តើ iCloud ដំឡើង​យ៉ាង​ម៉េច​ទៅ?

Vanroth

របៀប​នៃ​ ការ​ដំឡើង iCloud លើ iDevice (iPhone,iPad,iPod touch), Mac, និង Windows PC មាន​លក្ខណៈ​ខុស​គ្នា ដូច្នេះ​សូម​ធ្វើការ​អនុវត្ត​តាម​ការ​បង្ហាញ​ដូច​ខាង​ក្រោម៖

១. របៀប​ដំឡើង iCloud លើ iDevice (iPhone,iPad,iPod touch)

- ជំហាន​ដំបូង​ត្រូវ​ប្រាកដ​ថា iDevice របស់​ប្រិយមិត្ត​បាន​ដំឡើង iOS 5
-​ បន្ទាប់​មក​ចូល​ទៅ​កាន់ Setting → ជ្រើសរើស​យក​ពាក្យ​ថា iCloud → iCloud រួច​រើស​យក​ពាក្យ ON។
- ជ្រើសរើស​យក​ពាក្យ “Sign in with an Apple ID”(បើ​សិន​ជា​ប្រិយមិត្ត​មិន​ទាន់​មាន Apple ID សូម​ជ្រើសរើស​យក​ពាក្យ “Create a free Apple ID” )



- វាយ​បញ្ចូល Apple ID
- ជ្រើសរើស​យក​ពាក្យ “Use iCloud” ពេល​ផ្ទាំង setup screen បង្ហាញ​ចេញ​មក
- ជ្រើសរើស​យក​ពាក្យ “ON” សម្រាប់​គ្រប់​ទិន្នន័យ​និង​សេវា​ដែល​ប្រិយមិត្ត​ចង់​ឲ្យ iCloud sync ដូច​ជា៖ Mail, Contacts, Calendars, Reminders, Bookmarks, Notes, Photo Stream ជា​ដើម។



- ពេល​ដែល​បំពេញ​រាល់​ចំណុច​ដែល​បាន​រៀបរាប់​ខាង​លើ​នេះ​ហើយ​មាន​ន័យ​ថា​ប្រិយមិត្ត​បាន​ដំឡើងiCloud លើ iDevice ជោគជ័យ​ហើយ។

២.  របៀប​ដំឡើង iCloud លើ Mac OS X Lion 
- ជំហាន​ដំបូង​ត្រូវ​ប្រាកដ​ថា Mac របស់​ប្រិយមិត្ត​ប្រើ OS X ជំនាន់10.7.2



- បើក “System Preferences” តាម​រយៈ Apple menu
- ជ្រើសរើស​យក​ពាក្យ “iCloud”
- វាយ​បញ្ចូលApple ID (បើ​សិន​ជា​ប្រិយមិត្ត​មិន​ទាន់​មាន Apple ID សូម​ជ្រើសរើស​យក​ពាក្យ“Create an Apple ID”)



- រើស​យក EULA បន្ទាប់​មក​ជ្រើសរើស​កម្មវិធី​និង​សេវា​ដែល​ប្រិយមិត្ត​ចង់​ឲ្យ iCloud sync
- ពេល​ដែល​បំពេញ​រាល់​ចំណុច​ដែល​បាន​រៀបរាប់​ខាង​លើ​នេះ​ហើយ​មាន​ន័យ​ថា​ប្រិយមិត្ត​បាន​ដំឡើងiCloud លើ Mac ជោគជ័យ​ហើយ។

៣. របៀប​ដំឡើង iCloud លើ Windows PC
- ជំហាន​ដំបូង​ត្រូវ​ទាញ​យក​កម្មវិធី iCloud Control Panel តាម​រយៈ​គេហទំព័រ (http://support.apple.com/kb/DL1455)



- ចុច​លើ Start menu → ជ្រើសរើស​យក Control Panel →  Network and Internet →  iCloud
- វាយ​បញ្ចូលApple ID ដើម្បី​បង្កើត​គណនេយ្យ iCloud



- ជ្រើសរើស​យក​សេវា iCloud ដែល​ប្រិយមិត្ត​ចង់​ប្រើ
-ពេល​ដែល​បំពេញ​រាល់​ចំណុច​ដែល​បាន​រៀបរាប់​ខាង​លើ​នេះ​ហើយ​មាន​ន័យ​ថា​ប្រិយមិត្ត​បាន​ដំឡើងiCloud លើ Windows PC ជោគជ័យ​ហើយ។