Khmer Techno Innovation

Tuesday, December 27, 2016

មើលអ្នកលួចប្រើ Wi Fi នៅជុំវិញ

Posted on by TEAV Chhun Nan (ទំនាក់ទំនង ផ្សាយពាណិជ្ជកម្ម 077778647-070778647)

ការភ្ជាប់អ៊ីនធឺណិតប្រើនៅផ្ទះ អាចដឹងដឹងច្បាស់អំពីចំនួនអ្នកប្រើ ឬចំនួនឧបករណ៍អេឡិចត្រូនិកដែលតែងតែភ្ជាប់ប្រើ Wi-Fi រួមជាមួយអ្នកជាប្រចាំ។ ការសង្ស័យថា Wi-Fi របស់អ្នកត្រូវបានគេលួចប្រើ គឺដោយ សារ ល្បឿនអ៊ីនធឺណិតធ្លាក់ចុះ។ ដើម្បីដឹងបានថា មាននរណាខ្លះ កំពុង ប្រើ និងកំណត់មុខសញ្ញាឧបករណ៍ប្លែកៗដែលលោកអ្នកមិនស្គាល់ (អាចជាការលួចប្រើ) Wi-Fi របស់អ្នកស្ងាត់ៗ អនុវត្តតាមជំហានខាង ក្រោម ដែលអាស្រ័យលើប្រភេទ Wi-Fi Router។ Router ពីរប្រភេទនេះមកធ្វើការបង្ហាញជូនប៉ុណ្ណោះ។

+របៀបឆែកមើលតើមានអ្នកលួចប្រើ Wi-Fi នៅក្នុង Router ម៉ាក TP-LINK របស់អ្នកឬទេ
១) -បើកកម្មវិធី Browser (Firefox, Chrome, IE …) រួចវាយបញ្ចូល IP របស់ TP-LINK Router នោះ។ តាមធម្មតា IP របស់ Router ម៉ាក TP-Link នេះគឺមាន Default IP: 192.168.0.1 ដែលអាច Log ចូលបានដោយប្រើ User និង Password គឺ admin (ជាអក្សរតូចទាំងអស់) ដូចគ្នា។ មានន័យថា លោកអ្នកត្រូវវាយបញ្ជូន IP: 192.168.0.1 រួចហើយបញ្ចូល ព័ត៌មានគឺ

-User Name: admin
-Password: admin

បញ្ជាក់៖ IP សម្រាប់ភ្ជាប់ចូលទៅកំណត់នៅក្នុង TP-Link Router គឺអាចខុសពី IP លក្ខណៈ ដើម (default) ខាងលើ អាស្រ័យថាតើមានអ្នកកែប្រែឬទេ។ ប្រសិនមិនអាចភ្ជាប់បាន លោកអ្នកអាចទាក់ទងទៅបុគ្គលិកផ្នែកផ្ដល់សេវាកម្មបច្ចេកទេសរបស់ ក្រុមហ៊ុនអ៊ីនធឺណិតដែលអ្នកបានជ្រើសរើសមកប្រើ ដើម្បីសុំលេខ IP និងព័ត៌មាន User Name និង Password បាន។
លោកអ្នកក៏អាចកែប្រែ IP របស់ TP-LINK Router បានផងដែរដោយចូលទៅ Network → LAN រួចកែនៅត្រង់ IP Address ដែលជាទូទៅគឺមាន Default IP គឺ 192.168.0.1 តែប្រសិនគេបានកែទៅហើយនោះ អ្នកក៏អាចចុចលើប៊ូតុង Reset នៅផ្នែកខាងក្រោយនៃ Router ដើម្បីធ្វើឱ្យការកំណត់ទៅជាលក្ខណៈដើម (Default) វិញ។ ចំណែក User Name និង Password ជាទូទៅអ្នកអាចរកមើលបាននៅខាងក្រោមបាតនៃ TP-LINK Router។

២) ក្រោយពី Log ឧបករណ៍ TP-LINK Router ហើយ ត្រូវចូលទៅ DHCP → DHCP Client List។
ចំនួនឧបករណ៍អេឡិចត្រូនិក (មានដូចជា កុំព្យូទ័រ, ស្មាតហ្វន, ថេប្លេត … ) ព្រមទាំងឈ្មោះឧបករណ៍ដែលបានភ្ជាប់ Wi-Fi របស់អ្នក នឹងបង្ហាញនៅក្នុងតារាង DHCP Client List។

៣) ចំពោះការកំណត់ចំណាំ តើមានគេលួចប្រើ Wi-Fi ដោយគ្មានការអនុញ្ញាតពីអ្នកឬក៏អត់ គឺត្រូវមើលលើអ្នកថាតើ មានបានប្រាប់នរណាខ្លះឱ្យស្គាល់ Password ឧបករណ៍ Wi-Fi Router របស់អ្នកឬទេ។ វាអាចពិបាកក្នុងការធ្វើកំណត់សម្គាល់បន្តិច ព្រោះថា ជាធម្មតា Password ត្រូវគេចែកចាយប្រាប់តៗគ្នា ពោលគឺមិនងាយលាក់ជិតនោះទេ។ យ៉ាងណា សម្រាប់លោកអ្នកដែលភ្ជាប់អ៊ីនធឺណិតប្រើតាមផ្ទះ នោះប្រាកដជាកំណត់ខ្លួនឯងច្បាស់ថា តើមាននរណាខ្លះស្គាល់លេខសម្ងាត់ Wi-Fi របស់អ្នក។ ប្រសិនបើឆែកឃើញឈ្មោះឧបករណ៍នៅត្រង់ផ្នែក Client Name ដែលលោកអ្នកមិនស្គាល់ នោះគឺមានន័យថា Wi-Fi របស់អ្នកកំពុងត្រូវបានគេលួចប្រើហើយ។ ការលួចប្រើមានពីរករណី គឺអាចដោយសារ Password ត្រូវបានប្រាប់តៗគ្នា ឬមួយទៀតអាចត្រូវគេ hack ប្រើ។

+ដើម្បីផ្លាស់ប្ដូរឈ្មោះ និងលេខសម្ងាត់នៅលើ TP-LINK Router សូមអនុវត្តតាមជំហានខាងក្រោម៖

១) ចូលទៅកម្មវិធី Browser រួចវាយបញ្ចូល IP: 192.168.0.1 នៅលើរបារអាសយដ្ឋាន (ដូចជំហានទី១ នៃរបៀបចូលឆែកមើលអ្នកលួចប្រើ Wi-Fi ខាងលើ)

២) ចូលទៅ Wireless → Wireless Settings ដើម្បីផ្លាស់ប្ដូរឈ្មោះ ITCAMBO Wi Fi នៅត្រង់ប្រអប់ Wireless Network Name រួចហើយចុចលើប៊ូតុង Save។ នៅត្រង់ Wireless ដដែល សូមចូលទៅ Wireless Security ដើម្បីផ្លាស់ប្ដូរលេខសម្ងាត់ (Password) របស់ Wi-Fi នៅត្រង់ផ្នែក WPA/WPA2 – Personal (Recommended) និងនៅត្រង់ប្រអប់ Wireless Password។ បន្ទាប់ពីបានបញ្ចូលឈ្មោះថ្មី និងលេខសម្ងាត់ថ្មីរួចហើយ ត្រូវចុចលើប៊ូតុង Save ជាការស្រេច។
បញ្ជាក់៖ លោកអ្នកក៏អាច ផ្លាស់ប្ដូរលេខ IP Address របស់ Wi-Fi Router ផងដែរជៀសវាង បន្ទាប់ពី hack បាន គេអាចកែប្រែ IP ដើមចេញ ដោយដាក់ IP ផ្សេង ធ្វើឲ្យអ្នកមិនអាចភ្ជាប់ចូលទៅ Configure លើ Router បាននៅពេលក្រោយ។ ដើម្បីប្ដូរ IP ត្រូវចូលទៅ Network → LAN រួចប្ដូរនៅត្រង់ប្រអប់ IP Address។

+របៀបចូលឆែកមើលអ្នកលួចប្រើ Wi-Fi នៅក្នុង Router ម៉ាក PROLINK

១) ធ្វើដូចជំហានដែលប្រើសម្រាប់ Login ចូល TP-Link Router ដែរ គឺត្រូវបើកកម្មវិធី Browser ណាមួយ (Firefox, Chrome, IE …) ប៉ុន្តែ IP ដែលត្រូវវាយបញ្ចូលគឺមិនដូចគ្នាឡើយ ពោលគឺ 192.168.123.254។
បន្ទាប់ពីវាយបញ្ចូល IP បានត្រឹមត្រូវហើយ នោះផ្ទាំង Login នឹងបង្ហាញ ដោយតម្រូវឱ្យលោកអ្នកបញ្ចូលព័ត៌មានចំនួនពីរគឺ៖
-Username: admin (អក្សរតូចទាំងអស់)
-Password: password (អក្សរតូចទាំងអស់)

បញ្ជាក់៖ 192.168.123.254 គឺជា Default IP ដែលមានមកជាមួយ PROLINK Router ស្រាប់ ហើយអាចត្រូវបានគេកែតាមក្រោយ។ ដូច្នេះប្រសិនបើមានបញ្ហាពាក់ព័ន្ធ IP មិនអាចភ្ជាប់ចូល PROLINK Router បាន លោកអ្នកអាចទាក់ទងសុំជំនួយពីបុគ្គលិកផ្នែកបច្ចេក ទេសរបស់ក្រុមហ៊ុន អ៊ីនធឺណិតដែលអ្នកកំពុងជួលប្រើ។ ចំណែក Username និង Password ក៏ដូចគ្នា ប្រសិនលោកអ្នកមិនអាចប្រើជាលក្ខណៈ ដើម (default) សម្រាប់ login មិនបាន ដូច្នេះត្រូវទាក់ទងសួរទៅក្រុមការងារផ្នែកបច្ចេកទេសឱ្យគេប្រាប់ ឈ្មោះគណនី និងលេខសម្ងាត់នោះ។

២) ក្រោយពី Login បានហើយ សូមចូលទៅ Status → Active Client ដើម្បីបើកតារាងឈ្មោះឧបករណ៍ដែលកំពុងភ្ជាប់ Wi-Fi របស់អ្នក។ ត្រង់នេះ សូមមើលលើតារាងឈ្មោះថា Active Wireless Client Table ដើម្បីដឹងពីឈ្មោះ និងចំនួនឧបករណ៍។

៣) មិនមែនមានន័យថា លោកអ្នកកំណាច់មិនឱ្យគេប្រើនោះទេ ប៉ុន្តែវាគឺជាការរំលោភបំពាន គ្មានសុំការអនុញ្ញាតត្រឹមត្រូវមុននឹងប្រើ ម្យ៉ាងធ្វើឲ្យល្បឿនអ៊ីនធឺណិតយឺត ខាតដល់ការបំពេញកិច្ចការរបស់អ្នក។ ដូច្នេះជម្រើសតែមួយ គឺគួរណាស់តែប្ដូរលេខសម្ងាត់ថ្មីឱ្យរឹតតែស្មុគ ស្មាញ (complex password) ដើម្បីជៀសវាងគេ hack ស្រួលៗ៕

វិធីអាចមើលដឹងថា មានឧបករណ៍ណាខ្លះកំពុងភ្ជាប់ប្រើ Wi-Fi របស់អ្នកបានយ៉ាងងាយស្រួល ដោយមិនចាំបាច់ Login ចូលទៅ Router នាំតែស្មុគស្មាញ ដែលកម្មវិធីនោះឈ្មោះ Wireless Network Watcher។

ទាញយកកម្មវិធី Wireless Network Watcher 1.47 Portable

រៀបធ្វើការ Sync Photo Library របស់អ្នកជាមួយនឹង iCloud

ការរក្សាទុករូបថត - Photo របស់យើងនៅក្នុង iCloud វាផ្តល់ភាពងាយស្រួលមួយចំនួនដួចជា ប្រសិនបើយើងផ្លាស់ប្តូរទូរសព្ទ័ថ្មី នោះយើងនូវតែមិនបាត់បង់រូបថត រឺក៏ត្រូវចម្លងទុកមុនពេលផ្លាស់ប្តូរនោះទេ។ ម្យ៉ាងវិញទៀត យើងអាចធ្វើការចែករំលែករូបថតជាមួយក្រុមគ្រួសារ មនុស្សជាទីស្រលាញ់ និងមិត្តភក្តិបានដោយងាយដោយគ្រាន់តែ share ទៅកាន់ appid ណាមួយទៀតដែលយើងចង់ធ្វើការចែករំលែក។

ខាងក្រោមនេះពពកសូមធ្វើការបង្ហាញពីរបៀបចម្លងរូបថតក្នុងទូរសព្ទ័ដៃរបស់អ្នកទៅកាន់ iCloud នៃគណនីយរបស់អ្នក៖
ដំបូងសូមធ្វើការចូលទៅកាន់ Settings

បន្ទាប់មកស្វែងរកពាក្យ iCloud ចំណាំប្រសិនបើអ្នកមិនទាន់ធ្វើការ Login iCloud account ទេ នោះអ្នកត្រូវធ្វើការ Login ជាមុនសិន។

បន្តរមកទៀតអ្នកនឹងឃើញត្រង់ចំណុច Photo ជាមួយនឹងពាក្យ Off មានន័យថាអ្នកមិនទាន់បានធ្វើការចម្លងរូបថតជាមួយនឹង iCloud នៅឡើយទេ។

ដូច្នេះសូមចុចលើពាក្យ Photo ហើយធ្វើការបើក iCloud Photo Library អោយមានសញ្ញាបៃតងដូចរូបខាងក្រោមនេះ។ ហើយជ្រើសរើសយក Option មួយគឺ Optimize iPhone Storage។

គួរពិនិត្យចំណុច 10 យ៉ាង មុនទិញ iPhone មួយតឹកមកប្រើប្រាស់

អ្នកទាំងអស់ញគ្នាច្បាស់ជា ធ្លាប់បានទិញទូរស័ព្ទមួយតឹកមកប្រើប្រាស់ ដោយឡែកអ្នកទាំងអស់គ្នាក៏នៅមានការភ័យព្រួយនៅឡើយពីបញ្ហាផ្សេងៗ ដោយពេលខ្លះមិនមានទំនុកចិត្តលើខ្លួនឯង ខណៈដែលមិនដឹងថាត្រូវធ្វើតេស្តសាកល្បងមើលអ្វីខ្លះ នៅពេលដែលទិញទូរស័ព្ទតម្លៃរាប់រយដុល្លារមកប្រើប្រាស់។

វិធីពិនិត្យមានដូចជា៖

1. ពិនិត្យមើលតួសំបកម៉ាសុីន: ជាធម្មតាចំណុចដំបូងនេះគឺចាំបាច់បំផុត ព្រោះការលក់ចេញ ទិញចូលមិនថាយើងមិនថាគេ គឺតែងតែក្រលេកមើលសំបកម៉ាសុីនជាចាំបាច់។ អ្នកត្រូវគប្បីពិនិត្យមើលថា តើសំបករបស់វាស្អាតល្អហើយឫនៅ? មានស្នាម មានទង្គិច ច្រើនឫក៏អត់? ចុះអេក្រង់វិញ មានកូដត្រង់ណាដែរទេ? (សូមបញ្ជាក់: ពេលខ្លះសំបកស្អាតមិនស្អាត វាទៅតាមទំហំនៃតម្លៃដែលគេលក់ឱ្យយើងដែរក៏ថាបាន)
2. មើលសំបកពិតឫសំបកដូរ: តាមការពិតវាជាវិធីងាយមួយ ដែលយើងអាចដឹងថាតើទូរស័ព្ទ iPhone នោះ សំបកដូរឫក៏អត់? ដោយអ្នកគ្រាន់តែក្រលេកមើលទៅខ្នងខាងក្រោយ ផ្នែកខាងក្រោមនៃសំបកម៉ាសុីន (iPhone 5 ឡើងទៅ) ហើយអ្នកនឹងបានឃើញនូវលេខ IMEI របស់វា ហើយសូមយកទៅផ្ទៀតផ្ទាត់នៅក្នុង Settins> General> About> IMEI ឫចូលកន្លែង Call> ចុច *#06# បើដូចគ្នាមានន័យថាវាជាសំបកពិត ។
3. ឆែក iCloud: ករណីណាបើ iPhone ជាប់ iCloud វាប្រៀបបានដូចទៅនឹងដុំថ្មហើយ ព្រោះតម្លៃនៃការដោះ iCloud គឺមានតម្លៃថ្លៃ។ យ៉ាងណាមុិញអ្នកក៏ត្រូវធ្វើការឆែក iCloud ដោយខ្លួនឯងផ្ទាល់ គ្រាន់តែ Copy នៅលេខ IMEI ដែលយើងទទួលបានពីចំណុចលេខ 2 ហើយវាយចូលទៅក្នុងប្រអប់នៃ គេហទំព័រwww.icloud.com/activationlock បើលទ្ធផលបង្ហាញថា Ativation Lock: Off មានន័យថាមិនជាប់ iCloud លើកលែងតែវាដាក់ថា On ទើបជាប់
4. ពិនិត្យមើល Touch ID: ករណីណាបើ Touch ID ខូចឫគាំង នោះនៅពេលដែលអ្នកអាប់ដែត Version គឺវានឹងលោតកូដ Error 53 សំរាប់ទូរស័ព្ទ iPhone 5s ឡើងទៅ។ ដូច្នេះហើយដើម្បីពិនិត្យមើលថាដើរឫអត់ សូមចុចចូលទៅក្នុង Settings ដើម្បីធ្វើការតេស្តសាកល្បង
5. ពិនិត្យមើល LCD និង Touch: អ្នកត្រូវពិនិត្យមើលអេក្រង់ឱ្យគ្រប់ជ្រុងជ្រោយ ថាតើវាមានដាមត្រង់ចំណុចណាឫក៏អត់? ម្យ៉ាងទៀតត្រូវធ្វើការចុចស្មានលើអេក្រង់ គ្រប់ចំណុចទាំងអស់ដែលមាន ដើម្បីជាក់ច្បាស់ថា Touch របស់វាមិនគាំងឫដំណើរការមិនប្រក្រតីនោះឡើយ។
6. ពិនិត្យមើលកម្លាំងថ្ម (Battery): សាកល្បងចាំសង្កេតមើលថា តើ iPhone ដែលអ្នកត្រៀមនឹងទិញ សុីថ្មខ្លាំងប៉ុណ្ណា វាអាចស្រកថ្មលឿន ឫក៏ប្រើៗរលត់ នោះហើយគឺបង្ហាញថាខូចថ្មច្បាស់ណាស់ ដូច្នេះសូមជៀសវាងឱ្យឆ្ងាយ។
7. សាកចុចគ្រប់ប៊ូតុង: អ្នកត្រូវប្រាកដថារាល់ប៊ូតុងទាំងអស់រួមមាន Power, Volume Up/Down, Home ដើរដោយរលូន និងមួយទៀតគឺប៊ូតុង Vibration ត្រូវកាច់ចុះ កាច់ឡើង ថាវាដើរឫក៏អត់?
8. តេស្តមើលសម្លេង: ជៀសវាងការជួបបញ្ហាធំ អ្នកត្រូវតេស្តជាមុន តាំងពីសម្លេងនិយាយគ្នា, សម្លេងចម្រៀង និង សម្លេងស្តាប់កាស ថាតើវាលឺច្បាស់ហើយឫនៅ? (សំរាប់ iPhone 4 ជាធម្មតាគឺសម្លេងរាងខ្សោយបន្តិច)
9. មើលដំណើរការគ្រឿង: ចាំបាច់ត្រូវសាកល្បងបិទបើក WiFi ជាមួយនឹងបើកកាមេរ៉ាថតសាកមើល និងដាក់សុីមមើលផងថា តើវាស្គាល់សុីមឫអត់?
10. តេស្តមើល Sensor: ក្នុងនោះវាមាន Sensor ពីរ គឺមួយ Sensor បង្វិល និងមួយទៀតគឺ Sensor ពេលនិយាយគ្នា ដោយអ្នកត្រូវសង្កេតមើលតាមរយៈកម្មវិធីត្រីវិស័យ Compass ហើយធ្វើការបង្វិលឱ្យបានមួយជុំ និង សាកល្បងដាក់ដៃទៅលើ Sensor ក្បែរនឹងកាមេរ៉ាមុខ ពេលដែលអ្នកនិយាយគ្នា បើវាងងឹតមានន័យថា Ok តែបើមិនងងឹតទើបជារឿងខុសប្រក្រតី។
សូមអរគុណចំពោះការអាន វិធីទាំង ១០ ខាងលើ។

CDMA ខុសគ្នា GSM អីខ្លះ?

នៅក្នុងពិភពលោកយើងនាពេលបច្ចុប្បន្នសេវា ឬក៏ប្រព័ន្ធរបស់ទូរស័ព្ទបានចែកចេញជា 2 ធំៗគឺ CDMA និង GSM ក្នុងនោះមានមនុស្សជាច្រើនបានចោទជាសំនួរថា តើ CDMA នឹងជាប្រព័ន្ធអ្វី ចុះ GSM ជាប្រព័ន្ធអ្វីដែរ? រឿងនេះបានធ្វើអោយយើងឈឺក្បាលមិនតិចនោះទេ តែកុំបារម្មណ៍អី Cambo Report នឹងធ្វើការបកស្រាយប្រាប់ទៅដល់ប្រិយមិត្តអោយបានជ្រាបច្បាស់អំពី ប្រព័ន្ធធំៗទាំង 2 ខាងលើដូចខាងក្រោម។

កាលណានិយាយដល់រឿង CDMA និង GSM ភាគច្រើនគឺជាអត្ថបទមួយ ដែលគេតែងតែនិយាយនៅឯប្រទេសមហាអំណាចអាមេរិច ព្រោះនៅទីនោះគឺជាទ្វីបមួយ ដែលមានចំនួនអ្នកប្រើប្រាស់ទូរស័ព្ទដោយមានប្រព័ន្ធ CMDA ខ្ពស់ជាជាងទ្វីបដទៃទៀតលើសកលលោក រីឯនៅទ្វីបអាស៊ីយើងវិញ មានចំនួនអ្នកប្រើប្រាស់ប្រព័ន្ធ GSM ចំនួន 99% ទៅហើយ ផ្ទុយទៅវិញគ្មាននរណាម្នាក់ប្រើប្រាស់ប្រព័ន្ធ CDMA នោះទេ បើទោះបីជាមានក៏មានចំនួនតិចតួចបំផុត។ ពាក្យថា CDMA បានមកពីពាក្យហៅពេញថា Code Division Multiple Access និង GSM មកពីពាក្យថា Global System for Mobiles ដោយវាមានប្រវត្តិកើតឡើងជាលើកដំបូងចាប់តាំងពីឆ្នាំ 1987 មកម៉្លេះ ហើយបានបន្តរីកដុះដាល និងប្រើប្រាស់ពីមនុស្សគ្រប់ទ្វីបទាំងអស់។

GSM គឺមានភាពងាយស្រួលប្រើប្រាស់ជាជាង CDMA សម្រាប់ប្រជាជនរស់នៅក្នុងទ្វីបអាស៊ីព្រោះរាល់ទូរស័ព្ទប្រើប្រាស់ ប្រព័ន្ធ GSM ទាំងអស់តម្រូវអោយប្រើប្រាស់ស៊ីមកាត ហើយស៊ីមកាតនោះយើងត្រូវចុះឈ្មោះទិញពីក្រុមហ៊ុនស្រាប់ ដូច្នេះរាល់ពេលចង់ផ្លាស់ប្ដូរទូរស័ព្ទពីមួយស៊េរីទៅមួយស៊េរី អ្នកប្រើប្រាស់ពុំចាំបាច់ទៅដល់ក្រុមហ៊ុនផ្លាស់ប្ដូរឈ្មោះ ឬលេខកូដអ្វីរញ៉េរញ៉ៃឡើយ។ ម្យ៉ាងវិញទៀតនៅពេលចេញទៅក្រៅប្រទេសគឺកាន់តែងាយស្រួល ដោយអាចទិញស៊ីមកាតនៅប្រទេសនោះហើយដាក់ប្រើប្រាស់ភ្លាមៗតែម្ដង ចំនែកឯសេវា 4G-LTE ក៏ងាយស្រួលផងដែរ អោយតែទូរស័ព្ទ និងស៊ីមកាតនោះអាចប្រើប្រាស់បាន គឺអាចប្រើប្រាស់បានទាំងអស់។

ទាំងអស់នេះនៅមិនទាន់អស់នៅឡើយនោះទេ បើនិយាយទៅដល់ផ្នែកបច្ចេកវិទ្យារបស់ប្រព័ន្ធទាំង 2 អោយកាន់តែស៊ីជម្រៅវិញឃើញថា វាមានភាពខុសប្លែកគ្នាដែរដូចជាប្រព័ន្ធ សុវត្ថិភាព រលកវិសាលគម ចំនួនប្រើប្រាស់ពាសពេញពិភពលោក អត្រាផ្ទេរទិន្នន័យ និង កម្រិតវិទ្យុសកម្ម
ជាដើម -ល-។

1. ប្រព័ន្ធសុវត្ថិភាព

រវាង CDMA និង GSM ប្រព័ន្ធដែលមានសុវត្ថិភាពជាងគេនោះគឺ CDMA ព្រោះវាប្រើប្រាស់កូដផ្សេងៗគ្នាទាំងអស់ទៅដល់អ្នកប្រើប្រាស់ ដូច្នេះនៅពេលមានរឿងអ្វីកើតឡើង ឬមានជនណាម្នាក់ចង់ Hack គឺពិតជាពិបាកធ្វើទៅបានណាស់។ ហើយសេវារបស់ CDMA ក៏ខ្លាំងជាជាង GSM ផងដែរ បើស្ថិតនៅក្នុងតំបន់ពោរពេញទៅដោយសេវា។

2. រលកវិសាលគម

ប្រព័ន្ធ CMDA មានរលកវិសាលគម (Spectrum Frequencies) ល្បឿន 850MHz ទៅដល់ 1900MHz រីឯ GSM ក៏មានល្បឿន 850MHz ដល់ 1900MHz ដូចគ្នា។

3. ចំនួនអ្នកប្រើប្រាស់

ដូចអ្វីដែលខ្ញុំបានរៀបរាបប្រាប់ខាងលើអញ្ចឹង CDMA មានអ្នកប្រើប្រាស់ច្រើនតែនៅអាមេរិចប៉ុណ្ណោះ ព្រោះក្រុមហ៊ុនធំៗ 2 មានវត្តមាននៅទីនោះដូចជា Sprint និង Verizon ជាដើម ដូច្នេះចំនួនសរុបរបស់អ្នកប្រើប្រាស់ CDMA នៅក្នុងពិភពលោកមានចំនួនត្រឹមតែ 20% ប៉ុណ្ណោះ រីឯ GSM វិញមានចំនួនដល់ទៅ 80% ដោយក្នុងនោះមានប្រទេសជាង 210 បានកំពុងប្រើប្រាស់ប្រព័ន្ធ GSM។

4. អត្រាផ្ទេទិន្នន័យ

ប្រព័ន្ធសេវា CDMA មានល្បឿនផ្ដល់ទិន្នន័យបានរហ័សជាជាង GSM បើយើងធ្វើការប្រៀបធៀបគ្នា ដោយ CDMA ប្រើប្រាស់បច្ចេកវិទ្យា EVDO ដើម្បីបញ្ជូនទិន្នន័យបានល្បឿនដល់ទៅ 2 mbps ចំនែក GSM ប្រើប្រាស់បច្ចេកវិទ្យា EDGE ដែលមានល្បឿនខ្ពស់បំផុតត្រឹមតែ 384 kbps ប៉ុណ្ណោះ។ ដូច្នេះរាល់ការប្រើប្រាស់អ៊ីនធឺណែត ទស្សនាវីដេអូក្នុងកម្រិតរូបភាពច្បាស់ ឬ Download នោះគឺ CDMA មានល្បឿនស៊ីដាច់ GSM។

5. កម្រិតវិទ្យុសកម្ម

កម្រិតវិទ្យុសកម្មយើងមិនអាចមើលឃើញនឹងភ្នែកនោះទេ ហើយវាក៏ជារលកវិទ្យុដែលធ្វើអោយប៉ះពាល់ដល់សុខភាពរបស់យើងផងដែរ ក្នុងនោះដោយយោងតាមការសិក្សាស្រាវជ្រាវបានរកឃើញថាប្រព័ន្ធ GSM មានកម្រិតវិទ្យុសកម្មច្រើនជាជាង CDMA ដល់ទៅ 28 ដងឯណោះ។ ហេតុនេះសម្រាប់អ្នកប្រើប្រាស់ទូរស័ព្ទ ថេប្លេត ឬឧបករណ៍ដែលប្រើប្រាស់ស៊ីមកាត គឺត្រូវជួបប្រទះនឹងរលកវិទ្យុសកម្មច្រើន ដែលអាចប៉ះពាល់ដល់សុខភាពច្រើនជាជាងអ្នកប្រើប្រាស់ CDMA។

ការសម្រេចចិត្តថាតើគួរទិញរថយន្តប្រើម៉ាស៊ូត ឬ រថយន្តប្រើសាំងគឺជាផ្នែកមួយនៃការសម្រេចចិត្តដ៏ធំក្នុងការទិញរថយន្តសំរាប់ការប្រើប្រាស់ប្រចាំថ្ងៃរបស់យើង។ វាដូចទៅនឹងការជ្រើរើសរវាងប្រភេទរថយន្ត និង ម៉ាករថយន្តដែលយើងគិតថាចង់ទិញផងដែល យើងគួរតែពិចារណាឲ្យបានច្បាស់លាស់ថាប្រភេទប្រេងឥន្ធនៈបែបណាដែលសាកសម្យទៅនឹងរបៀប និង គោលបំណងនៃការប្រើប្រាស់រថយន្តរបស់យើង។

យើងទាំងអស់គ្នាតែងតែចាត់ទុក្ខថារថយន្តម៉ាស៊ូតគឺជាប្រភេទរថយន្តដែលបង្ករនូវសំលេងរំខានកខ្វក់ និង មានតំលៃថ្លៃនៅពេលដែលយើងទិញវា ប៉ុន្តែវាក៏បានជួយសន្សំសំចៃការចំណាយរបស់យើងទៅលើប្រេងឥន្ធនៈផងដែរ។ នៅមួយរយះពេលកន្លងមកនេះ ទាំងរោងចក្រផលិតរថយន្ត និង អ្នកវិទ្យាសាស្ត្របានធ្វើកិច្ចខិតខំប្រឹងប្រែងស្រាវជ្រាវជាច្រើនដើម្បីលុបបំបាត់ចោលទស្សនៈនៃជម្រើសប្រេងឥន្ធនៈទាំងនេះ ដោយពួកគេបានខិតខំកែឆ្នៃឲ្យម៉ាស៊ីនរថយន្តម៉ាស៊ូតកាន់តែល្អប្រសើរ និង កាត់បន្ថយសំលេងរំខាន រីឯម៉ាស៊ីនរថយន្តសាំងវិញកាន់តែស៊ីសាំងតិច។

ខាងក្រោមនេះគឺជាគន្លឹះមួយចំនួនសំរាប់ជាចំនួយដល់អ្នកទាំងអស់គ្នា ក្នុងការជ្រើរើសរវាងរថយន្តម៉ាស៊ូត និង រថយន្តសាំង។

កំណត់នូវគោលបំណងនៃការប្រើប្រាស់រថយន្ត:

ជាទូទៅប្រសិនបើយើងនិយាយអំពីការប្រើប្រាស់រថយន្តជាលក្ខណៈញឹកញាប់ និង ការបើកបរផ្លូវឆ្ងាយ នោះមាននៃថាការប្រើប្រាស់រថយន្តម៉ាស៊ូតគឺជាជម្រើសសាកសម្យបំផុតសំរាប់អ្នក។
ប៉ុន្តែប្រសិនបើភាគច្រើននៃការធ្វើដំណើររបស់អ្នកមាននៅតែក្នុងទីក្រុង និង ទៅទីកន្លែងដែលជិតៗនោះ ជម្រើសប្រភេទរថយន្តដ៏ល្អបំផុតសំរាប់អ្នកគឺជារថយន្តម៉ាស៊ីនប្រើសាំងដែលមានកំលាំងតូច។

ជាធម្មតាតំលៃរបស់រថយន្តម៉ាស៊ូតតែងតែថ្លៃជាងរថយន្តប្រើសាំង ប៉ុន្តែវាក៏បានកាត់បន្ថយការចំណាយរបស់យើងក្នុងការប្រើប្រាស់ប្រេងឥន្ធនៈផងដែរ ដូចច្នេះយើងគួរតែធ្វើការថ្លឹងថ្លែងឲ្យបានច្បាស់លាស់ ថាតើការសន្សំសំចៃការចំណាយទៅលើប្រេងឥន្ធនៈអាចកាត់កង ឬ ចំណេញ់ជាងការចំណាយទៅលើរថយន្តម៉ាស៊ូតដែលមានតំលៃថ្លៃជាងរថយន្តប្រើសាំងដែលឬទេ?

ការប្រៀបធៀបរវាងរថយន្តប្រើសាំង និង រថយន្តប្រើម៉ាស៊ូត:

កន្លងមកធ្លាប់មានការយល់ឃើញអវិជ្ជមានថារថយន្តប្រើម៉ាស៊ូតគឺមានល្បឿនយឺតជាង ធំក្លឹនអាក្រក់ មានសំលេងរំខាន និង មានតម្លៃថ្លៃជាងរថយន្តប្រើប្រេងសាំង។ ប៉ុន្តែសំរាប់ពេលបច្ចុប្បន្ននេះការប្រើប្រាស់រថយន្តម៉ាស៊ូតគឺមានលក្ខណៈកាន់តែប្រសើរឡើងហើយ ជាហេតុនាំឲ្យរថយន្តទាំងពីរប្រភេទនេះមានគុណសម្បត្តិ និង គុណវិបត្តិប្រហ័កប្រហែលគ្នា។

ខាងក្រោមនេះគឺជាចំណុចមួយចំនួនដែលទាក់ទងទៅនឹងគុណសម្បត្តិ និង គុណវិបត្តិរបស់រថយន្តទាំងពីរប្រភេទនេះ ៖

•គុណសម្បត្តិនៃរថយន្តប្រើប្រាស់ម៉ាស៊ូត ៖

1.អត្ថប្រយោជន៍ផ្នែកហិរញ្ញាវត្ថុ ៖ ម៉ាស៊ីនម៉ាស៊ូតធន់ជាង និង អាចជួយសន្សំសំចៃការចំណាយទៅលើការប្រើប្រាស់ប្រេងឥន្ធនៈបាន 15-20% ច្រើនជាងរថយន្តប្រើប្រាស់សាំង។ ម៉្យាងវិញទៀតយើងក៏អាចលក់វិញក្នុងតំលៃថ្លៃជាងរថយន្តប្រើសាំងផងដែរ។

2.អត្ថប្រយោជន៍ដល់បរិស្ថាន ៖ សំរាប់ចំណុចនេះម៉ាស៊ីនម៉ាស៊ូតគឺមានលក្ខណៈល្អជាងរថយន្តប្រើសាំងព្រោះជាធម្មតារថយន្តប្រភេទនេះផលិតឧស្ម័នកាបូនិច (CO2) តិចជាង បើប្រៀបធៀបទៅនឹងម៉ាស៊ីនសាំងដែលមានកំលាំងប៉ុនគ្នា។

3.អត្ថប្រយោជន៍ដល់ការបើកបរ ៖ រថយន្តម៉ាស៊ូតមានកំលាំងបង្វល់ជុំខ្លាំងជាងរថយន្តប្រើសាំង ពោលគឺរថយន្តប្រើប្រាស់ម៉ាស៊ូតគឺមានសម្ថភាពខ្ពស់ក្នុងការបើកបរសណ្តោង និង ទ្រទំងន់បានធ្ងន់។

•គុណវិប្បត្តិនៃរថយន្តប្រើប្រាស់ម៉ាស៊ូត ៖

1.ផ្នែកហិរញ្ញាវត្ថុ ៖ ជាធម្មតារបស់រថយន្តម៉ាស៊ូតគឺមានតំលៃថ្លៃជាងរថយន្តប្រើសាំង ហើយការចំណាយក្នុងការថែទាំ និង ជួសជុលក៏ថ្លៃជាងផងដែរ។
2.ការប៉ះពាល់ដល់បរិស្ថាន ៖ ទោះបីជាមានរថយន្តប្រើម៉ាស៊ូតមានការបំភាយឧស្ម័ន CO2 របស់ខ្លួនទាបជាងរថយន្តប្រើប្រេងសាំងក៏ដោយ ប៉ុន្តែវាក៏បានផលិតនូវសារធាតុតូចល្អិតម៉្យាងដែលជាមូលហេតុផ្សារភ្ជាប់ទៅនឹងការបង្ករបញ្ហាដល់ការដកដង្ហើមដូចជាជំងឺហឺតជាដើម។
3.បញ្ហាដល់ការបើកបរ ៖ ជាធម្មតារថយន្តម៉ាស៊ូតគឺមានសំលេងលាន់ខ្លាំង ហើយសំលេងលាន់នេះគឺកាន់តែខ្លាំងនៅេពេលដែលរថយន្តរបស់អ្នកមានអាយុកាលកាន់តែចាស់ ។

•គុណសម្បត្តិនៃរថយន្តប្រើប្រាស់សាំង ៖

1.អត្ថប្រយោជន៍ផ្នែកហិរញ្ញាវត្ថុ ៖ រថយន្តប្រើប្រាស់សាំងមានតំលៃថោកជាងរថយន្តដែលប្រើប្រាស់ម៉ាស៊ូត ហើយការចំណាយទៅលើការថែទាំក៏អស់តិចជាងផងដែរ។
2.អត្ថប្រយោជន៍ដល់ការបើកបរ ៖ រថយន្តប្រើប្រាស់សាំងមានសំលេងស្ងាត់ជាង និង មានសន្ទុះលឿនជាងរថយន្តប្រើប្រាស់ម៉ាស៊ូត។
•គុណវិប្បត្តិនៃរថយន្តប្រើប្រាស់សាំង ៖
1.ផ្នែកហិរញ្ញាវត្ថុ ៖ រថយន្តប្រើប្រាស់សាំងមិនសូវមានភាពធន់ បើប្រៀបធៀបជាមួយនឹងរថយន្តប្រើម៉ាស៊ូត។ ម៉្យាងវិញទៀតតំលៃរថយន្តប្រើប្រាស់សាំងក៏ធ្លាក់លឿន និង លក់បានថោកបើប្រៀបធៀបជាមួយរថយន្តប្រើម៉ាស៊ូត។
2.ការប៉ះពាល់ដល់បរិស្ថាន ៖ រថយន្តប្រើប្រាស់សាំងមានការបំភាយឧស្ម័ន CO2 ជ្រើនជាងរថយន្តប្រើម៉ាស៊ូត ពោលគឺប៉ះពាល់ដល់បរិស្ថានជាងប្រើម៉ាស៊ូត។

ទាំងអស់នេះគឺជាការប្រៀបធៀបរវាងរថយន្តដែលប្រើប្រាស់ម៉ាស៊ូត និង រថយន្តប្រើប្រាស់សាំង។ សរុបសេចក្តីមកការសំរេចចិត្តជ្រើរើសរថយន្តប្រភេទណានោះគឺអាស្រ័យទៅលើថាតើអ្នកនឹងប្រើរថយន្តអ្នកដល់កំរឹតណា? ប្រសិនបើអ្នកគ្រោងនឹងប្រើវាសម្រាប់ចម្ងាយឆ្ងាយ និង ជារៀងរាល់ថ្ងៃនោះ អ្នកគួរតែជ្រើរើសរថយន្តម៉ាស៊ូតប្រសើជាងរថយន្តប្រើសាំង។

FAQ: សំណួរដែល អ្នកប្រើ iPhone ច្រើនសួរ

ខាងក្រោមនេះ គឺជា អ្វីដែល អ្នកប្រើ iPhone/iPad ច្រើនសួរ ហើយយើង នឹងព្យាយាម អាប់ដេត ទំព័រនេះ នៅពេល មានសំណួរ ថ្មីៗមកទៀត។

តើ យើងអាចដំឡើង ភាសាខ្មែរ និងឃីប៊ត ខ្មែរ នៅលើ iPhone/iPad បានដែរ ឬទេ?

ចំលើយ: បាន! សំរាប់ អ្នកប្រើប្រាស់ iOS 7 ឬ ទាបជាងនេះ ត្រូវ Jailbreak វា ជាមុនសិន រួចដំឡើង កញ្ចប់ពុម្ពអក្សរខ្មែរ និង ឃីប៊ត ពីក្នុង Cydia។ សំរាប់ អ្នកប្រើ iOS 8, 9 ឡើងទៅ ពុម្ពអក្សរខ្មែរ គឺមានស្រាប់នៅក្នុងប្រព័ន្ធ។ ដោយឡែក ឃីប៊តវិញ ត្រូវដោនឡូដ ដំឡើងពី App Store: កម្មវិធី KdarChuch។

តើ iPhone របស់ខ្ញុំ មកពីប្រទេសណា?

ចំលើយ: សូមមើលអត្ថបទនេះ: របៀបឆែកមើល ថាតើ iPhone របស់អ្នក ផលិតសំរាប់ ប្រទេសមួយណា

ខ្ញុំចង់បង្កើត គណនី Apple ID តើត្រូវធ្វើដូចម៉្តេច?

ចំលើយ: សំរាប់ អ្នកចង់បង្កើត គណនី Apple ID សំរាប់ App Store ប្រទេសកម្ពុជា សូមចុចត្រង់នេះ ចំណែក អ្នកដែលចង់បង្កើត Apple ID សំរាប់ App Store នៅអាមេរិក សូមចុចត្រង់នេះ។

កាលនៅ iOS 6.1.3 ខ្ញុំ អាចសួរទឹកលុយ ដោយវាយ *xxx# តែពេលឡើងមក iOS 7 មិនអាចសួរបាន។ ពេលវាយទៅ ម៉េចវា ទៅ ហៅចេញទៅវិញ?

ចំលើយ: នេះ ច្រើនកើតលើ ទូរស័ព្ទជាប់កូដ ដែលប្រើទ្រនាប់សីុម ដូចជា Gevey Sim… ត្រូវរង់ចាំ ទ្រនាប់សីុមថ្មី ដែលទ្រទ្រង់ iOS 7។

តើទូរស័ព្ទជាប់កូដ (Locked) អាចដោះកូដ តាមវិធីណាខ្លះ?

បច្ចុប្បន្ន វិធីដោះកូដ (ឬ Unlock) ដែលពេញនិយមបំផុត គឺ ដោះកូដ តាមរយៈ IMEI ដោយលោកអ្នក គ្រាន់តែ ផ្តល់ជូន នូវលេខ IMEI ទូរស័ព្ទ តាមរយៈ ការចូលទៅ Settings-> General -> About រួចរកមើលពាក្យ IMEI ទៅអោយជាង តែប៉ុណ្ណោះ។ ការដោះកូដតាម លេខ IMEI នឹងប្រែក្លាយ ទូរស័ព្ទលោកអ្នក ដូច ទូរស័ព្ទ Original ដែរ។ តំលៃ ដោះកូដ អាចថ្លៃថោក អាស្រ័យថា តើទូរស័ព្ទ របស់លោកអ្នក ជាប់កូដ របស់បណ្តាញ ទូរស័ព្ទមួយណា របស់ ប្រទេសណា។ តំលៃដោះកូដ ទូរស័ព្ទ បណ្តាញ AT&T របស់ អាមេរិក គឺរវាង $5-15 ចំណែក iPhone របស់បណ្តាញ Verizon អាមេរិក គឺប្រមាណ $100។ សូមសួរ តាមហាងទូរស័ព្ទ ឬជាង ដើម្បី ដឹងពីតំលៃច្បាស់។ ចំណែក វិធីមួយទៀត គឺប្រើ ទ្រនាប់សីុម (Gevey/TPSim) ដោយ ដាក់ទ្រនាប់នេះ នៅពីក្រោម សីុមកាតយើង។ តំលៃទ្រនាប់សីុម អាចមានពី $5-20 ឡើងទៅ អាស្រ័យលើ ប្រភេទ ទូរស័ព្ទ។ អ្នកដែលប្រើ ទ្រនាប់សីុម ត្រូវប្រុងប្រយ័ត្ន មិនគួរអាប់ដេត ប្រព័ន្ធប្រតិបត្តិការណ៍ទេ ត្រូវឆែកមើលសិនថា តើទ្រនាប់សីុមនោះ ទ្រទ្រង់ ប្រព័ន្ធប្រតិបត្តិការណ៍ ដែលអាប់ទៅ ឬឥត។

អ្វីទៅ CDMA? ហើយអ្វីទៅ GSM?

ចំលើយ: GSM/CDMA សំដៅលើ ប្រព័ន្ធបណ្តាញទូរស័ព្ទ។ នៅស្រុកខ្មែរ ក្រុមហ៊ុនបណ្តាញទូរស័ព្ទ ភាគច្រើន ដូចជា Mobitel, Smart, QB, Beeline ជាក្រុមហ៊ុនបណ្តាញ GSM ហើយមានតែមួយទេ ដែលជាបណ្តាញ CDMA គឺក្រុមហ៊ុន Excel 018។ បណ្តាញ GSM ប្រើសីុមកាត ចំណែក បណ្តាញ CDMA មិនចាំបាច់ប្រើ សីុមកាតនេះទេ។ ដូចនេះ បើ iPhone របស់លោកអ្នក អាចដាក់សីុម ស្រុកខ្មែរបាន នោះ 98% វាជា iPhone ប្រព័ន្ធ GSM។

អ្វីទៅ Unlock ឬដោះកូដ?

ចំលើយ: Unlock ឬដោះកូដ មានន័យថា ធ្វើអោយទូរស័ព្ទអាចប្រើបានជាមួយស៊ីមកាតប្រព័ន្ធណាក៏បាន។ ទូរស័ព្ទដែលត្រូវការដោះកូដ ច្រើនតែជា ទូរស័ព្ទដែលគេទិញមកពីក្រៅប្រទេស ហើយជាប់កុងត្រាជាមួយក្រុមហ៊ុនទូរស័ព្ទ ដូចជា ទូរស័ព្ទដែលទិញពីអាមេរិក ហើយជាប់កុងត្រាជាមួយក្រុមហ៊ុនបណ្តាញទូរស័ព្ទ AT&T ជាដើម។ ទូរស័ព្ទដែលជាប់កូដ មិនអាចប្រើជាមួយប្រព័ន្ធទូរស័ព្ទដទៃទៀតបានឡើយ លុះត្រាតែ ធ្វើការដោះកូដជាមុនសិន។ សំរាប់ iPhone បច្ចុប្បន្ន មានពីរស៊េរីគឺ ពួកជាប់កូដ និងពួកមិនជាប់កូដ ឬហៅថា ពួក Original Unlock។ ពួកមិនជាប់កូដ អាចប្រើបានជាមួយស៊ីមកាតប្រព័ន្ធណាក៏បាន ហើយអាច Update Firmware ឬ OS ដោយស៊េរី ដោយមិនខ្លាចជាប់កូដនោះទេ។ ចំណែកពួកជាប់កូដវិញ ត្រូវដោះកូដតាមរយៈ ការប្រើ ទ្រនាប់សីុម ឬ តាម IMEI Unlock។

អ្វីទៅ Baseband ឬ Modem Firmware?

ចំលើយ: Baseband (Setting-> General -> About) គឺជាផ្នែកមួយនៃទូរស័ព្ទដែលគ្រប់គ្រងមុខងារដែលទាក់ទងនឹងអង់តែន និងការចាប់សេវា ហើយជាអ្នកកំណត់ថាតើ ទូរស័ព្ទ អាចប្រើបានជាមួយស៊ីមកាតប្រព័ន្ធណាខ្លះ។ Baseband ស្ថិតនៅដោយឡែកពីផ្នែក OS ឬប្រព័ន្ធប្រតិបត្តិការ ហើយមានស៊េរីរបស់វាផ្ទាល់ខ្លូនដូចជាៈ 3.10.01, 4.01.13 ជាដើម។ ការដំឡើង ឬ Update OS ឬ Restore តាមរយៈ iTune នឹងធ្វើអោយ Baseband ឡើងទៅស៊េរីថ្មីដែរ។

អ្វីទៅ Activation?

ចំលើយ: នៅពេលលោកអ្នកទិញទូរស័ព្ទដំបូង ហើយបើកប្រើវា ឬក្រោយលោកអ្នក ធ្វើការ Restore ទូរស័ព្ទ ដោយសារតែវា បើកមិនចេញ ឬគាំងនោះ លោកអ្នក នឹងអាចប្រើទូរស័ព្ទបាន សំរាប់តែ ហៅទៅលេខសង្គ្រោះបន្ទាន់តែប៉ុណ្ណោះ (911, 112…) ហើយនៅលើផ្ទាំង iPhone របស់លោកអ្នក នឹងបង្ហាញរូបឡូហ្គូ iTunes និងរូបខ្សែ USB… នេះ មានន័យថា iPhone របស់លោកអ្នក មិនទាន់ធ្វើការ Activate នៅឡើយទេ។ ដើម្បី Activate តំរូវអោយលោកអ្នក ភ្ជាប់ iPhone ទៅកាន់កុំព្យូទ័រ រួចបើកកម្មវិធី iTune។ មានវីធីម៉្យាងទៀត ដែលអាច Activate ដោយមិនបាច់ប្រើ iTune គឺប្រើវិធី Hacktivation តែវិធីនេះ តំរូវអោយលោកអ្នក ត្រូវ Jailbreak ទូរស័ព្ទជាមុនសិន។
– ស្វែងយល់បន្ថែមពី មុខងារ Activation Lock សូមអានអត្ថបទនេះ: http://wp.me/p1DX6F-2Sw
– វិធីឆែកមើល iPhone ឬ iPad យើង ជាប់ Activation Lock (ជាប់ iCloud) ឬអត់? ចុចមើលអត្ថបទនេះ

អ្វីទៅ Jailbreak?

ចំលើយ: ទូរស័ព្ទរបស់លោកអ្នក ត្រូវបាន Apple កំណត់មិនអោយដំឡើងកម្មវិធី ឬកែកុនអ្វីទាក់ទងនឹងប្រព័ន្ធនោះទេ ហើយលោកអ្នក អាចដំឡើងបានតែកម្មវិធីដែលដោនឡូដពី App Store របស់ Apple តែប៉ុណ្ណោះ។ ដើម្បីអាចដំឡើងកម្មវិធីដែលដោនឡូដពីវ៉ិបសាយ ឬប្រភពផ្សេងក្រៅពី App Store បាន លុះត្រាតែ លោកអ្នក ធ្វើការ Jailbreak iPhone របស់លោកអ្នកជាមុនសិន។ Jailbreak ប្រៀបដូចរំដោះទូរស័ព្ទយើង ចេញពីការឃុំឃាំងរបស់ Apple ដូច្នោះដែរ។ ក្រោយពេល លោកអ្នក Jailbreak ទូរស័ព្ទរបស់លោកអ្នកហើយ លោកអ្នក អាចធ្វើអ្វីបានច្រើនជាមួយទូរស័ព្ទរបស់លោកអ្នកដូចជា ដោះកូដ, ដំឡើងភាសាខ្មែរ និងបញ្ចូល Theme ជាដើម។ អាច Jailbreak បាន ឬមិនបាន ត្រូវមើលទៅលើស៊េរី iOS ថាតើវា Version ប៉ុន្មាន។ ការ Jailbreak មានពីរប្រភេទគឺ Tethered Jailbreak និង Untethered Jailbreak។ Tethered Jailbreak ពេលលោកអ្នក បិទ-បើកទូរស័ព្ទ ឬ Restart លោកអ្នក ត្រូវ Jailbreak ម្តងទៀត។ ចំណែក Untethered Jailbreak ពេលលោកអ្នក Jailbreak ហើយគឺស្ថិតក្នុងសភាព Jailbreak រហូត ហើយអាចបិទ-បើកទូរស័ព្ទបានដោយស៊េរី។
ដើម្បីឆែកមើល OS version សូមចុចលើ Setting-> General -> About រួចរកមើលពាក្យ Version

អ្វីទៅ Cydia?

ចំលើយ: Cydia គឺជាទីបណ្តុំនៃបណ្តាកម្មវិធីទាំងឡាយរួមមាន កម្មវិធីកែកុនប្រព័ន្ធ, Theme, សម្លេងរោទ៍, កម្មវិធី Jailbreak និងកម្មវិធីដោះកូដជាដើម ដែលសរសេរឡើង ដោយអ្នកសរសេរកម្មវិធីផ្សេងៗ ហើយដែលកម្មវិធី ទាំងនេះ ភាគច្រើន មិនអនុញ្ញាតិអោយដាក់នៅលើ App Store នោះទេ។

អ្វីទៅ ការ Restore iPhone?

ចំលើយ: ការ Restore គឺអាចធ្វើបានតាមរយៈកម្មវិធី iTune ប៉ុណ្ណោះ។ ក្រោយការ Restore ទូរស័ព្ទរបស់លោកអ្នក ស្ថិតក្នុងស្ថានភាពដូចទើបនឹងទិញថ្មីដូច្នោះដែរ គឺស្អាតថេង មិនមានកម្មវិធី ឬឯកអ្វីទាំងអស់។ ដូចនេះ ត្រូវធ្វើការ Jailbreak រួច Unlock ម្តងទៀត។ លោកអ្នក អាច Restore ទៅកាន់ស៊េរី OS បច្ចុប្បន្ន និង BaseBand បច្ចុប្បន្នតែប៉ុណ្ណោះ មិនអាច Restore ទៅកាន់ស៊េរី ឬ OS version ចាស់ៗបានឡើយ ហើយក៏មិនអាចទំលាក់ Baseband version បានដែរ។ ហេតុអ្វីទៅ? នេះ ជាការកំរិតរបស់ Apple ហើយបើគាត់សំរេចថាម៉េច គឺអញ្ចឹងហើយ… មិនអាចតវ៉ាបានទេ។ តែមានវិធី អាចអោយលោកអ្នក Restore ទៅកាន់ស៊េរី ឬ OS version ចាស់ៗបាន លុះត្រាតែ លោកអ្នក បាន save កូនសោរ SHSH សំរាប់ version ដែលលោកអ្នក ចង់ Restore ទៅនោះ ជាមុនសិន។ ហើយម្តងទៀត គ្មានវិធីអ្វី អាចទំលាក់ Baseband បាននៅឡើយទេ នាពេលនេះ។

អ្វីទៅ កូនសោរ SHSH?

ចំលើយ: កូនសោរ SHSH គឺជាឯកសារមួយ ដែលលោកអ្នក ត្រូវការក្នុងការ Restore ទៅកាន់ Firmware ឫ OS version ចាស់ៗ។ បច្ចុប្បន្ន មានវិធី 2 ដែលអាចអោយលោកអ្នក អាចរក្សាកូនសោរនេះគឺ ប្រើកម្មវិធី iSHSHit នៅលើ iPhone និង TinyUmbrella នៅលើកុំព្យូទ័រ៕

ឈ្វេងយល់ពីរបៀបប្រើប្រាស់រថយន្តលេខអូតូកុំឱ្យជួបគ្រោះថ្នាក់អាសន្ន

ដោយ ៖ អុីវ វិចិត្រា

ថ្ងៃចន្ទ ទី២០ ខែមេសា ឆ្នាំ២០១៥ ម៉ោង ១៤:៤៤ (20-04-2015 14:44)

ការបើកបររថយន្តលេខអូតូឬលេខស្វ័យប្រវត្តិ ថ្វីបើពុំសូវមានលក្ខណៈស្មុគស្មាញដូចលេខដៃមែន តែក៏មិនងាយស្រួលប៉ុន្មានដែរ ក្នុងការគ្រប់គ្រងចង្កូតឱ្យមានលំនឹងលើដងផ្លូវ ។ ខាងក្រោមនេះ ជាសេចក្តីណែនាំពីរបៀបប្រើប្រាស់លេខអូតូឱ្យប្រកបដោយសុវត្ថិភាព៖

១- អង្គុយក្នុងរថយន្តហើយសារេកៅអីអង្គុយតាមកម្ពស់ឬមាឌរបស់អ្នក ។ ក្នុងនោះជើងរបស់អ្នកគួរតែអាចប៉ះលើឈ្នាន់ហ្គារ៍ឬហ្វ្រាំងយ៉ាង ងាយ ហើយអ្នកក៏គួរតែអាចកាន់ចង្កូតបានដោយពុំចាំបាច់សន្ធូកដៃចេញអ្វី ដែរ ។ ត្រូវច្បាស់ថា អ្នកបានពាក់ខ្សែក្រវាត់សុវត្ថិភាពរួចរាល់ហើយ មុននឹងបំលាស់ទីរថយន្ត ។

២-សង្កេតមើលឈ្នាន់ទាំងពីរនៅលើ កម្រាលជាន់ជើងរបស់អ្នក ហើយកត់សម្គាល់ពីទីតាំងរបស់វា ។ រថយន្តលេខអូតូមានឈ្នាន់ជាន់ត្រឹមតែពីរប៉ុណ្ណោះ គឺឈ្នាន់ហ្វ្រាំង និងហ្គារ៍ ដែលផ្ទុយពីរថយន្តលេខដៃមានឈ្នាន់រហូតដល់ទៅ៣ឯណោះ ។ ក្នុងនោះឈ្នាន់ហ្វ្រាំងស្ថិតនៅផ្នែកខាងឆ្វេង រីឯឈ្នាន់ហ្គារ៍នៅខាងស្តាំ ។

៣-រៀនឈ្វេងយល់ពីតំណែងលេខឬ អក្សរ ដែលមានក្រិតត្រង់តំបន់ចង្កឹះលេខ ហើយត្រូវដឹងពីមុខងារផ្សេងៗរបស់វា ។ រថយន្តអូតូមានអក្សរ P,R,N,D លេខ១ និងលេខ២ ។ ពួកវានីមួយសុទ្ធសឹងតែមានមុខងាររៀងខ្លួន។ អក្សរ P តំណាងឱ្យការចត ហើយវានឹងការពាររថយន្តពីការបំលាស់ទី ខណៈពេលម៉ាស៊ីនរថយន្តនៅដើរឬពុំទាន់ពន្លត់ ។ អក្សរ R សម្រាប់ការបើកថយក្រោយ ចំណែក N គឺសម្រាប់ឱ្យរថយន្តផ្លាស់ទីដោយពុំចាំបាច់ប្រើម៉ាស៊ីនវាមាន អត្ថប្រយោជន៍ក្នុងស្ថានភាព ដែលរថយន្តត្រូវការបំលាស់ទីពេលរថយន្តពន្លត់ម៉ាស៊ីន ។ D សម្រាប់លោកអ្នកប្រើវាបើកបរ ចំណែកលេខ២និង១ ប្រើក្នុងលក្ខខណ្ឌផ្លូវលំបាកដូចជា ការបើកទ្បើងភ្នំ ឬក៏ផ្លូវពិបាកៗមួយចំនួនទៀត ។

៤-បញ្ឆេះម៉ាស៊ីនរថយន្តតាម រយៈការមួលកាច់សោដេរបញ្ឆេះ ។ ត្រូវប្រាកដថា រថយន្តអ្នកគឺស្ថិតក្នុងតំណែងអក្សរ P មុននឹងកាច់បើកសោដេរបញ្ឆេះ ចំណែករថយន្តខ្លះនឹងមិនដំណើរការឬឆេះទ្បើយ ប្រសិនប្រអប់លេខមិនស្ថិតក្នុងតំណែងអក្សរ P នោះ ។

៥-ជាន់ ឈ្នាន់ហ្វ្រាំង ហើយរំកិលចង្កឹះលេខទៅ R ឬ D ស្របតាមលក្ខខណ្ឌផ្លូវថា តើបើកថយក្រោយសិន ឬចេញទៅតែម្តង ។ ពន្លែងឈ្នាន់ហ្វ្រាំងយឺតៗ នោះរថយន្តនឹងចាប់ផ្តើមបំលាស់ទីទៅមុខដោយស្វ័យប្រវត្តិជាមិនខាន ។ ប្រសិនបើនេះគឺជាលើកទី១ ក្នុងការបើករថយន្តលេខអូតូចូរអ្នកកុំធ្វើដូចជាភ្ញាក់ៗឱ្យសោះ ។ ប្រើប្រាស់ឈ្នាន់ហ្វ្រាំង ដើម្បីគ្រប់គ្រងការបំលាស់ទីរបស់អ្នកជាបឋម ហើយប្រើឈ្នាន់ហ្គារ៍ដើម្បីបង្កើនល្បឿននៅពេលអ្នកមានជំនឿចិត្តថា មានសុវត្ថិភាពហើយនោះ ។ ស្របពេលអ្នកបង្កើនល្បឿនរថយន្តនឹងត្រូវចូលលេខដោយស្វ័យប្រវត្តិជា មិនខាន ៕

Tuesday, December 27, 2016

Thursday, December 15, 2016

Wednesday, December 14, 2016

Friday, April 1, 2016

Thursday, March 31, 2016

តើ យើងអាចដំឡើង ភាសាខ្មែរ និងឃីប៊ត ខ្មែរ នៅលើ iPhone/iPad បានដែរ ឬទេ?

តើ iPhone របស់ខ្ញុំ មកពីប្រទេសណា?

ខ្ញុំចង់បង្កើត គណនី Apple ID តើត្រូវធ្វើដូចម៉្តេច?

កាលនៅ iOS 6.1.3 ខ្ញុំ អាចសួរទឹកលុយ ដោយវាយ *xxx# តែពេលឡើងមក iOS 7 មិនអាចសួរបាន។ ពេលវាយទៅ ម៉េចវា ទៅ ហៅចេញទៅវិញ?

តើទូរស័ព្ទជាប់កូដ (Locked) អាចដោះកូដ តាមវិធីណាខ្លះ?

អ្វីទៅ CDMA? ហើយអ្វីទៅ GSM?

អ្វីទៅ Unlock ឬដោះកូដ?

អ្វីទៅ Baseband ឬ Modem Firmware?

អ្វីទៅ Activation?

អ្វីទៅ Jailbreak?

អ្វីទៅ Cydia?

អ្វីទៅ ការ Restore iPhone?

អ្វីទៅ កូនសោរ SHSH?

Monday, March 14, 2016

ដោយ ៖ អុីវ វិចិត្រា

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget