Khmer Techno Innovation: iPhone Tip

Showing posts with label iPhone Tip. Show all posts

Tuesday, July 24, 2018

តិចនិក ៧ ចំណុច ជួយឲ្យម៉ាស៊ីន iPhone ដើរលឿនជាងមុន

១.កំណត់ការលោតសារ Notification:

មិនត្រូវឲ្យ App មានលើឧបករណ៍ លោត Notification ទាំងអស់នោះឡើយ ផ្ទុយទៅវិញអ្នកគួរទម្លាប់បើកតែសម្រាប់កម្មវិធី-ហ្គេមដែលចាំបាច់ប៉ុណ្ណោះ ព្រោះការលោតសារជូនដំណឹងច្រើនក្នុងពេលតែមួយ ជាកត្តាចាំបាច់ដំបូងដែលអ្នកត្រូវកែសម្រួល។

-ចូលទៅ Settings
-អូសយកពាក្យ Noftications
-រើសយក App ណាដែលអ្នកចង់ Turn Off។

២.កុំភ្លេច Update ទៅ iOS ជំនាន់ក្រោយ:

ល្បឿនរអាក់រអួលខ្លះក៏ទាក់ទងមកពី Bugs ដែលត្រូវទទួលការកែកំហុសឆ្គងក្នុងជំនាន់ iOS ចុងក្រោយ ដើម្បី Update បានសូមចូលទៅ Settings > General > Software Update រង់ចាំការបញ្ជាក់ប្រាប់តាមជំហាននីមួយៗ។

៣.ត្រួតពិនិត្យទំហំអង្គផ្ទុក:

ពិសេសសម្រាប់អ្នកប្រើ iPhone ទំហំ 16GB ត្រូវត្រួតពិនិត្យពីទំហំអង្គចងចាំនៅសល់ជាប្រចាំ ក៏ដូចជាលុបឯកសារមិនចាំបាច់មួយចំនួនដូចជារូបភាព វីដេអូ ឬ App មិនប្រើប្រាស់។ ដើម្បីឆែកសូមចូលទៅកាន់ Settings > General > iPhone Storage។

៤.សម្អាត History និង Cookies:

ប្រើប្រាស់កាន់ឆ្នាំមិនធ្លាប់សម្អាត Cookies លើ Safari ចោលម្តង ក៏អាចបង្កផលប៉ះពាល់ដល់ល្បឿនម៉ាស៊ីននិងអង្គផ្ទុក ព្រោះឯកសារលើអ៊ីនធឺណិតមានដូចជារូបភាព ឬមុខងារ Website ណាមួយ រមែងរក្សាទុកក្នុង Cache នៃឧបករណ៍របស់យើង។ ងាយស្រួលសម្អាតត្រង់ចំណុចនេះ ដោយត្រឹមចូលទៅ Settings > Safari រើសយក Clear History and Website Data។

៥.បិទមុខងារ Background App Refresh:

ជាមុខងារឲ្យកម្មវិធីណាមួយក្នុង Background បន្តដំណើរការ ថ្វីបើអ្នកចេញមកខាងក្រៅលើ Homscreen ក៏ដោយ ពោលជាផលមិនល្អសម្រាប់ដំណើរការម៉ាស៊ីន ចំណុចនេះហើយអ្នកគួរបិទចោលមុខងារមិនសំខាន់មួយនេះ។ ចូលទៅ Settings > General រើសយក Turn Off លើមុខងារ Background App Refresh។

៦.ប្តូរថ្មថ្មី:

វដ្តសាកនៃថ្មមួយគ្រាប់មានការកំណត់ទៅតាមរយៈពេលដែលអ្នកប្រើ ម្ល៉ោះហើយបើថ្មមិនសូវកាន់ ក៏អាចធ្វើឲ្យម៉ាស៊ីនដើរយឺតបានដូចគ្នា។ ការផ្លាស់ប្តូរថ្មថ្មី មានតម្លៃខ្ពស់ទាបទៅតាមម៉ាស៊ីន ឬអាចឆែកមើលឲ្យបានច្បាស់តាមរយៈមុខងារសាកល្បង Battery Health ក្នុង Settings ដឹងពីទំហំផ្ទុកអតិបរមាខាងក្នុងថ្ម បើភាគរយកាន់តែទាបកាន់តែកំពុងចុះអន់ថយ លាយឡំការឆែកមើលកម្មវិធីដែលស៊ីថ្មខ្លាំងបំផុត។

៧.Restore ម៉ាស៊ីនថ្មី:

ជាមធ្យោបាយចុងក្រោយ ប៉ុន្តែទាមទារពេលវេលាក្នុងការចម្លងចេញចូលទិន្នន័យក្នុងម៉ាស៊ីន (ចូលក្នុង PC ឬលើ iCloud) មុនពេល Restore តាមរយៈកម្មវិធី iTunes លើកុំព្យូទ័រ។

ចៃដន្យធ្វើបាត់ iPhone អាចរកឃើញស្រួល បើអ្នកចេះវិធីការពារទុកជាមុន

ថ្ងៃនេះ ម៉ោង 08:51

ចំនួនមតិ 0

ចន្លោះមិនឃើញ

មនុស្សភាគច្រើនឧស្សាហ៍ភ្លេចញឹកញាប់ រហូតថ្លោះធ្លោយមិនដឹងថាខ្លួនច្រឡំដៃទុកទូរសព្ទនៅទីណា។ ប្រភេទឧបករណ៍ iOS មានមុខងារពិសេសមួយឲ្យឈ្មោះ Find My iPhone ឆ្លងកាត់ការប្រើប្រាស់ iCloud អនុញ្ញាតឲ្យអ្នកប្រើងាយស្រួលស្វែងរកទូរសព្ទដែលបាត់ តាមរយៈជំហានដូចខាងក្រោម។

១.ការប្រើប្រាស់ Find My iPhone លើទូរសព្ទឬកុំព្យូទ័រ:

ផ្តល់អត្ថប្រយោជន៍ជាពិសេសសម្រាប់ iPhone ដែលបាត់ទោះម៉ាស៊ីនកំណត់ជាប់ Muted ឬបិទសំឡេងរោទ៍ ក៏យើងអាចបញ្ជាឲ្យឧបករណ៍បន្លឺសំឡេងចេញមកបាន ប៉ុន្តែជាដំបូងអ្នកត្រូវចូលទៅ Settings > Apple ID > iCloud (វាយបញ្ចូលគណនី) ហើយដំណើរការមុខងារ Find My iPhone មុនពេលឧបករណ៍ត្រូវបាត់ដោយចៃដន្យ។

អ្នកអាចភ្ជាប់គណនីកម្មវិធីនេះទៅលើឧបករណ៍ដទៃមួយផ្សេងទៀត ករណី iPhone របស់អ្នកបាត់ ហើយមើលត្រង់ពាក្យថា Play Sound ភ្លាមនោះឧបករណ៍ដែលបាត់នឹងបន្លឺសំឡេងឡើង (ដំណើរការបានតែក្នុងលក្ខខណ្ឌ iPhone ដែលបាត់នៅភ្ជាប់ទៅកាន់អ៊ីនធឺណិត Wi-Fi ឬ 4G)។

យ៉ាងណាមិញករណីអ្នកមាន iPhone តែមួយគ្រឿង នោះការប្រើប្រាស់លើកុំព្យូទ័រក៏គាំទ្រដូចគ្នា ដោយត្រូវចូលទៅកាន់គេហទំព័រ https://www.icloud.com រួចវាយបញ្ចូលគណនី Apple ID ឬ iCloud ដែលធ្លាប់កំណត់លើ iPhone ដែលបាត់។

កាន់តែងាយស្រួលអ្នកអាចដឹងឧបករណ៍នោះកំពុងភ្ជាប់ទៅអ៊ីនធឺណិតឬអត់ វាមានសញ្ញាមូលពណ៌បៃតងជាសម្គាល់។ បន្ទាប់ចុចយកពាក្យ Play Sound ដូចរៀបរាប់ខាងលើ។

ចំពោះមុខងារ Lost Mode ចាំបាច់នៅពេលឧបករណ៍ដែលបាត់កំពុង Offline ឬនៅដៃជនណាម្នាក់ នោះអ្នកក៏អាចសរសេរជាសារមួយ ភ្ជាប់លេខទូរសព្ទនៅក្នុងដៃអ្នកផ្ទាល់ ហើយសារនឹងលោតស្វ័យប្រវត្តិទៅលើផ្ទៃ Lockscreen នៃឧបករណ៍ពេលបានភ្ជាប់ទៅកាន់អ៊ីនធឺណិតវិញ ក្នុងករណីនេះបើអ្នករើសបានមានចិត្ត គេអាចនឹងទំនាក់ទំនងមកកាន់អ្នក តែបើអត់ក៏ពួកគេពុំមានសិទ្ធប្រើ ព្រោះទូរសព្ទនោះជាប់ iCloud របស់អ្នកហើយ។

២.ការប្រើ Find My iPhone លើ Apple Watch:

នាឡិកាឆ្លាតវៃរបស់ Apple មិនត្រឹមតែសំខាន់លើមុខងារតាមដានសុខភាពប៉ុណ្ណោះទេ ទៀតសោតក៏អាចប្រើជាឧបករណ៍ស្វែងរកទូរសព្ទដែលបាត់បានដូចគ្នា។ ងាយស្រួលបំផុតដោយអ្នកគ្រាន់អូសចូលទៅកាន់ផ្ទៃ Control Center ហើយចុចលើសញ្ញាទូរសព្ទ (ដូចបង្ហាញក្នុងរូប) ភ្លាមនោះ iPhone ដែលបាត់នឹងបន្លឺសំឡេងឡើង។

៣.ចំណេះដឹងបន្ថែម:

ថ្វីបើ Find My iPhone ផ្តល់ប្រយោជន៍សំខាន់ដល់អ្នកប្រើប្រាស់ ផ្ទុយទៅវិញក៏មានគុណវិបត្តិនៅពេលម្ចាស់ឧបករណ៍ភ្លេចកូដសម្ងាត់គណនី Apple ID ឬ iCloud ខ្លួនឯង ត្រង់ចំណុចនេះ Sabay ចង់ដាស់តឿនឲ្យអ្នករាល់គ្នាមុនកំណត់ខាងលើ អ្នកគួរតែដឹងច្បាស់ពីកូដសម្ងាត់ Mail ដើម, ចម្លើយនៃ Security Question ក៏ដូចជាថ្ងៃខែឆ្នាំកំណើត នៅពេលបង្កើត ជៀសវាងមានបញ្ហា Error ឬចាំបាច់ត្រូវ Reset Password បែបណានោះ ក៏យើងនៅមានផ្លូវដោះស្រាយ។

ចង់ដឹងកាស iPhone ហ្ស៊ីនឬក្លែងក្លាយ ចេះតែ ៤ ក្បាច់លែងចាញ់បោកគេទៀតហើយ

ចន្លោះមិនឃើញ

កាស iPhone នៅបន្តពេញនិយមដល់សព្វថ្ងៃ ថ្វីបើ Apple ចេញលក់ AirPods បានជាង ១ ឆ្នាំមកហើយក្តី។ ប៉ុន្តែសង្កេតឃើញអតិថិជនមួយចំនួននៅចាញ់បោកជនខិលខូចក្នុងការទិញប៉ះ កាសក្លែងក្លាយ ដែលដាក់លក់ស្មើតម្លៃកាសហ្ស៊ីន ឬពពួក Grade A។

Sabay ចែករំលែកនូវគន្លឹះ ៤ យ៉ាងក្នុងការសម្គាល់ឲ្យដាច់ស្រេចរវាងកាស Original ចេញពីក្រុមហ៊ុន និងប្រភេទ Copy តាមទាបខ្ពស់។

១.មើលលើការវេចខ្ចប់:

ប្រើពន្លឺឆ្លុះបញ្ចាំសំបកប្រអប់ខ្ចប់កាស ដោយរបស់ក្លែងក្លាយពេលចាំងភ្លើង មានស្នាមខ្មៅដុបៗ ខុសពីរបស់ហ្ស៊ីនរាបស្មើស្អាត (ដូចបង្ហាញក្នុងរូប)។

២.ពិនិត្យសំឡេងពេលចុចប៊ូតុង:

កាសហ្ស៊ីនពី Apple នៅពេលចុចប៊ូតុងដំឡើងឬបន្ថយ សំឡេងលឺសូរ "click, click” ស្ងាត់តិចបំផុត ខុសពីរបស់ក្លែងក្លាយទោះមនុស្សឈរចម្ងាយ ១ ម៉ែត្រក៏ស្ដាប់នៅលឺ។ មួយទៀតសោតក្រឡេកមើលគម្លាតជាតិផ្លាស្ទិចក្បែរប៊ូតុង ដោយរបស់ពិតមានគម្លាតស្ដួចស្ដើងបំផុត។

៣.ឆែកមើលរន្ធបាស (ច្បាស់បំផុត):

កាសពិតប្រាកដថ្លៃមិនក្រោម ១០ ដុល្លារ រចនាមកពីនាយនូវរន្ធបាសផ្នែកខាងក្រោម ក្នុងគោលដៅបន្ថែមសំឡេងឲ្យកាន់តែប្រសើររាល់ពេលស្តាប់ ហើយបើអ្នកដាក់ម្រាមដៃបាំងទីតាំងនោះ ក៏មានសំឡេងខ្សាវៗបុកចេញមកវិញ។ ចម្លែកអ្វីកាសក្លែងក្លាយ ត្រង់រន្ធបាស គ្រាន់តែរចនាមកបញ្ឆោតអ្នកប្រើប្រាស់។

៤.មើលសារធាតុស្រោបតួកាស:

យកកាសដាក់បញ្ចាំងក្រោមភ្លើងពិល ស្របពេលរបស់ពិតប្រើនូវសារធាតុអាលុយមីញ៉ូមកម្រិតខ្ពស់ ដែលមិនឲ្យអ្នកប្រើមើលឃើញសំបកក្នុង ខុសពីកាសតម្លៃ ២-៣ ដុល្លារ ដូចបើកចំហឲ្យឃើញតួក្នុងបានយ៉ាងងាយ។

កុំច្រឡំគ្នាឲ្យសោះ ការ Reset ខុសៗគ្នា លើ iPhone

អង្គារ, 7 វិច្ឆិកា 2017 11:20

ចំនួនមតិ 0

ចន្លោះមិនឃើញ

ជាទូទៅក្នុងកម្មវិធី Settings នៃប្រព័ន្ធប្រតិបត្តិ iOS មិនថាតែ iPhone ឬ iPad ត្រង់មុខងារ Reset មានបង្ហាញនូវ ៣ ប្រភេទធំៗរួមមាន Reset All Settings, Erase All Contents and Settings និង Reset Network Settings។ ពាក្យទាំង ៣ នេះ បង្កឲ្យមានការភ័ន្តច្រឡំពីអ្នកប្រើប្រាស់ទូទៅមួយចំនួនធំ ហើយបង្កឲ្យជួបបញ្ហាក្រោយពេល Reset រួចរាល់។

១.Reset All Settings: ជាការលុបចោលឬផ្ដើមសារជាថ្មី នូវរាល់ការកំណត់ផ្សេងៗទាំងអស់ នៅក្នុង Settings សោតយ៉ាងដូចជាការភ្ជាប់ទៅតំណ APN (ប្រព័ន្ធអ៊ីនធឺណិត), ការភ្ជាប់ទៅប្រព័ន្ធ WiFi ឬការកំណត់ក្ដារចុចពីខាងក្រៅជាដើម។ ប៉ុន្តែរាល់ទិន្នន័យទាំងអស់មានដូចជារូបភាព, ចម្រៀង, បញ្ជីលេខទូរសព្ទ ឬកម្មវិធីមានបង្ហាញលើ Homescreen មិនត្រូវបានបាត់បង់នោះឡើយ។

អ្នកអាចប្រើមុខងារ Reset នេះ ដោយចូលទៅកាន់ Settings> General > Reset និង Reset All Settings ជាការស្រេច។

២.Erase All Contents and Settings: ចំណុចនេះវានឹងលុបចោលនូវរាល់បណ្ដាឯកសារទាំងអស់ចេញពីឧបករណ៍របស់យើង មិនខុសពីមុខងារ Restore (iPhone/iPad) ឆ្លងកាត់កម្មវិធី iTunes ដូច្នោះដែរ គ្រាន់ថាវានឹងរក្សាឲ្យអ្នកនៅជំនាន់ iOS ដដែល ខុសពី iTunes បើអ្នកប្រើមុខងារ Restore ត្រូវទាមទារទៅកាន់ជំនាន់ចុងក្រោយបង្អស់។ ក្រោយប្រើមុខងារនេះ វានឹងលោតឲ្យអ្នកចូលទៅកាន់ផ្ទាំង Activate iPhone/iPad សារជាថ្មី ដូចទៅម៉ាស៊ីនដែលទើបបកចេញពីប្រអប់ដូច្នោះដែរ។

ដើម្បី Reset បែបនេះ យើងចូលទៅកាន់ Settings > General > Reset និង Erase All Content and Settings។

៣.Reset Network Settings: ចាត់ការតែលើ Settings នៃបណ្ដាញ មានដូចជា Password WiFi, ប្រព័ន្ធតំណភ្ជាប់អ៊ីនធឺណិត និងមុខងារ Network មួយចំនួនទៀត មានក្នុងឧបករណ៍របស់យើង ត្រូវដំណើរការសារជាថ្មីទាំងស្រុង។ គេច្រើនប្រើមុខងារនេះ សម្រាប់ទូរសព្ទដែលជួបបញ្ហាភ្ជាប់ទៅ WiFi មិនជាប់ ឬបើកអ៊ីនធឺណិត 3G/4G មិនចេញជាដើម។

ចូលទៅកាន់ Settings > General > Reset > Reset Network Settings។

បញ្ជាក់ថារាល់ការអនុវត្តនេះ ករណីបើម៉ាស៊ីនអ្នកកំពុងស្ថិតក្នុងប្រព័ន្ធ Jailbreak ឬមាន Cydia ដាច់ខាតមិនត្រូវធ្វើនោះឡើយ ជៀសវាងការគាំងជាប់ត្រឹម Logo Apple ឬ iTunes។

អានអត្ថបទបន្ទាប់

ប្រភព៖ drfone ប្រែសម្រួល៖ កៅ រក្សា

មុនយក iPhone ទៅលក់ កុំភ្លេចធ្វើរឿងទាំងនេះសិន

Apple បានបង្ហាញ iPhone 8, 8 Plus ហើយថែម iPhone X ដែលធ្វើឲ្យប្រិយមិត្តជាច្រើនរមែងចង់បានមកប្រើ។ ប្រសិនបើអ្នកប្រើប្រាស់ iPhone ចាស់ មានបំណងចង់ធ្វើការផ្លាស់ប្ដូរស៊េរីថ្មី ដោយលក់នូវម៉ូដែលចាស់ចោល អ្នកគួរស្វែងយល់នូវចំណុចខាងក្រោម មុនអ្នកលក់ទៅឲ្យនរណាម្នាក់៖

១. ធ្វើការ Back Up

អ្នកគួរធ្វើការ Back up រាល់អ្វីគ្រប់យ៉ាងលើទូរសព្ទមុននឹងលុបចោល។ នៅលើ PC អ្នកគួរមាននូវជំនាន់ចុងក្រោយនៃកម្មវិធី iTune > ភ្ជាប់ទូរសព្ទទៅនឹងកុំព្យូទ័រ។ ពេលវាបង្ហាញលើ iTune អ្នកចូលទៅកាន់ File > Devices > Back Up។ អ្នកអាចពិនិត្យមើលថាតើបាន Back up ឬអត់ ដោយចូល Preferences > Devices ហើយត្រួតពិនិត្យនូវកាលបរិច្ឆេទនៃការ Back up ចុងក្រោយ។

អ្នកក៏អាច Back up ដោយផ្ទាល់លើ iOS device ផងដែរ ដោយចូលទៅកាន់កម្មវិធី Settings > ជ្រើសរើសឈ្មោះអ្នក > ចុចលើ iCloud បន្ទាប់មកអូសចុះក្រោមដល់ iCloud Backup > Back up now។ ប្រសិនបើប៊ូតុង Toggle លើ iCloud Backup បើក វានឹងធ្វើការ Update នូវរាល់ទិន្នន័យ និង Settings អ្នក ពេល Device បាន Locked ហើយភ្ជាប់នឹងអ៊ីនធឺណិត។

ក្រោយមក ពេលអ្នកទិញនូវ iPhone ថ្មីអ្នកអាចជ្រើសរើស Back up ពី iTune ឬ iCloud ហើយគ្រប់ទិន្នន័យ និង Settings នឹងមានសភាពដូចទៅនឹងទូរសព្ទចាស់។

២. បិទមុខងារ Find My iPhone

ការបើកដំណើរការមុខងារ Find My iPhone ពេលខ្លះអាចត្រូវបាន Block activation ដោយម្ចាស់ថ្មី។ ដូច្នេះអ្នកគួរបិទ មុនអ្នកលក់ឲ្យអ្នកដទៃ។ អ្នកអាចចូលទៅកាន់កម្មវិធី Settings > ឈ្មោះអ្នក > iCloud > Find My iPhone ហើយចុចអូសបិទចោល។

៣. Sign out ពី iMessage

ពេលខ្លះសារបានបញ្ជូនពី iPhone មួយទៅ iPhone មួយទៀត ត្រូវបានទទួលដោយ iPhone ចាស់ ជៀសជាង Device ប៉ុន្តែបញ្ហានេះត្រូវបានដោះស្រាយរួចហើយ។ យ៉ាងណាមិញ ជាយោបល់ល្អ អ្នកគួរធ្វើការបិទ ដោយចូលទៅកាន់កម្មវិធី Settings > Messages > ហើយចុចលើប៊ូតុង Toggle បិទ iMessage។

៤. Unpair Apple Watch

ប្រសិនបើអ្នកមាន Apple Watch អ្នកគួរ Unpair វាពី iPhone អ្នកមុនលក់ចេញ។ អ្នកអាចដាក់ Device ទាំងពីរនៅជិតគ្នា ហើយបើកកម្មវិធី Apple Watch លើ iPhone > ចូលទៅកាន់ Tab ឈ្មោះ My Watch ហើយជ្រើសរើស នាឡិកាដែលនៅខាងលើនៃអេក្រង់ > ជ្រើសរើសនូវសញ្ញា Info circle នៅក្បែរនឹងនាឡិកា ដែលអ្នកចង់ Unpair > បន្ទាប់មកចុច Unpair Apple Watch ហើយចុច Confirm ដែលប្រហែលជាត្រូវការបញ្ចូលលេខសំងាត់ Apple ID។

៥. Sign Out ពី iCloud

ក្រុមហ៊ុន Apple បានណែនាំដល់អ្នកគ្រប់គ្នាដែលប្រើប្រាស់នូវ iOS 10 ឬលើនេះ គួរធ្វើការ Sign out ពី iCloud ក៏ដូចជា iTune និង App Store មុនលក់ចេញ។

លើ iOS 10.3+ អ្នកអាចចូលកម្មវិធី Settings > ឈ្មោះអ្នក > Sign Out > បញ្ចូលនូវពាក្យសំងាត់ Apple ID ហើយចុច Turn Off។
លើ iOS 10.2 អ្នកអាចចូលកម្មវិធី Settings > iCloud > Sign Out > ចុចលើ Sign Out ម្ដងទៀត បន្ទាប់មកចុច Delete from My Device ណាមួយ ហើយបញ្ចូលនូវពាក្យសំងាត់ Apple ID។ ក្រោយមកទៀតចូលកម្មវិធី Settings > iTunes & App Store > Apple ID > Sign Out។

៦. Erase all Settings

អ្នកគួរធ្វើការលុបនូវរាល់ទិន្នន័យ ដោយចូលទៅកាន់កម្មវិធី Settings > General > Reset > Erase all Content and Settings ហើយបញ្ជាក់នូវការយល់ព្រមលើផ្ទាំងដែលបង្ហាញ។

៧. Sim Card
អ្នកគួរធ្វើការដកនូវ Sim card ចេញ។

៨. ដល់ពេលលក់

ក្រោយរៀបចំរួចរាល់ អ្នកអាចថតរូបទូរសព្ទអ្នក ហើយបង្ហោះលើ Online សម្រាប់ធ្វើការលក់ ឬទៅលក់ដល់កន្លែងទិញ លក់ទូរសព្ទតែម្ដង។ លើសពីនេះ គួរដឹងពីហាងឆេងតម្លៃរបស់ iPhone ពេលកំពុងលក់ ព្រោះមិនដូច្នេះ អាចលក់ចេញខាតជ្រុល៕

វិធីឆែកមើលទូរសព្ទ Android និង iOS អាចដំឡើង Version ថ្មីបានឬអត់?

ការដំឡើង Version ឬ Update Version ជារឿងដែលចាំបាច់មួយសម្រាប់អ្នកប្រើប្រាស់ស្មាតហ្វូនទូទៅត្រូវធ្វើ។ រាល់ប្រព័ន្ធប្រតិបត្តិជំនាន់ក្រោយបង្អស់ ក្រុមហ៊ុនរមែងកែប្រែកំហុសឆ្គងនៃប្រព័ន្ធសុវត្ថិភាព ក៏ដូចជាពង្រឹងបន្ថែមនូវល្បឿនដំណើរការនៃម៉ាស៊ីន។ ចុះធ្វើម៉េចទើបយើងអាចដឹង តើស្មាតហ្វូនរបស់យើងឈរនៅប្រព័ន្ធប្រតិបត្តិជំនាន់ក្រោយបង្អស់ហើយឬនៅ បើចង់ពិនិត្យមើលថាវាអាច Update ទៅជំនាន់ក្រោយបានឬអត់ គួរឆែកមើលតាមណា?

ទាំងទូរសព្ទ iOS និង Android មាន ២ វិធីដូចខាងក្រោម:
១.វិធីឆែកមើលការ Update តាម OTA (Over-the-Air) ទាំង iOS & Android

+iOS:

-ចូលទៅកាន់Settings > General
-ចុចលើពាក្យ Software Update
-ប្រសិនមានកំណែ Update ថ្មី វានឹងបង្ហាញឲ្យយើងបានឃើញនិងណែនាំឲ្យធ្វើការ Update and Install

+Android

-ចូលទៅកាន់ Settings > អូសមើលពាក្យ About Phone

- ចុចលើពាក្យ System Updates

-បើវាបង្ហាញថា Your System is update នោះមានន័យថាឧបករណ៍អ្នកបានឈរលើជំនាន់ Android ចុងក្រោយបង្អស់ហើយ ប៉ុន្តែអ្នកក៏អាចធ្វើការ Check for update ដើម្បីស្វែងរកមើលនូវការដំឡើងប្រព័ន្ធសុវត្ថិភាពតូចៗណាផ្សេងទៀត ដែលក្រុមហ៊ុនបានបញ្ចេញឲ្យប្រើប្រាស់។

២.វិធីឆែកមើលការ Update តាមរយៈគេហទំព័រ

ការឆែកមើលតាមគេហទំព័រណាមួយ ផ្ដល់ភាពងាយស្រួលដល់យើងអាចមើលដឹងពីឧបករណ៍ផ្សេងច្រើន ឧបមាថាអ្នកកំពុងប្រើ iPhone 7 Plus ប៉ុន្តែអ្នកក៏អាចដឹងព័ត៌មាន Update អំពី iPhone 4 ឬ 3GS ផ្អែកតាមការស្វែងរក។

+iOS:

-ចូលគេហទំព័រ getios.com បំពេញព័ត៌មានដែលអ្នកចង់ឆែកមើល (ឧទាហរណ៍: iPhone 3GS អាច Update Version ក្រោយបំផុត គឺ iOS 6.1.6 គិតត្រឹមបច្ចុប្បន្ន)
-អ្នកក៏អាច Download ឯកសារដំឡើងនោះទុកក្នុងកុំព្យូទ័របាន។

+Android (SAMSUNG)

-ចុចត្រង់ Firmware ហើយវាយបញ្ចូលកំណែលេខម៉ាស៊ីន ត្រង់ប្រអប់ My model number

-ឧទាហរណ៍: GALAXY S7 EDGE (SM-G935F) - វានឹងបង្ហាញថាអាចដំឡើងបានដល់ជំនាន់ Android 7

-អ្នកក៏អាចធ្វើការ Download ទុកបានដូចគ្នា ប៉ុន្តែត្រូវធ្វើការ Register គណនីធម្មតា (Regular) ឬគណនីបង់លុយ Premium។

ប្រភព៖ HowToGeek ប្រែសម្រួល៖ កៅ រក្សា

Kodi, Multitasking, OTA សុទ្ធតែពាក្យសំខាន់ដែលអ្នកប្រើ iPhone មិនគួររំលង

រៀងរាល់សប្ដាហ៍ Sabay ចែករំលែកនូវអត្ថន័យពាក្យបច្ចេកទេសថ្មីៗសម្រាប់អ្នកប្រើ iPhone ដោយឡែកថ្ងៃនេះ មានពាក្យបច្ចេកទេសថ្មី ៣ ទៀតរួមមាន Kodi, Multitasking និង OTA។ តើពាក្យទាំងអស់មានអត្ថន័យយ៉ាងណា ហើយផ្ដល់អត្ថប្រយោជន៍អ្វីខ្លះដល់អ្នកប្រើ iPhone?

១.Kodi

Kodi ឬយើងអាចហៅថា XBMC ជាប្រភេទកម្មវិធីឥតគិតថ្លៃ បង្កើតឡើងដោយក្រុមហ៊ុន XBMC Foundaton (ជាក្រុមហ៊ុនបច្ចេកវិទ្យាមិនស្វែងរកប្រាក់ចំណេញ)។ កម្មវិធីនេះមានអត្ថប្រយោជន៍ពិសេសម្យ៉ាង ដែលអនុញ្ញាតឲ្យយើងធ្វើការទស្សនាប៉ុស្តិ៍ទូរទស្សន៍ក្នុងស្រុកនិងក្រៅស្រុកឬប្រចាំតំបន់នីមួយៗ ជាលក្ខណៈការផ្សាយផ្ទាល់ដោយយើងមិនអាចរកទស្សនាបានតាមគេហទំព័រនានា។

ក្នុងការដើរតួជាទូរទស្សន៍ប្រើប្រព័ន្ធអ៊ីនធឺណិត Kodi អាចគាំទ្របានទាំងឧបករណ៍ Windows, macOS, Android, iOS និង tvOS ជាដើម។ ចំពោះ iPhone យើងអាចដំឡើងកម្មវិធីនេះ តាម ២ របៀបរវាងការ Jailbreak និងឥត Jailbreak។
ដើម្បីដំឡើង Kodi ចូលទៅក្នុងទូរសព្ទ iPhone (Non-Jailbreak) បានអ្នកត្រូវការកម្មវិធី Cydia Impactor (http://www.cydiaimpactor.com/) និង Kodi ជាឯកសារ .IPA(https://mega.nz/#!SgJGkThB!dHjsjVD355lfN_Iqc8gR3cQ5ZYj_Ry5-8xJNUMhwUvc)។

២.Multitasking

មុខងារសាមញ្ញដែលអ្នកកាន់ iPhone ធ្លាប់បានជួប ប៉ុន្តែមិនទាន់ស្គាល់ពីពាក្យបច្ចេកទេសរបស់វា។ Multitasking ជាមុខងារម្យ៉ាងដែលអាចបង្ហាញនូវផ្ទាំងកម្មវិធីច្រើន ដំណើរការក្នុងពេលតែមួយឬអាចធ្វើការលុបកម្មវិធីណាមួយចោល ដើម្បីឲ្យម៉ាស៊ីនដើរបានលឿនជាងមុន។ រាល់ពេលដែលអ្នកចុចប៊ូតុង Home ២ ដង អ្នកនឹងឃើញផ្ទាំងកម្មវិធីច្រើនលោតមក ផ្ទាំងនោះហើយយើងហៅថា Multitasking។

ប្រកាសឲ្យប្រើប្រាស់ជាលើកដំបូងនៅខែមិថុនា ឆ្នាំ ២០១០ អំឡុងវត្តមាន iOS 4 គាំទ្រលើឧបករណ៍ iPhone 4/iPhone 3GS និង iPod Touch ជំនាន់ទី ៣។ ប៉ុន្តែកាលនោះ iPad មិនទាន់គាំទ្រ Multitasking ឡើយ ដោយត្រូវចាំដល់ iOS 4.2.1 បង្ហាញមុខអំឡុងខែវិច្ឆិកា ចុងឆ្នាំ ២០១០ ឯណោះ។

៣.OTA

OTA ឬពាក្យពេញ Over-the-Air ត្រូវបានដាក់បង្ហាញអំឡុងវត្តមាន iOS 5។ អនុញ្ញាតឲ្យអ្នកប្រើប្រាស់មានសិទ្ធិធ្វើការ Update ជំនាន់ iOS របស់ខ្លួន តាមរយៈទូរសព្ទដោយពុំចាំបាច់ប្រើកុំព្យូទ័រឬ iTunes។ យើងអាចចូលទៅឆែកមើលកំណែ Update តាម OTA បាន ដោយចូល Settings > General > Software Update និងចុចពាក្យ Download and Install នូវកំណែចុងក្រោយបង្អស់។

ប្រភព៖ Wikipedia | Macworld | theiphonewiki ប្រែសម្រួល៖ ប៊ុណ្ណារ៉ា

របៀបផ្ទេររូបភាពនិងវីដេអូពីកុំព្យូទ័រចូល iPhone

ឯកសារសំខាន់ៗដូចជារូបភាពនិងវីដេអូ ក្រៅពីផ្ទុកក្នុងទូរសព្ទ iPhone អ្នកខ្លះបានរក្សាទុកក្នុងកុំព្យូទ័រ។ ចុះនៅពេលដែលចង់ផ្ទេរ (Copy) ចូលមក iPhone វិញធ្វើម៉េចវិញ។ មានវិធីសាស្រ្តពីរ ដែលប្រិយមិត្តអាចយកទៅអនុវត្តបានដោយខ្លួនឯង។

១.Copy តាមរយៈ iTunes

វិធីទី ១ ងាយស្រួលប៉ុន្តែប្រើបានសម្រាប់តែ iPhone ដែលទើប Restore ម៉ាស៊ីនថ្មីប៉ុណ្ណោះ។ ករណីបើអ្នកធ្វើការ Copy រូបភាពនិងវីដេអូចូល iPhone តាម iTunes គឺយើងធ្វើបានតែម្ដងគត់ បើធ្វើលើកទី ២ រូបចាស់នឹងបាត់ ដោយរូបថ្មីបញ្ចូលជាន់ពីលើវិញ។ ម្ល៉ោះហើយបើអ្នកធ្វើម្ដង គឺត្រូវប្រមូលរូបទាំងអស់ចូលក្នុង Folder មួយ ហើយអនុវត្តតែម្ដងគត់។

-ដំឡើងកម្មវិធី iTunes
-បើក iTunes ហើយចុចលើរូបទូរសព្ទ

-ចុចត្រង់ពាក្យ Photos > យកពាក្យ Sync Photos > ត្រង់កន្លែង Copy Photos From សូម Select យក Folder នៃរូបភាពនិងវីដេអូដែលមានក្នុងកុំព្យូទ័រ (Folder មួយអាចផ្ទុកបានទាំងរូបភាពនិងវីដេអូ)

-គ្រីសត្រង់ពាក្យ Include Videos > ហើយចុចលើពាក្យ Apply រង់ចាំដល់ចប់ជាការស្រេច។

#បញ្ជាក់: រូបដែលបញ្ចូលតាម iTunes មិនអាចធ្វើការ Delete ដោយដៃក្នុង iPhone បានឡើយ ២.Copy តាមកម្មវិធី PP
មានកម្មវិធីច្រើនដែលខ្លះស្រួលប្រើប្រាស់ ប៉ុន្តែជាប្រភេទកម្មវិធី Paid-Version ម្ល៉ោះហើយទើប Sabay ណែនាំឲ្យរៀនប្រើ PP ទោះពិបាកបន្តិច ប៉ុន្តែប្រើបានរហូត។

-ដំឡើងកម្មវិធី PP ដោយចុចទាញយកនៅត្រង់នេះ

(បញ្ជាក់: ត្រូវមាន iTunes ដើម្បីគាំទ្រ Driver ឲ្យចាប់ស្គាល់ iPhone ជាមួយកុំព្យូទ័រ)

-បើកកម្មវិធី PP ហើយដោតភ្ជាប់ទូរសព្ទ iPhone
-ចូលទៅកន្លែង Download កម្មវិធី > Search រកពាក្យ PP > ហើយចុចលើពាក្យ ដំឡើង

-ទុកចោលប្រហែល ៣ នាទី អ្នកនឹងឃើញកម្មវិធី PP មានអក្សរ P ពណ៌ខៀវ លោតចូលទៅលើ Homescreen នៃ iPhone > សូមបើកកម្មវិធីនោះ .
- ងាកមកលើកុំព្យូទ័រវិញ សូមមើលកម្មវិធី PP > ចុចត្រង់កន្លែងទូរសព្ទ > Select យកកន្លែងបញ្ចូលរូបភាព (រាប់ពីលើចុះក្រោម ៥ ដង)

-ចុចលើសញ្ញាបញ្ចូល (រូបព្រួញបាញ់ចុះក្រោម) > យកពាក្យទី ១ > Select យករូបភាពដែលអ្នកចង់បញ្ចូល
-មើលលើអេក្រង់ iPhone អំឡុងពេលបើកកម្មវិធី PP វានឹងលោតសារមួយ សូមរើសពាក្យខាងស្ដាំ ភ្លាមនោះរូបភាពនឹងបញ្ចូលទៅក្នុង iPhone ហើយ។

#បញ្ជាក់៖ រូបភាពបញ្ចូលតាម PP អាចលុបបានជាធម្មតាក្នុង iPhone។

មានចម្ងល់ឬបទពិសោធន៍នៃការប្រើប្រាស់កម្មវិធីណាផ្សេងទៀត សូមធ្វើការចែករំលែកតាមរយៈប្រអប់ Comment នៅខាងក្រោម។

អត្ថបទ៖ កៅ រក្សា

របៀបទាញទិន្នន័យលើ iPhone ទៅរក្សាទុកលើ icloud

ការទាញទិន្នន័យដូចជា លេខទូរស័ព្ទ កំណត់ចំណាំ រូបថត ឬវីដេអូ លើ iPhone ឬ iPad ទៅរក្សាទុកក្នុងទីសុវត្ថិភាពមួយ គឺជាមធ្យោបាយដ៏ចាំបាច់មួយ ក្នុងការបង្ការពេលទូរសព្ទជាទីស្រឡាញ់របស់ខ្លួនជួបបញ្ហាជាប់គាំង ឬដំណើរការមិនប្រក្រតី ដែលទាមទារការឈូសសម្អាតកម្មវិធីចាស់ៗចោល ឬនាំឱ្យបាត់បង់គ្រប់យ៉ាងក្នុងទូរស័ព្ទ។ ម្យ៉ាងទៀត វាក៏ជួយឱ្យលោកអ្នកអាចទាញទិន្នន័យទាំងនោះត្រឡប់មកប្រើវិញបានផងដែរ នៅពេលប្តូរទូរសព្ទពីចាស់ទៅថ្មី។

ដោយមើលឃើញពីសារប្រយោជន៍ទាំងនេះ Post Tech សូមលើកយកវិធីអនុវត្តរបស់វាលើ iPhone តាម ៣ ជំហានធំៗ ដោយមិនចាំបាច់ត្រូវការកុំព្យូទ័រជាជំនួយ ជូនលោកអ្នកបានជ្រាបដូចខាងក្រោម៖
១– ទាញទិន្នន័យទៅរក្សាទុកលើ iCloud
ក- បើកកម្មវិធី Settings លើ iPhone របស់លោកអ្នក
ខ- ជ្រើសរើសយក iCloud
គ- ចុចលើ Backup

ឃ- ចុចបើកមុខងារ iCloud Backup ដោយរុញកុងតាក់បិទ/បើកទៅខាងស្តាំ
ង- សូមចុចលើប៊ូតុង OK។

បញ្ជាក់: បន្ទាប់ពីជ្រើសរើស iCloud Backup រួច ទិន្នន័យលើ iPhone របស់លោកអ្នកនឹងលែងទាញទៅផ្ទុកលើកុំព្យូទ័រដោយស្វ័យប្រវត្តិទៀតហើយ។ ប៉ុន្តែ វានឹងទាញទៅរក្សាទុកក្នុងគណនី iCloud របស់លោកអ្នកវិញ ក្នុងរយ:ពេល ២៤ ម៉ោងម្តង នៅពេល iPhone ភ្ជាប់អិុនធើណែតតាមប្រព័ន្ធ Wi-Fi និងដាក់សាកថ្មចោល។
ប្រសិនលោកអ្នកមិនទាន់មានគណនី iCloud អាចចូលមើលពីរបៀបបង្កើតវាបានតាមតំណភ្ជាប់នេះ : របៀបបង្កើត Apple ID ឬគណនី iCloud ថ្មីនៅលើទូរស័ព្ទ iPhone ឬ iPad។
២– ឈូសសម្អាតទិន្នន័យលើទូរសព្ទចោល
ក- បើកម្មវិធី Settings លើ iPhone របស់លោកអ្នក
ខ- ជ្រើសរើសយក General -> Reset
គ- ចុចលើ Erase All Content and Settings
ឃ- បញ្ចូលលេខកូដសម្ងាត់ដែលលោកអ្នកបានដាក់លើទូរស័ព្ទ ភ្លាមៗនោះ ប្រព័ន្ធកម្មវិធីនឹងចាប់ផ្តើមឈូសសម្អាតទិន្នន័យលើទូរស័ព្ទរបស់លោកអ្នកតែម្តង។

៣– ទាញទិន្នន័យលើទូរសព្ទយកមកប្រើវិញ

បញ្ជាក់: បន្ទាប់ពីលោកអ្នកឈូសសម្អាតទិន្នន័យលើទូរសព្ទចោលរួចហើយ វានឹងលោតចេញផ្ទាំង Hello ដូចជាពេលវាទើបបើកចេញពីប្រអប់ថ្មីអីចឹងដែរ។
ក- សូមចុចលើប៊ូតុង Home
ខ- ជ្រើសរើសភាសា (Language) និងប្រទេស (Country)
គ- វាយបញ្ចូលលេខកូដ Wi-Fi ប្រសិនបើមាន (លោកអ្នកអាចចុចរំលងបាន)
ឃ- ចុចបើក ឬបិទ Location Service
ង- ដំឡើង Touch ID (ស្គេនក្រយៅដៃ)

ច- ពេលផ្ទាំង Apps and Data បង្ហាញឡើង ចុចលើប៊ូតុង Restore from iCloud Backup
ឆ- បញ្ចូលឈ្មោះ និងលេខកូដគណនី Apple របស់លោកអ្នក
ជ- ចុចយល់ព្រមលើ Terms and Conditions
ឈ- ជ្រើសរើសឯកសារទិន្នន័យដែលលោកអ្នកទាញយកទៅរក្សាទុកចុងក្រោយបង្អស់។

បញ្ជាក់: ប្រសិនបើអ្នកកំពុងព្យាយាមដោះស្រាយបញ្ហាមិនប្រក្រតីផ្សេងៗលើទូរស័ព្ទ សូមជ្រើសរើសឯកសារទិន្នន័យចាស់ៗក្នុងអំឡុងពេលទូរសព្ទកំពុងដំណើរការប្រក្រតី៕

Khmer Techno Innovation

Tuesday, July 24, 2018

តិចនិក ៧ ចំណុច ជួយឲ្យម៉ាស៊ីន iPhone ដើរលឿនជាងមុន

Thursday, March 15, 2018

ចៃដន្យធ្វើបាត់ iPhone អាចរកឃើញស្រួល បើអ្នកចេះវិធីការពារទុកជាមុន

Thursday, March 1, 2018

ចង់ដឹងកាស iPhone ហ្ស៊ីនឬក្លែងក្លាយ ចេះតែ ៤ ក្បាច់លែងចាញ់បោកគេទៀតហើយ

Thursday, January 11, 2018

កុំច្រឡំគ្នាឲ្យសោះ ការ Reset ខុសៗគ្នា លើ iPhone

Thursday, October 12, 2017

មុនយក iPhone ទៅលក់ កុំភ្លេចធ្វើរឿងទាំងនេះសិន

Thursday, August 24, 2017

វិធីឆែកមើលទូរសព្ទ Android និង iOS អាចដំឡើង Version ថ្មីបានឬអត់?

Kodi, Multitasking, OTA សុទ្ធតែពាក្យសំខាន់ដែលអ្នកប្រើ iPhone មិនគួររំលង

Wednesday, August 23, 2017

របៀបផ្ទេររូបភាពនិងវីដេអូពីកុំព្យូទ័រចូល iPhone

Friday, August 18, 2017

របៀបទាញទិន្នន័យលើ iPhone ទៅរក្សាទុកលើ icloud

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels