៩​ ​យ៉ាង​ដឹង​ឲ្យ​ច្បាស់​ពី​​ ​Prime Lens​ ​​មុនទិញ​កុំ​ឲ្យ​ខកចិត្ត​

Prime lens​ ​អាច​ធ្វើ​ឲ្យ​ការ​ផលិត​រូបភាព​មាន​កម្រិត​ច្បាស់​ល្អ​ ​(High-resolution)​ ​កាមេរ៉ា​ចាប់​រូប​បាន​លឿន​ព្រោះ​មាន​ ​Aperture​ ​ធំ​ ​និង​ជួយ​កាត់​បន្ថយ​ភាព​ញ័រ​របស់​កាមេរ៉ា​ ​ងាយ​ប្រើ​សម្រាប់​ថត​កន្លែង​ងងឹត​ ​និង​ពិសេស​សម្រាប់​ការ​ថត​រូប​ប្រភេទ​ ​Portrait​ ​ដែល​មាន​ ​Depth of Field​ ​ជ្រៅ​ ​(ច្បាស់​មុខ​ព្រាល​ក្រោយ)។

ពេល​អ្នក​ទិញ​ ​Prime lens​ ​គួរ​ដឹង​ថា​ ​Focal length​ ​មួយ​ណា​ដែល​អ្នក​ត្រូវការ​ ​ឧទាហរណ៍​ដូច​ជា​ ​35mm, 50mm, 85mm​ ​ដែល​ចាត់​ទុក​ជា​ ​lens​ ​ដែល​អ្នក​ថត​រូប​មិន​អាច​ខ្វះ​បាន​ ​ហើយ​ដើម្បី​យល់​ច្បាស់​ពី​ ​Prime Lens​ ​តោះ​មក​ដឹង​ចំណុច​ពិសេស​នានា​របស់​វា​ ​៖

១. ងាយ​ផ្ដោត​អារម្មណ៍​លើ​ការ​ថត​រូប​

មិន​ចាំ​បាច់​ប្រើ​បច្ចេកទេស​ច្រើន​ ​គឺ​គ្រាន់​តែ​កំណត់​ ​Aperture​ ​តាម​ការ​ចង់​បាន​គឺ​ជា​ការ​ស្រេច។ បើ​ប្រៀប​ធៀប​ ​Zoom Lens​ ​គឺ​ខុស​ឆ្ងាយ​ដោយ​វា​តម្រូវ​បច្ចេកទេស​ច្រើន​រួម​ទាំង​ការ​កំណត់​ ​Aperture​ ​និង​ប្រវែង​ ​Zoom។

២. ទម្ងន់

Prime lens​ ​មាន​ការ​រចនា​សាមញ្ញ​ ​និង​ស្រាល​ ​ដែល​ធ្វើ​ឲ្យ​ងាយ​ស្រួល​យក​តាម​ខ្លួន​ជា​ពិសេស​ពេល​ធ្វើ​ដំណើរ​កម្សាន្ត។ ប៉ុន្តែ​ចំពោះ​ Prime lens​ ​មួយ​ចំនួន​ដូច​ប្រភេទ​ ​85mm f/1.2​ ​គឺ​មាន​ទម្ងន់​ធ្ងន់​បន្តិច​ព្រោះ​មាន​កញ្ចក់​កែវ​ធំ​ ​និង​ច្រើន​ជាន់​ ​ហើយ​តម្លៃ​ក៏​ខ្ពស់​ដែរ។

៣. កាន់​តែ​ធំ​ ​កាន់​តែ​ល្អ​

ព្រោះ​ ​Prime Lens​ ​ដែល​មាន​ទំហំ​ធំ​គឺ​ផលិត​ដោយ​មាន​គុណភាព​ខ្ពស់​ ​ជា​ពិសេស​លឿន​បំផុត​កញ្ចក់​កែវ​ធំ​ ​និង​ច្រើន​ជាន់​ ​ហើយ​ជា​ទូទៅ​ ​Lens​ ​នេះ​មាន​ ​Apertures​ ​ចន្លោះ​ ​f/1.4 ឬ f/1.8។

៤. ពន្លឺ

Prime Lens​ ​មាន​ ​Apertures​ ​ធំ​ ​ដែល​ងាយ​ថត​កន្លែង​ងងឹត​ ​តែ​បើ​ចង់​ថត​ ​f/1.4 ឬ​ f/1.8​ ​នៅ​ក្រោម​កម្ដៅ​ថ្ងៃ​នោះ​ ​គឺ​ចាំ​បាច់​ណាស់​គួរ​ចំណាយ​ថវិកា​ទិញ​បន្ថែម​លើ​ ​Neutral density​ ​(ND)​ ​filters​ ​ដែល​ប្រើ​សម្រាប់​កាត់​បន្ថយ​ពន្លឺ​ចាំង​ចូល​ក្នុង​កាមេរ៉ា​ពេល​ថត​ក្រោម​ពន្លឺ​ព្រះ​អាទិត្យ​ភ្លឺ​ខ្លាំង។

៥. ជ្រើសរើស​ ​Focal length

មុន​នឹង​ធ្វើ​ការ​ទិញ​ ​Prime lens​ ​អ្នក​គួរ​តែ​ធ្វើ​ការ​ស្រាវ​ជ្រាវ​ពី​ប្រភព​ផ្សេងៗ​ ​ថា​តើ​ ​Prime lens​ ​ប្រភេទ​ណា​ដែល​អ្នក​ត្រូវ​ការ​ ​ដែល​មាន​ដូច​ជា​ ​24mm, 28mm ឬ​ 35mm។

៦. Close quarters

ងាយ​ស្រួល​ថត​រូប​ដែល​នៅ​ជិត​ ​តែ​មិន​ងាយ​ថត​ប្រភេទ​ ​Macro​ ​ព្រោះ​ ​Focal length​ ​ជា​ពិសេស​ ​Lens​ ​50mm និង​ 35mm។

៧. គែម​រូបថត​ ​គឺ​មិន​សូវ​ច្បាស់

Prime Lens​ ​មាន​ ​Aperture​ ​ធំ​ ​ដែល​ដែល​ថត​ច្បាស់​តែ​ ​Subject​ ​ណា​មួយ​ ​ហើយ​សម្រាប់​គែម​រូប​ ​ឬ​ផ្នែក​នានា​ផ្សេង​ទៀត​គឺ​មិន​ច្បាស់​ទេ។

៨. ថត​បាន​ស្អាត​សម្រាប់​រូប​ថត​ប្រភេទ​ ​Portrait

Lens 50mm នៅ​លើ​តួ​កាមេរ៉ា​ ​APS-C format​ ​ពិត​ជា​ល្អ​សម្រាប់​រូបភាព​លក្ខណៈ​ ​Portrait​ ​ដែល​ ​Aperture​ ​ធំ​បំផុត​ f/1.4 ឬ f/1.8 នឹង​ធ្វើ​ឲ្យ​ផ្ទៃ​ខាងក្រោយ​ព្រាល​បាន​ល្អ​ជាង​ ​Zoom lens 18-55mm។

៩. ថវិកា​

ប្រសិន​បើ​អ្នក​មាន​ថវិកា​គ្រប់គ្រាន់​ ​អ្នក​គួរ​ទិញ​ ​Professional optic​ ​ដូចជា​ ​Lens​ ​ប្រភេទ​ ​full-frame​ ​ដែល​មាន​ ​Aperture​ ​ដល់​ ​f/1.2៕

ប្រភព៖ Techradar អត្ថបទ ​៖ ប៊ុន ធឿន