Khmer Techno Innovation

ប្លង់ថតកុនល្បីៗ សូម្បីភាពយន្តហូលីវូដក៏យកតាមនេះដែរ!

10 Feb, 2015 09:12

អត្ថបទសំខាន់, គន្លឹះខ្លីៗ, គន្លឹះខ្លីៗលើកាមេរ៉ា

5 Comment (s)

ប្លង់ ថតនៃភាពយន្តល្បីៗសុទ្ធតែបានឆ្លងកាត់ការជ្រើសរើសយ៉ាងម៉ត់ចត់ និងសរសេរជាក់លាក់ក្នុងសេនារីយ៉ូរឿង។ ថ្វីត្បិតពេលខ្លះ ផលិតករមួយចំនួនបានព្យាយាមបង្កើតប្លង់ថ្មីៗរបស់ខ្លួនក្ដី ប៉ុន្តែភាពយន្តទូទាំងពិភពលោក សូម្បីតែហូលីវូដ តែងប្រើប្រាស់ប្លង់ខាងក្រោមនេះ ជាប្លង់មូលដ្ឋានក្នុងការថតខ្សែភាពយន្តរបស់ខ្លួន៖

-Extreme Wide Shots (EWS) គឺជាប្លង់ពីចម្ងាយ អាចបង្ហាញពីអ្វីមួយ ឬទីកន្លែងណាមួយបានយ៉ាងទូលាយ។ (មើលរូបទី១ ខាងក្រោម)

-Wide Shots (WS) គឺជាប្លង់បង្ហាញមួយជំហរខ្លួនរបស់មនុស្ស ឬ Subject អ្វីមួយ។

-Medium Shots (MS) គឺថតមនុស្សត្រឹមពាក់កណ្ដាលចង្កេះឡើងលើរហូតហួសចុងសក់បន្តិច។ ប្លង់នេះគឺអាចឲ្យអ្នកទស្សនាឃើញពីចលនាដៃ ឬការផ្លាស់ទីរបស់តួអង្គយ៉ាងច្បាស់។

-Medium Close Ups (MCU) គឺជាប្លង់ដែលបង្ហាញតួអង្គកាន់តែកៀក ចាប់ត្រឹមក្រោមស្មាបន្តិចទៅលើដល់ចុងសក់។

-Close Ups (CU) គឺជាប្លង់ដែលបង្ហាញផ្នែកណាមួយនៃ Subject។ ឧទាហរណ៍ដូចរូបទី១ខាងក្រោមនេះ CU គឺមុខរបស់មនុស្សប្រុសនោះ។

-Extreme Close Ups (ECU) គឺជាប្លង់ថតកៀកបំផុត ដែលអាចធ្វើឲ្យអ្នកមើលឃើញ Subject ច្បាស់ និងលម្អិតជាងភ្នែករបស់អ្នកទៅទៀត។ ដូចរូបទី១ខាងក្រោមនេះ ECU គឺលើរង្វង់ភ្នែកទាំងពីររបស់មនុស្សប្រុសនោះ។

រូបទី១

-Two Shot គឺជាប្លង់ ដែលថតយកមនុស្សពីរនាក់។ (មើលរូបទី២ ខាងក្រោម)

រូបទី២

-Over the Shoulder Shots (OSS) គឺជាប្លង់ថតពីខាងក្រោយមនុស្សម្នាក់សំដៅឆ្ពោះទៅកាន់ Subject ដោយឲ្យឃើញត្រចៀក ស្មា ឬផ្ទៃមុខម្ខាងនៃមនុស្សនោះ។ បច្ចេកទេសនៃការថតប្លង់នេះគឺឲ្យមនុស្សទល់មុខនឹង Subject។ ប្លង់នេះក៏គេឧស្សាហ៍ប្រើក្នុងកិច្ចសម្ភាសន៍ដែរ។ (មើលរូបទី៣ ខាងក្រោម)

រូបទី៣

-Point of View គឺជាប្លង់ដែលថតចេញពីក្បែរភ្នែករបស់អ្នកសម្ដែង ដូច្នេះអ្នកទស្សនានឹងមានអារម្មណ៍ថា ប្លង់ហ្នឹងគឺចេញពីភ្នែករបស់គេផ្ទាល់ ឬដៃកំពុងមានចលនាក្នុងអេក្រង់ហាក់បីដូចជាដៃរបស់គេដែរ។ (មើលវីដេអូខាងក្រោម)

https://youtu.be/aj1yPYRURIQ

-Selective Focus គឺជាប្លង់ដែលគេថតទម្លាក់ Aperture ឲ្យទាប ឧ. f/3.5, f/2.8, f/2, ឬ f/1.4 នោះវានឹងបង្កើតភាពព្រិល (Depth of Field) នៅកន្លែងដែលអ្នកមិនផ្ដោតលើ (Out of Focus) ។ មើលរូបទី៤ រូបផ្នែកខាងលើ គឺឲ្យ Focus នៅខាងមុខ ដូច្នេះរូបបុរសនោះមានភាពច្បាស់ ចំណែកឯរូបនារីនៅខាងក្រោយព្រិល។ ចំពោះរូបខាងក្រោម គឺឲ្យ Focus នៅផ្នែកខាងក្រោយ ដូច្នេះរូបនារីច្បាស់ ចំណែករូបបុរសព្រិល។ ដោយសារភាពយន្តមានចលនា គេអាចប្ដូរឲ្យម្ដងព្រិលមុខម្ដងព្រិលក្រោយបានយ៉ាងងាយ។ (អានអត្ថបទ៖ របៀបនៃការថតរូបបែប Depth of Field)

រូបទី៤

ទស្សនាវីដេអូអំពីប្លង់ផ្សេងៗ៖

https://youtu.be/j5886yCsmrg

ក្រោយពីដឹងប្លង់មូលដ្ឋានទាំងអស់នេះហើយ ប្រិយមិត្តអាចអនុវត្តផលិតជាវីដេអូខ្នាតខ្លីបានហើយ។

ដោយ៖ មាស រ័ត្ន
ប្រភព៖ thewildclassroom, learnaboutfilm, empireonline

12 Jan, 2015 11:27

អត្ថបទសំខាន់, គន្លឹះខ្លីៗ, គន្លឹះខ្លីៗលើកាមេរ៉ា, ព័ត៌មានបច្ចេកវិទ្យា

9 Comment (s)

បច្ចេកទេស ថតរូបមួយ ដែលពេញនិយមនៅប៉ុន្មានឆ្នាំចុងក្រោយនេះ គឺ “Long Exposure”។ រូបភាពបែប “Long Exposure” គឺអ្នកអាចឃើញដូចជា ទឹកធ្លាក់ហូរដូចពពក ឬខ្សែអំបោះ ឬភ្លើងរត់ជាខ្សែៗនៅលើដងផ្លូវនាពេលយប់ជាដើម។ រូបជាច្រើនខាងក្រោមនេះថត Long Exposure។

Long-Exposure

តើ “Long Exposure” គេថតយ៉ាងម៉េច?

“Long Exposure” គឺការថតដោយកំណត់រយៈពេលនៃការចាប់យករូបភាពយឺត ឬគេហៅថា ដាក់ Shutter Speed ឲ្យវែង។ បើមិនទាន់ដឹងថា Shutter Speed ជាអ្វី ចុចអានត្រង់នេះ។ រូបខាងក្រោននេះជាឧទាហរណ៍នៃការកំណត់ Shutter Speed: 1/125s (រូបខាងឆ្វេងមើលទៅឃើញទឹកធ្លាក់ធម្មតា), Shutter Speed: 1/10s (រូបកណ្ដាល មើលទៅទឹកធ្លាក់ជាប់គ្នា), ខណៈ Shutter Speed: 1/2s (រូបខាងស្ដាំ ទឹកធ្លាក់មើលទៅកាន់តែជាប់គ្នាដូចសរសៃអំបោះ)។
shutter speed 5

កាលណាដាក់រយៈពេលយូរសម្រាប់កាមេរ៉ាក្នុងការចាប់យករូបភាព នោះទឹកដែលហូរនឹងមើលទៅជាប់ៗគ្នាដូចជាពពកកំពុងហោះ, ភ្លើងម៉ូតូ ឬឡានដែលបើកលើផ្លូវនៅពេលយប់នឹងបង្កើតជាខ្សែដ៏វែង, ផ្កាយដែលមានចលនានឹងបង្កើតជាបន្ទាត់នៅលើមេឃ, ឬភ្លើងធូបដែលក្មេងគ្រវីលេងអាចក្លាយជារង្វង់ដ៏ស្រស់ស្អាត។

***ឧបករណ៍ដ៏សំខាន់សម្រាប់ថតរូប “Long Exposure” គឺកាមេរ៉ាប្រភេទ DSLR ដែលអាចកំណត់ Shutter Speed រយៈពេលវែងបាន។ ដោយសារការថតនេះមានរយៈពេលជាច្រើនវិនាទី ដូច្នេះគួរប្រើជើង (Tripod) កាមេរ៉ា បើមិនអីចឹងទេ ត្រូវរកកន្លែងដាក់កាមេរ៉ាឲ្យនឹង។

តោះ! ឥឡូវទៅមើលរូប Long Exposure ផ្សេងៗ និងការកំណត់នៃ Shutter Speed, Aperture និង ISO របស់វាខាងក្រោមនេះ៖

១) រូបយានជំនិះផ្សេងៗកំពុងបើកបរលើដងផ្លូវនៅពេលរាត្រី Shutter Speed: 1/13s, Aperture: F/22, ISO: 100។

trail-slow-shutter-speed

២) រូបទឹកសមុទ្រដែលមានចលនាមើលទៅដូចពពក Shutter Speed: 1/10s, Aperture: F/4, ISO: 400។

seawater-slow-shutter-speed

៣) រូបកន្ត្រកវិល Shutter Speed: 1/4s, Aperture: F/6.8, ISO: 100។

roundabout-slow-shutter-speed

៤) រូបថតទឹកធ្លាក់ Shutter Speed: 1/3.2s, Aperture: F/18, និង ISO: 100។

waterfall shutter speed

***ប្រភេទកាមេរ៉ា, Lens, ទីកន្លែង, និងម៉ោងពេលថតខុសគ្នា ធ្វើឲ្យរូបចេញមកខុសគ្នាដែរ!

ម៉េចដែរ ប្រិយមិត្ត? អាចយកកាមេរ៉ារបស់អ្នកមកសាកល្បងថតដោយទម្លាក់ Shutter Speed ឲ្យយឺត នឹងទទួលបានរូបស្រដៀងៗនេះ។ អនុវត្តថតបែបបច្ចេកទ្ទេសនេះយូរ អ្នកនឹងអាចថតបានដូចគេមិនខាន។

-ប្លង់ថតរូបមូលដ្ឋាន អ្នកទើបរៀនថតរូបដំបូងៗ កម្រមើលរំលង

ដោយ៖ មាស រ័ត្ន
ប្រភព៖ exposureguide

6 Jan, 2015 10:35

អត្ថបទសំខាន់, គន្លឹះខ្លីៗ, គន្លឹះខ្លីៗលើកាមេរ៉ា

7 Comment (s)

មាន មនុស្សជាច្រើនឆ្ងល់ថា ហេតុអ្វីបានជាអ្នកថតរូបអាជីព ឬអ្នកថតរូបសិល្បៈខ្លះ ថតរូបបានស្អាតៗម្ល៉េះ។ តាមពិតទៅ ក្រៅពីទេពកោសល្យ និងគំនិតច្នៃប្រឌិត អ្នកថតអាជីពខ្លះមានប្លង់ថតមូលដ្ឋានរបស់ខ្លួនដូចខាងក្រោមនេះ៖

*** Subject៖ នៅក្នុងរូបថត Subject គឺសំដៅលើមនុស្ស សត្វ ឬអ្វី ដែលអ្នកថតចង់បង្ហាញ។ បើរូបថតនោះជាទេសភាព ដូច្នេះទេសភាពនោះគឺជា Subject។ បើរូបថត Portrait ដូច្នេះ Portrait នោះគឺជា Subject។ ក្នុងរូបខាងក្រោមនេះ នារីកាន់កាមេរ៉ាគឺជា Subject។

Beautiful-Girl-HD-Wallpapers

១) Rule of Thirds
ការថតរូបដោយឲ្យ Subject នៅចំកណ្ដាល គឺមើលទៅមិនស្អាតប៉ុន្មានទេ លើកលែងតែថត Portrait (លក្ខណៈរូបថតបិតកាត)។ អ្នកថតរូបភាគច្រើនជ្រើសថត Subject របស់ខ្លួនប៉ះនឹងខ្សែបន្ទាត់ពីរ គឺខ្សែបន្ទាត់ដេក និងខ្សែបន្ទាត់ឈរ។ គេហៅប្លង់នេះថា “Rule of Thirds”។ Subject មិនចាំបាច់ទាល់តែប៉ះត្រង់ចំណុចប្រសព្វរវាងខ្សែទាំងពីរ១០០% នោះទេ គឺគ្រាន់តែនៅក្បែរចំណុចប្រសព្វនៃខ្សែទាំងពីរនោះក៏បានដែរ។

(រូបខាងឆ្វេង) Subject នៅកណ្ដាលមើលទៅមិនស្អាតដូចរូបដែលមាន Subject ស្ថិតនៅខាងឆ្វេងបន្តិច (រូបខាងស្ដាំ)

***កាមេរ៉ាអាចដាក់ខ្សែបន្ទាត់ (Gridlines) នេះបាន សម្រួលដល់អ្នកពិបាកក្នុងការស្មានដោយភ្នែក។

២) បន្ទាត់ដេក (To place the horizon line)
ក្នុងករណីគេថត Subject ជាបន្ទាត់ដេក ដូចជាស្នួហាលខោអាវ ឬរបងផ្ទះ គេកម្រឲ្យបន្ទាត់នោះស្ថិតនៅចន្លោះកណ្ដាលណាស់ ព្រោះគេយល់ថា វាមើលទៅមិនស្អាត។ អ្នកថតរូបជំនាញនឹងចាប់ប្លង់ដោយឲ្យបន្ទាត់នោះនៅលើ ឬក្រោមចំណុចកណ្ដាល (មើលរូប)។ ប៉ុន្តែមានករណីលើកលែងខ្លះ គេអាចឲ្យបន្ទាត់ស្ថិតនៅចន្លោះកណ្ដាលដែរ ដូចជាថតរូបបែបឆ្លុះផ្ទៃទឹក (Reflection) ពីព្រោះដើម្បីបែងចែកទិដ្ឋភាពផ្នែកខាងលើ និងផ្នែកខាងក្រោមឲ្យស្មើគ្នា។ ក្នុងការអនុវត្តដំបូង អ្នកអាចរថវត្ថុដេកដូចជា Keys ប៉្យាណូ, កាំជណ្ដើរ, ក្រដាសកាសែត…។

Horizontal & Vertical lines1

៣) តម្រង់ចូលទៅក្នុងប្លង់ (Lean Into the Frame)
នៅពេលអ្នកថតមនុស្ស ឬសត្វ យល់ល្អទុកលំហត្រង់ភ្នែករបស់គេកំពុងសម្លឹងទៅ ឬចលនារបស់គេកំពុងតែសំដៅទៅ។ ឧ. ទាកំពុងហែល (មើលរូបទាខាងក្រោម) ស្ថិតនៅកណ្ដាលរូបថតគឺពុំសូវស្អាតទេ ប៉ុន្តែបើគេរំកិលកាមេរ៉ាដោយឲ្យទានោះមកនៅត្រង់ជ្រុងខាងស្ដាំ ផ្នែកខាងលើ ហើយទុកចន្លោះឲ្យទូលាយត្រង់ទិសដៅដែលទានោះកំពុងហែលទៅ នោះមើលទៅស្អាតជាង។ តិចនិកនេះគេហៅថា “Lean Into the Frame”។ ម្យ៉ាង ទីតាំងនៃ Subject នេះគឺចូលទៅក្នុងប្លង់ទីមួយ (Rule of Thirds) ដែរ។

មើលរូបផ្សេងទៀត៖

lean into frame

៤) បង្កើតប្លង់ដឹកនាំដោយបន្ទាត់ (Leading lines)
សម្រាប់បច្ចេកទេសនេះគឺអ្នកថតរូបមើលឃើញអ្វីដែលឈរតម្រៀប ឬបន្តកន្ទុយគ្នាជាជួរត្រង់ ទ្រេត ដេក កោង ឬទឹករលកថាអាចដឹកនាំភ្នែកអ្នកមើល ឲ្យសម្លឹងទៅតាមបន្ទាត់ទាំងនោះបាន។ ជួនកាលបន្ទាត់នេះជា Subject ចម្បងដែលអ្នកថតរូបចង់បង្ហាញ ប៉ុន្តែពេលខ្លះវាត្រូវបានអ្នកថតរូបប្រើដើម្បីនាំភ្នែកមនុស្ស ទៅមើល Subject ដ៏សំខាន់ដែលគេចង់បង្ហាញ។

***អាចមានបន្ទាត់ជាច្រើនក្នុងប្លង់តែមួយដែរ!!!

Leading lines3

បន្ទាត់ទាំងនេះ ដែលមានផ្លូវដែក ប៉ារុងរថភ្លើង និងស្ថានីយរថភ្លើង គឺជា Subject តែម្ដង

ផ្លូវថ្នល់គឺគ្រាន់តែជាបន្ទាត់នាំភ្នែកអ្នកទស្សនាទៅមើល Subject ដ៏សំខាន់នោះគឺព្រះអាទិត្យ

៥) រូបត្បាញចូលគ្នា ឬរដិបរដុប (Patterns and Textures)
នៅពេលណា Subject មានលក្ខណៈដូចជាតម្បាញចូលគ្នា ឬរដិបរដុបជាមួយនឹងពណ៌ផ្សេងៗ ដូចជាកម្រាលឥដ្ឋ, ជញ្ជាំងឥដ្ឋ, ដែកច្រែះ, ក្រមា, ឬអាវពងជីងចក់ជាដើម អ្នកថតរូបខ្លះអាចមើលឃើញនូវឈុតឆាកផ្សេងៗផុសចេញពីរបស់ទាំង អស់នេះ ដូច្នេះគេអាចថតរូបចេញមកគួរឲ្យចាប់អារម្មណ៍ក៏ថាបាន។ គេមិនចាំបាច់ថតកម្រាលឥដ្ឋ, ជញ្ជាំងឥដ្ឋ, ដែកច្រែះ, ឬក្រមាទាំងមូលនោះទេ គ្រាន់តែថតផ្នែកខ្លះក៏អាចរំលេចនូវរូបភាពបានស្អាតដែរ៕

Pattern1

-ស្វែងយល់មុខងារបីរដ៏សំខាន់ គឺ Aperture, Shutter Speed និង ISO សម្រាប់អ្នករៀនថតរូបដំបូង

ដោយ៖ មាស រ័ត្ន
ប្រភព៖ nikonusa, digitalcameraworld

23 Dec, 2014 10:29

កាមេរ៉ា, គន្លឹះខ្លីៗ, គន្លឹះខ្លីៗលើកាមេរ៉ា

20 Comment (s)

women-viet-nam-asians-depth-of-field-cure-girl-1920x1200-hd-wallpaper

(រូបទី១)

កន្លងមក ប្រិយមិត្តប្រាកដជាធ្លាប់ប្រទះឃើញដូចរូបខាងលើ (រូបទី១) នេះមិនខាន។ ប្រិយមិត្តខ្លះមុខជាគិតថា រូបភាពច្បាស់ផ្នែកខាងមុខហើយខាងក្រោយព្រិលនេះគឺត្រូវបានរចនា តាមកុំព្យូទ័រ។ ត្រូវហើយ! រូបខ្លះគេធ្វើនឹងកុំព្យូទ័រមែន ប៉ុន្តែរូបខ្លះទៀតគឺថតចេញពីកាមេរ៉ាតែម្ដង ដែលគេហៅតិចនិកនេះថាថតរូបបែប “Depth of Field”។

អ្វីទៅជា Depth of Field?

(រូបទី២)

មើលក្នុងរូបថតខាងលើ (រូបទី២) ផ្នែកដែលច្បាស់ជាងគេគឺជា Depth of field។ Depth of field អាចស្ថិតនៅផ្នែកខាងមុខ, កណ្ដាល, ឬខាងក្រោយ នៅក្នុងរូបថត។

មូលហេតុអ្វីបានជាគេចូលចិត្តថតរូបបែប Depth of Field?
ការថតរូប Depth of Field គឺដើម្បីឲ្យវាស្អាតផង និងលើកកម្ពស់គុណភាពនៃរូបថតផង។ អ្នកថតរូបខ្លះចង់ឲ្យផ្នែកខាងក្រោយព្រិល ឲ្យអ្នកមើលផ្ដោតអារម្មណតែទៅលើវត្ថុ ឬមនុស្សដែលគេថតនៅខាងមុខច្រើនជាង។ ក្នុងភាពយន្ត Depth of Field ក៏គេឧស្សាហ៍ប្រើដែរ ដើម្បីបង្ហាញអំពីការសម្ដែងទឹកមុខ ឬអារម្មណ៍របស់តួ។

តើគេថតរូបបែប Depth of Field ដោយរបៀបណា?
ការថតរូប Depth of Field គឺងាយទេ គ្រាន់តែទម្លាក់ Aperture ឲ្យទាប ឧ. f/3.5, f/2.8, f/2, ឬ f/1.4។ ពេលអ្នកថតផ្ដោត (Focus) លើមនុស្ស ឬវត្ថុអ្វីមួយ មិនថានៅខាងមុខ ឬខាងក្រោយ ផ្នែកដែលមិនផ្ដោត (Out of Focus) នឹងព្រិលខ្លាំង ឬតិចទៅតាមប្រភេទកាមេរ៉ា និង Len របស់អ្នក។

Depth of field1

(រូបទី៣)

អាចមើលរូបខាងលើ (រូបទី៣) ពីភាពសុខគ្នារវាងរូបថត Aperture f/2 និងរូបថត Aperture f/22។ អ្នកថតរូបអាចប្រើមុខងារ M (Manual) ឬ AV/A ក៏បាន។ បើរូបងងឹត គេអាចសារ៉េដំឡើង ISO ឲ្យខ្ពស់ ដើម្បីបង្កើនពន្លឺបន្ថែម។

***Len កាមេរ៉ាមានឥទ្ធិពលទៅលើការថតរូប Depth of Field នេះណាស់។

សាកយកកាមេរ៉ាមកថតដោយទម្លាក់ Aperture ឲ្យទាប នោះអ្នកនឹងអាចថតរូបបែបនេះបានមិនខាន។ តេស្ដល្បងស្រដៀងនឹងរូបខាងក្រោមនេះ (រូបទី៤) ក៏បាន!!

dept of field

(រូបទី៤)

តាមដាន Sabay យើងនឹងធ្វើការបង្ហាញបច្ចេកទេសផ្សេងៗទៀតទាក់ទងនឹងការថតរូប

អត្ថបទ៖ មាស រ័ត្ន
ប្រភព៖ mir, cambridgeincolour

20 Dec, 2014 06:29

អត្ថបទសំខាន់, កាមេរ៉ា, គន្លឹះខ្លីៗ, គន្លឹះខ្លីៗលើកាមេរ៉ា, ព័ត៌មានបច្ចេកវិទ្យា

23 Comment (s)

មិន មែនឲ្យតែមានលុយទិញកាមេរ៉ាទំនើប ចាប់ពី Canon EOS 650 ឡើងទៅ អ្នកអាចថតរូបបានស្អាតនោះទេ។ តាមពិតទៅ កាមេរ៉ាប្រភេទអាជីព (Professional) ពិបាកថតជាងកាមេរ៉ាឌីជីថលតូចៗទៅទៀត បើអ្នកមិនបានដឹងពីមុខងារមួយចំនួនទេនោះ។ ក្នុងចំណោមមុខងារសំខាន់ៗជាច្រើន បើអ្នកអាចចេះតែបីខាងក្រោមនេះ វាល្មមនឹងជួយឲ្យអ្នកថតរូបបានស្អាតមិនខាន។

camera

Aperture
Aperture (AV សម្រាប់កាមេរ៉ា Canon) គឺសំដៅលើទំហំនៃប្រហោង Len ដែលអនុញ្ញាតឲ្យពន្លឺរត់ចូលទៅក្នុងកាមេរ៉ា។ Aperture ត្រូវបានគណនាជា (f/16), f/11, f/8.0, f/5.6, f/4.0, f/2.8, f/2.0 ឬ f/1.8។ Aperture កាន់តែតូច (ឧ. f/1.8 ) ទំហំនៃប្រហោង Len កាន់តែធំ។

*** ទំហំនៃប្រហោង Len ធំ ឬ Aperture កាន់តែតូច (ឧ. f/1.8) ពន្លឺដែលរត់ចូលក្នុងកាមេរ៉ាកាន់តែច្រើន ធ្វើឲ្យរូបភាពរបស់អ្នកកាន់តែភ្លឺ (មើលរូបខាងក្រោម)។

aperture

Shutter Speed
Shutter Speed (TV សម្រាប់កាមេរ៉ា Canon) គឺជារយៈពេលដែល Sensor ក្នុងកាមេរ៉ាចាប់យករូបភាព។ Shutter Speed ត្រូវបានគណនាជារូបមួយសន្លឹកក្នុងវិនាទី ឧ. 1/1000s, 1/500s, 1/250s, 1/125s, 1/60s, 1/30s, 1/15s, 1/8s, 1/4s, 1/2s, ឬ1s។ ល្បឿនកាន់តែលឿនគឺវិនាទីកាន់តែខ្ពស់ (ឧ.1/1000s)។

*** Shutter Speed កាន់តែយូរ (ឧ.1/2s) រូបភាពមានចលនាដែលអ្នកថតកាន់តែព្រឹល។ ផ្ទុយមកវិញ Shutter Speed កាន់តែលឿន (ឧ.1/1000s) រូបភាពមានចលនាដែលអ្នកថតកាន់តែច្បាស់។

SHUTTER_SPEED_SAMPLE_GRAPHIC

Photography_cheat_sheet_shutter_speed_tips

ISO
សម្រាប់កាមេរ៉ាឌីជីថល ISO គឺទាក់ទងនឹងពន្លឺ។ ISO ជួយផ្ដល់នូវកម្រិតពន្លឺដែលអ្នកចង់ប្រើសម្រាប់ថតរូបភាព។

iso

***ISO កាន់តែខ្ពស់ រូបភាពកាន់តែបែក (Noise) ដូចរូបខាងក្រោម។
noicy

វីដេអូខាងក្រោមនេះនឹងពន្យល់បន្ថែមពេលអ្នកសារ៉េមុខងារណា មួយរវាង Aperture, Shutter Speed, និង ISO វាជះឥទ្ធិពលទៅលើពន្លឺនៃរូបថត។

ក្រោយដឹងមុខងារសំខាន់ទាំងបី Aperture, Shutter Speed, និង ISO ហើយ អ្នកត្រូវដឹងអំពីការជ្រើសរើស Canon (M, AV, TV, ឬ P) ឲ្យដំណើរការ។

@ M (Manual)៖ អ្នកថតរូបជាអ្នកកំណត់មុខងារទាំងបីខាងលើដោយខ្លួនឯង។

@ AV៖ អ្នកថតរូបជាអ្នកកំណត់ Aperture និង ISO ដោយខ្លួនឯង ខណៈកាមេរ៉ានឹងជួយកំណត់ Shutter Speed ដោយស្វ័យប្រវត្តិ។

@ TV៖ អ្នកថតរូបជាអ្នកកំណត់ Shutter Speed និង ISO ដោយខ្លួនឯង ខណៈកាមេរ៉ានឹងជួយកំណត់ Aperture ដោយស្វ័យប្រវត្តិ។

ក្រោយដឹងពីមុខងារទាំងបីហើយ តោះ សាកទាញកាមេរ៉ាទំនើបរបស់អ្នកទៅសាកល្បងថតដោយសារ៉េចុះសារ៉េឡើង មើល៍ នោះអ្នកនឹងដឹងអំពីកាប្រើប្រាស់មេរ៉ាអាជីពទាំងនេះមិនខាន។ បើអ្នកបានដឹងពីមុខងារទាំងនេះហើយ អ្នកអាចទៅសិក្សាពីមុខងារផ្សេងទៀតរបស់កាមេរ៉ា ឬទៅប្រើកាមេរ៉ាផ្សេងបានយ៉ាងស្រូល៕

តាមដាន Sabay យើងនឹងធ្វើការបង្ហាញបច្ចេកទេសផ្សេងៗទៀតទាក់ទងនឹងការថតរូប

អត្ថបទ៖ មាស រ័ត្ន
ប្រភព៖ photographylife, mir, photographybay

១០ចំណុចអ្នកត្រូវដឹងពេលទៅដល់ថៃភ្លាមកុំឱ្យសយធំ

Jan 5, 2016 | 7:54 PM ជី ដេត

ថៃជាប្រទេសភូមិផងរបងជាមួយប្រទេសយើងដែរ ហើយក៏មានប្រជាជនខ្មែរមិនតិចទេ ដែលចូលចិត្តទៅលេងនៅប្រទេសនេះ។ មានរឿងមួយចំនួនដែល Angkor Post ចង់ប្រាប់ឱ្យអ្នកដឹង ពេលទៅដល់ថៃភ្លាម ដើម្បីឱ្យដំណើរកម្សាន្តអ្នកកាន់តែរីករាយនិងមិនខកចិត្ត។

១. ទិញស៊ីមទូរសព្ទប្រើក្នុងប្រទេសថៃ

ពេលទៅដល់ប្រលានយន្តហោះប្រទេសថៃភ្លាម អ្វីដែលអ្នកត្រូវធ្វើមុនគេ គឺត្រូវទិញស៊ីមទូរសព្ទសម្រាប់ទុកតេ ឬលេងអ៊ីនធឺណិតនៅស្រុកថៃ។ បើអ្នកទៅលេង១ សប្តាហ៍ គួរជ្រើសរើសស៊ីម ដែលមានទឹកប្រាក់ និងកញ្ចប់សេវាកម្មអ៊ីនធឺណិតសម្រាប់៧ថ្ងៃទៅបានហើយ តែបើច្រើនជាងនេះ អាចលៃលកទៅតាមហ្នឹងបាន។

២. បញ្ចូលលុយទូរសព្ទនៅឯណា?

ក្រោយទិញស៊ីមហើយ បើគណនីអ្នកអស់លុយ អ្នកអាចទៅរកទិញកាតទូរសព្ទដើម្បីបញ្ចូលទឹកប្រាក់ក្នុងកណនី នៅម៉ាតមានឈ្មោះថា 7eleven ដែលមាននៅគ្រប់ទីកន្លែងនិងបម្រើសេវាកម្មរាល់ពេល (ពីយប់ដល់ភ្លឺ)។

៣. សម្បូរភេទទីបី

ភេទទី៣មិនមែនជារឿងចម្លែកទេសម្រាប់ប្រទេសមានព្រុំប្រទល់ជាប់ ខ្មែរមួយនេះ តែនៅមានអ្នកទេសចរខ្លះអាចនឹងជាប់ស្នេហ៍នឹងពួកគេ (ភេទទីបី) ដោយមិនដឹងថាជាភេទទីបីផងក៏មិនដឹង។ បើមិនឮសំឡេងនិយាយទេ មិនដឹងថានារីដ៏ស្រស់ស្អាតនោះជាប្រុសសោះ។ បើស្រីតែងខ្លួនធ្វើប្រុសវិញ ដូចពុំមានច្រើនទេ តែបើប្រុសក្លាយខ្លួនមកជាស្រីនេះ គឺគរទឹកគដីតែម្តងនៅថៃ។ កុំឃើញសាច់សខ្ចី តាមញ៉ែណា!

៤. ត្រូវដូរយកលុយបាត

ថៃជាប្រទេសមួយលើកតំកើងរូបិយប័ណ្ណរបស់ខ្លួន (លុយបាត) ខុសពីប្រទេសមួយចំនួននៅអាស៊ី ដូច្នេះអ្នកត្រូវយកដុល្លារដែលដាក់ក្នុងហោប៉ៅទៅដូរយកលុយបាត សម្រាប់ការប្រើប្រាស់តាមចំនួនដែលចង់បាន។ ធម្មតា ១ដុល្លារ = ៣៤បាត។

៥. ប្រជាជនថៃមិនសូវប្រើភាសាអង់គ្លេស

បើអ្នកគិតថាចង់យកភាសាអង់គ្លេសទៅអនុវត្តឬទំនាក់ទំនងជាមួយ ប្រជាជនថៃ មិនថាអ្នកលក់ឬពលរដ្ឋធម្មតាទេ អ្នកប្រហែលជាគិតខុសបន្តិច។ ថៃនិយមលើកដំកើងភាសារបស់ខ្លួន ហើយក៏អាចនិយាយបានថាប្រជាជនភាគច្រើនមិនសូវចេះនិយាយភាសាអង់គ្លេស ដូចខ្មែរយើងទេ។ បើអ្នកអាចចេះនិយាយភាសាថៃខ្លះសម្រាប់ការទំនាក់ទំនង [ឧទាហរណ៍៖ សាវ៉ាត់ឌី (សួស្តី), អារ៉យ (ឆ្ងាញ់)] និងច្រើនជាងនេះបន្តិច ក៏ជារឿងល្អដែរ។ មិនខ្វះទេសៀវភៅរៀនភាសាថៃសម្រាប់ការដើរកម្សន្តនោះ។

៦. បើកបរឆ្វេងដៃ

និយាយពីការប្រកាន់ផ្លូវ ថៃខុសពីខ្មែរត្រង់ គេប្រកាន់ផ្លូវខាងឆ្វេង។ អ៊ីចឹងអ្នកអាចចម្លែកចិត្ត ហើយក៏ត្រូវប្រយ័ត្នដែរពេលដើរតាមផ្លូវក្នុងទីក្រុងស្រុកនេះ។

៧. ម៉ូតូឌុបនិងអ្នករត់កង់បី បើកបរដូចអ្នកប្រណាំងម៉ូតូ

ត្បិតតែសេវាម៉ូតូឌុបនិងកង់បីថៃមានគ្រប់ពេលពីយប់ទាល់ភ្លឺ មែន តែអ្នកបើកបរទាំងនោះបើកបរមិនសូវយឺតប៉ុន្មានទេ ហើយសូម្បីពេលខ្លះក៏មិនឈប់ស្តុបដែរ។ អ្នកអាចបះសក់ម្តងម្កាលក៏មាន ជាមួយអ្នកជំនាញរត់ម៉ូតូឌុបនិងកង់បីនៅថៃ។ តែពិសេសត្រង់ថាម៉ូតូគេសុទ្ធតែទំនើប (មាន Zoomer X និង Scoopyជាដើម)។

៨. ជិះរត់ភ្លើងលើអាកាស (Sky Train) ប្រសើរជាងម៉ូតូ កង់បីនិងឡានតាក់ស៊ីរត់លើដី

អ្នកនឹងចំណាយកាន់តែតិចនិងរហ័ស បើសិនអ្នកជ្រើសរើសការធ្វើដំណើរនៅក្នុងក្រុងប្រទេសថៃ ដោយការជិះរត់ភ្លើង ព្រោះវាចំណេញច្រើនជាងម៉ូតូឌុប កង់បី និងឡានតាក់ស៊ី។

៩. អ៊ីវ៉ាន់ថោកជាងនៅខ្មែរ ចុះត្រូវទិញនៅឯណា?

ស្ទើរតែ១០០ភាគរយទៅហើយដែលឥវ៉ាន់ស្រុកថៃធូរថ្លៃជាងនៅស្រុក ខ្មែរ ដោយសាររាល់ឥវ៉ាន់ (ខោអាវ នាឡិកា វ៉ែនតា -ល-) សុទ្ធតែអាជីវករនៅភ្នំពេញទៅយកដល់ថៃ។ បើអ្នកទៅបាំងកកហើយចង់ទិញឥវ៉ាន់ល្អៗនិងមានតម្លៃធូរថ្លៃ អាចទៅផ្សារប៉ាទូណាម (Pratunam) និង Big Cជាដើម។

១០. ការសំពះ

រឿងដែលពលរដ្ឋខ្មែរអាចនឹងខ្មាស់ថៃគឺការសំពះ។ ថៃប្រកាន់ខ្ជាប់ការសំពះរាល់ពេលជួបគ្នាម្តងៗ មិនថាចាស់ឬក្មេងឡើយ។ ដូច្នេះអ្នកត្រូវចាំរឿងនេះ ពេលទៅដល់ថៃ។
Angkor Post មានតែប៉ុន្មានចំណុចនេះទេ ដែលចង់ចែករំលែក។ សង្ឃឹមថាអ្នកនឹងធ្វើដំណើរកម្សាន្តទៅថៃដោយរីករាយនៅថ្ងៃឈប់ សម្រាក។

អត្ថបទ៖ ជី ដេត

ខ្មែរថៃប្រទេសភូមិផងវប្បធម៌ស្រដៀងគ្នា តែនៅតែមានចំណុចខុសគ្នា

26 Dec, 2015 12:09

ព័ត៌មានសង្គម

24 Comment (s)

ថៃ ជាប្រទេសដែលមានការអភិវឌ្ឍនិងមានព្រំដែនជាប់ប្រទេសកម្ពុជា។ ថៃបានក្លាយជាគោលដៅទេសចរដ៏ពេញនិយមដែលពលរដ្ឋកម្ពុជារាប់ម៉ឺន នាក់មួយឆ្នាំៗបានធ្វើដំណើរទៅកម្សាន្ត។ ទោះបីថៃមានវប្បធម៌ប្រពៃណីស្រដៀងកម្ពុជា ប៉ុន្តែក៏មានច្បាប់ទម្លាប់និងរឿងប្លែកៗជាច្រើនខុសគ្នា។

ការបើកបរ

ថៃបើកបរប្រកាន់ឆ្វេងខុសពីប្រទេសកម្ពុជា។ ដោយសារថៃនិងកម្ពុជាអនុញ្ញាតឲ្យពលរដ្ឋអាចយកយានជំនិះធ្វើដំណើរ ឆ្លងកាត់រវាងប្រទេសទាំងពីរ ពលរដ្ឋកម្ពុជាដែលទម្លាប់បើកបរប្រកាន់ស្កាំអាចជួបការលំបាក នៅពេលធ្វើដំណើរលើដងផ្លូវទាមទារការបើកបរត្រូវមានស្មារតី ប្រុងប្រយ័ត្នខ្ពស់។

អាហារហឺរៗស្ទើរគ្រប់មុខម្ហូប

ពលរដ្ឋថៃត្រូវពិភពលោកទទួលស្គាល់និយមទទួលទានហឺរ។ ស្ទើរតែគ្រប់ចានម្ហូបរបស់ពលរដ្ឋថៃតែងតែមានជាតិហឺរ ដែលធ្វើឲ្យអ្នកទេសចរខ្មែរជាច្រើនអាចមានបញ្ហាលើម្ហូបអាហារ ក្នុងការទទួលទាន។

ប្រយ័ត្នចាយលុយខុសពីលុយបាត

បាតជារូបិយប័ណ្ណរបស់ថៃ ដែលត្រូវចាយវាយជាទូទៅគ្រប់ទីកន្លែង។ អ្នកទេសចរខ្មែរត្រូវប្រាកដថាមានលុយបាតគ្រប់គ្រាន់ក្នុងកាបូប ដើម្បីងាយស្រួលចាយវាយផ្សេងៗ។

ការបើកភ្លើងម៉ូតូនៅពេលថ្ងៃ

អ្នកទេសចរកម្ពុជាមួយចំនួនអាចចម្លែកចិត្តនៅពេលធ្វើដំណើរតាម ដងផ្លូវនៅថៃ ដោយម៉ូតូធ្វើដំណើរបើកភ្លើងទាំងថ្ងៃ។ នៅប្រទេសកម្ពុជាអ្នកបើកបរអាចមានបញ្ហាបើសិនបើកភ្លើងម៉ូតូនៅពេល ថ្ងៃ បើមិនស្ថិតក្នុងកាលៈទេសៈពិសេសណាមួយ។ ប៉ុន្តែនៅថៃការបើកភ្លើងម៉ូតូនៅពេលថ្ងៃជារឿងធម្មតា និងក៏មិនខុសច្បាប់អីដែរ។

ការសំពះយ៉ាងខ្ជាប់ខ្ជួន

ទោះបីការសំពះក៏ជាវប្បធម៌របស់ខ្មែរដែរនោះ ប៉ុន្តែថៃការសំពះត្រូវបានប្រកាន់ភ្ជាប់យ៉ាងខ្ជាប់ខ្ជួនបំផុតមិន ថាចាស់ក្មេងប្រុសស្រី អ្នកមានឋានៈនិងមុខមាត់ខ្ពស់បែបណា ការគោរពគ្នាត្រូវតែលើកដៃសំពះជានិច្ច។

អត្ថបទ៖ ប៊ុណ្ណារ៉ា

Khmer Techno Innovation

Tuesday, January 5, 2016

ប្លង់ថតកុនល្បីៗ សូម្បីភាពយន្តហូលីវូដក៏យកតាមនេះដែរ!

10 Feb, 2015 09:12

Long Exposure បច្ចេកទេសឡូយ អ្នកថតរូបភាគច្រើនប្រាថ្នាចង់ចេះ!

12 Jan, 2015 11:27

ប្លង់ថតរូបមូលដ្ឋាន អ្នកទើបរៀនថតរូបដំបូងៗ កម្រមើលរំលង

6 Jan, 2015 10:35

ថតរូប ព្រិលមុខច្បាស់ក្រោយ ព្រិលក្រោយច្បាស់មុខ ងាយមែនទែន!

23 Dec, 2014 10:29

មុននឹងកាន់កាមេរ៉ាទំនើប ចាំបាច់ត្រូវចេះបីមុខងារនេះ ទើបថតរូបបានស្អាត!

20 Dec, 2014 06:29

១០ចំណុចអ្នកត្រូវដឹងពេលទៅដល់ថៃភ្លាមកុំឱ្យសយធំ

ខ្មែរថៃប្រទេសភូមិផងវប្បធម៌ស្រដៀងគ្នា តែនៅតែមានចំណុចខុសគ្នា

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels