តើធុងសាំង រថយន្តរបស់អ្នក នៅខាងធ្វេង ឬ ស្តាំ?

ព្រហស្បតិ៍, 04 កក្កដា 2013 11:34

សំនួរនេះងាយស្រួលឆ្លើយបំផុត កន្លែងចាក់សាំងអាចស្ថិតនៅខាងឆ្វេង ឬ ស្តាំ ទៅតាម​ម៉ូឌែល​នៃរថយន្តនិមួយៗ ហើយយើងអាចដឹងបានដោយមើលពីខាងក្រៅបាន ចុះប្រសិនបើលោកអ្នកខ្ចី​រថយន្ត របស់មិត្តភក្តិ ហើយមិនបានចាំអារម្មណ៍មើល ថាតើធុងសាំងនៅខាងណានោះ នៅពេល​ចាក់សាំងនោះវានិងមានការពិបាក ដូចជាធុងនៅខាងឆ្វេង ចតចាក់សាំងអែបស្តាំ ដូច្នេះអ្នក​ចាក់សាំង​ត្រូវអូសទុយោបញ្ច្រាស់ (មើលរូបខាងក្រោម)។


វិធីមួយដែលអាចឲ្យលោកអ្នដឹងបាន ដោយមិនចាំបាច់ចុះមើលនោះគឺមើលក្នុងតាប្លូ ក្នុងរថយន្ត នៅជិតទ្រនិចកុងទ័រសាំង មានរូប ទូរសាំង និង មានព្រួញនៅក្បែរវា ប្រសិន​បើព្រួញនោះបាញ់​មក​ឆ្វេង នោះមានន័យថា ធុងសាំងស្ថិតនៅខាងឆ្វេងនៃរថយន្ត ប្រសិនបើវាបាញ់មកស្តាំ នោះធុងសាំង​គឺនៅខាងស្តាំ (មើលរូបខាងក្រោម)។