Khmer Techno Innovation

Tuesday, February 7, 2017

គន្លឹះពិនិត្យថាតើ iPhone Original ឬក៏ Fake

9 March 2015 គន្លឹះ iPhone មតិ

iPhone បានក្លាយជាទូរសព្ទ ពេញនិយមមួយ នាពេលបច្ចុប្បន្ននេះ ខណៈដែលការចររាចរណ៍នៃការលក់ទូរសព្ទនេះមានស្ទើរគ្រប់ទីកន្លែង។ លោកអ្នកអាចប្រាកដក្នុងចិត្តថា iPhone ជាផលិតផលពិត Official ឬក៏ fake (ផលិតផលក្លែងក្លាយ) បានដោយការជាវពីហាងដែលមានឈ្មោះ brand ត្រឹមត្រូវ មានការទុកចិត្តខ្ពស់ពីអតិថិជនជាដើម។ ចុះប្រសិនបើលោកអ្នកចង់ជាវពីហាងតូចៗ ឬក៏ផលិតផលមួយទឹក (second hand) តើលោកអ្នកនឹងប្រាកដទេថា ផលិតផលនោះជារបស់ពិត?

ជាមួយ សំបុកអាយធី ថ្ងៃនេះ លោកអ្នកនឹងដឹងនូវវិធីសាស្រ្ដងាយៗ ក្នុងការពិនិត្យថាតើ iPhone Original ឬក៏ Fake ដែលរួមមានដូចតទៅ៖

អត្ថបទគួរអាន គន្លឹះទិញ iPhone មួយទឹកឲ្យបានត្រឹមត្រូវ និងធូរថ្លៃ

ក. ឧបករណ៍បន្ទាប់បន្សំ – Accessories

ប្រសិនបើប្រអប់របស់លោកអ្នកមានបិទតែម (sealed box) ក៏មិនអាចបញ្ជាក់ថា វាជារបស់ថ្មី original ឬក៏មានអញ្ញាប័ណ្ណត្រឹមត្រូវនោះដែរ។ អ្វីដែលលោកអ្នកគប្បីពិនិត្យមើលសម្រាប់ iPhone ថ្មី គឺមានបិតផ្លាស្ទិក (plastic) លើអេក្រង់ ហើយនៅក្នុងប្រអប់របស់វា មានសៀវភៅណែនាំ (manual), ម្ជុលសម្រាប់ដកស៊ីម (SIM card ejector), sticker របស់ Apple, កាសស្ដាប់, USB cable, និងដុំសាកភ្លើង (charger)។

អត្ថបទគួរអាន គន្លឹះពិនិត្យមើល iPhone Model

ខ. ពិនិត្យមើលសម្បកក្រៅ

សូមពិនិត្យមើលប៊ូតុងទាំងអស់ ដែលវានឹងមានលក្ខណៈណែន មិនរលុងនោះទេ។ លោកអ្នកគប្បីត្រួតពិនិត្យ WIFI ដោយចូលទៅកាន់ iTunes ឬក៏ចូលទៅប្រើប្រាស់ Safari ដើម្បីប្រាកដថាវានឹងដំណើរការ។

គ. Activation

លោកអ្នកគប្បី ដំណើរការ ទូរសព្ទនោះ និងប្រើប្រាស់ស៊ីមកាតរបស់លោកអ្នក ពីព្រោះបន្ទាប់ពី boot ជាលើកដំបូងរបស់ iPhone លោកអ្នកនឹងត្រូវធ្វើការ activation ដូចជាការដំឡើង Windows ថ្មីដូច្នោះដែរ ហើយទូរសព្ទនឹងបង្ហាញ network ជា EDGE, 3G ជាដើម។

ឃ. iCloud

ចូលទៅកាន់ Settings -> iCloud និងត្រូវប្រាកដថាវាមិនត្រូវបាន logged in។ ប្រសិនបើវាត្រូវបាន logged in សូមឲ្យម្ចាស់ដើម ធ្វើការ logged out ត្រង់ចំណុចនេះ គឺដើម្បីការពារ ពីការទិញទូរសព្ទដែលត្រូវបានលួចពីគេ ព្រោះថាទូរសព្ទនេះអាចនឹងត្រូវបាន lock គ្រប់ពេលវេលា។ កុំភ្លេចពិនិត្យមើល iTunes Store និង App Store ម្ដងទៀតផងដែរ។

ង. iPhone Field Test Mode

ចំណុចពិសេសត្រង់នេះ គឺលោកអ្នកនឹងត្រូវចុច *3001#12345#* រួចចុច call នោះ iPhone នឹងចូលទៅកាន់ Field Test mode ដូចរូបទីពីរខាងក្រោម។ វានឹងធ្វើការផ្លាស់ប្តូរវបារសេវា (signal bar) ទៅជាលេខ។ ប្រសិនបើ iPhone ដែលលោកអ្នកកំពុងកាន់មិនមានដូចនេះទេ វាប្រាកដជា fake។

ការផ្ទៀងផ្ទាត់លេខ serial number

១. វិធីផ្ទៀងផ្ទាត់ជាមួយនឹង Apple’s database

សូមចូលទៅកាន់ “https://selfsolve.apple.com/agreementWarrantyDynamic.do” និងធ្វើការបញ្ចូលលេខ serial number នោះ នោះលោកអ្នកនឹងទទួលបានព័ត៌មានអំពី៖
a. iPhone unit
b. Serial Number
c. Valid Purchase date
d. Telephone Technical Support status
e. Repairs and Service Coverage status

ផ្ទុយទៅវិញ ប្រសិនបើលោកអ្នកឃើញ “we’re sorry, but this serial number is not valid. Please check your information and try again,” នោះ iPhone ដែលលោកអ្នកកំពុងកាន់នោះច្បាស់ជា fake មិនខាន។

២. វិធីផ្ទៀងផ្ទាត់តាមរយៈ Offline

សម្រាប់វិធីទីពីរនេះ លោកអ្នកមិនចាំបាច់ត្រូវការ Internet connectionនោះទេ។ លោកអ្នកអាចពិនិត្យរាល់ព័ត៌មានរបស់ទូរសព្ទនោះ បានតាមរយៈ iTunes នៅលើកុំព្យូទ័រ ដែលក្នុងនោះរួមមាន ដូចជា៖ memory capacity, battery status, phone number, និង serial number ជាដើម។ ខណៈដែល serial number នឹងមានតួលេខដូចគ្នាជាមួយនឹងលេខនៅក្នុង setting និងរបស់ដាក់ស៊ីម (SIM tray) រួមជាមួយនឹងលេខដែលនៅខាងក្រោយរបស់ប្រអប់ទូរសព្ទ។ ដូចនេះប្រសិនបើមានព័ត៌មានខុសគ្នារវាង ព័ត៌មានពីក្នុង iTunes, SIM Tray, ប្រអប់ទូរសព្ទ ឬក៏ពីក្នុង setting នោះ នោះ iPhone ប្រាកដជាផលិតផល fake មិនខាន។

iTunes

ចូលទៅកាន់ Settings -> General -> About

សម្បកខាងក្រោយប្រអប់

SIM Tray

ជាចុងក្រោយ សំបុកអាយធី សង្ឃឹម និងជឿជាក់ថា លោកអ្នកនឹងទទួលបានផលិតផលពិតដើម្បីយកមកប្រើប្រាស់។ កុំភ្លេចចុច LIKE

គួររំឮកផងដែរ លោកអ្នកអាចទាក់ទងទិញ iPhone 6 និង iPhone 6 Plus សុទ្ធពិត Official ពី Sombokit Store ក្នុងតម្លៃពិសេសដូចខាងក្រោម៖

iPhone 6, 16GB – ត្រឹមតែ $728 ឬប្រហែល $71 ក្នុងមួយខែ តែប៉ុណ្ណោះ
iPhone 6 Plus, 64GB – ត្រឹមតែ $968 ឬប្រហែល $95 ក្នុងមួយខែ តែប៉ុណ្ណោះ
ផលិតផល Official តែងដាក់លក់ក្នុងតម្លៃដូចគ្នា មិនថាពណ៌មាស ឬទឹកប្រាក់ឡើយ

បើមានចំណាប់អារម្មណ៍ សូមទាក់ទង 023 55 56 888 / 017 600 185 ។

គន្លឹះទិញ iPhone មួយទឹកឲ្យបានត្រឹមត្រូវ និងធូរថ្លៃ (មេរៀនទី ១)

12 October 2014 គន្លឹះ iPhone មតិ

ការទិញទូរស័ព្ទមួយទឹកមកប្រើប្រាស់ពិតជាផ្តល់នូវអត្ថប្រយោជន៍ជាច្រើនដល់អ្នកប្រើប្រាស់ អាចឱ្យអ្នកសន្សំសំចៃលុយបានដោយសារតែរបស់មួយទឹកមានតម្លៃធូថ្លៃជាង ហើយអាចឱ្យអ្នកទទួលបានទូរសព្ទដូចថ្មីដែរ ។ ប៉ុន្តែវាក៏ជួបហានីភ័យណាស់ដែរ ដោយសារតែអ្នកមិនដឹងថាច្បាស់អ្នកប្រើប្រាស់មុននោះគេប្រើយ៉ាងណានោះទេ ហើយក៏មិនដឹងថាវាមានបញ្ហាត្រង់ណាដែរ ដែលគេចង់លក់ទូរស័ព្ទរបស់គេចេញវិញ។ ដើម្បីកាត់បន្ថយកំហុស ឬហានីភ័យដែលអាចកើតមាន សំបុកអាយធីសូមចែករំលែកពីគន្លឹះក្នុងការទិញ iPhone មួយទឹក ដើម្បី ឱ្យលោកអ្នកចំណាយតិចហើយទទួលបានរបស់ល្អមកប្រើប្រាស់ ។

iPhone ជាប់ Lock ឬទេ?

iPhone ជាប់ Lock មានន័យថា iPhone នោះត្រូវបានគេបង្កើតឡើងសម្រាប់តែដាក់ស៊ីមរបស់ប្រព័ន្ធទូរស័ព្ទណាមួយ (AT&T ឬ T Mobile…)ដែលអ្នកមិនអាចដាក់ស៊ីមរបស់ប្រព័ន្ធទូរស័ព្ទផ្សេងបានទេ។ អ្នកក៏អាច Unlock iPhone របស់បានដែរវា ប៉ុន្តែវាអាចនឹងជួបបញ្ហាមួយចំនួន ទាក់ទងនឹងសេវាជូនមាន ជួនដាច់ ឬខ្សោយសេវា ឬពេលខ្លះបញ្ជូលទឹកប្រាក់មិនចូលជាដើម ។

ទាំង iPhone ដែល Lock ឬ Unlock រួចរាល់ក៏ដោយសុទ្ធតែ មិនគួរត្រូវបានជ្រើសរើសយកមកប្រើប្រាស់ទាំងអស់។

ជាប់ Activation Lock iCloud ឬទេ?

ជាប់ iCloud ឬ Activation Lock iCloud មានន័យថាទូរស័ព្ទ iPhone របស់អ្នកបានភ្ជាប់ជាមួយនឹងគណនី Apple ID រួចហើយ។ នៅពេលដែលអ្នកទិញ iPhone ដែលជាប់ iCloud ហើយអ្នកមិនដឹងពីលេខសម្ងាត់នោះទេ អ្នកនឹងមិនអាច Remove iCloud បានទេលុះត្រាតែអ្នកយកទៅជួបអ្នកជំនាញហើយធ្វើការដូរ board ចេញទើបអាចដោះស្រាយបាន។

អ្នកនឹងមិនអាច Update Version របស់ iOS ហើយអ្នកក៏មិនអាចដំឡើងកម្មវិធីដែលមាននៅក្នុង App Store ឬមិនអាច Backup/Restore ជាដើម និងមានបញ្ហាជាច្រើនទៀត។

ដើម្បីពិនិត្យថា iPhone របស់អ្នកជាប់ iCloud Activation Lock សូម ចូលទៅទីនេះ ហើយ វាយលេខ Serial ឬ IMEI ក៏បានចូលទៅក្នុងប្រអប់ខាងក្រោម ព្រមទាំងបញ្ជូលលេខកូដដែលមាននៅក្នុងរូបភាពខាងក្រោមផងដែរ។ ហើយចុច Continue ដើម្បីឆែកមើល ។

បន្ទាប់ពីអ្នកបានចុច Continue ហើយប្រសិនបើចេញលទ្ធផលដូចខាងក្រោមនោះមានន័យថាវាចាប់ iCloud ហើយប្រសិនបើទូរស័ព្ទដែលអ្នកបានទិញមកជាប់បែបនេះសូមទំនាក់ទំនងទៅ ម្ចាស់ពីមុន ដើម្បីធ្វើការដោះ iCloud ចេញ ។

បញ្ហាស៊ីគ្រឿងក្នុង

ជាមួយនឹងរបស់មួយទឹក កត្តាដែល គួរឱ្យខ្លាចជាងគេគឺការស៊ីគ្រឿង។ កាមេរ៉ារបស់ iPhone ក៏ដូចគ្នាវាត្រូវបានគេផ្លាស់ប្តូរដោយសារតែកត្តាផ្សេងៗ ។ ឬកញ្ជក់របស់កាមេរ៉ាត្រូវបានសឹក ។ មិនថាមូលហេតុមួយណាទេវាសុទ្ធតែប៉ះពាល់ដល់គុណភាពរូបភាពដែលអ្នកបានថតជាមួយកាមេរ៉ានោះ។ ដូចនេះអ្នកគួរថតរូបចេញពី កាមេរ៉ារបស់ iPhone ដែលអ្នកចង់ទិញនោះហើយពិនិត្យទៅលើគុណភាពរូបភាពនោះ អ្នកនឹងអាចដឹងថាតើវាត្រូវបានប្តូរឬមិនប្តូរ។

មួយទៀតនោះអ្នកគួរពិនិត្យទៅលើសំបកខាងមុនរបស់ iPhone ប្រសិនបើត្រូវបានគេប្តូរនោះវានឹងមិនមានពណ៌ប្រក្រតីដូច original នោះទេ។ ឧទាហរណ៍ iPhone 4/4s សន្ទះខាងមុខ original របស់វាគឺមានពណ៌សថ្លាបែបក្រម៉ៅ តែបើរបស់អាយវិញវាមានពណ៌ស ស្លេកបើដាក់ផ្ទឹមគ្នាវានឹងមានពណ៌សច្បាស់ជាង របស់ពិត។

iPhone នៅកាន់ថ្មឬទេ?

យើងដឹង ហើយថាថ្ម iPhone ជាប្រភេទ built-in batteries ដែល built ជាប់ជាមួយម៉ាស៊ីនតែម្តង ប្រសិនបើវាខួចអ្នកនឹងពិបាកក្នុងការប្តូរ ដោយត្រូវការអ្នកជំនាញផ្លាស់ប្តូរឱ្យ ហើយវាក៏មានតម្លៃខ្ពស់ណាស់ដែរ ។

ដើម្បីមើលថា iPhone នោះលែងកាន់ថ្មសូមចូលទៅ Setting=> General=> Usage ហើយពិនិត្យទៅលើរយៈពេលដែលអ្នកសាកថ្មពេញ 100% ធៀបទៅនឹង រយៈពេលប្រើប្រាស់ នឹង ភាគរយដែលប្រើប្រាស់ ។

ឬអ្នកអាចតេស្តដោយប្រើ Internet ជាមួយ 3G/4G ប្រហែល 15 នាទីបើថ្មអស់3- 5% នោះទូរស័ព្ទដែលអ្នកបំរុងនឹងទិញ ប្រហែលជាមិនកាន់ថ្មនោះទេ។

រន្ធកាស និង Power ដំណើរការឬទេ?

វាក៏ជាចំនុចចាំបាច់មួួយដែលអ្នកមិនអាចរំលងបានទេ ប្រសិនបើរន្ធ Power មិនដំណើរការអ្នកនឹងពិបាកក្នុងការសាកថ្ម ឬប្រើប្រាស់ជាមួយ iTunes ជាដើម ចំពោះរន្ធកាសក៏ដូចគ្នាដែរ បញ្ហានេះអាចកើតឡើងមកពីនាយមកស្រាប់ ឬកើតមានចំពោះអ្នកដែលចូលចិត្តប្រើប្រាស់ Accessories ជជុះជាដើម។ ហេតុនេះហើយអ្នកត្រូវតែប្រយ័ត្នប្រយែងនឹងចំនុចនេះជាចាំបាច់។

តេចេញចូល និងស្តាប់សម្លេង

សូមធ្វើការតេចេញនិងតេចូល ដើម្បីតេស្តស្តាប់សំលេង របស់ Speaker និង Microphone ដោយសារអាចមានករណីស្តាប់មិនសូវច្បាស់ ឬ និយាយទៅគេ គេស្តាប់មិនសូវច្បាស់។ វាជាចំនុចសំខាន់មួយដែរ ដែលគួរពិនិត្យមើលមុនទិញ។

ពិនិត្យមើលប៊ូតុងទាំងអស់

នៅលើ iPhone ទាំងមួលមានប៊ូតុងសរុបចំនួន 4 និងគន្លឹះសំលេងមួយ។ អ្នកគួរពិនិត្យមើលគ្រប់ប៊ូតុងទាំងនោះថាតើវាដំណើរការទេ ជាពិសេសប៊ូតុង Home ដែលជាប៊ូតុងដែលគេប្រើប្រាស់ច្រើនជាងគេ។

Accessories មកពីនាយ ( Original )

នៅពេលដែលអ្នកពិនិត្យទៅលើ ទូរស័ព្ទអស់ហើយសូមសួររក Accessories ដូចជាឆ្នាំងសាក ខ្សែរ USB កាស ដែលមានមកពីនាយរបស់វា។ ព្រោះថាជាមួយ iPhone ភាគច្រើនប្រើខ្សែរសាក USB ជជុះ សាកមិនសូវឆាប់ពេញ ហើយប្រើយូរទៅវានឹងលែកស្គាល់ឬបញ្ចូលមិនចូលតែម្តង ។

សេចក្តីសន្និដ្ឋាន

ជារួម ការទិញទូរស័ព្ទ iPhone មួយទឹកពិតជាសំខាន់ បើលោកអ្នកមិនបានពិនិត្យឲ្យបានត្រឹមត្រូវ នោះលោកអ្នកអាចនឹងខាតបង់ប្រាក់ ជាមិនខាន ឬអាចនឹងបាត់បង់សមត្ថភាពប្រើប្រាស់មួយចំនួន នៅក្នុងទូរស័ព្ទនោះទៀត ។ ការរៀបរាប់ខាងលើ នឹងផ្តល់ជាអត្ថប្រយោជន៍យ៉ាងពិតប្រាកដ យោងតាមការសាកល្បងជាមួយនឹងបទពិសោធន៍ពិតៗ ។ គួរបញ្ជាក់ផងដែរថា iPhone ដែលជាប់ iCloud Activation Lock ឬ មិនមែន Unlock Original សូមកុំទិញឲ្យសោះ ទោះក្នុងតម្លៃណាក៏ដោយ ។

មើលអ្នកលួចប្រើ Wi Fi នៅជុំវិញ

Posted on by TEAV Chhun Nan (ទំនាក់ទំនង ផ្សាយពាណិជ្ជកម្ម 077778647-070778647)

ការភ្ជាប់អ៊ីនធឺណិតប្រើនៅផ្ទះ អាចដឹងដឹងច្បាស់អំពីចំនួនអ្នកប្រើ ឬចំនួនឧបករណ៍អេឡិចត្រូនិកដែលតែងតែភ្ជាប់ប្រើ Wi-Fi រួមជាមួយអ្នកជាប្រចាំ។ ការសង្ស័យថា Wi-Fi របស់អ្នកត្រូវបានគេលួចប្រើ គឺដោយ សារ ល្បឿនអ៊ីនធឺណិតធ្លាក់ចុះ។ ដើម្បីដឹងបានថា មាននរណាខ្លះ កំពុង ប្រើ និងកំណត់មុខសញ្ញាឧបករណ៍ប្លែកៗដែលលោកអ្នកមិនស្គាល់ (អាចជាការលួចប្រើ) Wi-Fi របស់អ្នកស្ងាត់ៗ អនុវត្តតាមជំហានខាង ក្រោម ដែលអាស្រ័យលើប្រភេទ Wi-Fi Router។ Router ពីរប្រភេទនេះមកធ្វើការបង្ហាញជូនប៉ុណ្ណោះ។

+របៀបឆែកមើលតើមានអ្នកលួចប្រើ Wi-Fi នៅក្នុង Router ម៉ាក TP-LINK របស់អ្នកឬទេ
១) -បើកកម្មវិធី Browser (Firefox, Chrome, IE …) រួចវាយបញ្ចូល IP របស់ TP-LINK Router នោះ។ តាមធម្មតា IP របស់ Router ម៉ាក TP-Link នេះគឺមាន Default IP: 192.168.0.1 ដែលអាច Log ចូលបានដោយប្រើ User និង Password គឺ admin (ជាអក្សរតូចទាំងអស់) ដូចគ្នា។ មានន័យថា លោកអ្នកត្រូវវាយបញ្ជូន IP: 192.168.0.1 រួចហើយបញ្ចូល ព័ត៌មានគឺ

-User Name: admin
-Password: admin

បញ្ជាក់៖ IP សម្រាប់ភ្ជាប់ចូលទៅកំណត់នៅក្នុង TP-Link Router គឺអាចខុសពី IP លក្ខណៈ ដើម (default) ខាងលើ អាស្រ័យថាតើមានអ្នកកែប្រែឬទេ។ ប្រសិនមិនអាចភ្ជាប់បាន លោកអ្នកអាចទាក់ទងទៅបុគ្គលិកផ្នែកផ្ដល់សេវាកម្មបច្ចេកទេសរបស់ ក្រុមហ៊ុនអ៊ីនធឺណិតដែលអ្នកបានជ្រើសរើសមកប្រើ ដើម្បីសុំលេខ IP និងព័ត៌មាន User Name និង Password បាន។
លោកអ្នកក៏អាចកែប្រែ IP របស់ TP-LINK Router បានផងដែរដោយចូលទៅ Network → LAN រួចកែនៅត្រង់ IP Address ដែលជាទូទៅគឺមាន Default IP គឺ 192.168.0.1 តែប្រសិនគេបានកែទៅហើយនោះ អ្នកក៏អាចចុចលើប៊ូតុង Reset នៅផ្នែកខាងក្រោយនៃ Router ដើម្បីធ្វើឱ្យការកំណត់ទៅជាលក្ខណៈដើម (Default) វិញ។ ចំណែក User Name និង Password ជាទូទៅអ្នកអាចរកមើលបាននៅខាងក្រោមបាតនៃ TP-LINK Router។

២) ក្រោយពី Log ឧបករណ៍ TP-LINK Router ហើយ ត្រូវចូលទៅ DHCP → DHCP Client List។
ចំនួនឧបករណ៍អេឡិចត្រូនិក (មានដូចជា កុំព្យូទ័រ, ស្មាតហ្វន, ថេប្លេត … ) ព្រមទាំងឈ្មោះឧបករណ៍ដែលបានភ្ជាប់ Wi-Fi របស់អ្នក នឹងបង្ហាញនៅក្នុងតារាង DHCP Client List។

៣) ចំពោះការកំណត់ចំណាំ តើមានគេលួចប្រើ Wi-Fi ដោយគ្មានការអនុញ្ញាតពីអ្នកឬក៏អត់ គឺត្រូវមើលលើអ្នកថាតើ មានបានប្រាប់នរណាខ្លះឱ្យស្គាល់ Password ឧបករណ៍ Wi-Fi Router របស់អ្នកឬទេ។ វាអាចពិបាកក្នុងការធ្វើកំណត់សម្គាល់បន្តិច ព្រោះថា ជាធម្មតា Password ត្រូវគេចែកចាយប្រាប់តៗគ្នា ពោលគឺមិនងាយលាក់ជិតនោះទេ។ យ៉ាងណា សម្រាប់លោកអ្នកដែលភ្ជាប់អ៊ីនធឺណិតប្រើតាមផ្ទះ នោះប្រាកដជាកំណត់ខ្លួនឯងច្បាស់ថា តើមាននរណាខ្លះស្គាល់លេខសម្ងាត់ Wi-Fi របស់អ្នក។ ប្រសិនបើឆែកឃើញឈ្មោះឧបករណ៍នៅត្រង់ផ្នែក Client Name ដែលលោកអ្នកមិនស្គាល់ នោះគឺមានន័យថា Wi-Fi របស់អ្នកកំពុងត្រូវបានគេលួចប្រើហើយ។ ការលួចប្រើមានពីរករណី គឺអាចដោយសារ Password ត្រូវបានប្រាប់តៗគ្នា ឬមួយទៀតអាចត្រូវគេ hack ប្រើ។

+ដើម្បីផ្លាស់ប្ដូរឈ្មោះ និងលេខសម្ងាត់នៅលើ TP-LINK Router សូមអនុវត្តតាមជំហានខាងក្រោម៖

១) ចូលទៅកម្មវិធី Browser រួចវាយបញ្ចូល IP: 192.168.0.1 នៅលើរបារអាសយដ្ឋាន (ដូចជំហានទី១ នៃរបៀបចូលឆែកមើលអ្នកលួចប្រើ Wi-Fi ខាងលើ)

២) ចូលទៅ Wireless → Wireless Settings ដើម្បីផ្លាស់ប្ដូរឈ្មោះ ITCAMBO Wi Fi នៅត្រង់ប្រអប់ Wireless Network Name រួចហើយចុចលើប៊ូតុង Save។ នៅត្រង់ Wireless ដដែល សូមចូលទៅ Wireless Security ដើម្បីផ្លាស់ប្ដូរលេខសម្ងាត់ (Password) របស់ Wi-Fi នៅត្រង់ផ្នែក WPA/WPA2 – Personal (Recommended) និងនៅត្រង់ប្រអប់ Wireless Password។ បន្ទាប់ពីបានបញ្ចូលឈ្មោះថ្មី និងលេខសម្ងាត់ថ្មីរួចហើយ ត្រូវចុចលើប៊ូតុង Save ជាការស្រេច។
បញ្ជាក់៖ លោកអ្នកក៏អាច ផ្លាស់ប្ដូរលេខ IP Address របស់ Wi-Fi Router ផងដែរជៀសវាង បន្ទាប់ពី hack បាន គេអាចកែប្រែ IP ដើមចេញ ដោយដាក់ IP ផ្សេង ធ្វើឲ្យអ្នកមិនអាចភ្ជាប់ចូលទៅ Configure លើ Router បាននៅពេលក្រោយ។ ដើម្បីប្ដូរ IP ត្រូវចូលទៅ Network → LAN រួចប្ដូរនៅត្រង់ប្រអប់ IP Address។

+របៀបចូលឆែកមើលអ្នកលួចប្រើ Wi-Fi នៅក្នុង Router ម៉ាក PROLINK

១) ធ្វើដូចជំហានដែលប្រើសម្រាប់ Login ចូល TP-Link Router ដែរ គឺត្រូវបើកកម្មវិធី Browser ណាមួយ (Firefox, Chrome, IE …) ប៉ុន្តែ IP ដែលត្រូវវាយបញ្ចូលគឺមិនដូចគ្នាឡើយ ពោលគឺ 192.168.123.254។
បន្ទាប់ពីវាយបញ្ចូល IP បានត្រឹមត្រូវហើយ នោះផ្ទាំង Login នឹងបង្ហាញ ដោយតម្រូវឱ្យលោកអ្នកបញ្ចូលព័ត៌មានចំនួនពីរគឺ៖
-Username: admin (អក្សរតូចទាំងអស់)
-Password: password (អក្សរតូចទាំងអស់)

បញ្ជាក់៖ 192.168.123.254 គឺជា Default IP ដែលមានមកជាមួយ PROLINK Router ស្រាប់ ហើយអាចត្រូវបានគេកែតាមក្រោយ។ ដូច្នេះប្រសិនបើមានបញ្ហាពាក់ព័ន្ធ IP មិនអាចភ្ជាប់ចូល PROLINK Router បាន លោកអ្នកអាចទាក់ទងសុំជំនួយពីបុគ្គលិកផ្នែកបច្ចេក ទេសរបស់ក្រុមហ៊ុន អ៊ីនធឺណិតដែលអ្នកកំពុងជួលប្រើ។ ចំណែក Username និង Password ក៏ដូចគ្នា ប្រសិនលោកអ្នកមិនអាចប្រើជាលក្ខណៈ ដើម (default) សម្រាប់ login មិនបាន ដូច្នេះត្រូវទាក់ទងសួរទៅក្រុមការងារផ្នែកបច្ចេកទេសឱ្យគេប្រាប់ ឈ្មោះគណនី និងលេខសម្ងាត់នោះ។

២) ក្រោយពី Login បានហើយ សូមចូលទៅ Status → Active Client ដើម្បីបើកតារាងឈ្មោះឧបករណ៍ដែលកំពុងភ្ជាប់ Wi-Fi របស់អ្នក។ ត្រង់នេះ សូមមើលលើតារាងឈ្មោះថា Active Wireless Client Table ដើម្បីដឹងពីឈ្មោះ និងចំនួនឧបករណ៍។

៣) មិនមែនមានន័យថា លោកអ្នកកំណាច់មិនឱ្យគេប្រើនោះទេ ប៉ុន្តែវាគឺជាការរំលោភបំពាន គ្មានសុំការអនុញ្ញាតត្រឹមត្រូវមុននឹងប្រើ ម្យ៉ាងធ្វើឲ្យល្បឿនអ៊ីនធឺណិតយឺត ខាតដល់ការបំពេញកិច្ចការរបស់អ្នក។ ដូច្នេះជម្រើសតែមួយ គឺគួរណាស់តែប្ដូរលេខសម្ងាត់ថ្មីឱ្យរឹតតែស្មុគ ស្មាញ (complex password) ដើម្បីជៀសវាងគេ hack ស្រួលៗ៕

វិធីអាចមើលដឹងថា មានឧបករណ៍ណាខ្លះកំពុងភ្ជាប់ប្រើ Wi-Fi របស់អ្នកបានយ៉ាងងាយស្រួល ដោយមិនចាំបាច់ Login ចូលទៅ Router នាំតែស្មុគស្មាញ ដែលកម្មវិធីនោះឈ្មោះ Wireless Network Watcher។

ទាញយកកម្មវិធី Wireless Network Watcher 1.47 Portable

រៀបធ្វើការ Sync Photo Library របស់អ្នកជាមួយនឹង iCloud

ការរក្សាទុករូបថត - Photo របស់យើងនៅក្នុង iCloud វាផ្តល់ភាពងាយស្រួលមួយចំនួនដួចជា ប្រសិនបើយើងផ្លាស់ប្តូរទូរសព្ទ័ថ្មី នោះយើងនូវតែមិនបាត់បង់រូបថត រឺក៏ត្រូវចម្លងទុកមុនពេលផ្លាស់ប្តូរនោះទេ។ ម្យ៉ាងវិញទៀត យើងអាចធ្វើការចែករំលែករូបថតជាមួយក្រុមគ្រួសារ មនុស្សជាទីស្រលាញ់ និងមិត្តភក្តិបានដោយងាយដោយគ្រាន់តែ share ទៅកាន់ appid ណាមួយទៀតដែលយើងចង់ធ្វើការចែករំលែក។

ខាងក្រោមនេះពពកសូមធ្វើការបង្ហាញពីរបៀបចម្លងរូបថតក្នុងទូរសព្ទ័ដៃរបស់អ្នកទៅកាន់ iCloud នៃគណនីយរបស់អ្នក៖
ដំបូងសូមធ្វើការចូលទៅកាន់ Settings

បន្ទាប់មកស្វែងរកពាក្យ iCloud ចំណាំប្រសិនបើអ្នកមិនទាន់ធ្វើការ Login iCloud account ទេ នោះអ្នកត្រូវធ្វើការ Login ជាមុនសិន។

បន្តរមកទៀតអ្នកនឹងឃើញត្រង់ចំណុច Photo ជាមួយនឹងពាក្យ Off មានន័យថាអ្នកមិនទាន់បានធ្វើការចម្លងរូបថតជាមួយនឹង iCloud នៅឡើយទេ។

ដូច្នេះសូមចុចលើពាក្យ Photo ហើយធ្វើការបើក iCloud Photo Library អោយមានសញ្ញាបៃតងដូចរូបខាងក្រោមនេះ។ ហើយជ្រើសរើសយក Option មួយគឺ Optimize iPhone Storage។

គួរពិនិត្យចំណុច 10 យ៉ាង មុនទិញ iPhone មួយតឹកមកប្រើប្រាស់

អ្នកទាំងអស់ញគ្នាច្បាស់ជា ធ្លាប់បានទិញទូរស័ព្ទមួយតឹកមកប្រើប្រាស់ ដោយឡែកអ្នកទាំងអស់គ្នាក៏នៅមានការភ័យព្រួយនៅឡើយពីបញ្ហាផ្សេងៗ ដោយពេលខ្លះមិនមានទំនុកចិត្តលើខ្លួនឯង ខណៈដែលមិនដឹងថាត្រូវធ្វើតេស្តសាកល្បងមើលអ្វីខ្លះ នៅពេលដែលទិញទូរស័ព្ទតម្លៃរាប់រយដុល្លារមកប្រើប្រាស់។

វិធីពិនិត្យមានដូចជា៖

1. ពិនិត្យមើលតួសំបកម៉ាសុីន: ជាធម្មតាចំណុចដំបូងនេះគឺចាំបាច់បំផុត ព្រោះការលក់ចេញ ទិញចូលមិនថាយើងមិនថាគេ គឺតែងតែក្រលេកមើលសំបកម៉ាសុីនជាចាំបាច់។ អ្នកត្រូវគប្បីពិនិត្យមើលថា តើសំបករបស់វាស្អាតល្អហើយឫនៅ? មានស្នាម មានទង្គិច ច្រើនឫក៏អត់? ចុះអេក្រង់វិញ មានកូដត្រង់ណាដែរទេ? (សូមបញ្ជាក់: ពេលខ្លះសំបកស្អាតមិនស្អាត វាទៅតាមទំហំនៃតម្លៃដែលគេលក់ឱ្យយើងដែរក៏ថាបាន)
2. មើលសំបកពិតឫសំបកដូរ: តាមការពិតវាជាវិធីងាយមួយ ដែលយើងអាចដឹងថាតើទូរស័ព្ទ iPhone នោះ សំបកដូរឫក៏អត់? ដោយអ្នកគ្រាន់តែក្រលេកមើលទៅខ្នងខាងក្រោយ ផ្នែកខាងក្រោមនៃសំបកម៉ាសុីន (iPhone 5 ឡើងទៅ) ហើយអ្នកនឹងបានឃើញនូវលេខ IMEI របស់វា ហើយសូមយកទៅផ្ទៀតផ្ទាត់នៅក្នុង Settins> General> About> IMEI ឫចូលកន្លែង Call> ចុច *#06# បើដូចគ្នាមានន័យថាវាជាសំបកពិត ។
3. ឆែក iCloud: ករណីណាបើ iPhone ជាប់ iCloud វាប្រៀបបានដូចទៅនឹងដុំថ្មហើយ ព្រោះតម្លៃនៃការដោះ iCloud គឺមានតម្លៃថ្លៃ។ យ៉ាងណាមុិញអ្នកក៏ត្រូវធ្វើការឆែក iCloud ដោយខ្លួនឯងផ្ទាល់ គ្រាន់តែ Copy នៅលេខ IMEI ដែលយើងទទួលបានពីចំណុចលេខ 2 ហើយវាយចូលទៅក្នុងប្រអប់នៃ គេហទំព័រwww.icloud.com/activationlock បើលទ្ធផលបង្ហាញថា Ativation Lock: Off មានន័យថាមិនជាប់ iCloud លើកលែងតែវាដាក់ថា On ទើបជាប់
4. ពិនិត្យមើល Touch ID: ករណីណាបើ Touch ID ខូចឫគាំង នោះនៅពេលដែលអ្នកអាប់ដែត Version គឺវានឹងលោតកូដ Error 53 សំរាប់ទូរស័ព្ទ iPhone 5s ឡើងទៅ។ ដូច្នេះហើយដើម្បីពិនិត្យមើលថាដើរឫអត់ សូមចុចចូលទៅក្នុង Settings ដើម្បីធ្វើការតេស្តសាកល្បង
5. ពិនិត្យមើល LCD និង Touch: អ្នកត្រូវពិនិត្យមើលអេក្រង់ឱ្យគ្រប់ជ្រុងជ្រោយ ថាតើវាមានដាមត្រង់ចំណុចណាឫក៏អត់? ម្យ៉ាងទៀតត្រូវធ្វើការចុចស្មានលើអេក្រង់ គ្រប់ចំណុចទាំងអស់ដែលមាន ដើម្បីជាក់ច្បាស់ថា Touch របស់វាមិនគាំងឫដំណើរការមិនប្រក្រតីនោះឡើយ។
6. ពិនិត្យមើលកម្លាំងថ្ម (Battery): សាកល្បងចាំសង្កេតមើលថា តើ iPhone ដែលអ្នកត្រៀមនឹងទិញ សុីថ្មខ្លាំងប៉ុណ្ណា វាអាចស្រកថ្មលឿន ឫក៏ប្រើៗរលត់ នោះហើយគឺបង្ហាញថាខូចថ្មច្បាស់ណាស់ ដូច្នេះសូមជៀសវាងឱ្យឆ្ងាយ។
7. សាកចុចគ្រប់ប៊ូតុង: អ្នកត្រូវប្រាកដថារាល់ប៊ូតុងទាំងអស់រួមមាន Power, Volume Up/Down, Home ដើរដោយរលូន និងមួយទៀតគឺប៊ូតុង Vibration ត្រូវកាច់ចុះ កាច់ឡើង ថាវាដើរឫក៏អត់?
8. តេស្តមើលសម្លេង: ជៀសវាងការជួបបញ្ហាធំ អ្នកត្រូវតេស្តជាមុន តាំងពីសម្លេងនិយាយគ្នា, សម្លេងចម្រៀង និង សម្លេងស្តាប់កាស ថាតើវាលឺច្បាស់ហើយឫនៅ? (សំរាប់ iPhone 4 ជាធម្មតាគឺសម្លេងរាងខ្សោយបន្តិច)
9. មើលដំណើរការគ្រឿង: ចាំបាច់ត្រូវសាកល្បងបិទបើក WiFi ជាមួយនឹងបើកកាមេរ៉ាថតសាកមើល និងដាក់សុីមមើលផងថា តើវាស្គាល់សុីមឫអត់?
10. តេស្តមើល Sensor: ក្នុងនោះវាមាន Sensor ពីរ គឺមួយ Sensor បង្វិល និងមួយទៀតគឺ Sensor ពេលនិយាយគ្នា ដោយអ្នកត្រូវសង្កេតមើលតាមរយៈកម្មវិធីត្រីវិស័យ Compass ហើយធ្វើការបង្វិលឱ្យបានមួយជុំ និង សាកល្បងដាក់ដៃទៅលើ Sensor ក្បែរនឹងកាមេរ៉ាមុខ ពេលដែលអ្នកនិយាយគ្នា បើវាងងឹតមានន័យថា Ok តែបើមិនងងឹតទើបជារឿងខុសប្រក្រតី។
សូមអរគុណចំពោះការអាន វិធីទាំង ១០ ខាងលើ។

Khmer Techno Innovation

Tuesday, February 7, 2017

គន្លឹះពិនិត្យថាតើ iPhone Original ឬក៏ Fake

គន្លឹះទិញ iPhone មួយទឹកឲ្យបានត្រឹមត្រូវ និងធូរថ្លៃ (មេរៀនទី ១)

Tuesday, December 27, 2016

មើលអ្នកលួចប្រើ Wi Fi នៅជុំវិញ

Thursday, December 15, 2016

រៀបធ្វើការ Sync Photo Library របស់អ្នកជាមួយនឹង iCloud

Wednesday, December 14, 2016

គួរពិនិត្យចំណុច 10 យ៉ាង មុនទិញ iPhone មួយតឹកមកប្រើប្រាស់

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels

Khmer Techno Innovation

Tuesday, February 7, 2017

គន្លឹះ​ពិនិត្យ​ថា​តើ iPhone Original ឬក៏ Fake

គន្លឹះ​ទិញ iPhone មួយទឹក​ឲ្យបាន​ត្រឹមត្រូវ និងធូរថ្លៃ (មេរៀនទី ១)

Tuesday, December 27, 2016

មើល​អ្នកលួចប្រើ Wi Fi ​នៅជុំវិញ

Thursday, December 15, 2016

រៀប​ធ្វើការ Sync Photo Library របស់អ្នកជាមួយនឹង iCloud

Wednesday, December 14, 2016

គួរពិនិត្យចំណុច 10 យ៉ាង មុនទិញ iPhone មួយតឹកមកប្រើប្រាស់

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

គន្លឹះពិនិត្យថាតើ iPhone Original ឬក៏ Fake

គន្លឹះទិញ iPhone មួយទឹកឲ្យបានត្រឹមត្រូវ និងធូរថ្លៃ (មេរៀនទី ១)

មើលអ្នកលួចប្រើ Wi Fi នៅជុំវិញ

រៀបធ្វើការ Sync Photo Library របស់អ្នកជាមួយនឹង iCloud