Airdrop មុខងារ​ពិសេស​មិន​ត្រូវ​មើល​រំលង ផ្ញើ​ឯកសារ​ពី iPhone ទៅ Mac​ បានលឿន​បំផុត​​

Airdrop គឺជា​វិធី​ផ្ញើ​ឯកសារ​ពី​ទូរ​សព្ទ iPhone ឬ iPad ទៅកាន់​ម៉ាស៊ីន Mac លឿន​បំផុត​និង​ងាយ​​ស្រួល​ដោយ​មិន​ប្រើ​ខ្សែ​។​ ការផ្ញើ​ឯកសារ​​​ពី​ប្រព័ន្ធ​ប្រតិបត្តិការ iOS មក Mac OS គឺ​មាន​ភាព​ងាយ​​ស្រួល ហើយ​របៀប​ប្រើ​នេះ​មាន​ប្រិយមិត្ត​មួយ​ចំ​នួន​មិនទាន់​ដឹង​នៅឡើយ​។

​
ខាងក្រោម​នេះ​ជា​វិធី​ផ្ញើ​រូបថត​ពី iOS មក Mac៖​

• ​នៅលើ iPhone ត្រង់​កន្លែង​រូបថត​ដែល​អ្នក​ចង់​ផ្ញើ​ចុច​លើ​ប៊ូ​តុង Sharing​

• ​បើក Mac ចូល​ទៅកាន់ Finder ហើយ​ជ្រើសរើស​យក Airdrop ដែល​នៅរ​បារ​ខាងឆ្វេង​
• ​ចុច​លើ “Allow me to be discovered by” រួច​ជ្រើសរើស​យក Everyone ឬ Contact Only​

​

• ​ចូល​ទៅកាន់ iPhone ត្រង់ Sharing ចុច​លើ Airdrop ដូច​រូប​ខាងក្រោម​ ​

• ​នៅលើ iPhone រង់ចាំ​ប​ន្តិ​ចអ្ន​ក​នឹងឃើញ​ឈ្មោះ​ម៉ាស៊ីន Mac របស់​អ្នក​ផុស​ឡើង​
• ​ចុច​លើ ឈ្មោះ​ម៉ាស៊ីន Mac (Mac user) ដើម្បី​ចាប់ផ្តើម​ផ្ញើ​ឯកសារ ឬ​រូបថត​ទៅ Mac​

• ​Airdrop នឹង​ចាប់ផ្ដើម​ផ្ញើ​ឯកសារ​ពី iPhone ទៅ Mac នៅពេលដែល​ផ្ញើ​ចប់​ឯកសា​រទាំង​នោះ​នឹងរ​ត់​ទៅកាន់​ថត Download

​
ចំណាំ​៖ ដើម្បី​ប្រើ Airdrop បាន​នៅលើ iPhone, iPad ឬ Mac​ អ្នក​ត្រូវតែ​បើក Bluetooth និង WiFi ហើយ​ឧបករណ៍​ទាំង​នោះ​ត្រូវតែនៅ​ជិតគ្នា​។​