ពាក្យ Assembled និង Manufactured អ្នក​ប្រើ iPhone ភាគ​ច្រើន​នៅ​ច្រឡំ

ទាក់ទង​នឹង​ព័ត៌មាន​បរទេស​ជា​ច្រើន​ជុំវិញ​ទូរសព្ទ iPhone របស់ Apple អ្នក​តាមដាន​ប្រាកដ​ជា​​និយម​ឃើញ​ពាក្យ Assembled និង Manufactured។ ពាក្យ​ទាំង​ ២ នេះ​ជា​ពាក្យ​បច្ចេកទេស ដែល​មនុស្ស​ភាគ​ច្រើន​គិត​ថា​ដូច​គ្នា ហើយ​បក​ន័យ​តែ​មួយ ប៉ុន្តែ​មិន​ដូច្នោះ​ទេ​ព្រោះ​វា​មាន​អត្ថន័យ​ខុស​គ្នា​ដាច់​ស្រឡះ។

១.Manufactured: ជា​ដំណើរការ​នៃ​ការ​ប្រមូល​ផ្ដុំ​ផ្នែក​គ្រឿង សម្រាប់​ផលិត​ចេញ​ជា​ទូរសព្ទ iPhone មួយ​គ្រឿង។ ផ្នែក​គ្រឿង​ទាំង​នោះ ទទួល​ការ​ផ្គត់ផ្គង់​តាម​បណ្ដា​ប្រទេស​ជុំវិញ​ពិភពលោក ដោយ​ក្រុមហ៊ុន​ក្នុង​តំបន់​ខ្លះ​ផ្គត់ផ្គង់​ផ្នែក​កាមេរ៉ា, បន្ទះ​អេក្រង់, ទ្រនាប់​ស្កេន​ក្រយៅដៃ, ផ្នែក​ WiFi ជាដើម។​

២.Assembled: ជា​ដំណើរការ​បន្ទាប់​ក្រោយ Manufactured បាន​ប្រព្រឹត្តិ​ទៅ​ចប់ ពាក្យ​សាមញ្ញ​យើង​ហៅ​ថា ដំឡើង។ កន្លង​ទៅ​យើង​ធ្លាប់​ឃើញ iPhone SE សំបក​ខ្នង​ក្រោយ ដាក់​ថា Assembled in India ដែល​មាន​ន័យ​ថា​ ដំឡើង​នៅ​ប្រទេស​ឥណ្ឌា។ វា​ចាប់​ផ្ដើម​ប្រមូល​នូវ​ផ្នែក​គ្រឿង​ទាំង​អស់​ដូច​បាន​រៀបរាប់​ពី​ចំណុច​ទី ១ ហើយ​យក​មក​ផ្គុំ​រៀប​ចំ​ ដំឡើង​ចេញ​ជា​ទូរសព្ទ iPhone មួយ​គ្រឿង ដែល​ជា​ដំណាក់កាល​បញ្ចប់។

សរុប​ជា​រួម​បើ​យើង​និយាយ​ទាក់ទង​ផ្នែក​ឧស្សាហកម្ម​រោងចក្រ Manufactured ជា​រោងចក្រ​ផ្គត់ផ្គង់​ផ្នែក​គ្រឿង​ផ្សេងៗ​សម្រាប់ iPhone ហើយ Assembled ជា​រោងចក្រ​ចាំ​ធ្វើ​ការ​ដំឡើង​ទូរសព្ទ iPhone មុន​បាន​ដឹក​ជញ្ជូន​ដាក់​លក់​នៅ​លើ​ទីផ្សារ។