Khmer Techno Innovation

Wednesday, January 20, 2016

ស្វែងយល់ពី Center Differential

ច័ន្ទ, 02 ធ្នូ 2013 08:36

Differential (diff.) មានបីកន្លែងគឺ ខាងមុខ (front diff.), កណ្តាល (center diff.) និង ខាងក្រោយ (rear diff.) ហើយ Differential និមួយៗមានមុខងារ និង អត្ថប្រយោជន៍ខុសៗគ្នា។

ក្នុងអត្ថបទនេះអូតូខ្មែរសូមលើកយក Center Differential មកបកស្រាយ៖

Center Differential ស្ថិតនៅចំពាក់កណ្តាលដងបង្វិល ដែលតភ្ជាប់ពីប្រអប់លេខខាងមុង ទៅផ្លូវកង់ផ្នែកខាងក្រោយជាមួយនិង Rear Diff. ហើយវាមានបំពាក់នៅលើ រថយន្តដែលដំណើរប្រព័ន្ធ four wheel drive full-time ប្រភេទ Off-Road ដូចជា Landcruiser, Prado, Lexus LX, 4Runner និង Land Rover ជាដើម។

Center Differential មានតួនាទីចែករំលែកថាមពលពីប្រអប់លេខ ទៅឲ្យកង់និមួយៗឲ្យបានស្មើរគ្នាៗ គឺ ខាងមុខ ៥០% និង និង ខាងក្រោយ ៥០%។

ម្យ៉ាងវិញទៀតវាមានអត្ថប្រយោជន៍ នៅពេលបត់រថយន្តនៅផ្លូវកោងរអិល តាមធម្មតាប្រសិនបើរថយន្ត មានតែប៉ុងមុខ (បើកបរដោយកាឡេមុខ) វានិងអាចរអិលនៅពេលបត់ ដោយសារតែខណៈដែលរថយន្តបត់ គំលាតកង់ខាងខាងមុខគឺ មានប្រវែងវែងជាងកង់ខាងក្រោយ (មើលបន្ទាត់កោងក្រហម) ចំណែកកង់ក្រោយគឺមានគំលាតខ្លីបំផុត (ពណ៌ខៀវ) ហើយកង់ខាងក្រោយពុំថាមពល រុញច្រានរថយន្តឲ្យទៅមុខនោះទេ។

មានតែ Center Diff. ទេដែលអាចកាត់បន្ថយបញ្ហានេះបានយ៉ាងងាយស្រួល ដោយរំលែកថាមពល ៥០% ពីកង់ខាងមុខ មកឲ្យកង់ខាងក្រោយ ដូច្នេះធ្វើឲ្យការបត់ពុំរអិល និងកង់ទាំង៤ វិលស្មើរៗគ្នា។ ដើម្បីរំលែកកំលាំង ៥០/៥០ បាន លុះត្រាតែយើង lock center diff. ដោយប្រើកុងតាក់សំរាប់រថយន្តទំនើប ឬ ចង្កឺះលេខកាពីតាស់សំរាប់រថយន្តស៊េរីចាស់។

តើគួរ unlock និង lock center diff. នៅពេលណា?

Unlock/Open center diff. (មិនប្រើ center diff.) នៅពេលៈ

បើកបរលើផ្លូវរាបស្មើរ ហើយស្ងួត

ផ្លូវថ្នល់កៅស៊ូ

Lock center diff. នៅពេលៈ

នៅលើផ្លូវពិបាក ដូចជាផ្លូវរអិល និង ផុកជាដើម

ពេលឡើង ឬ ចុះ ចំណោទ (ប្រសិនបើយើងមិន lock វានិងធ្វើឲ្យកង់ខាងមុខវិលញាប់រអិល នៅពេលឡើងទួល ដោយសារតែនៅពេលឡើងចំណោទ ទម្ងន់ទាំងអស់ត្រូវផ្ទេរទៅ ផ្នែកខាងក្រោយនៃរថយន្ត និង ធ្វើឲ្យម៉ាស៊ីនប្រឹងខ្លាំង)

ប្រសិនបើយើងមិន lock center diff. ទេ កង់ទាំងបួនអាចវិលជុំខុសៗគ្នា មានន័យថា វាអាចវិលញាប់ជាងគេនៅពេលវាជាប់ផុង វីដេខាងក្រោម បង្ហាញពីរថយន្ត LandRover ឡើងចំណោទដោយមិន Lock និង Lock center diff.

https://youtu.be/KBkR3Vhjm00

តើមានសញ្ញាណអ្វី ដែលអាចប្រាប់ថា ខ្សែឡាកាម ម៉ាស៊ីនមានបញ្ហា?

អង្គារ, 10 ធ្នូ 2013 09:30

ខ្សែឡាកាមមានពីរប្រភេទគឺ មួយជាប្រភេទខ្សែពាន និង មូយទៀតគឺជាច្រវ៉ាក់ ខ្សែទាំងពីប្រភេទនេះមានបំពាក់ លើរថយន្តទៅតាមម៉ូឌែលដែលរោងចក្រផលិត ដើម្បីដឹងថារថយន្តម៉ូឌែលណាខ្លះ មានបំពាក់ឡាកាមច្រវ៉ាក់ ឬ ខ្សែពាននោះ សូមចុចត្រង់នេះ។

សំរាប់រថយន្តបំពាក់ឡាកាមច្រវ៉ាក់មិនជាបញ្ហានោះទេ ប៉ុន្តែសំរាប់រថយន្តបំពាក់ឡាកាមខ្សែពាន ត្រូវពិនិត្យ និង សង្កេតឲ្យបានទៀងទាត់ ជៀសវាងមានបញ្ហានៅពាក់កណ្តាលផ្លូវ ព្រោះការផ្លាស់ប្តូរខ្សែនេះប្រើរយៈពេល ច្រើនម៉ោង និង ពិបាករកជាងនៅតំបន់ឆ្ងាយៗ។

មានសញ្ញាណមួយចំនួន ដែលអាចឲ្យលោកអ្នកដឹងមុន ថាខ្សែឡាកាមមានដំណើរការមិនប្រក្រតីៈ

នៅពេលខ្សែឡាកាមរលុង ទ្រនិចរង្វិលជុំល្បឿន និងឡើងខ្ពស់ខុសពីធម្មតា ខណៈកំពុងបើកបរ

ឮសំលេងរ៉ែៗ នៅពេលបញ្ឆេះរថយន្តពេលព្រឹក (ដោយមិនបើកម់ាស៊ីនត្រជាក់) ព្រោះ compressor ម៉ាស៊ីនត្រជាក់ក៏មានសំលេងស្រដៀងគ្នាដែរ

ពិបាកបញ្ឆេះរថយន្ត ត្រូវព្យាយាមច្រើនលើកទើបរថយន្តឆេះ

ម៉ាស៊ីនបាត់បង់កំលាំង

ការ៉ង់ទីឡើងចុះ

មានស្នាមប្រេះ ឬ មានជាប់តំណក់ប្រេង (ធម្មតាមិនងាយនិងពិនិត្យ លុះត្រាតែបើកគំរបវាចេញ)

នៅពេលដាច់ខ្សែឡាកាម ខណៈកំពុងបើកបរ អាចបណ្តាលឲ្យផ្នែកមួយចំនួននៃម៉ាស៊ីនទទួលរង ការខូចខាត។

ហេតុអ្វីបានជាសំបកកង់ សឹកមានទម្រង់ខុសៗគ្នា?

ច័ន្ទ, 23 ធ្នូ 2013 09:16

សំបកកង់ជាផ្នែកមួយមានតម្លៃថ្លៃ និង ជាផ្នែកចម្បងជួយការពារសុវត្ថិភាព អ្នក និង ក្រុមគ្រួសារលោកអ្នក ហើយវាក៏អាចបង្ហាញថា ផ្នែកណាមួយនៃគ្រឿងក្រោមរថយន្ត មានបញ្ហាផងដែរ។

១) កង់និមួយៗសុទ្ធតែមានកំណត់សំគាល់ ថាតើសំបកកង់សឹកដល់កំរិត ទើបដល់ពេលត្រូវប្តូរចេញ តាមរយៈរូបខាងលើយើងអាចមើលឃើញ ដុំបួនជ្រុង (មានរូបរាងផ្សេងៗគ្នា ទៅតាមម៉ាក) ដែលនៅចន្លោះក្រឡាកង់ ប្រសិនបើក្រឡាកង់សឹកស្មើរនិង ដុំបូនជ្រុងនេះ មានន័យថាកង់រថយន្តលោកអ្នកដល់ពេលត្រូវប្តូរហើយ។

វិធិសាមញ្ញក្នុងការ វាស់កង់រថយន្ត

ការតម្រង់កង់រថយន្ត មានសារៈសំខាន់ជួយផ្តល់សុវត្ថិភាពដល់លោកអ្នក ក្នុងការបើកបរនិងធ្វើអោយការបើកបរមាន លំនឹង និង រលូន ម្យ៉ាងវិញទៀតការពារសំបកកង់ សឹកមុនអាយុកាលរបស់វា តើមានវិធីណាងាយៗដែលអាច វាស់វែងកង់ដោយខ្លួនឯងបាន?

អានបន្ថែមនៅទីនេះ៖ ស្វែងយល់ពីការ តម្រង់កង់រថយន្ត។

ខាងក្រោមជាវិធីសាមញ្ញ ដោយប្រើខ្សែវាស់វែង កង់រថយន្តរបស់អ្នក:

ចតរថយន្តដោយតម្រង់ចង្កូតឲ្យត្រង់

យកខ្សែមកវាស់កង់មុខនិងក្រោយ ដោយវាស់ពីចំហៀងរថយន្ត (មើលរូបខាងលើ)

បន្ទាប់មកត្រពិនិត្យខ្សែ បរិវេណកង់ ថាតើខ្សែមានចន្លោះប្រហោង ឬ រឹតតឹងខ្លាំងទៅនិងកង់

បើដូច្នេះកង់រថយន្តរបស់លោកអ្នកត្រូវយកឲ្យជាងតម្រង់ឲ្យត្រង់ ការវាស់ខាងលើអាចឲ្យយើងដឹងថា កង់រថយន្តរថយន្តទាញទៅខាងណា ដូច្នេះត្រូវធ្វើការតម្រង់វាឲ្យបានត្រឹមត្រូវ សូមវាស់ដូចគ្នាចំពោះចំហៀងម្ខាងទៀត។

គន្លឹះនៃការថតរូបទាំង១០ប្រើជាមួយនឹងកាមេរ៉ាអាជីព

23 Jun, 2015 06:00

គន្លឹះខ្លីៗ, គន្លឹះខ្លីៗលើកាមេរ៉ា, ព័ត៌មានបច្ចេកវិទ្យា

3 Comment (s)

តើ ប្រិយមិត្តធ្លាប់ឆ្ងល់ទេថា ហេតុអ្វីបានជារូបថតដែលជាស្នាដៃរបស់អ្នកថតរូបអាជីពមានភាព ទាក់ទាញខុសពីធម្មតា? មូលហេតុនោះគឺដោយសារគេមានវិធីសាស្ត្រនៃការថតរបស់គេ។ ខាងក្រោមនេះជាវិធីសាស្ត្រ១០ដែលអ្នកថតរូបអាជីពបានចែករំលែក៖

១. Rule of Thirds
Rule of Thirds គឺជាការប្រើបន្ទាត់បួន ដោយបន្ទាត់ពីរដេក និងបន្ទាត់ពីរឈរ។ អ្នកថតរូបខ្លះយល់ថា ការថតយក Subject (មនុស្ស សត្វ រុក្ខជាតិ ឬវត្ថុដែលគេចង់ថត) ស្ថិតនៅត្រង់ចំណុចប្រសព្វរវាងបន្ទាត់ដេកនិងបន្ទាត់ឈរ អាចជាចំណុចប្រសព្វខាងលើ ឬខាងក្រោម ធ្វើឲ្យរូបភាពនោះមានសោភ័ណភាពជាងរូបដែល Subject ស្ថិតនៅចំចំណុចកណ្ដាល។

២. ទប់កាមេរ៉ាកុំឲ្យញ័រ
ដើម្បីកុំឲ្យកាមេរ៉ាញ័រ អ្នកត្រូវប្រើដៃទាំងសងខាង ដោយដៃម្ខាងកាន់តួខ្លួនកាមេរ៉ា និងម្ខាងទៀតកាន់ឡេនរបស់កាមេរ៉ា ហើយផ្អឹបកាមេរ៉ាទៅនឹងផ្ទៃមុខរបស់អ្នក។ អ្នកក៏ត្រូវប្រើប្រាស់ Shutter Speed ឲ្យត្រូវទៅនឹងកម្រិតឡេនរបស់អ្នកផងដែរ។ ប្រសិនបើឡេនរបស់អ្នកប្រភេទ ១០០ម.ម នោះ Shutter Speed មិនត្រូវទាបជាង ១/១០០ នោះទេ។

រូបខាងឆ្វេងព្រិលដោយសារកាន់កាមេរ៉ាមិននឹង ខុសពីរូបខាងស្ដាំច្បាស់ល្អដោយសារកាន់កាមេរ៉ាបាននឹងល្អ

៣. Sunny 16 Rule
Sunny 16 Rule ជាវិធីសាស្ត្រដែលប្រើសម្រាប់ថតរូបនៅពេលថ្ងៃ ក្រោមពន្លឺព្រះអាទិត្យល្អ។ នៅពេលដែលយើងថតរូបក្រោមពន្លឺថ្ងៃក្ដៅ វាមានការពិបាកដោយសារពន្លឺខ្លាំង ដូច្នេះយើងត្រូវកំណត់ Aperture F/16 និង Shutter Speed:1/100។ វិធីសាស្ត្រនេះផ្ដល់ភាពងាយស្រួលសម្រាប់កាមេរ៉ាណាដែលមិនមាន កញ្ចក់ LCD សម្រាប់មើលរូបពេលថតភ្លាមៗ។

៤. ប្រើប្រាស់ Filter Polarizing
ប្រសិនបើអ្នកមាន Filter Polarizing សម្រាប់ដាក់ជាប់ឡេនរបស់អ្នក នោះរូបភាពរបស់អ្នកនឹងកាន់តែស្រស់ស្អាត។ Filter នេះអាចកាត់បន្ថយចំណាំងផ្លាតនៃទឹក ដែក និងកញ្ចក់បាន ហើយក៏ជួយបង្កើនគុណភាពពណ៌នៃផ្ទៃមេឃ និងថែមទាំងជួយការពារឡេនរបស់អ្នកបានទៀតផង។

មើលរូបខុសគ្នារវាងអត់ដាក់ Filter (ខាងឆ្វេង) និងដាក់ Filter (ខាងស្ដាំ)

៥. បង្កើតរូបមើលទៅជាជម្រៅ
ពេលថតរូបទេសភាព អ្នកអាចបង្កើតរូបមានជម្រៅបាន។ ដូចរូបខាងក្រោមនេះ មើលទៅអ្នកនឹងឃើញជួរភ្នំ និងដងទន្លេវែងជ្រៅឆ្ងាយទៅក្រោយ។ ដើម្បីថតរូបបែបនេះ អ្នកគួរប្រើឡេន Wide-Angle ដែលអាចផ្ដិតយកទេសភាពបានទូលាយ និងកំណត់ Aperture F/16 ឬតូចជាងនេះ។ ថតដោយឲ្យ Subject របស់អ្នកនៅផ្នែកខាងមុខ (Foreground) នោះផ្នែកខាងក្រោយ (Background) នឹងមើលទៅមានជម្រៅសែនឆ្ងាយ។

៦. ប្រើប្រាស់ Background សាមញ្ញ
រូបភាពដែលល្អស្អាតគឺជារូបភាពដែលសាមញ្ញបំផុត គឺមាន Background មិនរញ៉េរញ៉ៃ ដោយរូបភាពប្រភេទនេះ ធ្វើឲ្យអ្នកទស្សនាផ្ដោតអារម្មណ៍តែទៅលើអ្វីដែលអ្នកចង់បង្ហាញគេ ប៉ុណ្ណោះ។ Background មិនរញ៉េរញ៉ៃនោះអាចជាជញ្ជាំងអគារពណ៌ស ជញ្ជាំងឥដ្ឋ ជញ្ជាំងមានពណ៌តែមួយមុខ ឬផ្ទាំងសំពត់ពុំមានរូប ឬពណ៌អ្វីច្រើនស្អេកស្កះ។

៧. កុំប្រើភ្លើង Flash ពេលថតនៅខាងក្នុង

ភ្លើង Flash ធ្វើឲ្យរូបភាពមើលទៅមិនធម្មជាតិ ជាពិសេសការថតរូបនៅខាងក្នុងផ្ទះ ឬអគារ។ ដើម្បីជៀសវាងការប្រើ Flash អ្នកគួរ កំណត់ ISO ពីចន្លោះ ៨០០ ទៅ ១៦០០ ហើយកំណត់ Aperture ឲ្យធំ F/1.8 ដើម្បីឲ្យពន្លឺចូលបានល្អ នោះអ្នកនឹងទទួលបានរូបភាពដែលមាន Background ព្រាលស្អាត។

៨. ជ្រើសរើស ISOឲ្យត្រឹមត្រូវ

របៀបនៃការកំណត់ ISO គឺអាស្រ័យទៅតាមស្ថានភាព។ ប្រសិនបើងងឹត ដំឡើង ISO ឲ្យធំពី៤០០ទៅ៣២០០ ប៉ុន្តែនៅពេលថ្ងៃវិញ ISO គឺកំណត់ត្រឹម១០០បានហើយ ឬក៏ឲ្យកាមេរ៉ាជាអ្នកកំណត់ដោយខ្លួនឯងក៏បាន (Auto)។

៩. ថត Subject បែប Motion

ប្រសិនបើអ្នកចង់ថត Subject បែប Motion ជាដំបូងកំណត់ Shutter Speed ឲ្យទាបបំផុត ត្រឹម ១/៦០។ ពេល Subject មានចលនា ដូចកំពុងជិះកង់ក្នុងរូបខាងក្រោម អ្នកអាចចុចថតហើយកាន់កាមេរ៉ារេតាមចាប់យក Subject នោះរហូតដល់កាមេរ៉ាបញ្ឈប់ការថត នោះអ្នកនឹងបានរូប Subject ច្បាស់ តែរូបផ្សេងៗដូចជា Background ឬ Foreground ព្រិលមិនខាន។

ដើម្បីឲ្យការថតរូបបែបនេះបានល្អ អ្នកថតរូបខ្លះបានជ្រើសរើសប្រើជើងទម្រ (Tripod) ដើម្បីកាត់បន្ថយរំញ័រ។

១០.រៀនថត Shutter Speed
ក្នុងគន្លឹះទី៩ អ្នកបានរៀនថតរូបភាពបែប Motion ប៉ុន្តែក្នុងនោះអ្នកក៏ដឹងពីរបៀបនៃការថតល្បឿនយឺត ឬ Slow Shutter Speed ផងដែរ។ ឥឡូវនេះ សាកហាត់ថតរូបបែបល្បឿនយឺតនេះជាមួយនឹង Subject មានចលនាផ្សេងទៀត ដូចជាកង្ហារកំពុងវិល កន្ត្រកកំពុងវិល ឬទងកំពុងយោល នោះអ្នកនឹងឃើញលទ្ធផលចេញមកគួរឲ្យភ្ញាក់ផ្អើលបែបណាមិនខាន។

-ចុចអាន៖ ប្លង់ថតកុនល្បីៗ សូម្បីភាពយន្តហូលីវូដក៏យកតាមនេះដែរ!

ប្រែសម្រួល៖ ហៃ សុខហេង
ប្រភព៖ exposureguide

11 Apr, 2015 07:00

អត្ថបទសំខាន់, គន្លឹះខ្លីៗ, គន្លឹះខ្លីៗលើកាមេរ៉ា

1 Comment (s)

ការ ថតរូបប្រៀបបីដូចជាការកម្សាន្តមួយបែប។ ប៉ុន្តែប្រិយមិត្តដឹងទេដើម្បីបង្កើតរូបភាពមួយដ៏ស្រស់ស្អាត និងមានភាពទាក់ទាញក៏មិនងាយដែរ។ ហេតុនេះទើបលោក ហ្សាឌីណាអ្នកថតរូបមួយរូបបានចែករំលែកគន្លឹះទាក់ទងការថតរូប ដែលប្រិយមិត្តអាចសាកល្បងសិក្សាស្វែងយល់អនុវត្ត។

១/ ការចាប់យកទីតាំងគោលដៅ (Composition)

ការចាប់យកទីតាំងគោលដៅ សំដៅទៅលើការចាប់យករូបភាពនៃវត្ថុមួយថាតើយើងគួរដាក់ទីតាំង វត្ថុនោះឲ្យនៅជ្រុងមួយណានៃរូបភាពនៅចំកណ្ដាល ខាងឆ្វេង ខាងស្ដាំ ខាងលើ ឫខាងក្រោម។ ជាធម្មតាយើងតែងតែថតរូបដោយកំណត់ឲ្យគោលដៅសំខាន់នៅចំកណ្ដាល។ ដើម្បីរូបកាន់តែស្អាត គួរសាកល្បងផ្លាស់ប្ដូរទីតាំងសាកមើល ដើម្បីទទួលបានរូបភាពមួយបែបទៀតដែលមានភាពទាក់ទាញ។

២/ រូបថតបង្ហាញពីសកម្មភាព Action

Action

រូបថតសកម្មភាពគឺជារូបថត ដែលបង្ហាញពីសកម្មភាពបែបធម្មជាតិរបស់មនុស្សឬសត្វ ដែលមើលទៅប្រៀបបីដូចជារូបថតដែលមានចលនាយ៉ាងដូច្នេះដែរ។ រូបថតដែលមានចលនាគឺជាប្រភេទរូបភាពមួយដែលទទួលបានការពេញនិយម ពីសំណាក់អ្នកថតរូបអាជីពជាច្រើន។

៣/ រូបថតលេងទឹកមុខ Expression

រូបថតប្រភេទនេះមិនត្រូវការការបកស្រាយច្រើនពីម្ចាស់រូបថត នោះទេ ដោយវាបានបង្កប់អត្ថន័យជ្រាលជ្រៅរបស់រូបភាពនេះផ្ទាល់ តាមរយៈការបញ្ចេញទឹកមុខបែប សប្បាយ សោកសៅ ឫរំភើប របស់មនុស្សនៅក្នុងរូបថត។ រូបថតប្រភេទនេះគឺជារូបថតមួយដែល កម្រចាប់យកបានណាស់ព្រោះការបញ្ចេញទឹកមុខរបស់មនុស្សម្នាក់ៗគឺ កើតចេញមកភ្លាមៗ។

៤/ រូបភាពបែបប្រៀបធៀប Comparison

រូបភាពដែលបង្ហាញពីសកម្មភាពពីរផ្សេងគ្នា ដូចជារូបភាពខាងក្រោមគឺបង្ហាញពីភាពស្លូតបូតរបស់នារី និងភាពរឹងមាំរបស់បុរស។

៥/ រូបភាពពណ៌ Color

Color

រូបភាពមួយដែលមានពណ៌ស្រស់ៗ ដូចជាពណ៌ទឹកក្រូច ពណ៌លឿង ពណ៌បៃតងជាដើម គឺជារូបភាពដែលមានភាពទាក់ទាញបំផុតដោយគយគន់មិនចង់ដកភ្នែកចេញ បាន។

៦/ រូបភាពបន្ទាត់ Line

Line-photos

រូបភាពបន្ទាត់គឺជារូបភាពដែលមើលពីជ្រុងណាក៏ទីបញ្ចប់វានៅ ទីតាំងតែមួយដែរ ដែលវាក៏ជាប្រភេទរូបថតមួយបែបទៀតដែលអាចថ្ពក់ចិត្តអ្នកទស្សនា បានផងដែរ ហើយរូបភាពនេះកម្រក្នុងការផ្ដិតយកវាបានណាស់។

អត្ថបទ៖ ហៃ សុខហេង

11 Mar, 2015 13:41

គន្លឹះខ្លីៗលើកាមេរ៉ា

2 Comment (s)

មនុស្ស ភាគច្រើននៅពេលចង់ទិញកាមេរ៉ាថ្មីមួយពពួក DSLR (Digital Single Lens Reflex) តែងតែពិបាក មិនដឹងជ្រើសរើសរកកាមេរ៉ាមួយណាដែលថតបានស្អាត ហើយសមនឹងលុយដែលយើងមាននោះទេ។

Canon-5Dsr

ខាងក្រោមនេះជាចំនុចសំខាន់ខ្លះៗដែលយើងត្រូវដឹងមុនពេលទិញកាមេរ៉ា៖

@ មានថវិកាប៉ុន្មានសម្រាប់ទិញ ហើយរកកាមេរ៉ាមួយណាដែលសមល្មមនឹងលុយរបស់អ្នក
@ យើងទិញកាមេរ៉ាហ្នឹងថតអ្វី? ថតលេងក្នុងគ្រួសារ និងមិត្តភភ្តិ ឬចង់ក្លាយជាអ្នកថតរូបអាជីព
@ កម្រិតកាមេរ៉ាមានប៉ុន្មានមេហ្គាភិកសែល?
@ កែវ(Lens) ប្រភេទណា? Canonមានវាន់ពណ៌ប្រាក់ មាស និងក្រហម (ប្រភេទLensវាន់ក្រហម មានតម្លៃថ្លៃជាងវាន់ប្រាក់ និងមាស អ្នកប្រើភាគច្រើនជាអ្នកអាជីពថតរូប)។ សម្រាប់កែវរបស់Nikon វិញមានlensធម្មតា និងN-Lens (N-Lensជាប្រភេទLens ដែលមានតម្លៃ និង លក្ខណដូចLensវាន់ក្រហមរបស់Canonដែរ)។
@ ត្រូវដឹង ISOអាចតម្លើងដល់កម្រឹតណា (១៦០០,៦៤០០,១២៨០០) ឬអាចលើសពីនេះ។ បើISOកាន់តែខ្ពស់ងាយស្រួលក្នុងការថតក្នុងទីងងឹតខ្វះពន្លឺ។
@ ល្បឿនថតបានប៉ុន្មានសន្លឹកក្នុងមួយវិនាទី(Shutter speed)
@ ប្រភេទមេម៉ូរី CF card ឬSD card
@ អាចថតវីដេអូបានទេ!
@ ចំណុចចាប់រូប(Focus point AF)មានប៉ុន្មាន? បើមាន Focus point AF កាន់តែច្រើនកាន់តែល្អ ពិសេសសម្រាប់អ្នកចាប់ផ្តើមថតដំបូង។
@ មាន WiFi ឬអត់(ងាយស្រួលទាញរូបថតចេញពីកាមេរ៉ាមកទូរសព្ទដៃភ្លាមៗ អាចផុស Facebook បានភ្លែតៗ)។

សូមអ្នកសួរសំនួរនេះទៅកាន់អ្នកលក់មុនអ្នកទិញកាមេរ៉ា។ អស់ចម្ងល់ហើយមែនទេ! ទិញកាំមេរ៉ាដែលអ្នកស្រលាញ់មកកាន់ក្នុងដៃ!

ជួយប្រាប់គន្លឹះទាំងនេះប្រាប់ដល់មិត្តភ័ក្តអ្នកដែលមិនបានដឹងផង៕

ចុចអាន កាំមេរ់ា៦ម៉ូដែលល្បីខាងថតរូបនៅទីងងឹតបានច្បាស់ និងស្អាតជាងគេ

អត្ថបទ៖លន ហ្សាឌីណា

Khmer Techno Innovation

Wednesday, January 20, 2016

ស្វែងយល់ពី Center Differential

តើមានសញ្ញាណអ្វី ដែលអាចប្រាប់ថា ខ្សែឡាកាម ម៉ាស៊ីនមានបញ្ហា?

ហេតុអ្វីបានជាសំបកកង់ សឹកមានទម្រង់ខុសៗគ្នា?

វិធិសាមញ្ញក្នុងការ វាស់កង់រថយន្ត

Tuesday, January 5, 2016

គន្លឹះនៃការថតរូបទាំង១០ប្រើជាមួយនឹងកាមេរ៉ាអាជីព

23 Jun, 2015 06:00

បង្កើតរូបថតមួយកាន់តែទាក់ទាញ ស្វែងយល់ពីប៉ុន្មានចំណុចនេះ

11 Apr, 2015 07:00

ចង់បានកាមេរ៉ាត្រូវដឹងអ្វីខ្លះមុននឹងទិញ!

11 Mar, 2015 13:41

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels