3:16 AM
ប្រភេទកុំព្យូទ័រនិងឧបករណ៍អេឡិចត្រូនិកជាច្រើននាពេលបច្ចុប្បន្នរមែងមានរន្ធដោត
USB ហើយវាក៏បែកចែកលើការប្រើប្រាស់ខ្សែ USB Cable ជាច្រើនបែប
ដែលផ្អែកលើការវិវត្តនៃបច្ចេកវិទ្យា។ ថ្ងៃនេះ Sabay
ណែនាំឲ្យស្គាល់ពី USB Cable កំពុងពេញនិយមសព្វថ្ងៃ
និងការជ្រើសរើសប្រភេទខ្សែដ៏ល្អមួយ។
+ប្រភេទ USB ប្រើលើកុំព្យូទ័រនិងស្មាតហ្វូន
- Type-A: ប្រភេទខ្សែដោតភ្ជាប់ពី Keyboard និង Mouse ចូលមកកាន់កុំព្យូទ័រ រួមទាំងឧបករណ៍ផ្សេងទៀតដូចជាការប្រើ External បញ្ជូនឯកសារចេញចូលជាដើម។
- Type-B: ច្រើនឃើញប្រើភ្ជាប់ជាមួយម៉ាស៊ីន Printer និងឧបករណ៍បញ្ចូលថាមពលផ្សេងទៀត ដែលភ្ជាប់ទៅកាន់កុំព្យូទ័រ។ ហាក់បីជាមិនចាំបាច់ដូច Type-A ឡើយក្នុងយុគសម័យចុងក្រោយនេះ។
- Mini-USB: កើតមុន Micro-USB មួយជំនាន់ ខណៈដែលវាមានឈ្មោះជា Mini ព្រោះទំហំទីតាំងទទួលនិងភ្ជាប់ មានរាងតូចជាងប្រភេទ Regular ពីខាងលើ បច្ចុប្បន្នក៏បន្តប្រើជាមួយកាមេរ៉ាដែលមានរន្ធតភ្ជាប់មិនស្តង់ដារផងដែរ។
- Type-C: ជាជំនាន់ USB ពិសេសដែលមានល្បឿនផ្ទេរនិងសាក រហ័សជាង USB ជំនាន់មុនៗ។ មាន Laptop, ស្មាតហ្វូន និងថេបប្លែតស៊េរីទំនើបខ្លះ បានបំពាក់នូវ USB Type-C។
- Lightning: ចាប់តាំងពីខែកញ្ញា ឆ្នាំ ២០១២ Apple បានប្ដូរមកប្រើប្រាស់ USB Lightning ដែលមានរាងតូចជាង micro-USB។ អ្នកប្រើ iPhone 5 ឡើង ចាំបាច់ត្រូវការខ្សែ Lightning Cable ដើម្បីសាកបញ្ចូលថ្ម។
+ចុះអ្វីទៅជា Micro-USB?
បើអ្នកកំពុងប្រើស្មាតហ្វូននិងថេបប្លែត Android ពិតណាស់អ្នកនឹងប្រើនូវខ្សែ Micro-USB។ ទៀតសោតសូម្បីតែឧបករណ៍សាកថ្មជំនួយ (Power Bank) និង Speakers សុទ្ធសឹងតែប្រើប្រាស់ខ្សែប្រភេទនេះ។ ទំហំវារាងតូចជា Mini USB បន្តិច។ ប្រសិនបើអ្នកទិញឧបករណ៍អេឡិចត្រូនិកមកប្រើប្រាស់ ដែលមានរន្ធដោតភ្ជាប់ ភាគច្រើនសុទ្ធតែតម្រូវការប្រើខ្សែ Micro-USB ទាំងអស់ រហូតពេលខ្លះអ្នកអាចមានខ្សែមួយ ប៉ុន្តែប្រើជាមួយឧបករណ៍ច្រើនបាន។
+ចុះអ្វីទៅជា USB-C?
បន្ទាប់ពី Micro-USB នោះគឺ USB-C ដែលទំហំរន្ធភ្ជាប់កាន់តែតូច ប៉ុន្តែល្បឿនសាកនិងផ្ទេរធ្វើបានរហ័សជាងមុនឆ្ងាយ។ កន្លងទៅ Apple ធ្លាប់បង្ហាញ MacBook ស៊េរីថ្មីរបស់ខ្លួន ដែលប្រើនូវរន្ធដោត USB-C មួយគ្រាប់។ តម្លៃរបស់វាថ្លៃជាងប្រភេទ Micro-USB។
+តើអ្នកគួរជ្រើសប្រើមួយណា?
បើអ្នកចង់បានល្បឿនផ្ទេរទិន្នន័យល្បឿន និងការសាកបញ្ចូលថ្មរហ័ស ពិតណាស់ការជ្រើសរើសឧបករណ៍ដែលគាំទ្រ USB-C មកប្រើ ពិតជារឿងដែលត្រឹមត្រូវ ប៉ុន្តែតម្លៃនៃឧបករណ៍ក៏ថ្លៃទៅតាមនោះដែរ។ ផ្ទុយទៅវិញចំពោះការទិញខ្សែ មិនថាខ្សែប្រភេទណាក៏ដោយ បើមិនចាំបាច់អ្នកគួរទិញខ្សែដែលមានប្រវែងខ្លីមកប្រើប្រាស់ (ក្រោម ១ ម៉ែត្រ) ព្រោះវាងាយស្រួលក្នុងការប្រើ និងមិនពិបាកទុកដាក់ ជៀសវាងការទិញខ្សែប្រវែងវែងជ្រុល (ករណីប្រើចាំបាច់អាចទិញក៏បាន)។
ប្រភព៖ makeuseof ប្រែសម្រួល៖ កៅ រក្សា
0 comments:
Post a Comment