Khmer Techno Innovation: YouTube Money

Showing posts with label YouTube Money. Show all posts

Friday, July 7, 2017

បើចង់ចេះចង់រកលុយពី YouTube ត្រូវដឹង ៤ ចំណុចនេះ

បច្ចុប្បន្នវិធីរកលុយតាមអនឡាញមានច្រើនរបៀបដូចជាតាមរយៈ YouTube, Facebook Page, Instant Article, Blogger ឬ Website ជាដើម ដែលអាចរកចំណូលបានរាប់រយដុល្លារក្នុងមួយខែៗ។ ថ្ងៃនេះ Sabayនឹងប្រាប់គន្លឹះ ៣ សម្រាប់អ្នកដែលចង់ចាប់ផ្ដើមរកលុយតាម YouTube ឆាប់បានលុយដុំៗដូចអ្នកអាជីព ទោះបីជាមានការប្រកួតប្រជែងខ្លាំងក្ដី។

១ បង្កើត YouTube Channel

ការបង្កើត YouTube Channel មួយមិនមែនជារឿងពិបាកពេកទេ សម្រាប់អ្នកទាំងអស់គ្នា ព្រោះសុទ្ធតែមានស្មាតហ្វូនម្នាក់មួយ និងមានគណនី Google ឬ Gmailរួចជាស្រេច ដែលអាច Upload វីដេអូឃ្លីបខ្លីៗខ្លួនឯងបាន ដោយមិនបាច់ខ្វល់ពីគុណភាពវីដេអូ ទំហំ ឬប្រវែងវីដេអូអ្វីនោះទេ។

បន្ទាប់ពីបង្កើតបាន Channel មួយហើយ អ្នកត្រូវព្យាយាមរកវីដេអូមក Upload ចូលតាមលទ្ធភាពដែលអាចធ្វើទៅបាន។ ចំពោះវីដេអូឃ្លីបខ្លីៗដែលអ្នកចង់ Upload អាចយកវាទៅកែកុនខ្លះៗ ដើម្បីឲ្យមានភាពទាក់ទាញ ប្រសិនបើគ្មានកម្មវិធីសម្រាប់កាត់តវីដេអូ អ្នកគួររើសយកកម្មវិធីដូចជា iMovie ដាក់លើ iPhoneឬ Adobe Premiere តម្លើងលើកុំព្យូទ័រជាដើម។

ជំហានបន្ទាប់អ្នកត្រូវចេះវិធីដាក់ពាណិជ្ជកម្មលើវីដេអូរបស់អ្នក ដើម្បីរកលុយ ឬតិចនិកដើម្បីធ្វើយ៉ាងណាឲ្យគេចូលមើលវីដេអូអ្នកបានច្រើន តែត្រូវប្រុងប្រយ័ត្ន មិនគួរដោនឡូតវីដេអូគេដែលមានស្រាប់ជាប់ Copyright ដូចជាបទភ្លេងជាដើម បើ YouTube ចាប់បាននោះ Channel អ្នកនឹងត្រូវលុបចោល។

២ ជ្រើសរើសឧបករណ៍សម្រាប់ថតវីដេអូ

ចំណុចនេះ ជាចំណុចដែលអ្នកត្រូវដឹងមុនគេថា មិនចាំបាច់ដល់ទៅកាមេរ៉ា DSLR ធំៗនោះទេ គ្រាន់តែកាមេរ៉ាស្មាតហ្វូនក៏អ្នកអាចថតវីដេអូរកលុយបានដែរ។ ប្រសិនបើអ្នកទើបចាប់ផ្តើម អ្នកគ្រាន់តែថតវីដេអូខ្លីៗ តូចៗ រួច Upload ជាការស្រេច។

តែរឿងដែលចាំបាច់ ដើម្បីឲ្យវីដេអូអ្នកមានភាពទាក់ទាញ អ្នកគួរមានកាមេរ៉ាស្មាតហ្វូនដែលគុណភាពថតវីដេអូបានស្អាត ច្បាស់គួរសម ឬកាមេរ៉ាប្រភេទ DSLR ដែលអាចថតវីដេអូបានដល់កម្រិត FullHD ឬឡើងដល់ 4K ជាដើម ជាមួយនឹងជើងទម្រកាមេរ៉ា(Tipod) ដែលជាឧបករណ៍ជំនួយពេលថត កុំឲ្យមានរំញ័រខ្លាំង។

ជាងនេះទៀត ប្រសិនបើអ្នកចូលចិត្តថតវីដេអូខាងក្រៅច្រើន(Outdoor) អ្នកគួរមានកាមេរ៉ា GoPro មួយសម្រាប់ការថតសកម្មភាពកំសាន្តនានាទាំងនោះ ទុកផុសលើ YouTube ដែលឲ្យអ្នកមើលមានភាពប្លែកភ្នែកផងដែរ។

៣ ជ្រើសរើសឧបករណ៍ថតសំលេង

អ្នកមានឆ្ងល់ទេថា ហេតុអ្វីអ្នកថតវីដេអូល្បីៗផុសលើ YouTube សំលេងច្បាស់ល្អម្ល៉េះ? នេះជាដោយសារតែគេ ជ្រើសឧបករណ៍ថតសំលេងបានល្អ ដែលជួយឲ្យថតវីដេអូមានភាពទាក់ទាញថែមមួយកម្រិតទៀត។

ចំណុចនេះ ជាចំណុចដែលអ្នកទើបចាប់ផ្តើម គួរសិក្សាដើម្បីកែលំអរវីដេអូរបស់ខ្លួនឲ្យកាន់តែមានភាពទាក់ទាញបន្ថែមទៀត។

៤ ត្រូវចេះរកហ្វេន ឬអ្នកទស្សនាជាប្រចាំ

អ្នកត្រូវមានចំណេះដឹងលើវីដេអូដែលអ្នកបានថតបង្ហាញអ្នកទស្សនាដូចជា ការធ្វើវីដេអូពីរបៀបលេងហ្គេម ដោនឡូតហ្គេម ទីតាំងដើរលេងសប្បាយ ឬការបង្រៀនជាមេរៀនជាដើម។អ្នកត្រូវប្រាកដថា និយាយឲ្យបានច្បាស់ៗ មួយៗ មិនលឿនពេក មិនយឺតពេក មិនវែងពេក និងនិយាយឲ្យបានសមរម្យ។

ជាងនេះទៀត វីដេអូរបស់អ្នកត្រូវតែជាវីដេអូច្បាស់លាស់មួយក្នុង Channel មួយ ដែលធ្វើឲ្យអ្នកតាមដាន ងាយស្រួលតាមដានសាច់រឿង ឬអនុវត្តតាម ដូចនេះមិនគួរផុសវីដេអូលាយឡំគ្រប់ប្រភេទក្នុង Channel តែមួយនោះទេ វាធ្វើឲ្យបាត់ចំនួនអ្នកតាមដាន។
ទាំងនេះគ្រាន់តែចំណេះដឹងទូទៅសម្រាប់អ្នកដែលចង់ចាប់ផ្តើមរកលុយតាម YouTube ក្រុមការងារសង្ឃឹមថា ប្រិយមិត្តដែលកំពុងរកលុយ និងមានបទពិសោធន៍ច្រើនផ្នែកនេះអាចចែករំលែកខាងក្រោមនេះបាន៕

មេរៀនទី ៤៖ យកលុយទៅណាអស់! ងាយៗដាក់ Annotations លើវីដេអូយូធូប បានលុយកាន់តែច្រើន

កាលនៅមេរៀនមុន ប្រិយមិត្តបានរៀនពីរបៀបសរសេរ ចំណងជើង, Description និងការប្រើប្រាស់ Tag លើវីដេអូយូធូប ឲ្យមានអ្នកមើលកាន់តែច្រើន ឯមេរៀនបន្ទាប់នេះគឺការដាក់ Annotations។

Annotations គឺជាការបន្ថែមលីង ឃ្លាណាមួយ មួយជាន់ទៀតពីលើវីដេអូ ដែលអ្នកបង្ហោះលើយូធូប។ វាមានប្រសិទ្ធភាពខ្លាំង ដែលអាចជួយទាក់ទាញអ្នកមើល ឲ្យចុចមើលលីងផ្សេងៗ (វីដេអូ) ដែលអ្នកបានដាក់ជាន់លើវីដេអូណាមួយ។ ធ្វើដូច្នេះ អ្នកចំនួនចូលទស្សនាវីដេអូរបស់អ្នកនឹងកាន់តែកើនឡើង។

ដើម្បីដាក់ Annotations ដំបូងចូលទៅកាន់ www.youtube.com ហើយ Sign in បើអ្នកមិនទាន់បាន Sign-in។ បន្ទាប់មកចុចលើ My channel > Video manager។ នៅផ្នែកខាងស្តាំ ជាប់វីដេអូនីមួយ អ្នកនឹងឃើញសញ្ញាព្រួញបាញ់ចុះក្រោម ក្បែរអក្សរ Edit។ ចុចលើសញ្ញាព្រួញនោះ ហើយរើសយក End screen & annotations។ កាន់តែច្បាស់ ទស្សនាវីដេអូខាងក្រោម៖

អត្ថបទ៖ ផាន់និត

មេរៀនទី ៣៖ ចង់ឲ្យវីដេអូលើ YouTube មានអ្នកចូលមើលរាប់ម៉ឺននាក់ អនុវត្តតាមនេះ

កុំគិតថាឲ្យតែបង្ហោះវីដេអូលើ YouTube ប៉ាតណាប៉ាតណី ហើយរង់ចាំយកលុយនោះ។ រាល់វីដេអូដែលមានចំនួនចូលមើលកាន់តែច្រើន នោះលទ្ធភាពចុចលើផ្ទាំងផ្សាយពាណិជ្ជកម្ម (Ads) ក៏មានច្រើនដូចគ្នា។ ដើម្បីឲ្យវីដេអូលើ YouTube ដែលអ្នកបានបង្ហោះមានអ្នកចូលមើលច្រើន អាចសាកល្បងតាមវិធីខាងក្រោម៖

ការប្រើប្រាស់ចំណងជើងទាក់ទាញ៖ អាចប្រើជាភាសាខ្មែរឬអង់គ្លេស មួយណាក៏បាន។ ប៉ុន្តែ ដោយសារភាសាខ្មែរលើ YouTube មិនទាន់សូវទូលំទូលាយ ដូច្នេះគួរប្រើភាសាអង់គ្លេស ដើម្បីឲ្យមនុស្សទូទាំងពិភពលោក ងាយស្វែងរកឃើញវីដេអូរបស់អ្នក។

ចំណងជើងគួរតែខ្លី ខ្លឹម និងមានផ្ទុកពាក្យគន្លឹះ (Keywords) ទាក់ទងនឹងប្រធានបទលើវីដេអូរបស់អ្នក។

*សម្រាប់អ្នកមានគណនី Google Adwords៖ អ្នកអាចចូលទៅកាន់ adwords.google.com ហើយចុចយក Tool > Keyword Planner។ នៅខាងឆ្វេងដៃ ចុចលើ Search for new keywords using a phrase, website or category។ វាយឃ្លា អំពីប្រធានបទលើវីដេអូរបស់អ្នក ហើយអូសទៅក្រោម ជ្រើសយក Get ideas។ ត្រង់នេះអ្នកនឹងឃើញពីចំនួនស្វែងរក Keywords នោះប្រចាំខែមានចំនួនប៉ុន្មាន។ បន្ទាប់មកអ្នកនឹងឃើញចំនួន Keywords យ៉ាងច្រើនទាក់ទងនឹងប្រធានបទរបស់អ្នក។

ចំពោះការប្រើប្រាស់ Adwords តម្រូវឲ្យអ្នកចំណាយប្រាក់ ដើម្បីអាចប្រើប្រាស់មុខងារសំខាន់ៗផ្សេងទៀត ដើម្បីឲ្យ Google ជួយអ្នកក្នុងការវិភាគរក Keyword ណាដែលអាចឲ្យមនុស្សរកវីដេអូអ្នកឆាប់ឃើញ។

ចំពោះអ្នកមិនទាន់ អាចចុចត្រង់នេះ ដើម្បី Sign Up។ ធ្វើតាមការណែនាំផ្សេងៗរហូតដល់ចុងបញ្ចប់។ អ្នកត្រូវមាន Visa Card, Master Card សម្រាប់ការបង្កើតគណនីនេះ។

KWFINDER ( www.app.kwfinder.com )។ ក្នុងនេះនឹងបង្ហាញអ្នកពីចំនួន Search ប្រចាំខែដោយប្រើ Keywords ណាមួយ, CPC និង PPC ជាដើម។
MOZ Keyword Explorer ( moz.com/products/pro/keyword-explorer )
Google Trends ( www.google.com/trends )
Serps ( www.serps.com ) ជាដើម។

អ្នកអាចស្វែងរកនិងពនិត្យមើលប្រជាប្រិយភាពនៃ Keywords លើតំណភ្ជាប់ទាំងអស់នេះ។ តំណភ្ជាប់ភាគច្រើន កំណត់ឲ្យអ្នកអាចស្វែងរក Keywords តែពីរឬបីដងប៉ុណ្ណោះក្នុងមួយថ្ងៃ តែបើចង់បានឥតកំណត់ត្រូវចាយលុយ។

ក្រោយពេលបាន Keywords ពីតំណភ្ជាប់ខាងលើ អ្នកអាចយក Keywords ទាំងនោះមកដាក់ក្នុង Tag ឬបញ្ចូលទៅក្នុង Description និងចំណងជើងលើវីដេអូ YouTube ដើម្បីងាយឲ្យអ្នកដទៃរកឃើញវីដេអូអ្នក។

បើអ្នកមានវិបសាយ ទំព័រហ្វេសប៊ុក គណនី Google Plus និង Blogspot ទៀតកាន់តែប្រសើរ ព្រោះអាចប្រើបណ្តាញទាំងនោះចែកចាយវីដេអូ ដើម្បីទទួលបានការចូលមើលកាន់តែច្រើន។

Subscriber៖ ពេលអ្នកមានចំនួន Subscribe កាន់តែច្រើន នោះរាល់ពេលវីដេអូអ្នក បង្ហោះលើយូធូបម្តងៗ អ្នកទាំងនោះនឹងឃើញភ្លាមៗ ដូច្នេះចំនួន View ក៏កើនតាមនោះដែរ។ ដើម្បីងាយបាន Subscribe ច្រើន អ្នកអាចដាក់ពាក្យថា "Please Subscribe My Channel For More Videos ឬ Don't Forget Hit Subscribe”។ ទោះមិនបានច្រើន តែយ៉ាងហោចណាស់ មនុស្សនឹងជួយ Subscribe គណនីយូធូបអ្នកមិនខាន។

វិធីមួយទៀត អាចចូលទៅ Comment ក្នុងវីដេអូដែលមានចំនួនទស្សនា (View) ច្រើន ហើយអាចសរសេរថា "Please Subscribe Me, Then I will Subscribe You Back”។

បើអ្នកធ្វើតាមវីដេអូខាងលើ នោះនឹងឃើញលទ្ធផល។ ត្រូវចេះមើលពីទំនោរ ថាតើមនុស្សបច្ចុប្បន្នចូលចិត្តមើលអ្វីជាងគេ ហើយបើសិនមានព្រឹត្តិការណ៍ធំណាមួយកំពុងកើតឡើង ជាឱកាសល្អដែលអ្នកអាចទាញផលចំណេញពីវា យកមកធ្វើវីដេអូបាន៕

នៅមានវិធីបច្ចេកទេសពិសេសមួយចំនួនទៀតដូចជា ការដាក់ Annotation និង Playlist ជាដើម ដែលអាចជួយឲ្យវីដេអូអ្នក មានអ្នកមើលកាន់តែច្រើន។ រង់ចាំតាមដាន ថ្ងៃអង្គារសប្ដាហ៍ក្រោយ។

មេរៀនទី ២ បន្ត រកលុយលើ YouTube ៖ របៀប Monetize និងបង្កើត Google Adsense

ថ្ងៃអង្គារសប្ដាហ៍មុន ប្រិយមិត្តបានសិក្សាមេរៀនទីមួយពីដំណាក់កាលដំបូងនៃការ រកប្រាក់តាមយូធូប លើការបង្កើតគណនី ឯសប្ដាហ៍នេះ Sabay នឹងបង្ហាញមេរៀនបន្តអំពីការ Monetize និងបង្កើត Google Adsense។

ដំបូង ចូលទៅកាន់ www.youtube.com ហើយ sign in។ បន្ទាប់មកចុចលើ My channel > Video Manager > Channel។

ក្រឡេកទៅខាងស្ដាំដៃ នៅពីក្រោមពាក្យ Monetization ចុចលើពាក្យ Enable។

រួចចុច Get started

បន្ទាប់មក ចុចធីកលើប្រអប់ទាំងបីខាងក្រោម ដើម្បីបញ្ជាក់ថាអ្នកយល់ព្រមនឹងកិច្ចព្រមព្រៀងរបស់យូធូប រួចចុច I accept។

ចុងក្រោយចុចលើ Set up AdSense account។

ពេលនេះចូលដល់ផ្ទាំង Google AdSense ចុចលើ Sign in ។ **ត្រង់ Content language ត្រូវប្រាកដថា English-English រួចរាល់ហើយចុចលើ Save and Continue។

Country or territory សូមជ្រើសយក Cambodia ហើយត្រង់ Time zone រើសយក (UTC+07:00) Phnom Penh។

បន្ទាប់មកត្រូវបំពេញលើ Address line 1, Address line 2, City និង Postal Code (12000) សម្រាប់ប្រទេសកម្ពុជា។

ត្រង់ Primary contact ត្រូវវាយលេខទូរសព្ទអ្នក ហើយត្រង់ AdSense Email preferences ចុចលើ No ទាំងអស់ ព្រោះអ្នកប្រហែលមិនចាំបាច់ត្រូវការព័ត៌មានទាំងនេះឡើយ។ ឈ្មោះត្រូវដូចនឹងឈ្មោះលើអត្តសញ្ញាបណ្ណរបស់អ្នក។

ក្រោយបំពេញព័ត៌មានគ្រប់យ៉ាងរួចរាល់ គួរពនិត្យមើលព័ត៌មានដែលបំពេញរួចរាល់ឡើងវិញក្រែងមានកន្លែងខុស រួចចុច Submit my application។

បន្ទាប់មកចុចធីកលើប្រអប់ Yes, I have read and accept the agreement ហើយចុច Accept។

ពេលនេះខាង Google នឹងពនិត្យមើលលើបែបបទរបស់អ្នក។ អ្នកនឹងទទួលមែលពី Goolge រយៈពេល១ថ្ងៃ ឬយ៉ាងយូរ ១ សប្ដាហ៍ក្រោយ ដើម្បីឲ្យដឹងថាតើគណនី Adsense បង្កើតជោគជ័យឬយ៉ាងណា។

ក្រោយទទួលមែល ថាការបង្កើត Google Adsense បានជោគជ័យ រាល់វីដេអូដែលអ្នកបង្ហោះនឹងចេញពាណិជ្ជកម្ម។

ពេលចូលទៅក្នុង Video Manager អ្នកនឹងឃើញសញ្ញា $ ពណ៌ត្រួយចេក។ នេះបានន័យថា វីដេអូអ្នកអាចរកប្រាក់ពីចំនួនចូលមើល (View) ពីមនុស្សជុំវិញពិភពលោកហើយ។

ចុចលើ Channel ដែលនៅខាងឆ្វេងដៃ រួចចុច Monetize ដើម្បីពិនិត្យថា មានវីដេអូណាដែលមិនទាន់ Monetize ឬទេ។ បើមានវីដេអូខ្លះមិនទាន់បាន Monetize ចុចលើពាក្យ Monetize videos។

វីដេអូដែល Monetize ហើយនឹងចេញពាណិជ្ជកម្មនៅផ្នែកខាងក្រោមនៃវីដេអូ (មានខ្សែឆូតពណ៌លឿង) ឬអាចនៅខាងលើឈៀងខាងស្តាំនៃវីដេអូ (មើលរូប)

បញ្ជាក់៖ មិនត្រូវចុចលើផ្ទាំងពាណិជ្ជកម្មលើរាល់វីដេអូអ្នកបង្ហោះដាច់ខាត មិនដូច្នេះ Channel និង Adsense អ្នក អាចនឹងត្រូវ Google បិទឬមានបញ្ហាណាមួយមិនខាន។ មួយវិញទៀត ត្រូវបង្កើតវីដេអូប្លែកៗនិងទាក់ទាញការចាប់អារម្មណ៍ ដោយខ្លួនឯងមិនចម្លងពីគេ មិនដូច្នោះគណនីអ្នកមិនយូរមិនឆាប់នឹងត្រូវបិទ ដោយ Google មិនខាន។ ធ្វើអ្វីដែលថ្មី ប្លែក និងមិនចម្លងគេ នោះថ្ងៃណាមួយ គណនីអ្នកនឹងទទួលការចាប់អារម្មណ៍ច្រើន៕

ក្រោយអាចរកប្រាក់បានលើយូធូបហើយ នៅមានរឿងមួយចំនួនទៀតត្រូវដឹង ដើម្បីឲ្យការរកប្រាក់តាមបណ្ដាញសង្គមវីដេអូនេះកាន់តែកើនឡើង។ លើកក្រោយ Sabay នឹងបង្ហាញពីការប្រើប្រាស់ Tag, ការដាក់ចំណងជើង និងមេរៀនបន្តបន្ទាប់មួយចំនួនទៀត។

កុំភ្លេចតាមដានបន្តទៀត! មានចម្ងល់យ៉ាងណា អាចបញ្ចេញយោបល់ខាងក្រោមនេះបាន។
បញ្ជាក់៖ មុនអនុវត្តមេរៀនទីពីរនេះ ប្រិយមិត្តត្រូវស្វែងយល់ពីដំណាក់កាលបង្កើតគណនីដំបូងសិន។ ចុចទីនេះ ដើម្បីស្វែងយល់បន្ថែម។

មេរៀនទីមួយ៖ របៀបរកប្រាក់តាម YouTube ងាយៗ មិនបាច់អស់លុយសូម្បីមួយរៀល

តាមពិតការរកប្រាក់តាម YouTube ជារឿងងាយ គ្រាន់តែថាត្រូវចំណាយកម្លាំងឲ្យបានច្រើនតិច។ មានធ្លាប់គិតអត់ថា ចង់យកវីដេអូថតរួចហើយទុកចោលឥតប្រយោជន៍ក្នុងទូរសព្ទ មករកប្រាក់ចំណូល? Sabay នឹងលើកពីមេរៀនការរកលុយពីបណ្តាញសង្គមមួយនេះ តាំងពីដំណាក់កាលបង្កើតគណនីដំបូងរហូតដល់ដំណាក់កាលចុងក្រោយ ដើម្បីអាចរកលុយពីបណ្តាញសង្គមដ៏មានប្រជាប្រិយនេះ។

ដំណាក់ការដំបូងក្នុងការរៀនរកលុយតាម YouTube

១. ដំបូងអ្នកត្រូវមានគណនី Gmail រួចវាយ www.youtube.com ។ ក្រោយមកអ្នកនឹងឃើញប្រអប់ Sign in នៅខាងស្តាំដៃបង្អស់។ វាយលេខសម្ងាត់អ៊ីមែលរបស់អ្នក រួចចុច Sign in។

បន្ទាប់មក YouTube នឹងឲ្យអ្នកសម្រេចប្រើឈ្មោះណាមួយលើគណនី YouTube អ្នក រួចចុច CREATE CHANNEL។

ក្រោយជ្រើសរើសឈ្មោះរួច ចុចលើ Video Manager > Channel > Advanced។

ត្រង់ Country សូមជ្រើសយកប្រទេសណាផ្សេងក្រៅពីកម្ពុជា (Cambodia) ទើបអាចរកប្រាក់បានលើ YouTube។ ចំណែកឯ Channel keywords ត្រូវដាក់ពាក្យគន្លឹះណា ដែលបង្ហាញពីអត្តសញ្ញាណនៃមាតិកា (Content) នៃគណនី YouTube របស់អ្នក។

Keywords ច្រើនបំផុត អាចត្រឹម ១៥ពាក្យ ហើយគួររើសពាក្យណា ដែលមនុស្សជាទូទៅច្រើនវាយស្វែងរកលើ Google។ Keywords ពិតជាសំខាន់ក្នុងការជួយឲ្យ Channel របស់អ្នកងាយនឹងរកឃើញនិងមានប្រជាប្រិយភាព ពេលមនុស្សស្វែងរកលើ Google។

បន្ទាប់ពីជ្រើសរើស Country និង Channel keywords រួច អូសទៅក្រោមបង្អស់ ចុចពាក្យ Save។

*ត្រូវសម្រេចចិត្តឲ្យបានច្បាស់ ថាចង់បង្កើត Channel យូធូបប្រភេទណាមួយឲ្យប្រាកដ (ឧ. Comedy, Adventure, Technology, Fishing, Gaming, Car, Motor, Tutorial, Tips, Make Up, Dressing, និងជាច្រើនផ្សេងទៀត)។ ពេលសម្រេចថាចង់ធ្វើពីអ្វីមួយច្បាស់ហើយ ត្រូវចាប់ផ្តើមធ្វើវីដេអូបែបនោះរហូតទៅ ដើម្បីឲ្យអ្នកមើល ដឹងច្បាស់ពីអត្តសញ្ញាណអ្នក។

២. ក្រោយផុតដំណាក់កាលខាងលើហើយ ត្រូវ Verify គណនី YouTube របស់អ្នក។ ចុចលើប្រអប់ មាន Verify ពណ៌ខៀវមានសញ្ញាធីក ហើយរើសយកប្រទេស (Cambodia)។

ជ្រើសយក Text me the verification code បន្ទាប់មកវាយលេខទូរសព្ទ (ឧ. +855xxxxxxxxx) ហើយវាយលេខកូដ ៦ ខ្ទង់ ដែលផ្ញើចូលក្នុងទូរសព្ទ។ ពេលនេះ Channel យូធូបរបស់អ្នក បាន Verified ជោគជ័យហើយ។

៣. មុននឹងអាច Monetize វីដេអូរបស់អ្នក ដើម្បីរកប្រាក់ចំណូល អ្នកត្រូវមានឬបង្កើតគណនី Google Adsense ហើយភ្ជាប់វាជាមួយនឹង Channel របស់អ្នកដែលទើបបង្កើតរួច។

របៀប Monetize និងការបង្កើត Google Adsense ក្រុមការងារ Sabay នឹងពន្យល់កាន់តែច្បាស់នៅមេរៀនថ្ងៃអង្គារសប្ដាហ៍ក្រោយ។ កុំភ្លេចតាមដានទាំងអស់គ្នា!

វិធីរកប្រាក់តាម YouTube ដោយខ្លួនឯង មិនខ្លាចត្រូវគេបោក (Intro)

ធ្លាប់បង្ហោះវីដេអូលើ YouTube នឹងគេដែរ តែមិនដែលបានប្រាក់មកវិញមែនទេ? តាមពិត ការរកប្រាក់តាម YouTube មិនមែនជារឿងលំបាក តែក៏មិនបានន័យថាងាយផុយៗដូចការឃោសនាបោកប្រាស់របស់ជនមួយចំនួននោះឡើយ។ ពិតណាស់ អ្នកត្រូវពឹងលើចំណេះដឹង សម្ភារៈ និងទេពកោសល្យផ្ទាល់ខ្លួន ដើម្បីអាចរកប្រាក់បានយ៉ាងច្រើនដូចតារា YouTube ល្បីៗជាច្រើននៅលើពិភពលោក។ ខាងក្រោមជាវិធីមួយចំនួនដែលអាចឲ្យអ្នករកប្រាក់តាមរយៈ YouTube បាន៖

១. ត្រូវបង្កើតគណនី YouTube

ការបង្កើតគណនី YouTube (YouTube Channel) ជាការចាប់ផ្តើមរកប្រាក់ (លើ YouTube)។ បើសិនជាអ្នកមានគណនី Gmail ហើយ អ្នកគ្រាន់តែ Sign in ចូលទៅក្នុងគណនីនោះ បន្ទាប់មក៖
-អ្នកត្រូវដាក់ឈ្មោះគណនី YouTube របស់អ្នកឲ្យមានភាពទាក់ទាញ។ ឈ្មោះកាន់តែខ្លី ពីរោះស្ដាប់ និង Original (ឈ្មោះមិនស្រដៀងគណនីផ្សេង) និងកាន់តែទាក់ទាញ ហើយងាយចាំ។
-ត្រូវចាំថាឈ្មោះគណនី YouTube របស់អ្នកត្រូវមាន Keyword មួយដែលងាយនឹង Search (ឧ. Cute Girls Hairstyles) ហើយឈ្មោះនោះក៏ត្រូវស៊ីនឹងគោលការណ៍នៃ Content របស់អ្នកដែរ។ ឧទាហរណ៍ ឈ្មោះគណនី YouTube របស់អ្នកឈ្មោះ Cute Girls Hairstyles ដូច្នេះគ្រប់ Content (វីដេអូ) ទាំងអស់ត្រូវនិយាយពីការធ្វើម៉ូដសក់។

២. Upload វីដេអូ

អ្នកត្រូវ Upload វីដេអូមានគុណភាពច្បាស់ និងមិនវែងពេកនោះទេ តែពេលខ្លះវាអាស្រ័យលើប្រភេទវីដេអូដែលអ្នកចង់ Upload ដែរ។ មួយវិញទៀត អ្នកត្រូវព្យាយាម Upload វីដេអូឲ្យបានទៀងទាត់ផងដែរ ទោះបីជាវីដេអូដំបូងរបស់អ្នកមិនសូវល្អក៏ដោយក្តី។ មានចំណុចទាក់ទងផ្សេងទៀតត្រូវចងចាំ៖
-ធ្វើឲ្យរាល់វីដេអូរបស់អ្នកមានគុណភាព ដោយប្រើកាមេរ៉ាទំនើប និងប្រើ Software ល្អៗក្នុងការកែ (Edit) វីដេអូ ឬក៏សុំជំនួយពីមិត្តភ័ក្តិជំនាញ IT។
-ដូចដែលបាននិយាយខាងលើ ការ Upload វីដេអូទៀងទាត់ និងមានកាលវិភាគច្បាស់លាស់ ប្រាកដជាទាក់ទាញអ្នកចូលទស្សនាកាន់តែច្រើន។
-ត្រូវប្រាកដថាចំណងជើងនៃវីដេអូរបស់អ្នក មាន Keyword មួយដែលងាយនឹង Search រក។ លើសពីនេះ ត្រូវមានការសរសេរពិពណ៌នាណាមួយនៅពីក្រោមវីដេអូដែលបាន Upload (សម្រាប់ជាការពន្យល់បន្ថែម)។

៣. បង្កើនអ្នកចូលមើលវីដេអូរបស់អ្នក

កាលណាមានអ្នកចូលទស្សនាវីដេអូរបស់អ្នកកាន់តែច្រើន នោះអ្នកនឹងអាចរកប្រាក់បានច្រើនដូចគ្នា។ វីធីដែលធ្វើឲ្យគណនីរបស់អ្នកមានអ្នកមើលច្រើន គឺត្រូវធ្វើឲ្យវីដេអូនោះទាក់ទាញ។ បន្ថែមពីនេះអ្នកត្រូវ៖
-Share វីដេអូរបស់អ្នកនៅលើបណ្ដាញសង្គម (ជាពិសេស Facebook) និង Tag វាឲ្យមិត្តភក្តិ។
-ភ្ជាប់ទំនាក់ទំនងជាមួយអ្នកទស្សនាតាមរយៈការឆ្លើយតបទៅនឹង Comment របស់ពួកគេ តែមិនមែនជាការឆ្លើយតបជេរប្រទេចចំពោះ Comment រិះគន់នោះឡើយ។

៤. Monetize វីដេអូ

* Monetize មានន័យថាអ្នកបានអនុញ្ញាតឲ្យមានការដាក់ Ads លើវីដេអូរបស់អ្នក ដើម្បីទទួលបានប្រាក់។

ដើម្បី Monetize វីដេអូ អ្នកត្រូវចុចលើ Video Manager ហើយចុចលើសញ្ញា “$” នៅខាងផ្នែកខាងស្តាំនៃតារាងវីដេអូ ហើយធីកទៅលើប្រអប់ "Monetize with Ads”។ កាន់តែច្បាស់ពីរបៀប Monetize សូមទស្សនាវីដេអូ៖

៥. Setup Google AdSense

អ្នកអាចបង្កើត Google AdSense ដោយឥតគិតថ្លៃក្នុងវិបសាយ Google AdSense ។ អ្នកចាំបាច់ត្រូវមានអាយុចាប់ពី១៨ឆ្នាំឡើងទៅដើម្បីអាចបង្កើតគណនីនេះបាន តែបើមិនដូច្នោះទេ ត្រូវមានអ្នកណាម្នាក់គ្រប់អាយុឲ្យជួយ។
-អ្នកក៏ត្រូវមានគណនី PayPal ឬគណនីធនាគារណាមួយ អាសយដ្ឋានអ៊ីមែល និងព័ត៌មានផ្សេងទៀត ដើម្បីឲ្យ Adsense ទទួលស្គាល់និងដើម្បីផ្ញើប្រាក់ដល់អ្នក។ អ្នកអាចបង្កើនប្រាក់ចំណូលតាមរយៈចំនួនចុចលើ Ads និងចំនួនចូលទស្សនាវីដេអូរបស់អ្នក (ចំនួនចូលមើលកាន់តែច្រើន ទឹកប្រាក់នឹងគុណបន្ថែម)។

៦. ត្រួតពិនិត្យស្ថានការណ៍វីដេអូ (Check your analytics)

នៅពេលអ្នកបានធ្វើចំណុច ១, ២, ៣, ៤ និងទី៥រួចហើយ អ្នកត្រូវពិនិត្យមើលពីដំណើរការវីដេអូរបស់អ្នកដូចជា អត្រាប្រាក់ចំណូល ដំណើរការនៃ Ads (Ads Performance) និងចំនួនអ្នកចូលមើលជាដើម។ ដើម្បីពិនិត្យមើល សូមចុចលើ ពាក្យ ANALYTICS។

៧.បង្កើតទីផ្សារសម្រាប់វីដេអូរបស់អ្នក

កុំរង់ចាំតែ YouTube អ្នកត្រូវបង្កើត Blog ឬវិបសាយដើម្បីបង្ហោះវីដេអូរបស់អ្នក ដើម្បីឲ្យមានអ្នកចូលទស្សនាកាន់តែច្រើន ឬ Share Link វីដេអូនោះលើអ៊ីនធឺណិតឲ្យបានកាន់តែច្រើន។

៨. ចូលជាសមាជិក YouTube (Become a YouTube partner)

YouTube Partners ជាសមាគមមួយដែលមានចំនួនអ្នកទស្សនាយ៉ាងច្រើនសន្ធឹកសន្ធាប់ ហើយក៏អាចឈ្នះរង្វាន់ចំពោះវីដេអូរបស់សមាជិកណាដែលមានអ្នកចូលមើលច្រើន។ ដើម្បីចូលជាសមាជិករបស់ YouTube Partners សូមចូលទៅកាន់ Link មួយនេះ៕

លើកក្រោយ Sabay នឹងបង្រៀនពីវិធីបង្កើត Google AdSense ជាបន្តទៀត។

Khmer Techno Innovation

Friday, July 7, 2017

បើចង់ចេះចង់រកលុយពី YouTube ត្រូវដឹង ៤ ចំណុចនេះ

Tuesday, April 11, 2017

មេរៀនទី ៤៖ យកលុយទៅណាអស់! ងាយៗដាក់ Annotations លើវីដេអូយូធូប បានលុយកាន់តែច្រើន

មេរៀនទី ៣៖ ចង់ឲ្យវីដេអូលើ YouTube មានអ្នកចូលមើលរាប់ម៉ឺននាក់ អនុវត្តតាមនេះ

មេរៀនទី ២ បន្ត រកលុយលើ YouTube ៖ របៀប Monetize និងបង្កើត Google Adsense

មេរៀនទីមួយ៖ របៀបរកប្រាក់តាម YouTube ងាយៗ មិនបាច់អស់លុយសូម្បីមួយរៀល

Tuesday, March 28, 2017

វិធីរកប្រាក់តាម YouTube ដោយខ្លួនឯង មិនខ្លាចត្រូវគេបោក (Intro)

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels

Khmer Techno Innovation

Friday, July 7, 2017

បើ​ចង់​ចេះ​ចង់​រក​លុយ​ពី​ ​YouTube ត្រូវ​ដឹង ៤ ចំណុច​នេះ

Tuesday, April 11, 2017

មេរៀនទី ៤៖ យក​លុយ​ទៅ​ណាអស់! ងាយៗ​​ដាក់ Annotations លើ​វីដេអូ​យូធូប បាន​លុយ​កាន់​តែ​ច្រើន

មេរៀនទី ៣៖ ចង់​ឲ្យ​វីដេអូ​លើ YouTube មាន​អ្នក​ចូល​​មើល​​រាប់​​ម៉ឺន​នាក់ អនុវត្ត​តាមនេះ​

មេរៀន​ទី ២ បន្ត​ រក​លុយ​លើ YouTube ៖ របៀប Monetize និង​បង្កើត Google Adsense

មេរៀន​ទី​មួយ​៖ របៀប​រក​ប្រាក់​តាម YouTube ងាយៗ មិន​បាច់​អស់​លុយ​សូម្បី​មួយ​រៀល

Tuesday, March 28, 2017

វិធី​រក​ប្រាក់​តាម​ YouTube ដោយ​ខ្លួន​ឯង​ មិន​ខ្លាច​​ត្រូវ​គេ​បោក​ (Intro)

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

បើចង់ចេះចង់រកលុយពី YouTube ត្រូវដឹង ៤ ចំណុចនេះ

មេរៀនទី ៤៖ យកលុយទៅណាអស់! ងាយៗដាក់ Annotations លើវីដេអូយូធូប បានលុយកាន់តែច្រើន

មេរៀនទី ៣៖ ចង់ឲ្យវីដេអូលើ YouTube មានអ្នកចូលមើលរាប់ម៉ឺននាក់ អនុវត្តតាមនេះ

មេរៀនទី ២ បន្ត រកលុយលើ YouTube ៖ របៀប Monetize និងបង្កើត Google Adsense

មេរៀនទីមួយ៖ របៀបរកប្រាក់តាម YouTube ងាយៗ មិនបាច់អស់លុយសូម្បីមួយរៀល

វិធីរកប្រាក់តាម YouTube ដោយខ្លួនឯង មិនខ្លាចត្រូវគេបោក (Intro)