របៀប​រក Password Wi-Fi ​នៅ​ពេល​អ្នក​ភ្លេច​ អនុវត្ត​បាន​ទាំង​នៅ​លើ​កុំព្យូទ័រ​ប្រើ Windows និង Mac

មាន​ពេល​ខ្លះ អ្នក​ប្រហែល​ភ្លេច​លេខ​កូដ​សម្ងាត់ Wi-Fi នៅ​ផ្ទះ​របស់​អ្នក ឬ​នៅ​តាម​បណ្ដា​ហាង​កាហ្វេ តែបៃតង​ហ្វ្រី Wi-Fi ផ្សេងៗ ដែល​អ្នក​ធ្លាប់​ទៅ​លេង​ក៏​ថា។ យ៉ាងណា ប្រសិន Wi-Fi password ទាំង​នោះ មិន​ត្រូវ​បាន​គេ​កែ​ទេ នោះ​ឧបករណ៍​អេឡិចត្រូនិក​ដូច​ជា ស្មាតហ្វូន/ថេប្លេត និង​កុំព្យូទ័រ​របស់​អ្នក​ដែល​ធ្លាប់​ភ្ជាប់​មុនៗ នឹង​អាច​ភ្ជាប់​ទៅ​កាន់​ឧបករណ៍ Router ដដែល​នោះ ដោយ​ស្វ័យប្រវត្តិ។ តែ​ប្រសិន​បើ​អ្នក​ភ្លេច​លេខ​កូដ password តើ​ធ្វើ​ដូចម្ដេច​ទើប​អាច​ដឹង​វិញ​បាន?

ទំព័រ​នេះ ThePhnomPenhTimes សូម​លើក​យក​គន្លឹះ​ខ្លី​ដ៏​សាមញ្ញ​ ដើម្បី​ឆែក​មើល​ Password Wi-Fi ដែល​អ្នក​កំពុង​តែ​ភ្ជាប់​ប្រើ​ដោយ​កុំព្យូទ័រ​មក​បង្ហាញ​ជូន ងាយស្រួល​ប្រើ​ឧបករណ៍​បន្ថែម ដោយ​មិន​ចាំបាច់​សួរ​រក password ពី​ម្ចាស់​ហាង​ម្ដង​ទៀត។

-ប្រសិន​អ្នក​បាន​ភ្ជាប់ Wi-Fi នោះ​ប្រើ​ពី​ពេល​មុន អ្នក​នឹង​ងាយស្រួល​អាច​ឆែក​មើល password តាម​កុំព្យូទ័រ​របស់​អ្នក​បាន។ ទាំង​កុំព្យូទ័រ​ប្រើ Windows និង Mac សុទ្ធតែ​មាន​របៀប​ឆែក​មើល​ផ្សេង​គ្នា។ ប៉ុន្តែ​នៅ​លើ​ទូរស័ព្ទ iPhone ឬ iPad ឬ​ទូរស័ព្ទ Android គឺ​ពុំ​ងាយស្រួល​ឆែក​មើល​ឡើយ ចង់​ឆែក​មើល​លុះ​ត្រា​ទូរស័ព្ទ​បាន root ឬ jailbreak សិន។ ទំព័រ​នេះ យើង​សូម​បង្ហាញ​តែ​ការ​ឆែក​មើល password តាម​កុំព្យូទ័រ​ប្រើ Windows OS និង Mac OS ប៉ុណ្ណោះ។

+របៀប​ឆែក​មើល Wi-Fi password ដែល​បាន​ភ្ជាប់​នៅ​លើ Windows៖

– បើក​បញ្ជី Wireless Networks នៅ​ក្នុង Control Panel ឬ​អ្នក​អាច​បើក​បាន​លឿន​ជាង​នេះ ដោយ​ចុច Windows Key + R រួច​វាយ ‘ncpa.cpl’ ទៅ​ក្នុង​ប្រអប់ open នៃ​ផ្ទាំង Run រួច​ចុច Enter។

 

– បន្ទាប់​មក​ចុច​ស្ដាំ mouse (right-click) នៅ​លើ Wi-Fi ដែល​អ្នក​បាន​កំពុង​ភ្ជាប់ ឬ​បាន save ជាប់​ពី​មុន ហើយ​ចុច​យក Status និង​ចុច​លើ​ប៊ូតុង Wireless Properties។

រួច​ហើយ ចុច​លើ​តាប Security និង​ចុច​ត្រង់​ប្រអប់​ ‘Show Characters’ ដើម្បី​បង្ហាញ​លេខ​កូដ Wi-Fi។ (ចំណាំ៖ អ្នក​ត្រូវតែ​មាន​សិទ្ធិ​ស្មើ administrator ទើប​អាច​បើក access បាន)។
-របៀប​ឆែក​មើល Wi-Fi password ដែល​បាន​ភ្ជាប់​នៅ​លើ Mac៖

បើក​កម្មវិធី “Keychain Access” ឬ​ចុច Command+Space ហើយ​វាយ​បញ្ចូល Keychain Access រួច​ចុច Enter។ ជ្រើសរើស​យក “Password” category រួច​រក​មើល​ឈ្មោះ Wi-Fi network។ វា​នឹង​បង្ហាញ​នូវ “AirPort network password”។ សូម​ចុច​ស្ដាំ mouse (right-click) នៅ​លើ​ឈ្មោះ Network ហើយ​រើស​យក “Copy password to clipboard” ឬ​ចុច​ស្ដាំ mouse រើស​យក “Get Info” ហើយ​ធីក​យក​ប្រអប់ “Show password”។ អ្នក​នឹង​ត្រូវ​បញ្ចូល​ឈ្មោះ username របស់ Mac ព្រមទាំង password ដើម្បី​បង្ហាញ​នូវ​ព័ត៌មាន។ (បញ្ជាក់៖ អ្នក​អាច​បើក​មើល​បាន លុះត្រាតែ​មាន​សិទ្ធិ​ជា​គណនី Administrator)។

 

ចំពោះ​ម្ចាស់ Router ដែល​បាន​ភ្លេច Wi-Fi Password ឬ​ត្រូវ​បាន Hacker លួច​ប្ដូរ អ្នក​អាច​ប្រើ​ពីរ​វិធីសាស្ត្រ​ចួល​ទៅ Configure លើ ឧបករណ៍ Router។ ក្នុង​ការ​ Configure ប្រសិន​លោក​អ្នក​ភ្លេច Password Wi-Fi អ្នក​ត្រូវ​ប្រើខ្សែ network (Network Cable) ប្រភេទ RJ45 cat5 ឬ 5e ដែល​មាន​ស្តង់ដារ​កិប​ប្រើ​រវាង​ឧបករណ៍​ណិតវើក​ជាមួយ​កុំព្យូទ័រ។

ប្រើ​ខ្សែ​ណិតវើក​ម្ខាង​ដោត​ទៅ​នឹង​ឧបករណ៍ Router ហើយ​ម្ខាង​ទៀត​ដោត​ចូល​ទៅ​រន្ធ​ណិតវើក​នៅ​លើ​កុំព្យូទ័រ។ ក្រោយ​ពី​តំណភ្ជាប់​មាន​ដំណើរការ ដល់​ពេល​អ្នក​ត្រូវ​កត់​សម្គាល់​ប្រភេទ Router របស់​អ្នក​ម្ដង តើ​វា​មាន​ម៉ាក​អ្វី Pro-Link, TP-Link, D-Link, Linksys, Trendnet, Asus RT និង Netgear ជាដើម ដើម្បី​ដឹង​នូវ​លេខ IP ដើម (default IP) សម្រាប់ log ចូល​តែ​មើល​ព័ត៌មាន និង​អាច​កែ Wi-Fi Password បាន៕