Update iPhone ទៅ​ iOS 10.3 ដោយ​ខ្លួន​ឯង (feature)

ជឿជាក់​ថា​ប្រិយមិត្ត​មួយ​ចំនួន​ប្រាកដ​ជា​មាន​បំណង​ចង់​ Update ទូរសព្ទ​ iPhone របស់​ខ្លួន​ទៅ​កាន់ iOS 10.3 ព្រោះ​ល្បី​ថា ជំនាន់​នោះ​​មាន​ល្បឿន​ដំណើរការ​លឿន​ជាង iOS ជំនាន់​ចាស់​។ ម្ល៉ោះ​ហើយ​ក្នុង​ថ្ងៃ​នេះ Sabay ក៏​សូម​លើក​យក​នូវ​វិធី​ផ្សេងៗ​ពី​គ្នា​នៃ​ការ Update iPhone របស់​អ្នក​ទាំង​អស់​គ្នា ទៅ​ iOS 10.3 ហើយ​ជា​វិធី​សាមញ្ញ​ងាយ​បំផុត​ ដោយ​មិន​បាច់​ចំណាយ​លុយ​ទៅ​រក​ជាង​ទូរស័ព្ទ​នោះ​ឡើយ​។

ក្នុង​នោះ​មាន ២ របៀប​ ហើយ​អ្នក​អាច​អនុវត្ត​បាន​ដោយ​មិន​បាត់បង់​ឯកសារ​អ្វី​ទាំង​អស់​ ករណី​បើ​អ្នក​បាន​ធ្វើ​នៅ​ទីតាំង​ដែល​មាន​ប្រព័ន្ធ​អ៊ីនធឺណិត​ដំណើរការ​រលូន​។

១. Update តាម​រយៈ​កម្មវិធី iTunes (សម្រាប់​អ្នក​មាន​កុំព្យូទ័រ):

​- ដោត​ភ្ជាប់​ iPhone របស់​អ្នក​ទៅ​កាន់​កុំព្យូទ័រ Mac ឫ PC ធម្មតា

• បើក​កម្មវិធី​ iTunes (បើ​អ្នក​មិន​ទាន់​មាន​ អាច​ចុច​ទាញ​យក​នៅ​ត្រង់​នេះ​)

• ចុច​ត្រង់​រូប​ទូរសព្ទ​តំណាង​ ដែល​មាន​លេចចេញ​នៅ​ជ្រុង​ខាង​ឆ្វេង​ផ្នែក​ខាង​លើ​

• ក្រោយ​លោត​ផ្ទាំង​មួយ សូម​ចុច​ពាក្យ​ Update

• ភ្លាម​នោះ​វា​នឹង​សួរ​បញ្ជាក់​ម្នាក់​ម្ដង​ទៀត​ថា Update ឫ Cancel សូម​បន្ត​ចុច​យក​ Update

• បន្ទាប់​ពី​លោត​ផ្ទាំង​ថ្មី​មក​ សូម​ចុច​យក​ Next > Agree

• ក្រោយ​មក​ Apple នឹង​ធ្វើការ​ Download ដោយ​ស្វ័យ​ប្រវត្តិ​នូវ​កំណែ Firmware នៃ iOS 10.3 សម្រាប់​ឧបករណ៍​របស់​អ្នក បន្ទាប់​ពី​ Download ចប់ វា​នឹង​ធ្វើ​ការ Update ទៅ​ដោយ​ឯក​ឯង​តែ​ម្ដង​។

(បញ្ជាក់: សូម​កុំ​ដក​ខ្សែ​ដោត​ភ្ជាប់​ពី iPhone ទៅ​កុំព្យូទ័រ​រហូត​ដល់​ការ​ Update ត្រូវ​បាន​បញ្ចប់​)

២. Update តាម​រយៈ​ OTA នៅ​ក្នុង​ iPhone (សម្រាប់​អ្នក​គ្មាន​កុំព្យូទ័រ)​

• តភ្ជាប់ iPhone ជាមួយ​ប្រព័ន្ធ WiFi
• ចូល Settings > General
  
• ចុច​យក Software Update
  
• រង់​ចាំ​មួយ​ភ្លែត វា​នឹង​លោត​ផ្ទាំង​មួយ​ពី​ព័ត៌មាន​របស់ iOS 10.3
  
• ចុច​យក​ពាក្យ​ Download and Install
  
• រង់​ចាំ​ដល់​ Download ​ចប់​ម៉ាស៊ីន​នឹង​រលត់​ ហើយ​វា​នឹង​លោត​ចេញ​នូវ​ផ្ទាំង​ Apple គួប​ផ្សំ​នឹង​រូប ដំណើរការ​ (Loading) នៅ​ពី​ក្រោម​នោះ​
  
• សូម​រក្សា​ទុក iPhone នៅ​ទីតាំង​ក្បែរ​ប្រព័ន្ធ WiFi រហូត​ដល់​ការ​ Update ត្រូវ​បាន​បញ្ចប់ ។ ​​​​​
  

យ៉ាង​ណា​មិញ​បើ​ករណី​ប្រិយមិត្ត​​ជួប​បញ្ហា​ឫ​មាន​ចម្ងល់​អ្វី​បន្ថែម​ទៀត យើង​ខ្ញុំ​រីករាយ​ជា​និច្ច​ក្នុង​ការ​បំពេញ​ចន្លោះ​ប្រហោង​ទាំង​នោះ តាមរយៈ​ប្រអប់ Comment នៅ​ខាង​ក្រោម​។