គន្លឹះជុសជុលគណនី iCloud លើ iPhone កុំឱ្យលោតចេញសំណើរទាមទារឱ្យចុះឈ្មោះដដែលៗ

លោកអ្នកដែលប្រើប្រាស់ទូរសព្ទដៃស៊េរី iPhone ឬក៏ iPad ប្រហែលជាធ្លាប់ជួបប្រទះហើយនូវសំណើរឱ្យចុះឈ្មោះចូលប្រើគណនី iCloud ជាពិសេស ក្រោយពេលដែលខ្លួនធ្វើបច្ចុប្បន្នភាព (update) ប្រព័ន្ធ iOS របស់ iDevices (iPhone, iPad, & iPod Touch) ទាំងនោះតែម្តង។ ដើម្បីដោះស្រាយបញ្ហាដ៏គួរឱ្យរំខាននេះ​លោកអ្នកអាចអនុវត្តតាមជំហានជាបន្តបន្ទាប់ដូចខាងក្រោម:
លក្ខខណ្ឌអនុវត្ត:
> iOS Devices របស់លោកអ្នក មានភ្ជាប់អិុនធើណែតតាម
> លោកអ្នកមានគណនី iCloud ផ្ទាល់ខ្លួនមួយសម្រាប់ប្រើប្រាស់នៅលើ iOS Devices
របៀបអនុវត្ត:
១– ដំបូង សូមបើកកម្មវិធី Settings រួចចុចលើ iCloud ហើយចុចលើ Sign Out នៅផ្ទាំងកម្មវិធីខាងក្រោម

២– បន្ទាប់មក ចុចលើ Sign Out ក្នុងមឺនុយ Popup រួចចុចលើ Delete from My iPhone នៅមឺនុយ Popup ទីពីរ

 

៣– បន្ទាប់មកទៀត សូមជ្រើសរើសថាតើ ត្រូវទុក ឬមិនទុកទិន្នន័យ Contact, Reminder, News, និង Safari នៅលើទូរសព្ទ iPhone របស់លោកអ្នក
៤– វាយបញ្ចូលលេខសម្ងាត់របស់អ្នក ដើម្បីបិទមុខងារ Find My iPhone ប្រសិនបើវាបើក រួចចុចលើ Turn Off

 

៥– សូមរង់ចាំរហូតដល់ការ Sign Out ចប់ បន្ទាប់មក សូមចុចបិទ/បើក iPhone របស់អ្នក ដោយចុចជាប់លើប៊ូតុង‘បិទ/បើក’ និងប៊ូតុង‘បន្ថយសំឡេង’ដំណាលគ្នា (សម្រាប់ iPhone 7/ 7 Plus) ឬចុចជាប់លើប៊ូតុង‘បិទ/បើក’ និងប៊ូតុង‘Home’ ដំណាលគ្នា (សម្រាប់ iPhone ឬ iPad ស៊េរីមុនៗ) រហូតដល់អេក្រង់រលត់រួចឆេះឡើងវិញ។

 

៦– ជាចុងក្រោយ សូមចូលទៅកាន់កម្មវិធី Settings ហើយចុះឈ្មោះក្នុងកម្មវិធី iCloud ឡើងវិញ ជាការស្រេច៕

Read More

របៀបដំឡើងប្រើ iPhone ទើបទិញថ្មី ឲ្យត្រឹមត្រូវតាមស្តង់ដាអ្នកជំនាញ

សម្រាប់លោកអ្នកដែលទើបនឹងទិញ iPhone ថ្មីស្រឡាងមួយគ្រឿង បើកចេញពីប្រអប់ អ្នកប្រហែលត្រូវការយល់ដឹងពីរបៀបដំឡើងវា ដើម្បីអាចប្រើប្រាស់បានតាមស្តង់ដាដែលត្រូវបានកំណត់ឡើងដោយក្រុមហ៊ុន Apple ផ្ទាល់ និងដូចជាអ្នកជំនាញប្រើប្រាស់ iPhone ម្នាក់អីចឹង។ ចំពោះប្រិយមិត្តដែលបានទិញ iPhone យកមកប្រើរួចហើយក៏ដោយ ក៏វិធីសាស្រ្តនេះ នៅតែមានសារ:សំខាន់ដដែល គឺរាល់ពេលដែល iPhone ត្រូវការ Restore ឬក៏ Update ថ្មី។ បញ្ជាក់: iPhone ត្រូវតែដោតបញ្ចូលស៊ីមកាតសម្រាប់ដំណើរការ Activate។
សូមអនុវត្តតាមជំហានខាងក្រោម:

១ – បើក iPhone – Turn on 

ដំបូងបង្អស់ អ្នកត្រូវបើកដំណើរការ iPhone ដោយចុចឲ្យជាប់ត្រង់ប៊ូតុង Power ភ្លាមនោះផ្ទាំង Hello នឹងលោតបង្ហាញមកលើអេក្រង់ → ចុចម្តងលើប៊ូតុង Home ដើម្បីធ្វើការដោះសោ iPhone។

២ – ជ្រើសរើសភាសា និងតំបន់ – Set Language and Region

 

សម្រាប់ភាសា និងតំបន់របស់ប្រទេសកម្ពុជាយើង សូមទាញចុះក្រោម និងស្វែងរកពាក្យថា Cambodia រួចជ្រើសរើសយក។

៣ – ភ្ជាប់ទៅកាន់ប្រព័ន្ធ Wi-Fi – Connect to Wi-Fi

 

សូមជ្រើសរើសយកបណ្តាញ Wi-Fi ណាមួយ រួចវាយបញ្ចូលលេខកូដសម្ងាត់ Wi-Fi នោះ ដើម្បីបន្តដំណើរការ។

៤ – មុខងារស្វែងរកទីតាំង – Location Services

ដំណាក់កាលនេះ គឺស្ថិតនៅលើការសម្រេចចិត្តរបស់អ្នក ថាតើគួរបើកមុខងារស្វែងរកទីតាំងនេះ ឬក៏អត់? ប៉ុន្តែជម្រើសដ៏ល្អនោះគឺ អ្នកគួរតែបើកដំណើរការមុខងារនេះ ( Enable Location Services ) ដើម្បីអនុញ្ញាតឲ្យ iPhone ស្គាល់ទីតាំងដែលអ្នកកំពុងនៅ។ 

៥ – បើកដំណើរការ iPhone – Activate iPhone

ក្រោយពេលដែលអ្នកបានភ្ជាប់ iPhone ទៅនឹង Wi-Fi រួចរាល់ហើយ នោះក្រុមហ៊ុន Apple នឹងចាប់ផ្តើមត្រួតពិនិត្យ និងអនុញ្ញាតឲ្យ iPhone ចាប់ផ្តើមដំណើរការ ( Activate iPhone )។ ដំណាក់កាលនេះ ត្រូវប្រាកដថា អ្នកបានបញ្ចូលស៊ីមកាតរួចរាល់ទៅក្នុង iPhone។ 

៦- ប្រព័ន្ធស្កេនក្រយៅដៃ និងលេខកូដសម្ងាត់ – Touch ID and Passcode

 

អ្នកគួរតែកំណត់់ការស្កេនក្រយៅដៃរបស់អ្នកទុកជាមុន ដើម្បីងាយស្រួលក្នុងការដោះសោ iPhone ជំនួសពីការវាយលេខសម្ងាត់។ បន្ទាប់ពីអ្នកបានកំណត់វារួចរាល់ អ្នកនឹងត្រូវទាមទារឲ្យបង្កើតលេខកូដសម្ងាត់ ៦ ខ្ទង់បន្ថែមទៀត សម្រាប់បម្រុងទុកប្រើប្រាស់ជំនួសការស្កេនក្រយៅដៃ។ 

៧- កម្មវិធីប្រើប្រាស់ និងទិន្នន័យ- Apps & Data

 

ត្រង់ចំណុចនេះអ្នកមាន ៤ ជម្រើស មុនធ្វើការបន្តការដំឡើងប្រើ iPhone:
• Restore for iCloud Backup: វាអនុញ្ញាតឲ្យអ្នកផ្ទេរទិន្នន័យចាស់ៗពី iCloud (បើអ្នកធ្លាប់ទាញទុកពីមុនមក) មកប្រើប្រាស់ក្នុង iPhone ថ្មី។
• Restore from iTunes Backup: វាអនុញ្ញាតឲ្យអ្នកផ្ទេរទិន្នន័យពីកម្មវិធី iTunes នៅលើកុំព្យូទ័រ (បើអ្នកធ្លាប់ទាញទុកពីមុនមក) មកប្រើប្រាស់ក្នុង iPhone ថ្មី។
• Set Up As New iPhone: វាអនុញ្ញាតឲ្យអ្នកចាប់ផ្តើមប្រើប្រាស់ iPhone ជាមួយអ្វីៗថ្មីទាំងស្រុង។
• Move Data from Android: អនុញ្ញាតឲ្យអ្នកផ្ទេរទិន្នន័យពីទូរស័ព្ទដៃដើរដោយប្រព័ន្ធ Android មកប្រើប្រាស់ក្នុង iPhone។
ប្រសិនបើការអនុវត្តនេះ ធ្វើឡើងនៅលើ iPhone ដែលទើបនឹងទិញថ្មី អ្នកគួរតែជ្រើសរើសយកជម្រើស Set Up As New iPhone។

៨ – បង្កើតគណនី Apple – Create Apple ID

 

ត្រង់ចំណុចនេះ អ្នកអាចបង្កើតគណនី Apple ថ្មី ឬក៏វាយបញ្ចូលគណនីដែលអ្នកមានស្រាប់។ ប្រសិនបើអ្នកមិនទាន់មាន Apple ID ទេអ្នកអាចបង្កើតថ្មីមួយពេលនេះ ឬក៏បង្កើតតាមក្រោយបានតាមរបៀបនេះ សូមចុចត្រង់នេះ។

៩ – មុខងារ iCloud

មុខងារ iCloud អនុញ្ញាតឲ្យអ្នកអាចរក្សាទុកទិន្នន័យផ្សេងៗលើវា ហើយអ្វីដែលពិសេសនោះគឺថា អ្នកអាចឃ្លាំមើលទីតាំងទូរស័ព្ទដៃរបស់អ្នក ថាតើវាកំពុងតែនៅទីណាបានទៀតផង។ អ្នកអាចបើកប្រើ ឬក៏អត់អាស្រ័យលើអ្នកទេ ប៉ុន្តែជម្រើសដ៏ល្អ គឺថាអ្នកគួរតែបើកវា ( Enable iCloud )។

១០ – មុខងារ Siri

 

Siri ជាកម្មវិធីមួយធ្វើការបញ្ជាដោយប្រើប្រាស់សំឡេង។ វាអនុញ្ញាតឲ្យអ្នកប្រើប្រាស់ធ្វើការលើ iPhone ដោយមិនចាំបាច់ចុចប៉ះដោយដៃផ្ទាល់នោះទេ គឺថាអ្នកគ្រាន់តែនិយាយទៅកាន់ Siri នោះវានឹងតាមពាក្យបញ្ជារបស់លោកអ្នកតែម្តង។ សម្រាប់អ្នកដែលប្រើប្រាស់ iPhone ស៊េរីចាប់ពី iPhone 6s ឡើងទៅអាចអនុវត្តចំណុចនេះបាន។ សូមចុចយកពាក្យ Set Up Siri បន្ទាប់មកនិយាយពាក្យថា “Hey Siri” ចំនួន ៥ ដង ក្រោយមកទៀត ចុចយកពាក្យថា Continue ចុងក្រោយបង្អស់ចុចពាក្យថា Get Started។

១១ – ចែករំលែកព័ត៌មានដំណើរការទូរស័ព្ទ – Share Diagnostic Information
Share Diagnostic Information អនុញ្ញតឲ្យអ្នករាយការណ៍រាល់ព័ត៌មានកំហុសបច្ចេកទេសនៃដំណើរការ iPhone ទៅដល់ក្រុមហ៊ុន Apple ដោយផ្ទាល់។ ត្រង់ចំណុចនេះ Post Tech សូមណែនាំឲ្យជ្រើសយកពាក្យ Don’t Share Diagnostic Information (ដោយសារតែយើងជាអ្នកប្រើប្រាស់ធម្មតា មិនមែនជាអ្នកអភិវឌ្ឍកម្មវិធីនោះទេ) ។

១២ – ពង្រីកការតាំងបង្ហាញ – Display Zoom

 

Display Zoom គឺជាមុខងារពិសេសមួយដំណើរការលើទូរស័ព្ទចាប់ពីស៊េរី iPhone 6 ឡើងទៅ។ វាផ្តល់ជម្រើសជាការតាំងបង្ហាញអេក្រង់ ២ បែប។
• Standard ការតាំងបង្ហាញប្រភេទធម្មតា។
• Zoom ការតាំងបង្ហាញពង្រីកធំពីលើប្រភេទធម្មតា។
ជម្រើសដែលល្អនោះគឺ Standard ។

១៣ – កែតម្រូវប៊ូតុង Home ស៊េរីថ្មី – Configure the New Home Button

 

នេះជាជំហានចុងក្រោយនៃការដំឡើងប្រើ iPhone ថ្មី ហើយចំណុចនេះវាបង្ហាញតែនៅលើទូរស័ព្ទ iPhone 7 និង 7 Plus ប៉ុណ្ណោះ។ ដោយសារប៊ូតុង iPhone 7 និង 7 Plus មានលក្ខណ:ខុសពី iPhone ស៊េរីមុន។ ត្រង់ចំណុចនេះ អ្នកអាចកំណត់រំញ័រនៃការចុចប៊ូតុង Home ចេញពីម៉ាស៊ីន Taptic។ វាផ្តល់ជូនលោកអ្នកនូវ ៣ ជម្រើសផ្សេងៗគ្នា ហើយអ្នកអាចជ្រើសរើសយកប្រភេទមួយណាក៏បាន។
ជាចុងក្រោយ ប្រិយមិត្តគ្រាន់តែចុចពាក្យថា Get Stared ដើម្បីចាប់ផ្តើមប្រើប្រាស់ទូរស័ព្ទដៃ iPhone ថ្មីរបស់អ្នកនៅក្នុងពេលនេះ៕

Read More

របៀប​តម្លើង ទៅ​កាន់​ប្រព័ន្ធ​ប្រតិ​បត្តិការ iOS 9

 

កាលពីពាក់កណ្តាលអាធ្រាតយប់​មិញ​នេះ Apple បាន​ធ្វើ​ការ បញ្ចេញ​ប្រព័ន្ធ​ប្រតិបត្តិ​ការ iOS 9 ជា​ផ្លូវ​ការ​ហើយ ដូច្នេះ​ប្រហែល​ជា មាន​ប្រិយ​មិត្ត​ជា​ច្រើន ដែល​កំពុង​តែ​ចង់​ធ្វើ​ការ តម្លើង​ទៅ​កាន់​ប្រព័ន្ធ​ប្រតិបត្តិការ iOS 9 នេះ។ អ្នកអាចធ្វើតាមការណែនាំ ដ៏ងាយៗ របស់ ខេមបូ នៅខាងក្រោមនេះបាន៖
ចំពោះឧបករណ៍ដែលអាចតម្លើងទៅកាន់ iOS 9 បានមានដូចជា៖

-iPhone 4s, iPhone 5, iPhone 5s , iPhone 5c, iPhone 6, iPhone 6 Plus
-iPod Touch 5th Generaltion, iPod Touch 6th Generaltion
-iPad Mini, iPad Mini 2, iPad Mini 3
-iPad 2, iPad 3, iPad 4
-iPad Air, iPad Air 2

ចំពោះ វិធីសាស្ត្រក្នុងការ ធ្វើបច្ចុប្បន្នភាព ដែលយើងហៅថា Update ទៅលើឧបករណ៍ Apple មាន​បី​វិធី​សាស្ត្រ៖

វិធីសាស្ត្រទីមួយ

-អ្នកអាចធ្វើការ តម្លើងបានដោយផ្ទាល់ ដោយគ្រាន់តែចូលទៅកាន់ Settings > General > Software Update និងធ្វើការ Update ជាការស្រេច ប៉ុន្តែត្រង់ចំនុចនេះ អាចធ្វើទៅបាន សម្រាប់ឧបករណ៍ដែលមិនទាន់បានធ្វើការ Jailbreak រួចរាល់តែប៉ុណ្ណោះ

វិធីសាស្ត្រទីពីរ

-អ្នកអាចធ្វើការ តម្លើងវា តាមរយៈ កម្មវិធី iTune នៅលើកុំព្យូទ័រ ដោយគ្រាន់តែដោតខ្សែ ភ្ជាប់​ពី​ឧបករណ៍របស់អ្នក ទៅកាន់ iTune និងចុចលើ Update វានឹងធ្វើការ Update ដោយខ្លួនឯង ប៉ុន្តែ​វាអាចនឹងចំណាយពេលយូរបន្តិចអាស្រ័យទៅលើ ល្បឿនអ៊ីនធើណែតរបស់អ្នក។

• វិធីសាស្រ្តទីបី

- អ្នកអាចធ្វើការ ទាញយក Firmware ហើយប្រើប្រាស់កម្មវិធី iTune ដើម្បី Restoer យកតែម្តង
-ត្រង់ចំនុចណែនាំទីបី នេះគេហៅថា Restore ដូច្នេះ វាមានភាពខុសគ្នាពីការ Update តាមការ ណែនាំវិធីសាស្ត្រទីមួយ និង ទីពីរ ដោយវិធីសាស្រ្តទីមួយ និង ទីពីរអ្នកមិនចាំបាច់ ភ័យព្រួយខ្លាច បាត់បង់ ទន្ន័យផ្សេងៗ ដែលមានលើ ឧបករណ៍របស់អ្នក ឡើយ ប៉ុន្តែសម្រាប់ការ Restore អ្នក នឹង​បាត់បង់ ឯកសារផ្សេងៗ ដែលមានលើឧបករណ៍របស់អ្នក ដូច្នេះ មុននឹងធ្វើតាមការណែនាំ​របស់ ខេមបូ ចំពោះវិធីសាស្ត្រទីបីនេះ សូមមេត្តា Back Up ទន្ន័យផ្សេងៗដែលមានលើ ឧបករណ៍​របស់អ្នកជាមុនសិន ដូចជា កម្មវិធី, លេខទូរស័ព្ទ និង កម្មវិធីផ្សេងៗដែលអ្នកគិតថា សំខាន់
-សម្រាប់ការ Back Up អ្នកអាចប្រើប្រាស់ កម្មវិធី iTune, iTools ឬ iFunbox ជាដើម ប៉ុន្តែ​សម្រាប់​លេខទូរស័ព្ទអ្នកអាចប្រើប្រាស់ iCloud ដើម្បីរក្សាទុកក៏បានដែរ
-ខេមបូ គិតថា វីធីសាស្ត្រដែលល្អបំផុត សម្រាប់ធ្វើការ Update ដ៏ល្អបំផុត គឺវិធីសាស្ត្រទីបី នឹង ជាវីធីសាស្ត្រមួយដែលលឿនជាងគេ ដោយគ្រានតែធ្វើការ ទាញយក Firmware និងបើកកម្មវិធី iTune ធ្វើការ Update តែម្តង។ ក្រោយពីអ្នកបាន Back Up ទន្ន័យរបស់អ្នកបានទុករួចរាល់ ហើយ​អ្នកអាចធ្វើការ Restore តាមការណែនាំរបស់ ខេមបូ នៅខាងក្រោមនេះបាន៖

អ្នកអាចចូលទៅកាន់ គេហទំព័រ www.getios.com និងជ្រើសរើស ប្រភេទឧបករណ៍របស់អ្នកហើយធ្វើ​ការទាញយក៖

ក្រោយពីទាញយក Firmware រួចរាល់សូមធ្វើការ សូមធ្វើតាមណែនាំនៅខាងក្រោម៖

• លុប iCloud ឬ បិទ Find My iPhone ចេញពី ឧបករណ៍របស់អ្នក
• ដោះ Passcode ចេញ
• តភ្ជាប់ឧបករណ៍របស់អ្នកទៅកាន់ កុំព្យូទ័រ តាមរយៈខ្សែ រួចបើកកម្មវិធី iTune

ត្រង់​ចំនុច​នេះ​ចុច Shift អោយជាប់ ហើយចុចលើពាក្យ Restore iPhone និងជ្រើសរើសយក ឯកសារ Firmware ដែលអ្នកបានទាញយក

• បន្ទាប់មករង់ចាំដល់ការ Restore រួចរាល់ជាការស្រេច។

iOS 9 មានភ្ជាប់មកជាមួយនឹង លក្ខណៈពិសេសជាច្រើន ដែលអាចអោយអ្នកប្រើប្រាស់ ទទួល​បាន​បទ​ពិសោធន៍ កាន់តែច្រើនជាងមុនទៅទៀត។ ប្រសិនបើអ្នកចង់ប្រើប្រាស់វា សូមតម្លើងទៅកាន់ iOS 9 នៅ​ថ្ងៃ​នេះទៅ ក៏ប៉ុន្តែ វានៅមិនទាន់អាច Jailbreak បាននៅឡើយទេ ហេតុដូច្នេះហើយសូមចៀសវាង​អោយ​ឆ្ងាយ ប្រសិនបើអ្នកចូលចិត្តប្រើប្រាស់ Tweak និង Theme។

Read More