គន្លឹះ​មាន​ប្រយោជន៍​​២​យ៉ាង​នេះ អ្នក​ប្រើ​ iPhone ខ្លះ​​​​អាច​​​​មិន​ទាន់​​ដឹង​

iPhone ​ជា​ទូរសព្ទ​ដៃ​ទំនើប​មួយ​ ដែល​មាន​មុខងារ​ជា​ច្រើន​ និង​មាន​គន្លឹះ​​ខ្លីៗ​​​​ច្រើន​យ៉ាង។ ​​ចុង​សប្ដាហ៍​នេះ​ Sabay ​សូម​ចែក​រំលែក​គន្លឹះ​ខ្លីៗ​មាន​​ប្រយោជន៍​២​យ៉ាង​ ​ដែល​​​អ្នក​ប្រើ​ប្រាស់​មួយ​ចំនួន​ អាច​នៅ​មិន​​​ទាន់​ដឹង​នៅ​ឡើយ។ តោះ! សូម​មើល​ខាង​ក្រោម៖

១. សាក​ថ្ម​ឲ្យ​ឆាប់​ចូល​ពេញ​លឿន

ពេល​អ្នក​​ប្រញាប់​ និង​ចង់​សាក​ថ្ម​ iPhone ​ឲ្យ​ឆាប់​ពេញ​លឿនៗ។ ដូច្នេះ​វិធីសាស្ត្រ​ល្អ​បំផុត​គឺ ត្រូវ​ប្រើ​មុខងារ​ Airplane Mode។ ​នៅ​ពេល​ដែល​​កាត់​ផ្ដាច់​ការ​បញ្ជូន​ និង​បញ្ចេញ​ទិន្នន័យ​ដូច​នេះ​ នោះ​ថ្ម​នឹង​សាក​ឆាប់​ចូល​លឿន។ ​ដើម្បី​បើក​ Airplane Mode ​យើង​ត្រូវ​ចូល​ Setting → រួច​ចុច​ Airplane Mode ​បើក​អូស​ទៅ​ស្ដាំ។ ​​​ក្រោយ​ពេល​សាក​ថ្ម​ពេញ​ អ្នក​អាច​​បិទ​ Airplane Mode ​​វិញ​ជា​​ការ​ស្រេច។

២. ​ចង់​ដឹង​ថា​នៅ​តំបន់​​​​​យើង ​​គេ​​ពេញ​និយម​ប្រើ​កម្មវិធី (Apps) ​អ្វី​ច្រើន​ជាង​គេ​​​ គឺ​អាច​ដឹង​ស្រួល​បំផុត

នៅ​ពេល​អ្នក​ចង់​ដឹង​ថា ​តើ​នៅ​តំបន់​ក្បែរ​អ្នក​រស់​នៅ​ អ្នក​ប្រើ​ប្រាស់​ iPhone ភាគ​ច្រើន​​ ពួកគេ​ពេញ​យម​ Download កម្មវិធី​អ្វី​ច្រើន​ជាង​គេ? ឬ​មួយ​នៅ​ពេល​អ្នក​ធ្វើ​ដំណើរ​ឆ្ងាយៗ ​ហើយ​ចង់​ដឹង​ពី​​អ្នក​ប្រើ​ប្រាស់​នៅ​តំបន់​នោះ គឺ​​គ្រាន់​តែ​ចូល​ទៅ​ App Store –> រក​ពាក្យ​ Popular Near Me ​នៅ​​ក្រោម​គេ​ រួច​ចុច​លើ​វា​ នោះ​អ្នក​​នឹង​ឃើញ​ Apps ដែល​ពេញ​និយម​បំផុត​ សម្រាប់​អ្នក​ប្រើ​ប្រាស់​នៅ​តំបន់​នោះ ហើយ​អ្នក​អាច​ Download ​យក​​ទៅ​ប្រើ​ប្រាស់​​​តាម​ពួកគេ​​​បាន៕