Khmer Techno Innovation

WeChat

កាលពីឆ្នាំ ២០១៦ កម្មវិធីបណ្ដាញសង្គម WeChat ត្រូវបានគេរាប់បញ្ចូលជាបណ្ដាញសង្គមឈរឈ្មោះតំណែងទី ៥ នៅក្នុងប្រទេសចិន។ សប្ដាហ៍នេះ Sabay បង្ហាញអំពីការប្រើប្រាស់ឲ្យបានត្រឹមត្រូវក៏ដូចជា លក្ខណៈពិសេសៗមួយចំនួនរបស់ WeChat មានដូចខាងក្រោម។

+ វិធីបង្កើតគណនី WeChat

១. ទាញយកកម្មវិធី WeChat iOS | Android
២. បើកកម្មវិធី WeChat > ចុចយកពាក្យ Sign Up

៣. បញ្ចូលលេខទូរសព្ទ > វាយបញ្ចូលកូដសម្ងាត់ ៤ ខ្ទង់ដែលក្រុមហ៊ុនផ្ញើចូល Message (ជាការស្រេច)

+ការប្រើប្រាស់

១.អ្នកអាចធ្វើការ Set Profile Photo ឬឈ្មោះគណនី ដែលមានក្នុង Settings ផ្នែកខាងក្រោមបង្អស់

២.WeChat នឹងធ្វើការស្វ័យប្រវត្តិរកមើលនូវបញ្ជីឈ្មោះ (Contact) ណា ដែលមានចុះឈ្មោះប្រើប្រាស់កម្មវិធីនេះដែរ នោះវានឹងបង្ហាញទៅតាមតួអក្សរ

៣.ត្រង់ប្រអប់ Search ផ្នែកខាងលើបង្អស់ > អ្នកអាចធ្វើការ Add ទៅកាន់បុគ្គលដទៃទៀត តាមរយៈ ID ឬ QR Code

៤.ដើម្បីផ្ញើសារបាន ចូលទៅកាន់គណនីនរណាម្នាក់ ដែលបង្ហាញតាមរយៈ Contact

៥.ក្រៅពីការផ្ញើសារជាអក្សរធម្មតា អ្នកក៏ប្រើមុខងារផ្ញើវីដេអូ, រូបភាព, ទីតាំង ក៏ដូចជាវីដេអូ Call និង Call ជាសំឡេងធម្មតា ដោយចុចសញ្ញា (+) ក្បែរកន្លែងវាយបញ្ចូលអក្សរ។

+មុខងារពិសេសៗនៃកម្មវិធី WeChat:

១.QR Code:

ក្នុងប្រទេសចិន គេនិយមប្រើប្រាស់បំផុតគឺ QR Code ជំនួសពីប័ណ្ណសម្គាល់ខ្លួន, លេខទូរសព្ទជាដើម។ ចំពោះ WeChat អាចគាំទ្រមុខងារនេះ ដោយគ្រាន់តែអ្នកប្រើលើ QR Code បង្ហាញទៅកាន់ម្នាក់ទៀត ហើយធ្វើការស្កេនបញ្ចូលជាមួយកម្មវិធី នោះវានឹងស្វ័យប្រវត្តិរត់ទៅកាន់គណនីម្នាក់នោះភ្លាម។ សូម្បីតែតាមហាងលក់អាហារតាមផ្លូវទំនើបខ្លះ ក៏ប្រើប្រាស់ WeChat QR Code ដើម្បីឲ្យអតិថិជនធ្វើការទូទាត់ថ្លៃចំណាយរបស់ពួកគេផងដែរ។

២.GROUP:

សមាជិកនៃការបញ្ចូលក្នុងមួយក្រុម (Group) មានចំនួនកំណត់ ៥០០ នាក់ ប៉ុន្តែតាមការលេចលឺបើអ្នកមានស្គាល់បុគ្គលិក WeChat ពួកគេអាចមានវិធីបង្កើនដល់លើសពី ១ ពាន់នាក់។ តាមការប្រើប្រាស់ Group របស់ WeChat មានភាពពេញនិយមមិនខុសពី Facebook Group នោះឡើយ ដោយវាអាចធ្វើការផ្សព្វផ្សាយលក់ផលិតផលផ្សេងៗ តាមរយៈការប្រើប្រាស់ប្រព័ន្ធអ៊ីនធឺណិត។

៣.Moments:

WeChat Moments ក៏មានភាពស្រដៀងទៅនឹង Facebook Moment ប៉ុន្តែសម្រាប់ WeChat បើករណីនរណាម្នាក់មិនជាប់ទាក់ទងជា Friend ជាមួយគណនីម្នាក់ទៀត ខណៈបើទោះបីពួកគេព្យាយាម Comment ក៏វាមិនបង្ហាញឲ្យបុគ្គលម្ចាស់រូបឃើញនោះដែរ ដរាបណាជាលក្ខណៈ Mutual Friend ទើបអាចមានសិទ្ធ។

ទន្ទឹមនឹងភាពពេញនិយមរបស់វា រហូតធ្វើឲ្យពលរដ្ឋក្នុងស្រុកចិនខ្លះ បានបោះបង់ការប្រើប្រាស់ Google China ដែលយើងស្គាល់ជា Baidu ងាកមកប្រើប្រាស់ WeChat ជំនួសវិញ ព្រោះមានការចែកចាយព័ត៌មានផ្សេងៗ មិនចាញ់ Baidu ឡើយ។

៤.WeChat Pay:

ជាប្រព័ន្ធទូទាត់ទំនិញលំដាប់ទី ១ ក្នុងប្រទេសចិន ហើយលំដាប់ទី ២ គឺ Alipay របស់ក្រុមហ៊ុន Alibaba ដែលស្ថិតក្រោមការគ្រប់គ្រងរបស់ Jack Ma។ ក្នុងឆ្នាំ ២០១៧ មានការទូទាត់ឡើងដល់ ៤៦ ពាន់លានដង កើនឡើងជាង ៨ ពាន់លានដងនាឆ្នាំ ២០១៦ ដែលរាប់បញ្ចូលទាំងការទូទាត់ចំនួនសាច់ប្រាក់តាំងពី សេន រហូតឡើងដល់ ខ្ទង់រយដុល្លារ។

ជាឧទាហរណ៍អ្នកអាចប្រើប្រាស់វា សម្រាប់ការហៅ Taxi, ការកុម្ម៉ង់អាហារ, ការកក់សំបុត្ររថភ្លើង, ការណាត់ជួបវេជ្ជបណ្ឌិត និងការចំណាយផ្សេងៗជាច្រើនទៀត។

៥.Official Account:

OA ឬពាក្យពេញ Official Account ជាមុខងារម្យ៉ាងស្រដៀងនឹង Facebook Page របស់ Facebook ដែរ។ ការធ្វើអាជីវកម្មតាមរយៈបណ្ដាញសង្គមមួយនេះ កាន់តែបើកចំហឡើង ក្នុងការតភ្ជាប់ទៅកាន់អតិថិជនជុំវិញពិភពលោក។ យើងអាចប្រើប្រាស់ក្នុងកម្មវិធី WeChat ផ្ទាល់ ខុសពី Facebook ដែលទាមទារឲ្យដំឡើងកម្មវិធីជំនួយ Page Manager ក្នុងការប្រើប្រាស់ពេញលេញ។

រំឭកដែរថា WeChat ជាបណ្ដាញសង្គមមួយដែលបង្កើតឡើងដោយក្រុមហ៊ុន Tencent នាឆ្នាំ ២០១១ ហើយចូលដល់ឆ្នាំ ២០១៧ WeChat បានប្រែក្លាយជាកម្មវិធីផ្ញើសារលំដាប់ទី ១ ដែលមានអ្នកប្រើប្រាស់ដល់ ៩៣៨ លាននាក់។ ភាគច្រើននៃអ្នកប្រើប្រាស់ប្រមាណ ៩០ ភាគរយជាជនជាតិចិន។
នៅឆ្នាំ ២០១៧ មានរបាយការណ៍បង្ហាញថាប្រមាណពាក់កណ្ដាលនៃអ្នកប្រើប្រាស់សរុប បានចំណាយពេលដល់ ៩០ នាទី ជារៀងរាល់ថ្ងៃលើការប្រើប្រាស់កម្មវិធីយក្សមួយនេះ។ WeChat គាំទ្របានទាំងការប្រើប្រាស់នៅលើ Android, iPhone, BlackBerry, Windows Phone និង Symbian ហើយលើកុំព្យូទ័ររួមមាន OS X និង Windows៕

តិចនិកថតរូបក្រោមទឹក ដែលគ្រប់គ្នាគួរដឹង

ទិដ្ឋភាពក្រោមផ្ទៃទឹក ជាពិសេសសមុទ្រពិតជាស្រស់ស្អាតជាមួយពណ៌ដ៏សម្បូរបែប និងជីវចម្រុះនានាដែលអាចធ្វើឲ្យអ្នកទស្សនាបានឃើញហើយចង់ឃើញទៀត។ ដូចនេះ Sabay ក៏សូមបង្ហាញតិចនិកមួយចំនួនសម្រាប់ប្រិយមិត្តយកទៅថតរូបភាពក្រោមទឹកបានយ៉ាងទាក់ទាញ។

១) ស្ថានភាពក្នុងផ្ទៃទឹក

កត្តាសំខាន់ក្នុងការថតរូបក្រោមទឹក គឺមានអារម្មណ៍ល្អជាមួយនឹងទីតាំងនោះ។ អ្នកគួរចេះហែលទឹកបាន ដើម្បីអាចរក្សាលំនឹងនៃការថតរូប និងចំគោលដៅ។ លើសពីនេះក៏គួរតែប្រើប្រាស់ខ្យល់អុកស៊ីហ្សែន ជាមួយនឹងខោអាវហែលទឹកមួយឈុតតែម្ដង ដែលងាយស្រួលឲ្យអ្នកចំណាយពេលនឹងទិដ្ឋភាពបានយូរដែលអាចផ្ដិតយករូបភាពបានល្អ។ ម្យ៉ាងទៀត ភាគច្រើនរូបភាពល្អៗត្រូវបានថត នៅកៀកនឹងផ្ទៃទឹកខាងលើ ដែលមានពន្លឺល្អ។

២) យល់ពីជីវចម្រុះក្នុងទឹក

ដើម្បីផ្ដិតរូបភាពបានល្អ អ្នកត្រូវតែដឹងអំពីរបស់ដែលត្រូវថតក្នុងសមុទ្រជាចាំបាច់ ឧទាហរណ៍ តើអ្វីដែលអ្នកនឹងថត? តើវាមានគ្រោះថ្នាក់ឬអត់? ការដឹងអំពីឥរិយាបថរបស់ត្រីក៏អាចឲ្យអ្នកត្រៀមខ្លួនសម្រាប់ផ្ដិតយកទិដ្ឋភាពល្អបានផងដែរ។ ពណ៌របស់ត្រី ឬផ្ទាំងថ្មក៏សំខាន់ដែរ ដែលធ្វើឲ្យអ្នកកំណត់ Settings បានកាន់តែល្អ។

៣) ជ្រើសរើសឧបករណ៍ដែលត្រឹមត្រូវ

កាមេរ៉ាសម្រាប់ថតរូបជាមួយ Waterproof case និងកាមេរ៉ា DSLR ក្នុងទឹកបំពាក់ជាមួយ external strobe។ អ្នកអាចរីករាយនឹងការថតរូបបានល្អជាមួយនឹងកន្លែងដែលមានពន្លឺច្រើន។ ចំណុចមិនសូវល្អត្រង់ថាពន្លឺជំនួយបំពាក់លើតួខ្លួនកាមេរ៉ាដែលពិបាកកាន់ថតព្រមទាំងពិបាកកំណត់ Exposure ឲ្យបានត្រឹមត្រូវណាស់។

អ្នកថតរូបអាជីពភាគច្រើនប្រើ DSLR ដែលងាយស្រួលគ្រប់គ្រងលើប្រព័ន្ធដោយសារអ្នកអាចកំណត់ Aperture និងល្បឿនបានល្អអាស្រ័យលើស្ថានភាព។ វាងាយស្រួលក្នុងការតម្រង់ strobe តាមដែលអ្នកត្រូវការ ប៉ុន្តែប្រព័ន្ធវាអាចពិបាកក្នុងការគ្រប់គ្រង ហើយមានតម្លៃថ្លៃថែមទៀត។

៤) ចេះប្រើ Basic Settings

ទាំងនេះជាកាមេរ៉ា Settings មួយចំនួនដែលជួយធ្វើឲ្យរូបភាពក្រោមផ្ទៃទឹកអាចផលិតបានល្អ ៖ White balance: អ្នកគួរប្រើ Daylight mode ជាពិសេសពេលអ្នកប្រើ Flash ISO: រក្សា ISO ទាបអាច ១០០ ឬ២០០ Aperture: អាស្រ័យលើជម្រៅអ្នកមុជចូល ដែលភាគច្រើនអ្នកអាចកំណត់ F8 និង F16 ដែលទទួលបាន Depth of field បានយ៉ាងល្អ។ Speed: ការកំណត់ Exposure ឲ្យបានត្រឹមត្រូវមានផលល្អចំពោះរូបភាព។ ប្រសិនបើអ្នកចង់ថតរូបបានច្បាស់ល្អ អ្នកអាចប្រើ Shutter speed 1/125 ឬ 1/250 ហើយប្រសិនបើអ្នកចង់បានរូបភាព Motion អាចប្រើ Shutter speed 1/15 ឬតិចជាងនេះ។ Focus: អ្នកអាចប្រើប្រាស់ Autofocus

៥) ប្រើពន្លឺដែលមានស្រាប់

Flash មិនមែនសុទ្ធតែជាដំណោះស្រាយនោះទេ ដោយអ្នកត្រូវការកំណត់ Exposure ឲ្យបានត្រឹមត្រូវទៀត។ ប្រសិនបើអ្នកចង់បានរូបភាពប្រភេទ Silhouettes អាចកំណត់ F-stop យ៉ាងហោចណាស់ ១ ហើយប្រសិនបើអ្នកចង់បានកាំរស្មីពន្លឺចាំងចូលទឹក អាចប្រើប្រាស់ Shutter speed 1/250 ឬខ្ពស់ជាងនេះ។

៦) ប្រើពន្លឺ Flash

ប្រើប្រាស់ Strobe ក្រោមផ្ទៃទឹកនឹងជួយបង្ហាញនូវជីវចម្រុះបានច្បាស់ល្អ។ អ្នកមុជកាន់តែជ្រៅ មានពន្លឺកាន់តែតិចដែលមានសារៈសំខាន់ក្នុងការប្រើ Flash ដែលវានឹងជួយបង្ហាញនូវពណ៌យ៉ាងល្អអស្ចារ្យលើត្រី និងថ្មប៉ប្រះទឹក។ កុំភ្លេចថា Flash គ្រាន់តែជាប្រភពពន្លឺជំនួយប៉ុណ្ណោះ ដែលអ្នកត្រូវប្រើប្រាស់ឲ្យបានល្អ ដែលពន្លឺចូលក្នុង Frame ហើយធ្វើឲ្យអាចឃើញទឹកមានពណ៌ខៀវ និងជីវចម្រុះផ្សេងទៀតបានច្បាស់។ អ្នកគួរកំណត់ Strobe អាស្រ័យលើ Subject ដែលពេលថតត្រីនៅជិត គួរប្រើប្រាស់ Strobe តែ 1/2ឬ 1/4 ។

៧) ជ្រើសរើសអាងហែលទឹកដើម្បីសាកល្បង

មុនពេលអ្នកទៅថតរូបក្នុងមហាសមុទ្រ អ្នកគួរសាកល្បងក្នុងអាងហែលទឹកជាមួយនឹង Settings បច្ចេកទេសថ្មី និងប្រាកដពីឧបករណ៍អ្នកដំណើរការល្អនៅក្រោមទឹកនោះ។ អ្នកក៏អាចអនុវត្តដោយថតរូបគ្រួសារជាដើមកំឡុងពេលពួកគេហែល។

៨) យល់ពីគោលការណ៍របស់ Composition

ការថតរូបក្រោមផ្ទៃទឹក ក៏ដូចជាការថតរូបធម្មតាដែរ ដែលត្រូវការអនុវត្តតាមគោលការណ៍ដូចគ្នា។ អ្នកថតរូបក្នុងទឹកមិនប្រាកដថា ផលិតរូបភាពចេញមកល្អនោះទេ ដែលអ្នកគួរសិក្សា និងអនុវត្តនូវគោលការណ៍របស់ Composition រួមមាន Rule of thirds, Framing, Leading line និងការផ្លាស់ប្ដូរទីតាំងនានា។

៩) សាកល្បងជាមួយ Macro

ការថតរូប Macro ធ្វើឲ្យអ្នកផ្ដោតសំខាន់លើភាពលំអិតលើរូបភាព ជៀសជាងទិដ្ឋភាពក្រោមទឹកទាំងស្រុង។ អ្នកត្រូវការឧបករណ៍ពិសេសរួមមាន Macro lens ដើម្បីថតរូបប្រភេទនេះ ហើយគួរដាក់ Strobe តម្រង់នៅជិតនឹង Subject និងកំណត់ Manual Focus។ ការថតរូបប្រភេទ Macro ល្អបំផុតនៅពេលយប់ ដែលជាពេលសត្វចេញមកក្រៅច្រើន។

១០) សាកល្បងជាមួយ Wide Angle (មុំធំទូលាយ)

ប្រសិនបើអ្នកចង់បង្ហាញនូវភាពដ៏អស្ចារ្យរបស់ធម្មជាតិក្រោមផ្ទៃទឹក Wide Angle ជាវិធីដ៏ល្អជារួមកាន់តែធំទូលាយកាន់តែល្អ។ Wide-angle lens មានចន្លោះពី ១០mm ទៅ ២៤mm ទាំងប្រភេទ Zoom lens ឬ Prime lens។ កាមេរ៉ា Non-full-frame ដែលមាន ២៤mm តាមពិតស្ទើរតែស្មើ ៤០mm ដែលមិនសូវល្អសម្រាប់ការថតរូបក្រោមទឹកនោះទេ។ ដោយប្រើប្រាស់ Wide angles អ្នកត្រូវទៅជិតនឹង Subject ដើម្បីបំពេញ Frame និងអាចឲ្យពន្លឺជំនួយជះដល់ Subject បានល្អ។ Wide Angle ជាវិធីល្អបំផុតសម្រាប់បង្ហាញពីសារពាង្គកាយក្នុងប្រព័ន្ធអេកូ។

១១) រីករាយនឹងបទពិសោធន៍ថ្មី

ចងចាំថា អ្នកមិនមែនមុជទឹកដើម្បីតែថតរូបនោះទេ គឺត្រូវតែពេញចិត្តនឹងទិដ្ឋភាពក្រោមផ្ទៃទឹក ហើយចង់ចែករំលែកទិដ្ឋភាពទាំងអស់នេះទៅកាន់អ្នកដទៃ។ ប្រសិនបើអ្នកប្រកាន់គោលការណ៍នេះ រូបភាពរបស់អ្នកនឹងមើលទៅទាក់ទាញ និងរស់រវើក។ ការថតរូបជាការផលិតនូវបទពិសោធន៍ ហើយពេលអ្នកពេញចិត្តនឹងបទពិសោធន៍ទាំងនោះរូបភាពក៏ល្អតាមនោះដែរ៕

ប្រើតែស្មាតហ្វូន ក៏ថតវីដេអូបានយ៉ាងឡូយ បើដឹងបច្ចេកទេសទាំងនេះ

ការដែលចង់ថតវីដេអូឲ្យបានស្អាតនៅលើស្មាតហ្វូន មិនមែនគ្រាន់តែលើកកាន់ថតធម្មតាៗ បាននោះទេ តែដរាបណាយើងត្រូវយល់ដឹងច្បាស់ពីតិចនិក និងវិធីសាស្ត្រមួយចំនួនជាមុន។ ថ្ងៃនេះ Sabay នឹងណែនាំពីគន្លឹះមួយចំនួន ដែលប្រិយមិត្តគួរស្វែងយល់ ដើម្បីអាចផលិតវីដេអូដោយស្មាតហ្វូនបានយ៉ាងទាក់ទាញ។

@សម្អាត Len កាមេរ៉ា

ស្ដាប់ទៅវាសាមញ្ញ ហើយគិតថាមិនពិបាកនោះទេ ប៉ុន្តែមនុស្សមួយចំនួនច្រើនតែងរំលងចំណុចនេះ។ មុនថតវីដេអូអ្វីមួយ គប្បីអ្នកប្រើប្រាស់គួររកកូនក្រណាត់សតូចមួយ ទៅជូតនៅលើរង្វង់គ្រាប់កាមេរ៉ា ដោយប្រើកម្លាំងថ្នមៗ ជៀសវាងមានការឆ្កូត ឬប៉ះទង្គិច។

@ធ្វើការកំណត់ Settings

ស្មាតហ្វូនទំនើបនាពេលបច្ចុប្បន្នមានការកំណត់នៅរបៀបរបបជាច្រើននៃការថតវីដេអូ ដោយពពួក Android មាននៅចំហៀងខាងស្កាំ រីឯ iPhone ត្រូវចូលទៅកាន់ Settings ផ្ទាល់។ ទំហំវីដេអូមានទៅតាមលក្ខខណ្ឌកំណត់របស់វា។
ក្នុងនោះជាទូទៅគេច្រើនប្រើនូវកម្រិត 1080p នៅលក្ខខណ្ឌ 24fps និង30fps ដែលស្តង់ដារនេះ សូម្បីតែការថតភាពយន្តខ្លះ ក៏គេរើសត្រឹម 30fps ដូចគ្នា ព្រោះរូបភាពមានលក្ខណៈរលូនទៅល្អ មិនលឿនពេក ហើយក៏មិនយឺតពេក។ ខុសពីប្រភេទចូលដល់ 60fps ដែលសម្រាប់ស្មាតហ្វូនស៊េរីទាបខ្លះមិនទាន់មានដល់នៅឡើយ ជាហេតុដែលគេលើកថាត្រឹម 30fps ជាចំណុចល្អបំផុត។

@Slow Motion

ត្រឹមកម្រិត 60fps ឬខ្ពស់ជាងនេះ ឡើងដល់ 120fps ឬ240fps វីដេអូនោះ ចូលបែបប្រភេទ Slow Motion ដែលយើងនិយមហៅថា វីដេអូយឺតៗ ។ បើស្មាតហ្វូនអ្នកអាចកំណត់បានដល់កម្រិត 120 ឬ240fps វាជាឱកាសល្អសម្រាប់អ្នកក្នុងការថតវីដេអូ Slow Motion បានយ៉ាងប្រសើរបំផុតជាងស្មាតហ្វូនស៊េរីទាបៗ។ ចំពោះកម្រិត 120fps ល្បឿនយឺតជាងកម្រិតធម្មតា ៥ ដង និង 240fps យឺតជាង ១០ ដង។

@វីដេអូ 4K

ការវិវត្តនៃបច្ចេកវិទ្យា បានធ្វើឲ្យស្មាតហ្វូនធន់ខ្ពស់ អាចថតវីដេអូដល់កម្រិត 4K តែមិនជារឿងល្អសម្រាប់អ្នកប្រើ ស្មាតហ្វូនទំហំ ១៦/៣២GB អ្វីនោះទេ ដរាបណាទំហំ ៦៤GB ឡើងទើបសក្ដិសម។ ទំហំផ្ទុកវីដេអូប្រភេទនេះគឺស៊ីធំមែនទែន ហើយខណៈកុំព្យូទ័រខ្លះ ដែលចង់បើកមើលវីដេអូ 4K ក៏មិនអាចដំណើរការបានផងដែរ។ ទទួលស្គាល់ថាគុណភាពបង្ហាញ វាធ្វើបានប្រសើរជាង ប៉ុន្តែក្នុងពេលនេះ យើងអាចថតត្រឹមកម្រិត 1080p គឺល្អបំផុត។

@មុខងារទប់លំនឹងរូបភាព

មុខងារទប់លំនឹងរូបភាពនៅពេលថតសម្រាប់ iPhone និងម៉ូដែល Galaxy ស៊េរីខ្ពស់គេហៅថា OIS (Optical Image Stabilization) និងពពួក Pixel របស់ Google គេហៅថា EIS (Electronic Image Stabilization) ប៉ុន្តែមានការទទួលស្គាល់ថា EIS អាចធ្វើបានល្អជាង OIS។ យ៉ាងណាមិញសូមបញ្ជាក់ថាមុខងារទាំងពីរ គឺមានគោលដៅតែមួយ ទប់លំនឹងស្ថិរភាពនៃការថត ហើយអ្នកក៏អាចប្រើកម្មវិធីជំនួយបង្កើតឡើងដោយក្រុមហ៊ុន Instagram គឺ Hyperlapse ជាដើម។

@ប្រើឧបករណ៍ជំនួយដើម្បីថតនឹងល្អ

ចំណុចដំបូងបើអ្នកមិនចង់ទិញឧបករណ៍ជំនួយ គឺអាចសាកល្បងថតដោយប្រើដៃទាំងពីរ ថ្កល់លើតុកាន់ជាប់ជាមួយស្មាតហ្វូនឲ្យនឹង។ ប៉ុន្តែបើលក្ខខណ្ឌនៃការថតខ្លះ ទាមទារឲ្យផ្លាស់ប្ដូរទីតាំងច្រើន អ្នកគួរតែទិញជើងទម្រមួយ (Tripod) ដែលមិនជាមានតម្លៃថ្លៃប៉ុន្មាននោះទេសម្រាប់ពពួកស្មាតហ្វូន។

@រកកន្លែងផ្ទុកឲ្យគ្រប់គ្រាន់

ករណីបើអ្នកសម្រេចថាថតវីដេអូដល់កម្រិត 4K ស្មាតហ្វូនមួយគ្រឿងរបស់អ្នក ប្រហែលជាផ្ទុកឯកសារទាំងនោះមិនបានគ្រប់គ្រាន់ឡើយ។ ដរាបណាយើងគួរប្រើប្រាស់សេវា Cloud រួមមានដូចជា Google Drive, iCloud ឬdropbox ជាដើម និងតាមរយៈការផ្ទេរឯកសារចូលកុំព្យូទ័រក៏បាន។ ផ្លាស់ប្ដូររបៀបនៃការថត
ជាការពិតណាស់សម្រាប់បណ្ដាញសង្គម Facebook, YouTube និង Vimeo អាចអនុញ្ញាតឲ្យអ្នក Upload វីដេអូដែលថតបែបបញ្ឈរ ប៉ុន្តែមិនប្រាកដថាអ្នកត្រូវធ្វើបែបនោះទេ។ តាមពិតទៅការថតវីដេអូដ៏ល្អមួយ គឺអ្នកគួរជ្រើសរើសថតបែបផ្ដេក Horizontal / landscape ទើបប្រសើរជាង។

@ប្រើកម្មវិធីជំនួយ

ក្រោយពីស្វែងយល់ច្បាស់ពីគន្លឹះមួយចំនួនខាងលើចប់អស់ហើយ អ្នកគួរដឹងពីកម្មវិធីជំនួយមួយចំនួនទៀតដែលយើងគួរប្រើប្រាស់ជាមួយវីដេអូរបស់យើង។ វីដេអូខ្លះ ខណៈទិដ្ឋភាពដែលថតចេញមានពណ៌មិនសូវស្រស់ស្អាត ម្ល៉ោះហើយយើងអាចធ្វើការបញ្ចូលនូវ Filters ជាច្រើន ឬកែច្នៃទៅតាមបែបបទដែលអ្នកពេញចិត្ត។ សម្រាប់ iOS អ្នកអាចប្រើ iMovie, Splice, Adobe Premiere Clip និង Filmic Pro ជាដើម ខណៈ Android មានដូចជា Power Director។

យ៉ាងណាមិញបើការរៀបរាប់ខាងលើ នូវមានចំណុចខ្វះខាត ឬប្រិយមិត្តមានមតិយោបល់ចង់បន្ថែមជាបទពិសោធន៍ផ្សេងទៀត សូមធ្វើការ Comment នៅខាងក្រោម៕

គន្លឹះទាំង ១០ ក្នុងការស្វែងរកអ្វីមួយលើ Google កាន់តែលឿន

Google ជា search engine មួយដែលមានការនិយមប្រើប្រាស់ទូទៅលើពិភពលោក ដោយសារ algorithm របស់ engines មួយនេះខ្លាំង ដែលអាចឲ្យអ្នកស្វែងរកស្ទើរតែទាំងស្រុងពីគេហទំព័រនានា ដែលបានភ្ជាប់ទៅបណ្ដាញអ៊ីនធឺណិត (Hosting) ព្រមទាំងទិន្នន័យផ្សេងៗទៀត។ ដូច្នេះដើម្បីឲ្យការស្វែងរកព័ត៌មានកាន់តែមានប្រសិទ្ធភាពលើ Search engines មួយនេះ អ្នកគួរពិនិត្យមើលពាក្យគន្លឹះដូចខាងក្រោម ៖

១) ចូលមើល Cached Version នៃទំព័រ

អ្នកអាច Cached នូវជំនាន់នៃគេហទំព័រណាមួយ ដែលមានបញ្ហា ឬគ្មានបញ្ហាជាមួយបណ្ដាញអ៊ីនធឺណិត ដើម្បីងាយស្រួល និងរហ័សពេលអ្នកចូលមើលពេលក្រោយ ដោយវាទាញយកមកនូវជំនាន់នៃគេហទំព័រពី Google Server ជំនួសវិញ។

២) ស្វែងរកលទ្ធផលប្រហាក់ប្រហែល

អ្នកអាចស្វែងរកអ្វីដែលពាក់ព័ន្ធនឹងពាក្យដែលអ្នកចង់ស្វែងរកបាន ដោយប្រើ related:ពាក្យ ឬគេហទំព័រ ដែលអ្នកចង់ស្វែងរក។

៣) ស្វែងរកតាមរូបភាព

ដោយចូលទៅកាន់ [images.google.com](https://images.google.com/) រួចចុច icon រូបកាមេរ៉ា រួចជ្រើសរើសរូបភាពដែលអ្នកចង់ស្វែងរក។ បន្ទាប់មកវានឹងបង្ហាញព័ត៌មានដែលទាក់ទងនឹងរូបភាពនោះ។

៤) ស្វែងរកដោយប្រើសំឡេង

ចុចលើ icon Microphone រួចនិយាយពាក្យ ឬឃ្លាដែលអ្នកចង់ស្វែងរក។ វាមិនមែន AI ដែលដំណើរការដោយ Google Assistant នោះទេ តែអ្នកអាចស្វែងរកបាន។

៥) ស្វែងរកដោយប្រើ Nearby

អ្នកអាចស្វែងរកទីតាំងណាមួយដែលនៅជិតៗអ្នកដូចជា ហាងកាហ្វេជាដើម ដោយប្រើពាក្យគន្លឹះ ទីតាំងជាមួយនឹងពាក្យ Nearby។

៦) ស្វែងរក Google Doc កាន់តែលឿន

ជំនួសឲ្យការចូលទៅកាន់ Drive របស់អ្នកច្រើនដង អ្នកអាចស្វែងរកឯកសារផ្សេងៗក្នុង Drive បានរហ័សលើ Address Bar តែម្ដងដោយចូលទៅកាន់ Settings > Search > Manage search engines រួចបញ្ចូល drive.google.com ទៅកាន់បញ្ជីនៃ Search engines ។

៧) ស្វែងរកបន្ថែមលើ Google

អ្នកអាចស្វែងរកព័ត៌មានបន្ថែមផ្សេងទៀតទាក់ទងនឹងពាក្យដែលអ្នកបានស្វែងរកនៅផ្ទាំងខាងស្ដាំដោយអាចចុចលើផ្ទាំងដើម្បីអាននូវព័ត៌មានលំអិតបាន។

៨) ស្វែងរកអត្ថន័យពាក្យ

អ្នកអាចស្វែងរកអត្ថន័យនៃពាក្យនីមួយៗបានយ៉ាងងាយស្រួលនឹងរហ័ស ជាមួយពាក្យគន្លឹះ define: ពាក្យដែលអ្នកចង់ស្វែងរក។

៩) ស្វែងរកតាម Filetype

អ្នកអាចស្វែងរកប្រភេទឯកសារដោយប្រើ ឈ្មោះឯកសារជាមួយនឹងពាក្យគន្លឹះ filetype:pdf ឬ docx ។

១០) ការកម្សាន្ត

អ្នកអាចលេងហ្គេមកម្សាន្ត ប្រើកម្មវិធីតូចៗ ដោយប្រើប្រាស់ពាក្យគន្លឹះផ្សេងៗបាន ឧទាហរណ៍ google pacman អ្នកនឹងអាចលេងហ្គេម Pacman ដោយចុចលើ Click to Play៕

របៀបបម្លែងវីដេអូទៅជារូបភាពចលនា GIF

GIF ជាប្រភេទរូបភាពមានចលនា ដែលល្អសម្រាប់បង្ហាញជំនួសឲ្យវីដេអូខ្លីៗ ជាពិសេសវីដេអូបែបកំប្លែង ដោយសារវាប្រើប្រាស់ទំហំតូច ហើយអាចដំណើរការបានល្អលើគេហទំព័រ ឬស្មាតហ្វូននានា។ ចំពោះតិចនិកផលិតរូបភាពប្រភេទនេះ គឺអាចធ្វើតាមវិធីខាងក្រោមនេះ ៖

វិធីទី ១

ចូលទៅកាន់វេបសាយ giphy.com នោះវានឹងជួយបម្លែងវីដេអូ ទៅជារូបភាពមានចលនាយ៉ាងងាយស្រួល ដែលគ្រាន់ទាញយកពី YouTube, Vimeo ឬកុំព្យូទ័ររបស់អ្នក ហើយរូប GIF ដែលផលិតបាននោះ គឺទាញចេញពីរយៈពេល ១០ នាទីយ៉ាងយូរពីវីដេអូ។

វិធីទី ២

ប្រើកម្មវិធី ShotCut សម្រាប់កាត់តវីដេអូខ្លីៗដោយឥតគិតថ្លៃហើយងាយស្រួលប្រើប្រាស់។

-ចុចលើ Open file > ជ្រើសរើសវីដេអូ ចូលក្នុង Editor
-ប្រសិនបើអ្នកត្រូវការតម្រឹម ចុចលើ Filters > icon សញ្ញាបូក ដើម្បីបន្ថែម filter ថ្មី។
-ចុចលើ icon សញ្ញា monitor តូចដើម្បីឃើញ video filters រួចចុចលើ Crop។
-អ្នកអាចប្រើ Slider ដើម្បីតម្រឹមតាមការចង់បានចំពោះវីដេអូនោះ។
-ជ្រើសរើសចន្លោះនាទីដែលអ្នកចង់លុប រួចចុច Delete។ ធម្មតាវីដេអូសម្រាប់ GIF មិនគួរច្រើនជាង ១០វិនាទីនោះទេ។
-ចុចលើ Export > ជ្រើសរើស GIF សម្រាប់ទំហំ GIF គួរតែ 800 x 600 resolution > ចុចលើ Codec និងផ្លាស់ប្ដូរ codex ទៅជា GIF > ចុចលើ Audio និងជ្រើសរើស Disable audio។
-ចុងក្រោយចុចលើ Export file > ផ្ដល់ឈ្មោះជាមួយនឹង extension .gif រួចចុច Save៕ ចុចទាញយកកម្មវិធី ShotCut

តើអ្វីទៅជា HomeKit, Hotspot និង ICCID?

ការបង្ហាញពីពាក្យបច្ចេកទេសថ្មីៗ Sabay បានបង្ហាញជូនប្រិយមិត្តជារៀងរាល់សប្ដាហ៍។ ថ្ងៃនេះក៏ដូចគ្នា ដែលនឹងធ្វើការពន្យល់នូវពាក្យថ្មី ៣ ទៀតរួមមាន HomeKit, Hotspot និង ICCD។ តើវាមានអត្ថន័យដូចម្ដេច? ចុះអត្ថប្រយោជន៍នៃការប្រើប្រាស់វាមានអ្វីខ្លះ?

@HomeKit:

ជាមាតិកានៃកម្មវិធីស្វ័យប្រវត្តិមួយនៅលើស្មាតហ្វូនផ្ដោតសំខាន់លើការគ្រប់គ្រងឧបករណ៍ឆ្លាតវៃក្នុងគេហដ្ឋាន បង្កើតឡើងដោយក្រុមហ៊ុន Apple។ ប្រកាសជាលើកដំបូងនាព្រឹត្តិការណ៍ WWDC អំឡុងឆ្នាំ ២០១៤ ដែលមកជាមួយ iOS 8។ ប្រើប្រាស់បានតែនៅលើឧបករណ៍របស់ Apple មានដូចជា iPhone/iPad។

មានទំនាក់ទំនងជាមួយប្រព័ន្ធសុវត្ថិភាព iCloud ប៉ុន្តែគេធានាថារាល់ទិន្នន័យនៃឧបករណ៍ស្ថិតក្រោមការគ្រប់គ្រង គឺពុំមានការបែកធ្លាយទៅជនដទៃបាននោះឡើយ។ អត្ថប្រយោជន៍នៃការប្រើប្រាស់កម្មវិធី HomeKit គឺផ្ដល់អត្ថប្រយោជន៍ចម្បង សោតយ៉ាងដូចជាយើងនៅខាងក្រៅផ្ទះ ប៉ុន្តែយើងក៏អាចធ្វើការបញ្ជាឲ្យគ្រឿងបរិក្ខារផ្សេងៗក្នុងផ្ទះ បិទបើកតាមចិត្តរបស់លោកអ្នកជាពិសេសនៅពេលគេង បើយើងឡើងមកដល់លើគ្រែហើយ ច្រើនខ្ជិលមិនចង់ចុះទៅបិទភ្លើងអ្វីជាដើម ហើយ HomeKit គឺអាចជួយយើងបាន។

@Hotspot:

ពាក្យនេះមិនសំដៅតែលើ iPhone មួយឡើយ ខណៈមិនថាសូម្បី Android ឬស្មាតហ្វូន OS ផ្សេងទៀតរមែងមានមុខងារ Hotspot ដូចគ្នា។ មនុស្សជាច្រើននិយមហៅថា Share Wi-Fi។ ប្រកាសបង្ហាញជាផ្លូវការក្នុងទីក្រុង San Francisco សហរដ្ឋអាមេរិកនៅខែសីហា ឆ្នាំ ១៩៩៣ បង្កើតឡើងដោយលោក Henrik Sjodin។

តាមពិតទៅ Hotspot ជាប្រព័ន្ធពិសេសមួយដែលមាននៅតាមទីតាំងអាចផ្ដល់ឲ្យមនុស្សអាចទទួលប្រើប្រាស់អ៊ីនធឺណិតតាមបច្ចេកវិទ្យា Wi-Fi ដោយឆ្លងកាត់ WLAN នៃ Router តភ្ជាប់ទៅកាន់សេវានោះ។ ការប្រើ Hotspot បែងចែកជា ២ រួមមាន:

-Public Hotspots: សំដៅលើប្រព័ន្ធចែករំលែកអ៊ីនធឺណិតនៅតាមទីសាធារណៈរួមមានហាងកាហ្វេ, សណ្ឋាគារ ឬបណ្ដាហាងលក់ទំនិញផ្សេងៗ។ ការផ្ដល់អ៊ីនធឺណិតចេញទៅក្រៅតាមរយៈឧបករណ៍ Router ដែលតភ្ជាប់ AP ទៅកាន់ប្រព័ន្ធអ៊ីនធឺណិត។
-Private Hotspots: សំដៅលើប្រព័ន្ធអ៊ីនធឺណិតដែលចែករំលែកជាលក្ខណៈបុគ្គល រួមមានការចែករំលែកចេញពីស្មាតហ្វូន, ថេបប្លែត ជាមួយគម្រោងប្រើប្រាស់អ៊ីនធឺណិតស៊ីម ខណៈចំនួនឧបករណ៍ដែលអាចតភ្ជាប់ជាមួយវាបាន ត្រូវមានចំនួនកំណត់តិចជាងប្រភេទ Public Hotspots។

@ICCID:

ICCID មានពាក្យពេញ Integrated Circuit Card Identifier ជាលេខសម្គាល់នៃអត្តសញ្ញាណកាត។ ជាធម្មតាស្មាតហ្វូនមួយគ្រឿងមានលេខ IMEI សម្គាល់តួម៉ាស៊ីន ចំណែកឯ ICCID ដូចទៅនឹង IMEI ប៉ុន្តែវាជាលេខសម្គាល់ស៊ីមកាតដែលអ្នកប្រើប្រាស់។ ភាគច្រើននៃលេខ ICCID មានប្រមាណ ១៩ ទៅ ២០ ខ្ទង់។ ប្រសិនបើអ្នកកំពុងប្រើប្រាស់ iPhone អ្នកអាចមើលលេខ ICCID នៃស៊ីមរបស់អ្នកបាន ដោយចូលទៅកាន់ Settings> General > About > មើលលេខនៅផ្នែកខាងក្រោម។

អត្ថប្រយោជន៍របស់វា ល្អត្រង់ថាជាធម្មតាបើអ្នកបាត់ទូរសព្ទ អ្នកអាចយកលេខ ICCID សម្គាល់ស៊ីមកាតនេះ ទៅរាយការណ៍ជូនក្រុមហ៊ុន ដែលគេមានអ្នកជំនាញប្រតិបត្តិការលើផ្នែកបណ្ដាញ ហើយបើកាលណាវាយលេខ ICCID ចូលទៅ គេអាចចាប់បានថាទីតាំងដែលទូរសព្ទបាត់នៅទីណា ករណីបើចោរដែលលួច មិនទាន់បានដោះស៊ីមចេញ។

មុខងារចលនាខ្យល់រថយន្ត ដឹងគួរប្រើពេលណាអត់?

បើមើលនៅម្ដុំកន្លែងគ្រប់គ្រង់ដំណើរការម៉ាស៊ីនត្រជាក់រថយន្ត អ្នកនឹងឃើញមានប៊ូតុងមួយ (រថយន្តខ្លះមានពីរ) មានជារូបរថយន្តហើយមានសញ្ញាព្រួញនៅពីក្នុង។ ប៊ូតុងនេះប្រើសម្រាប់កំណត់ចលនាខ្យល់ក្នុងរថយន្ត។

ជឿថាអ្នកបើករថយន្តមួយចំនួនប្រហែលជាមិនទាន់ដឹងពីប្រយោជន៍មុខងារនេះ ហើយគួរប្រើវាពេលណាខ្លះនោះទេ។ វិបសាយជំនាញខាងរថយន្ត E3 Spark PlugS បានឲ្យដឹងថាប៊ូតុងនេះអាចដំណើរការចលនាខ្យល់ចំនួនពីរប្រភេទ ទីមួយប្រើខ្យល់ខាងក្នុងជាខ្យល់ម៉ាស៊ីនត្រជាក់ និង ទីពីរទាញយកខ្យល់ខាងក្រៅមកប្រើជំនួសវិញ។

ខាងលើប្រើខ្យល់ក្រៅ និង ខាងក្រោមប្រើខ្យល់ខាងក្នុង

សម្រាប់អាកាសធាតុក្ដៅប្រសិនបើប្រើខ្យល់ខាងក្នុងធ្វើឲ្យរថយន្តអាចត្រជាក់បានលឿន ជាជាងការទាញយកខ្យល់ក្ដៅមកប្រើ។ ដោយឡែកចំពោះពេលអាកាសត្រជាក់វិញ ការប្រើខ្យល់ខាងក្រៅជាជម្រើសល្អជាង។ នេះក៏ព្រោះតែការប្រើប្រាស់ខ្យល់ខាងក្នុងរយៈពេលយូរពេលអាចបណ្ដាលឲ្យប៉ះពាល់ដល់សុខភាព។

ខ្យល់ខាងក្នុងជាចលនាទៅវិញទៅមកនៃខ្យល់ ហើយមានន័យថាខ្យល់នេះត្រូវបានអ្នកដែលរួចដំណើរជាមួយស្រូបចូល និង បញ្ចេញមកវិញជាច្រើនលើកជាច្រើនសា។ មិនតែប៉ុណ្ណោះខ្យល់ក្នុងរថយន្តថែមទាំងមានសំណើមច្រើនទៀតផង។ កត្តាគួបផ្សំទាំងពីរនេះអាចធ្វើឲ្យអ្នកដំណើរទាំងឡាយងីងើ និងបង្អាក់ដល់ការផ្ចង់អារម្មណ៍របស់អ្នកបើកបរ ប៉ះពាល់ដល់សុវត្ថិភាពនៃការបើកបរ។

ដូចនេះជាការណែនាំគឺនៅពេលធ្វើដំណើរជិតៗក្នុងទីក្រុងអាចប្រើប្រាស់ត្រឹមខ្យល់ខាងក្នុងក៏បាន ដោយសារតែមិនមានខ្យល់អាកាសបរិសុទ្ធ។ ប៉ុន្តែសម្រាប់ការធ្វើដំណើរផ្លូវឆ្ងាយវិញគួរណាតែប្រើប្រាស់ខ្យល់ខាងក្រៅវិញ ព្រោះមានខ្យល់មានសភាពបរិសុទ្ធល្អ ជាពិសេសការធ្វើដំណើរតាមដងផ្លូវសម្បូរដោយដើមឈើ៕

Khmer Techno Innovation

Friday, August 4, 2017

WeChat

តិចនិកថតរូបក្រោមទឹក ដែលគ្រប់គ្នាគួរដឹង

ប្រើតែស្មាតហ្វូន ក៏ថតវីដេអូបានយ៉ាងឡូយ បើដឹងបច្ចេកទេសទាំងនេះ

គន្លឹះទាំង ១០ ក្នុងការស្វែងរកអ្វីមួយលើ Google កាន់តែលឿន

របៀបបម្លែងវីដេអូទៅជារូបភាពចលនា GIF

តើអ្វីទៅជា HomeKit, Hotspot និង ICCID?

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels

Khmer Techno Innovation

Friday, August 4, 2017

WeChat

តិចនិក​ថត​រូប​ក្រោម​ទឹក​ ​ដែល​គ្រប់គ្នា​គួរ​ដឹង

ប្រើ​តែ​ស្មាតហ្វូន​ ​ក៏​ថត​វីដេអូ​បាន​យ៉ាង​ឡូយ​ ​បើ​ដឹង​បច្ចេកទេស​​ទាំង​នេះ

គន្លឹះ​ទាំង​ ​១០​ ​ក្នុង​ការ​ស្វែងរក​អ្វី​មួយ​លើ​ ​Google​ ​កាន់​តែ​លឿន

របៀប​បម្លែង​វីដេអូ​ទៅ​ជា​រូបភាព​ចលនា​ ​GIF

តើ​អ្វី​ទៅ​ជា​ ​HomeKit, Hotspot និង ICCID?

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

តិចនិកថតរូបក្រោមទឹក ដែលគ្រប់គ្នាគួរដឹង

ប្រើតែស្មាតហ្វូន ក៏ថតវីដេអូបានយ៉ាងឡូយ បើដឹងបច្ចេកទេសទាំងនេះ

គន្លឹះទាំង ១០ ក្នុងការស្វែងរកអ្វីមួយលើ Google កាន់តែលឿន

របៀបបម្លែងវីដេអូទៅជារូបភាពចលនា GIF

តើអ្វីទៅជា HomeKit, Hotspot និង ICCID?