June 2017 ~ Khmer Techno Innovation

Thursday, June 29, 2017

គណនី iTunes, iCloud និង Apple ID ចែកមិនដាច់មែន ចម្លើយនៅទីនេះ

មានអ្នកប្រើប្រាស់ iPhone ជាច្រើន នៅបន្តមានចម្ងល់ក៏ដូចជាភាពភ័ន្តច្រឡំរវាងគណនី iTunes, iCloud និង Apple ID។ តាមពិតទៅគណនីទាំង ៣ គឺសុទ្ធសឹងតែដូចគ្នា ដោយវាត្រូវប្រើប្រាស់ការ Sign In នូវ Email និង Password (Apple ID) តែមួយ ផ្ទុយពីការគិតរបស់មនុស្សមួយចំនួន ដែលច្រឡំថាវាបង្កើតដាច់ដោយឡែកពីគ្នា។

#១.iTune

iTune

យើងប្រើបញ្ចូលគណនី iTunes ដើម្បីទិញចម្រៀងដែល Apple បានដាក់លក់ក្នុងកម្មវិធី Music ដែលយើងធ្លាប់ឃើញជាញឹកញយ។

#២.iCloud

iCloud

ចំណែកឯគណនី iCloud ប្រើភ្ជាប់ជាមួយគេហទំព័រ iCloud.com ដែលមានមុខងារពិសេសៗដូចជា Pages, Number, Keynote និង Find My iPhone/iPad។ អ្វីដែលកាន់តែពិសេសគឺមុខងារ Photo Library បើ Sign in គណនី iCloud មួយក្នុងទូរសព្ទ ២ ឧទាហរណ៍រវាងប្ដីនិងប្រពន្ធ នោះពួកគេនឹងបានឃើញរាល់រូបភាពទាំងអស់លើ iPhone របស់ដៃគូម្ខាងទៀត។

#៣.Apple ID

Apple ID

រីឯគណនី Apple ID ដូចដែលអ្នករាល់គ្នាបានដឹងស្រាប់ហើយ ប្រើសម្រាប់ទុកទាញយកកម្មវិធីពី App Store មិនថាកម្មវិធីនោះ ដាក់លក់ក្ដីឫឥតគិតថ្លៃក្ដី។ គ្រួសារភាគច្រើនទម្លាប់ប្រើមុខងារ Family Sharing ព្រោះមុខងារនេះ រាល់ពេលដែលកូនតូចៗ Download កម្មវិធីណាមួយពី App Store នោះវានឹងលោតជាសញ្ញាបញ្ជាក់មកកាន់ iPhone របស់ឪពុកម្ដាយជាមិនខាន។

មុននឹងបង្កើតគណនី Apple ID អ្នកគួរធ្វើការបញ្ចូល Security Question និង Email ឱ្យបានត្រឹមត្រូវ ជៀសវាងថ្ងៃណាមួយគណនីនោះខូចឫមានគេលួច Hack នោះអ្នកនឹងមានដំណោះស្រាយក្នុងការទាញត្រឡប់មកវិញ៕

អានបន្ត៖

ប្រើតែកាមេរ៉ាទូរសព្ទក៏អាចថតម៉ូដែលរថយន្តបានស្អាតដែរ បើរៀនតាមនេះ

ភាគច្រើនរូបភាពរថយន្តស្អាតៗដែលអ្នកឃើញចុះផ្សាយលើសារព័ត៌មានសព្វថ្ងៃគឺថតដោយប្រើសុទ្ធសឹងតែកាមេរ៉ាអាជីព DSLR ដែលមានតម្លៃថ្លៃៗ។ តាមពិតទៅត្រឹមកាមេរ៉ារបស់ស្មាតហ្វូនក៏អាចថតរូបម៉ូដែលរថយន្តបានស្អាតដូចគ្នា ប្រសិនបើដឹងគន្លឹះមួយចំនួន។

វីដេអូខាងក្រោមនឹងបង្ហាញពីគន្លឹះខ្លះៗជួយឲ្យអ្នកអាចថតរូបម៉ូដែលរថយន្តបានស្អាត តាមរយៈការប្រើកាមេរ៉ាលើស្មាតហ្វូន៖

ចុចអាន៖

ហេតុអ្វីទូរសព្ទខ្ញុំនិងមិត្តភ័ក្ដិរោទ៍ក្នុងពេលតែមួយ នៅពេលដែលនរណាម្នាក់ Call មក ខណៈទូរសព្ទទាំងពីរប្រើប្រាស់លេខទូរសព្ទខុសគ្នា។ នេះជាចម្ងល់របស់ប្រិយមិត្ត Sabay តើគួរដោះស្រាយបែបណា?

តាមការពិតទៅវាមកពីបញ្ហា ២ រួមមានការច្រឡំបើកមុខងារថ្មី iPhone Cellular Calls របស់ FaceTime និងមួយទៀតមកពីការប្រើប្រាស់ iCloud គណនីតែមួយលើ iPhone ចំនួន ២។
ដំណោះស្រាយនៃបញ្ហាទាំងនោះមានដូចខាងក្រោម។
១.ធ្វើការបិទមុខងារ iPhone Cellular Call

- បើក iPhone ទាំង ២ គ្រឿង រួចចូលទៅកាន់ Settings ហើយរើសយក FaceTime

បិទមុខងារ iPhone Cellular Calls

ករណីបើទូរសព្ទរបស់អ្នកពុំបានបើកមុខងារ FaceTime ទេ សូមរំលងចូលមើលចំណុចបន្ទាប់។
២.លុប iCloud ចោលចេញពីទូរសព្ទមួយ
អ្នកគួរប្រើ iCloud គណនីមួយ លើទូរសព្ទតែមួយគ្រឿងបានហើយ។ បើសិនជាអាចសូមកុំប្រើប្រាស់ iCloud ជាមួយគ្នា ព្រោះបញ្ហាមិនត្រឹមតែទាក់ទងនឹងការ Call ចូលស្វ័យប្រវត្តិជាន់គ្នានោះទេ ផ្ទុយទៅវិញមានបញ្ហាជាច្រើនទៀត ដូចជាករណីម្ចាស់មួយធ្វើឱ្យគាំងខូច នោះទូរសព្ទអ្នកក៏ខូចដូចគ្នា។

ចូលទៅកាន់ Settings > iCloud
ធ្វើការ Sing Out ជាការស្រេច (ទាមទារលេខកូដ iCloud ដើម្បី Sign Out)

សរុបជាន័យរួម ដំណោះស្រាយទី ២ ជាបញ្ហាចម្បងដែលមនុស្សភាគច្រើនរមែងជួប។ ម្ល៉ោះហើយបើប្រិយមិត្តមានបញ្ហាក៏ដូចជាចម្ងល់ណាផ្សេងទៀត អាចធ្វើការ Comment នៅប្រអប់ខាងក្រោមបាន ហើយ Sabay នឹងព្យាយាមរកដំណោះស្រាយតាមដែលអាចធ្វើទៅបាន។

ជារៀងរាល់សប្ដាហ៍ Sabay តែងតែរិះរកនូវពាក្យគន្លឹះបច្ចេកទេសថ្មីៗពី iPhone។ ថ្ងៃនេះ មានពាក្យថ្មីមួយចំនួនទៀតដូចជាពាក្យ Toggle,Utilities និង SBSettings ដើម្បីប្រិយមិត្តអាចស្វែងយល់និងដឹងពីមុខងារប្រើប្រាស់របស់វា។

១.Toogle

Toggle តំណាងឱ្យប៊ូតុងបិទបើក (Turn Off/On) លើមុខងារណាមួយរបស់ iPhone។ ឧបមាអ្នកចូលទៅក្នុង Settings ដើម្បីបិទ Low Power Mode កុំឱ្យដំណើរការ នៅពេលបិទ Toggle នឹងប្រែជាពណ៌ប្រផេះ ហើយពេលបើក Toggle នឹងប្រែជាពណ៌បៃតង។
២.Utilities ឫ Utilities Folder:

iPhone/iPad តាំងពីជំនាន់ iOS ចាស់ៗមក Apple បានបន្ថែម Folder មួយឈ្មោះថា Utilities រាល់ពេលដែលម៉ាស៊ីនទើប Restore ដំណើរការថ្មី។ ក្នុង Utilities Folder មានកម្មវិធីមកពីនាយមួយចំនួនដូចជា Contacts, Calculator និង Compass ជាដើម ទាំងដែលយើងមិនទាន់បាន Move ចូលផង។
សរុបមក Utilities មានន័យថាជាបណ្ដុំកម្មវិធីប្រើប្រាស់សំខាន់ៗដែលមានមកពីនាយនៅលើ iPhone ហើយ Utilities Folder ជា Folder ដែលផ្ទុកបណ្ដុំកម្មវិធីទាំងនោះ។
(បញ្ជាក់: សម្រាប់ iOS ស៊េរីខ្ពស់ខ្លះ វាជំនួសដោយពាក្យ Extra)
៣.SBSettings:

មុន iOS 7 មកដល់ ផ្ទាំង Control Center នៅលើ iOS ចាស់ គឺពុំទាន់មាននោះទេ ម្ល៉ោះហើយក្រុម Developer ក្នុង Cydia បានបង្កើត Tweak ម្យ៉ាងមានឈ្មោះថា SBSettings ដែលអនុញ្ញាតឱ្យអ្នកប្រើប្រាស់មុខងារសំខាន់ៗមួយចំនួន ដែលមានក្នុង Settings ដោយគ្រាន់តែប្រើម្រាមដៃអូសពីលើអេក្រង់មកក្រោមដើម្បីបង្ហាញ។
Sabay អាចប្រាប់អ្នកទាំងអស់គ្នាបាន SBSettings ស្រដៀងទៅនឹង Control Center លើ iOS 7 បច្ចុប្បន្ន ប៉ុន្តែទាមទារឱ្យមាន Cydia ទើបអាចដំឡើងបាន ហើយ iOS 5 និង iOS 6 ទើបគាំទ្រដំណើរការ។
បើប្រិយមិត្តមានចម្ងល់នៃពាក្យបច្ចេកទេសផ្សេងៗទៀតនៅលើ iPhone ប្រិយមិត្តអាចធ្វើការ Comment នៅខាងក្រោមបាន ហើយពួកយើងនឹងបន្តរិះរកការពន្យល់អត្ថន័យរបស់វានាសប្ដាហ៍ក្រោយបន្ទាប់។

ម៉ូតូដូចជា Cafe Racer ,Brat , bobber , tracker កំពុងមានការពេញនិយមមិនថាពលរដ្ឋក្នុងស្រុកនិងបរទេស។ ហាងកែម៉ូតូ Cafe នៅកម្ពុជាមានតិចតួចណាស់ ដូចនេះហើយទើបធ្វើឲ្យអ្នកចាប់អារម្មណ៍ចង់កែម៉ូតូ ពិបាកក្នុងការរកកន្លែងដែលមានជំនាញ។

Sabay ណែនាំឲ្យស្គាល់ហាងល្បីៗ ៣ កន្លែងនៅភ្នំពេញ ដែលអាចរកតាមតម្រូវការ។

@PPH Cafe Racer

ហាងនេះមានទីតាំងនៅជាប់សាលាអន្តជាតិ ACE ផ្លូវសម្ដេចប៉ាន (214)។ PPH Cafe Racer បើកដំណើរការជាង ៤ ឆ្នាំមកហើយ។
ហាងនេះល្បីកែម៉ូតូ Cafe ដូចជា Tracker, Scrambler។ ក្រៅពីទទួលកែច្នៃម៉ូតូប្លែកៗ PPH PPH Cafe Racer ក៏មានលក់ម៉ូតូ Cafe កែរួចមួយចំនួនដែលតម្លៃអាចចាប់ពី ១ ៤០០ ដុល្លារដល់ ២ ៣០០ដុល្លារ។

ទំនាក់ទំនងលេខទូរសព្ទ 011 592 622។

@HomeWorkShop

កន្លែងកែម៉ូតូ Cafe នេះ មានទីតាំងនៅខាងក្រោយសាលារៀនទួលគោកដែលបានចាប់ផ្ដើមបើកអាជីវកម្មតាំងពីឆ្នាំ ២០០៤។ ទទួលកែម៉ូតូ Cafe គ្រប់ប្រភេទដែលតម្លៃចាប់ពី ៣០០ ដុល្លារ។ Home WorkShop ល្បីកែម៉ូតូដូចជាប្រភេទ Cafe racer ,Bobber និង Tracker, Scrambler។

ទំនាក់ទំនងលេខទូរសព្ទ 016 336 536

@Ta Sok Vaspa
ជាកន្លែងកែម៉ូតូ Cafe ដ៏ល្បីល្បាញ ដែលមានទីតាំងស្ថិតនៅជិតសាលាទួលទំពូងលើបណ្ដោយផ្លូវលេខ ៤៣២។ ហាង Ta Sok Vaspa ល្បីកែច្នៃម៉ូតូស៊េរីចាស់ៗដូចជា Vaspa ១៩៦៣ និងម៉ូតូហួសសម័យជាច្រើនទៀត។

ទំនាក់ទំនងលេខទូរសព្ទ 098 499 766

បច្ចុប្បន្នមានក្រុមហ៊ុនតែ ៥ ប៉ុណ្ណោះក្នុងពិភពលោកដែលត្រូវបានគេចាត់ទុកថាជាក្រុមហ៊ុនផលិតយន្តហោះដឹកអ្នកដំណើរធំជាងគេបង្អស់។ ក្នុងនោះមានក្រុមហ៊ុន Airbus, Boeing, Bombardier, Embraer និង Tupoloev។ ខាងក្រោមនេះនឹងបង្ហាញត្រួសៗពីក្រុមហ៊ុននីមួយៗ៖

@Airbus

Airbus A380

Airbus ជាក្រុមហ៊ុនផលិតយន្តហោះឈានមុខគេមួយក្នុងពិភពលោក ដោយមានទទួលផលិតយន្តហោះស្ទើរពាក់កណ្ដាលក្នុងចំណោមការកុម្ម៉ង់ទិញយន្តហោះពីក្រុមហ៊ុនអាកាសចរទាំងឡាយក្នុងពិភពលោក។ Airbus មានទីស្នាក់ការនៅតំបន់ Toulouse ប្រទេសបារាំង និង មានជំរំសំខាន់ៗចំនួន ១៦ ក្នុងប្រទេសចំនួន ៤ រួមមានបារាំង អាល្លឺម៉ង់ អេស្ប៉ាញ និង ចក្រភពអង់គ្លេស។ មិនតែប៉ុណ្ណោះ Aibus ក៏មានសាខានៅសហរដ្ឋអាមេរិក ជប៉ុន និង ឥណ្ឌាផងដែរ។

គិតត្រឹមឆ្នាំ ២០១៦ ក្រុមហ៊ុននេះមានបុគ្គលិក ៧២ ៨១៦ នាក់បម្រើការងារ។ នៅថ្ងៃទី ១៤ ខែតុលា ឆ្នាំ ២០១៦ Airbus ផលិតបានយន្តហោះទី ១ ម៉ឺនគ្រឿងរបស់ខ្លួន ដែលជាយន្តហោះ A350 ផលិតឲ្យក្រុមហ៊ុនអាកាសចរសិង្ហបុរី។ A380 ជាយន្តហោះខ្នាតធំជាងគេរបស់ Airbus និង ជាយន្តហោះធំជាងគេក្នុងលោក អាចផ្ទុកមនុស្សបាន ៥២៥ ទៅ ៨៥៣ នាក់។

@Boeing

Boeing 777

Boeing មិនត្រឹមតែល្បីឈ្មោះខាងការផលិតយន្តហោះដឹកអ្នកដំណើរប៉ុណ្ណោះទេ ប៉ុន្តែថែមទាំងអាចផលិតយន្តហោះយោធាបានទៀតផង។ Boeing មានមូលដ្ឋាននៅសហរដ្ឋអាមេរិក និង មានទីស្នាក់ការនៅទីក្រុង Chicago។ គិតត្រឹមខែកុម្ភៈ ឆ្នាំនេះ Boeing មានបុគ្គលិក ១៤៧ ៦៨៣ នាក់កំពុងបម្រើការការងារជាច្រើនផ្នែក។ ផលិតផលសំខាន់ដែល Boeing កំពុងផលិតគឺត្រកូល 737, 747, 767 និង 777 រួមជាមួយយន្តហោះ Boeing Business Jet ផងដែរ។

@Bombardier

មានមនុស្សតិចណាស់ដែលស្គាល់ឈ្មោះក្រុមហ៊ុនផលិតយន្តហោះនេះ ប៉ុន្តែ Bombardier ជាក្រុមហ៊ុនផលិតយន្តហោះធំលំដាប់ទីបី។ ទីស្នាក់ការរបស់ក្រុមហ៊ុននេះមានទីតាំងនៅខេត្ត Québec ប្រទេសកាណាដា ដែលមានបុគ្គលិកសរុប ៦៦ ០០០ នាក់ គិតត្រឹមឆ្នាំ ២០១៧។ ក្រៅពីប្រឡូកក្នុងជំនួញផលិតយន្តហោះ ក្រុមហ៊ុននេះក៏មានជំនួញទាក់ទងនឹងបច្ចេកវិទ្យាផ្លូវរថភ្លើងផងដែរ។

@Embraer

Embraer បានក្លាយជាក្រុមហ៊ុនផលិតយន្តហោះដ៏សំខាន់មួយ តាមរយៈការផ្ដោតទៅលើទីផ្សារជាក់លាក់មួយ ដែលមានការរីកចម្រើនលើផ្នែកហោះហើរ។ ក្រុមហ៊ុនមានមូលដ្ឋាននៅទីក្រុង São José dos Campos ប្រទេសប្រេស៊ីល ដោយគិតត្រឹមឆ្នាំ ២០១៤ មានបុគ្គលិក ១៩ ១១៦ នាក់។ គិតចាប់ពីឆ្នាំ ១៩៩៦ មក Embraer ផលិតយន្តហោះឲ្យក្រុមហ៊ុនអាកាសចរជាច្រើនសរុបបានប្រហែល ៣ ៣០០ គ្រឿង។

@Tupolev

Tupolev ជាក្រុមផលិតយន្តហោះរបស់រុស្សីដែលមានទីស្នាក់ការនៅរដ្ឋធានីមូស្គូ ប្រទេសរុស្សី ដែលមានជំនាញផលិតទាំងយន្តហោះដឹកអ្នកដំណើរ និង ផលិតបានទាំងយន្តហោះយោធា។ កន្លងមកក្រុមហ៊ុនផលិតយន្តហោះគ្រប់ប្រភេទបានចំនួន ១៨ ០០០ គ្រឿង ទៅឲ្យសហភាពសូវៀត និង លោកខាងកើត។ គិតត្រឹមឆ្នាំ ២០១១ Topolev មានបុគ្គលិកចំនួន ៣ ៥២៤ នាក់៕

វីធីប្តូរលុយតាម cellcard និង Smart

អ្នកប្រើប្រាស់ប្រព័ន្ធសែលកាតគួរដឹងពីការប្តូរលុយ ដើម្បីអាចចំណេញសម្រាប់ការប្រើប្រាស់អ៊ីនធឺណិតនិងការហៅទូរសព្ទ៕

ការសម្ភាសន៍ជាមួយនឹងលោក Sergio Landolt Rolls-Royce ម៉ូដែល Ghost

(Rolls-Royce = RR)

សំណួរ៖ នៅពេលរចនារថយន្ត RR ណាមួយឡើង តើនឹងត្រូវផ្ដោតលើចំណុចណាខ្លះ?

ចម្លើយ៖ ដូចលោកដឹងស្រាប់ហើយ RR គឺជាយីហោរថយន្តដ៏ទំនើបនៅលើលោក ។ ដូច្នេះគេត្រូវផ្ដោតលើលក្ខណៈពិសេសនៃការរចនាមួយចំនួនសម្រាប់គ្រប់រថយន្ត RR ។ ដំបូងគេត្រូវផ្ដោតលើគំនិតមួយ (ថាតើ រថយន្តនោះជារថយន្តដូចម្តេច) ហើយបន្ទាប់មក ត្រូវផ្ដោតលើភាពឥតខ្ចោះ លើគ្រប់ផ្នែកទាំងអស់ ។ ខ្ញុំសូមលើកឧទាហរណ៍មួយ ។ នៅពេលយើងចាប់ផ្ដើមផលិតរថយន្តម៉ូដែល Ghost យើងបាននិយាយថា យើងចង់បានរថយន្ត ដែលត្រូវសម្រាប់គ្រប់ឱកាសទាំងអស់ ។ ម៉ូដែល Phantom ត្រូវបានរចនាឡើងសម្រាប់ឱកាសពិសេសៗ ប៉ុន្តែ យើងចង់បានម៉ូដែល Ghost ឲ្យមានការរចនាបែបសង្គម ដោយផ្ដោតលើការងារជំនួញថែមទៀតផង ។ ដូច្នេះ គេនឹងឃើញថាម៉ូដែល Phantom មានលក្ខណៈពិសេសផ្សេង Ghost មានលក្ខណៈផ្សេង ។ ប៉ុន្តែ គ្រប់រថយន្ត RR គឺមានលក្ខណៈពិសេសរួមមួយចំនួន ។ ក្នុងនោះ សម្រាប់គ្រប់រថយន្ត RR ប្រសិនបើអ្នកក្រឡេកមើលពីខាងមុខ ខាងក្រោយ ឬពីចំហៀង អ្នកច្បាស់ជាស្គាល់ថា ជារថយន្ត RR ភ្លាម។ ចំណុចនេះហើយដែលយើងត្រូវយកចិត្តទុកដាកមែនទែន ។

សំណួរ៖ តើការផលិតរថយន្ត RR មួយត្រូវចំណាយពេលវេលាប៉ុន្មានដែរ?

ចម្លើយ៖ និយាយឲ្យស្មោះទៅ ពេលវេលានៃការផលិតរថយន្តមួយគឺអាស្រ័យលើធាតុផ្សំខុសៗគ្នានៅក្នុងរថយន្តនោះ ។ ដូចលោកដឹងស្រាប់ហើយ រថយន្ត RR មួយៗ គឺខុសគ្នា ពីព្រោះរថយន្ត RR ត្រូវបានច្នៃទៅតាមការកំណត់របស់អតិថិជន ។ យើងអាចនិយាយបានថា តិចបំផុតក៏ត្រូវប្រើពេល ៣៦០ ម៉ោងដែរដើម្បីផលិតរថយន្តមួយគ្រឿង ប៉ុន្តែ ពេលវេលាអាចប្រែប្រួលផ្អែកលើធាតុផ្សំបន្ថែមដែលអតិថិជនចង់បាន ។ ជាក់ស្ដែង សម្រាប់រថយន្ត ម៉ូដែល Ghost ឃើញថា ជាង ៨០ ភាគរយនៃរថយន្តនេះ គឺត្រូវបានផលិតឡើងតាមការច្នៃកុម្ម៉ង់ (Bespoke) ។ ដូច្នេះ បើនិយាយពីពេលវេលា ៣៦០ ម៉ោងហ្នឹង គឺគ្រាន់តែជាពេលវេលាមូលដ្ឋាននៃការផលិតប៉ុណ្ណោះ ។ ប៉ុន្តែ ជាធម្មតា គឺវាចំណាយពេលយូរជាងនេះ ដោយសារតែការច្នៃកុម្ម៉ង់បន្ថែម។

សំណួរ៖ តើលោកអាចជម្រាបជូនបន្តិចបានទេថាតើផ្នែកណាខ្លះដែលធ្វើឲ្យរថយន្ត RR ខុសប្លែកពីរថយន្តផ្សេងទៀត?

ចម្លើយ៖ ពិតណាស់ យើងមានលក្ខណៈពិសេសដែលគួរឲ្យភ្ញាក់ផ្អើល និងទាក់ទាញជាច្រើន ។ នៅលើថាសកង់រថយន្ត RR គម្របដែលមានស្លាកសញ្ញា RR គឺមិនវិលតាមកង់រថយន្តដែលកំពុងមានចលនាឡើយ ។ វាក៏មានលក្ខណៈពិសេសផ្សេងទៀតផងដែរ ដូចជា ឆ័ត្រ ដែលជាលក្ខណៈពិសេសមានតែសម្រាប់រថយន្ត RR ប៉ុណ្ណោះ ។ ក្រៅពីនេះ គឺទ្វារបើកទៅក្រោយ សូម្បីតែម៉ូដែល Wraith (ម៉ូដែលទ្វារពីរ) ក៏ប្រើទ្វារប្រភេទ នេះដែរ ។ ដូច្នេះ វាធ្វើឲ្យការប្រើប្រាស់រថយន្តមានភាព ងាយស្រួលខ្លាំង ។ ទន្ទឹមនឹងនេះ គឺការប៉ាក់ឌិនផ្កាយនៅលើប៉ុងដំបូល ។ ក្រៅពីនេះ រថយន្ត RR នៅមានលក្ខណៈពិសេសផ្សេងជាច្រើនទៀតដូចជាប៉ាណាខាងមុខ និងទេវរូប Spirit of Ecstasy ។ ទាំងអស់នេះហើយដែលធ្វើឲ្យរថយន្ត RR ពិសេសប្លែកពីគេ ។

សំណួរ៖ បើនិយាយអំពីទេវរូប Spirit of Ecstasy តើលោកអាចជម្រាបពីប្រវត្តិទេវរូប ដែលជានិមិត្តសញ្ញារបស់រថយន្ត RR ។

ចម្លើយ៖ ការរចនានូវទេវរូបស្ត្រីនេះឡើង គឺផ្អែកលើរឿងដំណាល ដែលនិយាយពីស្ត្រីម្នាក់ដែលមានទំនាក់ទំនងនឹងអ្នកដែលមានចំណែកក្នុងការបង្កើតរថយន្ត RR ដំបូង ។ រូបនេះ តំណាងឲ្យសម្រស់ និងភាពឥតខ្ចោះ ។ លោកប្រហែលជាសង្កេតឃើញម៉ូដែលផ្សេងៗក្នុងប្រវត្តិសាស្ត្ររបស់ RR ដែលម៉ូដែលទាំងនោះមានទេវរូប Spirit of Ecstasy ដែលមានទំហំ និងរូបរាងខុសៗគ្នា ។ ទោះជាយ៉ាងណា ក្នុងប្រវត្តិសាស្ត្រ ១១១ ឆ្នាំរបស់ក្រុមហ៊ុន ភាពស្រស់ស្អាតឆើតឆាយ និងភាពឥតខ្ចោះនៅតែរក្សាបានដដែលសម្រាប់រថយន្ត RR ។

សំណួរ៖ ខ្ញុំលឺថាទេវរូប Spirit of Ecstasy ហ្នឹង គឺជារូបស្ត្រីម្នាក់ដែលមានទំនាក់ទំនងជាមួយនឹងសហស្ថាបនិករបស់រថយន្ត RR ។ តើនេះជាការពិត ឬគ្រាន់តែពាក្យចចាមអារ៉ាម?

ចម្លើយ៖ វាគ្រាន់តែជារឿងតំណាល ឬជារឿងព្រេងប៉ុណ្ណោះ ។ វាជាផ្នែកមួយនៃរឿងព្រេង ហើយខ្ញុំក៏មិនអាចបញ្ជាក់ថាវាជារឿងពិត ឬជារឿងប្រឌិតនោះដែរ ។ រឿងបែបនេះក៏កើតមានចំពោះការដាក់ឈ្មោះរថយន្ត ម៉ូដែល Ghost (ប្រែថា ខ្មោច) ផងដែរ ។ ជួនកាល មានគេមកសួរខ្ញុំថា ហេតុអ្វីបានជាដាក់ឈ្មោះរថយន្តនេះថា Ghost ដូច្នេះ? ខ្ញុំបានឆ្លើយប្រាប់ទៅវិញថា ខ្ញុំក៏មិនអាចបញ្ជាក់ពីមូលហេតុថាយ៉ាងម៉េចនោះដែរ ។ ប៉ុន្តែ តាមរឿងដំណាលមកថា នៅក្នុងឆ្នាំ ១៩០៦ នៅពេលដែលយើងដាក់ឈ្មោះរថយន្តថា Ghost នោះ ក៏ព្រោះថា នៅពេលនោះ រថយន្តនោះ មានសំឡេងស្ងាត់មែនទែន ដែលធ្វើឲ្យមនុស្សទូទៅគិតថា វាជាខ្មោច ។ និយាយរួមនេះជាផ្នែកមួយនៃប្រវត្តិរបស់រថយន្ត RR ។

សំណួរ៖ លោកបានជម្រាបហើយថា RR មានប្រវត្តិលើទីផ្សារជាង ១០០ ឆ្នាំមកហើយ ។ តើរាល់លើកនៅពេលដែលរចនារថយន្ត RR ឡើង តើមានការរចនារថយន្តគំរូ (concept cars)ដែរ ឬទេ?

ចម្លើយ៖ យើងទើបតែបញ្ចប់គម្រោងរថយន្តគំរូមួយកាលពីពេលថ្មីៗនេះ ហើយខ្ញុំជឿថា លោកក៏បានឃើញ និងជ្រាបពីរថយន្តនេះដែរ ដែលយើងបានដាក់បង្ហាញនៅឯពិព័រណ៍រថយន្តក្រុងហ្វ្រែងហ្វ៊ិត ប្រទេសអាឡឺម៉ង់កាលពីពីរបីសប្ដាហ៍មុន ហើយនោះគឺម៉ូដែល Dawn ។ ទន្ទឹមនឹងនេះ យើងក៏កំពុងតែស្ថិតក្នុងដំណាក់កាលនៃការអនុវត្តគម្រោងថ្មីមួយទៀតក្នុងប្រវត្តិសាស្ត្ររបស់ក្រុមហ៊ុន ។ គឺយើងកំពុងតែអនុវត្តគម្រោង Project Cullinan (រថយន្តតួខ្ពស់) ហើយខ្ញុំជឿថា លោកប្រហែលជាធ្លាប់បានលឺពីគម្រោងរថយន្តនេះផងដែរ ។ និយាយរួមគឺយើងកំពុងតែធ្វើតេស្តបង្កើតរថយន្តដែលអាចបើកបរគ្រប់ស្ថានភាពផ្លូវទាំងអស់ ។

សំណួរ៖ សំណួរមួយទៀត ។ បើនិយាយអំពីរថយន្តទូទៅ តើមានភាពខុសគ្នាដែរ ឬទេសម្រាប់រថយន្តលក់នៅទីផ្សារកម្ពុជា និងទីផ្សារផ្សេងទៀត ?

ចម្លើយ៖ ទីផ្សារកម្ពុជាគឺជាការឆ្លុះបញ្ចាំងឲ្យឃើញពីទីផ្សារផ្សេងទៀតរបស់ RR ទូទាំងសកលលោក (ដែលបង្ហាញពីការនិយមចូលចិត្តខុសៗគ្នាសម្រាប់ទីផ្សារផ្សេងៗ)។ ក្រុមហ៊ុនបានផ្ដល់ឱកាសដល់អតិថិជនក្នុងការច្នៃកុម្ម៉ង់រថយន្តរបស់ខ្លួន ហើយយើងសង្កេតឃើញថា និន្នាការចូលចិត្តច្នៃកុម្ម៉ង់នេះ គឺកើតមានទូទាំងទ្វីបអាស៊ី ហើយអតិថិជនចូលចិត្តបែបនេះណាស់ ។ មិនថាគាត់ចង់ទិញម៉ូដែល Ghost ឬម៉ូដែល Wraith នោះទេ គឺគាត់ចង់បានរថយន្តដែលច្នៃកុម្ម៉ង់សម្រាប់ខ្លួនឯងផ្ទាល់ ។

សំណួរ៖ បច្ចុប្បន្ននេះ ប្រជាជនកម្ពុជាបានស្គាល់រថយន្ត RR ច្រើនជាងមុន ។ ប៉ុន្តែ រថយន្ត RR ជារថយន្តប្រណីត ថ្លៃ និងសម្រាប់តែអ្នកមាន មិនសក្តិសមសម្រាប់ទីផ្សារកម្ពុជានោះទេ ។ តើលោកមានយោបល់យ៉ាងណាដែរ?

ចម្លើយ៖ អតិថិជនរបស់យើង ជាសហគ្រិនដែលមានជោគជ័យខ្លាំង ហើយជាអ្នកដែលចង់បានរបស់ល្អបំផុត និងចង់បានអ្វីដែលប្លែកពីគេ ។ បើនិយាយពីទីផ្សារកម្ពុជា យើងសង្កេតឃើញថា មានការលូតលាស់ទៅមុខ ហើយតម្រូវការរថយន្តរបស់យើងបានចាប់ផ្ដើមតាំងពី ១០ ឆ្នាំមុនមកម្លេះ ។ ដូច្នេះ យើងសង្កេតឃើញថា ទីផ្សារកម្ពុជា ជាទីផ្សារមានសក្តានុពលផងដែរសម្រាប់រថយន្ត RR ។ ជាថ្មីម្ដងទៀត រថយន្តនេះជារថយន្តដែលពិសេសប្លែកពីគេ ។ បើទោះបីជាកម្ពុជាជាទីផ្សារតូចចង្អៀតនាពេលបច្ចុប្បន្ន ប៉ុន្តែ យើងគិតថា វាជាទីផ្សារដែលមានសក្តានុពល សម្រាប់រថយន្តដែលពិសេសប្លែកពីគេ នេះ ។

សំណួរ៖ តើក្រុមហ៊ុនរថយន្ត RR រីកចម្រើនលូតលាស់ប៉ុណ្ណាដែរនៅកម្ពុជា? តើលោកអាចប្រាប់ពីចំនួនដែលលក់បាននៅកម្ពុជាបានទេ?

ចម្លើយ៖ ជាទូទៅ យើងមិនអាចបង្ហាញពីតួលេខនៃការលក់ក្នុងប្រទេសណាមួយ ឬនៅក្នុងតំបន់ឡើយ ។ ប៉ុន្តែ ខ្ញុំអាចប្រាប់បានថា ទីផ្សារនៅកម្ពុជាមានការលូតលាស់សម្រាប់រថយន្ត RR ។ ជាទូទៅការលក់រថយន្ត RR បានកើនឡើងប្រាំឆ្នាំជាប់គ្នាមកហើយ ។ ហើយទីផ្សារនៅកម្ពុជារហូតមកទល់នឹងពេលនេះ គឺទទួលបានជោគជ័យ ។ ហើយអំឡុងពេលសម្ពោធការិយាល័យផ្នែកលក់ យើងក៏បានបង្ហាញរថយន្តម៉ូដែល Ghost Series II ថែមទៀតផង ។

សំណួរ៖ តើលោកមានការព្រួយបារម្ភចំពោះការកើនឡើងនៃការប្រកួតប្រជែងបច្ចុប្បន្នក្នុងទីផ្សារកម្ពុជាដែរ ឬទេ បន្ទាប់ពីមានរថយន្តទំនើបផ្សេងៗទៀតចូលមក ដូចជា Porsche, Mercedes, BMW ជាដើម?

ចម្លើយ៖ និយាយឲ្យត្រង់ទៅ បើនិយាយពីរឿងរថយន្ត មិនមានគូប្រជែងពិតប្រាកដឡើយសម្រាប់រថយន្ត RR។ ជួនកាល មានគេសួរខ្ញុំថា តើរថយន្តណាជាគូប្រជែងជាមួយនឹងរថយន្ត RR របស់យើង ហើយខ្ញុំបានប្រាប់ទៅគេវិញថាគូប្រជែងរបស់យើងមានដូចជា នាវាកម្សាន្ត ផ្ទះ វីឡា ជាដើម ។ ប៉ុន្តែ បើនិយាយពីរថយន្តវិញ គឺយើងគ្មានគូប្រជែងឡើយ ។ និយាយរួម គូប្រជែងរបស់យើងពិតប្រាកដ គឺរបស់ប្រើប្រាស់សម្រាប់ការរស់នៅផ្សេងទៀត ក្រៅពីរថយន្ត ។ ជាធម្មតា អតិថិជនរបស់យើងមិនមែនមានរថយន្តតែមួយគ្រឿងនោះទេ ។ ពួកគាត់មានរថយន្ត បួន ប្រាំ ឬប្រាំបីគ្រឿងឯណោះ ។ ដូច្នេះ យើងគ្មានការប្រកួតប្រជែងជាមួយនឹងរថយន្តផ្សេងឡើយ ។ យើងគិតថារថយន្តផ្សេងទៀត មិនមែនជាគូប្រជែងរបស់យើងនោះទេ ។

សំណួរ៖ តើលោកមានយុទ្ធសាស្ត្រអ្វីដើម្បីជំរុញការលក់រថយន្ត RR នៅក្នុងទីផ្សារកម្ពុជា?

ចម្លើយ៖ តាមការយល់របស់ខ្ញុំគឺ យើងប្រើប្រាស់យុទ្ធសាស្ត្រដូចៗគ្នាក្នុងគ្រប់ទីផ្សារ ។ យើងគិតថា កម្ពុជានឹងក្លាយជាទីផ្សារល្អ សម្រាប់រថយន្ត Cullinan (រថយន្តតួខ្ពស់) ។ ជាថ្មីម្ដងទៀត ក្រុមហ៊ុនរថយន្ត RR មិនផ្ដោតលើបរិមាណនោះទេ ប៉ុន្តែ យើងផ្ដោតលើភាពពិសេសប្លែកគេ ។

សំណួរ៖ តើលោកមានមតិចុងក្រោយដូចម្តេចដែរ?

ចម្លើយ៖ បើនិយាយដោយសង្ខេប ខ្ញុំសូមផ្ដោតលើម៉ូដែល Ghost Series II ។ ម៉ូដែល Ghost Series II នេះ គឺជាការផ្សំគ្នារវាងភាពពិសេសប្លែកគេ គឺត្រង់ការរចនាទំនើប ងាយស្រួលក្នុងការប្រើប្រាស់ បច្ចេកវិទ្យាខ្ពស់ក្នុងការបើកបរ ។ ទន្ទឹមនឹងនេះ វាជាការផ្សំគ្នារវាងការធ្វើដំណើរ និងការធ្វើអាជីវកម្ម ។ អតិថិជនរបស់យើងជាច្រើនប្រើប្រាស់ម៉ូដែល Ghost សម្រាប់ការធ្វើដំណើរទៅធ្វើអាជីវកម្ម ។ ទន្ទឹមនឹងនេះ ជារថយន្តដែលអតិថិជនចូលចិត្តបើកខ្លួនឯងផងដែរ ដូច្នេះ វាជាការផ្សំគ្នារវាងរថយន្តសម្រាប់ការបើកបរដោយខ្លួនឯង និងការមានតៃកុងបើកបរជូន ។

ទូរសព្ទ iPhone ២ រោទ៍ក្នុងពេលតែមួយ ដំណោះស្រាយងាយបំផុត

ហេតុអ្វីទូរសព្ទខ្ញុំនិងមិត្តភ័ក្ដិរោទ៍ក្នុងពេលតែមួយ នៅពេលដែលនរណាម្នាក់ Call មក ខណៈទូរសព្ទទាំងពីរប្រើប្រាស់លេខទូរសព្ទខុសគ្នា។ នេះជាចម្ងល់របស់ប្រិយមិត្ត Sabay តើគួរដោះស្រាយបែបណា?

តាមការពិតទៅវាមកពីបញ្ហា ២ រួមមានការច្រឡំបើកមុខងារថ្មី iPhone Cellular Calls របស់ FaceTime និងមួយទៀតមកពីការប្រើប្រាស់ iCloud គណនីតែមួយលើ iPhone ចំនួន ២។
ដំណោះស្រាយនៃបញ្ហាទាំងនោះមានដូចខាងក្រោម។

១.ធ្វើការបិទមុខងារ iPhone Cellular Call

- បើក iPhone ទាំង ២ គ្រឿង រួចចូលទៅកាន់ Settings ហើយរើសយក FaceTime

-បិទមុខងារ iPhone Cellular Calls

ករណីបើទូរសព្ទរបស់អ្នកពុំបានបើកមុខងារ FaceTime ទេ សូមរំលងចូលមើលចំណុចបន្ទាប់។

២.លុប iCloud ចោលចេញពីទូរសព្ទមួយ

អ្នកគួរប្រើ iCloud គណនីមួយ លើទូរសព្ទតែមួយគ្រឿងបានហើយ។ បើសិនជាអាចសូមកុំប្រើប្រាស់ iCloud ជាមួយគ្នា ព្រោះបញ្ហាមិនត្រឹមតែទាក់ទងនឹងការ Call ចូលស្វ័យប្រវត្តិជាន់គ្នានោះទេ ផ្ទុយទៅវិញមានបញ្ហាជាច្រើនទៀត ដូចជាករណីម្ចាស់មួយធ្វើឱ្យគាំងខូច នោះទូរសព្ទអ្នកក៏ខូចដូចគ្នា។

- ចូលទៅកាន់ Settings > iCloud
- ធ្វើការ Sing Out ជាការស្រេច (ទាមទារលេខកូដ iCloud ដើម្បី Sign Out)

មកស្គាល់កម្មវិធីកំពូលទាំង ១៦ របស់ Adobe ដែលគ្រប់គ្នាប្រើរាល់ថ្ងៃ

Adobe ឫ Adobe Systems ជាក្រុមហ៊ុនផលិតកម្មវិធីកុំព្យូទ័រមួយរបស់អាមេរិក ដែលបានបង្កើតឡើងនូវបណ្ដាកម្មវិធីសម្រាប់ការឌីហ្សាញជាច្រើន។ មនុស្សភាគច្រើនស្គាល់ត្រឹម Adobe Photoshop, Adobe Reader និង Adobe After Effects ជាដើម ផ្ទុយទៅវិញនៅមានច្រើនទៀតដែលអ្នកមិនស្គាល់ ទាំងឈ្មោះក៏ដូចជាអត្ថប្រយោជន៍មុខងារសំខាន់ៗរបស់វា។

១.Adobe InDesign:

កម្មវិធីនេះ ប្រើសម្រាប់បង្កើតនិងបើកមើលជាមុននូវប្រភេទឯកសារសម្រាប់បោះពុម្ពជាទស្សនាវដ្ដី។ ជម្រើសល្អបំផុតសម្រាប់អ្នកចូលចិត្តបង្កើតឯកសារណាដែលមានអក្សរច្រើន ដូចជាកាសែត, ផ្ទាំងរូបភាព ជាលក្ខណៈទំព័រលើសពី ២។ យ៉ាងណាមិញក៏មានការទទួលស្គាល់ InDesign មិនទុកសម្រាប់ប្រើរចនាក្រាហ្វិកកម្រិតខ្ពស់នោះឡើយ។

២.Adobe Illustrator:

Illustrator គឺជា Photoshop សម្រាប់ប្រើបង្កើតរូបបែបគំនូរ ងាយស្រួលក្នុងការរចនារូបភាពក្រាហ្វិក(Bitmap Graphics)។ ឯកសារផ្ដោតសំខាន់ ២ ក្នុងកម្មវិធីនេះរួមមាន Raster និង Vector។

៣.Adobe Bridge:

ប្រើសម្រាប់កែទម្រង់ឯកសារជាពិសេសរូបប្រភេទ RAW ក្នុងកម្រិត IPTC និង XMP ដែលមុខងារមួយចំនួនមានដូចទៅនឹង Photoshop ។ Bridge ហាក់បីជាមិនពេញនិយមខ្លាំងនោះទេ សម្រាប់អ្នកប្រើទូទៅ ព្រោះសិស្សច្បងកម្មវិធីដទៃក្នុងត្រកូលតែមួយ ក៏អាចបំពេញតម្រូវការអ្នកប្រើបានស្រាប់ទៅហើយ។

៤.Adobe Dreamweaver:

មានទំនាក់ទំនងជាមួយការត្រួតពិនិត្យកូដនៅលើភាសាមួយចំនួនដូចជា CSS, EDML, XHTML, XML, XSLT, HTML, Java, PHP និង VBScript ជាដើម។ វាពិនិត្យមើលកូដៗសំខាន់ណា ដែលមានលក្ខណៈដូចគ្នាក្នុងពេលតែមួយ ហើយធ្វើការ Highlight ពីលើកូដនោះ ដើម្បីបង្ហាញឱ្យយើងបានដឹង។

៥.Adobe Fireworks:

Fireworks មានភាពប្រហាក់ប្រហែលបន្តិចបន្តួចទៅនឹង Illustrator ដែរ ប៉ុន្តែទម្រង់រូបភាពដែលបង្កើតចេញមកមានលក្ខណៈស្របសម្រាប់គេហទំព័រ (Web) និងការបង្កើតកម្មវិធីទូរសព្ទ។ វិចិត្រករ Jose Rivera បានប្រើប្រាស់ Fireworks ដើម្បីធ្វើការងាររបស់គាត់ជាច្រើន។ តួយ៉ាងដូចជាផ្ទៃរូបភាពតារាងល្បី, គេហទំព័រមួយចំនួនធំ សុទ្ធសឹងតែបង្កើតចេញពីកម្មវិធី Fireworks ក្នុងទម្រង់ឯកសារ bitmap។

៦.Adobe Prelude:

ជាកម្មវិធីសម្រាប់កាត់តវីដេអូ ហើយបើនិយាយពីអត្ថប្រយោជន៍ក៏មិនខុសពីកម្មវិធីកាត់តវីដេអូរបស់ក្រុមហ៊ុនដទៃៗទៀតដែរ។

៧.Adobe After Affects:

After Affects ជាកម្មវិធីល្បីឈ្មោះមួយក្នុងវិស័យផលិតវីដេអូទាំងពីអំឡុងឆ្នាំ ១៩៩០។ ប្រើវាសម្រាប់បង្កើត Visual Effects ទៅក្នុងវីដេអូនិងប្រភេទរូបភាពមានចលនា (Animation)។ វាទាមទារដំណើរការលើម៉ាស៊ីនដែលមានកម្លាំងខ្លាំង យ៉ាងតិចណាស់ក៏ RAM ទំហំ 8GB ទើបដំណើរការកម្មវិធីនេះបានរលូន ព្រោះវាមានមុខងារពិសេសៗច្រើនក្នុងការផលិតវីដេអូ។
លើប្រព័ន្ធ YouTube ច្រើនមានគេបង្រៀនអំពីការបញ្ចូល Lightning Strike, Glowing Eye និង Lightsaber ទៅក្នុងវីដេអូរបស់អ្នកប្រើ ដែលវាជាចំណុចចាប់ផ្ដើមដំបូងៗ។

៨.Adobe Premier Pro:

ប្រើសម្រាប់ធ្វើការកាត់និងកែច្នៃវីដេអូ ភាគច្រើនក្នុងគោលដៅបង្កើតខ្សែភាពយន្ត។ កម្មវិធីនេះតម្រូវឱ្យមានកម្លាំងម៉ាស៊ីនដំណើរការធំដូចគ្នា ប៉ុន្តែបច្ចុប្បន្នហាក់បីជាមិនពេញនិយមសម្រាប់អ្នកប្រើទូទៅឡើយ ខណៈមានគូប្រជែង ២ ចូលមកគឺ Avid និង Apple។

៩.Adobe Photoshop:

ទោះ Sabay មិនរៀបរាប់ក៏ប្រិយមិត្តអាចដឹងត្រួសៗដែរ ពីមុខងារ Photoshop។ យើងប្រើសម្រាប់កាត់តរូបភាពនិងបង្កើតការរចនាបែប 3D ដែលនេះជាមុខងារចម្បងដ៏ចាំបាច់មួយ ដែលគេត្រូវការប្រើ Photoshop។

១០.Adobe Flash:

ហ្គេមដែលអ្នកនិយមលេងលើបណ្ដាញសង្គម ហើយវីដេអូតុក្កតាដែលក្មេងៗនិយមមើល អ្នកផលិតច្រើនប្រើកម្មវិធី Flash ក្នុងការបង្កើត។ ប៉ុន្តែក្រោយការប្រកាសចេញ HTML5 កម្មវិធី Flash ក៏បាត់បង់ការគាំទ្រមួយផ្នែកធំ យ៉ាងណាមិញបច្ចុប្បន្នគេក៏នៅប្រើវាដើម្បីបង្កើតក្បាលចាក់វីដេអូដំណើរការលើគេហទំព័រ YouTube។

១១.Adobe Audition:

ប្រើសម្រាប់កាត់តសម្លេង និងការបញ្ចូលសម្លេងច្រើនក្នុងឯកសារតែមួយ (Mix Sound)។ កាលពីសម័យមុនគេនិយមប្រើវានៅតាមបណ្ដាស្ថានីយវិទ្យុ សម្រាប់កាត់និងបញ្ចូល Sound Effects។

១២.Adobe SpeedGrade:

ប្រើសម្រាប់ធ្វើការច្នៃបន្ថែមពណ៌ទៅលើរូបភាព។ បើនិយាយរួម បច្ចុប្បន្នកម្មវិធីទូរសព្ទជាច្រើនក៏មានដែរ ដែលយើងនិយមហៅថា ដាក់ Effect ទៅលើរូបភាព ប៉ុន្តែគ្រាន់កម្មវិធី SpeedGrade វាមានមុខងារប្រើប្រាស់ធំទូលាយជាង។

១៣.Adobe Encore:

ប្រើសម្រាប់ការរៀបចំ DVD និងឌីស Blu-ray ដែលភាគច្រើនអ្នកប្រើវាគឺជាអ្នកផលិតអាជីព ក្នុងផ្នែកមួយបន្តពី Adobe Premiere។ យើងអាចបង្កើត Menus នៅក្នុង DVD ហើយធ្វើការកែច្នៃតាមរយៈ Photoshop ក៏បានដោយប្រើប្រាស់ Layer។

១៤.Adobe Flash Builders:

ប្រើទាក់ទងទៅនឹងការបង្កើតកម្មវិធីសម្រាប់ទូរសព្ទនិងវេបសាយលើកុំព្យូទ័រ។ មិនខុសច្រើនពី Flash ដែលអាចបង្កើតកម្មវិធីគាំទ្រប្រព័ន្ធដំណើរការច្រើន។ កូដដែលអាចស្គាល់ជាមួយផ្ទៃក្រាហ្វិកនៃកម្មវិធី Flash Builders រួមមាន MXML និង ActionScript។

១៥.Adobe Acrobat X Pro:

ប្រើទាក់ទងក្នុងឯកសារ PDF ដ៏រឹងមាំមួយ។ យើងអាចធ្វើការបន្ថែមសម្លេងនិងវីដេអូ ក៏ដូចជាកែច្នៃផ្ទៃ Background របស់ឯកសារ PDF បានយ៉ាងងាយស្រួល។

១៦.Adobe Media Encoder:

ប្រើសម្រាប់ធ្វើការ Resize និង Crop វីដេអូជាដើម រួចរាល់វីដេអូទាំងអស់អាចបម្លែងចេញជាឯកសារ FLV, F4vV និង H.264 ដែលគាំទ្រលើឧបករណ៍ច្រើន។

ចង់ដឹងថានរណាចូលមើល Profile Facebook អ្នកញឹកញាប់ជាងគេ អាចសាកតាមវិធីនេះ

អ្នកប្រើប្រាស់បណ្ដាញទំនាក់ទំនង Facebook មួយចំនួនធំពិតជាចង់ដឹងណាស់ហើយថាតើរាល់ថ្ងៃនេះ Profile របស់ខ្លួនមាននរណាគេចូលមើលខ្លះ? ថ្ងៃនេះ Sabay សូមបង្ហាញពីវិធីមួយដែលអាចឲ្យមើលដឹងថាអ្នកចូលមើល Profile របស់អ្នកមាននរណាខ្លះ។

បញ្ជាក់៖ វិធីសាស្ត្រខាងក្រោមអនុវត្តបានតែជាមួយ Browser Chrome ប៉ុណ្ណោះ

@ជាដំបូងត្រូវបញ្ចូល Extension មួយឈ្មោះ Facebook Flat ចូលទៅក្នុង Browser Chrome ដោយចូលទៅកាន់តំណភ្ជាប់នេះ។ ពេលទៅដល់ផ្ទាំង Extension នេះហើយចុចបញ្ចូលវាទៅក្នុង Browser ដោយចុចលើពាក្យថា ADD TO CHROME។

@នៅលើផ្ទាំងបន្ទាប់មួយទៀតចុចលើពាក្យថា Add extension ដើម្បីបញ្ចប់ប្រតិបត្តិការបញ្ចូល Extension

@បន្ទាប់ពីបញ្ចូលរួចរាល់ចូលទៅកាន់គណនី Facebook របស់អ្នក (ចុចប៊ូតុង F5 ដើម្បី Refresh ប្រសិនបើអ្នកបានបើកគណនី Facebook រួចហើយ) នោះអ្នកនឹងឃើញថាវាមានភាពប្រែប្រួលខុសពីធម្មតា។

@នៅផ្នែកខាងឆ្វេងនឹងឃើញមាន List មួយ ដែលត្រង់ List នេះមានមុខងារមួយឈ្មោះ "Profile visitors" អាចឲ្យមើលឃើញថាអ្នកណាខ្លះចូលមើល Profile និងមានទំនាក់ទំនង (Chat ឬ Comment ឆ្លើយឆ្លងគ្នា) ជាមួយអ្នកញឹកញាប់ជាងគេ។ ផ្ទាំងនេះមិនត្រឹមតែបង្ហាញពីគណនីដែលជា Friend អ្នកនោះទេ ប៉ុន្តែក៏អាចបង្ហាញពីគណនីដែលមិនមែន Friend ដែរ ក្នុងករណីដែលគេបានចូលមើល Profile និងទាក់ទងអ្នកញឹកញាប់។

@បញ្ជាក់ថាដើម្បីផ្លាស់ប្ដូរផ្ទាំង Facebook របស់អ្នកឲ្យប្រែជាធម្មតាវិញគ្រាន់តែចុចលើប៊ូតុង Disable/Enable ដែលស្ថិតនៅផ្នែកខាងឆ្វេងខាងលើគេបង្អស់ នោះជាការស្រេច៕

ងាយៗកុំឲ្យគេដឹងថា យើង Like Facebook Page របស់វិបសាយណាមួយ

ការចុច Like Page នៅលើ Facebook ឬលើវិបសាយណាមួយ គឺដើម្បីទទួលព័ត៌មានពី Page ទាំងនោះជាប្រចាំ។ ប៉ុន្តែប្រិយមិត្តមួយចំនួនប្រហែលជាមិនចង់ឲ្យគេដឹងថាខ្លួនបានចុច Like Page នោះទេ ជាពិសេសគឺមិត្តភ័ក្ដិក្នុងហ្វេសប៊ុក។ ដូច្នេះតើប្រិយមិត្តគួរធ្វើយ៉ាងណាដើម្បីមិនឲ្យពួកគេដឹងថាអ្នកបាន Like Page ទាំងនោះ ទាំងនៅលើ Facebook Page និងគេហទំព័រនៃ Facebook Page ទាំងនោះ?

ខាងក្រោមនេះគឺគន្លឹះងាយៗអាចជួយអ្នកបាន៖

១ – ដំបូងចូលទៅកាន់គណនី Facebook របស់អ្នក រួចចូលទៅកាន់ Timeline Page

២ - រួចចុចនៅលើ Tab “More” អូសចុះក្រោមចុចលើពាក្យ Likes

៣ – ចុចលើប៊ូតុង Manage ដែលមានរូបសញ្ញាខ្មៅដៃ ហើយជ្រើសយកពាក្យ Edit Privacy

៤ – ក្នុងចំណុចនេះអ្នកត្រូវដឹងពីប្រភេទ (Category) នៃ Page ដែលអ្នកចង់លាក់ដូចជា Page ខ្លះជាប្រភេទ Website, Sports, Foods ឬប្រភេទផ្សេងៗទៀត។ បន្ទាប់មកចុចលើប៊ូតុងដែលស្ថិតនៅផ្នែកខាងស្ដាំនៃប្រភេទ Category ដែលចង់លាក់នោះ រួចជ្រើសយកពាក្យថា Only Me។ អ្នកអាចធ្វើតាមជំហាននេះទៅលើប្រភេទ Page ណាដែលអ្នកចង់លាក់បាន។

អ្នកត្រូវដឹងពីប្រភេទនៃ Page ដែលអ្នកចង់ដឹងដោយមើលនៅផ្នែកខាងក្រោមនៃឈ្មោះរបស់ Page ហើយបើសិនជាវាមិនស្ថិតនៅក្នុងប្រភេទណាមួយអ្នកត្រូវចុចយកប៊ូតុង Other ។

៥ –បន្ទាប់មកចុចប៊ូតុង Close ដើម្បីបញ្ចប់ដំណើរការ៕

Khmer Techno Innovation

Thursday, June 29, 2017

គណនី iTunes, iCloud និង Apple ID ចែកមិនដាច់មែន ចម្លើយនៅទីនេះ

ប្រើតែកាមេរ៉ាទូរសព្ទក៏អាចថតម៉ូដែលរថយន្តបានស្អាតដែរ បើរៀនតាមនេះ

វិធីដោះ iPhone ជាប់លេខទូរសព្ទជាប់គ្នា

ស្គាល់ពាក្យបច្ចេកទេស Toggle,Utilities និង SBSettings

ចង់កែម៉ូតូ Cafe អត់ស្គាល់កន្លែងចាំ Sabay ប្រាប់ ៣ កន្លែងល្បីៗនៅភ្នំពេញ

ក្រុមហ៊ុនផលិតយន្តហោះធំៗចំនួន ៥ ស្គាល់បានប៉ុន្មានដែរ?

វីធីប្តូរលុយតាម cellcard និង Smart

ការសម្ភាសន៍ជាមួយនឹងលោក Sergio Landolt Rolls-Royce ម៉ូដែល Ghost

Tuesday, June 27, 2017

ទូរសព្ទ iPhone ២ រោទ៍ក្នុងពេលតែមួយ ដំណោះស្រាយងាយបំផុត

មកស្គាល់កម្មវិធីកំពូលទាំង ១៦ របស់ Adobe ដែលគ្រប់គ្នាប្រើរាល់ថ្ងៃ

ចង់ដឹងថានរណាចូលមើល Profile Facebook អ្នកញឹកញាប់ជាងគេ អាចសាកតាមវិធីនេះ

ងាយៗកុំឲ្យគេដឹងថា យើង Like Facebook Page របស់វិបសាយណាមួយ

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels