ហេតុអ្វីបានជា សំបកកង់​ មានតម្លៃខុសៗគ្នា?

ពុធ, 20 កុម្ភៈ 2013 10:31

សំបកកង់រថយន្តមានតម្លៃខុសៗគ្នាទៅតាមប្រភេទ និងទំហំនៃរង្វង់កង់រថយន្ត និង​អាស្រ័យ​លើ​ម៉ាកយីហោ ដែលក្រុមហ៊ុនបានផលិត ដូចជាតម្លៃសំបកកង់របស់រថយន្ត Camry និង Highlander គឺខុសគ្នា សំរាប់រង្វង់លេខ ១៦ ដូចគ្នា ដោយសារទម្ងន់ផ្ទុករបស់រថយន្តទាំងពីមានភាពខុសគ្នា សំរាប់ Highlander អាចផ្ទុកបានទម្ងន់ច្រើនជាង Camry ដូច្នេះសំបកនិមួយៗ ត្រូវបានគេផលិតឡើង​តម្រូវ​ទៅតាមទម្ងន់ផ្ទុកនៃរថយន្តទាំងនោះ។

ភាពខុសគ្នាមួយទៀតគឺ អាយុកាលនៃការប្រើប្រាស់ ក្រុមហ៊ុនផលិតសំបកកង់និមួយៗ មានការ​អះអាងផ្សេងៗគ្នាថា សំបកកង់ដែលពួកគេបានផលិត មានអាយុកាលប្រើប្រាស់បានច្រើន​ពាន់​ម៉ាយ សំបកកង់ដែលមានតម្លៃថោកខ្លះ អាចប្រើបានត្រឹមតែ 10,000 ម៉ាយ ចំណែកសំបក​ដែលមាន​តម្លៃថ្លៃអាចប្រើ បានច្រើនជាងនេះ។

តម្លៃក៏អាចភាពខុសគ្នាដោយអាស្រ័យលើ គុណភាព និង ភាពធន់របស់វា ដូចជាអាចបើកបរ​លើ​គ្រប់​ស្ថានភាពផ្លូវ បានទាំងអស់ និង មានភាពតោងស្អិតល្អ នៅពេលបើកបរនៅលើផ្លូវសើម ឬ រអិល ដែលជាកត្តាមួយបញ្ចៀសនូវគ្រោះ បានមួយកំរិត។

កត្តាមួយទៀតដែលធ្វើឲ្យតម្លៃមានភាពខុសគ្នាគឺ ល្បឿនខ្ពស់បំផុតដែលសំបកកង់នោះអាច​រត់បាន​ក្នុងមួយម៉ោង ជាទូរទៅសំបកកង់រថយន្ត ស្ព័រមានតម្លៃថ្លៃជាងគេ ដោយសាររថយន្តប្រភេទនេះ មាន​​ល្បឿនលឿន ដូច្នេះវាត្រូវការសំបកដែលធន់និងការកកិតទៅនិងថ្នល់ និងទ្រាំទ្របានល្អនៅសំពាធខ្យលកង់រីកមាឌ។

លោកអ្នកអាចពិនិត្យប្រភេទសំបកកង់បាន ដោយចុចទីនេះ។