៥ ចំណុច​លើ​រថយន្ត​ ត្រូវ​ស្គាល់​ឲ្យ​ច្បាស់​ ប្រយ័ត្ន​គេ​សួរ​មិន​ដឹង​ខ្មាស​គេ

រថយន្តជាយានជំនិះដែលអ្នកប្រើប្រាស់គ្រប់រូប ត្រូវចំណាយពេលស្វែងយល់ច្រើនបន្តិច ព្រោះដោយសារតែ​លក្ខណៈបច្ចេកទេសដ៏ស្មុគស្មាញរបស់វា ហើយត្រូវប្រាកដថា នៅពេលដែលយើងចំណាយលុយដើម្បី ជួសជុល និងថែទាំរថយន្ត គឺត្រូវឲ្យសមនឹងតម្លៃនៃរថយន្តរបស់យើង។

ព័ត៌មាននានាអំពីយានយន្ត ដូចជាដំណើរការរបស់ម៉ាស៊ីន ការត្រួតពិនិត្យមើលភាពមិនប្រក្រតីនានា អាចជារឿងរញ៉េរញ៉ៃសម្រាប់មនុស្សភាគច្រើន ប៉ុន្តែព័ត៌មានមួយចំនួនរបស់រថយន្តមានលក្ខណៈសាមញ្ញ ដែលម្ចាស់គ្រប់រូបគួរយល់ដឹង ដើម្បីជួយសន្សំសំចៃពេលវេលា ក្នុងការប្រាប់អាការៈរថយន្តទៅជាង ឬទិញគ្រឿងបន្លាស់ឲ្យត្រូវនឹងប្រភេទរថយន្តខ្លួន និងគ្រាន់បានដឹងជាចំណេះដឹងទូទៅ

១. ក្រុមហ៊ុន, ម៉ាក និងឆ្នាំផលិត

រឿងដែលអ្នកគួរតែដឹងដំបូងបំផុតពីរថយន្តរបស់ខ្លួន គឺក្រុមហ៊ុនផលិត ម៉ាក និងឆ្នាំផលិត។ វាស្ដាប់ទៅដូចជារឿងតូចតាចទេ ប៉ុន្តែមានម្ចាស់រថយន្តច្រើនណាស់ ដែលមិនដឹងពីវា ពិសេសគឺឆ្នាំផលិតតែម្ដង។ ការមិនច្បាស់ពីក្រុមហ៊ុនផលិត ម៉ាក និងឆ្នាំផលិត អាចនាំផលប៉ះពាល់ដល់រថយន្តពិសេសនៅពេលអ្នកចង់ជួសជុលវាដោយខ្លួនឯង។ រថយន្តភាគច្រើន ដែលស្ថិតក្នុងត្រកូលតែមួយ និងខុសគ្នា ១ទៅ៥ ឆ្នាំ អាចមានរូបរាងខាងក្រៅ និងខាងក្នុងដូចគ្នាទាំងស្រុង តែម៉ាស៊ីន និងគ្រឿងសម្ភារៈផ្សេងៗក្នុងរថយន្តអាចខុសគ្នាពី មួយឆ្នាំ ទៅ មួយឆ្នាំ។ ដូចនេះ ម្ចាស់រថយន្តគួរដឹងឲ្យច្បាស់ថារថយន្តខ្លួន ផលិតដោយក្រុមហ៊ុនណា ម៉ូដែលអ្វី ហើយនៅក្នុងឆ្នាំណា។

២. VIN

VIN មកពីពាក្យពេញថា Vehicle Identification Number ជាលេខកូដ ១៧ ខ្ទង់ សម្រាប់សម្គាល់អត្តសញ្ញាណរថយន្ត។ លេខ VIN នេះខុសប្លែកគ្នាគ្រប់រថយន្តទាំងអស់តែម្ដងនៅលើពិភពលោក ដោយវាផ្ទុកនូវរាល់ទិន្នន័យរបស់រថយន្ត ដូចជាប្រទេសផលិត ក្រុមហ៊ុន ម៉ូដែល ឆ្នាំ ប្រភេទម៉ាស៊ីន​ជា​ដើម។ រឿងដែលសំខាន់​បំផុតរបស់ VIN នោះគឺអ្នកមិនចាំបាច់ចាំវាឡើយ ប៉ុន្តែអ្នកត្រូវស្គាល់ទីតាំងរបស់វា។ ភាគច្រើន លេខ VIN នេះមានទីតាំងនៅខាងមុខតាបឡូអ្នកបើកបរ និងនៅតាមចំហៀងទ្វារ។ អ្នកអាចស្វែងយល់បន្ថែមលម្អិតពី VIN តាមតំណនេះបាន។

៣. កាលវិភាគថែទាំរថយន្ត

ការថែទាំរថយន្តឲ្យបានទៀងទាត់ និងត្រឹមត្រូវពេលវេលាកំណត់ អាចឲ្យរថយន្តដំណើរការបានរលូនល្អ និងមានអាយុកាលវែង។ ទាំងប្រេងនានាដូចជាប្រេងម៉ាស៊ីន និងប្រេងហ្វ្រាំងជាដើម សុទ្ធសឹងតែត្រូវការបន្ថែម និងផ្លាស់ប្ដូរតាមកាលកំណត់។ ឯផ្នែកផ្សេងៗទៀត ដូចជាការបង្វិលកង់ ប្ដូរសម្បកក៏ជាកត្តាមួយសម្រាប់កាត់បន្ថយសំណឹករបស់សម្បកកង់រថយន្ត កុំឲ្យដាក់សម្ពាធទៅលើកង់តែមួយ គឺឲ្យវាសឹកស្មើគ្នា និងប្រើប្រាស់បានយូរជាងសម្បកកង់ធម្មតា។ រថយន្តគ្រប់ប្រភេទ មាន​ការ​ណែនាំផ្សេងៗគ្នា ដែលម្ចាស់រថយន្តគួរស្វែងរកអាន និងគួរតែធ្វើតាមការណែនាំ ដើម្បីឲ្យរថយន្តរបស់ខ្លួនដំណើរការបានល្អ និងប្រើប្រាស់បានយូរអង្វែង។

៤. សម្ពាធខ្យល់ក្នុងកង់

អ្នកបើកបរភាគច្រើន មិនចាប់អារម្មណ៍ឡើយចំពោះរឿងខ្យល់នៅក្នុងសម្ពាធកង់នោះ ហើយពេលខ្លះទោះបីជាដឹងក៏ដោយ ក៏ខ្ជិលដែរ។ ការមិនយកចិត្តទុកដាក់ក្នុងការមើលសម្ពាធខ្យល់ក្នុងកង់ឲ្យបានត្រឹមត្រូវ អាចបណ្ដាលឲ្យការបើកបរ មានភាពមិនប្រក្រតី កង់រត់មិនស្មើគ្នា ស៊ីសាំងជាងមុន ហើយអ្វីដែលសំខាន់បំផុត គឺវាងាយបែក និងមុតធ្លាយតែម្ដង ហើយបើសិនជាសម្បកកង់រថយន្តឧស្សាហ៍បែកធ្លាយហើយ អាយុកាលរបស់វាក៏ថយចុះទៅតាមនោះដែរ ហើយជាការពិតណាស់ សម្បកកង់រថយន្តមិនមែនមានតម្លៃថោកទេ ហើយបើដូរ គឺភាគច្រើនត្រូវប្ដូរទាំង ៤ គ្រាប់តែម្ដង។ ដូចនេះ ការឧស្សាហ៍ពិនិត្យមើលសម្ពាធខ្យល់ក្នុងរថយន្ត ប្រៀបដូចជាការសន្សំសំចៃមួយកម្រិត ដល់ការប្ដូរសម្បកកង់រថយន្តថ្មីអ៊ីចឹង។

៥. ភ្លើងលើតាប្លូ

ភ្លើងសញ្ញានៅលើតាប្លូ ជាភ្លើងផ្ដល់ព័ត៌មាន និងភាពមិនប្រក្រតីនានា របស់រថយន្ត និងម៉ាស៊ីនរបស់វា។ ភ្លើងសញ្ញានៅលើតាប្លូរថយន្តមានច្រើនដែលអ្នកអាចស្វែងយល់នៅទីនេះ បាន ប៉ុន្តែក្នុងចំណោមភ្លើងសញ្ញាទាំងនោះ វាមានចែកជា ៣ ក្រុមសំខាន់ៗ៖

• ពណ៌ក្រហម៖ ត្រូវស្វែងរកការជួសជុលជាបន្ទាន់ ព្រោះវាទាក់ទងនឹងបញ្ហាសុវត្ថិភាពរបស់អ្នកបើកបរ និងអ្នកដំណើរ
• ពណ៌លឿង៖ ត្រូវប្រញ៉ាប់ប្រញ៉ាល់យកទៅជាង ព្រោះវាកំពុងមានបញ្ហា
• ពណ៌ខៀវ ឬបៃតង៖ ផ្នែកអ្វីមួយក្នុងរថយន្តរបស់អ្នកកំពុងដំណើរការ (គ្មានបញ្ហា)។

ប្រភព៖ www.progressive.com   ប្រែ​សម្រួល៖ ផាត សុវត្ថិ

Read More

មក​ស្គាល់មុខងារពិសេសៗលើ​កាមេរ៉ា​ទូរសព្ទ​ រហូត​អាច​ធើស៊ី​កាមេរ៉ា​អាជីព​បាន

ស្មាតហ្វូន​ម៉ូដែល​ក្រោយៗ មាន​បំពាក់​បច្ចេកវិទ្យា​កាន់​តែ​ល្អ​ប្រសើរ ជាពិសេសមាន​ការ​គិត​គូរ​ខ្លាំង​ចំពោះ​គុណភាព​រូបភាព​។ មុខងារ​លើ​កាមេរ៉ា​ទាំង​នេះ អាច​ធ្វើ​ឲ្យ​អ្នក​ថតរូប​បាន​ស្អាត មាន​អារម្មណ៍​ដូច​អ្នក​ជំនាញ​។ 

មាន Lens ពីរ​គ្រាប់​

ទាំង iOS និង Android សុទ្ធ​តែ​មាន​ម៉ូដែល​ស្មាតហ្វូន​បំពាក់ Lens ពីរ​គ្រាប់ ​ជា Wide-angle​និង Telephoto។ ក៏​មាន​ដល់ Lens បី​គ្រាប់​ផង​ដែរ ដូចជា Huawei P20 Pro ដែល​អាច​ជួយ​សម្រួល​ដល់​គុណភាព​ពណ៌ និង​កម្រិត​ច្បាស់ បាន​យ៉ាង​គាប់​ចិត្ត​។ 

Wide Aperture

Aperture សំដៅ​លើ​កម្រិត​ដែល Lens ចំហ​ទទួល​ពន្លឺ។ Aperture លើ​ស្មាតហ្វូន​មាន​ការ​ពង្រឹង​គុណភាព​បាន​ល្អ ទទួល​ពន្លឺ​បាន​កាន់​តែ​ច្រើន ផ្ដល់​ពណ៌ រូបភាព​បាន​ច្បាស់​។ 

High Dynamic Range (HDR)

High Dynamic Range (HDR) Mode លើ​កាមេរ៉ា​ស្មាតហ្វូន អាច​ជួយ​បង្កើន​សម្រស់​រូបភាព​បាន​ល្អ ជាពិសេស​រូបភាព​ពេល​យប់ ដោយ​បន្សំ​រូបភាព​ជាច្រើន​មាន​កម្រិត​ពន្លឺ​ខុសគ្នា បញ្ចូល​ជា​រូប​តែ​មួយ​។

Optical Image Stabilization (OIS)

មុខងារ​នេះ​ជួយ​កាត់​បន្ថយ​ភាព​ព្រាល​ក្នុង​ពេល​ថតរូប និង​សូម្បី​តែ​ពេល​ថត​វីដេអូ​។ 

High-resolution Video

ការ​ថត​វីដេអូ​លើ​ស្មាតហ្វូន មាន​កម្រិត Resolution កាន់​តែ​ខ្ពស់​ដល់​ទៅ 4K ក៏​មាន ហើយ​អនាគត​អាច​មាន​លើស​ពី​នេះ ជួយ​សម្រួល​ដល់​ការ​ប្រើប្រាស់​ចាក់​បង្ហាញ​លើ​អេក្រង់​ធំ​ៗ​បាន​ល្អ​ត្រជាក់​ភ្នែក​។ 

Autofocus

Autofocus លើ​កាមេរ៉ា​ភាគច្រើន​មាន​បី​ប្រភេទ​៖ 

• Contrast detection autofocus៖ ល្អ​បំផុត​សម្រាប់​រូបភាព​គ្មាន​ចលនា។ 
• Laser autofocus៖ ល្អ​បំផុត​ពេល​ចុច​ថត​ភ្លាមៗ ពេល Subject មិន​មាន​ពេល​គ្រប់គ្រាន់​ត្រៀម​ខ្លួន​បែរ​ចំ​កាមេរ៉ា​។​
• Phase detection autofocus៖ បន្ត Focus លើ Subject ងាយស្រួល​តាម​ថត​។ 

Auto-detection flash

មុខងារ​នេះ អាច​ជួយ​កំណត់​បើក​ប្រើ Flash ករណី​មាន​តម្រូវ​ការ ពេល​ថត​ទិដ្ឋភាព​ខ្វះ​ពន្លឺ។  

Filters

Filters អាច​ជួយ​បង្កើត​សិល្បៈ​កែច្នៃ​មួយ​បែប​លើ​រូបភាព​នានា កំឡុង​ពេល​ឬ​ក្រោយ​ពេល​ថត​។ 

Portrait mode

Portrait Mode អាច​ជួយ​ផ្ដាច់ Subject ពី​ផ្ទៃ​ខាងក្រោយ បាន​យ៉ាង​ល្អ​បង្កើត​ជា​ទិដ្ឋភាព​ផ្ទៃ​ខាងមុខ​ច្បាស់ និង​ក្រោយ​ព្រាល​។ 

Burst mode

មុខងារ​នេះ​អាច​ចាប់​យក​រូបភាព​បន្តបន្ទាប់​បាន​ជា​ច្រើន​សន្លឹក ងាយស្រួល​ក្នុង​ការ​ជ្រើសរើស ល្អ​បំផុត​ពេល​ថតរូប​សកម្មភាព​៕ 

ប្រភព៖ Businessinsider   ប្រែ​សម្រួល៖ ប៊ុនធឿន

Read More

ម៉ាស៊ីន​ឡាន​មាន​ ៤ ប្រភេទ មួយៗ​មានទាំង​គុណ​សម្បត្តិ​និង​គុណវិបត្តិ

នៅក្នុងសហគ្រាសផលិតរថយន្ត បច្ចេកវិទ្យាមានការអភិវឌ្ឍឥតឈប់ឈរ សឹងគ្រប់ផ្នែកទាំងអស់ដែលបំពាក់លើរថយន្ត។ ក្នុងនោះ ការរចនាប្រភេទម៉ាស៊ីន តាមប្រភេទនានា បានកើតមានឡើង ដោយមិនត្រឹមតែមានចំណុះ កម្លាំងសេះដែលវាអាចផលិតបាននោះទេ សូម្បីតែប្រភេទរបស់វា ស្ថាប័ត្យកម្ម ក៏ខុសគ្នាទៅតាមហ្នឹងដែរ។

ចង់ដឹងថា ប្រភេទនៃម៉ាស៊ីនរថយន្តមានអ្វីខ្លះនោះអាចតាមដានជាមួយ Sabay ទាំងអស់គ្នា៖

១. ម៉ាស៊ីន Inline (I Engine)

ម៉ាស៊ីនប្រភេទ I ដែលគេចំណាំហៅថា Straight Engine (ម៉ាស៊ីនត្រង់) នោះ ជាប្រភេទម៉ាស៊ីនដែលមានការពេញនិយមបំផុត ក្នុងពិភពលោក។ ចាប់តាំងតែពីឆ្នាំ ២០០០ មក ប្រហែលពាក់កណ្ដាលនៃចំំនួនរថយន្តថ្មី ដែលផលិតបានសរុប ត្រូវបានបំពាក់មកជាមួយម៉ាស៊ីនប្រភេទ I ។ និយាយតាមបច្ចេកទេស ម៉ាស៊ីន I មានបំពង់ស៊ីឡាំងបញ្ឈរជាប់ៗគ្នា (តាមចំនួនស៊ីឡាំង) នៅលើ វីឡឺប្រឹកាំង (crankshaft) តែម្ដង។ ម៉ាស៊ីនប្រភេទ I ភាគច្រើនមានស៊ីឡាំង ៤ តែពេលខ្លះ ក៏មានដល់ ៦ និង ៨ ស៊ីឡាំងដែរ។

ដោយសារតែវាមានបំពង់ស៊ីឡាងបញ្ឈរ ម៉ាស៊ីនប្រភេទ I មិនសូវត្រូវការគ្រឿងទប់លំនឹងស៊ីឡាំង ហើយម៉ាស៊ីននេះទៀតសោតក៏មិនសូវមានភាពស្មុគស្មាញដែរ។ ភាពសាមញ្ញនេះ ធ្វើឲ្យការជួសជុលម៉ាស៊ីនប្រភេទនេះ មានតម្លៃថោក និងងាយថែទាំ។ ម៉្យាងទៀត ម៉ាស៊ីននេះមិនសូវរងរំញ័រពេលបើកលឿនឡើយ ហើយនៅពេលដែលលេខឡើងខ្ពស់ ម៉ាស៊ីនប្រភេទ I នេះ ក៏នៅតែផ្ដល់កម្លាំងរមួល (torque) ខ្លាំងដដែល។

យ៉ាងណាមិញ ម៉ាស៊ីនប្រភេទ I មានគុណវិបត្តធំមួយ គឺវាស៊ីកន្លែងធំ ពេលចំណុះស៊ីឡាំងធំ ហើយមានចំនួនច្រើន។ ម៉្យាងទៀត ម៉ាស៊ីនប្រភេទ I ត្រូវការតួម៉ាស៊ីនដែលរឹងមាំខ្លាំង ដើម្បីទប់នឹងការធ្វើការដ៏ខ្លាំងក្លារបស់ម៉ាស៊ីននេះ។ នៅពេលបើកបរក្នុងល្បឿនលឿន ម៉ាស៊ីនប្រភេទ I នឹងផ្ដល់លំញ័រខ្លាំងធៀបទៅនឹងរថយន្តធម្មតា។

២. ម៉ាស៊ីនប្រភេទ V

ម៉ាស៊ីនប្រភេទនេះ មានស៊ីឡាំងទ្រេត នៅអមសងខាង វីឡឺប្រឹកាំង ដែលវាបង្កើតបានជារាងអក្សរ V នៅក្នុងតួម៉ាស៊ីននោះ។ ម៉ាស៊ីនប្រភេទ V មានចំនួនស៊ីឡាំង ចាប់ពី ២ រហូតដល់ ២៤ ឯណោះ។

ជាទូទៅ ម៉ាស៊ីនប្រភេទ V មានរាងតូច និងស្រាល បើប្រៀបធៀបទៅនឹងម៉ាស៊ីនប្រភេទ I ទំហំប៉ុនគ្នា។ ប្រសិនបើស៊ីឡាំងក្នុងម៉ាស៊ីនប្រភេទ V មានលំនឹងល្អ វានឹងធ្វើការបានប្រសើរ ហើយជួយសន្សំសំចៃឥន្ធនៈបានច្រើន ដោយសារតែទម្ងន់ស្រាលរបស់តួម៉ាស៊ីន។ ហើយក៏ដោយសារតែ រូបរាងតូចស្អាតនេះដែល បានជាម៉ាស៊ីនប្រភេទ V ត្រូវបានគេយកទៅប្រើប្រាស់លើរថយន្ត ហើយសូម្បីតែម៉ូតូ ក៏មានម៉ាស៊ីនប្រភេទ V នេះដែរ។

និយាយពីផលលំបាកវិញ ម៉ាស៊ីនប្រភេទ V មានភាពស្មុគស្មាញ ពិបាកផលិត និងថែទាំ។ បើសិនជាស៊ីឡាំងខាងក្នុងមិនមានលំនឹងល្អទេនោះ វាអាចបណ្ដាលឲ្យម៉ាស៊ីនញ័រខ្លាំង ហើយមានភាពមិនប្រក្រតី ដូចជាស៊ីសាំងខ្លាំងជាងធម្មតាជាដើម។

៣. ម៉ាស៊ីនប្រភេទ Flat/Boxer

ម៉ាស៊ីនប្រភេទ Flat មានការរចនាឡើង ខុសពីគេដោយ ស៊ីឡាំងរបស់វាត្រូវបានតម្រៀបជាលក្ខណៈផ្ដេក ហើយពេលធ្វើការគឺពីស្ដុងវា នឹងរត់ ឆ្វេង ស្ដាំ ទៅមក។ ចំណែកឯ ម៉ាស៊ីន Boxer វិញ វាស្ថិតនៅក្នុងប្រភេទម៉ាស៊ីន Flat ដែរ តែស៊ីឡាំងរបស់វាត្រូវបានរចនាមកឲ្យស្ថិតនៅសងខាង វីឡឺប្រឹកាំង ដែលនៅចំកណ្ដាល។ ម៉ាស៊ីនប្រភេទ Flat/Boxer ត្រូវបានផលិតមកជាមួយចំនួនស៊ីឡាំង ចាប់ពី ២ រហូតដល់ ១៦។

ម៉ាស៊ីនប្រភេទ Boxer គឺមានលំនឹងល្អខ្លាំងណាស់ ដោយវាមិនចាំបាច់មានប្រព័ន្ធទប់លំនឹងនៅក្នុងតួម៉ាស៊ីនឡើយ។ ដោយសារតែវាដំណើរការ ឆ្វេង ស្ដាំបែបនេះ ទើបធ្វើឲ្យវាមិនសូវមានសម្ពាធដោយសារទំនាញ ហើយប្រព័ន្ធប្រអប់លេខ ក៏ដំណើរការបានប្រសើរដែរ ជាមួយម៉ាស៊ីនប្រភេទ Flat/Boxer នេះ។ ម៉្យាងទៀត ក្រៅពីការផ្ដល់ថាមពលដ៏មានប្រសិទ្ធភាព ម៉ាស៊ីនប្រភេទ Flat/Boxer ក៏ងាយស្រួលក្នុងការបញ្ចុះកម្ដៅដែរ ដោយសារតែការរចនាឡើង រាងធំទូលាយ។ អ៊ីចឹងហើយ ម៉ាស៊ីនប្រភេទ Flat/Boxer អាចប្រើត្រឹមធុងទឹកធម្មតា ស្អំកង្ហារត្រជាក់ គឺអាចដំណើរការបានប្រក្រតីហើយ។

យ៉ាងណាមិញ គុណវិបត្តរបស់ ម៉ាស៊ីនប្រភេទ Flat/Boxer គឺវាមានទំហំធំ ស៊ីកន្លែងច្រើន ហើយក៏ពិបាកថែទាំខ្លាំងដែរ។ ម៉្យាងទៀត ដោយសារតែក្បាលស៊ីឡាំង នៅខាងឆ្វេង ស្ដាំ ជាប់ជាមួយនឹងតួម៉ាស៊ីននោះ វាធ្វើឲ្យការប្ដូរក្បាលប៊ូស៊ី ដែលជាការងារងាយស្រួលបំផុត សម្រាប់ ម៉ាស៊ីន V និង I នោះ ក្លាយទៅជារឿងមួយដ៏លំបាកសម្រាប់ម៉ាស៊ីនប្រភេទ Flat/Boxer ព្រោះវាយ៉ាប់ដោះចេញ។ បើនិយាយពីតម្លៃវិញ ម៉ាស៊ីនប្រភេទ Flat/Boxer មានតម្លៃថ្លៃ ហើយមិនមែនដាក់ត្រូវគ្រប់ប្រភេទរថយន្តនោះឡើយ។

៤. ម៉ាស៊ីនប្រភេទ VR និង W

ដូចគ្នាទៅនឹងប្រភេទម៉ាស៊ីន V ដែរ គឺម៉ាស៊ីនប្រភេទ W ត្រូវបានគេដាក់ឈ្មោះតាមការតម្រៀបតួម៉ាស៊ីនមានគន្លាក់ច្រើន សម្រាប់ដាក់ស៊ីឡាំងជារាង W ឬព្រួញនេះឯង។ ចំពោះប្រភេទខ្លះ ម៉ាស៊ីនប្រភេទ W នេះមាន វីឡឺប្រឹកាំងលើសពី ១ ហើយម៉ាស៊ីនប្រភេទនេះទៀតសោត ត្រូវបានគេប្រើប្រាស់ភាគច្រើនសម្រាប់រថយន្តស្ព័រ ល្បឿនលឿនផុតលេខ និង​រថយន្ត​ដឹក​ទំនិញ​ធុន​ធ្ងន់។

ក្រុមហ៊ុន​ Volkswagen បានរចនាម៉ាស៊ីនប្រភេទ W នេះ ដោយយកគម្រូតាមម៉ាស៊ីនប្រភេទ VR របស់ខ្លួន។ ម៉ាស៊ីនប្រភេទ VR គឺជាម៉ាស៊ីនប្រភេទ V ដែលដាក់ស៊ីឡាំង នៅកៀកគ្នាមែនទែន ធ្វើឲ្យគម្របពីស្តុងតែមួយទេ តែអាចគ្របមាត់់ស៊ីឡាំង ២ បាន។ Volkswagen បានផ្គុំ ម៉ាស៊ីនប្រភេទ VR នេះ ចំនួន ២ ចូលគ្នា ដែលស្រដៀងនឹងម៉ាស៊ីនប្រភេទ W តែគេឲ្យឈ្មោះវាថា ម៉ាស៊ីនប្រភេទ VV វិញ។

ប្រភព៖ Proctorscar

Read More

ស្វែងយល់ពីរថយន្តត្រកូល Lexus

List of Lexus vehicles

From Wikipedia, the free encyclopedia

Jump to navigationJump to search

The following is a list of Lexus vehicles, including past and present production models, as well as concept vehicles and limited editions. Model generations are ordered by year of introduction. This list dates back to the start of production in 1989 for the 1990 model year, when Lexus was founded as the luxury division of Toyota. Vehicle designations on production vehicles indicate class and powertrain size.

Production models[edit]

Model year introductions[edit]

• NX: compact crossover FWD/AWD
  • 2014 Lexus NX 200t/NX 300h
• RX: midsize crossover FWD/AWD
• 1999 Lexus RX 300
• 2004 Lexus RX 330
• 2006 Lexus RX 400h
• 2007 Lexus RX 350
• 2010 Lexus RX 350/RX 450h
• 2011 Lexus RX 270
• 2013 Lexus RX 270/RX 350/RX 450h
• 2015 Lexus RX 200t/RX 350/RX 450h

• RX F Sport
  • 2013 Lexus RX 350 F Sport
  • 2013 Lexus RX 450h F Sport
• NX F Sport
  • 2014 Lexus NX 200t F Sport

• CT: compact FWD
  • 2011 Lexus CT 200h
  • 2014 Lexus CT 200h
• IS: compact RWD/AWD
  • 2000 Lexus IS 200/IS 300
  • 2006 Lexus IS 250/IS 250 AWD/IS 300/IS 350/IS 220d
  • 2008 Lexus IS F
  • 2010 Lexus IS 250 C/IS 300 C/IS 350 C/IS F
  • 2011 Lexus IS 220d
  • 2013 Lexus IS 250/IS 350/IS 300h
  • 2015 Lexus IS 200t
  • 2017 Lexus IS 250/IS 300/IS 350/IS 300h
• HS: compact FWD
  • 2010 Lexus HS 250h
  • 2013 Lexus HS 250h
• ES: midsize FWD
  • 1990 Lexus ES 250
  • 1992 Lexus ES 300
  • 1997 Lexus ES 300
  • 2004 Lexus ES 330
  • 2007 Lexus ES 350
  • 2010 Lexus ES 240
  • 2013 Lexus ES 250/ES 300h/ES 350
  • 2015 Lexus ES 200/ES 250/ES 300h/ES 350
• GS: midsize RWD/AWD
  • 1993 Lexus GS 300
  • 1998 Lexus GS 300/GS 400
  • 2001 Lexus GS 430
  • 2006 Lexus GS 300/GS 300 AWD/GS 430/GS 450h
  • 2008 Lexus GS 350/GS 350 AWD/GS 460
  • 2013 Lexus GS 250/GS 350/GS 350 AWD/GS 450h
  • 2015 Lexus GS 200t/GS 250/GS 350/GS 350 AWD/GS 450h/GS F
• LS: full-size RWD/AWD
  • 1990 Lexus LS 400
  • 2001 Lexus LS 430
  • 2007 Lexus LS 460/LS 460 L
  • 2008 Lexus LS 600h/LS 600h L
  • 2009 Lexus LS 460/LS 460 AWD/LS 460 L/LS 460 L AWD
  • 2010 Lexus LS 460 SZ/Sport
  • 2013 Lexus LS 460/LS 460 AWD/LS 460 L/LS 460 L AWD/LS 600h L
  • 2017 Lexus LS 500/LS 500h
• SC: coupé/coupé convertible RWD
  • 1992 Lexus SC 300/SC 400
  • 2002 Lexus SC 430
  • 2006 Lexus SC 430
• RC: coupé RWD
  • 2014 Lexus RC 300h/RC 350/RC F
  • 2016 Lexus RC 200t
• LC: coupé RWD
  • 2016 Lexus LC 500/LC 500h
• LFA: exotic sports coupe RWD
  • 2011 Lexus LFA
  • 2012 Lexus LFA Nürburgring Package
• NX: compact crossover FWD/AWD
  • 2014 Lexus NX 200t/NX 300h
• RX: midsize crossover FWD/AWD
  • 1999 Lexus RX 300
  • 2004 Lexus RX 330
  • 2006 Lexus RX 400h
  • 2007 Lexus RX 350
  • 2010 Lexus RX 350/RX 450h
  • 2011 Lexus RX 270
  • 2013 Lexus RX 270/RX 350/RX 450h
  • 2015 Lexus RX 200t/RX 350/RX 450h
• GX: midsize sport utility vehicle AWD
  • 2003 Lexus GX 470
  • 2011 Lexus GX 460
  • 2014 Lexus GX 460
• LX: full-size sport utility vehicle AWD
  • 1997 Lexus LX 450
  • 1999 Lexus LX 470
  • 2008 Lexus LX 470/LX 570
  • 2013 Lexus LX 460/LX 570
  • 2016 Lexus LX 570

F Sport models[edit]

• CT F Sport
  • 2011 Lexus CT 200h F Sport
  • 2014 Lexus CT 200h F Sport
• IS F Sport
  • 2011 Lexus IS 250/350/200d/250 C/350 C F Sport
  • 2013 Lexus IS 250/300h/350 F Sport
• GS F Sport
  • 2013 Lexus GS 350 F Sport
  • 2013 Lexus GS 450h F Sport
• LS F Sport
  • 2013 Lexus LS 460 F Sport
  • 2013 Lexus LS 600h F Sport
• RX F Sport
  • 2013 Lexus RX 350 F Sport
  • 2013 Lexus RX 450h F Sport
• NX F Sport
  • 2014 Lexus NX 200t F Sport
• RC F Sport
  • 2014 Lexus RC 350 F Sport

Special editions[edit]

• IS: compact RWD/AWD
  • 2003 SportDesign IS 300
  • 2007 Limited Edition IS 250 X
  • 2007 Neiman Marcus Edition IS F
  • 2007 "Elegant White" IS 250/350
  • 2009 Special Edition IS 250 SR
  • 2009 "Red-edge Black" IS 250/350
  • 2009 "Blazing Terracotta" IS F
  • 2010 "X-Edition" IS 250
  • 2010 IS 350 C F Sport Special Edition
  • 2011 Stone Works "Sunrise" IS 250
• ES: midsize FWD
  • 1996 Coach Edition ES 300
  • 1999 Coach Edition ES 300
  • 2000 Platinum Edition ES 300
  • 2004 SportDesign ES 330
  • 2005 Black Diamond Edition ES 330
  • 2009 Pebble Beach Edition ES 350
• GS: midsize RWD/AWD
  • 2000 Platinum Series GS 300/400
  • 2001 SportDesign GS 300
  • 2007 Neiman Marcus Edition GS 450h
  • 2009 "Passionate Black" GS 350/460/450h
  • 2009 "Meteor Black" GS 350/460
  • 2011 Stone Works "Sunset" GS 350
• LS: full-size RWD/AWD
  • 1997 Coach Edition LS 400
  • 2000 Platinum Series LS 400
  • 2007 Neiman Marcus Launch Edition LS 600h L
  • 2009 Pebble Beach Edition LS 600h L
• SC: coupé/coupé convertible RWD
  • 2004 Pebble Beach Edition SC 430
  • 2005 Pebble Beach Edition SC 430
  • 2006 Pebble Beach Edition SC 430
  • 2007, 2008, 2009 Pebble Beach SC 430
  • 2010 "Eternal Jewel" SC 430
• LFA: exotic sports coupe RWD
  • 2012 LFA Special Edition
• RX: midsize crossover SUV
  • 2001 SilverSport Special Edition RX 300
  • 2002 Coach Edition RX 300
  • 2005 Thundercloud Edition RX 330
  • 2009 Pebble Beach Edition RX 350
  • 2011 Stone Works "Sunlight" RX 350
• LX: full-size sport utility vehicle
  • 2007 Limited Edition LX 470

Concept vehicles[edit]

• LF series concepts
  • 2003 LF-X: crossover
  • 2003 LF-S: luxury sedan
  • 2004 LF-C: convertible
  • 2005 LF-A: sports coupe
  • 2006 LF-Sh: hybrid luxury sedan
  • 2007 LF-Xh: hybrid crossover
  • 2008 LF-AR: roadster
  • 2009 LF-Ch: compact hybrid
  • 2011 LF-Gh: hybrid touring sedan
  • 2012 LF-LC: hybrid coupe
  • 2013 LF-NX: small crossover SUV
  • 2013 LF-C2: RC convertible
  • 2015 LF-SA: Compact car
• Production-based concepts
  • 2003 Lexus IS 430 sports sedan
  • 2004 Carolina Herrera SC 430 CH
  • 2005 Milan Design Week "L-finesse" LF-A
  • 2006 Milan Design Week "Evolving Fiber" LS 460
  • 2007 Higashifuji Driving Simulator LS 460
  • 2007 Milan Design Week "Invisible Garden" LS 600h L
  • 2008 Milan Design Week "Elastic Diamond" LF-Xh
  • 2008 IS F Racing concept
  • 2009 LS 460 ITS-Safety Concept
  • 2009 Crystallised Wind LFA
  • 2010 IS F CCS Concept
  • 2010 CT Umbra
  • 2011 CT Racing concept
• Other concept vehicles
  • 1994 Italdesign Lexus Landau: hatchback
  • 1995 Lexus FLV: station wagon
  • 1997 Lexus Street Rod: roadster
  • 1997 Lexus SLV: sport luxury vehicle
  • 1997 Lexus HPS: sports sedan
  • 1999 Lexus Sports Coupe: convertible
  • 2003 Lexus HPX: crossover
  • 2009 Lexus HB: hybrid sports motorbike
  • 2016 Lexus UX: crossover
  • 2017 Lexus LS+: luxury sedan
• Number Série
• 2002 Lexus 2054

Model nomenclature[edit]

Further information: Lexus nomenclature

Lexus production model names use the following capital letters:^[1]

• S = Sedan^[1] or Sport^[2]
• C = Coupe^[1]
• T = Touring^[1]
• X = SUV^[1]

Additional letters indicate powertrain type, or special category:^[3]

• AWD = all-wheel drive
• F = F-marque
• L = Long wheelbase
• d = diesel
• h = hybrid
• t = turbo

ប្រភព៖ Wikipeida

Read More

តម្លៃ​រថយន្ត Lexus

RX ជា​ត្រកូល​​នៃ​ម៉ាក​ Lexus ដែល​ទទួល​បាន​ការ​ពេញ​និយម​ខ្លាំង​ ចាប់​ពី​ស៊េរី​ទាប​ ដល់​ស៊េរី​ខ្ពស់។ ចំណុច​លេច​ធ្លោ​របស់​រថយន្ត​​នេះ​គឺ​មាន​ប្រណិត​ភាព​ខ្ពស់​ប៉ុន្តែ​​មាន​តម្លៃ​ធូរ​ថ្លៃ។ ​នេះ​បើ​ធៀប​នឹង​ពពួក SUV ​ប្រណិតៗ​ដទៃ​ទៀត។ ត​ទៅ​នេះ​គឺ​ជា​ការ​បង្ហាញ​ពី​តម្លៃ​លក់​នៃ​រថយន្ត​ Lexus RX គ្រប់​ស៊េរី​ឆ្នាំ​នៅ​កម្ពុជា ៖

១. Lexus RX 300

• ​​ស៊េរី​ឆ្នាំ​ ១៩៩៩ ៖ ប្រមាណ​ ១២ ៥០០ ដុល្លារ​
• ស៊េរី​ឆ្នាំ ២០០០ ៖ ប្រមាណ​ ១៦ ៣០០ ដុល្លារ​
• ស៊េរី​ឆ្នាំ ២០០១ ៖ ប្រមាណ​ ១៨ ៥០០ ដុល្លារ​
• ស៊េរី​ឆ្នាំ ២០០២ ៖ ប្រមាណ​ ១៩ ៨០០ ដុល្លារ
• ស៊េរី​ឆ្នាំ ២០១៨ (ថ្មី) ៖ ប្រមាណ​ ១០ ម៉ឺន​ដុល្លារ​

រូបភាព ៖ គីមស្រ៊ុន ព្រីមៀរ អូតូ

​​​​​២. Lexus RX 330

• ​ស៊េរី​ឆ្នាំ​ ២០០៤ ៖ ប្រភេទ Base Option ប្រមាណ​ ៣១​ ៥០០ ដុល្លារ, Half Full ប្រមាណ​ ៣៣ ៥០០ ដុល្លារ និង Full Option ប្រមាណ​ ៣៥ ០០០ ដុល្លារ​​
• ស៊េរី​ឆ្នាំ ២០០៥ ៖ ប្រភេទ Base Option ប្រមាណ​ ៣២ ៥០០ ដុល្លារ, Half Full ប្រមាណ​ ៣៤ ៥០០ ដុល្លារ និង Full Option ប្រមាណ ៣៦ ៥០០ ដុល្លារ
• ស៊េរី​ឆ្នាំ ២០០៦ ៖ ប្រភេទ Full Option ប្រមាណ​ ៣៨ ៥០០ ដុល្លារ​

៣. Lexus 400h

• ស៊េរី​ឆ្នាំ​ ២០០៦ ៖ ប្រភេទ​ Half Full ប្រមាណ​ ៣៥ ៥០០ ដុល្លារ និង Full Option ប្រមាណ ៣៩ ៥០០ ដុល្លារ

៤. Lexus RX 350

• ​ស៊េរី​ឆ្នាំ​ ២០១០ ៖ ប្រភេទ Full Option ប្រមាណ​ ៥៩ ៥០០ ដុល្លារ
• ស៊េរី​ឆ្នាំ ២០១៤ ៖ ប្រមាណ​ ៧១ ០០០ ដុល្លារ
• ស៊េរី​ឆ្នាំ ២០១៥ ៖ ប្រមាណ​ ៧៧ ៨០០ ដុល្លារ
• ស៊េរី​ឆ្នាំ ២០១៦ ៖ ប្រមាណ​ ១០ ម៉ឺន​ដុល្លារ​
• ​ស៊េរី​ឆ្នាំ ២០១៨ (ថ្មី) ៖ ប្រមាណ​ ១៤ ម៉ឺន​ដុល្លារ​

​​៥. RX 450h

• ស៊េរី​ឆ្នាំ ២០១០ ៖ ប្រភេទ Full Option ប្រមាណ​ ៦៤ ០០០ ដុល្លារ​
• ស៊េរី​ឆ្នាំ ២០១៨ (ថ្មី) ៖ ប្រមាណ​ ១៤៣ ០០០ ដុល្លារ

បញ្ជាក់​ថា​​តម្លៃ​រថយន្ត​ដែល​បង្ហាញ​ខាង​លើ​គឺ​ជា​ប្រភេទ​រថយន្ត​មិន​មាន​ស្លាក​លេខ​ មាន​ត្រឹម​ក្រដាស​ពន្ធ និង​ភាគ​ច្រើន​ជា​តម្លៃ​នៃ​រថយន្ត​ពណ៌​ស ជា​ពណ៌​ពេញ​និយម​និង​មាន​តម្លៃ​ជាង​ពណ៌​ដទៃ​ទៀត

Read More

របស់សំខាន់ទាំង ១២ គួរ​ដាក់តាមរថយន្ត​

អ្នកដឹងហើយថា ការប្រើប្រាស់រថយន្តនាពេលបច្ចុប្បន្ននេះ បានក្លាយជារឿងមួយដ៏ចាំបាច់សម្រាប់មនុស្សសឹងតែគ្រប់គ្នាទៅហើយ ព្រោះរថយន្តមិនត្រឹមតែជាយានជូនយើងទៅកន្លែងដែលយើងចង់ទៅតែប៉ុណ្ណោះទេ ប៉ុន្តែវាថែមទាំងការពារយើងបានពីបញ្ហាអាកាសធាតុ ហើយវាក៏មានសុវត្ថិភាពខ្ពស់ផងដែរ បើប្រៀបធៀបទៅនឹងការប្រើប្រាស់ម៉ូតូ។

យ៉ាងណាមិញ បញ្ហារបស់រថយន្តតែងកើតមានជានិច្ចកាល ដោយមិនអាចរំពឹងទុក។ ដូចនេះ វាច្បាស់ណាស់ដែលអ្នកគួរមានសម្ភារៈជាប់រថយន្តសម្រាប់ដោះស្រាយបញ្ហាទាំងនោះ ពេលរថយន្តចាប់ផ្ដើមមានបញ្ហា។ ថ្ងៃនេះ Sabay សូមបង្ហាញនូវឧបករណ៍សំខាន់ៗ ១២ យ៉ាងដែលអ្នកគួរតែមានជាប់រថយន្ត៖

១. ពិល (និងថ្មដែលអាចដោះដូរបាន)

ពិលគឺជាប្រភពពន្លឺដ៏ល្អបំផុតមួយ ដែលគេអាចប្រើប្រាស់វាបានច្រើនយ៉ាង ក្នុងច្រើនស្ថានភាព។ ដូចនេះ បើសិនជារថយន្តរបស់អ្នកខូច ហើយចំពេលងងឹតទៀតនោះ ការយកពិលតាមខ្លួន ហើយមានថ្មអាចដោះដូរបានជារឿងមួយដ៏ល្អ។

២. សញ្ញាត្រីកោណចំណាំងផ្លាត

សញ្ញាត្រីកោណ ជាសញ្ញាសម្រាប់ប្រកាសអាសន្ន ឬស្ថានភាពមិនប្រក្រតីដែលកើតមានពេលរថយន្ត​ជួប​បញ្ហា​តាម​ផ្លូវ​។ ដូចនេះ ការមានសញ្ញានេះតាមខ្លួន ជារឿងល្អ ដោយសារតែយើងអាចផ្ដល់ដំណឹងឲ្យអ្នកដំណើរពីក្រោយឲ្យបន្ថយល្បឿន ពេលគេឃើញចំណាំងផ្លាតរបស់សញ្ញានេះ នៅក្នុងចម្ងាយសុវត្ថិភាពមួយ ពីយានយន្តរបស់យើង។

៣. ប្រអប់សង្គ្រោះបន្ទាន់

គ្រោះថ្នាក់ចៃដន្យ មិនថាធ្ងន់ឬស្រាល អាចកើតមានឡើងជាយថាហេតុ ដូចពេលដែលយើងប្រឹងជួសជុលរថយន្ត ហើយប៉ះនឹងវត្ថុក្ដៅធ្វើឲ្យរលាក ឬមុតនឹងអ្វីមួយជាដើម។ ប្រការល្អ រាល់ពេលធ្វើដំណើរអ្នកគួរតែមានប្រអប់សង្គ្រោះបន្ទាន់មួយ ដាក់តាមរថយន្ត។

៤. បំពង់ពន្លត់អគ្គីភ័យ

រឿងរ៉ាវទាក់ទងនឹងអគ្គីភ័យ ជារឿងដែលកើតឡើងដោយមិនអាចគ្រប់គ្រងភ្លាមៗនោះឡើយ។ ដូចនេះ ការមានបំពង់ពន្លត់អគ្គិភ័យនៅជាប់ខ្លួន ពេលជួសជុលម៉ាស៊ីន ដែលមានលេចធ្លាយប្រេងជាដើម ជាការការពារ និងគ្រប់គ្រងស្ថានការណ៍បានល្អ ពេលមានគ្រោះថ្នាក់ចៃដន្យដោយអគ្គីភ័យកើតឡើង។

៥. ខ្សែដូយអាគុយ

ពេលខ្លះមូលហេតុដែលរថយន្តមិនឆេះគឺបណ្ដាលមកពីអាគុយ។ ការមានខ្សែដូយអាគុយជាប់រថយន្ត ជារឿងចាំបាច់ព្រោះការដូយអាគុយ មិនសូវស្មុគស្មាញឡើយ អាចធ្វើបានដោយខ្លួនឯងបើសិនមានឧបករណ៍គ្រប់គ្រាន់។

៦. អាវភ្លៀង

ប្រសិនបើពេលរថយន្តរបស់អ្នកក្នុងពេលមេឃភ្លៀងនោះ អ្នកអាចគិតអំពីឆ័ត្រ។ ប៉ុន្តែ នៅពេលដែលអ្នកចាប់ផ្ដើមជួសជុល ឧទាហរណ៍ដូចជាប្ដូរកង់សាគួរជាដើមនោះ ឆ័ត្រអាចជាបញ្ហា ព្រោះត្រូវការដៃមួយកាន់ហើយវាធំ ទើសទែងទៀត។ យល់ល្អ មានអាវភ្លៀងដាក់តាមសាគួរមួយទៀត ជាការប្រសើរ។

៧. ខ្សែសណ្ដោង

នេះជាឧបករណ៍មួយដែលមានប្រយោជន៍បំផុត នៅពេលដែលយើងចង់ឲ្យគេសណ្ដោង ឬសណ្ដោងរថយន្តគេ។ ជាធម្មតា ខ្សែសណ្ដោង មិនមែនជាខ្សែរញ៉េរញ៉ៃ ពិបាកទុកដាក់នោះទេ។ ដូចនេះ មានវាតាមខ្លួនជារឿងល្អ មិនខាតទំហំច្រើន។

៨. ឧបករណ៍ប្រើពេលមានអាសន្ន

នៅពេលដែលរថយន្តរបស់អ្នកជួបគ្រោះថ្នាក់ ដូចជាធ្លាក់ចូលទឹកជាដើម ទាំងទ្វារ កញ្ចក់ និងខ្សែក្រវ៉ាត់សុវត្ថិភាពរបស់អ្នកអាចគាំង មិនអាចបើក មិនអាចទម្លាក់ចុះ និងចុចដោះបានឡើយ។ វិធីល្អ គឺយើងមានឧបករណ៍តូចមួយដែលអាចវាយបំបែកកញ្ចក់ ហើយកាត់ខ្សែក្រវ៉ាត់សុវត្ថិភាពចោល ដើម្បីរំដោះខ្លួនចេញពីទីនោះ។

៩. ប្រដាប់ដូយអាគុយ

ខ្សែសម្រាប់ដូយអាគុយវាមានប្រយោជន៍ សម្រាប់ពេលមានរថយន្តបើកកាត់ យើងអាចប្រើខ្សែនោះដូយអាគុយយើង ជាមួយនឹងអាគុយគេបាន។ ប៉ុន្តែ បើសិនជាអ្នកគ្មានសំណាងទេនោះ មានឧបករណ៍ម៉្យាងគឺប្រដាប់ដូយអាគុយ ដែលអាចប្រើជាមួយខ្សែដូយអាគុយហើយផ្ដល់កម្លាំងភ្លើង ដើម្បីឲ្យអាគុយយើងរស់មួយគ្រាសិនដែរ។

១០. ឧបករណ៍ GPS

នៅក្នុងតំបន់ដែលគ្មានសេវា ប្រព័ន្ធចាប់ទីតាំង GPS ក្នុងទូរស័ព្ទយើងអាចមិនដំំណើរការឡើយ។ ដូចនេះ ការមានឧបករណ៍ GPS សម្រាប់បង្ហាញទិសដៅនានា ជាការល្អ ដែលវាអាចជួយយើងឲ្យដឹងពីទិសដៅ និងទៅរកជំនួយបានទាន់ពេល។

១១. វិទ្យុ

ពេលដែលរថយន្តរលត់ ប្រព័ន្ធអគ្គិសនីក្នុងរថយន្តក៏អាចលែងដំណើរការដែរ។ ការមានកូនវិទ្យុមួយ នៅក្នុងរថយន្តអាចឲ្យអ្នកដឹងពីព័ត៌មាន ដូចជាបញ្ហាអាកាសធាតុជាដើម ដើម្បីឲ្យអ្នកបានត្រៀមខ្លួនរួចជាមុន។

១២. ភ្លើងឲ្យសញ្ញាដាក់លើដងផ្លូវ

ការប្រើប្រាស់សញ្ញាត្រីកោណ ជារឿងចាំបាច់ ប៉ុន្តែបើអាកាសធាតុអាប់អួរខ្លាំង ការដាក់ភ្លើងឲ្យសញ្ញាលើដងផ្លូវ ជាជំនួយការដ៏ល្អមួយ ព្រោះវាអាចដាក់បានលើផ្លូវ មិនចាំងភ្នែកអ្នកដំណើរឯទៀត ហើយក៏មិនងាយខូចដែរ ពេលរថយន្តបើកកិន។

ចុចអាន៖

• ឈប់ស្រពិចស្រពិលទៅ រថយន្ត​ប្រើ​ម៉ាស៊ីនម៉ាស៊ូត និងម៉ាស៊ីនសាំង មាន ៩ ចំណុច​ខុស​គ្នា
• ៥ ចំណុច​ កុំភ្លេច​ធ្វើ​ឲ្យ​សោះ បើ​គិត​ច្បាស់​ ចង់​​លុប​គណនី Facebook ចោល

ប្រភព៖ DigitalTrends ប្រែ​សម្រួល៖ ផាត សុវត្ថិ

Read More