12:56 AM
មកដល់ពេលនេះ មានអត្ថបទជាច្រើនដែលបានយកពាក្យ“ប៉ាតង់” មកប្រើ
ហើយក៏មានមិត្តអ្នកអានជាច្រើនឆ្ងល់ពីអត្ថន័យពាក្យនេះដូចគ្នា។
ដើម្បីបកស្រាយរាល់ចម្ងល់ទាំងនេះ Sabay សូមលើកយកពាក្យ “ប៉ាតង់”
មកបកស្រាយ។
ចំពោះគោលការណ៍ក្នុងការទទួលយក ប៉ាតង់អាចមានការប្រែប្រួលពីប្រទេសមួយ ទៅប្រទេសមួយ ហើយសិទ្ធិពិសេសនេះ ក៏អាចមានន័យផ្សេងគ្នាទៅតាម ច្បាប់ជាតិ និងអន្តរជាតិដែរ។ សង្រួមទៅ ការស្នើសុំ ប៉ាតង់ ត្រូវតែពន្យល់ពីអត្ថន័យ ហើយអ្វីដែលថ្មីនោះត្រូវមានសារប្រយោជន៍ និងអាចប្រើជាទូទៅបាន។ សូម្បីតែអង្គការពាណិជ្ជកម្មពិភពលោក (WTO) បណ្ដាប្រទេសជាសមាជិក ក៏មានប៉ាតង់សម្រាប់បង្កើតអ្វីដែលថ្មីរបស់ខ្លួនដែរ ជាពិសេសក្នុងវិស័យបច្ចេកវិទ្យា។
ឧទាហរណ៍ ថ្មីៗនេះ ក្រុមហ៊ុន Apple បានប្តឹង HTC ពីបទរំលោភបំពានលើប៉ាតង់របស់ខ្លួន ហើយជាលទ្ធផលតុលាការបានរកឃើញថា Apple បានរំលោភបំពានលើ ប៉ាតង់២របស់ HTC រីឯ HTC ក៏បានរំលោភបំពានលើប៉ាតង់២របស់ Apple ដែរ។ នេះមានន័យថា HTC បានលួចយកការបង្កើតថ្មីរបស់ Apple ចំនួនពីរទៅប្រើជារបស់ខ្លួន ឯ Appleក៏បានលួចយកការបង្កើតថ្មីរបស់ HTC ទៅប្រើដែរ។ ទង្វើទាំងនេះ ជាការល្មើសនឹងច្បាប់ ព្រោះការបង្កើតថ្មីរបស់ក្រុមហ៊ុននីមួយៗសុទ្ធតែបានផ្ដល់សិទ្ធិ ពិសេសដោយរដ្ឋាភិបាលរួចហើយ។
ពាក្យនេះ គឺជាធាតុមួយនៅក្នុង “កម្មសិទ្ធិបញ្ញា” ដែលសំដៅទៅរកការការពារសិទ្ធិបង្កើតថ្មីរបស់បុគ្គលណាមួយ។ មានន័យថា រារាំងរាល់ការយកស្នារដៃរបស់ម្ចាស់សិទ្ធិទៅប្រើដោយគ្មានការ អនុញ្ញាតបានឡើយ។ កាលណាយកគំរូគេទៅធ្វើតាម គេហៅថា រំលោភកម្មសិទ្ធិបញ្ញា ហើយ៕
ដោយ៖ ខឹម បូរិន
0 comments:
Post a Comment