2:39 AM
អ្នកប្រើប្រាស់ iPhone ដែលនិយម Jailbreak
ឧបករណ៍របស់ខ្លួន មួយភាគធំ Sabay ជឿថា ធ្លាប់លឺពាក្យ Tweak
ជាញឹកញយ។ ម្ល៉ោះហើយក្នុងថ្ងៃនេះ Sabay លើកពីការប្រើប្រាស់
Tweak និងអត្ថប្រយោជន៍របស់វា។
Tweak ជាកម្មវិធីដែលយើងអាចធ្វើការដំឡើងបាននៅក្នុង Cydia ក្រោយពេលដែលអ្នកបាន Jailbreak ឧបករណ៍ iOS ដោយជោគជ័យ។
+ការប្រើប្រាស់ Tweak:
Tweak មួយចំនួន វាលោតស្រាប់នៅក្នុង Cydia តែម្តង ប៉ុន្តែក្នុងករណី Tweak ខ្លះ ក៏មានលក់ក្នុងតម្លៃកំណត់ណាមួយ។ យើងអាចធ្វើការបន្ថែម Source (ប្រភព) ទៅក្នុងកម្មវិធី Cydia នោះ ដើម្បីទទួលបាន Tweak ដែលដាក់លក់ឥតគិតថ្លៃ។ ក្រោយពេលដំឡើង Tweak ខ្លះ ទាមទារឱ្យមានការកំណត់ក្នុង Settings នៃ iPhone ហើយ Tweak ខ្លះទៀត គឺដំណើរការដោយស្វ័យប្រវត្តិតែម្តង។
+អត្ថប្រយោជន៍ Tweak:
Tweak មានលក្ខណៈខុសប្លែកពីកម្មវិធីដទៃៗនៅក្នុង App Store ព្រោះអ្នកខ្លះច្រើនហៅកម្មវិធី Cydia ថាជា App Store ទី ២ ។ Tweak មានឈ្មោះខុសគ្នា លក្ខណៈសម្បត្តិខុសគ្នា ដូចជា Tweak ខ្លះ អាចអនុញ្ញាតឱ្យអ្នកធ្វើការកែច្នៃផ្ទាំង Control Center ទៅជាដាក់ពណ៌ លេងស្ដាយបន្ថែមរូបអ្វីជាដើម ហើយខ្លះទៀត អាចកែប្រែនៅត្រង់ទីតាំងសេវាស៊ីមឱ្យលោតទៅជារូបអ្វីដែលយើងចង់ដាក់។ សរុបមកវាមានមុខងារ បន្ថែម កែប្រែ កែច្នៃ ផ្ទាំងកម្មវិធីនិងប្រព័ន្ធសុវត្ថិភាព នៃទូរស័ព្ទ iPhone ទៅតាមការពេញចិត្តរបស់យើងម្នាក់ៗ។
ជាចុងក្រោយ Sabay ក្រើនរំឡឹកថា ការប្រើប្រាស់ Tweak ច្រើនពេកអាចបង្កឱ្យទូរស័ព្ទមានល្បឿនយឺតជាងធម្មតា។ មួយវិញទៀត Tweak ខ្លះ ដែលដំណើរការមិនប្រក្រតីហើយអ្នកមិនបានលុបចោល បែរជាដំឡើងថែម ជួនកាលអាចធ្វើឱ្យទូរស័ព្ទជាប់គាំងត្រឹម Logo Apple តែម្ដងក៏ថាបាន។
0 comments:
Post a Comment