7:32 PM
រថយន្តដែលប្រើការឡេទាំង៤ ភាគច្រើនបានបិទផ្លាកសញ្ញាថា Part-time ឬ Full time four wheel drive (4WD) តើពាក្យទាំងនេះមានន័យយ៉ាងដូចម្តេច?
១. Part Time 4WD:
រថយន្តប្រភេទ Part time 4WD ដំណើរការតែកាឡេក្រោយប៉ុណ្ណោះ សំរាប់បើកបរនៅក្នុងក្រុង និង ផ្លូវរាបស្មើរ ហើយកាឡេមុខ និងដំណើរការដោយស្វ័យប្រវត្តិ នៅពេលលោកអ្នកបើកបរនៅលើស្ថានភាពផ្លូវពិបាក។ Part Time 4WD មានពីរល្បឿនគឺ ទាប និង ខ្ពស់ (L/H)។ រថយន្តមួយចំនួន មិនដំណើរការដោយស្វ័យប្រវត្តិនោះទេ ប៉ុន្តែមានចង្កឺះលេខ មួយទៀតសំរាប់ឲ្យលោកអ្នកប្តូរដោយខ្លួនឯង (កាពីតាស) ឬ កុងតាក់សំរាប់ចុចដំណើរការប្រសិនបើរថយន្ត លោកអ្នកមិនមានប្រព័ន្ធស្វ័យប្រវត្តិ សូមកុំដំណើរការ កាឡេមុខក្នុងការបើកបរ នៅផ្លូវរាបស្មើរ (ក្នុងក្រុង) ព្រោះវាធ្វើឲ្យខូចប្រអប់លេខ។
២. Full Time 4WD:
Full time 4WD ជាប្រភេទរថយន្តបើកបរដោយកាឡេមុខនិងក្រោយ ដែលកង់ទាំង៤ មានកំលាំងរមួលស្មើរៗគ្នា មិនថាបើកបរនៅក្នុងក្រុង ឬ នៅលើស្ថានភាពផ្លូវពិបាកនោះទេ គឺកង់់ទាំង ៤ ដំណើរការទាំងអស់ លើកលែងរថយន្តមួយចំនួនផលិតឡើងគឺអាចប្រើជា Part Time 4WD បានដោយប្តូរលេខទៅ 2WD វិញបាន។
៣. All Wheel Drive (AWD):
AWD ស្រដៀងគ្នានិង Full time 4WD ដែរ កង់ទាំង ៤ របស់រថយន្តទទួលបានកំលាំងរមួលពីម៉ាស៊ីនស្មើរៗគ្នា និងដំណើរការទាំងអស់ គ្រាន់តែ AWD ពុំមានកុងតាក់សំរាប់ប្តូរទៅប្រើ 2WD បានទេ ទោះបីជាបើកបរក្នុងស្ថានភាព ផ្លូវបែបណាក៏ដោយ មិនថានៅក្នុងក្រុងនោះទេ។
0 comments:
Post a Comment