuesday, June 20, 2017

ទម្លាក់ប្រព័ន្ធ iOS 11 មកជំំនាន់ 10 វិញនៅពេលនេះ តាមវិធីនេះ កុំឲ្យយឺតពេល

Tuesday, June 13, 2017

ភាពខុសគ្នាផ្ទៃកម្មវិធីមួយចំនួន រវាង iOS 10 និង iOS 11 (ចុចអានអ្នកប្រើ iPhone)

Wednesday, June 7, 2017

ភាពខុសគ្នាផ្ទៃកម្មវិធីមួយចំនួន រវាង iOS 10 និង iOS 11

Sunday, May 21, 2017

ទូរសព្ទ iPhone ជាប់ Jailbreak បើហ៊ានធ្វើបែបនេះ ប្រយ័ត្នគាំងទូរសព្ទឥតអំពើ!

Tuesday, April 18, 2017

iPhone ជាប់គាំង ភ្លេចលេខកូដមុខអេក្រង់ អាចសាកល្បងវិធីនេះ មិនបាច់អស់លុយ!

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels

Thursday, January 11, 2018

Tuesday, September 26, 2017

Tuesday, August 15, 2017

Tuesday, July 25, 2017

Sunday, July 23, 2017

Thursday, July 13, 2017

Friday, July 7, 2017

Tuesday, June 20, 2017

Tuesday, June 13, 2017

ភាព​ខុស​គ្នា​ផ្ទៃ​កម្មវិធី​មួយ​ចំនួន​ រវាង iOS 10 និង​ iOS 11 (​ចុច​អាន​អ្នក​ប្រើ iPhone)

Wednesday, June 7, 2017

Sunday, May 21, 2017

Tuesday, April 18, 2017

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

ភាពខុសគ្នាផ្ទៃកម្មវិធីមួយចំនួន រវាង iOS 10 និង iOS 11 (ចុចអានអ្នកប្រើ iPhone)