Khmer Techno Innovation

Drone និងQuadcopter ត្រូវបានបង្កើតឡើងតាំងពីមុនសង្គ្រាមលោក

Drone ឬយើងនិយមហៅថាយន្តហោះគ្មានមនុស្សបើក បានបង្កើតឡើងក្នុងគោលដៅជួយមនុស្សប្រើប្រាស់មធ្យោបាយថ្មី នៃការបង្ហោះឧបករណ៍ទំនើបទៅលើអាកាស ដោយមានសមត្ថភាពពិសេសរួមមានការលេងហ្គេមតាមបច្ចេកវិទ្យា AI និងអនុញ្ញាតឲ្យអ្នកប្រើប្រាស់អាចផ្ដិតយករូបភាពពីលើអាកាសបានយ៉ាងអស្ចារ្យ។

ទៀតសោត Drone ក៏មានសមត្ថភាពខ្ពស់ជាងមនុស្ស ដែលវាអាចហោះចូលទៅកាន់កន្លែងមានគ្រោះថ្នាក់ដែលមនុស្សមិនអាចចូលទៅបាន ហើយ Drone អាចធ្វើការបានយ៉ាងរលូន។ តើអ្នកធ្លាប់ដឹងច្បាស់ពីដើមកំណើត និងការវិវត្តនៃ Drone ដែរឬទេ?

@ អ្វីទៅជា Drone ឬ Quadcopter?

ដំបូងឡើយមានត្រឹមតែឈ្មោះ Drone មួយគត់ ដោយវាជាឧបករណ៍ UAVs (Unmanned Aerial Vehicle) ដែលត្រូវបានគេស្គាល់ថាជាឧបករណ៍ហោះលើអាកាសគ្មានមនុស្សបើក។ ត្រូវបានបញ្ចូលដោយប្រព័ន្ធ Software-Controlled ដោយវាដំណើរការជាមួយប្រព័ន្ធ GPS ក្នុងការត្រួសត្រាយផ្លូវ និងកំណត់នូវការបម្លាស់ទីរបស់វា។

Quadcopter ជាឈ្មោះក្រោយមួយទៀតនៃប្រភេទឧបករណ៍ UAVs។ ជាប្រភេទឧបករណ៍ដែលមានស្លាបចក្រ ៤ ដែលមាន ២ វិលតាមទ្រនិចនាឡិកា និង ២ ទៀតវិលបញ្ច្រាសទ្រនិចនាឡិកា ដើម្បីជំរុញឲ្យឧបករណ៍នោះអាចហោះបាន ហើយវាត្រូវបានវិវត្តដោយមានតេឡេបញ្ជាពីចម្ងាយថែមទៀតផង។

@ដើមកំណើតនៃឧបករណ៍ UAVs:

ដូចដែលបានបញ្ជាក់ខាងលើដូច្នោះដែរ UAVs ជាប្រភេទឧបករណ៍ដែលសំដៅទៅលើ Drone និង Quadcopter នោះឯង គ្រាន់ថាវាមានការអភិវឌ្ឍបញ្ចូលនូវបច្ចេកវិទ្យាទំនើបច្រើននាពេលបច្ចុប្បន្ន។ ចុះវាបង្កើតនៅឆ្នាំណា? ហេតុអ្វីគេបង្កើតវាឡើង?
Drone ដំបូងឡើយត្រូវបានប្រើប្រាស់សម្រាប់តែកងទ័ពប៉ុណ្ណោះ។ កងទ័ពអូទ្រីសបានបង្កើតឧបករណ៍នេះឡើងក្នុងគោលបំណងសម្រាប់ប្រើប្រាស់ក្នុងការធ្វើសង្គ្រាម។ អូទ្រីសបានវាយប្រហារទីក្រុងវ៉េនីសនៅឆ្នាំ ១៨៤៩ ជាមួយប៉េងប៉ោងខ្យល់គ្មានមនុស្សបើក ដែលពោរពេញទៅដោយសារជាតិផ្ទុះ។ ប៉ុន្តែក្រោយៗមកបច្ចេកវិទ្យាប្រភេទនេះក៏ត្រូវបានគេយកទៅប្រើប្រាស់ទាំងក្នុងសង្គ្រាមលោកលើកទី ១ និងទី ២ ក៏ដូចជាសង្គ្រាមត្រជាក់ ដែលចាប់ផ្ដើមឡើងនៅអំឡុងឆ្នាំ ១៩៤៧។

ចំណែកឯឧបករណ៍ Quadcopter ដំបូងបង្អស់មានឈ្មោះថា Omnichen 2 បង្កើតឡើងដោយអ្នកវិស្វករ Etienne Omnichen នាឆ្នាំ ១៩២០។ ការសាកល្បងទទួលបានកំណត់ត្រាដោយហោះបានចម្ងាយ ៣៦០ ម៉ែត្រ ធ្វើបានជោគជ័យ ១០០ ដង។ ក្រោយមកចូលជំនាន់ទី ២ នាឆ្នាំ ១៩៥៦ មានឈ្មោះថា Convertawings Model A បង្កើតឡើងដោយលោក George E.Bothezat ។

@ការអភិវឌ្ឍនាពេលបច្ចុប្បន្ន:

ចូលមកទល់បច្ចុប្បន្ន រយៈកាល ១០ ឆ្នាំចុងក្រោយនេះ Drone បានទទួលភាពជោគជ័យលើទីផ្សារយ៉ាងពេញទំហឹង ខណៈមានក្រុមហ៊ុនធំៗជាច្រើនដូចជា Heli-Max, Balde, Walker, Parrot និង DJI បានចាប់ផ្ដើមបង្កើតនូវ Mini Drone (ខ្នាតតូច) ដែលមានបញ្ចូលនូវបច្ចេកវិទ្យាពិសេសជាច្រើន បន្ថែមនឹងដៃបញ្ជាដ៏ទំនើប។

@អត្ថប្រយោជន៍នៃការប្រើប្រាស់ Drone/Quadcopter:

ឧបករណ៍ទាំងពីរខាងលើសុទ្ធសឹងតែមានអត្ថប្រយោជន៍ខ្ពស់ ដែលក្រៅពីហោះហើរដោយគ្មានមនុស្សបើក វាក៏មានលក្ខណៈពិសេសផ្សេងទៀតដូចជា:

+ផ្នែកបច្ចេកវិទ្យា:

អាចគាំទ្រការប្រើប្រាស់បច្ចេកវិទ្យា GPS, មុខងារទប់លំនឹងស្ថិរភាពកាមេរ៉ា, គាំទ្រប្រព័ន្ធ WiFi ដែលជាមុខងារងាយស្រួល សម្របនឹងការប្រើប្រាស់ដើម្បីបំពេញតម្រូវការផ្សេងៗ។

+អត្ថប្រយោជន៍នៃស្លាបចក្រទាំង ៤:

ខណៈដែលវាមានស្លាបចក្រ ៤ នោះក៏បានជំរុញឲ្យភាពបត់បែន និងលំនឹងហោះហើរ មានភាពរស់រវើក រហូតដល់គេប្រើប្រាស់ក្នុងគោលដៅពិសេសទាំងក្នុងផ្នែកយោធា និងច្បាប់។ សម្រាប់ការតាមដានបទល្មើសផ្សេងៗ ជាមួយនឹងការដឹកជញ្ជូនសម្ភារៈសំខាន់ទៅដល់កងយោធា។

+ប្រព័ន្ធសុវត្ថិភាព:

ប្រព័ន្ធបច្ចេកវិទ្យាពិសេសដែលបានផ្ទុកក្នុងឧបករណ៍មួយនេះ បានផ្លាស់ប្ដូរឲ្យវាក្លាយទៅជារបស់របរលេងមួយសម្រាប់កូនក្មេងបានផងដែរ។ ដោយគេបង្កើតវាឡើង អាចហោះបានយ៉ាងសុវត្ថិភាពទាំងក្នុងផ្ទះនិងក្រៅផ្ទះ រហូតដល់សូម្បីតែអ្នកកាសែត ក៏បានប្រើប្រាស់ដើម្បីផ្ដិតយកហេតុការណ៍ និងរូបភាពពីលើអាកាស។ មិនតែប៉ុណ្ណោះទាំងការថតភាពយន្តខ្នាតធំនៃក្រុមហ៊ុនផលិតរឿងហូលីវូដ ក៏ចាំបាច់ត្រូវការប្រើប្រាស់វាផងដែរ ដោយជំនួសពីការប្រើឧទ្ធម្ភាគចក្រមានមនុស្សបើក ដែលត្រូវចំណាយលុយច្រើន៕

របៀប Activate កម្មវិធី Ms.Office 2010 ដល់ 2016 ដោយខ្លួនឯង

ដោយមានការសំណូមពរពីប្រិយមិត្តដែលជួបបញ្ហាញឹកញាប់លើកម្មវិធី Office រាល់ពេលវាយបើក Word, Excell ឬPowerPoint ម្ដងៗ តែងលោតពាក្យមួយឃ្លា អមដោយបន្ទាត់ក្រហមមួយទារឲ្យបញ្ចូល Key Activate ដែលធ្វើឲ្យរាំងស្ទះការងារ និងជាបញ្ហាគួរឲ្យធុញគួរសមដែរ ហើយវិធីសាស្ត្រដោះសា្រយវាមានច្រើនរបៀប។ ថ្ងៃនេះ ក្រុមការងារសូមលើកយកដំណោះស្រាយតូចមួយ សម្រាប់យកទៅរៀនដោយខ្លួនឯងបាន។

កម្មវិធី Office

តោះ! ចង់ដឹងថា វិធីធ្វើយ៉ាងម៉េច អានការណែនាំខាងក្រោមនេះ៖

១) សម្រាប់អ្នកកំពុងជួបបញ្ហា លោតពាក្យ Activations!

-ដំបូង ចូលទៅកាន់ Google រួចវាយពាក្យ KMSpico Filehippo ចុចទីនេះ ឬវាយពាក្យ Index of KMSpico ចុចទីនេះ រួចចុចដោនឡូតយកកម្មវិធីនោះ(ទំហំ 5.0MB)
-រួចដោនឡូតចប់ ចូលទៅបើកកម្មវិធី KMSpico រួចចុចលើពាក្យ Token-> រើសយកពាក្យ Office(2010, 2013 ឬ 2016) មួយណាក៏បាន តាម Version ដែលអ្នកកំពុងប្រើ
-រួចចុចលើសញ្ញាប៊ូតុងពណ៍ក្រហម នោះវានឹងចូលទៅ Activate Office របស់អ្នកដោយស្វ័យប្រវត្តិ ។

File hippo

kmspico

របៀប Activate កម្មវិធី Ms.Office 2010 ដល់ 2016

២) សម្រាប់អ្នកមិនទាន់ជួប តែចង់ Activate ឲ្យហើយ

សំដៅទៅលើអ្នកប្រើដែលមិនទាន់ប្រាកដថា កម្មវិធី Office របស់ខ្លួនបាន Activate រួចឬនៅ? ដោយគ្រាន់តែត្រូវចូលទៅបើកមើល Microsoft Office(Word, Excell, PowerPoint) រួចចុចលើពាក្យ File-> Account(Office 2013,2016) ជាមុនសិន តើវាបាន Activate ហើយឬនៅ?(ដូចរូប) បើនៅទេ អាចអនុវត្តតាមវិធីខាងលើ។

របៀបមើល Office បាន Activate ឬនៅ?

ចំណាំ៖
របៀបដែលរៀបរាប់ខាងលើ មិនប៉ះពាល់ដល់ Windows នោះទេ ទោះជាកម្មវិធីតែមួយក៏ដោយ អ្នកទាំងអស់គ្នា អាចប្រើវាបានក្នុងពេលតែមួយដោយគ្មានបញ្ហា។ ប្រសិនបើចម្ងល់ ឬមិនទាន់ត្រង់ចំណុចណា អាចបញ្ចេញមតិនៅខាងក្រោមនេះបាន៕

ចង់ប្រើ IDM បានរហូតមិនបារម្ភរឿងលោត Serial Number អនុវត្តតាមវិធីនេះ

សម្រាប់អ្នកដែលកំពុងប្រើកម្មវិធីសម្រាប់ដោនឡូតចម្រៀង ឬវីដេអូ Internet Download Manager ប្រាកដជាមានកង្វល់មួយដែលមិនទាន់ដោះស្រាយបាន ដោយសារប្រើសុខៗក៏លោតឲ្យវាយលេខ Serial numbers ទាំងមិនដឹងខ្លួនសោះ។

Internet Download Manager

#តោះ! ចង់ដឹងថា វិធីធ្វើឲ្យកុំលោតលេខ Serial numbers អនុវត្តតាមខាងក្រោមនេះ

/សម្រាប់អ្នកដែលតំឡើងកម្មវិធី IDM រួចរាល់

ចំពោះអ្នកដែលមានកម្មវិធី IDM នៅលើកុំព្យូទ័រហើយ គ្រាន់តែចុចដោនឡូត Link IDM ចុចនៅទីនេះ

-រួចបើក Folder ហើយចុចយក Patch ណាមួយក៏បាន
-រួចរើសយកប្រភេទ 32-bits ឬ 64-bits តាម Windows របស់អ្នកទាំងអស់គ្នា
-រួចចុច Next->Next. ពេលរួចរាល់ចូលទៅបើក IDM ចុចលើពាក្យ About អ្នកនឹងឃើញ Registation មានន័យថា អាចប្រើបានរហូតហើយ។

បញ្ជាក់៖ នៅពេលតំឡើង ចាំបាច់ត្រូវបិទកម្មវិធីកម្ចាត់មេរោគសិន។

/សម្រាប់អ្នកទើបចាប់ផ្ដើមប្រើកម្មវិធី IDM

ចំពោះអ្នកទើបចាប់ផ្ដើម IDM ហើយចង់បានកម្មវិធីនេះដាក់លើកុំព្យូទ័រ ចុចនៅទីនេះ រួចអនុវត្តតាមវីដេអូខាងក្រោមនេះ

ចំណាំ៖ នៅពេលប្រើ បើលោតសារឲ្យវាយបញ្ចូលលេខ Serial ជាថ្មី គ្រាន់តែចុច Cancel ជាការស្រេច។ បើប្រិយមិត្តមានចម្ងល់ ឬមិនទាន់ត្រង់ចំណុចណាមួយ អាចបញ្ចេញមតិខាងក្រោមនេះបាន៕

Lexus RX 300 មានប៉ុន្មានស៊េរីឆ្នាំ ខុសគ្នាត្រង់ណាខ្លះ

កន្លងមកបានប្រិយមិត្តបានដឹងខ្លះៗហើយពី ប្រវត្តិនៃរថយន្ត Lexus RX ដែលមានចែកចេញជាច្រើនស៊េរី និង ច្រើនប្រភេទ។ ថ្ងៃនេះមកតាមដានលម្អិតពីប្រភេទ Lexus RX 300 វិញម្ដង ដើម្បីងាយស្រួលក្នុងការសម្រេចចិត្តទិញ។

Lexus RX 300 មានចែកចេញជា ៣ ស៊េរីឆ្នាំខុសៗគ្នាដោយរួមមាន៖

ស៊េរីឆ្នាំ ១៩៩៩

Lexus RX 300ស៊េរីឆ្នាំ ១៩៩៩ បានចេញលក់ចាប់ពីឆ្នាំ ១៩៩៨ ដល់ ឆ្នាំ ២០០៣ ដោយមានបំពាក់ម៉ាស៊ីន V-6 ទំហំ ៣,០ លីត្រ មានប្រព័ន្ធបើកបរប៉ុងមួយ (Front-Wheel-Drive)។ ប្រអប់លេខវិញជាប្រភេទអូតូមាន ៤ វគ្គ ដោយរួមមាន "Snow Mode” អាចបើកបរលើស្ថានភាពផ្លូវមានព្រិលបានល្អ។ ប្រព័ន្ធសំឡេង Pioneer ដែលមានឧបករណ៍បំពងសំឡេងចំនួន ៧ មានជាប្រភេទស្តង់ដារលើរថយន្តនេះ។

នៅផ្នែកខាងក្នុងវិញមានការរចនាដោយប្រើឈើ Walnut, មានកៅអីអង្គុយពីរជួរ រួមទាំងមានឃ្លុបដាក់ឥវ៉ាន់នៅខាងក្រោយយ៉ាងទូលាយ។ តាប្លូដែលនៅចំកណ្ដាលជាប្រភេទ LCD អាចបង្ហាញទិន្នន័យសម្រាប់ការចាក់ចម្រៀង, អាកាសធាតុ និង ទិន្នន័យនៃការបើកបរ។ កៅអីអង្គុយជួរខាងក្រោយក៏អាចសម្រួលទៅមុខទៅក្រោយ និង អាចបត់ចុះក្រោយបានដើម្បីពង្រីកទីតាំងឃ្លុបសម្រាប់ដាក់ឥវ៉ាន់។

មុខងារសុវត្ថិភាពរួមមានពោងសុវត្ថិភាពសម្រាប់កៅអីអង្គុយខាងមុខ, ពោងសុវត្ថិភាពនៅផ្នែកចំហៀងសម្រាប់កៅអីអង្គុយខាងមុខ, ហ្វ្រាំង ABS, ធ្នឹមទប់ទល់នឹងការប៉ះទង្គិចពីចំហៀង និង ឧបករណ៍សម្រាប់កល់ក្បាលចំនួន ៥។ មិនតែប៉ុណ្ណោះក៏មានជម្រើសសម្រាប់បន្ថែមមុខងារ Vehicle Stability Control (រក្សាលំនឹងរថយន្ត) និង Electronic Stability Program (មុខងាររក្សលំនឹងអេឡិចត្រូនិក) ផងដែរ។

តាមការអះអាងពីរោងចក្រថារថយន្តនេះអាចបើកបរនៅល្បឿនអតិបរមា ១៨០ គ.ម/ម៉។ ចំពោះការធ្វើតេស្តលើកម្រិតស៊ីប្រេងឥន្ធនៈវិញលទ្ធផលឃើញថាមួយលីត្រអាចបើកបានចម្ងាយផ្លូវជាមធ្យម ៨,៩ គីឡូម៉ែត្រ។ ធុងផ្ទុកប្រេងឥន្ធនៈមានទំហំ ៦៥ លីត្រ អាចធ្វើដំណើរជាមធ្យមបាន ៤៨៩ គ.ម សម្រាប់ការចាក់មួយពេញ។

ស៊េរីឆ្នាំ ២០០០

ឆ្នាំ ២០០០ រថយន្តម៉ូដែល RX 300 នេះទទួលបានការអាប់ដេតថ្មីលើផ្នែកចង្កៀងខាងមុខ និង ចង្កៀងខាងក្រោយ រួមជាមួយនឹងជម្រើសអំពូលប្រភេទ HID (High-Intensity Discharge) ផងដែរ។ នៅផ្នែកខាងក្នុងក៏មានការកែសម្រួលបន្ថែមប្រព័ន្ធប្រាប់ទិសដៅ ហើយមានបន្ថែមជម្រើសពណ៌ក្រហមសម្រាប់រូបរាងខាងក្រៅ។ ក្រៅពីចំណុចទាំងនេះលក្ខណៈសម្បត្តិដទៃទៀត ដូចគ្នានឹងស៊េរីឆ្នាំ ១៩៩៩ ដែរ។

ស៊េរីឆ្នាំ ២០០៣

Lexus RX 300ស៊េរីថ្មីឆ្នាំ ២០០៣ បានបង្ហាញខ្លួនលើទីផ្សារអឺរ៉ុប និង អាស៊ាន នៅដើមឆ្នាំ ២០០៣ ផលិតនៅប្រទេសជប៉ុន។ RX 300 ស៊េរីនេះមានតែជម្រើសប្រព័ន្ធបើកបរប៉ុងពីរ (All-Wheel-Drive) តែប៉ុណ្ណោះ ដោយមានម៉ាស៊ីន V6 ទំហំ ៣,០ លីត្រ អាចបង្កើតកម្លាំងបាន ២២០ សេះ។ ក្រៅពីប្រព័ន្ធបើកបរស៊េរីឆ្នាំ ២០០៣ នេះមិនមានកន្លែងណាទៀតដែលខុសគ្នាពីស៊េរីឆ្នាំ ១៩៩៩ និង ឆ្នាំ ២០០០ នោះឡើយ៕

វិធីបើកមុខងារបិទការរំខាន (Do Not Disturb) លើស្មាតហ្វូន Android

ក្នុងអំឡុងពេលសិក្សា, អង្គប្រជុំ ក៏ដូចជាការណាត់ជួបដ៏សំខាន់ណាមួយ ជាធម្មតាប្រិយមិត្តមិនចង់ឲ្យមានការរំខានពីការ Call ចូលនោះឡើយ ហើយក៏មិនចង់បើកមុខងារ Airplane Mode ព្រោះខ្លាចគេគិតថាយើងបិទទូរសព្ទ។ ម្ល៉ោះហើយអ្នកប្រើប្រាស់ច្រើនប្រើមុខងារ Do Not Disturb ដោយកន្លងទៅ Sabay ធ្លាប់ណែនាំអំពី iOS ប៉ុន្តែថ្ងៃនេះចែកជូនអ្នកប្រើ Android វិញម្ដង។

វិធីទី ១:

អូសចូលផ្ទាំង Notification ដោយអូសផ្នែកអេក្រង់ខាងលើបង្អស់មកក្រោម ហើយអ្នកនឹងឃើញផ្ទាំងជម្រើស Option ច្រើនក៏ដូចជា icon រូប Do Not Disturb (ភាគច្រើនទូរសព្ទជំនាន់ Android 6.0 ឡើងមានបែបនេះ)។ ចុចលើនោះវាមាន ៣ ជម្រើសផ្សេងពីគ្នា:

-Total Silence: គ្មានអ្វីដែលអាចរំខានអ្នកបានទាំងអស់
-Alarms Only: ការកំណត់ម៉ោងរោទ៍អាចរំខានអ្នកបាន
-Priority Only: សំខាន់លើការកំណត់របស់អ្នក។

វិធីទី ២:

-ចូលទៅកាន់ Settings > Sound & Nofication
-មើលត្រង់កន្លែង Do Not Disturb សូមធ្វើការកំណត់ទៅតាមចិត្តរបស់អ្នក។ (អ្នកក៏អាចធ្វើការកំណត់តាមរយៈពេលវេលា ឧទាហរណ៍: ១៥ នាទី ឲ្យវាដំណើរការដោយស្វ័យប្រវត្តិវិញ)៕

កាលពីសប្ដាហ៍មុន Sabay បានបង្រៀនអ្នកទាំងអស់គ្នាអំពីវិធីប្រើប្រាស់ Telegram ដោយឡែកចំពោះសប្ដាហ៍នេះក្រុមការងារនឹងបង្ហាញអំពីការប្រើបណ្ដាញសង្គម WhatsApp វិញម្ដង។

#វិធីបង្កើតគណនី WhatsApp

- ទាញយកកម្មវិធី WhatsApp iOS | Android

២.បើកកម្មវិធី WhatsApp ឃើញសារមួយសូមចុច Ok > ចុច Agree & Continue

៣.វាយបញ្ចូលលេខទូរសព្ទ (រើសយក Cambodia +855) > ចុច Done ៤.បំពេញកូដ ៦ ខ្ទង់ ដែលផ្ញើចូលមកកាន់ទូរសព្ទរបស់យើង (ឧទារហណ៍: 773-520)

៥. បំពេញឈ្មោះគណនី និង រូបភាពតាំង Profile Picture > ចុច Done (ជាការស្រេច)

#ការប្រើប្រាស់
WhatsApp អាចអនុញ្ញាតឲ្យអ្នកធ្វើការផ្ញើចេញនូវសម្លេង, សារជាអក្សរ, រូបភាព/ GIF, វីដេអូ, សំណុំឯកសារ, ការ Share Location និងការ Call ១ ទល់នឹង ១ ជាមួយដៃគូម្ខាងទៀត។
១. ដើម្បីធ្វើការ Chat ជាមួយបុគ្គលដទៃបាន សូមធ្វើការចុចចូលទីតាំង Chat ដែលមាននៅផ្នែកខាងក្រោម

២. ត្រង់ផ្នែកខាងលើ ចុចរូបតំណាងមានខ្មៅដៃ អ្នកអាចបង្កើតក្រុម Chat ជា Group ក៏បានឬរវាងបុគ្គលណាម្នាក់ក៏បាន ដោយជ្រើសរើសឈ្មោះនរណាម្នាក់ចេញពីបញ្ជី Contact (ករណីអ្នកប្រើ WhatsApp ដែរ ទើបបង្ហាញ)

៣. ធ្វើការវាយបញ្ចូលតួអក្សរផ្សេងៗ ដើម្បីផ្ញើសារ ម្យ៉ាងទៀតអ្នកក៏អាចចុចត្រង់សញ្ញា + នៅចំហៀងខាងឆ្វេង ដែលវានឹងផ្ដល់ជម្រើសមុខងារច្រើនទៀតរួមមាន:

កាមេរ៉ា: អាចរើសរូបភាពចេញពី Camera Roll/Gallery ផ្ទាល់ក៏បានឬអាចថតផ្ញើភ្លាមៗ
Document: អាចធ្វើការផ្ញើចេញនូវឯកសារផ្សេងៗ មិនថាតែចេញពី Google Drive...
Location: អាចធ្វើការចែករំលែកនូវទីតាំងដែលអ្នកកំពុងឈរ បង្ហាញទៅកាន់អ្នកដទៃ

#មុខងារពិសេសៗរបស់ WhatsApp
១.មុខងារ Last Seen:

អ្នកអាចធ្វើការកំណត់កុំឲ្យមិត្តភ័ក្ដិរបស់អ្នកដឹងថាពេលចុងក្រោយបំផុត អ្នក Online នៅពេលណា។ ចុចចូលទៅកាន់ Settings > Account > Privacy > Last Seen រើសយក Nobody។ បើជាប់ Everyone នរណាក៏ដឹងគ្រប់គ្នា និង My contacts មានតែអ្នកជាប់ក្នុងបញ្ជីឈ្មោះទូរសព្ទទើបដឹង។
២.កំណត់ទំហំប្រើប្រាស់អ៊ីនធឺណិត:

អ្នកអាចធ្វើការគ្រប់គ្រងបាននូវទំហំអ៊ីនធឺណិត ចំណាយច្រើនកម្រិតណាក្នុងការប្រើប្រាស់ WhatsApp ជៀសវាងការ Download វីដេអូឬរូបភាពច្រើនជ្រុល ធ្វើឲ្យអស់លុយទូរសព្ទលឿន។ ចូលទៅកាន់ Settings > Data Usage > រើសនូវទំហំកំណត់ដែលគិតថាល្អសម្រាប់អ្នក។
៣.កំណត់ Notification ពិសេស:

បើអ្នករង់ចាំទទួលការឆ្លើយតបពីគណនីសំខាន់ណាមួយ អ្នកអាចធ្វើការកំណត់ Notification ពីពួកគេ ដោយចូលទៅក្នុងប្រអប់ Chat ជាមួយនរណាម្នាក់ ហើយចុចលើឈ្មោះរបស់គេ នៅផ្នែកខាងលើ > ចុចបើក Use Custom Notification > ធ្វើការកំណត់នូវសម្លេងឬអ្វីផ្សេងទៀត ដែលលោតប្លែកពីគណនីដទៃ។
៤.កែច្នៃស្ដាយផ្ញើសារ:

អ្នកអាចធ្វើការកែច្នៃបែបបទនៃសារដែលអ្នកផ្ញើចេញ ដោយចុច Select ឲ្យជាប់លើសារដែលបម្រុងផ្ញើ ហើយចុច More Options វានឹងលោតនូវមុខងារច្រើន ដូចជា Bold (អក្សរដិត), Italic (អក្សរទ្រេត) ជាដើម។
៥.Mark as unread:

ពេលខ្លះរវល់ពេក មិនទាន់អាចផ្ញើសារត្រឡប់ទៅវិញចំពោះគណនីណាមួយ ប៉ុន្តែអ្នកជ្រុលអានរួចហើយ ជៀសវាងមានការភ្លេច អ្នកអាចប្រើមុខងារ Mark as unread ដោយសារនោះនឹងលោតចេញអក្សរដិត មានន័យថាអ្នកមិនទាន់អាននៅឡើយ។ សម្រាប់ Android ចុចឲ្យជាប់លើសាររបស់គេ រីឯ iOS អូសលើសារមកឆ្វេង ចុចយក Mark as unread។
៦.Pin Conversation:

ការ Pin សារណាមួយ មានន័យថាសារនោះនឹងលោតមកលើគេបង្អស់ ដោយចង់សម្គាល់ថាវាសំខាន់ជាងគេ។ សម្រាប់ WhatsApp អ្នកអាច Pin សារបានដល់ទៅ ៣ ឯណោះ គ្រាន់ចុចឲ្យជាប់លើសារនោះ ហើយរើសយក Pin។
៧.Starred Messages:

រាល់សារក្នុងឆាតទំនាក់ទំនងណាមួយ ដែលគិតថាសំខាន់ អ្នកអាចប្រើមុខងារ Star ដោយចុចលើសារនោះឲ្យជាប់ ហើយរើសយក Star ដើម្បីរក្សាទុក។ ក្រោយៗមកបើអ្នកចង់រក គ្រាន់តែចូលទៅកាន់ Starred Message ក្នុង Menu នៃ WhatsApp ជាការស្រេច។

រំឮកដែរថា WhatsApp ត្រូវបានបង្កើតឡើងដោយបុគ្គល ២ រួប គឺ Brian Acton និង Jan Koum ដែលពួកគេទាំងពីរធ្លាប់ជាបុគ្គលិកក្នុងក្រុមហ៊ុន Yahoo។ ចាប់ផ្ដើមល្បីខ្លាំងក្រោយក្រុមហ៊ុន Facebook ប្រកាសទិញយកក្នុងតម្លៃទំហំសាច់ប្រាក់ ១៩ ពាន់លានដុល្លារ នាថ្ងៃទី ១៩ កុម្ភៈ ឆ្នាំ ២០១៤។ រហូតមកទល់បច្ចុប្បន្ន WhatsApp កំពុងបម្រើអតិថិជនអ្នកប្រើប្រាស់ប្រមាណ ១ ពាន់លាននាក់ជារៀងរាល់ថ្ងៃ។
យ៉ាងណាមិញសូមបញ្ជាក់ថារបៀបរបបនៃការប្រើប្រាស់ ក៏អាចផ្លាស់ប្ដូរទៅតាមជំនាន់នៃកម្មវិធីដែលមានលើស្មាតហ្វូនអ្នក គ្រាន់ថាវាមិនជាខុសគ្នាច្រើនប៉ុន្មានឡើយ។ បើប្រិយមិត្តមានចម្ងល់ឬបញ្ហាត្រង់ចំណុចណាមួយ អា

៧ ចំណុចសង្ឃឹមទុកខ្ពស់ថានឹងមាននៅលើ iPhone 8

ដូចទៅអ្វីដែលអ្នករាល់គ្នាបានដឹងស្រាប់ហើយថាព្រឹត្តិការណ៍ដាក់បង្ហាញស្មាតហ្វូនប្រចាំឆ្នាំរបស់ក្រុមហ៊ុន Apple នឹងប្រព្រឹត្តិទៅនៅអំឡុងខែកញ្ញា។ នៅឆ្នាំនេះគេជឿជាក់ថាមាន iPhone ចំនួន ៣ ម៉ូដែលរួមមាន iPhone 7s/7s Plus និង iPhone 8 ត្រៀមលេចចេញមុខមាត់ពិតនៅថ្ងៃនោះ។ ក្នុងនោះមាន ៧ ចំណុចដែលភាគរយខ្ពស់គេសង្ឃឹមនឹងអាចកើតឡើងសម្រាប់ iPhone 8។

១.ការផ្លាស់ប្ដូរតួខ្លួន

អំឡុង Apple ដាក់បង្ហាញ iPhone 7s/7s Plus ប៉ុន្តែរូបរាងរបស់ស្មាតហ្វូន ២ ម៉ូដែលនោះ ទំនងជាមិនខុសគ្នាច្រើនទៅនឹង iPhone 7/7 Plus ធម្មតាឡើយ។ អ្វីដែលពិសេសគឺ iPhone 8 រូបរាងរបស់វានឹងខុសពីគេដាច់ស្រឡះ ដោយមានផ្ទៃអេក្រង់ពេញ ស្រដៀងទូរសព្ទ Galaxy S8 នៃក្រុមហ៊ុន SAMSUNG។ ម្ល៉ោះហើយវត្តមាន iPhone 8 ក៏អាចនឹងបង្វែរឲ្យក្រុមហ៊ុនទូរសព្ទដទៃទៀត ដើរតាមគន្លងរូបរាងស្រដៀងគ្នានោះ។

២.ប្រព័ន្ធស្កេនក្រយៅដៃបង្កប់

ខណៈដែលគ្រប់ពាក្យចចាមអារ៉ាមបានលើកឡើងពីការបំពាក់អេក្រង់ពេញសម្រាប់ iPhone 8 ជាហេតុនាំឱ្យប្រព័ន្ធស្កេនក្រយៅដៃ Touch ID ត្រូវផ្លាស់ប្ដូរទីតាំងថ្មី។ អ្នកខ្លះជឿថាអាចជាប្ដូរទៅបំពាក់ក្រោយខ្នងម៉ាស៊ីន, ខ្លះទៀតថាបង្កប់លើប៊ូតុង Power ឬអាចបង្កប់ក្រោមផ្ទៃអេក្រង់។ ប៉ុន្តែរឿងរ៉ាវជាក់លាក់បែបណានោះ មិនទាន់មាននរណាអាចប្រាកដទុកមុនបាននៅឡើយ។

៣.កាមេរ៉ាភ្លោះកាន់តែពិសេស

ទូរសព្ទ iPhone 8 មានគំរូដ្យាក្រាមជាច្រើន បានបង្ហាញទំនងជាផ្លាស់ប្ដូរកាមេរ៉ាភ្លោះមកជាបញ្ឈរវិញ ក្រៅពីមុខងារពិសេសអាចថតមុខងារ Portrait Mode ដូចទៅ iPhone 7+ ក៏នឹងបន្ថែមនូវបច្ចេកវិទ្យាពិសេស AR ដែលកំពុងពេញនិយមខ្លាំងនាពេលបច្ចុប្បន្ន។

៤.បំពាក់ឈីប A11

រាល់ការបង្ហាញ iPhone ថ្មី មួយជំនាន់នឹងមានការវិវត្តបន្ទះឈីបថ្មីមួយ។ iPhone 7s/7s Plus និង iPhone 8 នឹងបំពាក់នូវបន្ទះឈីប A11 ជំរុញឱ្យល្បឿនដំណើរការម៉ាស៊ីន មិនថាលើ iOS 11 កាន់តែលឿន រហ័សទាន់ចិត្ត ខុសពី iPhone ជំនាន់ចាស់ៗ។

៥.មុខងារសាកថ្មឥតខ្សែ

Wireless Charging ឬមុខងារសាកថ្មឥតខ្សែ មិនមែនជាបច្ចេកវិទ្យាថ្មី សម្រាប់ទីផ្សារស្មាតហ្វូននោះទេ ខណៈពពួកស្មាតហ្វូន Android ជាច្រើនជំនាន់បានប្រើប្រាស់វា។ យ៉ាងណាមិញចំពោះ iPhone 8 ក៏នឹងបង្ហាញមុខងារនោះដូចគ្នា ប៉ុន្តែអាចមានលក្ខណៈខុសពីគេ និងមុខងារពិសេសប្លែក។

៦.ប្រភេទថ្មជំនាន់ថ្មី

កន្លងទៅពពួក iPhone ជាច្រើនជំនាន់ បានបំពាក់ថ្មរាងចតុកោណកែង ប៉ុន្តែ iPhone 8 នឹងមានការផ្លាស់ប្ដូរ។ របាយការណ៍មួយបានចុះផ្សាយ Apple បានចាប់ដៃ LG ទទួលផ្គត់ផ្គង់ថ្មរាងអក្សរ L សម្រាប់ iPhone ឆ្នាំ ២០១៨ ប៉ុន្តែ iPhone នៅឆ្នាំនេះ ក៏ប្រហែលទទួលបានអត្ថប្រយោជន៍ខ្លះពីការសហការមួយនោះ។

៧.បច្ចេកវិទ្យា A True Tone Display

ពពួក iPad Pro មានមុខងារពិសេសមួយគេហៅថា A True Tone Display ដែលជាធម្មតាអេក្រង់នឹងប្ដូរពណ៌ផ្អែកទៅតាមបរិយាកាសផ្លាស់ប្ដូរនៅជុំវិញខ្លួន។ iPhone 8 អាចនឹងក្លាយជា iPhone ដំបូង ទទួលបានមុខងារនោះ ប៉ុន្តែចំពោះ iPhone 7s/7s Plus គេក៏មិនប្រាកដថាអាចទទួលបានឬអត់នោះដែរ។

ប្រភព៖ PhoneArena ប្រែសម្រួល៖ កៅ រក្សា

Khmer Techno Innovation

Friday, August 4, 2017

Drone និងQuadcopter ត្រូវបានបង្កើតឡើងតាំងពីមុនសង្គ្រាមលោក

របៀប Activate កម្មវិធី Ms.Office 2010 ដល់ 2016 ដោយខ្លួនឯង

ចង់ប្រើ IDM បានរហូតមិនបារម្ភរឿងលោត Serial Number អនុវត្តតាមវិធីនេះ

Lexus RX 300 មានប៉ុន្មានស៊េរីឆ្នាំ ខុសគ្នាត្រង់ណាខ្លះ

វិធីបើកមុខងារបិទការរំខាន (Do Not Disturb) លើស្មាតហ្វូន Android

WhatsApp

៧ ចំណុចសង្ឃឹមទុកខ្ពស់ថានឹងមាននៅលើ iPhone 8

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels