ធូរ​លុយ​រាប់​រយ​ដុល្លារ បើ​ចេះតិកនិក​ថត​វីដេអូ​លើ iPhone នេះ

តាម​ពិត​បើ​គិត​ដល់​ការ​ថត​​​វីដេអូ​តាម​ទូរសព្ទ iPhone ពិត​ជា​​ជា​មាន​សមត្ថភាព​​ខ្លាំង។ iPhone ​អាច​ធ្វើ​ឲ្យ​វីដេអូ​ថត​មក​មាន​គុណភាព​​ខ្ពស់​​ហើយ​រលូន​ល្អ​មិន​ញ័រ​ទទ្រើត​ មើល​ចង់​វិល​មុខ​ឡើយ ទោះ​បី​ថត​ពេល​កំពុង​ដើរ​ក៏​ដោយ។

សម្រាប់​អ្នក​ប្រើ iPhone គួរ​ចេះ​កំណត់​​មុខងារ Photo & Camera ឲ្យ​បាន​ត្រឹមត្រូវ នោះ​ទើប​ធ្វើ​ឲ្យ​​វីដេអូ​ថត​ចេញ​មក​រលូន​ល្អ ត្រូវ​ចិត្ត មិន​បាច់​ទៅ​ទិញ​ឧបករណ៍​ទប់​លំនឹង OSMO តម្លៃ​រាប់​រយ​ដុល្លារ​ឡើយ។

អ្នក​អាច​កំណត់​មុខងារ​​នេះ ​បាន​​ដោយ​ចូល​ទៅ​ Settings > Photos & Camera > Record Video។

នៅ​ក្នុង Record Video អ្នក​នឹង​ឃើញ​កម្រិត​ភាព​ច្បាស់​, ​កម្រិត​ហ្វ្រេម​ក្នុង​មួយ​វិនាទី (fps) និង​ទំហំ MB របស់​​វីដេអូ​​រយៈ​ពេល​​មួយ​នាទី​៖

• 720p HD at 30 fps ៖ វីដេអូ​​​មួយ​ស៊ី​​ទំហំ​ Space តែ 60MB តែ​មាន​ភាព​​ញ័រ។
• 1080p HD at 30 fps៖ វីដេអូ​មួយ​ស៊ី​​ទំហំ​ Space 130MB រូប​ច្បាស់ តែ​នៅ​ញ័រ។
• 1080p HD at 60 fps៖ វីដេអូ​មួយ​ស៊ី​​ទំហំ​ Space 175MB រូប​ច្បាស់ ហើយ​ហ្នឹង​ល្អ មិន​ញ័រ​ ទោះ​បី​ថត​វីដេអូ​ពេល​កំពុង​ដើរ​ក៏​ដោយ។
• 4k at 30fps (សម្រាប់ iPhone 6s/6s Plus/7/7Plus)៖ វីដេអូ​មួយ​ស៊ី​​ទំហំ​ Space 350MB រូប​ច្បាស់​កម្រិត 4K តែ​នៅ​រាង​ញ័រ បើ​វីដេអូ​ថត​ពេល​កំពុង​ដើរ។

អ្នក​អាច​ជ្រើសយក 1080p HD at 60 fps ព្រោះ​វា​ធ្វើ​ឲ្យ​វីដេអូ​ថត​ចេញ​ពី iPhone មិន​ត្រឹម​​តែ​ច្បាស់​ តែ​ថែមទាំង​​រលូន​ល្អ មិន​ញ័រ​ឡើយ ទោះ​​អ្នក​ថត​ពេល​កំពុង​ដើរ រត់ ឬ ជិះ​ម៉ូតូ​ក្តី។ ចាប់​ពី​ស៊េរី iPhone 6 ឡើង នឹង​មា​ន​​កម្រិត 1080p HD at 60fps។

ទស្សនា​ការ​ធ្វើ​តេស្ត​​ផ្សេង​ៗ​គ្នា​ អំពី​វីដេអូ​ថត​ចេញ​ពី iPhone ក្នុង​កម្រិត 1080p HD at 60 fps៖