May 2017 ~ Khmer Techno Innovation

Wednesday, May 31, 2017

ចង់ Save រូបភាពចេញពី Instagram ងាយជាងបកចេកទៅទៀត

ដូចអ្នកទាំងអស់គ្នាដឹងហើយថា បណ្ដាញសង្គម IG មិនអនុញ្ញាតិឲ្យអ្នកប្រើមានសិទ្ធក្នុងការដោនឡូតរូបភាព ឬរក្សាទុក(Save Image) ដូចទៅនិង Facebook នោះទេមិនថាទាំងនៅលើ iPhone និងស្មាតហ្វូនដទៃ។ ថ្ងៃនេះក្រុមការងារសូមបង្ហាញគន្លឺះខ្លីមួយអាចជួយឲ្យប្រិយមិត្តអាចដោនឡូតរូបភាពស្អាតៗពី IG បានតាមចិត្ត។

Instagram

១. ជំហានដំបូងគ្រាន់តែបើកកម្មវិធី Instagram រួចចុចលើរូបហើយចុចលើសញ្ញាចុចបីខាងស្ដាំ(ដូចរូប) រួចយកពាក្យថា Copy Share URL។
២. ជំហានបន្ទាប់ត្រូវចូលទៅកាន់ Safari រួចវាយពាក្យថា dinsta.com រួចចុច Past ក្នុងពាក្យថា Enter Instagram URL ហើយចុចដោនឡុតជាការស្រេច។ ហើយប្រិយមិត្តក៏អាចអនុវត្តវិធីនេះនៅលើ Browser ផ្សេងទៀតនៅលើកុំព្យូទ័រ ឬដោនឡូតកម្មវិធី InstaGet នៅលើApp Store បានផងដែរ។

InstaGet

ចុចដោនឡូតនៅទីនេះ App Store
ចំណេះដឹងបន្ថែម៖
@របៀបដោនឡូតរូបពី IG នៅលើស្មាតហ្វូនដទៃក្រៅពី iPhone

១. ជំហានដំបូងចូលទៅកាន់ Play Store រួចវាយពាក្យថា InstaSave
២. ពេលដោនឡូតរួចហើយ ចុចចូលទៅកម្មវិធី Instagram រួចចុចលើរូបហើយចុចលើសញ្ញាចុចបីខាងស្ដាំ(ដូចរូប) នោះរូបភាពនឹងលោតចូលកម្មវិធី InstaSave ដោយស្វ័យប្រវត្ត អ្នកគ្រាន់តែចុចសញ្ញាដោនឡូតជាការស្រេច។

ចុចដោនឡូតនៅទីនេះ Play Store
ទស្សនាការបង្ហាញខាងក្រោមនេះ

ក្រុមការងារសង្ឃឹមថា អ្នកទាំងអស់គ្នាអាចធ្វើបានបើមានចម្ងល់ ឬមិនទាន់ត្រង់ចំណុចណាអាចបញ្ចេញមតិយោបល់ខាងក្រោមនេះបាន៕

ក្រោយបាត់ក្ដារចុចឆ្លាតវៃ លេចចេញក្ដារចុចខ្មែរលើ App Store ច្រើនប្រជែងគ្នា

បន្ទាប់ពីអវត្តមានក្ដារចុចឆ្លាតវៃនៅលើ App Store រួមទាំងស្ថាបនិកក្ដារចុចឆ្លាតវៃផង ធ្វើឲ្យមានការងឿងឆ្ងល់ជាច្រើនចំពោះការបាត់ខ្លួនដ៏ចម្លែកនេះ ទោះជាយ៉ាងណាក៏មានអ្នកអភិវឌ្ឍន៍កម្មវិធីក្នុងស្រុកជាច្រើនអ្នកទៀត ព្យាយាមបង្កើតបានកម្មវិធីក្ដារចុចថ្មិៗ ដើម្បីបំពេញតម្រូវការនិងប្រជែងប្រជាប្រិយភាពផងដែរ។

1.Khmer Keyboard-mboard

ជាកម្មវិធីក្ដារចុចដែលបង្កើតឡើងដោយក្រុមអ្នកអភិវឌ្ឍន៍កម្មវិធីវ័យក្មេងឈ្មោះ Mlab Cambodia។ ក្ដារចុច mbord មានមុខងារសាមញ្ញងាយស្រួលប្រើ នៅពេលចង់វាយអក្សរខ្មែរគ្រាន់តែចុចឲ្យជាប់លើរូបផែនដីរួចប្តូរទៅ keybord m-lab ដែលអក្សរទាំង ៣៣ តួរួមទាំងលេខ ស្រះនិស្ស័យ ការចុះបន្ទាត់ ការដកឃ្លា ការលុបពាក្យខុសគ្រាន់តែចុចតែម្ដងរួចជាស្រេច។

ចុចដោនឡូតនៅទីនេះ App Store
2.khmer eKeyboard
ក្ដារចុចអេឡិចត្រូនិច ឬkhmer eKeyboard ជាក្ដារចុចដែលបង្កើតឡើងដោយ Vithyu Media Co,.Ltd។ ក្ដារចុចនេះមាន Interface ស្រដៀងនឹងក្រឡាចត្រង្គ មានគ្រប់ស្រះនិស្ស័យ ព្យញ្ជនៈ និងលេខ មានភាពរលូនងាយស្រួលវាយ បើប្រើយូរៗទៅមានអារម្មណ៍ថា ស្រដៀងលំនាំនៃការវាយអក្សរនៅលើក្ដារចុចឆ្លាតវៃដែរ។

ចុចដោនឡូតនៅទីនេះ App Store
3.Khmerism keyboard
ជាកម្មវិធីក្ដារចុចដែលបង្កើតឡើងដោយលោក ភួយ លីហេង សម្រាប់ជាជំនួយដល់ការវាយអក្សរខ្មែរលើ iPhone ក៏ដូចជាការផ្លាស់ប្តូររបៀបថ្មីនៃការវាយអក្សរខ្មែរលើឧបករណ៍អេឡិចត្រូនិក ដោយក្ដារចុចមានលក្ខណៈប្លែកពីគេបន្តិចពោលគឺ ស្រះនៅមួយចំហៀង ព្យញ្ជនៈនៅមួយចំហៀងតែស្របតាមគោលការលក្ខណៈអក្សរខ្មែរយូនីកូដ ទាល់តែប្រិយមិត្តប្រើចាប់ពីមួយអាទិត្យបានអាចស៊ាំនឹងរបៀបប្រើក្ដារចុចថ្មីនេះ។

ចុចដោនឡូតនៅទីនេះ App Store
4.K-keyboard 5Arrow
ជាកម្មវិធីក្ដារចុចដែលបង្កើតឡើងដោយលោក ប៊ុនចាន់ លីន សម្រាប់ជាជំនួយដល់ការវាយអក្សរខ្មែរនៅលើ iPhoneដែលក្នុងនោះក្ដារចុចមានមុខងារមួយចំនួនដូចជា Swift-keyboard ពីខ្មែរទៅអង់គ្លេសមានល្បឿនលឿន អក្សរខ្មែរធំៗរួមទាំងមានជួរលេខធំៗ(លេខខ្មែរ១២៣-លេខអារ៉ាប់ 123,..) ស្រួលមើល ឯការវាយពាក្យអាច Support ជាលក្ខណៈខ្មែរយូនីកូដផងដែរ។

ចុចដោនឡូតនៅទីនេះ App Store
5.Khmer DoubleTap Keyboard
ក្ដារចុចខ្មែរចុចពីរដង ឬ Khmer DoubleTap Keyboard ជាកម្មវិធីក្ដារចុចដែលបង្កើតឡើងដោយលោក ភុច សុភណ្ឌ សម្រាប់ជាជំនួយដល់ការវាយអក្សរខ្មែរ ដែលមាន Interfaceពណ៍ស្រស់ស្អាតម្យ៉ាងដែរ តែមានលំនាំនិងរបៀបប្រើដូចទៅនឹងក្ដារចុចឆ្លាតវៃដែរ។

ចុចដោនឡូតនៅទីនេះ App Store
6.Khmer board
ជាកម្មវិធីដែលបង្កើតដោយលោក Sok Rotha សម្រាប់ជាជំនួយក្នុងការវាយអក្សរខ្មែរលើ iPhone ដែលមាន Interface និងលំនាំនៃការប្រើស្រដៀងនឹងក្ដារចុចឆ្លាតវៃដែរ។

ចុចដោនឡូតនៅទីនេះ App Store

អ្នកដែលទើបតែ ប្រើប្រាស់ទូរស័ព្ទ iPhone, iPad រឺ iPod លើកដំបូង អាចនឹងមាន ភាពឈឺក្បាល បានបន្តិច ព្រោះអី ដើម្បីបញ្ចូល បទចម្រៀង ទៅក្នុងឧបករណ៍នេះ បានគឺមាន ភាពលំបាកណាស់ មិនអាចដោនឡូដ ចេញពី វេបសាយបាន រឺក៏ចម្លងចូល យ៉ាងងាយស្រួល ដូចទូរស័ព្ទ ម៉ាកដទៃនោះទេ។ Apple ធ្វើបែបនេះ គឺដើម្បីការពារ អោយឧបករណ៍នេះ វាមាន សុវត្ថិភាពខ្ពស់ ផងដែរ ចៀសវាង កុំអោយ ឆ្លងមេរោគ។ យ៉ាងណាមិញ យើងក៏មានវិធី ក្នុងការបញ្ចូល បទចម្រៀង ចូលទៅក្នុងទូរស័ព្ទ iPhone, iPad រឺ iPod Touch បានយ៉ាង ងាយស្រួល ផងដែរ ហើយដើម្បីដឹង អោយកាន់តែ ច្បាស់នោះ សូមតាមដាន ជាមួយយើង ទាំងអស់គ្នា។

តម្រូវការ

កុំព្យូទ័រមួយគ្រឿង ដែលដំណើរការដោយ Windows
បានតម្លើងកម្មវិធី iTunes រួចហើយ។ ចុចទីនេះ ដើម្បីដោនឡូដ iTunes
ដោនឡូដកម្មវិធី SynciOS ដោយ ចុចទីនេះ រួចហើយសូម តម្លើងវាដាក់ ក្នុងកុំព្យូទ័រអ្នក

របៀបបញ្ចូលបទចម្រៀងពីកុំព្យូទ័រ ចូលក្នុង iPhone, iPad, iPod ដោយប្រើ ប្រាស់កម្មវិធី SynciOS

បើកកុំព្យូទ័រអ្នកឡើង រួចហើយភ្ជាប់ iPhone រឺ iPad ចូលទៅក្នុងកុំព្យូទ័រ តាមរយៈខ្សែ USB
បើកកម្មវិធី SynciOS ឡើង ដែលយើង បានដោនឡូដ និងតម្លើង អំបាញ់មិញនោះ បន្ទាប់មកទៀត អ្នកនឹងឃើញ កម្មវិធីនេះ បង្ហាញឈ្មោះ ទូរស័ព្ទអ្នកឡើង

ចុចលើពាក្យ Media > Import រួចហើយ ជ្រើសរើស យកឯកសារ ចម្រៀង .mp3 ណាមួយ ដែលអ្នក ចង់បញ្ចូល វាដាក់ចូល ក្នុងទូរស័ព្ទ ដោយអាចជ្រើសរើស យកម្តងមួយ ក៏បាន ម្តងទាំងអស់ក៏បាន។ បន្ទាប់ពី ជ្រើសរើសហើយ ចុច Open នោះចម្រៀង ទាំងអស់ នឹងត្រូវបាន ចម្លងចូល ទៅក្នុង iPhone, iPad រឺ iPod Touch ជាក់ជា មិនខាន។
បន្ទាប់ពីវាបានចម្លងបានដោយជោគជ័យហើយ សូមចូល ទៅបើក កម្មវិធី Music នៅក្នុង iPhone, iPad, iPod Touch របស់អ្នក នោះអ្នកនឹង ឃើញ មានចម្រៀង ជាច្រើនដែល អ្នកបាន បញ្ចូលជាក់ជាក់ ជាមិនខាន។

សូមសាកល្បង បញ្ចូលបទចម្រៀង តាមកម្មវិធីនេះ ទាំងអស់គ្នាណា ព្រោះអីវាមានភាព ងាយស្រួល ក្នុងការបញ្ចូល ចម្រៀង ហើយល្បឿន នៃការចម្លង ក៏លឿនខ្លាំង ណាស់ដែរ។ ក៏សូមបញ្ជាក់ ផងដែរថា ក្នុងពេល ប្រើប្រាស់ កម្មវិធីនេះ អ្នកមិនគប្បី បើកកម្មវិធី iTunes ប្រើជាមួយគ្នា នោះទេ ហើយនៅពេល ដែលកម្មវិធី iTunes ដំណើការ សូមបិទ Sync ចោល ដើម្បីកុំអោយ ចម្រៀងដែលយើង បញ្ចូលវាបាត់។ អ្នកទាំងអស់គ្នា ក៏អាចសាកល្បង កម្មវិធី ដទៃទៀត ដែលមាន សមត្ថភាព ស្រដៀងគ្នានេះដែរ ដូចជា Tongbu Assistant, និង iExplorer ជាដើម។

ឆ្ងល់ទេ ហេតុអ្វីបានជា យើងមិនគួរ ចម្លងបទចម្រៀង តាមកម្មវិធី iTunes? ព្រោះអី វាសាំញ៉ាំ ហើយ ទូរស័ព្ទមួយ អាចប្រើ ជាមួយតែ កុំព្យូទ័រមួយ ប៉ុណ្ណោះ ប្រសិនបើអ្នកប្រើ កុំព្យូទ័រដទៃ កម្មវិធី iTunes នោះ នឹងធ្វើការ Sync ហើយលុប ឯកសារ របស់អ្នកចោល ថ្មីទាំងអស់។

ម៉ាកបន្ទះឈីបល្បីៗនិយមប្រើលើ iPhone

សព្វថ្ងៃអង្គគណនា (និយមហៅបន្ទះឈីប) នៅលើស្មាតហ្វូននិងថេបប្លែតសុទ្ធសឹងតែមានថាមពលខ្លាំង ខុសពីពេលប៉ុន្មានឆ្នាំមុន។ ការវិវត្តន៍ចាប់តាំងពីប្រភេទ Single Core រហូតមកទល់ Hexa Core នាពេលបច្ចុប្បន្ន។ អង្គគណនាដែលគេនិយមប្រើប្រាស់គឺមានទំហំ 64 bit ដែលវាកំពុងប្រកួតប្រជែងខ្ពស់ជាមួយពពួក 32 bit ដែលបង្ហាញខ្លួនយូរណាស់មកហើយ។ សម្រាប់ល្បឿននៃអង្គគណនានីមួយៗមានល្បឿនខ្ពស់បំផុតចន្លោះពី 3.0-3.5 GHz ។

ដោយឡែកសម្រាប់អត្ថបទនេះ Sabay សូមបង្ហាញអ្នកទាំងអស់គ្នាពីបញ្ជីរាយឈ្មោះនិងលក្ខណៈពិសេសមួយចំនួននៃអង្គគណនាគ្រប់ជំនាន់ ដែលគេបានបំពាក់នៅលើស្មាតហ្វូននិងថេបប្លែតគ្រប់ស៊េរី ដោយមួយចំនួនគិតត្រឹមចុងឆ្នាំ ២០១៦។
១.អង្គគណនា Qualcomm Snapdragon ៖

Qualcomm Technology គឺជាក្រុមហ៊ុនមួយរបស់សហរដ្ឋអាមេរិក ដែលផលិតនូវអង្គគណនាសម្រាប់ស្មាតហ្វូន, ថេបប្លែត និងការផលិតនូវ LTE Modem ។ ក្រុមហ៊ុនខាងលើ ចាប់ផ្តើមល្បីក្នុងឆាកអន្តរជាតិជាលើកដំបូង ក្រោយពេលដែលពួកគេប្រកាសបង្ហាញនូវបច្ចេកវិទ្យា CDMA ទៅក្នុងទីផ្សារ។
លើកទីមួយនៃការដាក់បង្ហាញអង្គគណនារបស់ពួកគេ គឺមានល្បឿន 1 GHz ខណៈកាលនោះល្បឿនអង្គគណនានៃស្មាតហ្វូនជាមធ្យម មានត្រឹមតែ 512 MHz ប៉ុណ្ណោះ។ ចូលដល់ឆ្នាំ ២០០៥ ពួកគេបានប្រកាសនូវពពួកអង្គគណនាជំនាន់ S1, S2, S3, S4, S200, S400 រហូតដល់ S800 ដែលរួមបញ្ចូលទាំង S820 និង S821 ដែលបញ្ចប់ត្រឹមចុងឆ្នាំ ២០១៦ ។ ឧបករណ៍មួយចំនួនដែលបានបំពាក់នូវអង្គគណនា Snapdragon 821 រួមមាន Google Pixel, Pixel XL, Asus Zenfone, OnePlus 3T, Mi 5s, និង LeEco Le Pro3 ជាដើម។
បញ្ជាក់ថាក្រុមហ៊ុនផលិតស្មាតហ្វូនជាច្រើន បានទទួលការផ្គត់ផ្គង់អង្គគណនាពីក្រុមហ៊ុន Qualcomm លើកលែងតែ Apple មួយគត់។ លក្ខណៈពិសេសរបស់អង្គគណនាក្រុមហ៊ុននេះ គឺវាមានល្បឿនលឿន និងបង្កើតកម្ដៅតិចបំផុត ប៉ុន្តែចំពោះតម្លៃវារាងថ្លៃជាងអង្គគណនារបស់ក្រុមហ៊ុនដទៃ។
២.អង្គគណនា Apple ៖

ក្រុមហ៊ុន Apple ក៏មានអង្គគណនាជាប់ឈ្មោះខ្លួនឯងផងដែរ ប៉ុន្តែសម្រាប់ការផ្គត់ផ្គង់ផលិតគឺចុះកុងត្រាជាមួយក្រុមហ៊ុន SAMSUNG និង TSMC ។ សោតយ៉ាងដូចជាអង្គគណនា A9 ទំហំ 14nm ផលិតឡើងដោយ SAMSUNG រីឯ អង្គគណនា A9 ទំហំ 16nm ផលិតឡើងដោយ TSMC។
@ ពពួក Apple A ៖ វាប្រើសម្រាប់ស៊េរី iPhone, iPad, iPod Touch និង Apple TV ហើយរួមមានតាំងពីជំនាន់ A4, A5, A5X, A6, A6X, A7, A8, A8X, A9, A9X, A10 និង A10 Fusion។
A10 Fusion ជាអង្គគណនាជំនាន់ក្រោយបង្អស់ ដែលបំពាក់នៅលើ iPhone 7/7 Plus ។ A10 Fusion ជាប្រភេទ Quad Core ទំហំ 16nm FinFET ដែលមានល្បឿន 2.4 GHz និង GPU PowerVR ប្រភេទ Hexa Core ។ បើធៀបទៅនឹងជំនាន់ A9 និង A10 ធម្មតា គឺវាល្បឿនខុសគ្នាមួយទ្វេជា ២ គួបផ្សំទាំងដំណើរការក្រាហ្វិកក៏ល្អជាងមុន ៥០ ភាគរយ។ វាផលិតឡើងដោយក្រុមហ៊ុន TSMC។
@ ពពួក Apple S ៖ អង្គគណនាប្រភេទនេះ គេប្រើសម្រាប់ Apple Watch រួមមានតាំងពី Apple S1, Apple S1P និង S2 ។ បច្ចុប្បន្ន Apple S2 បំពាក់នៅលើនាឡិកាឆ្លាតវៃជំនាន់ទី ២ Apple Watch Series 2 ។ វាផលិតឡើងដោយក្រុមហ៊ុន SAMSUNG ក្រោមការចុះកុងត្រាជាមួយ Apple។
@ ពពួក Apple W ៖ អង្គគណនាប្រភេទនេះ ប្រើសម្រាប់កាសឥតខ្សែ AirPod ដែលបច្ចុប្បន្នមានជំនាន់ Apple W1។
@ ពពួក Apple T ៖ អង្គគណនាប្រភេទនេះ ប្រើសម្រាប់ភ្ជាប់ប្រព័ន្ធ Touch ID នៅលើ MacBook Pro បច្ចុប្បន្នមានត្រឹមតែជំនាន់ Apple T1 មួយគត់។
៣.អង្គគណនា Intel Atom និង Core M ៖

Intel ជាក្រុមហ៊ុនផលិតអង្គគណនារបស់សហរដ្ឋអាមេរិក ដោយឡែកហេតុដែលគេបន្ថែមពាក្យ Atom ក៏ដោយសារចង់សម្គាល់សម្រាប់ពពួកអង្គគណនាថាមពលតិចនិងតម្លៃថោក ដែលបំពាក់សម្រាប់ស្មាតហ្វូននិងថេបប្លែត។
បច្ចុប្បន្នអង្គគណនា Intel Atom មានជំនាន់ Atom X5 និង X7 វាជាប្រភេទឈីប 64 Bit Quad Core ដែលមានទំហំ 14nm ដោយល្បឿនចន្លោះពី 1.6GHz ដល់ 2.4GHz ។ អង្គគណនារបស់ក្រុមហ៊ុន Intel មួយនេះ បានទទួលផ្គត់ផ្គង់ឱ្យក្រុមហ៊ុនជាច្រើន បើនិយាយពីថេបប្លែតរួមមាន Microsoft Surface, Asus, Dell, Lenovo, HP ជាដើម។ កាលពីឆ្នាំ ២០១៦ ម៉ូដែល Asus Zenfone តែមួយគត់ ដែលប្រើប្រាស់នូវអង្គគណនា Atom។ អង្គគណនា Core M គេប្រើនៅលើ MacBook របស់ Apple ទំហំ 12 អ៊ីញនិង Chromebook របស់ HP។
៤.អង្គគណនា Nvidia Tegra ៖

Nvidia Corporation ជាក្រុមហ៊ុនរបស់សហរដ្ឋអាមេរិកដែលផលិតនូវអង្គគណនាសម្រាប់ក្រាហ្វិក, ការលេងហ្គេម និងឧបករណ៍ទូរស័ព្ទ,ថេបប្លែត។ សម្រាប់អង្គគណនា Tegra របស់ Nvidia គឺមានតាំងពីជំនាន់ Tegra 1, Tegra 3, Tegra 4, Tegra 4i, Tegra K1, Tegra X1. ប៉ុន្តែសម្រាប់ចុងឆ្នាំ ២០១៦ នេះ អង្គគណនា Tegra X1 បានទទួលការចាប់អារម្មណ៍ខ្ពស់នៅក្នុងទីផ្សារ។ វាជាប្រភេទ Quad Core អាចថតវីដេអូកម្រិត 4K ចំណែកឯទំហំរបស់វារាងធំបន្តិចដល់ទៅ 20nm ។ សព្វថ្ងៃអង្គគណនាមួយនេះ កំពុងដំណើរការនៅលើ ទូរទស្សន៍ឆ្លាតវៃ Android ម៉ូដែល Nvidia Shield ។
៣ ជំនាន់រួមមាន Tegra 4, Tegra 4i និង K1 គេនិយមប្រើបំផុត ៖
#Tegra 4 ៖ បំពាក់នៅលើ Asus Transformer PAD, HP Slatebook និង Toshiba Extie, Xiaomi Mi3 និង Xolo Play Tegra Note។
#Tegra 4i ៖ បំពាក់នៅលើ Blackphone
#Tegra K1 ៖ បំពាក់នៅលើថេបប្លែត nvidia Shield, Google Nexus 9, Acer Chromebook 13 និង 14, Navi Big Tab។
សរុបមកសម្រាប់អង្គគណនាប្រភេទនេះ ច្រើនប្រើនៅលើឧបករណ៍ Gaming ដែលលេងហ្គេមជាធំ ខណៈដែលវាមានល្បឿនក្រាហ្វិកដំណើរការបានរលូន ប៉ុន្តែសម្រាប់តម្លៃក៏ថ្លៃជាងអង្គគណនាដទៃៗទៀតដែរ។
៥.អង្គគណនា MediaTek ៖

MediaTek ជាក្រុមហ៊ុនផ្គត់ផ្គង់ឈីបរបស់តៃវ៉ាន់ ហើយបង្កើតឡើងសម្រាប់បំពាក់នៅលើឧបករណ៍អេឡិចត្រូនិកមួយចំនួនរួមមានស្មាតហ្វូន ថេបប្លេត និងទូរទស្សន៍ (HDTV) ជាដើម។ អង្គគណនាជំនាន់ក្រោយបង្អស់របស់វា អាចរត់បាននៅល្បឿន 3GHz ហើយមានតាំងពីប្រភេទ Dual Core ដល់ Deca Core (10 core)។
អង្គគណនាជំនាន់ក្រោយរបស់វាគឺ Helio X20 និង X25 ដែលប្រើនៅលើស្មាតហ្វូនភាគច្រើនជារបស់ក្រុមហ៊ុនចិន ដូចជា Xiaomi, Meizu, LeEco Le, Yu ជាដើម។ ចំណែកឯថេបប្លែតរួមមាន Acer, Asus, Lenovo, Amazon Fire HD, Qmobile ជាដើម។
សម្រាប់ល្បឿននៃអង្គគណនា MediaTek ដែលធម្មតាមកជាមួយនូវ Core ជាច្រើនគ្រាប់ ហើយបើកាលណាគួបចូលជាមួយ RAM ធំគ្រាន់បើទៀតនោះ ល្បឿនដំណើរការនៅលើឧបករណ៍នឹងមានល្បឿនអស្ចារ្យមែនទែន។ សម្រាប់ GPU PowerVR របស់ MediaTek ត្រូវបានគេសរសើរថាល្អជាងក្រុមហ៊ុនដទៃៗ ដោយសារវាបង្កើតចេញនូវកម្ដៅតិចជាង Qualcomm ។ សម្រាប់តម្លៃវាមានតម្លៃថោកជាងគេបន្តិច ហើយសាកសមបំផុតសម្រាប់ជម្រើសនៃក្រុមហ៊ុនផលិតស្មាតហ្វូនដែលចង់ទទួលបានអង្គគណនាល្បឿនលឿនសមរម្យ។
៦.អង្គគណនា HiSilicon ៖

ក្រុមហ៊ុន HiSilicon គឺស្ថិតនៅក្រោមការគ្រប់គ្រងរបស់ Huawei ហើយវាក៏ជាក្រុមហ៊ុនដ៏ធំបំផុតខាងផ្នែកផលិតបន្ទះសៀគ្វីក្នុងប្រទេសចិនផងដែរ។ វារួមមានជំនាន់ K3V1, K3V2, K3V2E, Kirin 620, Kirin 650, Kirin 910, Kirin 920, Kirin 930, Kirin 950 ហើយបច្ចុប្បន្នគឺលេចចេញដល់ជំនាន់ Kirin 960 ហើយ។
ឧបករណ៍ដែលបំពាក់នូវអង្គគណនា Kirin 950 រួមមាន Honor 8, Mate 8, និង MediaPad M3 សុទ្ធសឹងជាផលិតផលរបស់ Huawei ។ បច្ចុប្បន្នសម្រាប់ស្មាតហ្វូន P10, P10 Plus, Hauwei Mate 9 គឺបានប្រើប្រាស់នូវអង្គគណនាជំនាន់ក្រោយ Kirin 960 របស់ HiSilicon។
៧.អង្គគណនា Exynos ៖

Exynos ជាយីហោរបស់ក្រុមហ៊ុន SAMSUNG ដែលតំណាងឱ្យអង្គគណនា។ ក្នុងនោះរួមមានជំនាន់Exynos 7 Dual, Exynos 7420, Exynos 7 Octa 7580, Exynos 7 Octa 7870 ។ អង្គគណនាជំនាន់ក្រោយបង្អស់របស់វា គឺ Exynos 9 (8895) ដែលបច្ចុប្បន្នបំពាក់នៅលើ Galaxy S8/S8 Plus របស់ SAMSUNG ។
វាមានទំហំ 10nm ល្បឿនលឿនជាងមុន ២៧ ភាគរយ និងសន្សំសំចៃថាមពលជាងមុន ៤០ ភាគរយ ធៀបទៅនឹងជំនាន់ទំហំ 14nm LPE FinFET៕

iPhone ឆាប់ក្ដៅ តើមកពីមូលហេតុអ្វី ចុះដំណោះស្រាយគួរធ្វើបែបណា?

iPhone របស់អ្នក ជួបបញ្ហាម៉ាស៊ីនឆាប់ក្ដៅណាស់មែនទេ? តាមពិតវាមានហេតុផលសមស្របរបស់វា និងមានដំណោះស្រាយជួសជុលយ៉ាងងាយស្រួលជាទីបំផុត។

+ហេតុអ្វីទូរស័ព្ទ iPhone ឆាប់ក្ដៅ?

ពិតណាស់កុំព្យូទ័រនិងឧបករណ៍អេឡិចត្រូនិកមួយចំនួនជាធម្មតា វាតែងបង្កើតនូវកម្ដៅដោយខ្លួនឯង ប៉ុន្តែពពួកឧបករណ៍ធំៗរមែងមានកង្ហារបញ្ចុះកម្ដៅមួយនៅក្នុងនោះ។ ប៉ុន្តែសម្រាប់ទូរស័ព្ទ iPhone គឺមិនដូចគ្នាទេ ហើយកាលណាបើអ្នកលេងហ្គេមដែលមានក្រាហ្វិកធំៗច្រើន និងការបើកមើលវីដេអូកម្រិត HD ឫធំជាងនោះ ក្នុងរយៈពេលយូរ វានឹងធ្វើឱ្យទូរស័ព្ទឡើងកម្ដៅលឿនមែនទែន។ មិនត្រឹមតែប៉ុណ្ណោះទេ ទៀតសោតបរិយាកាសនៅជុំវិញខ្លួនអ្នក ក៏អាចបង្កជាបញ្ហាបានដែរ ដូចជាការទុកចោល iPhone នៅទីតាំងក្តៅ ក្រោមពន្លឺព្រះអាទិត្យឫក្នុងរថយន្តចោល ជារឿយៗអ្នកអាចនឹងឃើញនូវសារមួយលោតលើទូរស័ព្ទ ដែលចង់ព្រមានថាអ្នកត្រូវដាក់ទូរស័ព្ទក្រោមទីតាំងត្រជាក់វិញ ព្រោះជាធម្មតា Apple បានកំណត់រាល់ iPhone ទាំងអស់ អាចនៅទីតាំងដែលមានសីតុណ្ហភាពប្រសើរបំផុត គឺត្រឹម ៣២ ទៅ ៩៥ ដឺក្រេហ្វារិនហៃតែប៉ុណ្ណោះ។
+តើវាមានផលប៉ះពាល់ទេ បើ iPhone អ្នកឡើងកម្ដៅ?
ផ្នែកគ្រឿងជាច្រើន សម្រាប់ទូរស័ព្ទ iPhone គឺមិនរងផលប៉ះពាល់ពីការឡើងកម្ដៅនេះទេ លើកលែងតែគ្រាប់ថ្មនៅក្នុងម៉ាស៊ីនមួយគត់។ ជាធម្មតាប្រភេទថ្ម lithium-ion របស់ iPhone មិនអាចនៅទីតាំងដែលមានកម្ដៅខ្ពស់យូរពេកនោះទេ ជួនកាលវាក៏អាចបង្កជាគ្រោះថ្នាក់មកវិញផងដែរ ឫបង្កឱ្យថាមពលថ្មមិនសូវកាន់អ្វីអញ្ចឹងទៅ។
+តើត្រូវមានដំណោះស្រាយបែបណាបើ iPhone ឡើងកម្ដៅ?
បើអ្នកជួបបញ្ហា iPhone ឡើងកម្ដៅ អ្នកគួរសាកល្បងអនុវត្ត ៨ ជំហានខាងក្រោមសិន៖
១.គួរជៀសវាងការទុកចោលទូរស័ព្ទពីការជះឥទ្ធិពលនៃពន្លឹព្រះអាទិត្យ
២.បើចំណុចខាងលើធ្វើហើយ មិនបានផលទៀត សូមទុក iPhone នៅទីតាំងត្រជាក់វិញម្តង (បញ្ជាក់ មិនមែនទុកចោលក្នុងទូទឹកកកទេ)
៣.ដោះចោលនូវស្រោមការពារ (Case) ពី iPhone
៤.កុំទាន់ប្រញាប់សាកថ្ម ជាពិសេសនៅពេលសាកថ្ម បណ្ដើរចុចប្រើ iPhone បណ្ដើរ សូមទុកវានៅទីតាំងត្រជាក់សិន រួមសឹមធ្វើការសាកធម្មតា
៥.កុំលេងហ្គេមមានក្រាហ្វិចធំ និងកម្មវិធីប្រភេទកាត់តវីដេអូជាដើម
៦.បើកមុខងារ Airplane Mode គួបផ្សំនឹងនោះគួរបិទមុខងារ Bluetooth និង GPS
៧.ប៉ុន្តែបើចាំបាច់ត្រូវធ្វើការខលចេញចូល អ្នកមិនបាច់បើក Airplane Mode ក៏បាន ដោយគ្រាន់តែចូលទៅបិទ Bluetooth និងមុខងារ Location Service នៅក្នុង Settings បានហើយ
៨.កុំទុក iPhone ក្នុងទូទឹកកកឱ្យសោះ ព្រោះការផ្លាស់ប្ដូរសីតុណ្ហភាពរហ័សពេក វាក៏បង្កជាបញ្ហាវិញដែរ។

+ដំណោះស្រាយបន្ថែមបើបញ្ហានៅបន្តកើតមាន:
-ចូលទៅក្នុង Settings
-ចុចចូល Battery
-រង់ចាំដល់ Battery Usage លតទិន្នន័យបង្ហាញ ហើយមើលតើកម្មវិធីណា ដែលត្រូវចំណាយថាមពលថ្មខ្ពស់បំផុត
-ចុចលើ Last 7 Days រួចមើលការបង្ហាញនៃកម្មវិធីនីមួយៗ
-ក្រោយមក បើកម្មវិធីនោះមិនចាំបាច់ប្រើ សូមធ្វើការលុបវាចោលតាមរយៈការចុចលុបផ្ទាល់នៅលើ Home Screen រួចបិទចោលនូវមុខងារ Location Service ដោយចូលទៅក្នុង Settings > Privacy > Location Services > Turn Off ។
ដំណោះស្រាយបន្ថែមទៀត អ្នកអាចសាកល្បងធ្វើការ បិទបើកម៉ាស៊ីនដោយចុចបិទផ្ទាល់តែម្តង ឫចុច Power + Home ប៊ូតុងឱ្យជាប់ក្នុងរយៈពេលប្រមាណ ៤ វិនាទី (ពពួក iPhone 6s ចុះក្រោម) បើ iPhone 7 ឡើងចុច Volume Down + Power ឱ្យជាប់ដូចគ្នា រួចបើកដំណើរការម៉ាស៊ីនមកវិញ។
ចុងបញ្ចប់បើការអនុវត្តទាំងប៉ុន្មានជំហានខាងលើ មិនបានផលទៀតនោះ វិធីពិសេសគឺធ្វើការ Restore ទូរស័ព្ទ iPhone ជាថ្មី។
១.បើកកម្មវិធី iTunes នៅលើ Mac ឫ PC របស់អ្នក
២.ភ្ជាប់ iPhone ទៅកាន់កុំព្យូទ័រ
៣.ធ្វើការ Backup ឯកសារទុកតាមរយៈ iTunes ឫ iCloud
៤.ចុចលើទំព័រ Summary នៃកម្មវិធី iTunes ដែលបានភ្ជាប់ iPhone
៥.ចុច Restore រួចធ្វើតាមដំណាក់កាលរបស់គេ

ករណីបើធ្វើបែបហ្នឹងហើយ នៅតែជួបបញ្ហាទៀត នោះម៉ាស៊ីន iPhone របស់អ្នក កំពុងប្រឈមនឹងបញ្ហាខូច Hardware ហើយ។ វិធីម្យ៉ាងគឺមានតែយកទៅឱ្យជាងជួសជុលដែលនៅជិតលោកអ្នកបំផុតធ្វើការពិនិត្យមើល ដោយបញ្ជាក់ប្រាប់ជាងថា អ្នកបានជួសជុលតាមផ្នែក Software អស់ហើយ ជៀសវាងជាងមិនបានដឹង យកលុយថ្លៃជួសជុលផ្នែក Software ម្ដងទៀត ហើយថែមទាំងខាតបង់ដល់យើងវិញទៀត។

iPhone/iPad គាំង Touch ID ប្រើមិនកើត អនុវត្តវិធីនេះសិន មុនគិតទៅរកជាងជួសជុល!

ប្រព័ន្ធស្កេនក្រយៅដៃ Touch ID បានប្រែក្លាយជាប្រព័ន្ធសុវត្ថិភាពមួយទៀតបន្ទាប់ពី Passcode នៅលើឧបករណ៍ iPhone/iPad របស់ Apple ។ អ្នកប្រើប្រាស់មួយចំនួន ជួបបញ្ហា Touch ID គាំងដំណើរការមិនប្រក្រតីដោយប្រការណាមួយ។ តែកុំទាន់គិតទៅរកជាង យល់ល្អអនុវត្តប៉ុន្មានជំហានតាម Sabay សិន ក្រែងលបានចំណេញលុយខ្លះ។

១.ពិនិត្យមើលការប្រើប្រាស់ឱ្យបានត្រឹមត្រូវ:
ជួនកាលអ្នកជួបបញ្ហា Touch ID មិនដំណើរការ វាមិនមែនមកពីការជាប់គាំង Software ឫ Hardware អ្វីនោះទេ ប៉ុន្តែអាចមកពីការប្រើប្រាស់មិនត្រឹមត្រូវរបស់អ្នក។ ដូចជាការដាក់ម្រាមដៃខុសទីតាំងជាដើម។

ត្រូវប្រាកដថា Sensor ទ្រនាប់ស្កេនក្រយៅដៃមានសភាពស្អាតនិងពុំមានជាប់ធូលីដី
ត្រូវប្រាកដចិត្តថា អ្នកប្រើម្រាមដៃ ដែលបានកំណត់ (ជូនកាលខ្លាចច្រឡំម្រាមដៃ)
ត្រូវមានម្រាមដៃស្អាតមិនប្រឡាក់ធូលីដី នៅពេលដាក់លើទ្រនាប់ស្កេន
កុំចុចលើប៊ូតុង Home សង្កត់ខ្លាំងពេក ដាក់លើវាស្រាលៗ ហើយស្កេនធម្មតាបានហើយ
ម្រាមដៃរបស់អ្នក គប្បីត្រូវស្ថិតនៅលើរង្វង់ស្កេនទាំងមូល ដែលមានផ្នែកខ្សែមាសរុំព័ទ្ធពីក្រៅ
គួរដក Case ចេញ បើអ្នកមាន ព្រោះពេលខ្លះផ្ទៃ Case អាចលួចចូលដល់ទ្រនាប់ស្កេនក្រយៅដៃមួយផ្នែកតូច ដែលយើងមិនចាប់អារម្មណ៍។

២.ធ្វើការ Hard Reset ឧបករណ៍:
ពាក្យនេះពុំមានន័យថា ធ្វើការលុបចោលឯកសារពី iPhone/iPad ទេ វាគ្រាន់ជាការប្រើប៊ូតុងដើម្បី Restart ម៉ាស៊ីនប៉ុណ្ណោះ សូមចុចប៊ូតុង Home+Power ឱ្យជាប់ប្រហែល ៤ វិនាទី ហើយបើកធម្មតាសម្រាប់ iPhone 5s-6s និង iPad រីឯ iPhone 7/7 Plus សូមចុច Volume Dow+ Power ឱ្យជាប់ប្រហែល ៤ វិនាទី ហើយបើកធម្មតា រួចសាកធ្វើការស្កេនម្ដងទៀត។
៣.ធ្វើការបង្កើតប្រព័ន្ធស្កេនថ្មី
ពេលខ្លះវាអាចមានបញ្ហា Error បន្តិចបន្តួចដែរ ព្រោះគ្រឿងម៉ាស៊ីនវាមិនដំណើរការល្អឥតខ្ចោះឡើយ ម្ល៉ោះហើយអ្នកអាចសាកល្បងធ្វើការបង្កើតប្រព័ន្ធស្កេនម្ដងទៀត ឫថ្មីមួយ។

ចូល Settings > Touch ID & Passcode
បញ្ចូល Passcode
ចុចលើ Fingerprints > Add a new fingerprint ឫចុចលើប្រព័ន្ធស្កេនចាស់
ចុច Delete Fingerprint
បន្ថែមចូល Fingerprint ថ្មីម្ដងទៀត។

៤.Update ឧបករណ៍របស់អ្នក:
អាចថាមកពីបញ្ហាជំនាន់ iOS ដែរ ឧបករណ៍ខ្លះឈរត្រឹម iOS 8/9 ខណៈបច្ចុប្បន្នគេឡើងដល់ 10.3.1 សឹងគ្រប់គ្នាហើយនោះ បែបនេះអ្នកគួរសាកល្បង Update ជំនាន់នៃ iOS ដោយចូលទៅកាន់ Settings > General > Software Update (តម្រូវប្រើប្រព័ន្ធ WiFi) ។
ក្រោយការអនុវត្តជំហានទាំង ៤ ខាងលើរួចមក បើអ្នកនៅជួបបញ្ហាដដែល នោះគឺមកពីបញ្ហាផ្នែកគ្រឿងហើយ។ ជម្រើសដ៏ល្អ គឺត្រូវយកទៅជាងដែលនៅជិតអ្នកបំផុត ដើម្បីពិគ្រោះយោបល់ក្នុងការជួសជុលឧបករណ៍របស់អ្នក។

ឯកសារ APK និងវិធីដំឡើងងាយៗ

បើអ្នកកំពុងប្រើប្រាស់ស្មាតហ្វូន Android ប្រាកដជាធ្លាប់បានឮពាក្យថា APK ប៉ុន្តែអ្នកអាចមិនយល់ច្បាស់អំពីវានោះឡើយ។ Sabay បង្ហាញអ្នកទាំងអស់គ្នា តើអ្វីទៅជាឯកសារ APK ចុះរបៀបទាញយកនិងដំឡើងវា ត្រូវធ្វើបែបណាខ្លះ?

+អ្វីទៅជាឯកសារ APK?
មិនខុសពីប្រព័ន្ធ Windows របស់កុំព្យូទ័រនោះទេ ដែលនៅពេលអ្នកដំឡើងកម្មវិធីហ្គេម វាជាប្រភេទឯកសារ .exe ដោយឡែក Android ក៏ដូចគ្នា ប៉ុន្តែវាប្រើប្រាស់នៅឯកសារ .apk ដែលពាក្យពេញរបស់វាគឺ Android Package Kit។
ជាទូទៅបើស្មាតហ្វូន Android របស់អ្នកមានកម្មវិធី Google Play Store នោះរាល់បណ្ដាឯកសារ APK ទាំងអស់នឹងមានដាក់ឱ្យទាញយកបាននៅក្នុងនោះ ប៉ុន្តែក៏មានប្រភេទឯកសារមួយចំនួនដែលលួចចម្លងពីម្ចាស់ដើមដោយគ្មានសេចក្ដីអនុញ្ញាត ដោយរមែងបង្ហោះចែកចាយនៅលើគេហទំព័រ ដែលនេះហើយគ្រប់គ្នាត្រូវប្រយ័ត្ន ព្រោះវាជាឯកសារមិនស្របច្បាប់និងគ្មានប្រព័ន្ធសុវត្ថិភាពច្បាស់ជាក់លាក់នោះទេ។

+វិធីទាញយកឯកសារ APK តាមរយៈកុំព្យូទ័រទៅដាក់លើស្មាតហ្វូន

មិនខុសពីការលើកឡើងខាងលើ ឯកសារ APK រាប់សិបលាន ត្រូវបានបង្ហោះចែកចាយជុំវិញប្រព័ន្ធអ៊ីនធឺណិត ដោយឯកសារខ្លះក៏បានបង្កប់នូវមេរោគដែលអាចជ្រៀតចូលទៅបំផ្លាញទិន្នន័យលើស្មាតហ្វូនរបស់អ្នក បានដោយមិនដឹងខ្លួន។ ម្ល៉ោះហើយយើងសូមណែនាំគេហទំព័រដែលមានសុវត្ថិភាព អាចអនុញ្ញាតឱ្យអ្នកទាញយកឯកសារ APK ដោយមានទំនុកចិត្តខ្ពស់គឺ APK Mirror **(http://www.apkmirror.com/)**។

-ចូលទៅកាន់គេហទំព័រខាងលើ ហើយចុចស្វែងរកនូវឯកសារ APK ណាមួយដែលចង់បាន
-លើស្មាតហ្វូនចុចចូល Settings > Security > ធិកលើពាក្យ Unkown Sources ដើម្បីអនុញ្ញាតឱ្យអ្នកអាចដំឡើងកម្មវិធីដែលទាញយកប្រភពផ្សេងខុសពី Google Play Store
-ក្រោយមកសូមធ្វើការទាញយកកម្មវិធី ES File Explorer ពី Play Store សិនក៏បាន ដើម្បីងាយស្រួលក្នុងការរកឯកសារ APK ក្នុងម៉ាស៊ីនទូរសព្ទ (ករណីមានកម្មវិធី My File លើស្មាតហ្វូនស្រាប់ មិនបាច់ដំឡើងក៏បាន)
-ធ្វើការ Copy ផ្ទេររាល់ឯកសារ APK ដែលទាញយកបាននៅលើកុំព្យូទ័រ មកដាក់ស្មាតហ្វូនតាមរយៈ Drive របស់ស្មាតហ្វូន Android អ្នក ដែលលេចចេញក្នុង My Computer
-Copy ដាក់ទីតាំងណាមួយក៏បាន ក្រោយមកបើកកម្មវិធី ES File Explorer នៅលើស្មាតហ្វូន ហើយរាល់ឯកសារ APK ដែលយើងបានផ្ទេរចូល រួចចុច Install ធម្មតា ជាការស្រេច។

+វិធីទាញយកឯកសារ APK តាមរយៈស្មាតហ្វូនផ្ទាល់:

-ចុចបើកកម្មវិធីអ៊ីនធឺណិតឫ Browser ណាមួយ
-ចុចចូលគេហទំព័រ APK Mirror ឫគេហទំព័រផ្សេងក៏បាន (ឱ្យតែមានប្រភពជាក់លាក់)
-ស្វែងរកកម្មវិធីដែលចង់បាន > Download
-ចូលមើលកម្មវិធី My File > ត្រង់ Folder (Downloads) > បើករកមើលកម្មវិធីដែលអ្នកបានទាញយក>ធ្វើការ Install ជាធម្មតា។

ការវិវត្ត Windows 1 ដល់ Windows 10 អស់រយៈពេល ២៩ ឆ្នាំ

ប្រព័ន្ធប្រតិបត្តិ Windows ដំបូងបង្អស់ ដែលប្រកាសដាក់ឱ្យប្រើប្រាស់ដោយក្រុមហ៊ុន Microsoft នាឆ្នាំ ១៩៨៥ បានវិវត្តផ្លាស់ប្ដូរយ៉ាងច្រើនជំនាន់ ដែលចំណាយពេលជាង ២៩ ឆ្នាំ។ ដំបូងឡើយពីបាតដៃទទេរបស់លោក Bill Gates បានបង្កើតឡើងនូវ Windows 1 រហូតមកដល់បច្ចុប្បន្នមានអ្នកគ្រប់គ្រងថ្មី លោក Satya Nadella ដែលមានសញ្ជាតិឥណ្ឌា។

១.Windows 1 ៖

ប្រព័ន្ធប្រតិបត្តិមួយនេះបង្កើតឡើងដោយលោក Bill Gates នាឆ្នាំ ១៩៧៥ ដែលវាផ្ដើមដំបូងជាប្រភេទ 16-bit និងអាចដំណើរការនូវកម្មវិធី MS-DOS បន្ថែមនឹងហ្គេមមួយ មានឈ្មោះថា Reversi ដែលតម្រូវឱ្យប្រើប្រាស់ Mouse មិនមែន Keyboard នោះឡើយ។

២.Windows 2 ៖

២ ឆ្នាំក្រោយមក Microsoft ក៏ប្រកាសចេញនូវ Windows 2 នាខែធ្នូ ឆ្នាំ ១៩៨៧។ ការអាប់ដេតធំបំផុត នៅជំនាន់នេះ ក្រុមហ៊ុនអាមេរិកខាងលើបានបញ្ចូលនូវមុខងារ Minimise (បិទថយកម្មវិធី) និង Maximise (ពង្រួមផ្ទៃកម្មវិធី) ដែលបច្ចុប្បន្នអ្នកនិយមឃើញនៅពេលដំណើរការកម្មវិធីណាមួយលើកុំព្យូទ័រ នោះវានឹងមានប៊ូតុងរាងសញ្ញា (-) និងរាងចតុកោណកែង ។
បន្ថែមពីនោះកម្មវិធី Microsoft Word និង Excel ក៏ចាប់ផ្ដើមមានវត្តមានជាសាធារណៈចាប់ពីជំនាន់ Windows 2 តរៀងមក។

៣.Windows 3 ៖

វាជាប្រព័ន្ធ Windows ជំនាន់ដំបូងបង្អស់ដែលតម្រូវឱ្យប្រើប្រាស់មាននូវអង្គផ្ទុក (Hard Drive) នាឆ្នាំ ១៩៩០។ ភាពជោគជ័យបានបន្តកើតមានឡើង ខណៈពេលនោះ Microsoft កំពុងមានគូប្រកួតប្រជែងជាមួយប្រព័ន្ធ Macintosh របស់ Apple។
សម្រាប់ប្រព័ន្ធមួយនេះ វាមានការគាំទ្រនូវកម្រិតពណ៌លើអេក្រង់ចំនួន ២៥៦ ពណ៌ដែលបម្លែងទៅជាសម័យទំនើបជាងមុនបន្តិច។ ចំណុចរសើបមួយទៀត ជំនាន់នោះ Microsoft ក៏បានប្រកាសទន្ទឹមគ្នានូវហ្គេមបៀរ Solitaire។

៤.Windows 3.1 ៖

សម្រាប់ជំនាន់នៃ Windows 3.1 នាឆ្នាំ ១៩៩២ នេះ វាមានលក្ខណៈលេចធ្លោជាងជំនាន់មុនច្រើន ដោយបានបញ្ចូលនូវកម្មវិធីសម្រាប់បង្កើតពុម្ពអក្សរ TrueType , ដាក់ឱ្យលេងនូវហ្គេមដោះមីន Minesweeper និងមានការបែងចែកនូវ CD ROM (វាអាចផ្ទុកបានដល់ 700MB) ។ ទៀតសោតចំពោះម៉ាស៊ីនដែលមាន RAM ទំហំ 1MB ទើបអាចគាំទ្រឱ្យដំណើរការនូវកម្មវិធី MS-DOS លើជំនាន់ Windows នោះបាន។

៥.Windows 95 ៖

វាបានប្រកាសនូវខែសីហា ឆ្នាំ ១៩៩៥ មានបញ្ចូលនូវប៊ូតុងថ្មី ២ រវាង Start Button និង Start Menu។ អំឡុងពេលនោះ Microsoft ក៏បង្វែរឱ្យប្រើប្រាស់នូវប្រព័ន្ធប្រភេទ 32-bit វិញ ខណៈកម្មវិធីបើកអ៊ីនធឺណិត Internet Exploerer ចាប់ផ្ដើមឱ្យមនុស្សទូទាំងពិភពលោកបានស្គាល់។ ក្រៅពីនោះមានកម្មវិធី Netscape Navigator និង NCSA Mosaic ជាដើម។

៦.Windows 98 ៖

ទន្ទឹមនឹងការវិវត្តកម្មវិធីបើកអ៊ីនធឺណិត IE ដល់ជំនាន់ទី ៤ ក្រុមហ៊ុន Microsoft ក៏ឆ្លៀតប្រកាសនូវប្រព័ន្ធ Windows 98 នាឆ្នាំ ១៩៩៨ ។ ពួកគេបានដាក់បន្ថែមនូវកម្មវិធី Outlook Express, Windows Address Book, Microsoft Chat និង NetShow Player ។ ការដាក់បង្ហាញដ៏ធំមួយគឺ Windows Driver Model ដោយតាំងពីពេលនោះ ប្រភេទកុំព្យូទ័រអាចធ្វើការចាប់ស្គាល់នូវឧបករណ៍តំណភ្ជាប់ពីខាងក្រៅតាមរយៈខ្សែ USB រួមមានប្រភេទ USB Hubs និង USB Mice។

៧.Windows ME ៖

នាខែកញ្ញាឆ្នាំ ២០០០ ក្រុមហ៊ុន Microsoft បានវិវត្តដល់ជំនាន់ Windows Millennium Edition ឫ Windows ME ដែលវាបានបញ្ចូលនូវកម្មវិធី IE ជំនាន់ 5.5, ក្បាលចាក់ Windows Media Player 7 និងកម្មវិធីកាត់តវីដេអូ Windows Movie Maker។

៨.Windows 2000 ៖

នេះជាបងប្អូនភ្លោះជាមួយ Windows ME ខណៈវាបង្ហាញនាឆ្នាំ ២០០០ ដូចគ្នា ប៉ុន្តែមានការអាប់ដែតពិសេសមួយ គាំទ្រនូវមុខងារ Hibernation ដែលវាស្រដៀងទៅនឹង Sleep Mode ដោយអនុញ្ញាតឱ្យយើងបិទម៉ាស៊ីនកុំព្យូទ័រប៉ុន្តែពេលបើកមកវិញ ឯកសារកម្មវិធីដំណើរការមុនបិទទាំងប៉ុន្មាន នៅដើរជាធម្មតា។

៩.Windows XP ៖

នាឆ្នាំ ២០០១ ក្រុមហ៊ុន Microsoft បានធ្វើឱ្យមនុស្សជាច្រើនស្គាល់ពីប្រព័ន្ធប្រតិបត្តិរបស់ខ្លួនគឺ Windows XP ។វាមានការរចនាផ្ទៃកម្មវិធីនិងប៊ូតុងមុខងារ Start មានលក្ខណៈពណ៌ស្រស់ខ្ចីជាងមុន និងបញ្ចូលមុខងារ ClearType ដែលបង្កើតឡើងក្នុងគោលដៅឱ្យអ្នកប្រើប្រាស់អាចអានអក្សរបង្ហាញលើអេក្រង់មានសភាពច្បាស់ល្អជាងមុននិងមានភាពងាយស្រួល។ ប្រព័ន្ធមួយនេះមានអ្នកប្រើយូរបំផុត រហូតដល់ជាង ១៣ ឆ្នាំខណៈ Microsoft ទើបតែបានផ្ដាច់ចោលនូវប្រព័ន្ធសុវត្ថិភាពពីវា នាខែសីហាឆ្នាំ ២០១៤ កន្លងទៅ។ បន្ថែមពីនោះមានកុំព្យូទ័រប្រមាណ ៤៣០ លានគ្រឿង ដែលគេបានដឹងថាកំពុងប្រើប្រាស់វា អំឡុងពេលក្រុមហ៊ុនផ្ដាច់១០ប្រព័ន្ធប្រតិបត្តិនោះចោល។

**១០.Windows Vista ៖ **

អ្នកខ្លះច្រើនច្រឡំថា Vista ចេញមុន XP តាមពិតទៅមិនមែនទេ អស់រយៈកាលជាង ៦ ឆ្នាំបន្ទាប់ពី XP ឯណោះ ទើប Microsoft ប្រកាសចេញនូវ Windows Vista នាខែមករាឆ្នាំ ២០០៧ ។ អ្នកលេងហ្គេមលើកុំព្យូទ័រចាប់ផ្ដើម ក្រោកឡើងក្រោយប្រព័ន្ធនេះ បានបញ្ចូលនូវកម្មវិធី Microsoft DiretX 10 ដែលជាបច្ចេកវិទ្យាជំរុញឱ្យដំណើរការហ្គេមធំៗបានរលូន។
បន្ថែមពីនោះមានការបញ្ចូលនូវកម្មវិធី Windows Media Player 11 និង IE7 គួបផ្សំកម្មវិធីប្រព័ន្ធសុវត្ថិភាព Windows Defender ។ វាក៏ជាប្រព័ន្ធ Windows ដំបូងដែលស្គាល់នូវក្បាលចាក់ DVD។

១១.Windows 7 ៖

មនុស្សជាច្រើនបានបង្វែរពីការចាប់អារម្មណ៍នៅលើ Windows XP និង Vista មកលើ Windows 7 នាចុងឆ្នាំ ២០០៩ នេះវិញ ដោយផ្ទៃកម្មវិធីមានការផ្លាស់ប្ដូរទាំងស្រុង ដែលកំពុងបង្ហាញឱ្យមនុស្សបានស្គាល់ពីសម័យបច្ចេកវិទ្យាស៊ីវិល័យ។
ល្បឿនដំណើរការមានភាពរលូនច្រើនជាងមុន ហើយគាំទ្រការប្រើប្រាស់កម្មវិធីបានច្រើនជាង Windows ជំនាន់ឆ្នាំ ២០០៧។ សង្កេតឃើញមានការចាប់អារម្មណ៍ខ្ពស់ក្នុងការប្រើប្រាស់នៅឧបទ្វីបអឺរ៉ុប ព្រោះវាមានប្រព័ន្ធសុវត្ថិភាពខ្ពស់ ទប់ស្កាត់ពីការចម្លងចូលនូវមេរោគផ្សេងៗ។

១២.Windows 8 ៖

នាខែតុលាឆ្នាំ ២០១២ វត្តមាននៃប្រព័ន្ធ Windows 8 ក៏ប្រកាសបង្ហាញឡើង។ មនុស្សជាច្រើនបានភ្ញាក់ផ្អើល និងខ្លះទៀតភ័យព្រួយគិតថារាងពិបាកប្រើ ព្រោះផ្ទៃកម្មវិធីទាំងមូល មានការផ្លាស់ប្តូរសឹងទាំងស្រុង មិនថាតែប៊ូតុង Start។ វាចាប់ផ្ដើមគាំទ្រស្គាល់នូវរន្ធដោត USB 3.0 ដែលបន្ថែមល្បឿនចម្លងចេញចូលឯកសារផ្សេងៗ មានភាពរហ័សដាច់ឆ្ងាយធៀបនឹងជំនាន់ទៅ។
យ៉ាងណាមិញអំឡុងឆ្នាំនោះវត្តមានឧបករណ៍ថេបប្លែតជាច្រើន សោតយ៉ាងដូចជា iPad និងស្មាតហ្វូនមួយចំនួន កំពុងអុកឡុកខ្លាំងក្នុងវិស័យបច្ចេកវិទ្យា ដែលបណ្ដាលឱ្យមានការរាំងស្ទះបន្តិចបន្តួចនៃការលក់ចេញប្រភេទ PC ទៅកាន់អ្នកប្រើប្រាស់។
ម្ល៉ោះហើយដើម្បីសម្របបាននឹងសង្គមខាងក្រៅ Microsoft ក៏ឆ្លៀតប្រកាសចេញផ្សាយនូវប្រព័ន្ធ Windows RT ដែលអាចគាំទ្រនូវប្រព័ន្ធដំណើរការសម្រាប់ស្មាតហ្វូន ដែលដើរលើ CPU ប្រភេទ ARM រីឯ Windows 8 ចាប់ដាក់លើពពួក Microsoft Surface ដែលជាថេបប្លែត។

១៣.Windows 8.1 ៖

មួយឆ្នាំក្រោយមក Microsoft ក៏ប្រកាសចេញនូវប្រព័ន្ធ Windows 8.1 ដែលទាញយកប៊ូតុង Start មកដាក់នៅលើផ្ទៃ Desktop វិញ ហើយមានលក្ខណៈងាយស្រួលប្រើជាង Windows 8 ។ ទន្ទឹមជំនាន់នោះពពួកកុំព្យូទ័រយូរដៃ Touch Screen ក៏ប្រកាសចេញដំណាលគ្នា ដែលវាជំរុញឱ្យការប្រើប្រាស់ជាមួយ Windows 8.1 កាន់តែមានសភាពប្រសើរឡើង។

១៤.Windows 10 ៖

នេះជាជំនាន់ចុងក្រោយបង្អស់របស់ Microsoft ដែលដាក់បង្ហាញនាថ្ងៃទី ៣០ កញ្ញាឆ្នាំ ២០១៤។ មុខងារពិសេសមួយ អាចអនុញ្ញាតឱ្យអ្នកប្រើប្រាស់ផ្លាស់ប្ដូរពីការប្រើប្រាស់បែប Keyboard ជាមួយ Mouse និងបែបជាថេបប្លែតវិញ ដោយកំពុងដំណើរការលើ Surface Pro 3 នាពេលបច្ចុប្បន្ន។
មិនថាតែកុំព្យូទ័រឡើយ សូម្បីពពួកស្មាតហ្វូននិងថេបប្លែតមួយចំនួនក៏និយមដំឡើងប្រើប្រាស់ Windows ជំនាន់ក្រោយនេះដែរ ហើយកម្មវិធីប្រើប្រាស់ទាំងឡាយ អាចទាញយកបានតាមរយៈ Windows Store លើឧបករណ៍ស្រាប់។

ក្រោយការរ៉ាយរ៉ាប់ខាងលើនេះរួចមក Sabay ជឿថាវាអាចជាចំណេះដឹងថ្មីមួយ ចែកជូនទៅកាន់អ្នកអានទាំងអស់គ្នា ព្រោះមនុស្សម្នាក់ៗរមែងគួរស្វែងយល់ឱ្យបានច្បាស់ ពីប្រវត្តិដើមនូវអ្វីដែលយើងកំពុងមានសព្វថ្ងៃ ក្នុងគោលដៅប្រើប្រាស់វាឱ្យមានលក្ខណៈទូលំទូលាយនិងមានភាពប្រសើរឡើង៕

CPU, GPU, Chipset លើស្មាតហ្វូនជាអ្វី?

ជាទូទៅបើយើងនិយាយពីពាក្យ CPU, GPU និង Chipset ប្រិយមិត្តអ្នកប្រើប្រាស់ស្មាតហ្វូនមួយចំនួន ប្រាកដជាធ្លាប់បានឮ? ប៉ុន្តែ Sabay ជឿថាប្រិយមិត្តមិនច្រើនទេដែលដឹង តើពួកវាជាអ្វី ហើយផ្ដល់អត្ថប្រយោជន៍អ្វីខ្លះ ក្នុងការផ្គុំភ្ជាប់ដើម្បីបង្កើតបានស្មាតហ្វូនមួយគ្រឿងៗ?

អ្វីទៅជា CPU?

CPU ឫហៅថា Central Processing Unit ជាអង្គដំណើរការផ្នែកគ្រឿងសៀគ្វីអេឡិចត្រូនិកមួយ ដែលអាចធ្វើឲ្យប្រតិបត្តិការបាននៅរាល់កម្មវិធីនៃស្មាតហ្វូន។ ទន្ទឹមនឹងបច្ចេកវិទ្យាកាន់តែបន្ទាន់សម័យ CPU ត្រូវបានគេដឹង មានបំពាក់តាំងពីនៅលើរថយន្តឆ្លាតវៃថែមទៀតផង។

ល្បឿននាឡិកា ឫ Clock Rate ជាលក្ខណៈសំខាន់មួយនៃ CPU ។ វាជាល្បឿនមូលដ្ឋាន ដែលរត់បានមួយខួបក្នុងមួយវិនាទី ហើយមានខ្នាតគិតជា hertz (ហឺត), kilohertz (គីឡូហឺត), megahertz (មេហ្គាហឺត) និង gigahertz (ជីហ្គាហឺត) ដែលជាប្រេកង់ល្បឿននាឡិកានោះ។

អត្ថប្រយោជន៍ CPU សម្រាប់ស្មាតហ្វូន:

មិនត្រឹមតែធ្វើប្រតិបត្តិការកម្មវិធីនៅលើស្មាតហ្វូនប៉ុណ្ណោះទេ ផ្ទុយទៅវិញ ល្បឿននាឡិកា (Clock Rate) របស់វា ក៏ត្រូវបានគេប្រើសម្រាប់វាស់ប្រៀបធៀបគ្នា យកចាញ់ឈ្នះជាមួយប្រភេទស្មាតហ្វូនដទៃ ដែលយើងរមែងឃើញគេប្រើកម្មវិធី Benchmark ដោយកាលណាអត្រាល្បឿននាឡិការត់កាន់តែខ្ពស់ (Ex: ល្បឿន 2.2GHz) គួបផ្សំនឹងចំណុចស្នូលនៃបន្ទះឈីបមានកាន់តែច្រើន (Ex: Dual Core ឫ Octa Core) នោះកម្រិតពិន្ទុនៃការបង្ហាញ នឹងមានកាន់តែធំ ដោយគេសន្និដ្ឋាន បើពិន្ទុស្មាតហ្វូនណាខ្ពស់ជាង នោះវាដំណើរការលឿនជាង។

អ្វីទៅជា GPU?

បើនិយាយពី GPU (Graphics Processing Unit) ឫ យើងហៅបានថាអង្គដំណើរការក្រាហ្វិក ដែលវាជាបន្ទះសៀគ្វីសំខាន់មួយក្នុងការបង្កើនល្បឿនរូបភាព (Image Output) សម្រាប់បង្កើតជាលទ្ធផលបង្ហាញមួយ។

បច្ចុប្បន្នប្រភេទ GPU ដែលគេនិយមប្រើនៅលើស្មាតហ្វូនរួមមាន : PowerVR GT7XT Seiries, Nvidia Tegra X1, Qualcomm Adreno 540 និង Mali-G71 MP20 ជាដើម។

-អត្ថប្រយោជន៍ GPU សម្រាប់ស្មាតហ្វូន :

បើនិយាយពីអត្ថប្រយោជន៍ចំពោះស្មាតហ្វូន ក្រុមហ៊ុនផលិតជាច្រើន បានកំពុងសម្លឹងទៅរកពពួក GPU ដែលមានគុណភាពខ្ពស់ អាចរត់បានក្នុងល្បឿនលឿន ព្រោះវាជាផ្នែកដ៏សំខាន់មួយក្នុងការដំណើរការទៅបាននៃកម្រិតបង្ហាញរូបភាពរបស់ហ្គេមមានក្រាហ្វិកធំៗឲ្យមានសភាពរលូនមិនទាក់និងមួយវិញទៀតសោត ទាំងពពួកកម្មវិធី ដែលមានពណ៌បង្ហាញលក្ខណៈ 3D ក៏តម្រូវពពួក GPU សេរីខ្ពស់ផងដែរ។ មូលហេតុនេះហើយ ទើបយើងនិយមឃើញស្មាតហ្វូនមួយចំនួន នៅពេលប្រៀបធៀបគ្នាល្បឿនដំណើរការហ្គេម តែងមានសភាពល្បឿននិងរលូនជាង នោះក៏មកពីពួកគេប្រើប្រាស់ GPU ធន់ខ្ពស់។

-អ្វីទៅជា Chipset :

Chipset ឫយើងនិយមហៅវាថាជា System on chip (SoC) ដែលជាបន្ទះឈីបសៀគ្វីមួយ ប្រមូលផ្ដុំចូលគ្នានៅផ្នែក CPU, GPU, Modem និង Memory Controller ជាដើម។ និយាយរួមអាចថា បើគ្មានវាគេក៏មិនអាចផ្គុំផ្នែកតូចផ្សេងៗឲ្យដំណើរការទៅបានដែរ។
បច្ចុប្បន្នមានពពួកបន្ទះឈីប (SoC) មួយចំនួន ដែលកំពុងទទួលបានភាពល្បីល្បាញរួមមាន Snapdragon របស់ Qualcomm, Exynoos របស់ SAMSUNG, MT និង Helio របស់ MediaTek, Atom របស់ Intel, HiSilicon Kirin របស់ Huawei និងពពួក A របស់ Apple ។
បន្ថែមពីនោះទៀត សព្វថ្ងៃក្រុមហ៊ុនបច្ចេកវិទ្យាកំពុងតែខិតខំវិវត្តប្រភេទឈីប SoC ទាំងនោះឲ្យមានទំហំកាន់តែតូច (ខ្នាតគិតជាណាណូម៉ែត្រ) ដើម្បីប្រច្រៀតចូលទៅក្នុងស្មាតហ្វូនដែលមានវិមាត្រខ្លួនតូច ព្រោះដូចយើងដឹងស្រាប់ហើយ សព្វថ្ងៃស្មាតហ្វូនកាន់តែស្ដើងទៅៗ ប៉ុន្តែសម្របបាននឹងទំហំឈីបតូច ពួកគេក៏ប្រឹងរកនូវបច្ចេកវិទ្យាធ្វើឲ្យវាមានថាមពលខ្លាំងជាងមុន និងការសន្សំសំចៃថ្មខ្លាំងជាងមុនផងដែរ។

- អត្ថប្រយោជន៍ Chipset សម្រាប់ស្មាតហ្វូន:

ដំណើរការទៅបាននៃប្រព័ន្ធកាមេរ៉ា, ក្បាលចាក់សម្លេង, កម្មវិធីបម្លែង Video, អង្គ Modem (រួមមាន WiFi, Bluetooth, GPS, 3G/4G) សុទ្ធសឹងតែតម្រូវឱ្យមានបន្ទះឈីប (SoC) ទើបផ្នែកទាំងនោះ អាចដំណើរការទៅមុខបាន ដោយទោះបីជាវាមានផ្នែកគ្រឿងដាច់ដោយឡែកពីគ្នាក៏ដោយ។
ក្រោយការរ៉ាយរ៉ាប់ខាងលើនេះរួចមក Sabay ជឿថាវាអាចជាមេរៀនថ្មីមួយសម្រាប់អ្នកទាំងអស់គ្នា ហើយបើមានការខ្វះខាតត្រង់ចំណុចណាមួយឫ អ្នកទាំងអស់គ្នាមានចម្ងល់មិនទាន់ច្បាស់ សូមធ្វើការផ្ដល់មតិនៅខាងក្រោម ហើយពួកយើងរីករាយជានិច្ចក្នុងការផ្ដល់ចម្លើយដ៏សមស្របទៅវិញ តាមដែលអាចធ្វើទៅបាន៕

ទាញយកកម្មវិធី Wirecast ដើម្បី ⁣Live Video ទៅកាន់ YouTube, Facebook… សម្រាប់ Windows

ព័ត៌មានអំពីកម្មវិធី

ប្រព័ន្ធប្រតិបត្តិការណ : Windows
ជំនាន់ទី : 6.0.7
ទំហំ : N/A
តំណទាញ : ទាញយកត្រង់នេះ

របៀបប្រើប្រាស់ Live កម្មវិធី wirecast

កម្មវិធី Wirecast Pro អាចឲ្យលោកអ្នកអាច Live Videos នៅលើ Facebook, YouTube, Twitch, Ustream…. បានក្នុងកម្រិត HD, Full HD… និងងាយស្រួលក្នុងការប្រើប្រាស់។

របៀប Live Stream ពីអេក្រង់ទូរសព្ទ័ Iphone ដោយផ្ទាល់ទៅកាន់ Facebook ដោយមិនចាំបាច់ Jailbreak

សព្វថ្ងៃនេះដោយសារតែបច្ចេកវិទ្យាមានការអភិវឌ្ឍន៍ខ្លាំងយើងអាចធ្វើការ ផ្សាយបន្ដផ្ទាល់នូវរឿង ឫ ចម្រៀងនានាដែលយើងកំពុងធ្វើការទស្សនានៅលើកុំព្យូទ័រទៅកាន់ Facebook ឫ Youtube ដោយប្រើប្រាស់កម្មវិធី OBS or Wirecast នៅលើកុំព្យូទ័រ ។ ថ្ងៃនេះ Page ចំណេះដឹង-Jomnesdeng សូមបង្ហាញនូវកម្មវិធីមួយដែលអនុញ្ញាត្តអោយយើងធ្វើការ Live Stream សកម្មភាពដែលយើងបានធ្វើនៅលើ Screen ទូរសព្ទ័របស់យើងដូចជាការ លេងហ្គេម ឫ បើកមើលរូបថតផ្សេងៗ ទៅលើ Facebook បានដោយមិនចាំបាច់ Jailbreak ឡើយ ។ តោះកុំអោយខាតពេលមកអនុវត្តន៍ជាមួយគ្នា ៖

ជំហានទី ១ ៖ បើក Safari ហើយវាយពាក្យ IPA Library ចូលកន្លែង Search bar

ជំហានទី ២ ៖ ចុចលើ icon ដើម្បីតំឡើង បន្ទាប់មកអនុវត្តន៍តាមរូបខាងក្រោម ៖

បញ្ចូលលេខសំងាត់ប្រសិនបើអ្នកប្រើ Passcode lock screen ទូរសព្ទ័

ជំហានទី ៣ ៖ ចុច Done ហើយចុចទៅកាន់ Home Screen វិញ បន្ទាប់មកបើកកម្មវិធី IPA Library ហើយស្វែងរកកម្មវិធី Arcade LiveStream Tool រួចចុចលើវាដើម្បីធ្វើការ Install

ជំហាន ៤ ៖ បើកកម្មវិធី Arcade LiveSteam Tool វានឹងបង្ហាញបែបនេះ យើងធ្វើការចុចលើ Facebook

ជំហានទី ៥ ៖ ត្រង់ចំណុច Orientation យើងអាចធ្វើការជ្រើសរើស Live ជាលក្ខណះ បញ្ឈរ ( Portrait ) ឫ លក្ខណះផ្ដេក ( Landscape )

ត្រង់កន្លែង Quality Video យើងអាចជ្រើសរើសកំរិតច្បាស់របស់ Video ដែលយើងចង់ធ្វើការ Live ( គួរជ្រើសរើសយកកំរិតល្មមៗ ប្រសិនបើ Internet យើងយឺតដូចខ្យង ) ។ ចំណែកឯកន្លែង Microphone យើងអាចបើកក៏បាន បិតក៏បាន ។

ជំហានទី ៦ ៖ ធ្វើការចុចលើពាក្យ Start Steaming វានឹងលោតអោយយើងបញ្ចូល email & password Facebook របស់យើង ដើម្បីភ្ជាប់ទៅកាន់ Account Facebook របស់យើង

បន្ទាប់ពីភ្ជាប់ជាមួយ Facebook ហើយវានឹងបង្ហាញបែបនេះ យើងអាចធ្វើការជ្រើសរើសការ Live លើ Wall , Only Me, Group ។ ចុចលើ Start Streaming ដើម្បីធ្វើការ Live

បន្ទាប់ពីឃើញបែបនេះយើងអាចចុច Home button ដើម្បីចាកចេញពីកម្មវិធី ហើយយើងអាចធ្វើការបើកកម្មវិធីផ្សេងៗបាន ឧទាហរណ៍ ៖ លេងហ្គេមជាដើម ។

សូមជួយចែករំលែកចំណេះដឹងនេះដល់មិត្តភក្ដិរបស់អ្នកផង ។
@រក្សាសិទ្ធដោយ ៖ Page : ចំណេះដឹង-Jomnesdeng

Khmer Techno Innovation

Wednesday, May 31, 2017

ចង់ Save រូបភាពចេញពី Instagram ងាយជាងបកចេកទៅទៀត

Tuesday, May 30, 2017

ក្រោយបាត់ក្ដារចុចឆ្លាតវៃ លេចចេញក្ដារចុចខ្មែរលើ App Store ច្រើនប្រជែងគ្នា

វិធីបញ្ចូលបទចម្រៀងចូលទៅក្នុង iPhone, iPad, iPod យ៉ាងងាយស្រួលបំផុត

ម៉ាកបន្ទះឈីបល្បីៗនិយមប្រើលើ iPhone

iPhone ឆាប់ក្ដៅ តើមកពីមូលហេតុអ្វី ចុះដំណោះស្រាយគួរធ្វើបែបណា?

iPhone/iPad គាំង Touch ID ប្រើមិនកើត អនុវត្តវិធីនេះសិន មុនគិតទៅរកជាងជួសជុល!

ឯកសារ APK និងវិធីដំឡើងងាយៗ

ការវិវត្ត Windows 1 ដល់ Windows 10 អស់រយៈពេល ២៩ ឆ្នាំ

CPU, GPU, Chipset លើស្មាតហ្វូនជាអ្វី?

Monday, May 22, 2017

ទាញយកកម្មវិធី Wirecast ដើម្បី ⁣Live Video ទៅកាន់ YouTube, Facebook… សម្រាប់ Windows

របៀប Live Stream ពីអេក្រង់ទូរសព្ទ័ Iphone ដោយផ្ទាល់ទៅកាន់ Facebook ដោយមិនចាំបាច់ Jailbreak

Categories

Unordered List

Sample Text

Blog Archive

Pages

As a biginner of technology i m really want to know about the develope the technology in cambodia

Blogger news

Blogger templates

Popular Posts

Recent Posts

Text Widget

Ordered List

Definition List

Sample Text

Labels