Thursday, January 25, 2018

ក្រុមហ៊ុនទូរសព្ទចិនធំៗទាំង ១២

អាទិត្យ, 2 កក្កដា 2017 13:04

ចំនួនមតិ 0

ចន្លោះមិនឃើញ

តើប្រិយមិត្តធ្លាប់ស្គាល់ស្លាកយីហោក្រុមហ៊ុនទូរសព្ទចិនច្រើនដែរឫទេ? ថ្ងៃនេះ Sabay បង្ហាញត្រួសៗអំពីម៉ាកនៃស្មាតហ្វូនទាំង ១២ ក្នុងប្រទេសចិន ដែលមានដូចខាងក្រោម ៖

#១. Huawei

Huawei Technologies Co. Ltd គឺជាក្រុមហ៊ុនបណ្ដាញទូរគមនាគមន៍ដែលមានទីស្នាក់ការកណ្ដាលក្នុងទីក្រុង Shenzhen ខេត្តក្វាងទុង។ ស្ថាបនិកក្រុមហ៊ុននេះគឺលោក Ren Zhengfei បង្កើតឡើងនាឆ្នាំ ១៩៨៧ ហើយបច្ចុប្បន្នមាន CEO លោក Ren Zhengfei។

ស្មាតហ្វូនល្បីបំផុតរបស់ Huawei សព្វថ្ងៃរួមមានម៉ូដែល P10, P10 Plus និង Mate 9 ជាដើម។ គិតត្រឹមចុងឆ្នាំ ២០១៦ Huawei ជាប់ជាក្រុមហ៊ុនផលិតស្មាតហ្វូនលំដាប់ទី ៣ ក្នុងលោក។

#២. OPPO

OPPO Electronics Corp. គឺជាក្រុមហ៊ុនផលិតទូរសព្ទចល័តដែលមានទីស្នាក់ការកណ្ដាលក្នុងទីក្រុងដុងហ្គុន ខេត្តក្វាងទុង។ ស្ថាបនិកក្រុមហ៊ុននេះរួមមានលោក Tony Chen និង Piyush Chandra ហើយបង្កើតឡើងនាឆ្នាំ ២០០៤។ ស្មាតហ្វូនពេញនិយមបំផុតបច្ចុប្បន្នរួមមានម៉ូដែល R11/R11 Plus, F3 និង F3 Plus។ គិតត្រឹមចុងឆ្នាំ ២០១៦ OPPO ជាប់ជាក្រុមហ៊ុនផលិតស្មាតហ្វូនលំដាប់ទី ៤ ក្នុងលោក។

#៣. VIVO

VIVO ជាក្រុមហ៊ុនបច្ចេកវិទ្យារបស់ប្រទេសចិន ដែលផ្ដោតលើការអភិវឌ្ឍ, ការរចនា, ការផលិតស្មាតហ្វូន និងសេវាកម្មអនឡាញ។ មានទីស្នាក់ការកណ្ដាលក្នុងទីក្រុងដុងហ្គុន ខេត្តក្វាងទុង។ ស្ថាបនិកបង្កើតក្រុមហ៊ុននេះឡើង ជា CEO តែមួយ នាពេលបច្ចុប្បន្ន គឺលោក Shen Wei បង្កើតនាឆ្នាំ ២០០៩។

ស្មាតហ្វូនពេញនិយមបំផុតរួមមានម៉ូដែល V5s, V5 Plus និង V3Max ជាដើម។ គិតត្រឹមចុងឆ្នាំ ២០១៦ VIVO ជាប់ជាក្រុមហ៊ុនផលិតស្មាតហ្វូនលំដាប់ទី ៥ ក្នុងលោក។

#៤. OnePlus

OnePlus ជាក្រុមហ៊ុនផលិតស្មាតហ្វូនមួយ ដែលបង្កើតឡើងនាឆ្នាំ ២០១៣ ដោយស្ថាបនិកលោក Pete Lau និង Carl Pei ហើយមានស្នាក់ការកណ្ដាលក្នុងទីក្រុង Shenzhen ។ ជាក្រុមហ៊ុនស្ថិតក្រោមការគ្រប់គ្រងរបស់ OPPO Electronics ព្រោះស្ថិតនៅក្រោមទ្រនំតែមួយនៃក្រុមហ៊ុន BBK Electronics។

ម៉ូដែលពេញនិយមបំផុតរបស់ OnePlus រួមមាន OnePlus 5 និង OnePlus 3T កាលពីឆ្នាំកន្លងទៅ។

#៥. Xiaomi

Xiaomi Inc. គឺជាក្រុមហ៊ុនអេឡិចត្រូនិកមានស្នាក់ការកណ្ដាលនៅទីក្រុងប៉េកាំង។ បង្កើតឡើងនាឆ្នាំ ២០១០ មាន CEO លោក Lei Jun ។ ចំណូលគិតត្រឹមឆ្នាំ ២០១៥ មានដល់ ១២,៥ ពាន់លានដុល្លារ។

ម៉ូដែលពេញនិយមបំផុតរួមមាន Mi Mix, Mi 6 និង Redmi Note 4។ គិតត្រឹមចុងឆ្នាំ ២០១៦ Xiaomi ជាប់ជាក្រុមហ៊ុនផលិតស្មាតហ្វូនលំដាប់ទី ៦ ក្នុងលោក។

#៦. Lenovo

Lenovo Group Ltd ជាក្រុមហ៊ុនបច្ចេកវិទ្យា មានទីស្នាក់ការកណ្ដាលក្នុងទីក្រុងប៉េកាំង។ ស្ថាបនិកលោក Liu Chuanzhi បង្កើតឡើងនាឆ្នាំ ១៩៨៤ ហើយមាន CEO លោក Yang Yuanqing។

ម៉ូដែលពេញនិយមបំផុតរួមមាន Z2 Plus, ត្រកូល P និង K។ គិតត្រឹមចុងឆ្នាំ ២០១៦ Lenovo ជាប់ជាក្រុមហ៊ុនផលិតស្មាតហ្វូនលំដាប់ទី ៨ ក្នុងលោក។

#៧. Alcatel

Alcatel ជាក្រុមហ៊ុនស្មាតហ្វូនស្ថិតក្រោមការគ្រប់គ្រងរបស់ TCL Corporation បង្កើតឡើងនាឆ្នាំ ២០០៤។ ស្មាតហ្វូនពេញនិយមបំផុតរបស់ក្រុមហ៊ុននេះគឺ Alcatel OneTouch។ គិតត្រឹមចុងឆ្នាំ ២០១៦ Alcatel ជាប់ជាក្រុមហ៊ុនផលិតស្មាតហ្វូនលំដាប់ទី ១០ ក្នុងលោក។

#៨. Coolpad

Coolpad Group Limited ដែលត្រូវបានគេស្គាល់ជាក្រុមហ៊ុនបច្ចេកវិទ្យាស្ថិតក្រោមការគ្រប់គ្រងរបស់ Caymans បានបង្កើតឡើងនាឆ្នាំ ១៩៩៣ ដោយស្ថាបនិក Deying Guo។ គិតត្រឹមចុងឆ្នាំ ២០១៥ មានបុគ្គលិកសរុប ៥,៦៣៤ នាក់។ ម៉ូដែលពេញនិយមបំផុតរួមមានម៉ូដែល Cool Play 6, Note 5 Lite និង Defiant ជាដើម។

#៩. Gionee

Gionee ជាក្រុមហ៊ុនផលិតស្មាតហ្វូន បង្កើតឡើងនាឆ្នាំ ២០០២ ដោយស្ថាបនិកលោក Liu Lirong មានទីស្នាក់ការកណ្ដាលនៅទីក្រុង Shenzhen ខេត្តក្វាងទុង។ បច្ចុប្បន្នមានបុគ្គលិកសរុបប្រមាណ ៨ ពាន់នាក់។ ម៉ូដែលពេញនិយមបំផុតរួមមាន Elife S7, S5.5 និង S5.1 ជាពពួកស្មាតហ្វូនមានកម្រាស់ស្ដើងបំផុត។

#១០. ZTE

ZTE Corporation ជាក្រុមហ៊ុនបច្ចេកវិទ្យាទូរគមនាគមន៍បង្កើតឡើងនាឆ្នាំ ១៩៨៥ ដោយស្ថាបនិកលោក Hou Weigui មានទីស្នាក់ការកណ្ដាលក្នុងទីក្រុង Shenzhen ខេត្តក្វាងទុង។

ចំណូលសរុបគិតក្នុងឆ្នាំ ២០១៤ មាន ៨១,៤៧ លានយន់ ហើយស្មាតហ្វូនពេញនិយមបំផុតរួមមាន Nubia Z17, Axon 7s និង Nubia Z17 Mini។គិតត្រឹមចុងឆ្នាំ ២០១៦ ZTE ជាប់ជាក្រុមហ៊ុនផលិតស្មាតហ្វូនលំដាប់ទី ៧ ក្នុងលោក។

#១១. Meizu

Meizu Technology Co., Ltd ជាក្រុមហ៊ុនបច្ចេកវិទ្យា មានទីស្នាក់ការកណ្ដាលក្នុងទីក្រុង Zhuhai ខេត្តក្វាងទុង បង្កើតឡើងនាឆ្នាំ ២០០៣ ដោយស្ថាបនិកលោក Jack Wong។ ស្មាតហ្វូនពេញនិយមរួមមានម៉ូដែល M5s, M5 Note និង M3x។

#១២. LeEco

Le.com ជាក្រុមហ៊ុនបច្ចេកវិទ្យាដែលមានទីស្នាក់ការកណ្ដាលក្នុងស្រុក Chaoyang ក្រុងប៉េកាំង។ បង្កើតឡើងនាឆ្នាំ ២០០៤ ដោយស្ថាបនិកលោក Jia Yuetingស្មាតហ្វូនពេញនិយមរួមមានម៉ូដែល Le Pro 3, Le 1s Eco និង Le Max 2 ជាដើម។ ប្រាក់ចំណូលសរុបនៅឆ្នាំ ២០១៥ ទទួលបានជាង ១៣ ពាន់លានយន់៕

៥ ក្រុមហ៊ុនបច្ចេកវិទ្យាធំៗនៅចិន កំពុងប្រជែងជាមួយអាមេរិក

អង្គារ, 15 សីហា 2017 15:17

ចំនួនមតិ 1

ចន្លោះមិនឃើញ

ឧស្សាហកម្មបច្ចេកវិទ្យាប្រទេសចិន ត្រូវបានគេស្គាល់ថាមិនចាញ់ក្រុមហ៊ុនធំៗនៅអាមេរិកប៉ុន្មានឡើយ។ តំបន់ឧស្សាហកម្មបច្ចេកវិទ្យាយក្ស Silicon Valley របស់អាមេរិក ស្ថិតនៅក្នុងរដ្ឋ California ដោយឡែកសម្រាប់ប្រទេសចិន ទីក្រុង Shenzhen ជាតំបន់មួយដែលប្រមូលផ្ដុំដោយក្រុមហ៊ុនបច្ចេកវិទ្យាក្នុងស្រុកល្បីៗជាច្រើន។

១.WeChat របស់ Tencent ប្រជែងនឹង Facebook:

ទោះបី Facebook ជាបណ្ដាញសង្គមយក្សដ៏ធំក្នុងលោក ប៉ុន្តែមិនត្រូវប៉ាន់ក្នុងទឹកដីប្រទេសចិនឡើយ។ ប្រព័ន្ធទំនាក់ទំនងសង្គមធំបំផុតរបស់ចិន គឺក្ដោបក្ដាប់ដោយក្រុមហ៊ុន Tencent ដែលមានកម្មវិធី WeChat។ មានមុខងារជាច្រើនដូចទៅនឹង Facebook លើសពីនោះទៀតគឺមុខងារទូទាត់ទំនិញដ៏ពេញនិយម ដែលឆ្នាំនេះមានអតិថិជនក្នុងប្រទេសចិនប្រមាណ ៦០០ លាននាក់កំពុងប្រើប្រាស់ ប្រកៀកប្រកិតជាមួយអ្នកប្រើប្រាស់ ៤៥០ លាននាក់របស់ Alibaba ស្ថិតក្នុងដើមកំណើតតែមួយ។

WeChat បង្កើតឡើងនៅខែមករា ឆ្នាំ ២០១១ ហើយបច្ចុប្បន្នមានអ្នកប្រើប្រាស់ប្រមាណ ៩៣៨ លាននាក់ ដោយ ៩០ ភាគរយស្ថិតនៅក្នុងប្រទេសចិន។ ធៀបទៅនឹង WhatsApp និង Facebook Messneger ដែលមាន ១,២ ពាន់លាននាក់ និង Instagram មាន ៧០០ លាននាក់ ហើយ Twitter មាន ៣២៨ លាននាក់ជុំវិញពិភពលោក។

២.Huawei ប្រជែងនឹង Apple:

Huawei ត្រូវបានគេស្គាល់ជាស្លាកយីហោដ៏ពេញនិយមមួយក្នុងទីផ្សារសកលលោក ប៉ុន្តែស្ថិតនៅលំដាប់ទី ១ ក្នុងប្រទេសចិន ដែលតាមដោយក្រុមហ៊ុន Vivo និង Oppo។ នាត្រីមាសទី ១ ឆ្នាំ ២០១៧ Huawei ចេញលក់ស្មាតហ្វូនបាន ៣៤,៦ លានគ្រឿង ក្ដោបក្ដាប់ចំណែកទីផ្សារ ១០ ភាគរយ ធៀបនឹង Apple បាន ៥០,៧ លានគ្រឿង ស្មើនឹង ១៤,៧ ភាគរយ។ ដោយទោះបីជាស្ថិតនៅលំដាប់ទី ៣ ឈរក្រោម Apple និង SAMSUNG ប៉ុន្តែក្រុមហ៊ុនចិនមួយនេះ បានវិវត្តនូវគ្រឿងបន្លាស់នៃស្មាតហ្វូនរបស់ខ្លួន បានយ៉ាងប្រសើររួមមានបន្ទះឈីប Kirin និងបច្ចេកវិទ្យាសាកថ្មរហ័ស Super Charge។

គួបផ្សំនឹងបច្ចេកវិទ្យាកាមេរ៉ាភ្លោះ សហការជាមួយ Leica បានជំរុញឲ្យស្លាកយីហោ Huawei បច្ចុប្បន្នកំពុងត្រៀមផ្ដួល Apple នាប៉ុន្មានឆ្នាំបន្ទាប់។

៣.Baidu ប្រជែងជាមួយ Google:

Google ជាប្រព័ន្ធ Search ដ៏ធំបំផុតក្នុងលោក ប៉ុន្តែក្នុងប្រទេសចិនគឺ Baidu ឯណោះទេ។ ការចាប់ផ្តើមរបស់ក្រុមហ៊ុនទាំង ២ ខុសគ្នាតែជាង ២ ឆ្នាំប៉ុណ្ណោះ ដោយ Google លេចចេញនៅចុងឆ្នាំ១៩៩៨ ហើយ Baidu ផ្ដើមនៅដើមឆ្នាំ ២០០០។

អ្នកប្រើប្រាស់ប្រមាណ ៨០ ភាគរយក្ដោបក្ដាប់ដោយ Baidu ខណៈ Google ទទួលបានតែជាង ១០ ភាគរយប៉ុណ្ណោះស្ថិតតាមតំបន់មួយចំនួន។ នៅឆ្នាំ ២០១៦ Google រកចំណូលបានប្រហែល ៩០ ពាន់លានដុល្លារ ខណៈ Baidu បានតែជាង ១០ ពាន់លានដុល្លារប៉ុណ្ណោះ។

៤.Alibaba ប្រជែងនឹង Amazon:

មិនត្រឹមតែជាទីផ្សារទិញទំនិញ Online ល្បីឈ្មោះនៅអាមេរិក ក្រុមហ៊ុន Amazon ក៏ទទួលបានការចាប់អារម្មណ៍ខ្លាំងក្លាពីបណ្ដាប្រទេសផ្សេងទៀតផងដែរ។ ប៉ុន្តែអ្នកធ្លាប់ដឹងទេ Alibaba របស់ប្រទេសចិន ធ្លាប់ឆក់យកតំណែងទី ១ ជាទីផ្សារលក់ធំជាងគេបំផុតក្នុងលោក នៅឆ្នាំ ២០១៦ ដែលមានទំនិញច្រើនជាងធៀបនឹងទីផ្សារ Amazon និង eBay បូកបញ្ចូលគ្នា។

ក្រៅពីទីផ្សារទំនិញ Online ក្រុមហ៊ុន Alibaba ក៏មានបង្កើតសេវាកម្មទូទាត់ទំនិញ AliPay ដូចដែល Sabay បានលើកឡើងពីខាងលើ។ ក្រៅពីនោះក្រុមហ៊ុនរបស់លោក Jack Ma មួយនេះ ក៏បានបំបែកជាទីផ្សារតូចផ្សេងទៀតរួមមាន Tmall, Taobao ជាដើម។ ក្រៅពីប្រជែងជាមួយក្រុមហ៊ុនអាមេរិក Alibaba ក៏បានបង្កើតកម្មវិធី LaiWang ជាបណ្ដាញសង្គមប្រជែងជាមួយកម្មវិធី WeChat ក្នុងស្រុក ហើយ Kanbox ស្រដៀងនឹង Dropbox ថែមទៀតផង។

៥.Didi Chuxing ប្រជែងនឹង Uber:

Uber ជាក្រុមហ៊ុនផ្ដល់សេវាកម្មរថយន្តតាក់ស៊ីទំនើបបំផុតក្នុងសហរដ្ឋអាមេរិក ប៉ុន្តែប្រទេសចិន ក៏បង្កើតខ្លួនឯងហើយមានឈ្មោះថា Didi Chuxing។ ប៉ុន្តែក្រុមហ៊ុនចិនមួយនេះ បានចាប់ដៃជាមួយក្រុមហ៊ុនធំៗផ្សេងទៀតរួមមាន Grab, Lyft, 99 និង Ola ដើម្បីផ្ដល់ភាពងាយស្រួលកាន់តែធំធេងដល់អតិថិជនក្នុងការកក់សំបុត្រតាក់ស៊ី។

បច្ចុប្បន្ន Didi Chuxing បានកាន់កាប់ ៤០០ ទីក្រុងជុំវិញប្រទេសចិន ដោយមានអតិថិជនប្រមាណ ២០ លាននាក់ធ្វើដំណើរជារៀងរាល់ថ្ងៃ។ ក្រុមហ៊ុននេះមានតម្លៃខ្លួន ២៨ ពាន់លានដុល្លារ ខណៈ Uber ថ្លៃដល់ ៧០ ពាន់លានដុល្លារ ប៉ុន្តែមិនជារឿងអាក្រក់នោះទេ ព្រោះនេះជាការធៀបក្រុមហ៊ុនក្នុងស្រុកមួយ និងក្រុមហ៊ុនធំលំដាប់ពិភពលោក។

១០ សេវាកម្ម និង ផលិតផលបច្ចេកវិទ្យាកំពូលៗនៅប្រទេសចិន

អាទិត្យ, 9 កក្កដា 2017 09:48

ចំនួនមតិ 0

ចន្លោះមិនឃើញ

ប្រទេសចិន ជាប្រទេសប្រមូលផ្ដុំនូវសេវាកម្មនិងផលិតផលបច្ចេកវិទ្យាកំពូលៗជាច្រើន។ មានទីក្រុង ៤ ដែលពេញនិយមខ្លាំងរួមមាន ទីក្រុងប៉េកាំង ដែលមានមជ្ឈមណ្ឌលបច្ចេកវិទ្យា Baidu ជាប់ឈ្មោះជា Google របស់ប្រទេសចិន, ទីក្រុងស្សិនចេន ដែលភាគច្រើនមានសុទ្ធតែរោងចក្រផលិតតាំងពីឧបករណ៍បច្ចេកវិទ្យាលំដាប់តូចដល់ខ្ពស់ ហើយមានការិយាល័យក្រុមហ៊ុន Tencent នៅទីនោះ ដែលជាក្រុមហ៊ុនបង្កើតកម្មវិធី WeChat និង QQ, ទីក្រុងហាំងចូវ បណ្ដុំនៃក្រុមហ៊ុនពាណិជ្ជកម្មអេឡិចត្រូនិករួមមាន Alibaba និង NetEase និងទីក្រុងសៀងហៃដែលជាតំបន់ធ្វើពាណិជ្ជកម្មអន្តរជាតិ ច្រើនមានធនាគារជាងក្រុមហ៊ុនបច្ចេកវិទ្យា។

+សេវាកម្មនិងផលិតផលល្បីៗទាំង ១០ របស់ប្រទេសចិន ៖

១. WeChat (កម្មវិធីបណ្ដាញសង្គម) ៖

ជាកម្មវិធីស្ថិតក្រោមទ្រនំរបស់ក្រុមហ៊ុន Tencent ហើយបច្ចុប្បន្នមានអ្នកប្រើប្រាស់ ៨០០ លាននាក់ ដោយវាជាបណ្តាញសង្គមពេញនិយមកំពូលក្នុងស្រុក។ យើងប្រើប្រាស់សម្រាប់ធ្វើការ ទំនាក់ទំនងជាមួយមិត្តភ័ក្ដិជាលក្ខណៈផ្ញើសារអក្សរ, សម្លេង និងរូបភាពជាដើម។

២. Baidu (កម្មវិធី Search) ៖

Baidu អាចហៅថាជា Google របស់ប្រទេសចិន ដោយវាថែមទាំងមានកម្មវិធី Baidu Maps ប្រហាក់ប្រហែលទៅនឹង Google Maps ដែរ។ ទៀតសោតកាលពីពេលកន្លងទៅ ក្រុមហ៊ុនយក្សមួយនេះក៏ទើតប្រកាសបង្ហាញនូវប្រព័ន្ធប្រតិបត្តិ Duer OS ដែលស្រដៀងនឹង Alexa របស់ក្រុមហ៊ុនអាមេរិក Amazon។

៣. Alibaba (ក្រុមហ៊ុនពាណិជ្ជកម្ម) ៖

Alibaba ជាក្រុមហ៊ុនពាណិជ្ជកម្មមួយ ដែលបង្កើតនូវកម្មវិធីផ្សារលក់ទំនិញអន្តរជាតិ មិនថាតែ Taobao និង Tmall ក៏ស្ថិតក្រោមការគ្រប់គ្រងរបស់វាផងដែរ។ មានលក្ខណៈស្រដៀងទៅនឹង eBay, Amazon ប៉ុន្តែមិនមានការលក់ជាប្រភេទដេញថ្លៃនោះទេ។ ក្រុមហ៊ុន Alibaba កាន់កាប់សេដ្ឋកិច្ចពាណិជ្ជកម្មប្រមាណ ៨០ ភាគរយ ក្នុងប្រទេសចិន។

៤. Alipay & WeChat Pay (សេវាកម្មទូទាត់ទំនិញ) ៖

Alipay ជាសេវាកម្មរបស់ Alibaba ហើយ WeChat Pay ជារបស់ Tencent ដោយវាសុទ្ធសឹងជាសេវាកម្មទូទាត់ទំនិញខ្នាតធំនិងតូច។ មនុស្សជាច្រើនរស់នៅក្នុងទីក្រុងសៀងហៃនិងប៉េកាំងច្រើនប្រើសេវាកម្មទាំង ២ នេះ ដោយមិនសូវប្រើប្រាស់ក្រដាសប្រាក់ចេញពីហោប៉ៅឡើយ ក្នុងការទិញទំនិញផ្សេងៗ។

៥. Weibo (បណ្ដាញសង្គម) ៖

Weibo ជាបណ្តាញសង្គមកូនកាត់ Twitter ។ ចំណូលរបស់ក្រុមហ៊ុននេះ មានការកើនឡើងប្រមាណ ៤០ ភាគរយក្នុងឆ្នាំកន្លងទៅ ដោយឡែកបច្ចុប្បន្នទាំងចំនួនអ្នកប្រើប្រាស់ ក៏ដូចជាទីផ្សាររបស់ Weibo បានវ៉ាដាច់ Twitter របស់អាមេរិកបាត់ទៅហើយ។

៦. Momo (កម្មវិធីជួបគូណាត់) ៖

Momo ជាកម្មវិធីជួបគូណាត់ដំបូងបង្អស់ក្នុងប្រទេសចិន មិនខុសពី Tinder ដែលជាការមធ្យោបាយរកស្នេហាតាមប្រព័ន្ធអ៊ីនធឺណិត។ បច្ចុប្បន្នវាកំពុងពេញនិយមខ្លាំងមែនទែនក្នុងស្រុក។

៧. Meitu(កម្មវិធីកាត់តរូបភាព) ៖

មានប្រមាណជាង ៥០ ភាគរយនៃរូបភាព Selfie ដែលបង្ហោះចេញ គឺប្រើប្រាស់កម្មវិធី Meitu។ ប្រើដើម្បីជួយកែច្នៃសម្រស់របស់អ្នកឱ្យមានសភាពសចែងចាំង បាត់ស្នាមលើផ្ទៃមុខ និងពង្រីកគ្រាប់ភ្នែកឱ្យធំជាដើម។ កន្លងទៅតម្លៃខ្លួនក្រុមហ៊ុនមួយនេះ បានឡើងដល់ ៥,២ ពាន់លានដុល្លារ។

៨. YouKu (បណ្ដាញទស្សនាវីដេអូ) ៖

YouKu ជា YouTube របស់ប្រទេសចិន ដោយកាលពីឆ្នាំ ២០១៥ កន្លងទៅ ក្រុមហ៊ុន Alibaba បានទិញយកក្នុងតម្លៃប្រមាណ ៤,៨ ពាន់លានដុល្លារ ក្នុងគោលដៅប្រកួតប្រជែងលើប្រព័ន្ធអ៊ីនធឺណិតជាមួយក្រុមហ៊ុន Tencent និង Baidu។ ស្ថិតក្រោមការគ្រប់គ្រងរបស់ Jack Ma បណ្ដាញទស្សនាវីដេអូមួយនេះ មានចំនួនប្រជាជនក្នុងស្រុកទស្សនាច្រើនជាងប្រជាជនសរុបក្នុងទឹកដីអាមេរិកទៅទៀត។

៩. Didi Chuxing (ក្រុមហ៊ុនដឹកអ្នកដំណើរ) ៖

ក្រុមហ៊ុនបម្រើសេវាកម្មដឹកអ្នកដំណើរមួយនេះ បច្ចុប្បន្នកំពុងបម្រើមនុស្សប្រមាណ ៣០០ លាននាក់ ក្នុងទីក្រុងជាង ៤០០ ជុំវិញប្រទេសចិន។ Uber ចំណាយពេល ៦ ឆ្នាំដើម្បីបម្រើអ្នកធ្វើដំណើរបាន ៦ ពាន់លាននាក់ ខណៈក្រុមហ៊ុននេះចំណាយពេលត្រឹមមួយឆ្នាំ នាឆ្នាំ ២០១៥ បម្រើបានដល់ ១,៤ ពាន់លាននាក់ឯណោះ។

១០. NetEase (ក្រុមហ៊ុនហ្គេម) ៖

NetEase ជាក្រុមហ៊ុនប្រទេសចិន ដែលផ្ដល់សេវាលេងហ្គេមលើអ៊ីនធឺណិតស្រដៀងទៅនឹង Yahoo ដែរ។ ដោយទោះបីជាពុំមានភាពល្បីល្បាញខ្លាំង ប៉ុន្តែក្រុមហ៊ុនចិនមួយនេះ កំពុងព្យាយាមបង្កើតផលិតផលដែលអាចបង្កើនចំណែកទីផ្សារបន្ថែមទៀត៕

ស្គាល់ឲ្យហើយទៅ ក្រុមហ៊ុនធំៗ ៨ ក្រោមការគ្រប់គ្រងរបស់ Alibaba

អង្គារ, 23 មករា 2018 16:39

ចំនួនមតិ 0

ចន្លោះមិនឃើញ

Alibaba Group. ជាក្រុមហ៊ុនលក់រាយធំជាងគេបំផុតលើពិភពលោក។ ក្រុមហ៊ុន Alibaba Group មានអាជីវកម្មជាច្រើនរាប់តាំងពីសេវាថែទាំសុខភាព ប្រព័ន្ធផ្សព្វផ្សាយ និងការកម្សាន្ត។

មានប្រតិបត្តិការនៅក្នុងបណ្តាប្រទេសជាង 200 Alibaba.com បែងចែកផ្នែកសំខាន់ៗជាបី: វិបផតថល Alibaba.com ដែលភ្ជាប់ការលក់រវាងអ្នកនាំចូលនិងអ្នកនាំចេញ។ វិបផតថលចិន 1688.com ដែលដើរតួជាវេទិកា សម្រាប់ជំនួញពាណិជ្ជកម្មនៅក្នុងប្រទេសចិន និងគេហទំព័រលក់រាយឈ្មោះ AliExpress.com សម្រាប់អ្នកត្រូវការទិញផលិតផលតូចៗក្នុងតម្លៃលក់ដុំ។ Sabay ណែនាំក្រុមហ៊ុនធំៗ ៨ ដែលស្ថិតក្រោមការគ្រប់គ្រងរបស់ Alibaba Group របស់សេដ្ឋី Jack Ma។

១.Lazada:

Alibaba បានទិញយកក្រុមហ៊ុន Lazada ដែលមានមូលដ្ឋាននៅប្រទេសសិង្ហបុរីកាលពីខែមេសាឆ្នាំ 2016 ក្នុងកិច្ចព្រមព្រៀងតម្លៃ 1 ពាន់លានដុល្លារ។ Lazada ផ្តោតលើការធ្វើពាណិជ្ជកម្មអេឡិចត្រូនិចនៅក្នុងប្រទេសអាស៊ីអាគ្នេយ៍ចំនួន 6 គឺវៀតណាម, ឥណ្ឌូនេស៊ី, ម៉ាឡេស៊ី, សិង្ហបុរី, ហ្វីលីពីន និងថៃ។

២.South China Morning Post:

Alibaba Group បានទិញសារព័ត៌មាន South China Morning Post ជាកាសែតផ្សាយជាភាសាអង់គ្លេស ដែលមានមូលដ្ឋាននៅហុងកុងកាលពីខែធ្នូឆ្នាំ 2015 ក្នុងតម្លៃប្រហែល 266 លានដុល្លារ ជាផ្នែកមួយនៃផែនការពង្រីកប្រព័ន្ធផ្សព្វផ្សាយ និងអាជីវកម្មកម្សាន្តរបស់ខ្លួន។ នៅពេលនោះលោក Jack MA នាយកប្រតិបត្តិនៃក្រុមហ៊ុន Alibaba បាននិយាយថា ខ្លួនចង់ធ្វើការកែប្រែឡើងវិញនូវអ្វីដែលខ្លួនគិតថាជាការបង្ហាញអវិជ្ជមានរបស់ប្រទេសចិននៅក្នុងប្រព័ន្ធផ្សព្វផ្សាយលោកខាងលិច។

៣.AutoNavi:

Alibaba Group បានទិញ AutoNavi ជាក្រុមហ៊ុនផែនទីរបស់ចិននៅក្នុងឆ្នាំ 2014 ដោយមិនបញ្ជាក់ទំហំការចំណាយ។ ក្រុមហ៊ុនធំមួយនេះ បានផ្គត់ផ្គង់ប្រព័ន្ធផែនទីទំនើបឲ្យ Google អស់រយៈកាលរាប់ទសវត្សមកហើយ។ បច្ចុប្បន្នមានអ្នកប្រើប្រាស់លើសពី ១០០ លាននាក់ ហើយក្លាយជាកម្មវិធីល្អផ្ដាច់គេក្នុងប្រទេសមហាអំណាច។

៤.Taobao:

Alibaba បានបង្កើត Taobao នាឆ្នាំ ២០០៣ ជាទីផ្សារលក់ Online ក្នុងស្រុក ស្រដៀងនឹង eBay និង Amazon របស់អាមេរិក។ ស្របពេលដែល eBay បានទិញយកគេហទំព័រដេញថ្លៃ Eachnet របស់ចិន ដើម្បីប្រកួតប្រជែង ក្រុមហ៊ុន Taobao បានផ្តល់ជូននូវបញ្ជីលក់ និងលក្ខណៈពិសេសដល់អ្នកលក់ដោយឥតគិតថ្លៃដូចជា ការផ្ញើសារសម្រាប់អ្នកទិញហើយវាបានក្លាយជាកន្លែងដាក់លក់ដេញថ្លៃឈានមុខគេនៅក្នុងប្រទេសក្នុងរយៈពេលពីរឆ្នាំ។

៥.Alipay:

ជាក្រុមហ៊ុនទូទាត់ទំនិញឌីជីថលធំបំផុតក្នុងពិភពលោក មានអ្នកប្រើលើស ៤០០ លាននាក់ ដែលបង្កើតឡើងដោយ Alibaba នាឆ្នាំ ២០០៤។ ក្រៅពីយកឈ្នះលើ PayPal នៅខែសីហាឆ្នាំ 201 5 Alipay បានប្រកាសភាពជាដៃគូជាមួយ Yelp ដែលជាសញ្ញានៃផែនការរបស់ពួកគេ ដើម្បីពង្រីកទៅភាគខាងលិច។

Alipay បានសហការជាមួយស្ថាប័នហិរញ្ញវត្តុជាង ៦៥ ដូចជា MasterCard និង Visa ហើយផ្តល់សេវាកម្មទូទាត់សាច់ប្រាក់លើការទំនិញតាមគេហទំព័រធំៗដូចជា Taobao ជាដើម។

៦.Alibaba Pictures Groups:

ក្រុមហ៊ុន Alibaba Pictures Group ប្តូរឈ្មោះពីក្រុមហ៊ុន ChinaVision Media បន្ទាប់ពីក្រុមហ៊ុន Alibaba Group បានទិញភាគហ៊ុន 60 ភាគរយក្នុងតម្លៃ 804 លានដុល្លារក្នុងឆ្នាំ 2014 ។ ក្រុមហ៊ុនកម្សាន្តបានក្លាយជាក្រុមហ៊ុនខ្សែភាពយន្តចិនដ៏ធំបំផុតចាប់តាំងពីឆ្នាំ 2015 ។

ទោះបីជាអ្នកផលិតខ្សែភាពយន្តចិនលេចធ្លោក៏ដោយ ក៏ក្រុមហ៊ុន Alibaba Pictures Group បាននិយាយនៅក្នុងខែវិច្ឆិកាថាពួកគេបានរាយការណ៍ពីការខាតបង់ចំនួន 83,7 លានដុល្លារ។

៧.Aliwangwang និង Laiwang:

នៅឆ្នាំ ២០០៤ ដើម្បីភ្ជាប់ទំនាក់ទំនងរវាងអ្នកទិញនិងអ្នកលក់លើគេហទំព័រ Taobao ក្រុមហ៊ុន Alibaba ក៏ប្រកាសបន្ថែមពីសេវាកម្មផ្ញើសារ Aliwangwang ហើយបច្ចុប្បន្នជាប់លំដាប់ទី ២ ក្នុងប្រទេស។

រហូតដល់ឆ្នាំ ២០១៣ ក្រុមហ៊ុនក៏ប្រកាសស្រដៀងនូវកម្មវិធីផ្ញើសារមួយទៀត Laiwang ដើម្បីជាផែនការផ្តួល WeChat របស់ក្រុមហ៊ុនអ៊ីនធឺណិត Tencent។

៨.Ali Health Information Technology:

ជាក្រុមហ៊ុនថែរក្សាសុខភាពរបស់ក្រុមហ៊ុន Alibaba ដែលបានចាប់ផ្តើមនៅក្នុងឆ្នាំ 2014 បន្ទាប់ពីក្រុមហ៊ុន Alibaba និងក្រុមហ៊ុនឯកជន Yunfeng បានទិញភាគហ៊ុនចំនួន 54% នៅក្នុងក្រុមហ៊ុនដែលមានឈ្មោះថា Citic 21CN ។

ថ្មីៗនេះក្រុមហ៊ុន Alibaba បានផ្តោតសំខាន់លើការបង្កើនក្រុមហ៊ុន ឱ្យក្លាយទៅជាប្រព័ន្ធថែរក្សាសុខភាពដ៏សំខាន់ជាមួយកិច្ចព្រមព្រៀងតម្លៃ 488,3 លានដុល្លារដែលក្នុងនោះក្រុមហ៊ុន Ali Health នឹងទទួលបានអាជីវកម្មអាហារសុខមាលភាពរបស់ក្រុមហ៊ុន Alibaba ។

កុំច្រឡំគ្នាឲ្យសោះ ការ Reset ខុសៗគ្នា លើ iPhone

អង្គារ, 7 វិច្ឆិកា 2017 11:20

ចំនួនមតិ 0

ចន្លោះមិនឃើញ

ជាទូទៅក្នុងកម្មវិធី Settings នៃប្រព័ន្ធប្រតិបត្តិ iOS មិនថាតែ iPhone ឬ iPad ត្រង់មុខងារ Reset មានបង្ហាញនូវ ៣ ប្រភេទធំៗរួមមាន Reset All Settings, Erase All Contents and Settings និង Reset Network Settings។ ពាក្យទាំង ៣ នេះ បង្កឲ្យមានការភ័ន្តច្រឡំពីអ្នកប្រើប្រាស់ទូទៅមួយចំនួនធំ ហើយបង្កឲ្យជួបបញ្ហាក្រោយពេល Reset រួចរាល់។

១.Reset All Settings: ជាការលុបចោលឬផ្ដើមសារជាថ្មី នូវរាល់ការកំណត់ផ្សេងៗទាំងអស់ នៅក្នុង Settings សោតយ៉ាងដូចជាការភ្ជាប់ទៅតំណ APN (ប្រព័ន្ធអ៊ីនធឺណិត), ការភ្ជាប់ទៅប្រព័ន្ធ WiFi ឬការកំណត់ក្ដារចុចពីខាងក្រៅជាដើម។ ប៉ុន្តែរាល់ទិន្នន័យទាំងអស់មានដូចជារូបភាព, ចម្រៀង, បញ្ជីលេខទូរសព្ទ ឬកម្មវិធីមានបង្ហាញលើ Homescreen មិនត្រូវបានបាត់បង់នោះឡើយ។

អ្នកអាចប្រើមុខងារ Reset នេះ ដោយចូលទៅកាន់ Settings> General > Reset និង Reset All Settings ជាការស្រេច។

២.Erase All Contents and Settings: ចំណុចនេះវានឹងលុបចោលនូវរាល់បណ្ដាឯកសារទាំងអស់ចេញពីឧបករណ៍របស់យើង មិនខុសពីមុខងារ Restore (iPhone/iPad) ឆ្លងកាត់កម្មវិធី iTunes ដូច្នោះដែរ គ្រាន់ថាវានឹងរក្សាឲ្យអ្នកនៅជំនាន់ iOS ដដែល ខុសពី iTunes បើអ្នកប្រើមុខងារ Restore ត្រូវទាមទារទៅកាន់ជំនាន់ចុងក្រោយបង្អស់។ ក្រោយប្រើមុខងារនេះ វានឹងលោតឲ្យអ្នកចូលទៅកាន់ផ្ទាំង Activate iPhone/iPad សារជាថ្មី ដូចទៅម៉ាស៊ីនដែលទើបបកចេញពីប្រអប់ដូច្នោះដែរ។

ដើម្បី Reset បែបនេះ យើងចូលទៅកាន់ Settings > General > Reset និង Erase All Content and Settings។

៣.Reset Network Settings: ចាត់ការតែលើ Settings នៃបណ្ដាញ មានដូចជា Password WiFi, ប្រព័ន្ធតំណភ្ជាប់អ៊ីនធឺណិត និងមុខងារ Network មួយចំនួនទៀត មានក្នុងឧបករណ៍របស់យើង ត្រូវដំណើរការសារជាថ្មីទាំងស្រុង។ គេច្រើនប្រើមុខងារនេះ សម្រាប់ទូរសព្ទដែលជួបបញ្ហាភ្ជាប់ទៅ WiFi មិនជាប់ ឬបើកអ៊ីនធឺណិត 3G/4G មិនចេញជាដើម។

ចូលទៅកាន់ Settings > General > Reset > Reset Network Settings។

បញ្ជាក់ថារាល់ការអនុវត្តនេះ ករណីបើម៉ាស៊ីនអ្នកកំពុងស្ថិតក្នុងប្រព័ន្ធ Jailbreak ឬមាន Cydia ដាច់ខាតមិនត្រូវធ្វើនោះឡើយ ជៀសវាងការគាំងជាប់ត្រឹម Logo Apple ឬ iTunes។

អានអត្ថបទបន្ទាប់

ប្រភព៖ drfone ប្រែសម្រួល៖ កៅ រក្សា

គន្លឹះបិទមិនឱ្យគេលុប ឬដំឡើង App ផ្តេសផ្តាស់លើ iPhone

November 24, 2017

តើលោកអ្នកឧស្សាហ៍បាត់កម្មវិធីលើទូរសព្ទ iPhone ឬ iPad ដោយមិនដឹងមូលហេតុ ឬជាឱពុកម្តាយដែលមានកូនតូចៗរពឹសដៃតែងសុំ iPhone លោកអ្នកលេងមែនទេ? បើដូច្នេះមែននោះ នេះគឺជាគន្លឹះដ៏មានប្រយោជន៍សម្រាប់លោកអ្នកហើយ។
មែនទែនទៅ ប្រព័ន្ធ iOS របស់ iPhone ជំនាន់ក្រោយៗ គឺមានភ្ជាប់មកជាមួយមុខងារ Restriction ដែលអាចជួយលោកអ្នកដោះស្រាយបញ្ហាខាងលើនេះបាន។

Restriction អនុញ្ញាតឱ្យលោកអ្នកបិទកុំឱ្យកម្មវិធីណាមួយនៅលើទូរសព្ទដៃលោកអ្នកត្រូវបានលុប ឬដំឡើងដោយគ្មានការយល់ព្រមបាន ដោយគ្រាន់តែចូលទៅកំណត់តាមវិធីដូចខាងក្រោម៖

1- ជាដំបូង សូមចូលទៅកាន់កម្មវិធី Settings -> General -> Restrictions នៅលើ iPhone/iPad លោកអ្នក
2- ប្រសិនបើលោកអ្នកមិនធ្លាប់ប្រើមុខងារ Restriction ពីមុន សូមចុចលើ Enable Restrictions នៅផ្ទាំងកម្មវិធីខាងលើ រួចដាក់លេខកូដសម្ងាត់ ៤ ខ្ទង់ ចំនួនពីរលើក។ បញ្ជាក់: លេខកូដនេះ គឺខុសពីលេខកូដដែលប្រើសម្រាប់ចាក់សោទូរសព្ទ។

3- បន្ទាប់មក ចុចលើកុងតាក់បិទលើមុខងារ Installing Apps និង Deleting Apps ដែលឋិតនៅខាងស្តាំវា។

4- បន្ទាប់ពីធ្វើដូចនេះហើយ ប៊ូតុងសញ្ញា x នឹងបាត់ចេញពីរូបតាងកម្មវិធីលើ Home Screen ដែលកម្រើកឡើងក្រោយពីមាននរណាម្នាក់ចុចជាប់លើផ្ទៃអេក្រង់ ហើយប៊ូតុង Delete App ក៏បាត់ស្រមោលពីកម្មវិធីនីមួយៗនៅខាងក្នុងកម្មវិធី Settings -> General -> Storage & Cloud Usage ផងដែរ។ ចំណែករូបតាងកម្មវិធី App Store ក៏បាត់ខ្លួនពី Home Screen និងមិនអាចស្វែងរកឃើញតាមមុខងារ Search ក្នុង Spotlight ទៀតដែរ៕

ប្រិយមិត្តដែលប្រើប្រាស់ទូរសព្ទ iPhone ក៏ដូចជា iPad ប្រហែលជាមានការធុញទ្រាន់ចំពោះការលោតចេញសារដំណឹងម្តងហើយម្តងទៀត ឱ្យធ្វើការ Update កម្មវិធីផ្សេងៗហើយ! បើដូច្នេះមែន លោកអ្នកគួរតែបិទវាចោលទៅ ព្រោះវាមិនត្រឹមតែរំខានប៉ុណ្ណោះទេ ប៉ុន្តែ ក៏ធ្វើឱ្យខាតទំហំទិន្នន័យអិុនធើណែត ស៊ីថាមពលថ្ម និងទូរសព្ទដើរយឺត (សម្រាប់ iPhone ស៊េរីចាស់ៗ) ថែមទៀតផង។

ដើម្បីបិទកុំឱ្យវាលោតចេញ Update ស្វ័យប្រវត្តិបែបនេះ លោកអ្នកគ្រាន់តែចូលទៅកាន់កម្មវិធី Settings -> iTunes & App Store រួចនៅខាងក្រោម AUTOMATIC DOWNLOADS សូមចុចកុងតាក់បិទលើ Apps និង Updates ជាការស្រេច៕

Khmer Techno Innovation

Thursday, January 25, 2018

ក្រុមហ៊ុនទូរសព្ទចិនធំៗទាំង ១២

៥ ក្រុមហ៊ុនបច្ចេកវិទ្យាធំៗនៅចិន កំពុងប្រជែងជាមួយអាមេរិក

១០ សេវាកម្ម និង ផលិតផលបច្ចេកវិទ្យាកំពូលៗនៅប្រទេសចិន

ស្គាល់ឲ្យហើយទៅ ក្រុមហ៊ុនធំៗ ៨ ក្រោមការគ្រប់គ្រងរបស់ Alibaba

Thursday, January 11, 2018

កុំច្រឡំគ្នាឲ្យសោះ ការ Reset ខុសៗគ្នា លើ iPhone

Friday, November 24, 2017

គន្លឹះបិទមិនឱ្យគេលុប ឬដំឡើង App ផ្តេសផ្តាស់លើ iPhone

November 24, 2017

ធុញនឹង iPhone ខ្លួនចេះតែលោតឱ្យ Update ប្រើវិធីនេះទៅ!

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels