1:09 AM
បើលោកអ្នកគ្មានគណនី Apple ID នេះទេ សូមប្រយ័ត្នមុននឹងយកគណនីរបស់នរណាម្នាក់មកប្រើ ព្រោះព័ត៌មានលោកអ្នកអាចនឹងត្រូវបាត់បង់ បើអ្នកប្រើគណនីអនាមិក ។ សំបុកអាយធី ផ្តល់ជាអនុសាសន៍ ក្នុងការបង្កើតគណនី និងប្រើសារអេឡិចត្រូនិចរបស់ខ្លួនអ្នកផ្ទាល់ ។
ដើម្បីបង្កើតគណនី Apple ID លោកអ្នកអាចអនុវត្តន៍ តាមពីររបៀប៖
- តាមរយៈកុំព្យូទ័រ ដោយបង្កើតតាម កម្មវិធី iTunes (ទាញយក ដោយឥតគិតថ្លៃ)
- តាមរយៈ iPad ឬ iPhone – សូមចុចអានលម្អិត ។
របៀបទី១៖ បង្កើតតាមកម្មវិធី iTunes
ប្រសិនបើលោកអ្នកកំពុងប្រើប្រាស់កុំព្យូទ័រ សូមលោកអ្នកចាប់ផ្តើម អនុវត្តន៍គន្លឹះនេះ លើកុំព្យ័រលោកអ្នកផ្ទាល់ ។ជំហានដំបូង៖ ចូលទៅ iTunes Store
សូមបើកដំណើរការ កម្មវិធី iTunes ដែលបានទាញយក និងតំឡើងរួចរាល់ ហើយចុចលើ iTunes Store ដែលស្ថិតនៅប៉ែកខាងឆ្វេង) ។ សូមជ្រើសរើសប្រទេស United States (ជាទូទៅ ប្រទេសនេះបង្កើតបានដោយជោគជ័យ) ។
ជំហានទី២៖ ចូលទៅ App Store ហើយចុចលើ Free App
សូមចុចលើ App Store នៅឯ Navigation Bar ខាងលើ ។
សូមស្វែងរកកម្មវិធីណាមួយ ដែលអនុញ្ញាតឲ្យទាញយកដោយឥតគិតថ្លៃ (Free) ហើយចុចលើ Free App
ចំណាំ៖ មុននឹងបង្កើតគណនីនេះបាន លោកអ្នកចាំបាច់ត្រូវតែជ្រើសរើស កម្មវិធីឥតគិតថ្លៃ ជាមុនសិន ។ បើមិនដូច្នេះ លោកអ្នកនឹងត្រូវវាយលេខ Credit Card ជាមិនខាន ។
ជំហានទី៣៖ បង្កើតគណនី Apple ID ថ្មី
បន្ទាប់ពីចុចលើ Free App តាមការណែនាំខាងលើ លោកអ្នកនឹងទទួលបានផ្ទាំងលោត ឲ្យលោកអ្នកបំពេញឈ្មោះ និងលេខសម្ងាត់ ដើម្បី Sign In ឬបង្កើតគណនីថ្មី ។ សូមលោកអ្នកចុចលើប៊ូតុង Create Apple ID ។សំគាល់៖ បើលោកអ្នកមានគណនីមួយហើយ សូម Log Out មុននឹងអនុវត្តន៍ ជំហាននេះ ។
ជំហានទី៤៖ ផ្ទាំងស្វាគមន៍ ពី iTunes Store
លោកអ្នកនឹងឃើញផ្ទាំង ស្វាគមន៍របស់ iTunes Store ។ សូមចុចលើប៊ូតុង Continue ដើម្បីបន្តទៅជំហានខាងមុខ ។
ជំហានទី៥៖ អានពីលក្ខខណ្ឌនានា (Term and Condition) របស់ iTunes Store
សូមអាន និងយល់ព្រម (បើមិនយល់ព្រម សូមកុំបង្កើត) ដោយធីកប្រអប់ដែលសរសេរថា៖ I have read and agree to these terms and conditions ហើយសូមចុចលើប៊ូតុង Agree ។
ជំហានទី៦៖ បញ្ចូលព័ត៌មានដែលត្រូវការមួយចំនួន
មកដល់ជំហាននេះ លោកអ្នកត្រូវតែបញ្ចូលនូវ សារអេឡិចត្រូនិច បង្កើតលេខសម្ងាត់ថ្មី ជាពិសេសត្រូវបង្កើត និងឆ្លើយសំណួរសុវត្ថិភាព ដើម្បីបញ្ជាក់នៅពេលលោកអ្នក ភ្លេចលេខសម្ងាត់ ឬគណនីត្រូវបានលួចប្រើដោយនរណាម្នាក់ ហើយបន្ទាប់មក សូមបញ្ចូលថ្ងៃខែឆ្នាំ កំណើតរបស់លោកអ្នកផង ។ (ប្រសិនបើលោកអ្នក ខ្លាចភ្លេច សូមចម្លងព័ត៌មាន ឬថតអេក្រង់ ព័ត៌មានដែលបញ្ចូលនោះទុក ហើយរក្សានៅកន្លែងសុវត្ថិភាពរបស់អ្នក) ។ចំណាំ៖ ព័ត៌មានកាន់តែច្បាស់ល្អ កាន់តែមានតម្លៃនៅពេលគណនីលោកអ្នកមានបញ្ហានានា ។
- យ៉ាងណាមិញ លោកអ្នកគួរតែបញ្ចូលអ៊ីម៉ែល (rescure@example.com) បន្ថែមលើអ៊ីម៉ែលដែលបញ្ចូលខាងលើ ដើម្បីការពារពេលលោកអ្នក នៅពេលមានបញ្ហា ។
ជំហានទី៧៖ ពិនិត្យ និងផ្ទៀងផ្ទាត់ព័ត៌មាន
បន្ទាប់ពីលោកអ្នកបានបញ្ចូលព័ត៌មាន តាមតម្រូវការហើយ សូមពិនិត្យ និងផ្ទៀងផ្ទាត់ ដើម្បីជៀសវាងការភាន់ច្រឡំ ។ ប្រសិនបើពិនិត្យ ហើយ សូមចុចលើប៊ូតុង Continue ។
ជំហានទី៨៖ ជ្រើសរើសយក None សម្រាប់អ្នកគ្មាន និងមិនចង់ប្រើ Credit Card
អ្វីដែលលោកអ្នកចង់បាន សម្រាប់អត្ថបទនេះ គឺ None ដែលជាទូទៅ ការបង្កើតបែបសាមញ្ញអាចនឹងមិនទទួលបានការបង្ហាញ None ដូចការរៀបរាប់ខាងលើនេះទេ ។
ជំហានទី៩៖ បំពេញព័ត៌មានខ្លីៗបន្ថែម
បន្ទាប់ពីជ្រើសរើស None រួចហើយ សូមលោកអ្នកបំពេញព័ត៌មានត្រូវការមួយដូចរូបខាងក្រោម រួចចុចប៊ូតុង Create Apple ID៖
ចំណាំ៖ លោកអ្នកនៅតែអាចទិញទំនិញ ឬកម្មវិធីនានា តាមរយៈគណនី Apple ID នេះ ដោយមិនចាំបាច់បញ្ចួល ឬប្រើប្រាស់ Credit Card បាន ។ លោកអ្នកអាចប្រើប្រាស់កាតកោស Redeem Code ដែលអាចជ្រើសទិញតាមតម្លៃដូចជា ១៥$, ៥០$ ជាដើម ។
ជំហានទី១០៖ បញ្ជាក់គណនី
បន្ទាប់មក លោកអ្នកនឹងឃើញផ្ទាំង ហើយសូមចុចលើ “Verify your Account” ហើយចុចលើប៊ូតុង Done ។ សូមចូលទៅឆែកអ៊ីម៉ែលដែលអ្នកបានបញ្ចូលខាងលើ ប្រសិនបើមានសារពី iTunes Store សួរបញ្ជាក់ពី គណនី Apple ID សូមចុចលើតំណភ្ជាប់ Verify (Link) ។
ជំហានចុងក្រោយ៖ លោកអ្នកនឹងទទួលបានជោគជ័យ
ជាចុងក្រោយ បន្ទាប់ពីលោកអ្នកបានចុចលើតំណភ្ជាប់ Verify រួចមក នោះលោកអ្នកនឹងត្រឡប់ចូលក្នុងគេហទំព័រ Apple ID ហើយលោកអ្នកត្រូវបញ្ចូលឈ្មោះ (អ៊ីម៉ែល) និងលេខសម្ងាត់ ដែលបានបង្កើតដំបូង ។- ប្រសិនបើលោកអ្នកវាយឈ្មោះ និងលេខសម្ងាត់បានត្រឹមត្រូវហើយ នោះលោកអ្នកនឹងទទួលបានផ្ទាំងជោគជ័យ ។
វិធីបង្កើតគណនី Apple ID ដោយគ្មាន Credit Card – iPhone
លោកអ្នកប្រហែលជាបានអាន
រួចមកហើយអំពីគន្លឹះ ក្នុងការបង្កើតគណនី Apple ID ដោយគ្មាន Credit
Card ដែលប្រើប្រាស់កុំព្យូទ័ររួមមកហើយ ។ អត្ថបទនេះ សំបុកអាយធី
នឹងលើកយកគន្លឹះ ដដែលនេះ ប៉ុន្តែនឹងប្រើប្រាស់ជាមួយ iPhone, iPad ឬ
iPod ជាដើម ។
អត្ថបទគួរអាន៖ វិធីបង្កើតគណនី Apple ID ដោយគ្មាន Credit Card – កុំព្យូទ័រ
ជំហានដំបូង៖ តំឡើងកម្មវិធីឥតគិតថ្លៃ
សូមលោកអ្នកបើកកម្មវិធី App Store ដែលមានស្រាប់ក្នុងទូរស័ព្ទ iPhone, iPad ឬ iPod របស់លោកអ្នក ហើយស្វែងរកកម្មវិធី ឥតគិតថ្លៃ ណាមួយក៏បាន ហើយចុចតំឡើង ។- ចុចលើប៊ូតុង Free
- ចុចលើប៊ូតុង Install App
ជំហានទី២៖ បង្កើតគណនីថ្មី
ប្រសិនបើលោកអ្នក មិនដែល Login Apple ID ឬគ្មានគណនីទេនោះ លោកអ្នកនឹងឃើញផ្ទាំងដែលទាមទារឲ្យលោកអ្នកបង្កើតគណនីថ្មី ឬប្រើប្រាស់គណនីដែលមានស្រាប់ (សូមប្រយ័ត្ន មុននឹងប្រើគណនីរបស់អ្នកដទៃ) ។- លោកអ្នកត្រូវចុចលើប៊ូតុង Create New Apple ID ដើម្បីបង្កើតគណនីថ្មី
ជំហានទី៣៖ ជ្រើសរើសប្រទេស
លោកអ្នកអាចជ្រើសរើសប្រទេស ដោយសេរី ប៉ុន្តែលោកអ្នកគួរតែជ្រើសរើស ប្រទេសអាមេរិក (United States) ដែលភាគច្រើន បានបង្កើតគណនី ដោយមិនចាំបាច់ប្រើប្រាស់ Credit Card ឡើយ ។ជំហានទី៤៖ បំពេញព័ត៌មានផ្ទាល់ខ្លួនអ្នក ដែលត្រូវការ
បន្តពីជំហានខាងលើ លោកអ្នកត្រូវអាន និងយល់ព្រម តាមលក្ខខណ្ឌរបស់ iTunes Store ដោយចុចលើប៊ូតុង Agree ហើយចុចប៊ូតុង Continue ។ បន្ទាប់មក សូមលោកអ្នកវាយបញ្ចូល សារអេឡិចត្រូនិច លេខសម្ងាត់ ដូចអត្ថបទគន្លឹះខាងក្រោម ។អត្ថបទគួរអាន៖ វិធីបង្កើតគណនី Apple ID ដោយគ្មាន Credit Card – កុំព្យូទ័រ
ជំហានទី៥៖ ជ្រើសរើស None
ដល់ចំនុចនេះ លោកអ្នកអាចជ្រើសរើសប្រភេទ នៃការបង់ប្រាក់ (Payment) ដោយប្រើ ឬមិនប្រើ Credit Card ។ ប្រសិនបើ លោកអ្នកមិនចង់ប្រើ Credit Card ទេ លោកអ្នកត្រូវចុចលើ None ហើយចុចប៊ូតុង Next ។ចំណាំ៖ ទោះគ្មាន Credit Card លោកអ្នកនៅតែអាចទិញកម្មវិធី ឬទំនិញ នានាតាមរយៈ App Store បានផងដែរ ។
ជំហានទី៦៖ បំពេញព័ត៌មានមួយចំនួនទៀត
បន្ទាប់ពីបានជ្រើសរើស None រួចមកហើយ នោះលោកអ្នកចាំបាច់ត្រូវបំពេញ ព័ត៌មានមួយចំនួន ដែលមានដូចជា៖ សារអេឡិចត្រូនិច អាសយដ្ឋាន លេខទូរស័ព្ទ ជាដើម ។ លោកអ្នកអាចស្វែងរកព័ត៌មាន ឬអាសយដ្ឋានតាមប្រទេសដែលលោកអ្នក បានជ្រើសរើសនៅខាងលើ ដើម្បីឲ្យ iTunes Store អាច verify បានដោយត្រឹមត្រូវ ។ បើលោកអ្នកវាយអាសយដ្ឋានខុសច្រើនដង នោះលោកអ្នកនឹងអាច Block ដែលធ្វើឲ្យលោកអ្នក មិនអាចបញ្ចប់ជំហានចុងក្រោយនេះ ។លោកអ្នកអាចស្វែងរកព័ត៌មានគំរូ តាមតំណភ្ជាប់នេះ ។
ជំហានទី៧៖ បញ្ជាក់គណនីលោកអ្នក
នៅពេលដែលលោកអ្នក បានសម្រេចជំហានខាងលើរួចហើយ លោកអ្នកនឹងឃើញ ផ្ទាំងបង្ហាញពី Verify Your Account ។ សូមលោកអ្នកចុចលើប៊ូតុង Done ។ជំហានទី៨៖ បញ្ជាក់គណនី តាមរយៈសារអេឡិចត្រូនិច
សូមចូលទៅបើក សារឡិចត្រូនិច លោកអ្នកហើយចុចលើតំណភ្ជាប់ Verify ដើម្បី Activate គណនី Apple ID ។ ពេលដែលលោកអ្នកបានចុចហើយ វានឹងបង្ហាញទម្រង់ឲ្យលោកអ្នកបំពេញ Apple ID (សារអេឡិចត្រូនិចរបស់អ្នក ឧទាហរណ៍៖ sopheak@abc.com ជាដើម) និងលេខសម្ងាត់ រួចចុចលើប៊ូតុង Verify Address ។ជំហានចុងក្រោយ៖ បង្កើតគណនីបានជោគជ័យ
ដូច្នេះ លោកអ្នកអាចវាយសារអេឡិចត្រូនិច និងលេខសម្ងាត់ របស់ខ្លួនផ្ទាល់ នៅពេលតំឡើងកម្មវិធីនានា នៅលើឧបករណ៍អេឡិចត្រូនិច ដូចជា iPhone, iPad និង iPod ជាដើម ។
សូមសាកល្បងអនុវត្តន៍ នៅលើទូរស័ព្ទ ឬឧបករណ៍ប្រភេទ iDevice របស់លោកអ្នកដោយផ្ទាល់ ដោយមិនចាំបាច់ត្រូវការកុំព្យូទ័រឡើយ ។
0 comments:
Post a Comment