Khmer Techno Innovation: សន្ទានុក្រម

Showing posts with label សន្ទានុក្រម. Show all posts

Wednesday, July 12, 2017

អ្វីទៅ VOIP

មុនណែនាំឱ្យប្រិយមិត្តស្គាល់នូវពាក្យ VoIP Sabay សូមបង្ហាញពីនិយមន័យរបស់ពាក្យ Internet Protocol ជាមុនសិន។ IP ឫ Internet Protocol មានន័យថាជាមធ្យោបាយនៃការផ្ញើទិន្នន័យពីកុំព្យូទ័រមួយទៅកុំព្យូទ័រមួយទៀត លើប្រព័ន្ធអ៊ីនធឺណិត។

កុំព្យូទ័រមួយ យ៉ាងហោចណាស់ត្រូវមាន IP Adress មួយ ដើម្បីសម្គាល់ពីអត្តសញ្ញាណរបស់វានៅលើអ៊ីនធឺណិត។

ចំណែកឯពាក្យ VoIP ដែលមានពាក្យពេញ Voice over Internet Protocol ជាប្រភេទនៃផ្នែក Hardware ឬ Software ដែលអនុញ្ញាតឱ្យយើងអាចប្រើប្រាស់អ៊ីនធឺណិតក្នុងការបញ្ជូនសំឡេងទំនាក់ទំនងគ្នា ដោយឆ្លងកាត់តាម IP (Internet Protocol) ហើយទិន្នន័យធ្លាក់ចូលទៅក្នុងបណ្ដាញព័ត៌មានអេឡិចត្រូនិក Packet។

អត្ថប្រយោជន៍របស់វា គឺល្អសម្រាប់អ្នកដែលមិនចង់ចំណាយលុយច្រើនលើការទាក់ទងគ្នាដោយប្រើប្រាស់ប្រព័ន្ធសេវាទូរសព្ទ ផ្ទុយទៅវិញប្រើប្រាស់កម្មវិធីមួយចំនួនដូចជា CoolTalk និង NetMeeting ហើយវាមិនកាត់លុយចេញពីស៊ីមទូរសព្ទនោះទេ ផ្ទុយទៅវិញផ្អែកលើទំហំចំណាយប្រើប្រាស់អ៊ីនធឺណិតរបស់អ្នក។

(បញ្ជាក់: កម្មវិធីខ្លះ មានតម្រូវឱ្យបង់លុយប្រចាំខែឫឆ្នាំ ក្នុងការប្រើប្រាស់)

ឯកសារ APK និងវិធីដំឡើងងាយៗ

បើអ្នកកំពុងប្រើប្រាស់ស្មាតហ្វូន Android ប្រាកដជាធ្លាប់បានឮពាក្យថា APK ប៉ុន្តែអ្នកអាចមិនយល់ច្បាស់អំពីវានោះឡើយ។ Sabay បង្ហាញអ្នកទាំងអស់គ្នា តើអ្វីទៅជាឯកសារ APK ចុះរបៀបទាញយកនិងដំឡើងវា ត្រូវធ្វើបែបណាខ្លះ?

+អ្វីទៅជាឯកសារ APK?
មិនខុសពីប្រព័ន្ធ Windows របស់កុំព្យូទ័រនោះទេ ដែលនៅពេលអ្នកដំឡើងកម្មវិធីហ្គេម វាជាប្រភេទឯកសារ .exe ដោយឡែក Android ក៏ដូចគ្នា ប៉ុន្តែវាប្រើប្រាស់នៅឯកសារ .apk ដែលពាក្យពេញរបស់វាគឺ Android Package Kit។
ជាទូទៅបើស្មាតហ្វូន Android របស់អ្នកមានកម្មវិធី Google Play Store នោះរាល់បណ្ដាឯកសារ APK ទាំងអស់នឹងមានដាក់ឱ្យទាញយកបាននៅក្នុងនោះ ប៉ុន្តែក៏មានប្រភេទឯកសារមួយចំនួនដែលលួចចម្លងពីម្ចាស់ដើមដោយគ្មានសេចក្ដីអនុញ្ញាត ដោយរមែងបង្ហោះចែកចាយនៅលើគេហទំព័រ ដែលនេះហើយគ្រប់គ្នាត្រូវប្រយ័ត្ន ព្រោះវាជាឯកសារមិនស្របច្បាប់និងគ្មានប្រព័ន្ធសុវត្ថិភាពច្បាស់ជាក់លាក់នោះទេ។

+វិធីទាញយកឯកសារ APK តាមរយៈកុំព្យូទ័រទៅដាក់លើស្មាតហ្វូន

មិនខុសពីការលើកឡើងខាងលើ ឯកសារ APK រាប់សិបលាន ត្រូវបានបង្ហោះចែកចាយជុំវិញប្រព័ន្ធអ៊ីនធឺណិត ដោយឯកសារខ្លះក៏បានបង្កប់នូវមេរោគដែលអាចជ្រៀតចូលទៅបំផ្លាញទិន្នន័យលើស្មាតហ្វូនរបស់អ្នក បានដោយមិនដឹងខ្លួន។ ម្ល៉ោះហើយយើងសូមណែនាំគេហទំព័រដែលមានសុវត្ថិភាព អាចអនុញ្ញាតឱ្យអ្នកទាញយកឯកសារ APK ដោយមានទំនុកចិត្តខ្ពស់គឺ APK Mirror **(http://www.apkmirror.com/)**។

-ចូលទៅកាន់គេហទំព័រខាងលើ ហើយចុចស្វែងរកនូវឯកសារ APK ណាមួយដែលចង់បាន
-លើស្មាតហ្វូនចុចចូល Settings > Security > ធិកលើពាក្យ Unkown Sources ដើម្បីអនុញ្ញាតឱ្យអ្នកអាចដំឡើងកម្មវិធីដែលទាញយកប្រភពផ្សេងខុសពី Google Play Store
-ក្រោយមកសូមធ្វើការទាញយកកម្មវិធី ES File Explorer ពី Play Store សិនក៏បាន ដើម្បីងាយស្រួលក្នុងការរកឯកសារ APK ក្នុងម៉ាស៊ីនទូរសព្ទ (ករណីមានកម្មវិធី My File លើស្មាតហ្វូនស្រាប់ មិនបាច់ដំឡើងក៏បាន)
-ធ្វើការ Copy ផ្ទេររាល់ឯកសារ APK ដែលទាញយកបាននៅលើកុំព្យូទ័រ មកដាក់ស្មាតហ្វូនតាមរយៈ Drive របស់ស្មាតហ្វូន Android អ្នក ដែលលេចចេញក្នុង My Computer
-Copy ដាក់ទីតាំងណាមួយក៏បាន ក្រោយមកបើកកម្មវិធី ES File Explorer នៅលើស្មាតហ្វូន ហើយរាល់ឯកសារ APK ដែលយើងបានផ្ទេរចូល រួចចុច Install ធម្មតា ជាការស្រេច។

+វិធីទាញយកឯកសារ APK តាមរយៈស្មាតហ្វូនផ្ទាល់:

-ចុចបើកកម្មវិធីអ៊ីនធឺណិតឫ Browser ណាមួយ
-ចុចចូលគេហទំព័រ APK Mirror ឫគេហទំព័រផ្សេងក៏បាន (ឱ្យតែមានប្រភពជាក់លាក់)
-ស្វែងរកកម្មវិធីដែលចង់បាន > Download
-ចូលមើលកម្មវិធី My File > ត្រង់ Folder (Downloads) > បើករកមើលកម្មវិធីដែលអ្នកបានទាញយក>ធ្វើការ Install ជាធម្មតា។

CPU, GPU, Chipset លើស្មាតហ្វូនជាអ្វី?

ជាទូទៅបើយើងនិយាយពីពាក្យ CPU, GPU និង Chipset ប្រិយមិត្តអ្នកប្រើប្រាស់ស្មាតហ្វូនមួយចំនួន ប្រាកដជាធ្លាប់បានឮ? ប៉ុន្តែ Sabay ជឿថាប្រិយមិត្តមិនច្រើនទេដែលដឹង តើពួកវាជាអ្វី ហើយផ្ដល់អត្ថប្រយោជន៍អ្វីខ្លះ ក្នុងការផ្គុំភ្ជាប់ដើម្បីបង្កើតបានស្មាតហ្វូនមួយគ្រឿងៗ?

អ្វីទៅជា CPU?

CPU ឫហៅថា Central Processing Unit ជាអង្គដំណើរការផ្នែកគ្រឿងសៀគ្វីអេឡិចត្រូនិកមួយ ដែលអាចធ្វើឲ្យប្រតិបត្តិការបាននៅរាល់កម្មវិធីនៃស្មាតហ្វូន។ ទន្ទឹមនឹងបច្ចេកវិទ្យាកាន់តែបន្ទាន់សម័យ CPU ត្រូវបានគេដឹង មានបំពាក់តាំងពីនៅលើរថយន្តឆ្លាតវៃថែមទៀតផង។

ល្បឿននាឡិកា ឫ Clock Rate ជាលក្ខណៈសំខាន់មួយនៃ CPU ។ វាជាល្បឿនមូលដ្ឋាន ដែលរត់បានមួយខួបក្នុងមួយវិនាទី ហើយមានខ្នាតគិតជា hertz (ហឺត), kilohertz (គីឡូហឺត), megahertz (មេហ្គាហឺត) និង gigahertz (ជីហ្គាហឺត) ដែលជាប្រេកង់ល្បឿននាឡិកានោះ។

អត្ថប្រយោជន៍ CPU សម្រាប់ស្មាតហ្វូន:

មិនត្រឹមតែធ្វើប្រតិបត្តិការកម្មវិធីនៅលើស្មាតហ្វូនប៉ុណ្ណោះទេ ផ្ទុយទៅវិញ ល្បឿននាឡិកា (Clock Rate) របស់វា ក៏ត្រូវបានគេប្រើសម្រាប់វាស់ប្រៀបធៀបគ្នា យកចាញ់ឈ្នះជាមួយប្រភេទស្មាតហ្វូនដទៃ ដែលយើងរមែងឃើញគេប្រើកម្មវិធី Benchmark ដោយកាលណាអត្រាល្បឿននាឡិការត់កាន់តែខ្ពស់ (Ex: ល្បឿន 2.2GHz) គួបផ្សំនឹងចំណុចស្នូលនៃបន្ទះឈីបមានកាន់តែច្រើន (Ex: Dual Core ឫ Octa Core) នោះកម្រិតពិន្ទុនៃការបង្ហាញ នឹងមានកាន់តែធំ ដោយគេសន្និដ្ឋាន បើពិន្ទុស្មាតហ្វូនណាខ្ពស់ជាង នោះវាដំណើរការលឿនជាង។

អ្វីទៅជា GPU?

បើនិយាយពី GPU (Graphics Processing Unit) ឫ យើងហៅបានថាអង្គដំណើរការក្រាហ្វិក ដែលវាជាបន្ទះសៀគ្វីសំខាន់មួយក្នុងការបង្កើនល្បឿនរូបភាព (Image Output) សម្រាប់បង្កើតជាលទ្ធផលបង្ហាញមួយ។

បច្ចុប្បន្នប្រភេទ GPU ដែលគេនិយមប្រើនៅលើស្មាតហ្វូនរួមមាន : PowerVR GT7XT Seiries, Nvidia Tegra X1, Qualcomm Adreno 540 និង Mali-G71 MP20 ជាដើម។

-អត្ថប្រយោជន៍ GPU សម្រាប់ស្មាតហ្វូន :

បើនិយាយពីអត្ថប្រយោជន៍ចំពោះស្មាតហ្វូន ក្រុមហ៊ុនផលិតជាច្រើន បានកំពុងសម្លឹងទៅរកពពួក GPU ដែលមានគុណភាពខ្ពស់ អាចរត់បានក្នុងល្បឿនលឿន ព្រោះវាជាផ្នែកដ៏សំខាន់មួយក្នុងការដំណើរការទៅបាននៃកម្រិតបង្ហាញរូបភាពរបស់ហ្គេមមានក្រាហ្វិកធំៗឲ្យមានសភាពរលូនមិនទាក់និងមួយវិញទៀតសោត ទាំងពពួកកម្មវិធី ដែលមានពណ៌បង្ហាញលក្ខណៈ 3D ក៏តម្រូវពពួក GPU សេរីខ្ពស់ផងដែរ។ មូលហេតុនេះហើយ ទើបយើងនិយមឃើញស្មាតហ្វូនមួយចំនួន នៅពេលប្រៀបធៀបគ្នាល្បឿនដំណើរការហ្គេម តែងមានសភាពល្បឿននិងរលូនជាង នោះក៏មកពីពួកគេប្រើប្រាស់ GPU ធន់ខ្ពស់។

-អ្វីទៅជា Chipset :

Chipset ឫយើងនិយមហៅវាថាជា System on chip (SoC) ដែលជាបន្ទះឈីបសៀគ្វីមួយ ប្រមូលផ្ដុំចូលគ្នានៅផ្នែក CPU, GPU, Modem និង Memory Controller ជាដើម។ និយាយរួមអាចថា បើគ្មានវាគេក៏មិនអាចផ្គុំផ្នែកតូចផ្សេងៗឲ្យដំណើរការទៅបានដែរ។
បច្ចុប្បន្នមានពពួកបន្ទះឈីប (SoC) មួយចំនួន ដែលកំពុងទទួលបានភាពល្បីល្បាញរួមមាន Snapdragon របស់ Qualcomm, Exynoos របស់ SAMSUNG, MT និង Helio របស់ MediaTek, Atom របស់ Intel, HiSilicon Kirin របស់ Huawei និងពពួក A របស់ Apple ។
បន្ថែមពីនោះទៀត សព្វថ្ងៃក្រុមហ៊ុនបច្ចេកវិទ្យាកំពុងតែខិតខំវិវត្តប្រភេទឈីប SoC ទាំងនោះឲ្យមានទំហំកាន់តែតូច (ខ្នាតគិតជាណាណូម៉ែត្រ) ដើម្បីប្រច្រៀតចូលទៅក្នុងស្មាតហ្វូនដែលមានវិមាត្រខ្លួនតូច ព្រោះដូចយើងដឹងស្រាប់ហើយ សព្វថ្ងៃស្មាតហ្វូនកាន់តែស្ដើងទៅៗ ប៉ុន្តែសម្របបាននឹងទំហំឈីបតូច ពួកគេក៏ប្រឹងរកនូវបច្ចេកវិទ្យាធ្វើឲ្យវាមានថាមពលខ្លាំងជាងមុន និងការសន្សំសំចៃថ្មខ្លាំងជាងមុនផងដែរ។

- អត្ថប្រយោជន៍ Chipset សម្រាប់ស្មាតហ្វូន:

ដំណើរការទៅបាននៃប្រព័ន្ធកាមេរ៉ា, ក្បាលចាក់សម្លេង, កម្មវិធីបម្លែង Video, អង្គ Modem (រួមមាន WiFi, Bluetooth, GPS, 3G/4G) សុទ្ធសឹងតែតម្រូវឱ្យមានបន្ទះឈីប (SoC) ទើបផ្នែកទាំងនោះ អាចដំណើរការទៅមុខបាន ដោយទោះបីជាវាមានផ្នែកគ្រឿងដាច់ដោយឡែកពីគ្នាក៏ដោយ។
ក្រោយការរ៉ាយរ៉ាប់ខាងលើនេះរួចមក Sabay ជឿថាវាអាចជាមេរៀនថ្មីមួយសម្រាប់អ្នកទាំងអស់គ្នា ហើយបើមានការខ្វះខាតត្រង់ចំណុចណាមួយឫ អ្នកទាំងអស់គ្នាមានចម្ងល់មិនទាន់ច្បាស់ សូមធ្វើការផ្ដល់មតិនៅខាងក្រោម ហើយពួកយើងរីករាយជានិច្ចក្នុងការផ្ដល់ចម្លើយដ៏សមស្របទៅវិញ តាមដែលអាចធ្វើទៅបាន៕

មកស្គាល់ Chip ពេញនិយមបំផុត

សព្វថ្ងៃអង្គគណនា (និយមហៅបន្ទះឈីប) នៅលើស្មាតហ្វូននិងថេបប្លែតសុទ្ធសឹងតែមានថាមពលខ្លាំង ខុសពីពេលប៉ុន្មានឆ្នាំមុន។ ការវិវត្តន៍ចាប់តាំងពីប្រភេទ Single Core រហូតមកទល់ Hexa Core នាពេលបច្ចុប្បន្ន។ អង្គគណនាដែលគេនិយមប្រើប្រាស់គឺមានទំហំ 64 bit ដែលវាកំពុងប្រកួតប្រជែងខ្ពស់ជាមួយពពួក 32 bit ដែលបង្ហាញខ្លួនយូរណាស់មកហើយ។ សម្រាប់ល្បឿននៃអង្គគណនានីមួយៗមានល្បឿនខ្ពស់បំផុតចន្លោះពី 3.0-3.5 GHz ។

ដោយឡែកសម្រាប់អត្ថបទនេះ Sabay សូមបង្ហាញអ្នកទាំងអស់គ្នាពីបញ្ជីរាយឈ្មោះនិងលក្ខណៈពិសេសមួយចំនួននៃអង្គគណនាគ្រប់ជំនាន់ ដែលគេបានបំពាក់នៅលើស្មាតហ្វូននិងថេបប្លែតគ្រប់ស៊េរី ដោយមួយចំនួនគិតត្រឹមចុងឆ្នាំ ២០១៦។

១.អង្គគណនា Qualcomm Snapdragon ៖

Qualcomm Technology គឺជាក្រុមហ៊ុនមួយរបស់សហរដ្ឋអាមេរិក ដែលផលិតនូវអង្គគណនាសម្រាប់ស្មាតហ្វូន, ថេបប្លែត និងការផលិតនូវ LTE Modem ។ ក្រុមហ៊ុនខាងលើ ចាប់ផ្តើមល្បីក្នុងឆាកអន្តរជាតិជាលើកដំបូង ក្រោយពេលដែលពួកគេប្រកាសបង្ហាញនូវបច្ចេកវិទ្យា CDMA ទៅក្នុងទីផ្សារ។
លើកទីមួយនៃការដាក់បង្ហាញអង្គគណនារបស់ពួកគេ គឺមានល្បឿន 1 GHz ខណៈកាលនោះល្បឿនអង្គគណនានៃស្មាតហ្វូនជាមធ្យម មានត្រឹមតែ 512 MHz ប៉ុណ្ណោះ។ ចូលដល់ឆ្នាំ ២០០៥ ពួកគេបានប្រកាសនូវពពួកអង្គគណនាជំនាន់ S1, S2, S3, S4, S200, S400 រហូតដល់ S800 ដែលរួមបញ្ចូលទាំង S820 និង S821 ដែលបញ្ចប់ត្រឹមចុងឆ្នាំ ២០១៦ ។ ឧបករណ៍មួយចំនួនដែលបានបំពាក់នូវអង្គគណនា Snapdragon 821 រួមមាន Google Pixel, Pixel XL, Asus Zenfone, OnePlus 3T, Mi 5s, និង LeEco Le Pro3 ជាដើម។

បញ្ជាក់ថាក្រុមហ៊ុនផលិតស្មាតហ្វូនជាច្រើន បានទទួលការផ្គត់ផ្គង់អង្គគណនាពីក្រុមហ៊ុន Qualcomm លើកលែងតែ Apple មួយគត់។ លក្ខណៈពិសេសរបស់អង្គគណនាក្រុមហ៊ុននេះ គឺវាមានល្បឿនលឿន និងបង្កើតកម្ដៅតិចបំផុត ប៉ុន្តែចំពោះតម្លៃវារាងថ្លៃជាងអង្គគណនារបស់ក្រុមហ៊ុនដទៃ។

២.អង្គគណនា Apple ៖

ក្រុមហ៊ុន Apple ក៏មានអង្គគណនាជាប់ឈ្មោះខ្លួនឯងផងដែរ ប៉ុន្តែសម្រាប់ការផ្គត់ផ្គង់ផលិតគឺចុះកុងត្រាជាមួយក្រុមហ៊ុន SAMSUNG និង TSMC ។ សោតយ៉ាងដូចជាអង្គគណនា A9 ទំហំ 14nm ផលិតឡើងដោយ SAMSUNG រីឯ អង្គគណនា A9 ទំហំ 16nm ផលិតឡើងដោយ TSMC។
@ ពពួក Apple A ៖ វាប្រើសម្រាប់ស៊េរី iPhone, iPad, iPod Touch និង Apple TV ហើយរួមមានតាំងពីជំនាន់ A4, A5, A5X, A6, A6X, A7, A8, A8X, A9, A9X, A10 និង A10 Fusion។
A10 Fusion ជាអង្គគណនាជំនាន់ក្រោយបង្អស់ ដែលបំពាក់នៅលើ iPhone 7/7 Plus ។ A10 Fusion ជាប្រភេទ Quad Core ទំហំ 16nm FinFET ដែលមានល្បឿន 2.4 GHz និង GPU PowerVR ប្រភេទ Hexa Core ។ បើធៀបទៅនឹងជំនាន់ A9 និង A10 ធម្មតា គឺវាល្បឿនខុសគ្នាមួយទ្វេជា ២ គួបផ្សំទាំងដំណើរការក្រាហ្វិកក៏ល្អជាងមុន ៥០ ភាគរយ។ វាផលិតឡើងដោយក្រុមហ៊ុន TSMC។
@ ពពួក Apple S ៖ អង្គគណនាប្រភេទនេះ គេប្រើសម្រាប់ Apple Watch រួមមានតាំងពី Apple S1, Apple S1P និង S2 ។ បច្ចុប្បន្ន Apple S2 បំពាក់នៅលើនាឡិកាឆ្លាតវៃជំនាន់ទី ២ Apple Watch Series 2 ។ វាផលិតឡើងដោយក្រុមហ៊ុន SAMSUNG ក្រោមការចុះកុងត្រាជាមួយ Apple។
@ ពពួក Apple W ៖ អង្គគណនាប្រភេទនេះ ប្រើសម្រាប់កាសឥតខ្សែ AirPod ដែលបច្ចុប្បន្នមានជំនាន់ Apple W1។
@ ពពួក Apple T ៖ អង្គគណនាប្រភេទនេះ ប្រើសម្រាប់ភ្ជាប់ប្រព័ន្ធ Touch ID នៅលើ MacBook Pro បច្ចុប្បន្នមានត្រឹមតែជំនាន់ Apple T1 មួយគត់។

៣.អង្គគណនា Intel Atom និង Core M ៖

Intel ជាក្រុមហ៊ុនផលិតអង្គគណនារបស់សហរដ្ឋអាមេរិក ដោយឡែកហេតុដែលគេបន្ថែមពាក្យ Atom ក៏ដោយសារចង់សម្គាល់សម្រាប់ពពួកអង្គគណនាថាមពលតិចនិងតម្លៃថោក ដែលបំពាក់សម្រាប់ស្មាតហ្វូននិងថេបប្លែត។

បច្ចុប្បន្នអង្គគណនា Intel Atom មានជំនាន់ Atom X5 និង X7 វាជាប្រភេទឈីប 64 Bit Quad Core ដែលមានទំហំ 14nm ដោយល្បឿនចន្លោះពី 1.6GHz ដល់ 2.4GHz ។ អង្គគណនារបស់ក្រុមហ៊ុន Intel មួយនេះ បានទទួលផ្គត់ផ្គង់ឱ្យក្រុមហ៊ុនជាច្រើន បើនិយាយពីថេបប្លែតរួមមាន Microsoft Surface, Asus, Dell, Lenovo, HP ជាដើម។ កាលពីឆ្នាំ ២០១៦ ម៉ូដែល Asus Zenfone តែមួយគត់ ដែលប្រើប្រាស់នូវអង្គគណនា Atom។ អង្គគណនា Core M គេប្រើនៅលើ MacBook របស់ Apple ទំហំ 12 អ៊ីញនិង Chromebook របស់ HP។

៤.អង្គគណនា Nvidia Tegra ៖

Nvidia Corporation ជាក្រុមហ៊ុនរបស់សហរដ្ឋអាមេរិកដែលផលិតនូវអង្គគណនាសម្រាប់ក្រាហ្វិក, ការលេងហ្គេម និងឧបករណ៍ទូរស័ព្ទ,ថេបប្លែត។ សម្រាប់អង្គគណនា Tegra របស់ Nvidia គឺមានតាំងពីជំនាន់ Tegra 1, Tegra 3, Tegra 4, Tegra 4i, Tegra K1, Tegra X1. ប៉ុន្តែសម្រាប់ចុងឆ្នាំ ២០១៦ នេះ អង្គគណនា Tegra X1 បានទទួលការចាប់អារម្មណ៍ខ្ពស់នៅក្នុងទីផ្សារ។ វាជាប្រភេទ Quad Core អាចថតវីដេអូកម្រិត 4K ចំណែកឯទំហំរបស់វារាងធំបន្តិចដល់ទៅ 20nm ។ សព្វថ្ងៃអង្គគណនាមួយនេះ កំពុងដំណើរការនៅលើ ទូរទស្សន៍ឆ្លាតវៃ Android ម៉ូដែល Nvidia Shield ។
៣ ជំនាន់រួមមាន Tegra 4, Tegra 4i និង K1 គេនិយមប្រើបំផុត ៖
#Tegra 4 ៖ បំពាក់នៅលើ Asus Transformer PAD, HP Slatebook និង Toshiba Extie, Xiaomi Mi3 និង Xolo Play Tegra Note។
#Tegra 4i ៖ បំពាក់នៅលើ Blackphone
#Tegra K1 ៖ បំពាក់នៅលើថេបប្លែត nvidia Shield, Google Nexus 9, Acer Chromebook 13 និង 14, Navi Big Tab។
សរុបមកសម្រាប់អង្គគណនាប្រភេទនេះ ច្រើនប្រើនៅលើឧបករណ៍ Gaming ដែលលេងហ្គេមជាធំ ខណៈដែលវាមានល្បឿនក្រាហ្វិកដំណើរការបានរលូន ប៉ុន្តែសម្រាប់តម្លៃក៏ថ្លៃជាងអង្គគណនាដទៃៗទៀតដែរ។

៥.អង្គគណនា MediaTek ៖

MediaTek ជាក្រុមហ៊ុនផ្គត់ផ្គង់ឈីបរបស់តៃវ៉ាន់ ហើយបង្កើតឡើងសម្រាប់បំពាក់នៅលើឧបករណ៍អេឡិចត្រូនិកមួយចំនួនរួមមានស្មាតហ្វូន ថេបប្លេត និងទូរទស្សន៍ (HDTV) ជាដើម។ អង្គគណនាជំនាន់ក្រោយបង្អស់របស់វា អាចរត់បាននៅល្បឿន 3GHz ហើយមានតាំងពីប្រភេទ Dual Core ដល់ Deca Core (10 core)។
អង្គគណនាជំនាន់ក្រោយរបស់វាគឺ Helio X20 និង X25 ដែលប្រើនៅលើស្មាតហ្វូនភាគច្រើនជារបស់ក្រុមហ៊ុនចិន ដូចជា Xiaomi, Meizu, LeEco Le, Yu ជាដើម។ ចំណែកឯថេបប្លែតរួមមាន Acer, Asus, Lenovo, Amazon Fire HD, Qmobile ជាដើម។
សម្រាប់ល្បឿននៃអង្គគណនា MediaTek ដែលធម្មតាមកជាមួយនូវ Core ជាច្រើនគ្រាប់ ហើយបើកាលណាគួបចូលជាមួយ RAM ធំគ្រាន់បើទៀតនោះ ល្បឿនដំណើរការនៅលើឧបករណ៍នឹងមានល្បឿនអស្ចារ្យមែនទែន។ សម្រាប់ GPU PowerVR របស់ MediaTek ត្រូវបានគេសរសើរថាល្អជាងក្រុមហ៊ុនដទៃៗ ដោយសារវាបង្កើតចេញនូវកម្ដៅតិចជាង Qualcomm ។ សម្រាប់តម្លៃវាមានតម្លៃថោកជាងគេបន្តិច ហើយសាកសមបំផុតសម្រាប់ជម្រើសនៃក្រុមហ៊ុនផលិតស្មាតហ្វូនដែលចង់ទទួលបានអង្គគណនាល្បឿនលឿនសមរម្យ។

៦.អង្គគណនា HiSilicon ៖

ក្រុមហ៊ុន HiSilicon គឺស្ថិតនៅក្រោមការគ្រប់គ្រងរបស់ Huawei ហើយវាក៏ជាក្រុមហ៊ុនដ៏ធំបំផុតខាងផ្នែកផលិតបន្ទះសៀគ្វីក្នុងប្រទេសចិនផងដែរ។ វារួមមានជំនាន់ K3V1, K3V2, K3V2E, Kirin 620, Kirin 650, Kirin 910, Kirin 920, Kirin 930, Kirin 950 ហើយបច្ចុប្បន្នគឺលេចចេញដល់ជំនាន់ Kirin 960 ហើយ។

ឧបករណ៍ដែលបំពាក់នូវអង្គគណនា Kirin 950 រួមមាន Honor 8, Mate 8, និង MediaPad M3 សុទ្ធសឹងជាផលិតផលរបស់ Huawei ។ បច្ចុប្បន្នសម្រាប់ស្មាតហ្វូន P10, P10 Plus, Hauwei Mate 9 គឺបានប្រើប្រាស់នូវអង្គគណនាជំនាន់ក្រោយ Kirin 960 របស់ HiSilicon។

៧.អង្គគណនា Exynos ៖

Exynos ជាយីហោរបស់ក្រុមហ៊ុន SAMSUNG ដែលតំណាងឱ្យអង្គគណនា។ ក្នុងនោះរួមមានជំនាន់Exynos 7 Dual, Exynos 7420, Exynos 7 Octa 7580, Exynos 7 Octa 7870 ។ អង្គគណនាជំនាន់ក្រោយបង្អស់របស់វា គឺ Exynos 9 (8895) ដែលបច្ចុប្បន្នបំពាក់នៅលើ Galaxy S8/S8 Plus របស់ SAMSUNG ។
វាមានទំហំ 10nm ល្បឿនលឿនជាងមុន ២៧ ភាគរយ និងសន្សំសំចៃថាមពលជាងមុន ៤០ ភាគរយ ធៀបទៅនឹងជំនាន់ទំហំ 14nm LPE FinFET៕

និយមន័យពាក្យបច្ចេកទេសទាំង ៣០ ដែលសិស្ស IT ខ្លះមិនដឹង!

ការសិក្សាជំនាញព័ត៌មានវិទ្យាឫយើងនិយមហៅថា IT បានកំពុងទទួលការចាប់អារម្មណ៍ខ្ពស់ ពីសំណាក់សិស្សនិស្សិតនៅតាមបណ្ដាសកលវិទ្យាល័យនានាក្នុងប្រទេសកម្ពុជា។ យ៉ាងណាមិញជារឿយៗមានពាក្យបច្ចេកទេសជាច្រើន ដែលយើងនិយមប្រើ ឧទាហរណ៍ដូចជា LTE, LAN អ្វីជាដើម ប៉ុន្តែជឿថា និស្សិត IT តិចណាស់ ដែលបានសិក្សាស្វែងយល់និយមន័យពាក្យពេញរបស់វា ហើយខ្លះទៀតស្គាល់ត្រឹមតែពាក្យកាត់ប៉ុណ្ណឹងឯង។

១./ LTE ពាក្យពេញ Long Term Evolution (ជាប្រព័ន្ធទូរស័ព្ទចល័តស្តង់ដារ 4G)
២./ LAN ពាក្យពេញ Local Area Network (ជាបណ្ដាញដែលតភ្ជាប់ពីកុំព្យូទ័រទៅកាន់ឧបករណ៍ដទៃទៀតក្នុងតំបន់តែមួយ)
៣./ JPEG ពាក្យពេញ Joint Photographic Experts Group (ជាឯកសាររូបភាព)
៤./ IP ពាក្យពេញ Internet Protocol (ជាការកំណត់អត្តសញ្ញាណនៃកុំព្យូទ័រឫឧបករណ៍អេឡិចត្រូនិកណាមួយ)
៥./ HTML ពាក្យពេញ Hyper Text Markup Language (ជាប្រព័ន្ធស្តង់ដារសម្រាប់ការបញ្ចូលអត្ថបទពុម្ពអក្សរ, ក្រាហ្វិក, ពណ៌ ទៅកាន់គេហទំព័រ)
៦./ CPU ពាក្យពេញ Central Processing Unit (ជាផ្នែកគ្រឿងមួយដែលមានក្នុងម៉ាស៊ីនកុំព្យូទ័រ)
៧./ SSL ពាក្យពេញ Secure Sockets Layer (ជាប្រព័ន្ធបច្ចេកវិទ្យាសុវត្ថិភាពដែលបម្លែងតំណភ្ជាប់រវាង Web Sever និង Browser)
៨./ SMS ពាក្យពេញ Short Message Service (ជាប្រព័ន្ធផ្ញើសារដែលអាចវាយដល់ ១៦០ តួ)
៩./ GPU ពាក្យពេញ Graphics Processing Unit (ជាអង្គដំណើរការក្រាហ្វិករបស់កុំព្យូទ័រ)
១០./ GIF ពាក្យពេញ Graphics Interchange Format (ជាឯកសាររូបភាពមានចលនា)
១១./ GPS ពាក្យពេញ Global Positioning System (ជាប្រព័ន្ធកំណត់ទីតាំងលើពិភពលោក)
១២./ LCD ពាក្យពេញ Liquid Crystal Display (ជាប្រភេទបន្ទះអេក្រង់)
១៣./ PDF ពាក្យពេញ Portable Document Format (ជាឯកសារអេឡិចត្រូនិក)
១៤./ URL ពាក្យពេញ Uniform Resource Locator (ជាអាសយដ្ឋាននៃគេហទំព័រ)
១៥./ Cc/Bcc ពាក្យពេញ Carbon Copy/Blind Carbon Copy (ជាមុខងារប្រើប្រាស់លើការផ្ញើ Email)
១៦./ HTTP ពាក្យពេញ Hypertest Transfer Protocol (ជាមូលដ្ឋានស្តង់ដារប្រើភ្ជាប់ជាមួយអាសយដ្ឋានគេហទំព័រ)
១៧./ MAC(adress) ពាក្យពេញ Media Access Control (ជាប្រព័ន្ធកំណត់ពិសេសមួយ ដែលតភ្ជាប់ជាមួយបណ្ដាញទិន្នន័យ)
១៨./ HDMI ពាក្យពេញ High-Definition Multimedia Interface (ជាស្តង់ដារតភ្ជាប់កម្រិតវីដេអូខ្នាតខ្ពស់)
១៩./ PNG ពាក្យពេញ Portable Network Graphic (ជាឯកសាររូបភាព)
២០./ WWW ពាក្យពេញ World Wide Web (ជាប្រព័ន្ធបណ្ដាញ Online)
២១./ SD Card ពាក្យពេញ Secured Digital Card (ជាប្រភេទ Memory Card ដែលគេប្រើជាមួយឧបករណ៍អេឡិចត្រូនិកមួយចំនួន)
២២./ DSL ពាក្យពេញ Digital Subscriber LINE (ជាមធ្យោបាយដែលកុំព្យូទ័រអាចតភ្ជាប់ទៅកាន់ប្រព័ន្ធអ៊ីនធឺណិតតាមរយៈខ្សែដោតទូរស័ព្ទ)
២៣./ CCTV ពាក្យពេញ Cloes Circuit Television (ជាប្រព័ន្ធបណ្ដាញទូរទស្សន៍ដែលពុំមានការចែកចាយជាសាធារណៈតែស្ថិតក្រោមការគ្រប់គ្រងមួយ)
២៤./ SQL ពាក្យពេញ Structured Query Language (ជាភាសាដែលគេប្រើក្នុងការសរសេរកម្មវិធីនិងការរចនាដើម្បីគ្រប់គ្រងទិន្នន័យ)
២៥./ I/O ពាក្យពេញ Input/Output (ជាទំនាក់ទំនងរវាងប្រព័ន្ធដំណើរការដូចជាកុំព្យូទ័រនិងធាតុខាងក្រៅក្នុងលោក ដូចជាមនុស្សនិងអ្វីផ្សេងទៀតជាដើម)
២៦./ MPEG ពាក្យពេញ Moving Picture Experts Group (ជាឯកសារវីដេអូ)
២៧./ ISP ពាក្យពេញ Internet Service Provider (ជាការផ្ដល់សេវាអ៊ីនធឺណិត)
២៨./ CAPTCHA ពាក្យពេញ Completely Automated Public Turning Test To Tell Computers And Humans Apart (ជាប្រព័ន្ធឫកម្មវិធីកុំព្យូទ័រ)
២៩./ DVD ពាក្យពេញ Digital Video Disk (ជាប្រភេទ Disc ដែលអាចផ្ទុកនូវទិន្នន័យបានច្រើន)
៣០./ VPN ពាក្យពេញ Virtual Private Network (ជាបណ្ដាញដែលត្រូវបានគេបង្កើតឡើងក្នុងការប្រើប្រាស់ខ្សែសាធារណៈ)៕

គុណសម្បត្តិនិងគុណវិបត្តិ iCloud លើ iPhone អ្នកត្រូវដឹងឲ្យច្បាស់ មុនសម្រេចចិត្តប្រើ

បច្ចុប្បន្នបណ្ដាយុវវ័យជាច្រើន អាចកំពុងស្ទាក់ស្ទើរចិត្តថាគួរប្រើប្រាស់ប្រព័ន្ធ iCloud នៅលើទូរសព្ទរបស់ខ្លួនឫក៏អត់។ ថ្ងៃនេះ Sabay ក៏សូមលើកយកពីចំណុចនៃអត្ថប្រយោជន៍និងគុណវិបត្តិចំនួន ៥ ធំៗដែលអ្នកប្រើប្រាស់គួរស្វែងយល់ឱ្យបានច្បាស់ ជុំវិញការប្រើប្រាស់ iCloud។

គុណសម្បត្តិ៖
- សាមញ្ញងាយស្រួលប្រើ៖ ដំណើរការនៃប្រព័ន្ធ iCloud គឺងាយបំផុត តួយ៉ាងដូចជាការរក្សាទុក (Back up) ឯកសារ ដោយអ្នកគ្រាន់តែចុចតាមវា ប៉ុន្មានជំហានគឺហើយជាការស្រេច។
- មិនតម្រូវឲ្យមានកុំព្យូទ័រនិងខ្សែតភ្ជាប់៖ សម្រាប់ចំណុចនេះ ការប្រើប្រាស់ iCloud យើងក៏អាចបញ្ជាតាមរយៈ iPhone ផ្ទាល់ ដោយពុំបាច់មានឧបករណ៍ជំនួយដទៃឡើយ។
- Free អង្គផ្ទុកទិន្នន័យ 5GB ឥតគិតថ្លៃ៖ បើអ្នកសម្រេចចិត្តធ្វើការ Back up ឯកសារទៅក្នុងប្រព័ន្ធ iCloud នោះអ្នកនឹងទទួលបានអង្គផ្ទុកទិន្នន័យ 5GB ដោយឥតគិតថ្លៃ។
- ងាយស្រួលផ្ទេរទិន្នន័យត្រលប់មកវិញ៖ មិនខុសពីចំណុចទី ១ ដោយទោះបីជាអ្នកចង់ផ្ទុកឯកសារ

- ត្រលប់មកទូរស័ព្ទវិញ (Restore) អ្នកប្រើល្មមៗ អាចចុចបាន ព្រោះវាងាយបំផុត។
ប្រើ iCloud ដោយពុំបាច់ចំណាយលុយ៖ គ្រប់មុខងារទាំងអស់ គឺបើកឲ្យប្រើប្រាស់ដោយសេរី ពុំមានតម្រូវចំណាយលុយអ្វីបន្ថែមឡើយ ដែលកត្តានេះហើយ ធ្វើឱ្យមនុស្សជាច្រើនចូលចិត្តប្រើប្រាស់វា។

គុណវិបត្តិ៖

- តម្រូវឱ្យប្រើប្រាស់ប្រព័ន្ធអ៊ីនធឺណិត៖ រាល់ពេលដែលអ្នកចង់ធ្វើការ Back Up រាល់ឯកសារពី iPhone ចូល iCloud គឺតម្រូវឱ្យអ្នកតភ្ជាប់ទៅប្រព័ន្ធ Wi-Fi ជាមុនសិន។
- បញ្ហាសុវត្ថិភាព៖ នេះជាបញ្ហាធំបំផុត ករណីបើអ្នកចែករំលែកគណនីទៅកាន់អ្នកប្រើប្រាស់ដទៃ នោះពួកគេ នឹងអាចឆែកមើលរាល់ឯកសារសម្ងាត់ទាំងអស់បាន។
- ល្បឿនផ្ទេរទិន្នន័យយឺត: អ្នកប្រើប្រាស់ជាច្រើន បានកត់សម្គាល់ឃើញថា ករណីបើយើងផ្ទេរឯកសារកាន់តែធំ នោះល្បឿនផ្ទេរទិន្នន័យទៅក្នុង iCloud ពិតជាយឺតមែនទែន។
- អង្គផ្ទុកទិន្នន័យ 5GB: សម្រាប់អង្គផ្ទុកទិន្នន័យប៉ុននេះ អ្នកប្រើប្រាស់មួយចំនួនអាចសម្របបានតែដំបូងប៉ុណ្ណោះ ក្រោយៗមកទៀត បើអ្នកចង់បន្ថែមអង្គផ្ទុកទិន្នន័យក្នុងប្រព័ន្ធ iCloud ឲ្យបានច្រើន វាតម្រូវឱ្យអ្នក ធ្វើការចំណាយលុយ។
- មិនគាំទ្រការ Back Up គ្រប់ឯកសារទាំងអស់៖ ទាក់ទងដូចជាឯកសារវីដេអូ ចម្រៀងជាដើម បើមិនបានទិញពី iTunes Store ទេ គឺវាមិនអនុញ្ញាតឱ្យ Back Up បាននោះឡើយ៕

មុខងារថ្មី AirPlay Direct បញ្ជូនទិន្ន័យ ដោយមិនបាច់ឆ្លងកាត់ បណ្តាញ WiFi

មុខងារ AirPlay អាចអោយអ្នកប្រើប្រាស់ បញ្ជូនទិន្នន័យ (ចំរៀង ឬវីដេអូ) តាមរយៈបណ្តាញឥតខ្សែ ពីឧបករណ៍មួយ (iPhone/iPad/Mac) ទៅមួយទៀត (Apple TV) ហើយ គឺជាអ្វី ដែលប្រិយមិត្ត Apple និយមចូលចិត្ត ប៉ុន្តែ ដើម្បីតភ្ជាប់បាន អ្នកប្រើប្រាស់ ត្រូវការ បណ្តាញ WiFi។ បើតាមប្រភពពី The Telegraph របស់ អង់គ្លេស ថ្មីៗនេះ បានអោយដឹងថា Apple កំពុងអភិវឌ្ឍ បច្ចេកវិទ្យា AirPlay បច្ចុប្បន្ន អោយវា កាន់តែមានភាពងាយស្រួលជាងមុន ហើយមានឈ្មោះថា AirPlay 2.0 ឬ AirPlay Direct។

មុខងារថ្មីរបស់ AirPlay Direct នឹង អនុញ្ញាតិ អោយអ្នកប្រើប្រាស់ បញ្ជូនចំរៀង ពីឧបករណ៍មួយ ទៅមួយទៀត ដោយផ្ទាល់ តាមរយៈ បច្ចេកវិទ្យា ប្លូធូស ហើយមិនចាំបាច់ ភ្ជាប់ចូល បណ្តាញ WiFi តែមួយទៀតទេ។ មុខងារថ្មីនេះ ត្រូវបាន គេរំពឹងថា នឹងប្រកាស ដំណាលគ្នា នាថ្ងៃទី 12 ខែកញ្ញា ខាងមុខ អំឡុងព្រឹត្តិការណ៍ iPhone 5៕

យល់កាន់តែច្បាស់ពីកម្មវិធីទាំង ៥ ដែល Apple ដាក់ឱ្យទាញយក Free (featured)

Sabay នឹងធ្វើការបកស្រាយត្រួសៗជុំវិញអត្ថប្រយោជន៍នៃកម្មវិធីទាំងនោះ។

១. កម្មវិធី Pages

កម្មវិធីដំបូងនេះ បើយើងធៀបទៅនឹងកម្មវិធី Word របស់ Microsoft ហាក់បីជាមិនខុសគ្នាច្រើនទេ ដោយគ្រាន់ថា Word មានមុខងារពិសេសច្រើនជាង។ Pages ជាកម្មវិធីមួយដែល Apple បង្កើតឡើង សម្រាប់ធ្វើការបង្កើតសំណុំឯកសារ អាចធ្វើការកែប្រែក្បាលទំព័រ ជើងទំព័រ ទំហំក្រដាស ផ្ដេកបញ្ឈរ បន្ថែមពីនោះរាល់ឯកសារទាំងអស់ ក៏អាចបង្កើតជាលក្ខណៈឯកសារ ePub សម្រាប់ទុកអានក្នុង iBooks ដែលមាននៅលើឧបករណ៍ iOS និង Mac បាន។

រាល់ឯកសារទាំងអស់ អាចធ្វើការរក្សាទុកក្នុង iCloud Drive និងអាចធ្វើការចម្លងចេញមកក្រៅតាមរយៈមុខងារ AirPrint របស់ Apple ដែលជាបច្ចេកវិទ្យា Print ឯកសារដោយមិនតម្រូវឱ្យ Download នូវ Drivers អ្វីនោះឡើយ។

២. កម្មវិធី Keynote

បើនិយាយពី Keynote យើងគួរស្រមៃនឹកដល់ PowerPoint កម្មវិធីបង្ហាញ Slide របស់ Microsoft ជាមុនសិន ព្រោះថាវាមិនជាខុសគ្នាច្រើនឡើយ។ អត្ថប្រយោជន៍របស់ Keynote គឺយើងអាចធ្វើការប្រើប្រាស់ សម្រាប់បង្កើតឯកសារធ្វើបទបង្ហាញផ្សេងៗ បន្ទាប់មកអាចបញ្ជាពីឧបករណ៍ iOS ដែលគាំទ្របាន ដោយមិនបាច់ Remote ( បញ្ជា) ពីឧបករណ៍ដទៃឡើយ។

យើងក៏អាចរក្សាឯកសារដែលបង្កើតរួច ទុកក្នុង iCloud Drive ក៏បាន ឫចម្លងចេញតាមរយៈមុខងារ AirPrint របស់ Apple។

៣. កម្មវិធី Numbers

បើមានកម្មវិធីស្រដៀងនឹង Word, PowerPoint បែបនេះ កម្មវិធី Numbers របស់ Apple ក៏មានលក្ខណៈស្រដៀងនឹង Excel របស់ Microsoft ដូចគ្នា។ ចំពោះអត្ថប្រយោជន៍របស់កម្មវិធីនេះ យើងអាចធ្វើការបង្កើតជាឯកសារការងារគណនេយ្យ ប្រភេទការងាររដ្ឋបាល ដែលតម្រូវនូវបញ្ជីទំនិញផ្សេងៗ ការគូសក្រាបជាដើម។

យើងក៏អាចធ្វើការរក្សាទុកឯកសារទាំងនោះ ទៅក្នុង iCloud Drive ដូចកម្មវិធីទាំង ២ ខាងលើអីចឹងដែរ គួបផ្សំនឹងមុខងារ AirPrint ដ៏អស្ចារ្យពី Apple ។

៤. កម្មវីធី GarageBand

សម្រាប់កម្មវិធី GarageBand គឺមានលក្ខណៈខុសប្លែកពី ៣ កម្មវិធីខាងលើ ដោយវាទាក់ទងទៅនឹងចំណង់នៃតន្ត្រីវិញម្ដង ដោយយើងអាចធ្វើការបង្កើតជាសម្លេងរោទ៍ (Ringtone), រៀនប្រើប្រាស់ឧបករណ៍ភ្លេង, ថតសម្លេងចម្រៀង ប៉ុន្តែសូមបញ្ជាក់សម្រាប់ការបង្កើត Ringtone កម្មវិធីនេះ គឺតម្រូវឱ្យទាមទារប្រើប្រាស់ iCloud ។

៥. កម្មវិធី iMovies

បញ្ចប់ពីកម្មវិធីតន្ត្រី ងាកមកមើល iMovies ជាកម្មវិធី ទាក់ទងនឹងខ្សែភាពយន្តវិញម្តង អត្ថប្រយោជន៍របស់វា គឺយើងអាចធ្វើការ កែច្នៃវីដេអូក្នុងកម្រិត 4K ដែលច្បាស់ជាងកម្រិត 1080p ដល់ទៅ ៤ ដង។ បន្ថែមពីនោះ គឺមុខងារកែច្នៃនិងចែករំលែកវីដេអូយឺតកម្រិត 60fps (Frames Per Second) ដោយមានលក្ខណៈរលូន ងាយស្រួលប្រើប្រាស់ជាងកម្មវិធីដទៃ ដែលមាននៅក្នុង App Store ។
ក្រោយទទួលជ្រាបពីការរ៉ាយរ៉ាប់នៃអត្ថប្រយោជន៍ទាំងអស់ រាល់កម្មវិធីខាងលើរួចមក Sabay ក៏ជឿជាក់ថា ប្រិយមិត្តមួយចំនួនអាចនឹងចង់សាកល្បងប្រើប្រាស់វា ម្ល៉ោះហើយនេះជាតំណភ្ជាប់ទៅកាន់ព័ត៌មានផ្សេង ពីការទាញយកកម្មវិធីទាំងនោះ ដោយឥតគិតថ្លៃទៅតាមការគួរ។

Touch ID

Touch ID ជាមុខងារពិសេសមួយ ដែលមាននៅក្នុង iPhone និង iPad ជំនាន់ថ្មីៗ ដែលផ្តល់ភាពងាយស្រួលដល់លោកអ្នកក្នុងការប្រើប្រាស់ ដោយជំនួសការវាយសម្ងាត់ ជាមួយការប្រើប្រយៅដៃស្គេន វិញ ។

តិចអត់ដឹងកាស iPhone មានប្រយោជន៍ពិសេស១៤យ៉ាង?

សម្រាប់ប្រិយមិត្ដប្រើកាស iPhone ស៊េរីក្រោយប្រហែលជាមិនដឹងទេថា វាមានសារប្រយោជន៍ជាច្រើន ដែលអ្នកមិនធ្លាប់ដឹង។ ធម្មតាអ្នកអាចដឹងត្រឹមថាកាស iPhone ប្រើសម្រាប់បើកចម្រៀងស្ដាប់ ឬបិទចម្រៀង និងសម្រាប់ Call ប៉ុណ្ណោះ តែនៅមានចំណុចប្លែកៗជាច្រើនទៀត ដែលនឹងបង្ហាញតាមរយៈវីដេអូខាងក្រោម៖

@ បើកចម្រៀង ឬធ្វើឱ្យបទចម្រៀង ឬវីដេអូស្ដុប (Play or Pause)៖ ដើម្បីបើកចម្រៀង ចុចប៊ូតុងកណ្តាល (C) ម្តង ហើយបើចុច ម្តងទៀតនោះ ចម្រៀងនឹងស្ដុប។

@ រំលងទៅចម្រៀងមួយទៀត៖ ចុចប៊ូតុងកណ្តាល ពីរដងឱ្យលឿន

@ខាចម្រៀងទៅមុខ (Fast-forward)៖ ចុចប៊ូតុងកណ្តាលពីរដងឱ្យលឿន បន្ទាប់មកចុចប៊ូតុងកណ្តាល ឱ្យជាប់

@ខាចម្រៀងទៅក្រោយ (Rewind)៖ ចុចប៊ូតុងកណ្តាលបីដងឱ្យលឿន បន្ទាប់មកចុចប៊ូតុងកណ្តាលឱ្យជាប់

@ត្រឡប់ទៅចម្រៀងមុនៗ (Previous Song)៖ ចុចប៊ូតុងកណ្តាលបីដងឱ្យលឿន

@ទទួល ឬបិទការហៅ (Answer or end a call)៖ ចុចប៊ូតុងកណ្តាលម្តងដើម្បីទទួល។ ចុចម្តងទៀតដើម្បីបិទ។ ចុចប៊ូតុងកណ្តាលឱ្យជាប់ ខណៈកំពុងមានការហៅចូល ដើម្បីប្តូរការហៅនោះទៅជា Voice Mail។

@ បដិសេធការហៅទីពីរ (Decline an incoming call)៖ ក្នុងករណីដែលអ្នកកំពុងនិយាយទូរសព្ទជាមួយភាគី A ហើយភាគី B Call ចូល នោះអ្នកអាចទទួលការហៅពីភាគី B ដោយគ្រាន់តែចុចប៊ូតុងកណ្តាល តែម្តងប៉ុណ្ណោះ (ពេលនោះភាគី A នឹងស្ថិតក្នុងរង់ចាំ Hold)។

ប៉ុន្តែបើអ្នកចង់បដិសេធការហៅពីភាគី B នោះគ្រាន់តែចុចប៊ូតុងកណ្តាលឱ្យជាប់ប្រហែលពីរវិនាទី ហើយលែងវិញ នោះនឹងចេញពាក្យ Call Declined លើការហៅ (Call) របស់ភាគី B។

@បើក Siri (Activate Siri)៖ នៅពេលកំពុងភ្ជាប់អ៊ីនធឺណិត ចុចប៊ូតុងកណ្តាល ឱ្យជាប់ ដើម្បីបើក Siri។

@ថតរូប៖ ចុចប៊ូតុងសំឡេង (+) ឬ (-) មួយណាក៏បាន ខណៈពេលអ្នកកំពុងបើកមុខងារកាមេរ៉ា

ហេតុផល ៤ យ៉ាង គួរនិងមិនគួរ jailbreak iPhone/iPad

អ្នកទិញ ឬប្រើប្រាស់ iPhone/iPad មួយភាគមិនសូវខ្វល់និងយល់ពី jailbreak គឺទិញភ្លាមឲ្យគេ jailbreak ដាក់កម្មវិធីឲ្យភ្លាម។ មួយភាគក៏យល់ច្បាស់ រហូតដល់អនុវត្ត (jailbreak) ខ្លួនឯង ដោយមិនចាំបាច់ពឹងជាងទូរសព្ទ។ ប៉ុន្តែ ពួកគេប្រហែលជាពុំដឹងថា iPhone/iPad របស់ពួកគេ អាចកំពុងប្រឈមបញ្ហានោះឡើយ។

ទំព័រនេះ Sabay សូមបង្ហាញចំណេះដឹងខ្លីៗខ្លះទាក់ទងនឹង jailbreak សម្រាប់ប្រិយមិត្តប្រើប្រាស់ iOS device៖

* អ្វីជា jailbreak?

Jailbreak ជាដំណើរការនៃការកែប្រែ software លើ iPhone/iPad ដោយប្រើ software ជំនួយរបស់ក្រុមhacker ដើម្បីលុបចោលរាល់ការបិទមុខងារ (limitation/restriction) ដែលដាក់ដោយ Apple។ Apple កំណត់ថា មានតែ software ក្នុង App Store តែមួយប៉ុណ្ណោះ អាចដំឡើងលើ iPhone/iPad បាន។

* ហេតុផល ៤ យ៉ាង គួរ jailbreak

អាចដំឡើងកម្មវិធី (app) ដែលដោនឡូតពីវិបសាយផ្សេងៗ មិនចាំបាច់តែកម្មវិធីពីក្នុង App Store មួយមុខនោះឡើយ
អាចបន្ថែមមុខងារពិសេសៗជាច្រើន ងាយស្រួលជាងកម្មវិធីកំណត់ជាស្រេច (default) ក្នុង iOS
អាចកំណត់ កែប្រែរូបរាង user interface និង icon របស់កម្មវិធីផ្សេងៗបាន
ដំឡើងពុម្ពអក្សរ និងក្ដារចុចខ្មែរ (សម្រាប់ iOS 7 ចុះក្រោម)។

* ហេតុផល ៤ យ៉ាង មិនគួរ jailbreak

អ្នករំលោភលើ software license agreement។ មានន័យថា សេវាកម្មធានាលើ software សម្រាប់ iOS device របស់អ្នក គ្មានសុពលភាព។ បើសិនពេលកំពុង jailbreak សម្រាប់តែ iPhone/iPad មានបញ្ហាមិនអាចប្រើបាន Apple មិនទទួលខុសត្រូវឡើយ។
iPhone/iPad គ្មានប្រឈមនឹងបញ្ហាសុវត្ថិភាព ឬទិន្នន័យឯកជនភាព ព្រោះអ្នកបានដំឡើងកូដរបស់ hacker។ ម្យ៉ាងទៀត កម្មវិធីក្រៅ App Store អាចមានមេរោគ កុងគ្នា (ជាពិសេស tweak លើ Cydia) និងឧស្សាហ៍គាំង ជាហេតុធ្វើឲ្យ iPhone/iPad អ្នកដំណើរការមិនស្រួល។
iPhone/iPad អាចមានបញ្ហាសំឡេង ឧស្សាហ៍គាំង ប្រើៗ restart ខ្លួនឯង កម្មវិធីលែងដំណើរការស្រួល ប្រើឆាប់ក្ដៅថ្ម ហើយថ្មទៀតសោតឆាប់អស់។
ពុម្ពអក្សរខ្មែរមានស្រាប់ចាប់ពី iOS 8 ឡើងទៅ ខណៈដែលក្ដារចុចខ្មែរក៏អាចដំឡើងបានតាម App Store។

* ប្រតិកម្មរបស់ Apple ចំពោះ jailbreak

Apple ប្រកាន់ជំហរដាច់ខាតប្រឆាំងនឹង jailbreak ដោយតែងតែបញ្ចេញកំណែប្រែ iOS ថ្មីៗដើម្បីបិទ jailbreak software។ ខាងក្រោមនេះ ជាបញ្ហាប្រឈមដែល Apple លើកឡើងទាក់ទិននឹង jailbreak៖

iPhone/iPad ដើរមិនស្រួល គាំង រលត់
ថ្មក្ដៅឆាប់អស់៖ កម្មវិធីដែលដំឡើងក្រៅ App Store អាចដើរមិនត្រឹមត្រូវដែលបណ្ដាលឲ្យទាញថាមពលថ្មឲ្យឆាប់អស់
សំឡេងខលមិនច្បាស់
រអាក់រអួលសេវាកម្ម៖ Visual Voicemail, Weather, និង Stock។ ឯ iCloud, Exchange និង Apple Push notification ក៏ជួបបញ្ហាដែរ
ចង់ update តែមិនអាច៖ ដោយហេតុថា Apple តែងចេញកំណែប្រែ iOS ថ្មីដើម្បីបិទកូដ jailbreak software អ៊ីចឹងអ្នកដែល jailbreak រួច មិន update នោះឡើយ។ ប្រការនេះធ្វើឲ្យពួកគេបន្តប្រើ iOS ចាស់ មិនទាន់កំណែប្រែចុងក្រោយដែលប្រសើរជាង។

* តើមានសុវត្ថិភាពអត់ពេល jailbreak iPhone/iPad?

Sabay មិនណែនាំឲ្យធ្វើការ jailbreak នោះឡើយ ព្រោះអ្នកនឹងប្រើកូដរបស់ hacker មិន Apple។ អ៊ីចឹង អាចប្រឈមនឹងមានបញ្ហាពេលកំពុង ឬក្រោយ jailbreak ក៏ថាបាន។ ជាក់ស្ដែង software សម្រាប់ jailbreak ក៏មានលោតផ្ទាំងសារថា រាល់បញ្ហាកើតមានកំពុង jailbreak ពួកគេមិនទទួលខុសត្រូវឡើយ។

បើអ្នក jailbreak គ្រាន់តែចង់លេងកម្មវិធី ប្ដូរ user interface និង app icon ឬបន្ថែមមុខងារផ្សេងៗដែល Apple គ្មាន អ្នកអាចប្រឈមនឹងការខូចខាត iPhone/iPad ជាយថាហេតុ ហើយ Apple ក៏មិនទទួលខុសត្រូវលើសេវាកម្មធានាដែរ៕

Khmer Techno Innovation

Wednesday, July 12, 2017

អ្វីទៅ VOIP

Tuesday, May 30, 2017

ឯកសារ APK និងវិធីដំឡើងងាយៗ

CPU, GPU, Chipset លើស្មាតហ្វូនជាអ្វី?

Sunday, May 21, 2017

មកស្គាល់ Chip ពេញនិយមបំផុត

និយមន័យពាក្យបច្ចេកទេសទាំង ៣០ ដែលសិស្ស IT ខ្លះមិនដឹង!

Wednesday, April 26, 2017

គុណសម្បត្តិនិងគុណវិបត្តិ iCloud លើ iPhone អ្នកត្រូវដឹងឲ្យច្បាស់ មុនសម្រេចចិត្តប្រើ

Thursday, April 20, 2017

មុខងារថ្មី AirPlay Direct បញ្ជូនទិន្ន័យ ដោយមិនបាច់ឆ្លងកាត់ បណ្តាញ WiFi

យល់កាន់តែច្បាស់ពីកម្មវិធីទាំង ៥ ដែល Apple ដាក់ឱ្យទាញយក Free (featured)

Tuesday, April 4, 2017

Touch ID

Thursday, March 23, 2017

តិចអត់ដឹងកាស iPhone មានប្រយោជន៍ពិសេស១៤យ៉ាង?

ហេតុផល ៤ យ៉ាង គួរនិងមិនគួរ jailbreak iPhone/iPad

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels