ប្តូរ Password ហ្វេសប៊ុក

តើ​អ្នក​​គួរ​ផ្លាស់ប្ដូរ​លេខ​សម្ងាត់ (Password) ញឹកញាប់​យ៉ាង​ណា​ដើម្បី​សុវត្ថិភាព នៅពេល​ដែល​អ្នក​ប្រើប្រាស់​បណ្តាញ​សង្គម​ជា​រៀងរាល់ថ្ងៃ។

Facebook បាន​ក្លាយ​ជា​បណ្តាញ​ទំនាក់ទំនង​យ៉ាង​សំខាន់ សម្រាប់​ការ​រស់នៅ​ប្រចាំ​ថ្ងៃ ប៉ុន្តែ​ក៏​កើត​មាន​បញ្ហា​ឈឺ​ក្បាល​មិន​តិច​ដែរ។

តាម​ការ​បកស្រាយ​ពី​គេហទំព័រ Quora បាន​លើក​ឡើង​ថា អ្នក​ប្រើប្រាស់ Facebook គួរ​ផ្លាស់ប្ដូរ​កូដ​សម្ងាត់ (Password) យ៉ាង​តិច ៣ ខែ​ទៅ​ ៦ ខែ​ម្ដង ឬ ២ ទៅ ៤ ដង​ក្នុង​មួយ​ឆ្នាំ។
មូលហេតុ​ដែល​ត្រូវ​ផ្លាស់ប្តូរ​ញឹកញាប់ ពីព្រោះ​អ្នក​មិន​អាច​ដឹង​ទេ​នៅ​ពេល​ធ្វើ​ការ Login គណនី​នៅ​ទី​សាធារណៈ ឬ​ក្បែរ​ភ្នែក​អ្នក​ដទៃ រួម​ទាំង​ការ​ប្រឈម​ការ Hack ដែល​អាច​កើត​ឡើង​នោះ​។
គេហទំព័រ​ដដែល​បន្ត​ថា ការ​ផ្លាស់ប្តូរ Password ​អាច​​ធ្វើ​គ្រប់​ពេល​​បើសិន​​អ្នក​មិន​ស្រួល​ចិត្ត​ថា​មាន​បុគ្គល​ផ្សេង​ ដឹង​លេខ​សម្ងាត់​របស់​អ្នក។

+វិធី​ប្ដូរ Password គណនី Facebook:

• -ចូល​ទៅ​កាន់ Settings នៃ Facebook
• -រើស​យក​ Security and Login
• -យក​ពាក្យ Change Password
• -ចន្លោះ​ទី ១ (Current) វាយ​បញ្ចូល Password កំពុង​ប្រើ ចន្លោះ​ទី ២ និង​ទី ៣ វាយ​បញ្ចូល Password ថ្មី ហើយ​ចុច Save Changes
• -គ្រីស​លើ Log Out of other devices ករណី​បើ​មាន​អ្នក​លួច​លេង​ វាយ​នឹង​ស្វ័យប្រវត្តិ Log Out ពី​ឧបករណ៍​គេ។​​