11:32 PM
១. Audemars Piguet: នេះជាប្រភេទនាឡិកាស្វ៊ីសដ៏ប្រណិតមួយ ដែលបង្កើតឡើងដោយលោក Jules-Louis Audemars និងលោក Edward-Auguste Piguet ក្នុងឆ្នាំ ១៨៧៥ ។ ពួកគេបានផលិតនាឡិកាក្រោមស្លាកយីហោ Audemars Piguet ប្រមាណ ៣៦,000 គ្រឿងជារៀងរាល់ឆ្នាំ ។ ក្រោយមកនាឆ្នាំ ១៩៩៣ ពួកគេក៏បានបង្កើតឈ្មោះថ្មីមួយទៀតហៅបានថា Royal Oak Offshore ។
២. Vacheron Constantin: Brand មួយនេះជាក្រុមហ៊ុនផលិតនាឡិកាប្រណិតដ៏ចំណាស់មួយ ដែលបង្កើតឡើងដោយលោក Jean-Marc Vacheron នាឆ្នាំ ១៧៥៥ ក្នុងទីក្រុង Geneva ប្រទេសស្វីស។ ការផលិតនាឡិកាដែលមានស្លាកយីហោខាងលើ រមែងឆ្លុះបង្ហាញយ៉ាងច្បាស់ពីកេរដំណែល និងភាពមានលក្ខណៈខុសប្លែកពីពពួកនាឡិកាដទៃ។
៣. Patek Philippe: ស្លាកយីហោរបស់ប្រទេសស្វីសមួយនេះ ក៏ត្រូវបានរកឃើញដោយលោក Patek Phillipe នាឆ្នាំ ១៨៥១ ហើយការបង្កើតនាឡិកាដែលមានរូបរាងបែបប្រពៃណីរបស់ខ្លួន អស់រយៈពេលជាច្រើនឆ្នាំមកហើយ។
៤. Blancpain: ស្លាកយីហោមួយនេះបានរកឃើញឡើងនាអំឡុងឆ្នាំ ១៧៣៥ ប៉ុន្តែវាទទួលបានការគាំទ្រពីសំណាក់អ្នកប្រើប្រាស់ ក្នុងអំឡុងសតវត្សទី ១៩ ដោយវាមានការបំពាក់នូវរចនាបថគំនិតច្នៃប្រឌិតខ្ពស់ គួបផ្សំនឹងរូបរាងស្អាតបែប (Minimalistic) ។
៥. Chopard: នាឡិកាស្វីសមួយទៀត ដែលរកឃើញនាឆ្នាំ ១៨៦០ ដោយលោក Louis-Ulysse Chopard ក៏កំពុងទទួលបានការពេញនិយមប្រើប្រាស់ច្រើនពីសំណាក់អតិថិជន។ សម្រាប់ប្រភេទនាឡិកាប្រណិតមួយនេះ គឺមានលក្ខណៈច្បាស់លាស់ទាំងការបង្ហាញម៉ោងលម្អិតផ្សេងៗ មិនមានភាពស្មុគស្មាញដូចពពួកនាឡិកាប្រណិតមួយចំនួនឡើយ។
៦. IWC Schaffhausen: រុករកឃើញនាឆ្នាំ ១៨៦៨ ហើយត្រូវបានចាត់ទុកជានាឡិកាស្វីសប្រណិតលំដាប់កំពូលមួយដែរ។ វាមានរូបរាងសាមញ្ញនិងលោហធាតុល្អគ្មានគូប្រៀប ក្នុងការផលិតចេញជានាឡិកាមួយគ្រឿងៗ។
៧. Rolex:វាជាស្លាកយីហោល្បីបំផុតមួយប្រចាំពិភពលោក ដោយជារៀងរាល់ថ្ងៃក្រុមហ៊ុននេះផលិតនាឡិកាបានប្រមាណ ២ ពាន់គ្រឿងក្នុងមួយថ្ងៃ ។
៨.Ulysse Nardin: វាបានរុករកឃើញនៅឆ្នាំ ១៨៤៦ លក្ខណៈពិសេសមួយគឺត្រង់ខ្សែនាឡិកាមានពណ៌ស្អាតប្លែកពីនាឡិកាដទៃទាំងអស់។
៩. Jaeger-LeCoultre: វាជាពពួកនាឡិកាស្វីសប្រណិតមួយដូចគ្នា ទាក់ទងនឹងធាតុផ្សំរបស់នាឡិកាស្លាកយីហោមួយនេះ បានធ្វើឱ្យអ្នកពាក់ភាគច្រើនមានការរំភើបចិត្ត ដោយចង់ពាក់វាម្ដងហើយម្ដងទៀត។
១០. Panerai: ត្រូវបានរកឃើញនៅក្នុងទីក្រុង Florence ប្រទេសអ៊ីតាលីកាលពីឆ្នាំ ១៨៦០ ប៉ុន្តែបច្ចុប្បន្នការិយាល័យធំរបស់ស្លាកយីហោខាងលើ មានទីតាំងនៅទីក្រុង Milan ប្រទេសអ៊ីតាលីដដែល។ ចំពោះការរចនាក៏មិនខុសច្រើនពីគេដែរ ប៉ុន្តែត្រង់ប្រភេទលេខបង្ហាញ និងធាតុផ្សំគឺមានលក្ខណខុសស្រឡះពីស្លាកយីហោដទៃ។
១១. Piaget SA: វាត្រូវបានរកឃើញដោយលោក Georges Edouard Piget ក្នុងទីក្រុង La Cote-aux-Fees ប្រទេសស្វីស។ កាលពីឆ្នាំ ២០១៤ កន្លងទៅ ក្រុមហ៊ុននៃស្លាកយីហោ Piaget SA បានធ្វើការប្រកាសបង្ហាញនូវនាឡិកាប្រណិតម៉ាក Altiplano 900P ដែលជាប្រភេទនាឡិកាស្ដើងបំផុតក្នុងលោក។
១២. Cartier: នេះជាស្លាកយីហោរបស់ប្រទេសបារាំង ដែលរកឃើញក្នុងឆ្នាំ ១៨៤៧ នៅទីក្រុងប៉ារីស យ៉ាងណាមិញក៏ត្រូវបានគេបញ្ជាក់ថា វាជាស្លាកយីហោលក់គ្រឿងអលង្ការដ៏ល្បីប្រចាំពិភពលោកមួយផងដែរ។
១៣. Breitling:ស្លាកយីហោនេះរកឃើញនៅឆ្នាំ ១៨៨៤ ប៉ុន្តែត្រូវបានគេដឹងថាវាជាពពួកនាឡិកាប្រណិតមានភាពធន់មាំប្រើប្រាស់បានយូរជាងនាឡិកាដទៃ។
១៤. Bell & Ross: ស្លាកយីហោរបស់ប្រទេសបារាំងមួយទៀត ដែលបង្កើតឡើងដោយលោក Bruno Belamich និង Carlos A. Rosillo នាឆ្នាំ ១៩៩២ ។
១៥. Omega: នេះជាស្លាកយីហោរបស់ក្រុមហ៊ុនផលិតនាឡិកាប្រទេសស្វីស កាលពីឆ្នាំ ១៩១៧ កងទ័ពអាកាសរបស់អង់គ្លេសបានជ្រើសរើសនាឡិកា Omega ទុកជាឧបករណ៍ផ្លូវការសម្រាប់កំណត់ពេលវេលានៃមាត្រដ្ឋានប្រយុទ្ធ មុនដល់ឆ្នាំ ១៩១៨ នៃការប្រើប្រាស់របស់កងទ័ពអាមេរិកវិញម្ដង។
១៦. Bremont: ជាក្រុមហ៊ុនផលិតនាឡិកាប្រណិតរបស់អង់គ្លេស ។ កាលពីឆ្នាំ ២០០២ បងប្អូនប្រុស លោក Nick និង Giles បានធ្វើការបំផុសឱ្យស្លាកយីហោមួយនេះ មានភាពល្បីល្បាញឡើង។
១៧. TAG Heuer: ជាក្រុមហ៊ុនផលិតនាឡិកាស្វីស ដែលមិនត្រឹមតែនាឡិកាប៉ុណ្ណោះទេ សូម្បីតែទូរស័ព្ទ និងឧបករណ៍មួយចំនួនទៀត ក៏ជ្រកក្រោមស្លាកយីហោមួយនេះដែរ។
១៨. Seiko: វាត្រូវបានរកឃើញក្នុងទីក្រុងតូក្យូប្រទេសជប៉ុន កាលពីឆ្នាំ ១៨៨១ ក្រុមហ៊ុនមួយនេះបានបង្កើតទាំងនាឡិកាប្រភេទ Quartz និង Mechanical ។ មិនត្រឹមប៉ុណ្ណោះ ពួកគេក៏បានបន្តអភិវឌ្ឍពីមួយឆ្នាំទៅមួយឆ្នាំ រហូតបានពង្រីកដល់ការលក់ទាំងគ្រឿងអលង្ការថែមទៀតផង។
១៩. Louis Moinet: អ្នករកឃើញស្លាកយីហោនាឡិកាស្វីសនេះ មិនត្រឹមតែជាអ្នកផលិតនាឡិកាដ៏ជំនាញម្នាក់ទេ ក្រៅពីនោះគាត់ក៏ជាវិចិត្រករនិងជាងចម្លាក់មួយរូបផងដែរ។
២០. A.Lange & Sohne: វាត្រូវបានរកឃើញនៅឆ្នាំ ១៨៤៥ ដោយលោក Ferdinand Adolph Lange។ នាឡិកាប្រណិតស្លាកយីហោខាងលើ ត្រូវបានរចនាឡើង ក្នុងទម្រង់ពណ៌ខុសគ្នាច្រើន រួមមានពណ៌ Gold, Yellow Gold, Rose God, White Gold និង Platinum ជាដើម។
0 comments:
Post a Comment