Khmer Techno Innovation: iOS App

Showing posts with label iOS App. Show all posts

Thursday, October 12, 2017

កម្មវិធីទាំងបី អាចថតរូបគ្រប់កាលៈទេសៈលើ ស្មាតហ្វូន

១. កម្មវិធី YouCam Perfect

កម្មវិធីនេះអាចប្រើប្រាស់បានឥតគិតថ្លៃ ដែលដំណើរការដូចនឹងកម្មវិធីកាមេរ៉ាដែរ ជាមួយនឹង Settings ដែលជួយអ្នកថតរូបភាពបានកាន់តែល្អ។ ដើម្បីបើកនូវកាមេរ៉ា Setting អ្នកអាចចុចលើ icons ដើម្បី Shuffle តាមរយៈជម្រើសផ្សេងគ្នា។ អ្នកអាចជ្រើសរើសនូវ Exposure និង Focus បានត្រឹមត្រូវ ដែលជួយអ្នកដើម្បីបង្កើតនូវរូបភាពដ៏ល្អ ដោយមិនប្រើប្រាស់ជ្រុលជាមួយនឹង Filter។

២. កម្មវិធី VSCO

VSCO អាចឲ្យអ្នកប្រើប្រាស់ ប្រើនូវ Filter ដ៏ស្រស់ស្អាតរបស់ខ្លួន ហើយជម្រើស Edit ដើម្បីកែប្រែរូបភាពដែលមើលទៅធុញទ្រាន់ទៅជាស្នាដៃថ្មីមួយប្លែក។ លើសពីនេះ ដូចទៅនឹង Instagram អ្នកអាចបង្កើតនូវ Profile លើ VSCO Cam និង Follow អ្នកប្រើប្រាស់ផ្សេងទៀត។

៣. កម្មវិធី Enlight

កម្មវិធីនេះអាចប្រើប្រាស់បានឥតគិតថ្លៃដែលមានជម្រើសដ៏ច្នៃប្រឌិតសម្រាប់ Edit ដែលអាចផ្លាស់ប្ដូរនូវផ្ទៃខាងក្រោយ និងពណ៌នៃរូបភាពណាមួយ។ អ្នកអាចរំកិល Object ទៅកៀក ឬឆ្ងាយពីគ្នាបានដោយមិនកែប្រែនូវរូបភាពទាំងស្រុង។ អ្នកក៏អាចដាក់រូបភាពខ្លួនអ្នកនៅក្នុងទីតាំងផ្សេងគ្នាផងដែរ៕

របៀបលាក់រូបភាពជាសម្ងាត់ មិនអោយនរណាម្នាក់មើលឃើញ សម្រាប់ iPhone

មិត្តអ្នកអាន ដែលប្រើប្រាស់ iPhone ប្រហែលជាបានដឹងរួចហើយថា កម្មវិធី Photo គឺជាកម្មវិធីសម្រាប់ផ្ទុករាល់រូបភាពទាំងអស់ ដែលអ្នកណាៗ ក៏អាចមើលរូបភាពទាំងនោះបានដែរ ប្រសិនបើគេចូលមើល ប៉ុន្តែពេលខ្លះក៏មាន រូបភាពសម្ងាត់មួយចំនួន ដែលយើងមិនចង់អោយមានគេឃើញផងដែរ។ តើធ្វើដូចម្តេច ដើម្បីលាក់រូបភាពទាំងនោះបាន? អញ្ចឹងថ្ងៃនេះ ខ្ញុំសូមណែរនាំមិត្តអ្នកអានទាំងអស់គ្នា នូវកម្មវិធីមួយឈ្មោះ Photo Vault ដែលកម្មវិធីនេះអាចជួយលាក់រូបភាពជាសម្ងាត់បាន។

1/ សូមចុចលើ តំណរនេះ ដើម្បីធ្វើការទាញយកចេញពី App Store
2/ បន្ទាប់ពីទាញយករួចហើយ សូមចុចចូលទៅក្នុងកម្មវិធី Photo Vault នោះ
3/ រួចបំពេញលេខកូដសម្ងាត់ចូល បន្ទាប់មកវានឹងអោយចុចលេខកូដសម្ងាត់ម្តងទៀត ដើម្បី Confirm
4/ ជំហ៊ានបន្ទាប់ វានឹងលោតផ្ទាំង Pin Recovery ដើម្បីអោយធ្វើការបំពេញ E-mail តែប្រសិនបើអ្នក មិនចង់ដាក់ទេ គឺគ្រាន់ចុចពាក្យ Cancel
5/ បន្ទាប់មកទៀត អ្នកនឹងឃើញប្រអប់ First Album រួចធ្វើការចុចចូល នោះអ្នកនឹងឃើញសញ្ញាបូក នៅខាងក្រោមផ្នែកខាងស្តាំ
6/ វានឹងលោតផ្ទាំងមួយ អោយអ្នកទាញយករូបភាពនៅក្នុង Photo Library ហើយធ្វើការ Select រូបភាពដែលអ្នកចង់ទុកជាសម្ងាត់ រួចចុចពាក្យ Done
7/ រួចវានឹងលោតផ្ទាំងមួយ ដោយបញ្ជាក់ថា តើអ្នកចង់លុបរូបភាពនោះ ចេញពីកម្មវិធី Photo ដែររឺទេ? បើអ្នកចង់លុប គឺចុចពាក្យ Delete តែបើចង់រក្សាទុក សូមចុច Cancel ជាការស្រេច។

នេះគ្រាន់តែគន្លឹះមួយ ក្នុងការលាក់រូបភាពជាសម្ងាត់ ដោយមិនអោយអ្នកណាអាចមើលឃើញតែប៉ុណ្ណោះ។ ហើយប្រសិនបើអ្នកចង់ទាញយករូបភាពទាំងនោះ យកមកដាក់ក្នុងកម្មវិធី Photo វិញ គឺគ្រាន់តែធ្វើការ Select រូបភាពដែលចង់បាន រូចចុចយកពាក្យ Export បន្ទាប់មកចុចលើប្រអប់ Camera Roll ជាការស្រេច។

កម្មវិធីវចនានុក្រមវេជ្ជសាស្ត្រល្អៗ ៥ សម្រាប់និស្សិតពេទ្យ រៀនកាន់តែស្រួលជាងមុន

កម្មវិធីវចនានុក្រមវេជ្ជសាស្ត្រ ជាកម្មវិធីដែលអាចស្វែងរកពាក្យបច្ចេកទេសវេជ្ជសាស្ត្រ (ពេទ្យ) ដោយមានការពន្យល់ជាភាសាខ្មែរ ច្បាស់ៗ ងាយយល់ សម្រាប់ប្រជាជនខ្មែរគ្រប់គ្នា ជាពិសេសសម្រាប់និស្សិតពេទ្យដែលត្រូវការបកប្រែ និងស្វែងយល់ពីឯកសារវេជ្ជសាស្ត្រផ្សេងៗ។

កម្មវិធីវចនានុក្រមវេជ្ជសាស្ត្រ

ថ្ងៃនេះ Sabay សូមណែនាំកម្មវិធីវចនានុក្រមវេជ្ជសាស្ត្រល្អៗចំនួន ៥ ដែលបង្កើតឡើងដោយអ្នកអភិវឌ្ឍន៍កម្មវិធីក្នុងស្រុក សម្រាប់និស្សិតពេទ្យឲ្យរៀនកាន់តែងាយស្រួលជាងមុន៖
តោះ! នៅចាំអីទៀត មានកម្មវិធីល្អហើយ អាចដោនឡូតបាននៅខាងក្រោមនេះ៖

សម្រាប់អ្នកប្រើ iOS

-ANT Medical Dictionary ចុចទីនេះ បង្កើតដោយលោក សម កក្កដា នៃមជ្ឃមណ្ឌល ANT Training
-Khmer Medical Dictionary ចុចទីនេះ បង្កើតដោយលោក ឈាន ផាណា អ្នកអភិវឌ្ឍន៍កម្មវិធីមួយរូប។

សម្រាប់អ្នកប្រើ Android

-Khmer Medical Dictionary ចុចទីនេះ បង្កើតដោយលោក សុន វាសនា អ្នកអភិវឌ្ឍន៍កម្មវិធីមួយរូប
-Khmer Medical Dictionary ចុចទីនេះ បង្កើតដោយក្រុមអ្នកអភិវឌ្ឍន៍កម្មវិធីមួយក្រុមឈ្មោះ Khmergroup
-Khmer Medical Dictionary ចុចទីនេះ បង្កើតដោយលោក កុយ ទិត្យដារ៉ា អ្នកអភិវឌ្ឍន៍កម្មវិធីមួយរូប។

#កម្មវិធីវចនានុក្រមវេជ្ជសាស្ត្រ ទាំងអស់នេះ សុទ្ធតែជាកម្មវិធីដែលអាច៖

-អាចប្រើប្រាស់បានដោយមិនចាំបាច់មានអ៊ីនធើណិត
-មានមុខងារស្វែងរកពាក្យដែលអ្នកវាយបញ្ចូល
-មានមុខងារកំណត់នូវពាក្យដែលអ្នកពេញចិត្ត
-ប្រើប្រាស់ដោយឥតគិតថ្លៃ និងងាយស្រួលក្នុងការប្រើប្រាស់។

កម្មវិធីវចនានុក្រមវេជ្ជសាស្ត្រ

បញ្ជាក់ថា ទិន្នន័យក្នុងកម្មវិធីនេះមានមួយចំនួនត្រូវបានដកស្រង់ និងកែសម្រួលចេញពីឯកសារសំខាន់ៗមួយចំនួនដូចជា៖ វចនានុក្រមពេទ្យ អង់គ្លេស-ខ្មែរ(និពន្ធដោយ ហែម សារី) សៀវភៅ Medical Survival Khmer និងវិបសាយវចនានុក្រមវេជ្ជសាស្រ្តផ្សេងៗជាច្រើនផងដែរ៕

កម្មវិធីកែរូបមានបង្កប់មុខងារថតរូបអាចកែ ISO អីបានម៉ាអេម

Adobe Photoshop Lightroom ត្រូវបានចាត់ទុកថាជាកម្មវិធីកែរូបមួយដែលមានមុខងារសម្បូរបែបជាច្រើន។ អ្វីដែលពិសេសកម្មវិធីនេះមានបង្កប់មុខងារថតរូបដែលអាចឲ្យយើងកែកម្រិត ISO, Shutter Speed និង មុខងារដទៃទៀតដូចជាការថតលើកាមេរ៉ា DSLR អ៊ីចឹងដែរ។

ដើម្បីប្រើប្រាស់មុខងារថតរូបនេះ ដំបូងគ្រាន់តែទាញយកកម្មវិធីដែលដាក់ឲ្យទាញយកឥតគិតថ្លៃនៅលើ Play Store និង App Store។ ពេលដំឡើងរួចបើកកម្មវិធី រួចចុចលើរូបកាមេរ៉ានៅផ្នែកខាងស្ដាំខាងក្រោម នោះនឹងចូលទៅដល់មុខងារថតរូបជាមិនខាន។

ប៉ុន្តែអ្នកត្រូវប្ដូរពីការថត Automatic ទៅជា Professional ដើម្បីអាចកំណត់ ISO, Shutter Speed ឬ Exposure បាន។

ពេលដែលថតរួចអ្នកថែមទាំងអាចកែកុនរូបភាពតាមកម្មវិធីនេះបានផងដែរ៕

កម្មវិធីតេស្តទូរសព្ទ បើចង់ដឹងទូរសព្ទអ្នកខ្លាំងប៉ុណ្ណា

ដើម្បីដឹងថាទូរសព្ទអ្នកមានសមត្ថភាពកម្រិតណា កម្មវិធី AnTuTu Benchmark អាចធ្វើការ Test ពីកម្លាំងម៉ាស៊ីនដូចជា RAM និង CPU។ លើសពីនេះវានឹងបង្ហាញពីព័ត៌មានសំខាន់ៗ និងRanking ទូរសព្ទធៀបទៅនឹងម៉ាកទូរសព្ទដទៃទៀត។

ទាញយកសម្រាប់ Android និង iOs

កម្មវិធីកែរូបលើ Android vs iOS

ការបង្កើតមាតិកានានាសម្រាប់បង្ហោះលើបណ្តាញសង្គមដូចជា Instagram និង Facebook នោះ គឺជារឿងងាយស្រួល។ ប៉ុន្តែការបង្កើតមាតិកាដែលធ្វើឲ្យមានគេចាប់អារម្មណ៍ និងធ្វើឲ្យអ្នកឆាប់ល្បីល្បាញនោះ គឺជារឿងមិនងាយប៉ុន្មានទេ។ ដូចនេះ ចង់បង្កើតមាតិកាដែលគេចាប់អារម្មណ៍ច្រើន គឺអាចសាកល្បងបណ្ដា App ខាងក្រោមនេះបាន ៖

-MuseCam ជំនាញថត និងកែរូបសម្រាប់ iOS

-Boomerang ជំនាញផលិតរូបភាពមានចលនា (GIF) សម្រាប់ Android និង iOS

-VSCO ជំនាញកែរូបជាមួយ Filter ពណ៌ជាច្រើន សម្រាប់ Android និង iOS

-Snapseed ជំនាញកែរូបប្រជែងជាមួយ VSCO ហើយមានប្រើលើ Android និង iOS
-Hyperlapse សម្រាប់កែវីដេអូធម្មតាទៅជាលឿនសម្រាប់ iOS

-Apple Clips ជំនាញបន្ថែមអក្សរ ក៏ដូចជារូបភាពកំប្លែងសម្រាប់ iOS

-Vidlab សមត្ថភាពកាត់តបន្ថែមសំឡេង និង FX មិនចាញ់កុំព្យូទ័រ ហើយមាននៅលើ iOS

-Buffer ជាកម្មវិធីកំណត់ម៉ោងបង្ហោះរូបភាពដោយស្វ័យប្រវត្តិ សម្រាប់ iOS និង Android

-Facebook Pages Manager កម្មវិធីស្រួលក្នុងការគ្រប់គ្រង Facebook Page ហើយមានប្រើនៅលើ iOS និង Android៕

ថតអេក្រង់ iPhone ជាលក្ខណៈវីឌីអូ (មិនចាំបាច់ Jailbreak)

ប្រសិនបើ iPhone/ iPad របស់យើងនៅមិនទាន់បានធ្វើការ Jailbreak នោះទេ យើងពិតជាពិបាកខ្លាំងណាស់ ក្នុងការតម្លើង កម្មវិធីពិសេសនានាៗ ដូចជាកម្មវិធីដាក់ Ringtones កម្មវិធីទាញយកចម្រៀង និងកម្មវិធី ធ្វើការថតអេក្រង់ ជាលក្ខណៈវីដេអូជាដើម។ ក៏ប៉ុន្តែនៅពេលឥលូវនេះ អ្នកអាចធ្វើការ ថតអេក្រង់ទូរស័ព្ទ iPhone របស់អ្នក ជាលក្ខណៈវីដេអូបានហើយ ដោយប្រើប្រាស់កម្មវិធី ពិសេសមួយ។ កម្មវិធីនេះ អាចថា ស្រួលប្រើក៏បាន រឺក៏ពិបាកប្រើក៏បាន តែអ្នកទាំងអស់គ្នាគួរតែសាកល្បងសិន ព្រោះអីវាអាចប្រើ បាននៅលើគ្រប់ឧបករណ៍ទាំងអស់ របស់ Apple ហើយយើង ក៏មិនចំណាយលុយអ្វីដែរ។

តម្រូវការ

-ឧបករណ៍ iDevice ដែលមានដូចជា iPhone/ iPad និង iPad Touch
-ដំណើរការដោយ iOS 9.1 ឡើងទៅ
-ត្រូវភ្ជាប់ទៅកាន់បណ្តាញអ៊ីនធឺណែតជាដាច់ខាត ទាំងពេលប្រើប្រាស់

របៀបធ្វើ

-សូមចុចទីនេះ ដើម្បីទាញយកកម្មវិធី AirShou (សូមបើកនៅលើកម្មវិធី Safari ជាដាច់ខាត)
-ពេលដែលអ្នកចុច Download និង Install ពេញហើយ សូមចូលទៅកាន Setting > General > Device Manager រឺក៏ Profile > ជម្រើសដែលអ្នកឃើញទីមួយ> ចុចលើ Trust។ ឥលូវនេះយើងអាចប្រើកម្មវិធី AirShou បានហើយ

-ពេលបើកកម្មវិធីដំបូង វានឹងទាមទារអោយយើងធ្វើការ Login! សូមចុច Login with Facebook រឺមួយក៏បង្កើតគណនី AirShou មួយ។
-ពេលរួចរាល់ហើយ យើងអាចធ្វើការ ថតអេក្រង់បានហើយ ដោយចុចលើ Record > ប្តូរ Orientation ដែលជាលក្ខណៈឈរក៏បាន ផ្តេកក៏បាន។ ខាងក្រោមសូមប្តូរកម្រិត Resolution ទៅជា 1080 ដើម្បីច្បាស់ម៉ត់ល្អ

-បន្ទាប់ពីចុច Next Step ហើយ សូមអូសអេក្រង់អ្នក ពីក្រោមទៅលើ > ចុចលើ AirPlay > ចុចលើ ឈ្មោះទូរស័ព្ទ iPhone អ្នក > បើក Mirror > ហើយចុចបិទវា នោះវានឹងចាប់ផ្តើមធ្វើការ ថតអេក្រង់ទូរស័ព្ទហើយ។

-វីដេអូដែលបាន Record ហើយគឺស្ថិតនៅផ្នែកខាងលើ និងខាងស្តាំ នៃកម្មវិធី ហើយបើយើងចុចលើវា យើងក៏អាចបញ្ចូលវាទៅក្នុង Camera Roll បានផងដែរ។

សូមបញ្ជាក់: យើងត្រូវធ្វើការភ្ជាប់ទៅកាន់ ប្រព័ន្ធ Wi-Fi រឺ អ៊ីនធឺណែត ទើបកម្មវិធីនេះវាដំណើរការ

សូមសាកល្បងប្រើប្រាស់ ជាមួយកម្មវិធីនេះទាំងអស់គ្នាណា ព្រោះអីវាងាយស្រួល ក្នុងការប្រើប្រាស់ ដំណើរការស្រួល ហើយថែមទាំងមិនត្រូវការ ការ Jailbreak នោះទេ។

វិធីមួយទៀត៖

របៀបដោនឡូតកម្មវិធីថ្មី អាចថតអេក្រង់ជាវីដេអូលើ iPhone មិនបាច់បើក Airplay

#របៀបថតអេក្រង់លើ iPhone អាចថាជារឿងសាមញ្ញមួយសម្រាប់អ្នកដែលធ្លាប់ប្រើកម្មវិធីល្បីៗពីមុនមកដូចជា AirShou, Vidyo, Recorder ជាដើម តែពេលនេះក្រុមការងារសូមណែនាំកម្មវិធីថ្មីមួយទៀត ដែលធ្វើឲ្យការថតវីដេអូលើ iPhone កាន់តែងាយ ដោយមិនចាំបាច់បើក Airplay នោះទេ។

១/. ដំបូងប្រិយមិត្តចូលទៅ Safari រួចវាយឈ្មោះវិបសាយ tweakos.weebly.com បន្ទាប់មកចុចលើសញ្ញាគូសបីខាងស្ដាំ រួចរើសយក SreenRecorder ក្នុងនោះដែរប្រិយមិត្តក៏អាចរើសយកកម្មវិធីថតអេក្រង់ណាមួយក៏បានតាមការនិយម តែក្រុមការងាររើសយកកម្មវិធី EveryCord។

២/. បន្ទាប់ពីរើសរួចហើយចុចលើសញ្ញារបស់កម្មវិធី ចុច Install ត្រូវរង់ចាំរហូតដល់ជាតម្លើងចប់ រួចចុចបើកកម្មវិធីនោះ។
៣/. ជំហានបន្ទាប់គ្រាន់តែចូលទៅកាន់ Setting->Device Management រួច Trust លើកម្មវិធីជាការស្រេច។

៤/. ចំពោះរបៀបប្រើ គ្រាន់តែប្រិយមិត្តបើកកម្មវិធីហើយវាយឈ្មោះសំគាល់វីដេអូ(ដូចរូប) បន្ទាប់មកចុច Done នោះវានឹងលោតជាវីដេអូឲ្យថតតែម្ដង មិនចាំយូរ។

បញ្ជាក់៖ ប្រសិនបើប្រិយមិត្តចង់រក្សាទុកវីដេអូនោះ ចុចលើពាក្យ Save to Camera Roll ចប់។ ក្រុមការងារសង្ឃឹមថាប្រិយមិត្តអាចយកទៅសាកល្បងខ្លួនឯងបាន បើមានចម្ងល់អាច Comment នៅខាងក្រោមនេះបាន៕

មើលណាខ្លះ Unfriend អ្នកក្នុង Facebook នៅលើប្រព័ន្ធ iOS, Android និងកុំព្យូទ័រ

តើមិត្តអ្នកអាន ធ្លាប់ចង់ដឹងដែរឬទេ ថាអ្នកណាខ្លះ unfriend អ្នកនៅក្នុង Facebook?

ប្រសិនបើលោកអ្នក ចង់ដឹងនោះ ឥឡូវនេះយើង សូមណែនាំ អ្នកនូវ កម្មវិធីមួយ ដែលអាច អោយអ្នក ដឹងភ្លាមៗថា អ្នកណា ខ្លះបាន unfriend អ្នក អ្នកណា ខ្លះបាន deactivate account របស់គេ ជាដើម។ វាមានឈ្មោះថា “Who Deleted Me for Facebook” ដែលជា កម្មវិធីមួយប្រភេទ អាចអោយ អ្នកដឹង ភ្លាមៗបន្ទាប់ ពីនរណា ម្នាក់បាន លុបអ្នក ចេញពី Friend List របស់គេ ឬហៅថា Unfriend។

កម្មវិធីមួយនេះ អាចដំណើរការ បានទាំង ២ ប្រព័ន្ធ គឺ iOS និង Android ហើយក៏អាច មើលនៅក្នុង កុំព្យូទ័រ បានទៀតផង ដោយការ ប្រើប្រាស់ Extension ដូចនេះដើម្បី ទាញយក កម្មវិធី ទាំងនេះ នៅលើ ស្មាតហ្វូន របស់អ្នកនោះ សូមទាញយក តាមតំណរ ខាងក្រោមនេះ!!

-សម្រាប់ Android សូមចុចទីនេះ
-សម្រាប់ iOS សូមចុចទីនេះ

ចំពោះរបៀបប្រើប្រាស់ (iOS & Android)៖ បន្ទាប់ពីអ្នក បានតម្លើង កម្មវិធី មួយនេះរួច សូមបើកវា រួចធ្វើការ Login នូវ account Facebook របស់អ្នកចូល រួចរង់ចាំ ដល់វា ដំណើរការចប់ វានឹងត្រលប់ មកកាន់ កម្មវិធីដើមវិញ។ បន្ទាប់មក គ្រាន់តែចុច លើពាក្យ “View Your Friend List” វានឹងបង្ហាញ ប្រាប់ថា អ្នកណា ខ្លះបាន unfriend អ្នក ហើយអ្នក ក៏អាច សាកល្បង ដើម្បីចង់ ដឹងថា កម្មវិធីនេះ ដំណើរការ ឬក៏អត់ បានផងដែរ ដោយសាកល្បង យកគណនី (account) របស់នរណាម្នាក់ ដែលជា Friend អ្នកនៅក្នុង Facebook រួចធ្វើការ unfriend អ្នក រួចត្រលប់ មកត្រួត ពិនិត្យមើល account អ្នកម្តងទៀត នឹងឃើញ ម្នាក់នោះបាន unfriend អ្នកជាក់ជា មិនខាន។

ចំពោះការប្រើប្រាស់នៅលើកុំព្យូទ័រវិញ (សម្រាប់តែ Chrome)៖ ជាដំបូង សូមបើក Google Chrome រួច ចុចទីនេះ ហើយចុច លើពាក្យ “Add to Chrome” រួចចុច “Add” ដើម្បីធ្វើការ Confirm រង់ចាំដល់វា ដំណើរការចប់ រួចវា នឹងបង្ហាញ icon ថ្មីមួយ នៅលើ Chrome ជាក់ជា មិនខាន។ (សូមមើល រូបខាងក្រោម)។

ហើយដើម្បីមើល សូមចុចលើ icon ថ្មីនោះ រួចវានឹង នាំអ្នក ទៅកាន់ ទំព័រថ្មីមួយទៀត រួចសូមចុច “See who deleted you Previously” នោះអ្នកនឹង ឃើញថាអ្នក ណាខ្លះបាន unfriend អ្នកជាក់ ជាមិនខាន។

បង្កើត Ringtone ដាក់នៅក្នុង iPhone (Garageband)

កន្លងមក ការបង្កើត Ringtone សម្រាប់ដាក់នៅក្នុងទូរស័ព្ទដៃ គឺទាមទារត្រូវប្រើ Computer រឺ កម្មវិធី Unlimtunes ដែលតម្លើងចេញពី Cydia ហើយកម្មវិធី Cydia នេះ កើតចេញពីទូរស័ព្ទ ដែលបាន Jailbreak រួចរាល់។ ចុះបើចាប់ពី iOS 10 ដល់ iOS 11 មិនទទួលបាន ការអោយ Jailbreak ផង តើយើងគួរ ធ្វើដូចម្តេច? ដោយសារតែមាន សំណូមពរ ពីប្រិយមិត្តអ្នកអាន មួយចំនួន ដែលចង់ដឹង ពីរបៀបបង្កើត Ringtone តាមរបៀប ងាយៗនោះ ថ្ងៃនេះដែរ ខ្ញុំសូមធ្វើការ បង្ហាញមិត្តអ្នកអាន ទាំងអស់គ្នា ដែលចង់ដឹង អំពីកម្មវិធីមួយ ដែលមាន ឈ្មោះថា GarageBand ដោយពុំចាំបាច់ ត្រូវប្រើ Computer រឺ មានកម្មវិធី Unlimtunes នោះទេ។

តាមពិតទៅ កម្មវិធី GarageBand វាអាចនឹងមានស្រាប់ នៅលើទូរស័ព្ទដៃអ្នក រួចមកហើយ ប៉ុន្តែបើមិនឃើញ មាននោះ មិត្តអ្នកអាន អាចចូលទៅ ទាញយកតាម តំណរមួយនេះ។ ក្រោយពីទាញយក រួចរាល់ហើយ តោះតាមដាន ជាមួយខ្ញុំ អំពីរបៀបបង្កើត Ringtone ដូច ខាងក្រោមនេះ៖

ចូលទៅក្នុងកម្មវិធី GarageBand ហើយស្វែងរកផ្ទាំង Audio Recorder រួចចុចពីលើពាក្យហ្នឹង

ចុចលើប្រអប់ដែលខ្ញុំបានគូសរង្វង់ពណ៌ក្រហមនៅខាងឆ្វេង

ចុចលើប្រអប់ដែលខ្ញុំបានគូសរង្វង់ពណ៌ក្រហមម្តងទៀតនៅខាងស្តាំ

ចុចលើប្រអប់ Music ហើយចុចលើពាក្យ Song ដើម្បីរើសបទណាមួយ យកមកធ្វើជា Ringtone ដោយចុចលើបទ ហ្នឹងអោយជាប់

ចុចលើប្រអប់សញ្ញាបូក ដែលខ្ញុំបានគូសរង្វង់ពណ៌ក្រហមនៅខាងស្តាំ

ចុចត្រង់កន្លែង Section A ដើម្បីចូលទៅកំណត់នាទី

ចុចលើពាក្យ Manual ហើយកំណត់តម្លើងលេខដល់ 50 វិនាទី រួចចុចពាក្យ Done

សូមចុចលើបទចម្រៀង ហើយទាញលាតអោយអស់

ចុចលើប្រអប់ដែលមានព្រួញបាញ់ចុះមកក្រោម ហើយ ចុចលើពាក្យ My Songs

ហើយចុចលើពាក្យប្រអប់ My Songs អោយជាប់ ហើយចុចប្រអប់ ដែលមានសញ្ញា ព្រួញបាញ់ ទៅលើ

រួចចុចលើប្រអប់ដែលមានពាក្យ Ringtone បន្ទាប់មកវានឹងលោតផ្ទាំងអោយយើង Continue

ហើយយើងអាចកែឈ្មោះត្រង់ប្រអប់ Name ហើយចុច Export ជាការស្រេច

បន្ទាប់ពីធ្វើរួចរាល់ហើយ អ្នកអាចចូលទៅក្នុង
Settings>Sound>Ringtone ហើយចុច Click លើបទដែលយើង ចង់បាន គឺចប់រួចរាល់។ សូមសាកល្បង តាមជំហ៊ាន នីមួយៗណា! រីករាយសម្រាប់ថ្ងៃ ចុងសប្តាហ៍ ទាំងអស់គ្នា។

រៀនថតរូបភាព Long Exposure នៅលើកាមេរ៉ាស្មាតហ្វូនរបស់អ្នក

ប្រិយមិត្តភាគច្រើនដែលធ្លាប់ប្រើប្រាស់កាមេរ៉ាអាជីព ឬចូលចិត្តថតរូបដោយប្រើប្រាស់ Manual Mode ដើម្បីកំណត់ប្លង់រូបភាព នៅលើស្មាតហ្វូន ប្រាកដជាបានដឹង និងយល់រួចមកហើយ អំពីការថតរូបលក្ខណៈ Long Exposure នេះ។ រូបភាព Long Exposure គេនិយមថតបំផុតទៅលើ ប្លង់រូបភាពដែលមានចលនាដូចជា ថតទឹកជ្រោះហូរ, ចរាចរណ៍, ថត ហ្គាឡាក់ស៊ី, និងប្លង់មានចលនាផ្សេងៗទៀតទៅតាមការច្នៃប្រឌិតរបស់អ្នកថត។

តម្រូវការនៃការថត មិនមានអ្វីច្រើនទេ គ្រាន់តែមានស្មាតហ្វូនមួយនៅក្នុងដៃ ដែលអាចប្រើប្រាស់ Manual Mode បាននៅក្នុងកម្មវិធីកាមេរ៉ា ហើយសម្រាប់ iPhone វិញ លោកអ្នកអាចដោនឡូត កម្មវិធីកាមេរ៉ាមួយណាក៏បានចេញពី App Store ដែលអាចប្រើប្រាស់ Manual Mode ដូចជា Manual, Camera+ ឬ ProCamera10 ជាដើម។

ដំណើរការនៃការថត យើងគ្រាន់តែស្វែងអំពី ISO និង Shutter Speed ប៉ុណ្ណោះ។ លោកអ្នកអាចស្វែងយល់ដោយគ្រាន់តែមើលរូបភាពខាងក្រោមនេះ។

សម្រាប់ ISO បើនិយាយឱ្យងាយយល់ទៅ គឺ ISO កាន់តែទាប រូបភាពរបស់យើងនិងមានសាច់ Detail កាន់តែច្បាស់ល្អ ហើយមានគ្រាប់ noise តិចបំផុត តែបើកម្រិត ISO ខ្ពស់វិញ រូបភាពនឹងភ្លឺ ប៉ុន្តែមានគ្រាប់ noise ច្រើន។ ចំណែកឯ Shutter Speed វិញ បើយើងជ្រើសរើសយក Shutter Speed កាន់តែវែង រូបភាពមានចលនារបស់អ្នកនឹងកាន់តែព្រាលស្អាតល្អ ហើយប្រសិនបើ កាមេរ៉ាទូរស័ព្ទរបស់អ្នកមានកម្រិត Aperture ធំដល់ F1.8 ឬ F1.7 ដូច Galaxy S8 ទៀតនោះ ពន្លឺនឹងអាចចូលមកកាន់ Sensor បានល្អ ធ្វើរូបថតរបស់អ្នកកាន់តែភ្លឺស្អាត។
នេះជាវីដេអូ ពន្យល់ដើម្បីកំណត់ Shutter Speed របស់ LG G4៖

នេះជាវីដេអូ សម្រាប់ថត Long Exposure របស់ Galaxy S8៖

អញ្ចឹង រាល់ការថតរូបភាព Long Exposure ជាទូទៅយើងត្រូវ ទំលាក់ ISO ឱ្យមកកំរិតទាបបំផុតត្រឹម 100 ឬ 50 ប៉ុណ្ណោះដើម្បីរក្សារូបភាពច្បាស់ល្អ និងអាចតម្លើង Shutter Speed ឱ្យបានកាន់តែវែង។ ចំណែក Shutter Speed យើងអាចតម្លើងខ្ពស់ល្មម ទៅតាមការចង់បាន។ ប៉ុន្តែបើយើងឡើង Shutter Speed វែងខ្លាំង យើងគួរទប់លំនឹងដៃឱ្យបានល្អ នៅពេលចុចថត ព្រោះវាចំណាយពេលនៃការថតយូរ ហើយបើសិនជាអាច គួរដាក់វានៅលើជើង Tripod ដើម្បីរក្សាលំនឹងល្អ បើមិនមានលំនឹងល្អទេ រូបភាពនឹងទៅជាឆេះពណ៌ មើលមិនឃើញទេ។

សរុបមកវិញ លោកអ្នកអាចសាកកំណត់ ISO និងល្បឿន Shutter Speed តាមរូបខាងលើនេះដើម្បីថតរូបភាពលក្ខណៈ Long Exposure បាន ម្យ៉ាងវិញទៀតក្រោយពេលថតរួច លោកអ្នកអាចប្រើប្រាស់ Adobe Photoshop ឬ Lightroom បន្ថែមដើម្បីបន្ថែមពណ៌ និងពន្លឺទៅលើរូបភាព ដើម្បីឱ្យរូបភាពកាន់តែទាក់ទាញថែមមួយកំរិតទៀត។

កម្មវិធីអាកាសធាតុពេញនិយមលើទូរសព្ទ

បច្ចុប្បន្នអាកាសធាតុប្រើប្រួលលឿនខ្លាំងណាស់ នោះក៏ដោយសារតែមនុស្ស លោកជាអ្នកសាង ធ្វើឲ្យផែនដី ដើរទៅកាន់ចំនុច ចុងក្រោយបន្តិចម្ដងៗ ដូចល្ងាច ម្សិលមិញអញ្ចឹង ភ្លៀងធ្លាក់ខ្លាំង តែមួយកំណាត់ ទីក្រុងភ្នំពេញ ធ្វើឲ្យលិច នៅតំបន់មួយចំនួន ពិសេសគឺផ្លូវ កម្ពុជាក្រោម តែម្ដង រីឯប៉ែកខាងបឹងកេងកង វិមានឯករាជ្យ កោះពេជ្រ បែរជាមិនមាន ភ្លៀងទៅវិញ។ ទាំងនេះ នៅមិនទាន់អស់ នៅឡើយទេ គឺថានៅមានជា បន្តបន្ទាប់ទៀត ដូច្នេះហើយដើម្បី មានភាព ងាយស្រួល ប្រិយមិត្ត ដែលកំពុងប្រើប្រាស់ ស្មាតហ្វូន ឬថេប្លេត ដំណើរការដោយ Android និង iOS គប្បីមានកម្មវិធី អាកាសធាតុមួយទុក ប្រើប្រាស់នឹងគេ ដើម្បីដឹងអំពី ដំណឹងមុនថា ថ្ងៃនេះ ឬថ្ងៃស្អែក នឹងមានអ្វីកើត ឡើងជាដើម។

AccuWeather

គឺជាកម្មវិធី Free មិនគិតប្រាក់អ្វីទាំងអស់ ដោយកម្មវិធីនេះមានអ្នក ប្រើប្រាស់ច្រើន ថែមទាំងទទួលបាន ការ Rate ខ្ពស់ពីសំណាក់អ្នក ប្រើប្រាស់ទៀតផង ដោយសារតែវា មានភាពងាយស្រួល ក្នុងការប្រើប្រាស់ ងាយស្រួលយល់ មិនរញ៉េរញ៉ៃ។

Download: Android ឬ iOS

Yahoo Weather

នេះក៏ជាកម្មវីធីពេញនិយមមួយក្នុងចំនោមកម្មវិធីពេញនិយមជាច្រើន ផ្សេងទៀតដែរ ដោយបច្ចុប្បន្នកំពុងមាន អ្នកប្រើប្រាស់ ជាច្រើនលាននាក់ ថែមទាំងទទួល បានការ Rate បានខ្ពស់ ទៀតផង ដោយសារតែ វាមានភាពងាយស្រួល ក្នុងការប្រើប្រាស់ មិនរញ៉េរញ៉ៃ ថែមទាំង Free អាចប្រើ ពុំចាំបាច់បង់ប្រាក់។

Download: Android ឬ iOS

The Weather Channel

នេះក៏ជាកម្មវិធី Free ផងដែរ ដែលអ្នកអាចពិនិត្យមើលអាកាសធាតុភ្លាមៗ អាកាសធាតុ ក្នុងអំឡុងពេល 15 ថ្ងៃទៅ មុខទៀត ក៏ដូចជាអាកាសធាតុ ផ្សេងៗទៀត ទៅតាមទីតាំងផ្ទាល់ ដែលអ្នក កំពុងស្ថិតនៅ រាប់បញ្ចូលទាំង សំណើម ថ្ងៃរះ ថ្ងៃលិច និងជាច្រើន ផ្សេងទៀត។

Download: Android ឬ iOS

WeatherPro Free

អ្នកអាចពិនិត្យមើលអាកាសធាតុបានមុន 7 ថ្ងៃ ថែមទាំងអាចមើលដឹងថា នឹងមានភ្លៀង មានព្យុះ ខ្យល់កន្ត្រាក់ និងជាច្រើនផ្សេងទៀត ដែលត្រៀមនឹងកើតមាន ឡើងក្នុង អំឡុងពេល ៣ ម៉ោង ទៅមុខជាដើម ទៅតាម តំបន់ និងទីតាំងអ្នក កំពុងនៅផ្ទាល់។ កម្មវិធីនេះ នឹងប្រាប់អំពីដំណឹង ប្រកាសអាសន្ន ផងដែរ នៅពេលដែល ពត៌មានផ្ដល់ មកថា មានព្យុះ ឬខ្យល់កន្ត្រាក់ ជាដើម។

Download: Android ឬ iOS

Weather Live Free

នេះក៏ជាកម្មវិធីអាកាសធាតុ Free មួយផងដែរ ដែលអ្នកអាចស្វែរកបាន ឥតគិតប្រាក់ ជាមួយនឹងមុខងារ ជាច្រើន ដែលអ្នកអាចដឹង តាមរយៈកម្មវិធី ផ្ទាល់ដូចជា កម្លាំងខ្យល់ សម្ពាធ ភ្លៀង ព្រះអាទិត្យរះ លិច ជាច្រើន ផ្សេងទៀត។

Download: Android ឬ iOS

គួរបញ្ជាក់ផងដែរថា កម្មវិធីខាងលើពួកវាមានដំណើរការទូទៅដូចជា ដោយប្រាប់ឲ្យយើង បានដឹងនូវដំណឹង ជុំវិញអាកាសធាតុ ជុំវិញទីតាំង ដែលយើង កំពុងស្ថិតនៅ ក៏ដូចជាប្រាប់ អំពីអាកាសធាតុ នៅប៉ុន្មាន ម៉ោងបន្ទាប់ ប៉ុន្មានថ្ងៃបន្ទាប់ និងដំណឹង ផ្សេងៗទៀត ជាច្រើនដូចបាន រៀបរាប់ ខាងលើ។ ដូច្នេះចាំដល់ អង្កាល់ទៀត? អ្នកអាចស្វែងរក ពួកវាបាន នៅតាមទីផ្សារ អេឡិចត្រូនិច Play Store និង App Store បានចាប់ពីថ្ងៃ នេះតទៅ ដើម្បីបញ្ចៀសអំពី បញ្ហាភ្លៀងធ្លាក់ ជោគខ្លួន លិចផ្លូវ លិចផ្ទះជាដើម។

កម្មវិធីមើលទូរទស្សន៍ខ្មែរលើ iPhone

ប្រិយមិត្តដែលកំពុងកាន់ទូរសព្ទដៃ iPhone ឬកុំព្យូទ័របន្ទះស្តើង iPad មួយចំនួនប្រហែលជាមិនទាន់ដឹងទេថា ទូរសព្ទដៃរបស់ខ្លួន ទំនើបអាចមើលទូរទស្សន៍ក្នុងស្រុកបានគ្រប់ប៉ុស្តិ៍ និងដោយសេរីបានយ៉ាងងាយ។ ពោលគឺ គ្រាន់តែទាញយកកម្មវិធី Khmer HDTV ពី AppStore ទៅដំឡើងប្រើប៉ុណ្ណោះ។

កម្មវិធីនេះ ប្រជុំទៅដោយប៉ុស្តិ៍ទូរទស្សន៍ក្នុងស្រុកគ្រប់ប៉ុស្តិ៍ ទូរទស្សន៍ខ្សែកាបល្បីៗ និងទូរទស្សន៍ផ្កាយរណបមួយចំនួន ដែលលោកអ្នកអាចទស្សនាបានគ្រប់ពេលដែលវាចាក់ផ្សាយនៅលើអេក្រង់ទូរសព្ទរបស់ខ្លួន បានដោយឥតគិតថ្លៃ តាមប្រព័ន្ធអនឡាញ។

តែទោះបែបនេះក្តី លោកអ្នកក៏ត្រូវចំណាយទំហំទិន្នន័យអិុនធើណែតផងដែរ។ ដូច្នេះ បើលោកអ្នកទស្សនាតាមប្រព័ន្ធ 3G ឬ 4G ជាមួយកញ្ចប់ទិន្នន័យអិុនធើណែតមានកំណត់ សូមប្រយ័ត្នដាច់លុយដែលនៅសល់ផង! ជាបំណងល្អពី Post Tech។

សូមចុចត្រង់នេះ Khmer HDTV ដើម្បីទាញយក និងដំឡើងកម្មវិធីនេះតាម AppStore។

បណ្តុំកម្មវិធីទាញវីដេអូពី Facebook លើ iPhone

ប្រិយមិត្តដែលកំពុងប្រើ Android បានដឹងពីវិធីដោនឡូតវីដេអូពី Facebook ដាក់ចូល Gallery រួចរាល់ហើយ នៅឡើយតែអ្នកប្រើ iPhone ប៉ុណ្ណោះ ប៉ុន្តែក៏មានប្រិយមិត្ត iPhone ខ្លះចេះពីរបៀបយកវីដេអូពី Facebook ដាក់ចូល Camera roll ដោយមិនបាច់ Jailbreak ងាយៗដូច Android ចឹងដែរ គ្រាន់តែក្រុមការងារណែនាំវិធីថ្មីបន្ថែមទៀត និងជាជំនួយសម្រាប់ដល់អ្នកទើបប្រើ iPhone កុំឲ្យពិបាកថ្ងៃក្រោយ។

ជម្រើសទី១៖ Browser and File Manager

Browser and File Manager ដោនឡូតនៅទីនេះ ជាកម្មវិធីដែលក្រុមការងារធ្លាប់បានណែនាំម្ដងរួចហើយកាលពីឆ្នាំមុន តែពេលនេះលើកយកមកម្ដងទៀត ព្រោះវាជាកម្មវិធីល្អ អាចដោនឡូតយកពី App Store ហ្វ្រីៗហើយវាមានចំណុចពិសេសគួរឲ្យចង់ប្រើជាងកម្មវិធីផ្សេងៗ ពោលគឺវាអាចដោនឡូតវីដេអូបានទាំង Youtube និង Facebook ក្នុងពេលតែមួយ។ ចំពោះរបៀបប្រើវិញ គ្រាន់តែដោនឡូតវាមកដាក់លើិ iPhone ហើយបើកចូលកម្មវិធី(ធ្វើតាមការណែនាំដូចរូប) នោះវីដេអូនឹងចូលទៅកាន់ Camera Roll ស្វ័យប្រវត្តិ។ ចំណាំ៖ពេលលោតសារដូចលេខ ៧ ត្រូវចុច Close ជាការស្រេច។

Browser and File Manage

ជម្រើសទី ២៖ Friendly

Friendly ចុចដោនឡូតនៅទីនេះជាកម្មវិធីមួយដែលអាចឲ្យប្រិយមិត្ត Switch គណនី Facebook ពីរ ឬបីក្នុងពេលតែមួយក៏បាន។ វាមានលក្ខណៈពិសេសជាងគេត្រង់ អាចដោនឡូតវីដេអូបានទាំង Youtube និង Facebook ស្វ័យប្រវត្តិតែម្ដងសម្រាប់អ្នកប្រើ iPhone គួរតែតម្លើងវាទុកក៏ល្អដែរ។ ចំពោះរបៀបប្រើវិញ គ្រាន់តែដោនឡូតវាមកដាក់លើិ iPhone ហើយបើកចូលកម្មវិធី(ធ្វើតាមការណែនាំដូចរូប) នោះវីដេអូនឹងចូលទៅកាន់ Camera Roll ស្វ័យប្រវត្តិ។

Friendly

ជម្រើសទី ៣៖ File Master

File Master ដោនឡូតនៅទីនេះជាកម្មវិធីសម្រាប់ដោនឡូតវីដេអូពី Facebook ដ៏ងាយស្រួលមួយដែរ គ្រាន់តែប្រិយមិត្តដោនឡូតដាក់លើ iPhone ហើយអនុវត្តតាមការណែនាំដូចរូប នោះនឹងទទួលវីដេអូដែលពេញចិត្តភ្លាមៗ។

File Master

ជម្រើសទី ៤៖ Document 5

Document 5 ចុចដោនឡូតនៅទីនេះជាកម្មវិធីដែលប្រិយមិត្តភាគច្រើនបានដោនឡូតវាដាក់ទូរសព្ទដៃ ហើយក៏កំពុងប្រើវារួចហើយដែរ មិនបាច់បរិយាយច្រើនក៏អ្នកទាំងអស់គ្នាដឹងពីលក្ខណៈពិសេសរបស់វាដែរ តែបើមិនទាន់ច្បាស់អាចអនុវត្តតាមការណែនាំដូចរូបខាងក្រោម។

Document 5

ចំណេះដឹងបន្ថែម

ចំពោះប្រិយមិត្តដែលចង់សាកល្បងកម្មវិធីផ្សេងក្រៅពីរៀបរាប់ខាងលើនេះ គ្រាន់តែវាយពាក្យគន្លឹះ File Manager លើ App Store រួចធ្វើការរើសយកកម្មវិធីម្ដងមួយៗមកធ្វើការដោនឡូតតាមចិត្ត ហើយក្រុមការងារសង្ឃឹមថា អ្នកទាំងអស់គ្នានឹងយកទៅប្រើការជាប្រយោជន៍ទូទៅ បើមានចម្ងល់អាចបញ្ចេញមតិខាងក្រោមនេះបាន។

ប្រភពវេបសាយទាញយក File (.ipsw) ទុកដំឡើង Version លើ iPhone

ជារឿយៗ Sabay ធ្លាប់ប្រាប់ពីវិធី Restore និង Update ជំនាន់ iOS របស់ iPhone/iPad តាមរយៈកម្មវិធី iTunes ប៉ុន្តែការធ្វើបែបនោះគឺសម្រាប់តែឧបករណ៍មួយម៉ូដែលៗប៉ុណ្ណោះ ចុះបើយើងចង់ទាញយក File វាទុកសម្រាប់ឧបករណ៍ផ្សេងៗទៀត តើអ្នកត្រូវធ្វើបែបណា?

ដើម្បីទៅទាញយកបាននូវ File (.ipsw) សម្រាប់ដំឡើង Version ទូរសព្ទ iPhone ឫថេបប្លែត iPad ជាដំបូងយើងត្រូវ៖

-ចុចចូលគេហទំព័រ http://www.getios.com/
-ត្រង់ទីតាំង Your Device សូមជ្រើសរើសថាអ្នកប្រើ iPhone/iPad ឫ iPod Touch អ្វីជាដើម
-ត្រង់ទីតាំង The Model សូមរើសម៉ូដែលឧបករណ៍ដែលអ្នកប្រើ (ឧទាហរណ៍: iPhone 7 Plus Global)

ចំណាំ ដើម្បីឆែកមើល iPhone ជា GSM ឫ CDMA Global ចូលត្រង់នេះ

-ត្រង់ទីតាំង iOS Version សូមរើសជំនាន់ iOS ដែលអ្នកត្រូវប្រើប្រាស់ ប៉ុន្តែត្រូវចាំបច្ចុប្បន្នម៉ាស៊ីនសេរ៊ីខ្ពស់គាំទ្រតែ iOS 10.3.2 និង iOS 10.3.1 ប៉ុណ្ណោះ រីឯក្រោមហ្នឹង Apple បិទ Sever Downgrade ហើយ។
-ចុច Download ជាការស្រេច

ក្រោយ Download បានចប់សព្វគ្រប់ហើយ សូមរក្សា File (.ipsw) នេះទុក ព្រោះវាប្រើប្រាស់ដើម្បី Restore ឫ Update iPhone/iPad របស់អ្នកនៅពេលក្រោយ ដោយមិនចំណាយពេល Download កំណែ Firmware ម្ដងទៀតតាមរយៈកម្មវិធី iTunes ។

ប្រភពវេបសាយទាញយកផ្សេងទៀត

-idownloadblog.com/download
-https://ipsw.me

ទាញវីដេអូ Facebook ដាក់លើ iPhone បានយ៉ាងងាយ

ធ្លាប់តែដឹងថាការទាញយកវីដេអូពី Facebook ដាក់លើ iPhone ជារឿងដ៏ពិបាកមួយ មិនដូចជានៅលើទូរសព្ទ Android ឡើយ។ ប៉ុន្តែពេលនេះបើចង់បានវីដេអូពី Facebook មកដាក់លក់ iPhone គឺជារឿងងាយស្រួលបំផុត។

ចង់ដឹងងាយដោយវិធីណា នឹងបង្ហាញក្នុងវីដេអូខាងក្រោមនេះ៖

អត្ថបទ៖ សុខហេង

ក្រោយបាត់ក្ដារចុចឆ្លាតវៃ លេចចេញក្ដារចុចខ្មែរលើ App Store ច្រើនប្រជែងគ្នា

បន្ទាប់ពីអវត្តមានក្ដារចុចឆ្លាតវៃនៅលើ App Store រួមទាំងស្ថាបនិកក្ដារចុចឆ្លាតវៃផង ធ្វើឲ្យមានការងឿងឆ្ងល់ជាច្រើនចំពោះការបាត់ខ្លួនដ៏ចម្លែកនេះ ទោះជាយ៉ាងណាក៏មានអ្នកអភិវឌ្ឍន៍កម្មវិធីក្នុងស្រុកជាច្រើនអ្នកទៀត ព្យាយាមបង្កើតបានកម្មវិធីក្ដារចុចថ្មិៗ ដើម្បីបំពេញតម្រូវការនិងប្រជែងប្រជាប្រិយភាពផងដែរ។

1.Khmer Keyboard-mboard

ជាកម្មវិធីក្ដារចុចដែលបង្កើតឡើងដោយក្រុមអ្នកអភិវឌ្ឍន៍កម្មវិធីវ័យក្មេងឈ្មោះ Mlab Cambodia។ ក្ដារចុច mbord មានមុខងារសាមញ្ញងាយស្រួលប្រើ នៅពេលចង់វាយអក្សរខ្មែរគ្រាន់តែចុចឲ្យជាប់លើរូបផែនដីរួចប្តូរទៅ keybord m-lab ដែលអក្សរទាំង ៣៣ តួរួមទាំងលេខ ស្រះនិស្ស័យ ការចុះបន្ទាត់ ការដកឃ្លា ការលុបពាក្យខុសគ្រាន់តែចុចតែម្ដងរួចជាស្រេច។

ចុចដោនឡូតនៅទីនេះ App Store
2.khmer eKeyboard
ក្ដារចុចអេឡិចត្រូនិច ឬkhmer eKeyboard ជាក្ដារចុចដែលបង្កើតឡើងដោយ Vithyu Media Co,.Ltd។ ក្ដារចុចនេះមាន Interface ស្រដៀងនឹងក្រឡាចត្រង្គ មានគ្រប់ស្រះនិស្ស័យ ព្យញ្ជនៈ និងលេខ មានភាពរលូនងាយស្រួលវាយ បើប្រើយូរៗទៅមានអារម្មណ៍ថា ស្រដៀងលំនាំនៃការវាយអក្សរនៅលើក្ដារចុចឆ្លាតវៃដែរ។

ចុចដោនឡូតនៅទីនេះ App Store
3.Khmerism keyboard
ជាកម្មវិធីក្ដារចុចដែលបង្កើតឡើងដោយលោក ភួយ លីហេង សម្រាប់ជាជំនួយដល់ការវាយអក្សរខ្មែរលើ iPhone ក៏ដូចជាការផ្លាស់ប្តូររបៀបថ្មីនៃការវាយអក្សរខ្មែរលើឧបករណ៍អេឡិចត្រូនិក ដោយក្ដារចុចមានលក្ខណៈប្លែកពីគេបន្តិចពោលគឺ ស្រះនៅមួយចំហៀង ព្យញ្ជនៈនៅមួយចំហៀងតែស្របតាមគោលការលក្ខណៈអក្សរខ្មែរយូនីកូដ ទាល់តែប្រិយមិត្តប្រើចាប់ពីមួយអាទិត្យបានអាចស៊ាំនឹងរបៀបប្រើក្ដារចុចថ្មីនេះ។

ចុចដោនឡូតនៅទីនេះ App Store
4.K-keyboard 5Arrow
ជាកម្មវិធីក្ដារចុចដែលបង្កើតឡើងដោយលោក ប៊ុនចាន់ លីន សម្រាប់ជាជំនួយដល់ការវាយអក្សរខ្មែរនៅលើ iPhoneដែលក្នុងនោះក្ដារចុចមានមុខងារមួយចំនួនដូចជា Swift-keyboard ពីខ្មែរទៅអង់គ្លេសមានល្បឿនលឿន អក្សរខ្មែរធំៗរួមទាំងមានជួរលេខធំៗ(លេខខ្មែរ១២៣-លេខអារ៉ាប់ 123,..) ស្រួលមើល ឯការវាយពាក្យអាច Support ជាលក្ខណៈខ្មែរយូនីកូដផងដែរ។

ចុចដោនឡូតនៅទីនេះ App Store
5.Khmer DoubleTap Keyboard
ក្ដារចុចខ្មែរចុចពីរដង ឬ Khmer DoubleTap Keyboard ជាកម្មវិធីក្ដារចុចដែលបង្កើតឡើងដោយលោក ភុច សុភណ្ឌ សម្រាប់ជាជំនួយដល់ការវាយអក្សរខ្មែរ ដែលមាន Interfaceពណ៍ស្រស់ស្អាតម្យ៉ាងដែរ តែមានលំនាំនិងរបៀបប្រើដូចទៅនឹងក្ដារចុចឆ្លាតវៃដែរ។

ចុចដោនឡូតនៅទីនេះ App Store
6.Khmer board
ជាកម្មវិធីដែលបង្កើតដោយលោក Sok Rotha សម្រាប់ជាជំនួយក្នុងការវាយអក្សរខ្មែរលើ iPhone ដែលមាន Interface និងលំនាំនៃការប្រើស្រដៀងនឹងក្ដារចុចឆ្លាតវៃដែរ។

ចុចដោនឡូតនៅទីនេះ App Store

Thursday, October 12, 2017

Monday, September 4, 2017

Tuesday, August 29, 2017

Sunday, August 20, 2017

Saturday, August 19, 2017

Thursday, August 17, 2017

Wednesday, August 16, 2017

តើមិត្តអ្នកអាន ធ្លាប់ចង់ដឹងដែរឬទេ ថាអ្នកណាខ្លះ unfriend អ្នកនៅក្នុង Facebook?

Sunday, August 13, 2017

Thursday, August 10, 2017

Sunday, July 9, 2017

Monday, June 26, 2017

Wednesday, June 14, 2017

Thursday, June 1, 2017

Tuesday, May 30, 2017

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget