8:12 PM
សម្របបាននឹងភាពជោគជ័យរបស់ខ្លួននាពេលបច្ចុប្បន្ន
Facebook មិនមែនដំណើរការទៅបានតែម្នាក់ឯងនោះទេ
ផ្ទុយទៅវិញក្រុមហ៊ុនយក្សអាមេរិកមួយនេះ
ធ្លាប់បានទិញយកក្រុមហ៊ុនធំៗចំនួន ១០
ដើម្បីពង្រីកភាពល្បីល្បាញរបស់ខ្លួន។
១.WhatsApp
ក្រុមហ៊ុន Facebook បានទិញយក WhatsApp ក្នុងទំហំសាច់ប្រាក់ ១៩ ពាន់លានដុល្លារ។ គិតត្រឹមខែកុម្ភៈឆ្នាំ ២០១៤ ប្រភេទកម្មវិធីលេងសារ (Online) WhatsApp ទទួលបានអ្នកលេងប្រមាណ ៤៥០ លាននាក់។
២.Oculus
ក្រុមហ៊ុនបច្ចេកវិទ្យា VR ដែលមានឈ្មោះ Oculus ត្រូវបាន Facebook ទិញក្នុងតម្លៃ ២ ពាន់លានដុល្លារ។ Facebook ក៏បានបញ្ជាក់ថានឹងសម្លឹងវិនិយោគលើផលិតផល VR បន្ថែមទៀតនាពេលអនាគត។
៣.Face.com
មុខងារចាប់មុខមនុស្ស ស្គាល់ឈ្មោះដោយស្វ័យប្រវត្តិនៅលើ Facebook ក៏ដោយសារការចូលរួមរបស់ក្រុមហ៊ុននេះឯង។ ខណៈឆ្នាំ ២០១២ Facebook បានចំណាយលុយទិញយកចន្លោះពី ៥៥ ទៅ ១០០ លានដុល្លារ។
៤.Instagram
បណ្តាញសង្គមនិយមផុសរូបស្អាតៗដែលយុវវ័យហៅកាត់ IG ត្រូវបាន Facebook ទិញយកកាលពីឆ្នាំ ២០១២ ក្នុងតម្លៃ ១ ពាន់លានដុល្លារ ដោយការចំណាយបូកបញ្ចូលរវាងប្រាក់សុទ្ធនិងភាគហ៊ុនក្រុមហ៊ុន។ លោក Mark Zuckerberg បានថ្លែងប្រាប់ "ការចែករំលែករូបភាពស្អាតៗជាហេតុផលដែលមនុស្សរាល់គ្នាពេញចិត្ត Facebook ហើយពួកយើងនឹងបញ្ចូលក្រុមហ៊ុនទាំង ២ ជាមួយគ្នា"។
៥.Atlas Advertiser Suite
ក្រុមហ៊ុន Facebook បានទិញយកក្រុមហ៊ុនផ្សព្វផ្សាយពាណិជ្ជកម្មមួយនេះពី Microsoft ក្នុងចន្លោះទឹកប្រាក់ ៥០ ទៅ ១០០ លានដុល្លារ។ ផ្នែកលក់នៃការផ្សព្វផ្សាយពាណិជ្ជកម្មលើ Facebook ក៏ត្រូវបានមានសន្ទុះ ដែលជាគោលដៅពង្រឹងផ្នែកទីផ្សារបន្ថែមទៀត។
៦.Patents Deal
នាខែមេសាឆ្នាំ ២០១២ ក្រុមហ៊ុន Facebook បានប្រកាសនូវកិច្ចព្រមព្រៀងរវាង Microsoft ក្នុងការទិញយកនូវចំណែកនៃប៉ាតង់មួយ ដែល Microsoft បានទិញពី AOL Inc. ក្នុងទំហំសាច់ប្រាក់ ៥៥០ លានដុល្លារ។
៧.Gowalla
ការដំណើរការមុខងារចែកចាយ Location លើ Facebook ក៏ដោយសារពួកគេទិញយកក្រុមហ៊ុន Gowalla នាឆ្នាំ ២០១១ ប៉ុន្តែពុំមានកាបញ្ជាក់ពីទំហំសាច់ប្រាក់ចំណាយឡើយ។
៨.FriendFeed
បណ្តាញសង្គម Feed បានប្រែក្លាយជាចំណែកមួយរបស់ Facebook នាឆ្នាំ ២០០៩ ដោយពួកគេបានចំណាយអស់ ១៥ លានដុល្លារ។ បុគ្គលិកទាំងអស់របស់ FriendFeed បានអនុញ្ញាតឱ្យចូលបម្រើការងារក្នុងក្រុមហ៊ុន Facebook និងស្ថាបនិកក្រុមហ៊ុនចំនួន ៤ នាក់ទទួលមុខតំណែងជាន់ខ្ពស់នៃផ្នែកវិស្វកម្មនិងផលិតផល។
៩.Parakey
Facebook បានទិញយក Parakey នៅឆ្នាំ ២០០៧ ដែលមានអ្នកនៅពីក្រោយ ២ រូប ជាស្ថាបនិក Mozilla Firefox រួមមានលោក Black Ross និងលោក Joe Hewitt ក្នុងគោលដៅចាប់ដៃគ្នាអភិវឌ្ឍលើប្រព័ន្ធ Network។
១០.ConnectU
Facebook បានសម្រេចទិញ ConnectU ពីបងប្អូនភ្លោះ Winklevoss នាឆ្នាំ ២០១០ ដោយថ្លៃទូទាត់ចំណាយទាំងមូល ប្រើជាសាច់ប្រាក់និងភាគហ៊ុនរបស់ Facebook ផ្ទាល់។
បន្តចុចអាន៖
ប្រភព៖ CNN ប្រែសម្រួល៖ កៅ រក្សា
0 comments:
Post a Comment